The Elder
28-10-2001, 11:34 AM
السلام للجميع
انا عارف ان البعض تضايق من تقريري الاول، بس مافي جهاز العابه كلها كاملة ،الكمال لله، وتجنن. بس نجي للالعاب الي تجنن فعلا.
سماش برذرز/ اعترف اني ماني من هواة العاب القتال ولا لعبت الجزء الاول منها. لاكن كان الجمهور عليها كثير وصياحهم عالى. الي عجبني في اللعبة ان اماكن القتال لها دور كبير في اللعبة. مثلا مرحلة كان اللاعبين على طريق سيارات وبعدين ارتفع فيهم المكان وصاروا يتقاتلون علي مصطحات ثلاث واثناء القتال كل شوي تمر سيارات كثيرة تتسابق والي يطيح في طريقها، ما يحتاج اكمل. يعني تقاتل خويك عادي واذا شفت السيارات جايه من بعيد تحاول ترميه في طريقها وتتمتع بشكله وهو يندعس، اجرام. الرسوم واضحة جدا طبعا. بس باربع لاعبين، اللاعبين يصيرون صغار شوي بشكل واضح على الشاشة،لازم احش ها. اروع شخصية تخليك تقول ياساتر هو براوسر. كنه ماخذ نص مضلعات اللعبة لحاله بجسمه الضخم ،اضخم شخصية شفتها في اللعبة، وكله عضلات كنه المصارع التمت ورير. على شكله راح يدوس اي واحد في طريقه ويمسح رجله على عتبة الباب وهو طالع. بشكل عام اللعبة جميله و الشاشه مزحومه بالاحداث والسرعة روعة. للي يحب القتال، هذى من جد روعة، ولو انها ماهي دموية، لاتفوتكم.
ستار وورز/ هذي ماهي لعبة ابد، هذا فلم تتحكم في بطله. ما في احد مر قدام اللعبة الا ووقف وسئل، هذي لعبة؟ سمعت السؤال هذا كثير. ببساطة الرسوم اروع من ان تكون لعبة. خاصة المناظر الي في الفضاء، فجاه تفتع عيونك وفمك فترة قبل ما تنتبه وتطالع حواليك تلاقي الكل مثلك وبعضهم ما انتبه بعد. فعلا رائعة وما توصف، لازم تنشاف، فعلا الجهاز جبار. هي كانت اكثر لعبة عليها زحمة لان الامريكان يموتون في اي شي له علاقه بستار وورز. للاسف مالعبتها لان الزحمه عليها غير طبيعيه. ماعبت عليها الا اثر الرصاص على الحديد، رجعنا للحش، الشرار الي يطلع ما هو مميز والرصاص ما يترك اي اثر للذكرى. بشكل عام اللعبة متعوب عليها وشوكة في حلوق الي يقولون ان الكيوب ما هو قوي. هذي لعبة جيل اول بس، تخيل وش بعد يجي.
ستار فوكس/ صدقوني لو الجهاز بينزل بهذي اللعبة بس، كان برضه بيبيع الملايين. لما تشوف اللعبة تقول، نعم هذا معني اللعب الحقيقي. ماعليهم شرهه غيروا زلدا، منافسة هذي اللعبة شى شبه مستحيل. الثعلب تفاصيله ماقد شفت مثلها وحركته رائعة جدا، صراحة هي الي كرهتني في اترنال داركنس، فرق السما عن الارض. هذي اللعبة لعبتها طبعا لاني بموت لو اطلع وانا ما جربتها. سويت قطت وجه يحبها قلبك. الكل زنقوا عند الدينصور الضخم ما عرفوا له، قلت وخروا اوريكم فيه، وعندك احلي تهزيئه وصلحه. طلعت افشل من اسؤ واحد فيهم، يا شين الزعاطه، لا وقلت لواحد امسك مجلاتي لو سمحت عشان اسحب في الدينصور. بعد ما سحب هو فيني، رجعلي المجلات وقال انتبه لا تعورك. دور وجهك عاد، يالله استاهل. بس اللعبة متعه بشكل خيالي. ودقيقة جدا جدا. الدينصور يدور في مكان زي حركة واحد من الوحوش في زلدا ال64، الي يدور وانت تلحقه وتضربة. الفرق الدينصور ضخم جدا ولا يتاثر لا بالضرب ولا الطلقات ولا تقدر تلحقه لانه ياخذ الممر كله في يمكن ثلاث خطوات. انا لاحظت ان في شي يلمع في الجدار وبعدبن شفت في السيدي الي عطوني انه يطلع منها شعاع يضر الوحش لين يموت، بس كيف يطلع الشعاع، الله اعلم. هذا وحش في بدايت اللعبة بس، كيف بعدين. على العموم، العبة زي الي قبلها تقدر تختار طرق ثانيه وتكمل. ايضا لعبت بالطيارة، رائعة بدون شك، بس ما تقدر تعلق على الاهداف، ما ادري اذا هذا نهائي ولا بيتغير، اتمني. اللي بيشتري الكيوب تكفيه هذي اللعبة يلعبها زرليون مرة لين ينمسح الدسك. صدقوني صرت امشي وصورة فوكس قدامي، شوي و امشي زي مشيته الرائعة. لا هو يمشي ولا يركض، ولا تقدر تغير سرعة مشيته ابد، حشى دعاية مو وصف. حد قد جرب انه اذا لعب لعبة يحس انه لحاله في الدنيا مع الجهاز بس ولا عاد يدري عن شي حواليه، هذا الي بيصير معاك لما تلعب ستار فوكس. ننتندو + ستار فوكس= سيطرة على عالم الالعاب. اللعبة راح ترفع مستوي العاب الثري دي الى مستوى اخر مثل ما سوي ماريو64.
بالنسبة لمونكي بول/ جربتها واعجبتني، العابها بسيطة بس كثييييرة ومتنوعة. ذكرتني بماريو بارتي.
على فكره في جهاز من باناسونك خلونا نجربه. ما تصدقون، سماعات اذن هزازه. اللي صممها اكيد ضارب له علبة فول منتهي صلاحيتها. الهزاز عبارة عن سماعة اذن عاديه لاكن تقدر تحول الزر على الهزاز، ويهز خفيف مع اللعبة. يمكن بيحبونه بعض الناس لاكن انا ما احب هزاز اليد كيف عاد الراس. يمكن ينفع للصداع او لتطييح القمل من الراس، اخاف تسوى لهم مساج ورح طلعهم عاد. امزح الجهاز لطيف.
كلمة اخيرة/ مع اني رحت وانا عارف ان الكيوب صغير واشرطته صغيره، لاكن لازم يصدمك لما تشفوهم على الطبيعة. تقول معقولة هذا جهاز بهذا الحجم. راااائع.
والسلام ختام
انا عارف ان البعض تضايق من تقريري الاول، بس مافي جهاز العابه كلها كاملة ،الكمال لله، وتجنن. بس نجي للالعاب الي تجنن فعلا.
سماش برذرز/ اعترف اني ماني من هواة العاب القتال ولا لعبت الجزء الاول منها. لاكن كان الجمهور عليها كثير وصياحهم عالى. الي عجبني في اللعبة ان اماكن القتال لها دور كبير في اللعبة. مثلا مرحلة كان اللاعبين على طريق سيارات وبعدين ارتفع فيهم المكان وصاروا يتقاتلون علي مصطحات ثلاث واثناء القتال كل شوي تمر سيارات كثيرة تتسابق والي يطيح في طريقها، ما يحتاج اكمل. يعني تقاتل خويك عادي واذا شفت السيارات جايه من بعيد تحاول ترميه في طريقها وتتمتع بشكله وهو يندعس، اجرام. الرسوم واضحة جدا طبعا. بس باربع لاعبين، اللاعبين يصيرون صغار شوي بشكل واضح على الشاشة،لازم احش ها. اروع شخصية تخليك تقول ياساتر هو براوسر. كنه ماخذ نص مضلعات اللعبة لحاله بجسمه الضخم ،اضخم شخصية شفتها في اللعبة، وكله عضلات كنه المصارع التمت ورير. على شكله راح يدوس اي واحد في طريقه ويمسح رجله على عتبة الباب وهو طالع. بشكل عام اللعبة جميله و الشاشه مزحومه بالاحداث والسرعة روعة. للي يحب القتال، هذى من جد روعة، ولو انها ماهي دموية، لاتفوتكم.
ستار وورز/ هذي ماهي لعبة ابد، هذا فلم تتحكم في بطله. ما في احد مر قدام اللعبة الا ووقف وسئل، هذي لعبة؟ سمعت السؤال هذا كثير. ببساطة الرسوم اروع من ان تكون لعبة. خاصة المناظر الي في الفضاء، فجاه تفتع عيونك وفمك فترة قبل ما تنتبه وتطالع حواليك تلاقي الكل مثلك وبعضهم ما انتبه بعد. فعلا رائعة وما توصف، لازم تنشاف، فعلا الجهاز جبار. هي كانت اكثر لعبة عليها زحمة لان الامريكان يموتون في اي شي له علاقه بستار وورز. للاسف مالعبتها لان الزحمه عليها غير طبيعيه. ماعبت عليها الا اثر الرصاص على الحديد، رجعنا للحش، الشرار الي يطلع ما هو مميز والرصاص ما يترك اي اثر للذكرى. بشكل عام اللعبة متعوب عليها وشوكة في حلوق الي يقولون ان الكيوب ما هو قوي. هذي لعبة جيل اول بس، تخيل وش بعد يجي.
ستار فوكس/ صدقوني لو الجهاز بينزل بهذي اللعبة بس، كان برضه بيبيع الملايين. لما تشوف اللعبة تقول، نعم هذا معني اللعب الحقيقي. ماعليهم شرهه غيروا زلدا، منافسة هذي اللعبة شى شبه مستحيل. الثعلب تفاصيله ماقد شفت مثلها وحركته رائعة جدا، صراحة هي الي كرهتني في اترنال داركنس، فرق السما عن الارض. هذي اللعبة لعبتها طبعا لاني بموت لو اطلع وانا ما جربتها. سويت قطت وجه يحبها قلبك. الكل زنقوا عند الدينصور الضخم ما عرفوا له، قلت وخروا اوريكم فيه، وعندك احلي تهزيئه وصلحه. طلعت افشل من اسؤ واحد فيهم، يا شين الزعاطه، لا وقلت لواحد امسك مجلاتي لو سمحت عشان اسحب في الدينصور. بعد ما سحب هو فيني، رجعلي المجلات وقال انتبه لا تعورك. دور وجهك عاد، يالله استاهل. بس اللعبة متعه بشكل خيالي. ودقيقة جدا جدا. الدينصور يدور في مكان زي حركة واحد من الوحوش في زلدا ال64، الي يدور وانت تلحقه وتضربة. الفرق الدينصور ضخم جدا ولا يتاثر لا بالضرب ولا الطلقات ولا تقدر تلحقه لانه ياخذ الممر كله في يمكن ثلاث خطوات. انا لاحظت ان في شي يلمع في الجدار وبعدبن شفت في السيدي الي عطوني انه يطلع منها شعاع يضر الوحش لين يموت، بس كيف يطلع الشعاع، الله اعلم. هذا وحش في بدايت اللعبة بس، كيف بعدين. على العموم، العبة زي الي قبلها تقدر تختار طرق ثانيه وتكمل. ايضا لعبت بالطيارة، رائعة بدون شك، بس ما تقدر تعلق على الاهداف، ما ادري اذا هذا نهائي ولا بيتغير، اتمني. اللي بيشتري الكيوب تكفيه هذي اللعبة يلعبها زرليون مرة لين ينمسح الدسك. صدقوني صرت امشي وصورة فوكس قدامي، شوي و امشي زي مشيته الرائعة. لا هو يمشي ولا يركض، ولا تقدر تغير سرعة مشيته ابد، حشى دعاية مو وصف. حد قد جرب انه اذا لعب لعبة يحس انه لحاله في الدنيا مع الجهاز بس ولا عاد يدري عن شي حواليه، هذا الي بيصير معاك لما تلعب ستار فوكس. ننتندو + ستار فوكس= سيطرة على عالم الالعاب. اللعبة راح ترفع مستوي العاب الثري دي الى مستوى اخر مثل ما سوي ماريو64.
بالنسبة لمونكي بول/ جربتها واعجبتني، العابها بسيطة بس كثييييرة ومتنوعة. ذكرتني بماريو بارتي.
على فكره في جهاز من باناسونك خلونا نجربه. ما تصدقون، سماعات اذن هزازه. اللي صممها اكيد ضارب له علبة فول منتهي صلاحيتها. الهزاز عبارة عن سماعة اذن عاديه لاكن تقدر تحول الزر على الهزاز، ويهز خفيف مع اللعبة. يمكن بيحبونه بعض الناس لاكن انا ما احب هزاز اليد كيف عاد الراس. يمكن ينفع للصداع او لتطييح القمل من الراس، اخاف تسوى لهم مساج ورح طلعهم عاد. امزح الجهاز لطيف.
كلمة اخيرة/ مع اني رحت وانا عارف ان الكيوب صغير واشرطته صغيره، لاكن لازم يصدمك لما تشفوهم على الطبيعة. تقول معقولة هذا جهاز بهذا الحجم. راااائع.
والسلام ختام