[اشاعة] ويننج اليفن 10 على اجهزة الجيل الحالي!

[Electro M]

انتشرت اشاعة في اوساط المواقع المهتمة بأشهر لعبة كرة قدم عرفتها اجهزة الالعاب WE بأن الجزء العاشر و الذي أعلن سابقا انه سيكون موجها لأجهزة الجيل القادم فقط, قد يتم تأجيله او اصداره على أجهزة الجيل الحالي و جعل WE11 هو الجزء الخاص باجهزة الجيل القادم.
و ما عزز من صحة الاشاعة هو تأخر صدور اي اخبار عن الPS3 رغم ان تاريخ صدوره المتوقع في اليابان قد اقترب و بقي عليه شهر تقريبا بينما مبيعات Xbox360 كانت مخيبة للامال في اليابان.

في انتظار المزيد من الاخبار.

[croove]

والله الصراحة مب مهتم إذا اللعبة بتنزل على أجهزة الجيل الحالي أو أجهزة الجيل القادم

المهم أني راح أستمتع باللعبة مثل ما إستمتعت فيها على PS1 و الـ PS2 و باقي الأجهزة :biggthump

:D Winning Eleven Rocks

[Electro M]

حي الله كروف :)
من زمان عنك ياخي
عسى المانع خير؟

و بخصوص ويننج اليفن هو مو مهم وين تصدر فعلا المهم اننا نبي نعرف بس الجزء الجديد متى تاريخه و على اي جهاز حتى نخطط له من الحين خصوصا اذا كان من اجهزة الجيل القادم

[croove]

الله يحيك E-mad
المانع الله يسلمك
العيد + الكمبيوتر أخترب (مرتين) ">__< + بعض الناس ما يصلحون الكمبيوتر من الخاطر :mad22: + طلعات ويا الشباب :D


و بخصوص ويننج اليفن هو مو مهم وين تصدر فعلا المهم اننا نبي نعرف بس الجزء الجديد متى تاريخه و على اي جهاز حتى نخطط له من الحين خصوصا اذا كان من اجهزة الجيل القادم you got that right

[SFS]

أتمنى ان الخبر يكون صحيح..
لأن الصراحة ملينا من الجزء التاسع..
ونبي طاقات جديدة للواعيب..
وتسلم على الخبر..

[زعيم الكورة]

اصبروا شوي ... على الويننج اليفن 10

بينزل انشالله في ذي الفترة الأصدار الثاني من ويننج اليفن 9 ...

لأن معروف في السنه ينزل اصدارين للجزء واتوقع خلال هذا الشهر ...

[HasaWii]

بصراحة انا اتمنى ان الاشاعة تكون صحيحة

لاني ابي اشوف شنو الافكار الجديدة اللي بيحطونها في هذا الجزء

وما اقدر انتظر الى ان ينزل جهاز الجيل الثالث :أفكر:

[Modi]

اتوقع صحيح ..
اذا اللعبه من كل سنه تنزل بشهر 8 .. والـ ps3 لحد الان ما تدري متى ينزل !!
مره بالربع الثاني ومره بالربع الاخير من هالسنه ومره السنه الجايه !!

[Soldier Blue]

خرفات يعني مش رح يخلون شي للps3 .. لا أصدق هذه الاشاعة ..

[خاس ماس]

لوسمحتو انا عضو جديد في المنتدى اريد ان اعرف كيف اكتب جديد اريد الرد عاجل عاجل

[Mr. Black Man]

أتمنى أن تصدر على أجهزة الجيل الحالي :أفكر:

[Stam]

أتمنى إن ينزل هالسنه ويكون طفرة عميقة وكبيرة فى سلسة وينينغ إليفين و يكون بالحق نهاية روعه على ال PS2

تحيتى

[SNYMA]

إحتمال يقصدون نسخة مطورة من ويننغ إليفن 9
لأنه بعد الـ Xbox Japanese Summit 2005
فريق تصميم اللعبة تكلموا عن مستقبل اللعبة
أذكر إني حتى حطيت موضوع فيه إقتباسات من مقابلة لأحد مصممين اللعبة
الموضوع تجدونه في موقع IGN , أنا عن نفسي أتمنى إنهم ينتقلون للجيل الجديد
البلاي ستيشن 3 صحيح إلى إلحين ما صدر
لكن الإكس بوكس 360 موجود و فيه نسخة له يمكن ينزلونها بشكل مبكر

[hamad500]

مااتوقع .................

[Austin 3:16]

شكرا على الموضوع ..


واتمنى انا ذلك ..