يقولون أحلى شئ في الشتاء البرد .. :d << بالله من جد

[! غــريــب !]

مساء البرد :D ,,

أجواء قارسه تهد العظام وياليت كل واحد يقضب أرضه ويجلس في بيتهم

إللين يخلص هالصقيع

هذا كان كلام طيب الذكر : حسن كراني

وللي مايعرفه تراه مذيع النشره الجويه في القناه الأولى

هو ومعه واحد إسمه مصطفى اللي مدري وش

ولكم أن تتخيلوا أن التلفزيون السعودي على كثر مامرت عليه رياح التغيير

وعلى كثر ما تغيَر حتى شكل التلفزيون نفسه

وهذولي باقي يقدمون النشره :D

يلعن إبليس الشيطان مدري كم مليون سعودي

مافيهم أحد يعرف يقدم نشره جويه الا هذولي الإثنين ؟

حتى وزراء الإعلام تغيروا الفارسي والمدني

ومدري وش وهذولي ماتغيروا

<< مسك خط واسترسل في الكلام :D

ماعلينا ,,

في البرد تخرب الأخلاق

ــ بالنسبه لي على الأقل ـ ويكون الواحد نفسه صاكه

وده بس يلبس شراريب العائله وفنيله أم رقبه ويسنتر عند الدفايه :blackeye:

http://www.hamadvision.com/images/Image(165).jpg

طبعاً بالنسبه لمدينه مثل الطائف ,,

فـ الجو فيها في البرد يسد النفس لأننا في الصيف بردانين فما بالكم يوم يجي الصدق :D

http://www.alarabonline.org/data/2005/06/06-30/445p.jpg

وهنا ياماتو يسوي حركات نص كم حقة زمان

" يعنني مدري انك تصورني :D "

http://members.abunawaf.com/balot/mskl/c10.jpg

وهنا اخت لينا وهي مبلشتها حتى وسط الثلوج

تبي تصورها وهي معطيتها مقفاها

وتقول " معصي :D " ,,




عمومتاً حنا اللي البرد مايجينا الا في السنه حسنه

نجلس نتشمت اللين نقول آمين

فما بالكم بسكان تسونان ؟

عزيزي القارئ وعلى طريقة حسن كراني هذا خبر لقيته في العربيه عنها ..








تسونان مدينة تعيش تحت الثلج 13 قدما معظم شهور السنة

نساؤها رشيقات وسكانها يتنقلون بين التلال البيضاء كالفئران

http://www.asharqalawsat.com/2006/01/10/images/front.342560.jpg

تسونان (اليابان): نوريميتسو أونيشي
مدينة غريبة الأطوار ومثيرة في كل شيء ليس لأنها يابانية تحمل طابع أقصى الشرق الآسيوي الأسطوري ولكن لأن المناخ فعل بها فعلته، فمدينة تسونان اليابانية تعيش معظم شهور السنة غارقة في الثلج لدرجة الغوص فيه، والمهمة الأساسية التي لا تنتهي لنسائها، ومعظمهن كبيرات السن، هي إزاحة الثلوج، الأمر الذي يعتبرنه ريجيما إجباريا يجعلهن أكثر رشاقة من غيرهن في مناطق اليابان والعالم.

وفي بعض الأوقات يصل ارتفاع الثلوج إلى أكثر من عشرة أقدام بحيث يغطي كل شيء تقريبا ويضطر الناس إلى القفز عبر الحوائط للخروج من المنازل، وعندما يخرجون إلى الشوارع فإنهم يتيهون مثل الفئران.

عاشت المدينة، وهي من المناطق التي تتعرض الى ثلوج كثيفة في ولاية نيغاتا، تحت الثلوج التي بلغ ارتفاعها 13 قدما في الأيام الأخيرة. ويقول كبار السن انه أكثف سقوط للثلوج منذ عام 1945، وهي سنة يتذكرها السكان، حيث بلغ ارتفاع الثلج 23 قدما كما يتذكرونها ايضا باعتبارها نهاية الحرب العالمية الثانية. وفي هذه المدينة فان ثلث السكان هم فوق العام الخامس والستين، وقد توفي رجل عمره 81 عاما بينما كان يزيح الثلج بعد أن سقط في النهر، ودفن رجل آخر في السبعينات من العمر تحت الثلج الذي سقط من السقف. وتعتبر البلدة الثلجية التي ترى الضوء الخافت لشهور قليلة فقط جزءا من «المنطقة الخلفية من اليابان» الأقل تطورا، على عكس «الجزء الأمامي» الذي يواجه المحيط الهادي. وقد اختار ياسوناري كاواباتا في روايته «موطن الثلج» مناخ هذه المنطقة الكئيب كمكان لعلاقة الحب التي حدثت في ربيع حار في منطقة ليست بعيدة عن هذا المكان


.

طبعاً الخبر فيه " ركب إللين الليل " بس مالكم بالطويله

أهم شئ فيه ناس عندهم برد أكثر مناَ ـ مافيش حد أحسن من حد :D ـ

وهنا أهم النصائح في هذي الفتره القاسيه من السنه ..


كيف نعالج أنفسنا من الزكام أو الحمى باستخدام الطب البديل كالأعشاب أو الفواكه؟

إن الزكام والأنفلونزا مرضان فيروسيان، ومن المعروف للجميع أن المضادات الحيوية لا تعالج الفيروسات، وبالتالي فمن المستحب في حالة الرشح والأنفلونزا الخفيفين اتباع السبل العلاجية الطبيعية كالمواد الغذائية التي تحتوي على تركيز عالي من فيتامين ج "c" كالليمون والبرتقال وسائر الحمضيات والفلفل الأخضر والتفاح وغيرها، كما ينصح بشرب السوائل الدافئة بكثرة واستعمال محلول الماء والملح للغرغرة والتقطير في الأنف والتزام الراحة والدفء.

ما المقصود بالأنفلونزا الحادة؟ وفي أي حال تصبح خطرة؟

أن الأنفلونزا هي مرض فيروسي حاد يصيب الناس عادة في فصل الشتاء، وفي هذا المرض يدخل الفيروس إلى الجسم عن طريق الجهاز التنفسي عادة بالعدوى من مريض آخر عن طريق رذاذ الفم، يدخل هذا الفيروس إلى الدم وينتشر في جميع أنحاء الجسم ويصيب الإنسان بأعراض إعياء عامة كارتفاع في درجات الحرارة والضعف العام والهزال وفقدان الشهية، وكذلك يصيب الجهاز التنفسي بشكل خاص فيسبب ألما في الحلق والأنف ويسبب السعال.

وهذا المرض يعتبر مرضا غير خطير إذا تمت السيطرة عليه بالراحة وشرب السوائل الدافئة بكثرة واستعمال خافضات الحرارة، أما إذا أهمل المرض فقد تحصل مضاعفات خطيرة تؤدي في بعض الأحيان إلى الوفاة مثل ذات الرئة (مرض التهاب الرئة)، ونخص بالذكر كبار السن فهم قد يتعرضون للمضاعفات بشكل أسرع وأسوأ من غيرهم.




هل بعد أن يغتسل الإنسان تقل مناعته، بحيث يفضل ألا يتعرض لجو بارد، سواء في الشتاء أو لجو جهاز تكييف في الصيف مثلا؟ هل صحيح هذا الكلام؟

من المعتقد أن مناعة الجسم تقل بشكل حاد عند تعرضه للتغيرات الحادة في درجة حرارة الجو المحيط، وبالتالي فمن المعتقد أنه عندما ينتقل الإنسان من جو حار مثل الحمام أو التدفئة المركزية إلى جو بارد بشكل سريع يتعرض لهبوط في مناعة الجسم، وبالتالي ازدياد احتمال التعرض للأمراض.

فلذلك ننصح بغسل الوجه بالماء البارد قبل الخروج من المنقطة الدافئة إلى المنطقة الباردة، وكذلك عدم التعرض للهواء البارد بعد الخروج من الحمام.



واعتبروه موضوع طالب عنده امتحان فيزياء السبت :o

[Electro M]

احلى شي صورة ياماتو :D
الله يرجك

بخصوص البرد و الله ما ادري عنكم يا حقون الطايف
بس ترا الجو دفا في المنطقة الوسطى خصوصا القصيم
لما رحت للجامعة الاثنين اللي فات شغلت المكيف في السيارة و كنت ماسك الخط الساعة 10 الصبح يعني الجو حار من جد
و حاليا الناس لابسة ثياب صيفية من زود الحر

ياخي جونا عجيب
صدق اللي قال اننا نمر بجميع فصول السنة خلال اسبوع

[احلامو ادوماتو]

يا حوووووووووووووووبي للمواضيع التثقيفية ^ـــــــــ^

بس ياخي عندي احتجاج >.<

ما حطيت لنا معلومات تخص المشاوي و كيفية إستخدام "المنقل" و أي أنواع "الحطب" المفضل إستخدامها ^ـــــــ^

و تعال يا "مأصوف الرأبه" الياهووو يقول إن الحرارة ماهيب شينه عندكم ، حوالي 28 >.<

موب أنا ، بأجي من الشرقية الي بردها "حر" الى الجوف الي حرارتها حوالي 13° بكره T-T

شكل الزكمة راكبتني راكبتني T-T

http://www.hamadvision.com/images/Image(165).jpg

تذكرني بأيام الصبا في الرياض T-T

يوم "إنقلعنا" للجوف ما نعرف غير دفايات الغاز يالله عفوك T-T

بس أحلى شي شبة هالنار و ريحة القهوة و الهيل ^ــــ^ جو رومانسي يااااي ^ـــ^ <<<قروي يبي يقنع نفسه إنه حضري

http://www.alarabonline.org/data/2005/06/06-30/445p.jpg

خخخخخخ ، كأني حاس إن عنسان جايه "مطربق" يبي يعطيه كف حلاقه على كيفك p=

http://members.abunawaf.com/balot/mskl/c10.jpg

"معصي" بعووونف و الله >.>

=-=-=-=-=-=-=-=-=-=

موضوع "فتاك" و "دمار شامل" كالعاده غريبوووووووه ينطيك العافيه ^ــــــــ^

بس انتبه من علوج بوش >.>

[! غــريــب !]

ياخي جونا عجيب
صدق اللي قال اننا نمر بجميع فصول السنة خلال اسبوع

هههههههه أنا أشهد ,,

بس حنا شئ إسمه حرَ مانعرفه تخيَل

إشتقت لأيام كل الإشاره مصيفين من دول الخليج :(

عماد الدين .. يا إنك منورَ الموضوع بشكل :)

[احلامو ادوماتو]

ويلي T-T تم جحدي T-T <<<ناطلنها من مسلسلة مصرية مكسيكية

و إن جرح ذوي القربى لأشد مضاضة من ما أدري وشو الحسام المهندِ T-T

[Classic Evil]

بالعكس ذكرتني بجو الطايف والله جوها فنان .. خصوصا حي العزيزية لاني يلست فيه :09: ..

وعلى طاري الطايف حتى قرودها ما شالله كل واحد يهنبل اكثر عن الثاني ...

تصدق عفدنا اليـبل ليين فوق في منطقة الهدا ..


مناظر جميلة اللــــــــــــه والبرودة كانت فوق بس:196: ... شكلي بروح مرة ثانية :hmmmm:...


كرونو : الكبير كبير :biggthump

[Son_OF_Liberty]

ياحظكم ياحقون الطايف من جد تحسون كأنكم خارج السعوديه :D

احنا بجده جميع أنواع الحرووور :09:

البرد اخذ اسبوع واحد بسس :p

[Electro M]

تبي دليل على الحر عندنا حاليا
عجزت انام بسبته
و اخاف اشغل المكيف اروح في خرايطها
لان مناقشة المشروع يوم الاحد

[GrassHopper]

ههههههه ... موضوع وايد ممتع يا أخ العرب :p
بما اني طالبة ( ليس لها اي صلة تذكر بالدراسة ) تدرس في اليو-اس ... راح أتكلم عن الجو
عندنا هالأيام ... ياختصار وااااااااااااايد برد ... والله أشتقت حق برد الكويت -___- ... كل
يوم يالله أمشي وأروح كلاساتي .... أكره البرد كرهاَ شديداً.. لا أحبه ( هههههه ..... ماخذه
عربي هالسمستر علشان أرفع معدلي التعيس ومستانسة :D ) ... بشكل عام البرد حلو بس
لازم تكون مدفي عدل ومعاك قهوة حارة .. جذي يكون البرد حلو .. بس غير جذي يكون ويييييييع :mad22:

[Mada Mada Dane]

انا ذوقي مختلف عنكم احب البراد :05:

[ماجد الشهري]

انا ذوقي مختلف عنكم احب البراد :05:

تعجبني :biggthump

[! غــريــب !]

يا حوووووووووووووووبي للمواضيع التثقيفية ^ـــــــــ^

بس ياخي عندي احتجاج >.<

ما حطيت لنا معلومات تخص المشاوي و كيفية إستخدام "المنقل" و أي أنواع "الحطب" المفضل إستخدامها ^ـــــــ^


ياحوبني لك أنت

وشو مشاوي فاتحين كشك أبو عمَار على غفله ؟ :D

دورت صور للمنقَل بس القوقل الظاهر مايعرفه كتبت منقل

طلعت لي صور دبابات إسرائيليه ومدري وش قلت خليني أتعوذ

من إبليس وأذاكر فيزياء :o



و تعال يا "مأصوف الرأبه" الياهووو يقول إن الحرارة ماهيب شينه عندكم ، حوالي 28 >.<

تف من بؤك .. قول غير تسذا ياخي لاتنظلنا :(



موب أنا ، بأجي من الشرقية الي بردها "حر" الى الجوف الي حرارتها حوالي 13° بكره T-T

شكل الزكمة راكبتني راكبتني T-T



تذكرني بأيام الصبا في الرياض T-T

يوم "إنقلعنا" للجوف ما نعرف غير دفايات الغاز يالله عفوك T-T

بس أحلى شي شبة هالنار و ريحة القهوة و الهيل ^ــــ^ جو رومانسي يااااي ^ـــ^ <<<قروي يبي يقنع نفسه إنه حضري



ياحرااااااام الجوف 13 :D

وتدفا زين .. يااااي :p




ويلي T-T تم جحدي T-T <<<ناطلنها من مسلسلة مصرية مكسيكية

و إن جرح ذوي القربى لأشد مضاضة من ما أدري وشو الحسام المهندِ


ياخي مو معقوله أرد على موضوع مثل ذا وحنا في سالفة بوب

يعني قلت اللين تخلص السالفه بعدين أرجع للموضوع ولا قسمن مانسيت :)



موضوع "فتاك" و "دمار شامل" كالعاده غريبوووووووه ينطيك العافيه ^ــــــــ^

بس انتبه من علوج بوش >.>


الا قولي انتبه من تحليل القوى .. انتبه من التسارع .. انتبه من الراديان

كرونو حياك ,, وتشكرات على المرور

[! غــريــب !]

بالعكس ذكرتني بجو الطايف والله جوها فنان .. خصوصا حي العزيزية لاني يلست فيه :09: ..

وعلى طاري الطايف حتى قرودها ما شالله كل واحد يهنبل اكثر عن الثاني ...

تصدق عفدنا اليـبل ليين فوق في منطقة الهدا ..


مناظر جميلة اللــــــــــــه والبرودة كانت فوق بس:196: ... شكلي بروح مرة ثانية :hmmmm:...


قول ماشاء الله وتف من بؤك أنت الثاني .. ياشين النظل يوم الجمعه :o

ياذي القرود اللي مشوهه سمعتنا :(

بس وشو عفدنا ترا قسمن فيزياء بكره ولا أدري وش الطبخه

إيفل نهي سوي موت .. لاتحرمنا من طلاتك :)

Son_OF_Liberty

لاتذكرني بـ جده ياقسمن مشتاق لها مووت

<< بطريقه غير معلنه يبي يبين إنه مشتاق لسوق الصواريخ :D

حياك :)

[ODIN]

اه يالبرد

نحس فيه ساعتين باليوم بس والباقي حر

ياخي عجيب جدا باليوم الواحد كل الفصول تمر من جد جو مرض


بس مع كذا البرد احسن من الحر تحس انك عايش مب عرق وقرف

[7_Dark Soul]

غريبوه..... بقتلك...T___T

الحين منحاش من مذاكرة الفيزيا و داخل النت....تطلع لنا انت بعد...

لاحد يجيب طاري التسارع ولا بعضه (شكلك من ضمن الشلة ..ثاني ثانوي)


يلعن إبليس الشيطان مدري كم مليون سعودي

مافيهم أحد يعرف يقدم نشره جويه الا هذولي الإثنين ؟

حتى وزراء الإعلام تغيروا الفارسي والمدني

ومدري وش وهذولي ماتغيروا



انت ما سمعت مسويقى التلفزيون السعودي الصبح....الي يجبون مزارع و مادري شنو...

ذي يا طويل العمر من اكثر من 30 سنة :jester:



فـ الجو فيها في البرد يسد النفس لأننا في الصيف بردانين فما بالكم يوم يجي الصدق


ذي صدقت فيها....انا رحتها في الصيف...ابرد الشتا عندنا -___-


موب أنا ، بأجي من الشرقية الي بردها "حر" الى الجوف الي حرارتها حوالي 13° بكره T-T


هه.....و و تقول برد بعد....في الدمام قبل يومين درجة الحرارة الساعة 2 الظهرحوالي 12 -_-

[Classic Evil]

بس وشو عفدنا ترا قسمن فيزياء بكره ولا أدري وش الطبخه


انا من شفتك قلت نباطة ماصدقت قلت الأخ سيم سيم في كلام :09: ...


عفدنا عفدا وعفودا : صعد صعدا وصعودا .. يعني صعد الجبل كلايمب :)

[! غــريــب !]

عماد

أما عاد مكيف ياخي لاتتهور ..


GrassHopper

الله مير يسلمك يا أخت العرب

ولا تسئليني وش معنى مير نصيحه :D

وبعدين أحد يشتاق لبرد في بلد ثاني يعني ماهوب مكفيك اللي عندك

والله يوفقك في كلاساتك ووصلي سلامي لـ أحمد زغلول تراه يدرس هناك :p

مادا دانس

اجل الله لايهينك أنقز تسونان تراهم حليلين ويحبون

يتعرفون على اللي مثلك وخذ معك ماجد الشهري :D

ODIN

يمكن عندكم تحسون إنكم عايشين في البرد

بس قسمن حنا الشوارع خليَ << مأخوذه من الخلاء يعني مافيه أحد نو بري

دوا الكحه بعد تسبدي

لاتذبحني ولا أذبحك .. أنا معيد معيد الله لايعوق بشرَ

بس ياخي أحس سليمان العيسى مقدم مسابقة

رمضان للكبار يقرب لك مدري ليه :D

إيفل نهي سوي موت

ياخي خلاص عاد مو أعرف النباطه أصير بالع المعجيم الوسيط حقكم :D

ووصلت المعلومه .. بس كلايمب شئ تحس عندك سالفه يوم تكتبها بالعربي :o


نورتونا أيها الشباب اللطيف .. وحياكم :)

[HIROSHI_11]

ما حسيت بالبرد هالسنة ابدا..:blackeye:
كلها يومين مطرت مدة نص ساعة وبس
اي السعودية شئ عجيب الصراحة..اذكر لما رحتها
كل منطقة ابرد من الثانية
ولا قرود الطائف..تووحفة بصراحة
محد يغلط عليها:D

مشكور غريب على الموضوع
تم الترشيح:09:

[BOOOB_2002]

اما صورة ياماتو حركة :D بس اللي بالصورة لئيم شكله كان المفروض تجيب شخص يضحك وضحكته شبرين :p



اما عن البرد فأنا ما شفت برد هالسنة اطلاقا الجو جميل في اغلب الوقت وانا من النوع اللي يحب البرد اكثر حتى لو كان قارس افضل من الحر -________-


اما صورة اخت لينا مدري وش تبي هي لها اخت صغيرة اصلا :p ؟

[ثريول]

يازين البرد زيناه .. وأعني بردنا الـ"سنع" , اللي لو حط قوته كلها ما يوصل الـ8 في المدينة بين البيوت.. أما بردكم اللي جربته لين قلت بس, فالله يعينكم -__- وخاصة أهل الشمال الملتهب -___- .

هاليومين الجو كوكتيل طبقات بالشقف, برد حر هوا سبرة .. الشي الوحيد الثابت في هاليومين وهالشتا بشكل عام هو أن الشمس "تصبّح علينا" كل يوم , ولايوم خذت إجازة -___- . الله يجيب الخير!


ما حطيت لنا معلومات تخص المشاوي و كيفية إستخدام "المنقل" و أي أنواع "الحطب" المفضل إستخدامها ^ـــــــ^


شوف, أول شي أدري أنك كاتب السؤال وماتتنطر إجابة من أحد :tongue2: , بس أخوك اللي يكتب لك هالرد توّه جاي من البر وريحته ريحة دخّان حطب سمرة (سمر: نوع من شجر البر) يجيب المرض, وعينه تعذّبت من "غشمرة" هالدخّان معاها, وجاي وفيني"حرّه" في الـ"تـسبد" ودي أطلعها وأعبّر عنها, بسبب هالـ"سمرة" الكريهة اللي تخلي ريحتك ريحة واحد حارق غابة في استراليا, اللي أبي أقوله: يمدحون الفحم :o.

[BOOOB_2002]

ثريول بالله ما بتمر الرياض يوم؟ :06:


ترا شكلي بدش سوق الأسهم بس عشان اسوي زيارة لقطر :p <<<< تحسها مشوار


الحينصار الذهاب لقطر مثل المويه عند الناس هنا والله تسأل عن فلان وينه يقولون لك في قطر خير عسى ما شر وشله بقطر يقولون اسهم :o


على طاري المشاوي يختلف الطعم اذا شويت بفحم ولا بحطب؟ :D

[القــعـقـاع]

يا زين الحر بس..الواحد يعرق تمام و العرق مثل ما تعرفون يسبب الانسيابية مو مثل البرد و الجفاف حقه ~___~

على فكرة...مذيعين النشرة الجوية تبع هيئة الارصاد مو التلفزيون

[! غــريــب !]

هيروشي

وأنتي يعني ماشاء الله عليك حافظه هالنص ساعه :p

كيف لو كنتي في ربوع تبوك ولا أبها .. كان معاك دفتر ومرسمه أم تمساح

وكل شوي وانتي طامرتن تسجلين :D

وترشيحكم وصل ..:)

بوب

أدري هو اللي محلي الموضوع بس من كتبت الموضوع

والرجال مختفي ..



اما صورة اخت لينا مدري وش تبي هي لها اخت صغيرة اصلا http://67.15.103.43/images/smilies/tongue.gif ؟


http://webpost.net/ko/kotomoto/PICT0036.jpg

:D

ثريول

إرحب ,, عاد تصدق إن الشايب عندي كل ماجبنا سيرة البرد

يقول باقي البرد اللي عليه العلم ماجاء .. والظاهر الصيفيه

بتجي وهو عند كلامه .. وإن كان كرونو عرف السمره

فـ .. إفلقني :D

القعقاع

هلا وغلا ..


على فكرة...مذيعين النشرة الجوية تبع هيئة الارصاد مو التلفزيون

مربط البعير .. تغيروا ولا باقي مثل ماهم ؟ :p


ده الحته منوره بوقودكم ياقدعان ,,

[Angel whisper]

والله الجو عندنا ولا احلى

بس كله من الكلية .. اقوم من الساعه 5 ونص حسب اطلع من البيت على الساعه 6 وربع .. وانواع البرد ~_~
بس الجو اليوم بالذات كان حلو طول اليوم .. حتى الظهر ..

[SFS]

أحلى شي لما يجي وقت المربعانية وساعتها يبدي البرد الصجي..
وأحلى شي لما تروح البر ويحوشك برد العيوز الي يدش بالعظم وتتدفى بالدوة وتتلحف بالبشت الشتوي وتشرب الشاي المنعنع..
تجربة ولا احلى..
بس الشتا هالسنة عندنا ناشف بالمرة..
ما مطرت الا يومين ..
والباجي مجرد جو متقلب مرة حار ومرة بارد..

[.Atlas.]

هههه ياحليلها بنت اخت لينا :P

بالنسبة للجو ..الجو هالفترة متقلب من حار لصقيع !

اذا ماني غلطانه يسمون هالوقت "بيّاع الخبل عباته "






شوف, أول شي أدري أنك كاتب السؤال وماتتنطر إجابة من أحد :tongue2: , بس أخوك اللي يكتب لك هالرد توّه جاي من البر وريحته ريحة دخّان حطب سمرة (سمر: نوع من شجر البر) يجيب المرض, وعينه تعذّبت من "غشمرة" هالدخّان معاها, وجاي وفيني"حرّه" في الـ"تـسبد" ودي أطلعها وأعبّر عنها, بسبب هالـ"سمرة" الكريهة اللي تخلي ريحتك ريحة واحد حارق غابة في استراليا, اللي أبي أقوله: يمدحون الفحم :o.





السمر ماله دخنه (دخان ) و شبته حلوه بس فعلا ريحته كريهة ..على عكس الإرطه XD
<<خبرة أسبوعين :P

[ثريول]

السمر ماله دخنه (دخان ) و شبته حلوه بس فعلا ريحته كريهة ..على عكس الإرطه XD
<<خبرة أسبوعين :P




هو ثاني أحسن نوع حطب بعد الغضا (وهو نادر وشبه منقرض, ويُضرب فيه المثل: أحر من جمرة غضى) , لكن هالسمر مغشوش والظاهر توّه رطب ما أمداه ييبس.

<< خبره كم سنة http://www.montada2.com/images/smilies/tongue2.gif

[احلامو ادوماتو]

ثريوووووووووول يا حووووووووبي لك ياااااااااخي ^ـــــــــ^

السمر و الأرطى و الغضى ^ـــــــ^

بس السمر أقواهم جمرة و أغلاهم O___O فعشان كذا في العزايم الكبيرة لازم السمر يكون سيد الحطب ووحيدهم O___O


غريبووووووووه : أمذح أمذح >.>

أدري ما نسيت بس أبغى أتدلع ياخي P :

أدري دلع التماسيح ماصل و ما له سنع >.> بس وش أسوي T-T

والله يعينكم على الاختبارات يا بعد حيي ^ـــــــ^

دراك سول : متى O___O ما اتذكر برد جامد O___o يمكن كنت ساحبها نومه ذاك اليوم العجيب xr

طش ام طش sfs : احوووووووووووووك يا برد المربعانية بس T-T توصل عندنا للصفر و تحت الصفر بعد T-T

ليتيل أنجل : مو "ضيع الخبل عباته " O___o الاختلاف لا يفسد للود قضية ^ــــ^ <<<خايف تعضه P :

[! غــريــب !]

أنجل ويسبر

زين ..بس حنا عندنا هاليومين شوي الجو معتدل

وياخوفي يكون الهدوء اللي يسبق البرد :blackeye:

SFS

ياخي دايم أسمع بالمربعانيه وإن أشد البرد يجي فيها

.. بس هي جات ولاباقي ؟

ليتل انجل

بيَاع الخبل عباته بعد نفس سالفة المربعانيه .. أسمع بها ولا أعرفها

<< أنت تعرف شئ أصلاً :o

وعقبال مانشوفك انتي وثريول في برامج حصاد المراسلين

جنب الغضا والسمره ونفخر فيكم في المحافل العالميه :D

كرونو

يابعد تسبدي أنت لو الكل تدلع مثلك كان حنا بألف خير :) << غزل عفيف :p

وحياكم ياشبيبه

[Electro M]

المربعانية جت و راحت لها 15 يوم تقريبا
احنا الحين في الشبط كان تعرفونه :31:

[RandOm]

غريب صرقعتك غريبة ^^
يا حليلك ذكرتني بعايلة التلفزيون السعودي مكتوب عليهم عدم الفناء يطلون بوجهك ثلاث ساعات يوميا حتى اصواتهم مخلده بالرادو اشك انهم بيخلون اصواتهم رقمية للسنوات المقبلة
اما كراني يا حليله مهرج التلفزيون مره حطيت القناة الاولى وانا اتعشى عقبها قعدت ازحف زحف ابي اوصل بس للتلفزيون ابي اطفيه جاني عسر هضم من الضحك " خمسة وتلاتييينّّّّ " << لاحظ الشدات

يقولون احلى شي في الشتاء البرد... اول حسبتك تمزح
طيب ما سمعتهم يقولون ان الجمر فاكهة الشتاء << صار سوق

قبل اسبوع اللي يطلع برا بيتهم يعتبر نفسه منتحر اخخخخ يا ليت احد سامعني قبل ما اداوم بالمدرسة

اقول احمدو ربكم اذا عندكم مطر ما فيه مشكله اذا برد اما انا مقحطين ما نزل ولا ذرة مطر والشكوى لله
عن اذنك بولع الجمر

[احلامو ادوماتو]

غريبووووه : أحرجتنا T-T الرقم مع دراكنس اذا تبيه P:

أو صح ، رقمي معاك already :P

أستر علي الله يستر عليك T-T <<<<<استلم خط الخبل



إي ماد : تعال يا شايب الغفله O___O سألت الماما الكريمة و لم تتعدى ما قلته طال عمرك ^ـــــــ^

كنت متحمس أكلمها قلت يمكن نكذب أقوالك، سووووووحقن >.<

ايوه صحيح "الشبط" >.> يقولون تخرجت ، مبرووووك ^ــــــــ^ <<<ما يعرف يصرف

[Dhn Al Ood]

أنا أموت على البرد . :D

[Electro M]

إي ماد : تعال يا شايب الغفله O___O سألت الماما الكريمة و لم تتعدى ما قلته طال عمرك ^ـــــــ^

كنت متحمس أكلمها قلت يمكن نكذب أقوالك، سووووووحقن >.<

ايوه صحيح "الشبط" >.> يقولون تخرجت ، مبرووووك ^ــــــــ^ <<<ما يعرف يصرف

الماما علمتك الله يفضحك :09:
ياخي انا لي من كل بستان زهرة :31: <== اشوى انه ما عرف هالشي الا من التقويم

و الله يبارك في عمرك عقبال عندك :)

[Yamato]

http://www.alarabonline.org/data/2005/06/06-30/445p.jpg
ياماتو: هذي نظارة ولا قلة حيا.. (&)


ياخي شو شعورك لو يوميا تقوم من النوم ولازم تمشي في البرد والهوا يصقعك في قفاك وانت لا حول ولا قوة... ياخي احس اني ساكن في بحر الشمال...


والله الواحد يحتار... في الحر احلى شي انه الماي على طول ساخن لدرجة انه يسلخ جلدك وانت تضحك.. :blackeye:
وفي البرد لازم تنتظر لين يحر الماي.. بس مش نفس الصيف..

بشكل عام البرد إز نوت ماي ستايل... اتريا شهور الصيف والمايــ.. والنوم >.>

[! غــريــب !]

عماد

يعني جات وراحت ؟

طيب اللي قلتها مدري وشسمها .. بعد فيها نفس الحاله ؟ :(

شوكليطه

يا حليلك ذكرتني بعايلة التلفزيون السعودي مكتوب عليهم عدم الفناء يطلون بوجهك ثلاث ساعات يوميا حتى اصواتهم مخلده بالرادو اشك انهم بيخلون اصواتهم رقمية للسنوات المقبلة
الظاهر مادريت
حامد الغامدي بعد ما أللغوا سباق المشاهدين حقه خلوه يسجل
لهم صوته على صيغة الـ إم بي 3 عشان يخلونه ذكرى في نفس مكتبة كراني وعشماوي

اما كراني يا حليله مهرج التلفزيون مره حطيت القناة الاولى وانا اتعشى عقبها قعدت ازحف زحف ابي اوصل بس للتلفزيون ابي اطفيه جاني عسر هضم من الضحك " خمسة وتلاتييينّّّّ " << لاحظ الشدات

ياخوي هو رجال طيب حرام عليك
بس مشكلته مايفرق بين النشره الجويه والورقه حقة مقاضي رمضان


قبل اسبوع اللي يطلع برا بيتهم يعتبر نفسه منتحر اخخخخ يا ليت احد سامعني قبل ما اداوم بالمدرسة

اقول احمدو ربكم اذا عندكم مطر ما فيه مشكله اذا برد اما انا مقحطين ما نزل ولا ذرة مطر والشكوى لله
لامنتحر ولا شئ وقسمن من أول ما ابتدت الدوامات
وأنا مايمر علي أسبوع الا وأنا ساحب على الدراسه
ومن جا البرد وانا ماخليت ولا يوم الا وانا رازن خشتي فيه :D
بالنسبه للمطر .. ربك يجيب مطر << دايم يسمعها ووده يقولها

عن اذنك بولع الجمر

خذ راحتك ودندن على الربابه وقول " ياليل دانا دانا دان "

كرونو ( وجه مستحي )

أرد على هالموضوع وأنا في غمرة الشوق والحنين

لكن مثل ماتعرف اللحين الساعه عند الإشاره تكون 1 و27 دقيقه

فـ خلي إللين اليوم وقلبي دقته أسرع .. في الليل أكلمك ( وجه مستحي اكثر من الوجه الاول )

دهن العود



أنا أموت على البرد . http://67.15.103.43/images/smilies/biggrin.gif

وأنا أبي اعرس .. بس الشكوى لله

ياماتو


ياماتو: هذي نظارة ولا قلة حيا.. (&)

قلة حيا :D


بشكل عام البرد إز نوت ماي ستايل... اتريا شهور الصيف والمايــ.. والنوم >.>
خليك ستايل مع جويل بلا برد بلا حرَ :p

لا شوف فيه ديَر << جمع ديره
مايصلح فيها الله يامنَا لاحر ولا برد
بس مثل الطايف الحرَ هو ستايلنا << ماهوب زرافها منك أبداً

الجميع .. قبل ماتدخلون الموضوع مره ثانيه اللبسوا فنيله أم رقبه

حياكم :)