المساعد الشخصي الرقمي

مشاهدة النسخة كاملة : وش شعورك؟


Electro M
20-01-2006, 01:44 PM
وش شعورك؟
سؤال بطرحه اليوم بعد تجربة مرعبة بصراحة حسيت فيها اني الفظ انفاسي الاخيرة

طبعا كما يعلم الاغلبية
اخوكم العبد لله Electro Crazy على قولة سميجل و في رواية ياماتو يقال عنه عماد الدين الاصفهاني
في مرحلة تخرج
و كل اللي كان يسويه هالفصل هو العمل على مشروع التخرج
طبعا اللي يسمعني يقول انه ما شاء الله هالمشروع بيخليك تفحط على ابو بيل جيتس و تحط مايكروسوفت في مخباتك
لكن الحقيقة و الواقع عكس ذلك تماما

راح اقول لكم قصة المشروع من البداية
لا لشيء فقط للفضفضة بعد الفيلم المرعب اللذي حصل لي قبل نص ساعة

المشروع - علماً بأني ما استوعبت فكرته بشكل صحيح الا قبل شهر واحد فقط -
يتكلم عن نمذجة البيانات و تحديدا البيانات ذات البعدين x, y
بمعنى انك تدخل بيانات مثلا العمر و الوزن او العمر و ضغط الدم او حتى درجة الحرارة و ضغط الجو
و راح يطلع لك البرنامج معادلة خط مستقيم تقدر من خلالها تتوقع النتائج من افتراض احد القيمتين فقط x او y

طبعا شهرين فقط راحوا على البحوث و التوثيق
و بعد هالشهرين بدأنا بالبرمجة اخيرا
البرمجة ما أخذت اسبوع لبناء البرنامج الأولي
يعني النواة
ثم اسبوعين فقط عشان ننهي البرنامج كليا و حتى مع الاختبارات للحالات الي قد يتعرض لها البرنامج
و بعد هالاسبوعين صار وقت التنسيق للبرنامج و التوثيق - اللي هي الوثائق الكتابية الخاصة بالبرنامج -
و أمس فقط انهينا كل شي خاص بهالوثائق و تم تخزينها على جهازي المصون

يعني تخيل 3 شهور تقريبا و احنا نشتغل في هالامور و ما طلع عيوننا الا التوثيق
المهم
اليوم بعد الصلاة قررت اني اطبع التوثيق نظرا لان موعد التسليم هو السبت هذا
فجاء العبد لله و حاول يفتح الملف اللي كان طوال 3 شهور ينفتح بسهولة و سلاسة و بدون اية كياسة

لكن اليوم بالذات قرر انه ينضرب الملف
يعني تخيلوا
شغل 3 شهور راح بلوشي
يا ابن الحلال افتح
لك 3 شهور تنفتح بدون مشاكل
لا و الغريب ان المشكلة اللي طلعت اول مرة تمر علي بحياتي
يقول لي الملف ماهو موجود تأكد من المسار تبعه ؟!
كيف الحال يابو!؟
توني ضاغط على الملف في نفس موقعه اللي كنت اضغط عليه من 3 شهور!
لكن ظلت المشكلة
طبعا بعد اعادة تشغيل الكمبيوتر
و التفحيط من هنا و من هنا
وقتها حسيت اني فعلا جالس الفظ انفاسي الاخيرة
مرت على ربع ساعة و انا في وضعية الجنين
ما ادري حسيت الدنيا قفلت في وجهي
و بدأت غرفتي تدور بدون ما اكون محشش او شي من هالقبيل
و صرت اشوف عصافير حول راسي بالرغم من اني ما انضربت عليه
و بدون مبالغة شرعت في ضحك هستيري على خفيف

بعد ما صحيت من الصدمة و سويت مثل جاك في Lost خليت الرعب يسيطر علي لمدة 5 ثواني - عليهم تأليف :09: -
قلت خل احاول افتح الملف عن طريق جهاز ثاني عن طريق الشبكة في بيتنا
رحت للجهاز الثاني و دخلت لملف تطبيقات دراسية - ملف يحتوي جميع تطبيقاتي الجامعية من اول ما سجلت فيها -
و فتحت ملف CSC495 - اسم مادة المشروع عندنا -
و لقيت ملف Modeling of Data
يبتسم لي بكل وقاحة :blackeye:
ضغطت عليه مرتين
و انتظرت قليلا
لتظهر لي رسالة ان الملف معطوب!



لكن سيتم اصلاح الخطأ

و بعد فترة من الزمان فتح الملف
حتى الان انا ماسك نفسي ما ودي اناقز من الفرحة
رحت شيكت على الملف من اوله لاخره
و لله الحمد كل البيانات كانت موجودة
و بديت احس ان الروح رجعت لي بعد ما كانت معلقة بين السماء و الارض

بصراحة
أسوأ شعور مر علي في حياتي
و خذوها من واحد تعرض لكل شي
حوادث وفيات امراض خزعبلات انتراوية في الويننج اليفن
لكن فعلا كان هذا أسوأها و اعتقد اني بتذكر هالشعور طول عمري
القــعـقـاع
20-01-2006, 02:14 PM
و جاي و بكل بجاحة تكتب لنا هنا...

حبيبي روح ارفعه في موقع + حطه على cd و خله عند واحد من ربعك

يعني ما له داعي تتورط مرتين http://messenger.msn.com/MMM2005-10-25_17.33/Resource/emoticons/dog.gif

اما شعوري..فما قد مر علي ذا الموقف لاني دائما طالب نجيب و اسوي عدة نسخ من ملفاتيhttp://messenger.msn.com/MMM2005-10-25_17.33/Resource/emoticons/tongue_smile.gif
Electro M
20-01-2006, 02:18 PM
ياخي انا اخذ احتياطاتي
البرنامج عندي نسخة الاصلية و نسخة مضغوطة و نسخة على فلوبي و نسخة في ذاكرة جوالي
و التوثيق نفس الشي
لكن المشكلة ان النسخة الاحتياطية اخر تعديل حفظناه عليها كان قبل اول الاجازة
الشغل اللي بغا يروح هو اللي كان في وسط الاجازة و هو تقريبا كان كل شي - اضافة الواجهات و شرحها و رسوم DFD و غيره -

على فكرة توقيعك فلة
كم وزنك :09:؟
Angel whisper
20-01-2006, 02:23 PM
That's why you have to make UPDATED backups everywhere ..
انا من كثر ما انا موسوسة احطلي نسختين على جهازي ونسخة في كل ايميل من ايميلاتي ونسخه على سي دي ~_~
وبعد اتم متروعه ..
عموما زين انه ما استوى شي على البروجكت! وعقبال الـA
! غــريــب !
20-01-2006, 02:42 PM
قسمن عليك تصوير للموقف يخلي الواحد يعيشه بكل مافيه

عماد مايحتاج هالمواقف الله يصلحك قبل الإختبارات :blackeye:
7_Dark Soul
20-01-2006, 03:25 PM
شعوري شعور اي مواطن سعودي يصير له الي صارلك...P:

احم.......

اذكر جاني شعور على شي كنت اسويه....بس ما اذكر شنو...XD
Classic Evil
20-01-2006, 05:38 PM
والله خوفتني يا ريال بهالوصف قلت بالأخير يمكن هذا مات ولا شيء !!


بس طلع صج ما عندك سالفة ...!!

كل خطوة خزن ياخي .. و الله السيفينج ببلاش !!

متفهم حالتك الهستيرية مرت علي جي حالات , ربك فرجها الحمدلله ..


روح انذر واذبح على هالتفريج :D ...


لكن بقولك قصة لربما تخفف عنك ألمك :

صديقي سوا المشروع وهو في كورس التخرج وبعد عرضه للمشروع بنجاح على آخر شي قالت له الدكتورة :

أنت حرمان !!! ليش تيي ؟؟؟

قالها : من متى تاخذين الغياب ؟؟؟ مافي ؟؟

قالت : بكيفي .. يوم آخذ ويوم ما آخذ .. ويمكن جا يوم حفظت الحظور وسجلته عقب !!

صاحبي هذا من بلاد بعيدة .. تصور يعني عايش مثل غربة ويمني نفسه بالعودة للوطن !!


الحين بقدم نفس المادة عند نفس الدكتورة والطامة الكبرى هل سترضى بنفس المشروع السابق ؟؟؟؟ لا اعتقد ..

انتهى.

وعلى طاري مشروعك يطلع خطوط : بعطيك وزني وعمري وطولي وشعري وعطني النتيجة لأني أخطط لمستقبلي ..



بتذكر هالشعور طول عمري

الأخ مأمل كم سنة إنك بتعيش :p ؟؟؟؟؟

تكبر وتنسى ..

<==أكبر عن جذي بعد :09:
Electro M
20-01-2006, 05:49 PM
اينجلوه
هو للاسف ما نسيت النسخ الاحتياطية على اخر المشروع من كثر ما كنت مشغول عشانه
و اقول لك شي ما يخطر على البال
نفس الملف اللي شغال عليه 3 شهور
تمسك معاه اليوم بس انه يتعطل؟!
!coincidence... I think not
شكله بيل جيتس كان يتجسس علي و لما خاف من المنافسة ارسل أمر يعطل هالملف بالذات :09:

غريب
انت لو شايف شكلي وقتها بس
تخيل صرصور و جالس يطالع دخان بف باف يتجه نحوه
ابد تقول توأم :09:

دارك
شلون جاك شعور
وش هالشعور؟
و الا كانت اول مرة تشعر فيها بحياتك :09:؟!

ايفلوه
شلون اكون ميت و جالس اكتب لك هالموضوع:31:؟!
خلاص المرة الجاية بكتب في أول الموضوع تراني مامت عشانك بس :09:
و كان الله بعون صاحبك

بعدين فضحتنا اقول لك البرنامج تدخل فيه معلومات عن اشياء لها علاقة ببعض و تكون مجموعة
مو بس معلوماتك انت :09:
يعني مثلا تجيب لي عينة من الناس و تحط لي وزنهم و طولهم
و اقدر اطلع لك معادلة تقدر تدخل فيها الوزن و تتوقع لك الطول او العكس
7_Dark Soul
20-01-2006, 06:05 PM
شلون جاك شعور
وش هالشعور؟
و الا كانت اول مرة تشعر فيها بحياتك :09:؟!




امففففففف.....يا حوبكوم حق التوهق.....:196:

المهم...تذكرت متى جاني شعور....

السنة ذي....كان علينا واجب رياضيات حق اخر السنة....حل مسائل على كل فصول الكتاب...و الاستاذ متوعد في الي ما يجيبه.....

المهمز....جلست احله يمكن فوق الاربع ساعات....نذل الاستاذ...T___T

وقت التجيك(التشيك) على الواجب....ادور الدفتر حقي...ما لقيته...يمين يسار.....ما لقيته..

و اشوف الطلاب الي ما حلو يتصفقون قدامي....و انا مب لاقي الدفتر....

في اللحظة الاخيرة....طلع الي جنبي ماخذه جالس ينقل منه.....طبعا بعد الحصة طحت تسطير فيه...

هذا الي اتزكر(اتذكر) من المواقف.....
Classic Evil
20-01-2006, 06:18 PM
ايفلوه
شلون اكون ميت و جالس اكتب لك هالموضوع:31:؟!
خلاص المرة الجاية بكتب في أول الموضوع تراني مامت عشانك بس :09:
و كان الله بعون صاحبك
بعدين فضحتنا اقول لك البرنامج تدخل فيه معلومات عن اشياء لها علاقة ببعض و تكون مجموعة
مو بس معلوماتك انت :09:
يعني مثلا تجيب لي عينة من الناس و تحط لي وزنهم و طولهم
و اقدر اطلع لك معادلة تقدر تدخل فيها الوزن و تتوقع لك الطول او العكس


يمكن ميت .. و صرت زومبي الحين .. ولا قروي :p <==خلك عاليديد ..


برنامجك عجيب .. يقدر يعرف جنس الجنين في الشهر الأول :33: ؟؟؟


بعطيك تقييم سالب لأنه فعلا يستاهل خوفتني عالفاضي ..

إذا صار شي خبرنا مو تلعب بمشاعرنا :blackeye:


صح تهسترت لكن بالاخير صرت خيل .. بل :196: ..
القــعـقـاع
20-01-2006, 06:46 PM
أللقافة مو زينة يبة..

بس اخر مرة كان 80 http://messenger.msn.com/MMM2005-10-25_17.33/Resource/emoticons/dog.gif
.Atlas.
20-01-2006, 11:14 PM
ههه..عليك وصف مو طبيعي :P
بس زين اشتغل الملف معاك ..وبالتوفيق ..

قبل فترة بسيطة ..صار لي موقف مشابه ..وبمعنى الكلمة ماعدت احس بنفسي ..اتكلم واسأل ولادري عن شنو ولا افهم شنو الناس تقولي,الارسال مشوش والاستقبال معدوم :P
خرعة معتبرة XD
موقف واحساس مانساه ..ولا اعتقد انهم بيخلوني انساه ..للحينهم ماسكينها علي T__T
احلامو ادوماتو
21-01-2006, 09:43 AM
خخخخخخخخخخخخخخخخخخخخخخخخخخخخخخخ


بصراحه متحمس مره على القصة ، و أنا بنصها جالس اتوقع الاحداث : (خويه بيجيه و يقوله "عندي نسخه احتياطيه نسختها و انتم ما تدرون" ، أو بيطلع انحذف بسبب فايروس ، أو بيقعد يصارخ "انقذني يا حليب السعودية" و يجيه الحليب طاير و يحل له المشكله P : )

اسلوبك حق الاثاره يهبل ^ــــــ^ الظاهر تأثيرات ميتال غير P :

و مبااااااااااااااااااااركيييييييييييييييه انك لقيت الملف و البيانات سليمه يا عم ^ــــــــــــــــــــ^

<<<<<واحد فاضي P :

تعديل :

موقف زي كذا ما أذكر O__o يمكن ألعن موقف كان بـ Final Fantasy 7 يوم اني أخلص من معركة Jenova الي تقاتلها بفريقين ، و يجي أخوي الحمار يصل السلك عن الكهرب بدون ما أسيف P : <<<أقول لكم فاضي مو مصدقين P :
Classic Evil
21-01-2006, 10:39 AM
تعديل :

موقف زي كذا ما أذكر O__o يمكن ألعن موقف كان بـ Final Fantasy 7 يوم اني أخلص من معركة Jenova الي تقاتلها بفريقين ، و يجي أخوي الحمار يصل السلك عن الكهرب بدون ما أسيف P : <<<أقول لكم فاضي مو مصدقين P :

ههههههههههههههههههه الحين أنا بعد تذكرت وين جاتني هالحالات شكرا لك :biggthump ...


إي ماد : فعلا , مشروعك كل ما قلت هانت جد لك علم جديد :09:
Electro M
21-01-2006, 11:02 AM
دارك
ياانت قديم :09:
ذكريات الطفولة :blackeye:
بس زين انها عدت على خير

ايفلوه
رديت في موضوعي اكثر مني :31:
ياخي القرووين تراهم في الطريق للتحول لزومبيين يعني كانت مسألة وقت لولا تدخل ليون :09:
و عطني تقييم سالب يفداك التقييم و صاحبه

القعقاع
80 :blackeye: ؟
موب كان 92 و شوي؟!

big angel
طيب ((شنو)) كان الموقف؟
الشعور عرفناه نبي نعرف الموقف بعد :09:

كرونو
افا عليك :D
معروف انا بأسلوبي الكتابي المبدع
و لولا خوفي من الحسد كان وريتكم الابداع الحقيقي

بعدين الله يهديك انت و ايفل
اقول لكم مستقبلي كله بغى يروح و انتم زعلانين عشان لعبة :31:
Classic Evil
21-01-2006, 11:14 AM
لا عادي لأنك مرة انت قلت لي خذ راحتك في موضوعي وانا ما صدقت :p ...

انت لا تقول لولا خوفي من الحسد قول لولا خوفي أنه وصفي يزهق أرواحكم جان كتبته :D ..

صاير أجاثا كريستي :09: ..

على فكرة إنت ما فهمت مشروعك إلا قبل شهر .. أجل كيف أنا :06: ؟؟


خارج الموضوع : أنت لما سألتني هاك اليوم شرايك بالقرووين ؟ لو كانوا زومبي أحسن ؟
أظن إنهم لو كانوا زومبي ما كانوا يستطيعون الكلام .. وانت بنفسك شفت كيف روعة اللعبة و إثارة اللي سواها كلامهم .


و أدبل لك الأسف إذا اخترب موضوعك انت الثاني :196:
Electro M
21-01-2006, 11:20 AM
عزيزي ايفلوه
خذ راحتك للمرة الثانية في موضوعي انت و كل من يعز علي
و مثل ما يقولون عتاب الحبيب مثل اكل الزبيب :D
و ترى متصفحي يتزين بردودك دائما <= ناطلها من غريب :09:


خارج الموضوع:
ايه لكنهم مصابين بفيروس اتش ما ادري ايش
يعني هم يعتبرون في مراحل التحول لزومبيات
لكني ما زلت اتمنى عودة الزومبيات
يعني شلون بشر يتكلمون و لما تفقش روسهم يظلون يمشون؟
و الله لو انهم خرفان عيد الاضحى بعد ما نضحي فيهم و يجلسون يرفسون :09:
Yamato
21-01-2006, 06:21 PM
Backup Backup BACKUP dude

واشتريلك فلاش ميموري.. وخزن فيه ايضا وخله الBackup الاساسي.. يعني دايما معاك.. مش شرط للدراسة بس.. حق الشغل حتى او معلومات شخصية.. بتفيدك.. انا اسبوعين من دون الفلاش ميموري حسيت اني ضايع -___-

وعلى فكرة..
البارحة واحد من ربعي كان يريد ينقل معلومات من عندي.. وصل الهارد ديسك ماله بس ما اشتغل.. ما ادري مشكلة في كمية الكهرباء ولا شي من هالخرابيط.. الريال زاغ ورد لغرفته يشيك.. والحمدلله كوله تمام.. :)

بس لا تنسى.. خلي عندك نسخ في كل مكان.. حتى الايميل نفس ما قالت انجل.. وانا اسوي نفس الشي.. كل ما اخلص شي اطرشه على ايميلي الخاص من ايميل الشركة.. ما تعرف شو يستوي.. -____-

تحرير..
تذكرت.. مشروع تخرجي.. الشغل اللي سويته انا والشباب.. الشغل الاصلي.. كله كان على كمبيوتري ونقلته للهارد ديسك الخارجي.. والهارد ديسك خرف وراح كل شي.. بح.. راح في شربة ماية.. اذا حد يتذكر يوم كنت اكتب كل يوم عن المصيبة اللي اودب بحياة العشرات والمئات من ملفاتي من انيمات ومانغاز وصور ومشاريع.. يعني قسم(ن) بالله شي يعور.. شغل عمر يا رجل..

لذا لا تحزن.. في حد عارف شعورك... او تجاوز اللي انت حسيت فيه وحس بالم اكثر T-T
Master ArNab
22-01-2006, 02:35 AM
ههههه .. زي ماقالو , عليك وصف يعيشك الموقف هذا

يمكن , قبل سنة ضرب علي الهارديسك بسبة spike من الباورسبلاي ..

جبت هارديسك ثاني وقعد إسبوع وضرب ,, طبعاً غيرت الباورسبلاي .. وبعدها بكم يوم ضربت المذربورد

واحد قالي .. غير الcase ..

المشكله إنهم إحترقوا .. وأستخدم منظم تيار موزع على جهازين ( الثاني ما فيه إلا العافيه)

المهم بعدين عرفت إنه السبب كان من المراوح ( 4 مراوح إضافيه) وكانت تسحب فولت أعلى من اللي يتحمله الباورسبلاي .. فصلتهن والحمدلله .. بس وقتها ( يوم ضرب علي الHD الأول ).. كرهت الساعة اللي عرفت الكمبيوتر وجاني إحبااااط وتركت الجهاز إسبوعين .. ما أطيق أشوف أو ألمس الجهاز

المضحك بالأمر .. أحد كورسات vtc
كان كورس +A
لفت إنتباهي قسم الباورسبلاي
والإنستركتور كان يقول : إذا ضربت عليك قطعة معينه في الجهاز .. فالمشتبه الأول هو الباورسبلاي *____*
المشكله إني مغيره والبلى ما كان فيه بس كان بسبب الضغط عليه.. وسبب سيرج أو سبايك في الكهرب , وهذي الأخيره كفيله بإحراق أي قطعة في الجهاز

المهم .. الحمدلله

وإذا صار ( لا سمح الله ) لك أو لأحد غيرك مشكله عويصه .. فممكن هذا المقال يساعد ^

Computer First Aid Using Knoppix (http://www.shockfamily.net/cedric/knoppix/)
Windows just crashed
The computer won't boot back up
Those "System Recovery Disks" that came with your computer will erase all of your data

أنا أستخدم knoppix STD .. ميزته انه live CD وممكن تشتغل على لينكس بدون ما تلمس الهاردسيك .. طبعاً في أشهر شيء مثل Hiren's BootCD .. ما جربته , بس يمدحونه في هالأمور
وعندك بعد FIRE

تحرير::
وللفائده .. أنا جبت الرابط السابق من ..... E-Lamb (http://www.elamb.org/) .. ( الغــنمه الإلكترونيه:: موقع مهتم بالسيكيورتي )
smigle
22-01-2006, 10:05 AM
وخخخخخخخخخخييييييييييييه

وعيـــــــــــــــــــــــــــــــــــه

يع يع يع....يخ يخ يخ...

موقف من المواقف اللي كانت تمر علي في كوابيسي الخايسه أيام مشروع التخرج، الله يسلمك أنا كنت مع بارتنر سوري، أنا كنت ماسك التجارب والنتايج وتحليلها، وهو كان ماسك سوالف الريبورت والأخراج...

كنت كل يومين آخذ منه نسخه من الريبورت وأخزنه في أيميلي الخاص،....كان هاجس مرعب بالنسبه لي أن الشغل كله يضيع في شربة ميه...

بس تدري أني صادني أحباط وأنا أقرا موضوعك لأني تخيلت أنك ما راح تقدر تفتح الفايل وبيخترب وماراح تقدم المشروع وبتعيد المشروع وبيتأخر تخرجك....

.....And the best part of it is that

We are going to laugh at you:firedevil FOR ETERNITY :ds003:huh huh huh :sgrin:

ياخي مادري، بس ترا كنت أفضل هالنهايه، مليت من النهايات السعيده...الغبي يتزوج الغبيه، والقزم يوصل الخاتم لين البركان، والساحر يتخرج من المدرسه، والجميله تبوس الوحش ويتحول أمير وسيم...

عموماً، بالتوفيق وعقبال التخرج.
Electro M
22-01-2006, 11:12 AM
ياماتو
من شاف مصيبة غيره هانت عليه مصيبته
عوضك على الله
و لا توصي حريص خلال نسخة المشروع على 3 CDs من زود الحرص :09:

ارنب
طيب المراوح الاضافية وين كانت بالضبط؟
بالمعالج؟
E-Lamb (http://www.elamb.org/)
لا تسب :31:

سميجل
تبي نهاية سيئة اجل
و على حسابي :31:
خلاص روح شوف لك فيلم 21Grams لشون بين
بتكره عمرك بعد ما تشوف الفيلم و تحس انك ضيعت 1 و نص من حياتك على الفاضي
Snake Eyes
22-01-2006, 11:33 AM
والله حركة جامدة
هي كدا الدنيا اذا ماتحتاجها تجيك و اذا تبغاها تروح بعيد
بس كويس انك ركزت و هديت و ما سيطر عليك الرعب و خلاك عاجز عن التفكير و عملك بلاك اوت لانه ناس كتير تفقد التصرف وانت ما شاء الله لقيت حل سريع
.........
بالنسبة لي ما قد سارت لي
بس في قصة حلوة لازم تسمعوها ......
كنت بألعب تيلز اوف سيمفونيا و كنت موصل عدد ساعات كتير و اول مرة في حياتي اوقي اللاعبين في اي لعبة ار بي جي وتعب و واصل عند الرئيس قبل النهاية حلوة وافتحلك الجهاز داك اليوم و يقول الميموري خربان يبغاله فرمته؟؟؟ فأستغربت و قفلت الجهاز ومسكت الميموري نفخت فيه و حطيته تاني و شغلت الجهاز و نفس المشكلة وبعباطتي ضغطله اوكي بالغلط و فرملي المومري و راح تعب اكتر من 150 ساعة و نهاية اللعبة وبعدها ما مسكت اللعبة تاني ^^


ياخي مادري، بس ترا كنت أفضل هالنهايه، مليت من النهايات السعيده...الغبي يتزوج الغبيه، والقزم يوصل الخاتم لين البركان، والساحر يتخرج من المدرسه، والجميله تبوس الوحش ويتحول أمير وسيم...
سيمو ...
يالله انت زيي والله ما سارت النهايات السعيدة حلوة
على العموم عند فلم Arligton Road او بالعربي "كرنتينة رود"
نهاية ولا احلى فلم جبار بمعنى الكلمة
SFS
23-01-2006, 12:25 PM
فعلا حركة وصخة وصخة حيل..
تحس ان الزمن توقف وحواسك تعطلت ما تحس بشي بالدنيا حواليك...
واذكر صارلي موقف ان كان عندي امتحان ..
وقبل يوم من الامتحان كان عندنا حصة بهالمادة..
ولما رجعت البيت ابي ادرس بطلت الجنطة ابي ادرس الكتاب مو موجود..
مع اني مـتاكد انا حاطه بالجنطة..
والحمدلله النهاية كانت سعيدة..
شنو تتوقعون ..
طبعا انا استسلمت وتقبلت الوضع ..
الي صار....
......
.....
...
ان الامتحان تأجل لسبب ما أتذكره..
معجزة نزلت من السما..:p
وشعوري وقتها...........:shocked:
وفعلا حالتي كانت..:dancing2:
Master ArNab
23-01-2006, 12:57 PM
ارنب
طيب المراوح الاضافية وين كانت بالضبط؟
بالمعالج؟
مراوح الcase .. ثنتين على الجنب ووحده فوق

E-Lamb (http://www.elamb.org/)
لا تسب
ههههه ok , you got me :D
Electro M
24-01-2006, 12:47 PM
snake
صدقت :)
بس لا تقارن لعبتك بمستقبلي مرة ثانية :31:

SFS
انت مصيبتك هذه هينة
انا اذكر في سادس ابتدائي النصف الاول ذاكرت لمادة الفقه و هلكت نفسي و بالاخير يطلع الاختبار اللي علينا توحيد و كان اختبار النصف الاول يعني ما هو اختبار شهري
بس الحمدلله تداركت نفسي في النص ساعة اللي قبل الاختبار و ذاكرت بشكل سريع و الحمدلله جبت درجة محترمة

ارنب
تقصد الغطا حق الجهاز كله?
و ليش مركب هالمراوح و الله لو انك تبرد مفاعل نووي :09: