تسجيل الدخول

مشاهدة النسخة كاملة : نقاشات الأنمي (*•.¸(`•.¸ مكان يبيع انمي في الامارات ¸.•´)¸.•*)


القمر و الليل
25-01-2006, 08:27 PM
•·.·´¯`·.·• السلام عليكم •·.·´¯`·.·•




حبيت احط هالمعلومه للي ما ايعرفها .. ^_^




المكان الي يبيع انمي هو سوق الحره الي في مطار دبي و مثل ما اتعرفون ما بتقدرون توصلون له الا اذا كنتوا طالعين من الامارات بس..:أفكر:




اسم المحل او القسم الي ايبيعون فيه (سمعيات و مرئيات ، العاب و كتب)




صراحه كانوا يبيعون افلام انمي روعه والمجموعه كانت كبيره و منوعه .. !!! اتخبلت يوم شفت الافلام و كان في بعد مسلسلات انمي (حلقات يعني ..)




المهم الاسعار كانت غاليه شويه ..:o



افلام الانمي : تتراوح اسعارها بين 100 درهم لين 120 درهم :D




اما الحلقات على حسب كم سيدي في المجموعه..

من 100 الى 700 درهم تقريبا :blackeye:






انشالله ايكون حد استفاد مني ^^






:) النهـــــــــــــــــــــايه :)
SUPER HUNTER
25-01-2006, 10:49 PM
مشكورة اختي على الخبر الجميل
الصراحة احلى شي في موضوعج الجميل هو لون الكتابة كلمة بلون والكلمة الاخرى بلون اخر
القمر و الليل
26-01-2006, 02:23 AM
SUPER HUNTER






مشكورة اختي على الخبر الجميل



العفو اخويه .. ولو انه هالخبر ما ينفع الا في الاجازه يوم الواحد ايي بيسافر :D






الصراحة احلى شي في موضوعج الجميل هو لون الكتابة كلمة بلون والكلمة الاخرى بلون اخر







اكيد الحين يالس اتقول في بالك انسانه فاضيه :09:

ترى ملل .. وبعدين ابا ايكون لي ستايل ايعرفوني فيه مثل مثلا ربيعتنا مياو نيا (الله ايخليها) :D

منو ما ايعرفها قطوة المنتدى.. ^_^




كلمة بلون والكلمة الاخرى بلون اخر



هههههههههههههه والله ظحكتني .. اسلوبك كأنك اتكلم ياهل ام 5 سنين..





سلااااااام
S A T A N
26-01-2006, 05:30 PM
بسم الله الرحمن الرحيم

السلام عليكم ورحمة الله وبركاته

توجد بعض المحلات تبيع الكرتون الياباني (الانمي ) موجوده في الامارات منها ما يبيع الانمي الجديد غير المدبلج ولا المترجم وهناك محل يبيع الكرتون المدبلج القديم ويملك مجموعة رائعة منه .

اولاً ( كنوز الشرق ) في أبوظبي ....بالقرب من جمعية أبوظبي التعاونيه وهو يبيع المانجا والانمي أفلام و مسلسلات وبعض الاشياء الخاصه بالانمي ....كان متواجداً بالسابق خلف معهد الخوارزمي ولكنه غير موقعه منذ فتره .؟

ثانياً ( فيديو الاميرة ) لصاحبه أبو فارس يوجد لديه مجموعه ضخمة من الكرتون القديم والجديد وهذا موقعة على الشبكة فيديو الاميرة (http://www.alamiravideo.com)

هناك ملاحظه بسيطه ..عند زيارتي لمركز بن بطوطه في دبي لفت إنتباهي وجود فيلم متروبولس dvd بقيمة 30 او 35 درهم تقريباً في قسم الافلام في قسم تونس .؟؟

شكراً على الموضوع.

S A T A N
Black_Berserker
26-01-2006, 07:04 PM
السلام عليكم






اولاً ( كنوز الشرق ) في أبوظبي ....بالقرب من جمعية أبوظبي التعاونيه وهو يبيع المانجا والانمي أفلام و مسلسلات وبعض الاشياء الخاصه بالانمي ....كان متواجداً بالسابق خلف معهد الخوارزمي ولكنه غير موقعه منذ فتره .؟

S A T A N

هو انتقل الى المحلات المقابله لأبوظبي مول لكنه مغلق ويمكن صارله أكثر من أربع شهور مغلق فهل رجع المحل وفتح مره ثانيه؟؟

أيضا الانمي موجود في محل plug-ins مارينا مول لكن الاسعار صراحه مرتفعه

شكرا على الموضوع

سلام
القمر و الليل
27-01-2006, 11:28 AM
شكرا اخواني على المعلومات !!! :D



و اتمنى لو في حد ايعرف بعد اماكن ثانيه ايخبرنا.. :أفكر:



و بخصوص المانجا في الامارات..

فأنا اشتريها من مكتبة ركن الكتب و مكتبة المجرودي .. في (ستي سنتر دبي)..

و في بعد فرع لمكتبة ركن الكتب في (ستي سنتر الشارجه)..



اما اسعارهم هي 40 درهم..

انشالله اكون افدت اخواني و خواتي الاعضاء ..

انتوا شكلكم اغلبكم من هل بوظبي :09: وانا بوظبي ما اطيحها.. بعيده عليه ! :أفكر:



مشكورين مره ثانيه.. ^_^



:ciao:

سلاااااااام
DMC
27-01-2006, 12:31 PM
بسم الله الرحمن الرحيم

السلام عليكم ورحمة الله وبركاته


اولاً ( كنوز الشرق ) في أبوظبي ....بالقرب من جمعية أبوظبي التعاونيه وهو يبيع المانجا والانمي أفلام و مسلسلات وبعض الاشياء الخاصه بالانمي ....كان متواجداً بالسابق خلف معهد الخوارزمي ولكنه غير موقعه منذ فتره .؟

S A T A N
حبيت اصحح معلومتك اخوي المحل تسكر من مدة طويلة ^_^
ولاسف ماعرف راح يفتح مرة ثانية -_-
النهاية:reporter:
DMC
27-01-2006, 12:34 PM
السلام عليكم





هو انتقل الى المحلات المقابله لأبوظبي مول لكنه مغلق ويمكن صارله أكثر من أربع شهور مغلق فهل رجع المحل وفتح مره ثانيه؟؟

أيضا الانمي موجود في محل plug-ins مارينا مول لكن الاسعار صراحه مرتفعه

شكرا على الموضوع

سلام
بخصوص المحل اخوي كنوز الشرق رحت المكان قبل شهر وبعده مسكر -_-!
الفترة تسكر فيها حوالي تقريبا سنة <_<
ماصدقت فتحوا محل ويسكرونه بسرعة :blackeye:
النهاية:reporter:
Arnegrim
28-01-2006, 02:39 PM
شي محل في الميغا مول في الشارجة يبيع مانجا ^^
Book Mall!
المانجا الوحدة بـ35 درهم ^__________^
القمر و الليل
28-01-2006, 04:11 PM
شي محل في الميغا مول في الشارجة يبيع مانجا ^^
Book Mall!
المانجا الوحدة بـ35 درهم ^__________^

ياسلاااااام ..^_^ تسلم اخويه على هالخبر الحلو..
انا دايما اسير بس ولا مره لاحظت..!

شكرا وايد وايد وايد على مشاركتك الطيبه :D

سلاااااااام
Arnegrim
28-01-2006, 04:34 PM
ياسلاااااام ..^_^ تسلم اخويه على هالخبر الحلو..
انا دايما اسير بس ولا مره لاحظت..!

شكرا وايد وايد وايد على مشاركتك الطيبه :D



سلاااااااام

شي قسم مب وايد كبير للمانجا لهذا يمكن ما تلاحظين بس هي المكتبة الموجودة الى اليمين بجانب البياع و إذا كنتي محظوظة بتحصلين كمية كبيرة لأني اخر مرة رحت كان عندهم وايد مانجات ^^

طبعا أسعارهم ارخص من السيتي لكنهم نادر ما يبوون كتب جديدة ^^
*BAKI*
03-02-2006, 06:53 PM
يوجد محل خاص يبيع تقريبا كل الانميات في الامارات في منطقه منامه تابعه لعجمان المحل الوحيد يبيع افلام وشي اماكن ثانيه ما اعرفها