المساعد الشخصي الرقمي

مشاهدة النسخة كاملة : شعر طراطيش من كاسي الشعري


Mr.FMZ
30-01-2006, 05:14 AM
بسم الله الرحمن الرحيم والسلام عليكم ورحمة الله وبركاته

نزولا تحت طلب أحد العضوات بالمنتدى أختي rosmaria .. الله يوفقها.
سأضع بعض من كتاباتي الشعرية
ارجو ان تحوز على رضاكم وتعطونا اراءكم النافعة فيها ..

أولاً: هذي كم بيت شاركت فيها بموضوع سجل حضورك.

في البعد أشتاق وفي القرب أشتاق
شوق يعجز الوصف يوصف مثيله
والله يسيل الدمع وقت طريا الفراق
(ياويح قلب خلٍ يفارق خليله)
-----------------------------------------
يارب ترحم حالة صـــابت العبـــد :: الفقير اللي مالقى غير مناجاتك
يشكي لك الحال ولوعة في الكبد :: ينادي الناس ولا نفع غير مناداتك
ان كان ضيق صدرٍ ولا بحيلة اليد :: مايضرك من يزيد القول من "هاتك"
-----------------------------------------
ثانياً:هذي كتبتها تهنئة بعيد الفطر للأصدقاء والأقارب
مبروك عليكم عودة عيد يفرحنا .. مبروك عليكم من ( ... ) بالعيد يهنيكم
عسى رب العباد فيكم دوم يجمعنا .. على المحبة وعلى الخيرات جازيكم
وعلى قصور حصل ربي يعفي عنا .. ويرزقنا الفردوس تكفينا وتكفيكم

( ... ) : واضح مع الوزن .. عشان كذا لايجيني احد يطلب مني جائزة لانه عرفه. :)
-----------------------------------------
ثالثاً:
قعدت أحسب ثواني اليوم والليلة .. هو كم انا اقعد شاردٍ فكري
هو كم من الوقت أقعد أحاتيله .. هو كم أناظر بالقمر لين هو يسري
لقيت اني كل الوقت بالي له .. ولا ثانية تغيب ذكراه من يطري

هذي بعض الطراطيش وانشاءالله ماحد تبلل منها. :)
انتظر آراءكم.
~*RoSaMaRia*~
30-01-2006, 09:11 AM
وعليكم السلام والرحمة والاكرام ....
مشكور اخوي على تلبية الدعوة .....واحياء هذه الموهبة الدفينة......اللي وأدتها ...
شكلي بطلع من المنتدى :D ......
وبصراحة الابيات جميلة جدا .....
الحين ....هي ماهي كلها على نفس المستوى .....لاكن بصورة عامة ....
اختار (جيدة).....
بالنسبة لي ...اشوف انو اخر واحد هو الافضل يليه اول واحد ....
لانها محبوكة بطريقة ممتازة ما فيها اي ركاكة.......
....وانه بصراحة ماني ناقدة ولا اعرف في هالنوعية من الشعر كثيرلاني عايشة في بلد غير عربي ....لاكني كنت انفخ وازبخ .....:D :09: سامحني ...
المهم .....اني اديت اللي اقدر عليه والباقي على بقية الاعضاء .....
وبغيت ..-.طبعا اذا تسمح لي- ....اني اعطي صديقتي الابيات الاولى .....لانها في كل كلمة من كلماتها توصف حالتنا ووضعنا ..انه وهي ....
اتمنى لك الاستمرارية في هذا الطريق لانك اهل لذلك ...ولا تنسى اطلاعنا على جديدك ..:ciao:
Mr.FMZ
30-01-2006, 10:22 PM
العفو
وشكرا لكي على رأيك الجميل ونقدك ( البناء ) :)
ماحسيته ضرك مكان الإقامة في ما كتبتيه من قبل إلا انه فادك في اللغة الانجليزية. ولا يضر الواحد مكان الإقامة إذا كان كل شي متوفر على النت. أهم شي القراءة والإطلاع.
بعدين صدقيني باللي كتبتيه من قبل انا ماشفت فيه أي نفخ وزبخ على قولتك :).
وفي النهاية أكيد اسمحلك .. وتسلمي على حسن ظنك.
Mr.FMZ
~*RoSaMaRia*~
31-01-2006, 12:02 AM
mr.fmz

ما تدري اخوي قد ايش انه شاكرة لك من اجل السماح لي بالاستفادة من ابياتك ....

وعلى فكرة ...انه اايدك في اللي قلته عن مكان الاقامة ....بل بالعكس احس انو هالشي يزيد من خبراتنا في الحياة وفي نفس الوقت يخلينا اكثر تمسكا بعاداتنا واصولنا ....
وكدليل على ما اقول ان البلد اللي اعيش فيها ما تمشي عندهم لاعربية ولا انجليزية ....كله بلغتهم فهالشي خلاني انجبر اتعلم لغتهم من جهة واتعلم الانجليزية اعتمادا على نفسي وجهدي الخاص لانها لغة هالعصر ....اللي ما في غنى عنها ...يعني ضربت عصفورين بحجر واحد....;)

عموما ...اجدد شكري اليك اخي ...:ciao:
اختك روزا ماريا
Mr.FMZ
31-01-2006, 09:04 AM
العفو اختي وانا لي الشرف انك تستفيدي منها

الله يقويكي على العيشة هناك وعلى الغربة .. كذا بيصير التحدي اكبر لكي .. راح ننتظر منك شي من محاولاتك بلغتهم.
والعفو مرة أخرى
أخوكي Mr.FMZ
Mr.FMZ
10-02-2006, 02:16 AM
يالظالمين مافي غير روزماريا معطتني تقييم ترا والله اصدق نفسي على 100% اللي ماخذها.
جوليا بندلتون
10-02-2006, 04:49 AM
Mr.FMZ (http://www.montada.com/member.php?u=271698)تسلم اخوي على كتاباتك وايد اعجبتني وانشالله دوم نشوف يديدك
雅典-アテネ
10-02-2006, 08:04 AM
يالظالمين مافي غير روزماريا معطتني تقييم ترا والله اصدق نفسي على 100% اللي ماخذها.

.........................................

... لاتصدق وبعدين توهق نفسك ( لاصدق من باب الداعبة ) .

محاولات جيدة ... لكن نريد المزيد من هذ الاشعار ... خصوصاً اذا كانت تحتوى على حكمة ... ومايخلف اذا كان عندك شيء وجداني .... تحياتي القلبية لك .

عندي رجاء اخير ... لوكان شخصي نوعاً ما ... اذا كتبت قصيدة في المنتدى اكتب مناسبة القصيدة :09: :o
Mr.FMZ
10-02-2006, 12:08 PM
Mr.FMZ (http://www.montada.com/member.php?u=271698)تسلم اخوي على كتاباتك وايد اعجبتني وانشالله دوم نشوف يديدك

شكرا لكي أخت جوليا .. ويعطيكي العافية على مشاركتك.
Mr.FMZ
10-02-2006, 12:20 PM
.........................................

... لاتصدق وبعدين توهق نفسك ( لاصدق من باب الداعبة ) .

محاولات جيدة ... لكن نريد المزيد من هذ الاشعار ... خصوصاً اذا كانت تحتوى على حكمة ... ومايخلف اذا كان عندك شيء وجداني .... تحياتي القلبية لك .

عندي رجاء اخير ... لوكان شخصي نوعاً ما ... اذا كتبت قصيدة في المنتدى اكتب مناسبة القصيدة :09: :o

والله أعتز برأيك أخوي .. وانشاءالله في المزيد بس خلنا نشوفلكم اللي يرتقي لمستواكم .. مانقدر نحط أي شي.
رجاءك الخاص .. انشاء الله باكتبلك لو كان في امكانية على انه اجمل لو اخلي المناسبات لي ..
( عيب اقولك اني كنت مطفر والراتب خلص يوم كتبت يالله ترحم حالة العبد .. :D )
The.Black.heart
15-02-2006, 01:18 PM
يسلمووو عالطراطيش الحلوه ^^ بصراحه عجبتني كثير
عجبتني أول وحده وآخر وحده كثييير
يسلمو وبانتظار المزيد
Mr.FMZ
15-02-2006, 02:11 PM
شكرا لك اختي لمارا على المرور.
وعلى اللي اعجبك منهم كثيير ماقول الا هذا من ذوقك :).
dr.dark devil
15-02-2006, 03:03 PM
شعر حلوووووووووووووووووووووووو

سلام
Mr.FMZ
15-02-2006, 07:58 PM
شكرا على رأيك يادكتور والحمد لله انو الشعر اعجبك.
black gundam
16-02-2006, 08:52 PM
:biggthump :biggthump :biggthump :biggthump :biggthump :biggthump :biggthump :biggthump :biggthump :biggthump
Mr.FMZ
17-02-2006, 01:25 PM
شكرا لك أخوي black gundam على المرور.
الجمس الحمر
17-02-2006, 10:23 PM
ابياتك ثقيله الله يسلمك ...- بصراحة ما عندي خبرة ولكن يمكن يكون الخلل في الوزن -

ولتلافي هذه المشكلة .....غن القصيدة ....اختار لحن ..يكون مكرر ... وغن القصيدة وشوف
اذا كلها ركبت على لحن واحد يعني زين ..اذا شفت ان فيه بيت ماهو مضبوط او طويل او قصير ...يعني الوزن يبيله ضبط في البيت هذا :D


وانصحك تغير القاف الي تاخذه للقصيده ..وخلك على السهل مثل حرف الهاء او المد بأنواعه( رأي شخصي ) :biggthump

وصح لسانك ولاهنت


:)
Mr.FMZ
17-02-2006, 11:16 PM
صح بدنك أخوي .. وشكرا على النصائح ..
"غن القصيده" ماني مقصر اخوي :) وعلى فكرة انا اضم صوتي لكل من يقول ان القصائد المسموعة افضل من القصائد المقروءة .. لانو في اشياء ماتوضح إلا بالالقاء الصحيح.
وانا يوم قريت رسالتك رجعت والقيت نظرة ثانية على اللي كتبته .. ولاحظت شي .. الا وهو" شوق" .. هي المفروض مع التنوين عشان الوزن يضبط .. ( بعد التلحين اكتشفت الشغلة هذي ) :) .. شوق (ن).
شاكر لك جزيل الشكر اخوي ويعطيك العافية على رأيك اللي اعتز فيه.
أخوك Mr.FMZ
"Taz"
18-02-2006, 05:40 AM
مشكور أخوي
Mr.FMZ
18-02-2006, 12:31 PM
حياك اخوي Taz وشكرا على المرور.
The Dark Moon
18-02-2006, 06:31 PM
السلام عليكم ورحمة الله وبركاته..

ابدعت وابداعك في السماء تألق..

أخذ بالصعود حتى لأعالي الجبال قد وصل..

بل لمع ببريق ساطع اقوى من النجم في الفضاء..

شكرا لك اخي الفاضل على الإبداع..

وجزاك الله خيرا
غاده الدلوعة
18-02-2006, 09:33 PM
أهلين إخوي ..
الصراحة طراطيشك :) حلوة ..
وخاصة الأبيات الثالثة ..
عاجبتني قوة ..
تسلم إخوي .. وبإنتظار أبياتك الأروع ..

تقبل تحيات
إختك ** غاده **
Mr.FMZ
18-02-2006, 11:26 PM
السلام عليكم ورحمة الله وبركاته..



ابدعت وابداعك في السماء تألق..

أخذ بالصعود حتى لأعالي الجبال قد وصل..

بل لمع ببريق ساطع اقوى من النجم في الفضاء..

شكرا لك اخي الفاضل على الإبداع..

وجزاك الله خيرا




اختي القمر .. صراحة كلامك الجميل ماأقدر اقول فيه الا:
أنا لست أهلأً لهذا الكلام ولكنكي أهلٌ لقول مثل هذا الكلام الجميل
حياكي أختي ..
اخوكي Mr.FMZ
Mr.FMZ
18-02-2006, 11:31 PM
أهلين إخوي ..

الصراحة طراطيشك :) حلوة ..
وخاصة الأبيات الثالثة ..
عاجبتني قوة ..
تسلم إخوي .. وبإنتظار أبياتك الأروع ..

تقبل تحيات
إختك ** غاده **




أنا اللي شاكر حضورك قوة .. :)
ويفرحني انها اعجبتك وهذا من ذوقك اختي غادة
الله يسلمك .. وشكراً مرة أخرى.
اخوكي
Mr.FMZ