المساعد الشخصي الرقمي

مشاهدة النسخة كاملة : بي اس بي من امريكا


ecw
25-01-2006, 02:05 AM
ياشباب انا بامريكا واسمع عن البي اس بي صراحه اعجبت بيه مره
عندي استفسار ياشباب
تعرفون احد المواقع الرخيصه الي تبيعه عن طريق النت
لانه هنا يبعونه على باكيجات
الباكيج الاول
بي 250 دولار السوني لوحده والسماعات واللذي منه
والباكيجي الثاني
بي 300 دولار نفس الاول + ميموري 1 جيجا
وش تنصحوني هل سترخص اسعاره ام راح يكون زي ماهو وهل ترون انه سعره مناسب
وبعدين اذا شريته اش اشتري اي باكيج وهل اشتري معاه لعبه ولاتجي معاه لعبه ووش افضل لعبه اشتريها

يعني بالعربي ابي اشتري شي ماندم عليه بعدين يعني قولو لي وش تشتري معه وزي كذا من العاب او اكسسوارت والشكر الجزيل لكم
Je39
25-01-2006, 02:20 AM
أنا أققوول أخوي هذي الأسعار إللي قلتهم نفس أسعار السووق تقريباا فتوكل على الله وما راح تخسر شي أنا شاري البي أس بي وما تحسسفت علييهه لي يومك.
ecw
25-01-2006, 04:41 AM
نصايح وش اشتري مع الجهاز واش اشتري من العاب واش يكون الفيرجين
Miyamz
25-01-2006, 05:08 AM
اخي الكريم لديك موقع امازون قد تجد تخفيضات على سعر الجهاز بين فتره وفتره اخرى طبعاً اذا اردت الطلب عن طريق الانترنت،

وبخصوص النسخة يفضل الامريكي وبخصوص ان سعر الجهاز قد ينخفض فهذا الامر يرجع الى "السوق والمنتج" فأنت وانا لا ندري متى يبدأPSP بالانخفاض فهذا الامر يرجع لك اذا اردت الشراء او لا،،،

الالعاب لديك مجموعة جيده من الالعاب مثلاً..جراند ثيفت اوتو+ايب سكيب+برنس اوف بيرشا+تويستد ميتل+Burnout والعاب اخرا،،،واذا احتجت الى اي مساعده فانا موجود بالخاص او بالموضوع :)
ecw
25-01-2006, 06:08 AM
يعطيك العافيه
ومادري هل ترى اني اشتري الباكيج الثاني واش راح يفيدني الميموري 1جيجا
ecw
25-01-2006, 06:15 AM
مادري لقيت احد المواقع يعرض البي اس بي بسعر 220 دولار فمارايكم
PSP (PlayStation Portable)
Portable game Entertainment System, 4.3 inch TFT LCD screen, 32MB Main Memory, IR port and Wi-Fi wireless LAN, Built-in stereo speakers, USB 2.0

الموقع http://www.refurbdepot.com/productdetails2.cfm?Product_ID=3943&refererid=dealtime
هل هو نوع اخر من البي اس بي ولا نفسه
ecw
26-01-2006, 06:09 AM
ها وش رايكم بالرد الي قبل اشتريه ولا
Miyamz
26-01-2006, 06:57 AM
اخي الكريم ،

بخصوص الموقع حاط سعر الجهاز 220 دولار سعر طيب وجيد لكن هناك مشكلة وهي حجم الميموري ستيك 32 فهو قليل ،،،انت الان تريد تخزين صور وعروض والعاب و32 ميجا قليله جدا،،في نظري اشوف ان الباكينج الثاني هو الافضل الميموري ستيك غالي جداً وها مايفسر ارتفاع سعر الجهاز الى 300 دولار،،،

وهذا والله اعلم،،،لكن افضل انك تتريث قليلاً وتحاول تنتظر الاعضاء لعلى هناك اراء واقتراحات تختلف عن كلامي...
" Tidus "
26-01-2006, 08:32 AM
أخوي الميموري تحتاجها لتنزيل الألعاب والأفلام بدونها ما تقدر فمهمة جدا
أنا ما أنصحك تشتري من موقع لأن ماله ضمان ويمكن فيها فيروس وبعدين
تتأذى لأن ما راح إعدلونها لك وما تقدر تتفحصها وتشوف هل هذا فعلا الفيرجن إلي
أنت تبيه ! أو هل الشاشة تمام 100% مب مشموخة أو لونها متغير وشنو إلي يضمن لك
أن الميموري أصلية ! لازم تشغلها وتشوف حجمها كم إذا قل عن ال 975 ميجا بكثير
يعني انخدعت اشترها من مكان معروف وخاصة أن سعرها قاعد ينزل بالتدريج لا تتسرع
وتشتريها ثم تتفاجئ أن فيها عيوب وتندم ترى أعرف وايد ناس انخدعوا وندموا لاتخلي الأسعار تغريك لأنه كلما أنخفض بشكل غير طبيعي معناته أن فيها شيء ناقص أنا حبيت أنصحك وشوف اللي اريحك أخوي ومبروك مقدما على البي اس بي .:D
ecw
26-01-2006, 03:55 PM
يعطيكم العافيه لكني والله مليت الانتظار من قبل راس السنه جيت ابي اشتريه قالي راعي المحل بعد راس النه بتنزل الاسعار لكن لحد الان مانزلت الا الشي البسيط
يعني تنصحوني انتظر وبالنسبه للموقع اخوي هو موقع يبيع كل شي جديد وهنا نظام البيع عن طريق النت في امريكا يتميز بالعروض والافضليه ويمديك تجرب الجهاز الي تشتريه او السلعه من النت وتجربها لمده 15 يوم اذا ماعجبتك ترجعها وتبدلها لكن الغش التجاري لاظنه هنا موجود لانه لو باعك ميموري بسعر واحد جيجا وماهو واحد جيجا تقدر ترفع على المحل شكوى ويجيك تعويض
يعني نصيحتكم لي التريث
" Tidus "
27-01-2006, 09:15 AM
عيل توكل على الله وخذها :D
ecw
28-01-2006, 03:50 AM
ابشركم شريته وبسعر لايصدق الجهاز لوحده بميتين دولار + 69 دولار ميموري 1 جيجا + سماعات + شاحن + يو اسبي 5 دولار + حافظ البي اس بي + شريط المصارعه دبليو دبليو اي بي 40 دولار يطلع المجموع 310 دولار صراحه السعر جدا حلو وعطاني المحل بطاقه تخفيض 10 % لاني اشتريت من عندهم اسم المحل اي بي جيم محل مشهور
وقالي زود 15 دولار وبنعطيك ضمان لمده سته شهور قلت له لا مابغى (( ماعتقد انه راح يخرب ))
فقالي لاتستعجل لك 15 يوم من اليوم يمديك تامن على الجهاز وبعد 15 مالك صلاحيه واي عطل بالجهاز يصلحونه واذا ماصلحوه يبدلونه اذا دفعت 15 دولار فاش رايكم اخذ الضمان لمده سته شهور ولا الجهاز ماراح يخرب يعني هل الجهاز حساس بالمره من ناحيه العدسه او المشاكل ياريت اذا احد صادف عطل في الاشهر الاولى من شراء الجهاز يحذرني ويذكر نوع العطل
والفيرجن 2.5
ها وش رايك اخذ الضمان ولا ماراح استفيد منه
" Tidus "
28-01-2006, 09:32 AM
أخوي أنا من ناخيتي أقول البي اس بي مافيها مشاكل أو انها تحتاج إلى صيانه
لكن إذا زلقت من يدك وطاحت على الأرض فجأة الله يستر شو يصير ممكن تنشمخ الشاشة
أو ينطفي الجهاز وغيره وأحيانا وفي حالات نادرة أن يصيبها فايروس إذا نزلت برنامج عليها
وما يناسبها ..أمن الإحتياط أفضل ما تدري شو يصير بس أنا الحمدالله ما صادفتني مشاكل. :D