المساعد الشخصي الرقمي

مشاهدة النسخة كاملة : واللة انك فشلتنا يا الابيض


the slayer
31-10-2001, 05:27 PM
خسر منتخب الامارات :(
لالا بل اتهزى المنتخب امام المنتخب الايراني:غضب: هزيمة قاسية

و هنا نستقبل التعازي
ash2001
31-10-2001, 07:48 PM
الله حرام عليك المنتخب بذل بكل اللي عنده وهاذ جزائهم
الله يسامحك
DE NILSON
01-11-2001, 12:27 AM
الإعتراف بالحق فضيلة
BLACK TIGER
01-11-2001, 02:28 AM
المنتخب الإماراتي:
ثورن يتناطحون في الملعب
the slayer
01-11-2001, 10:16 AM
اي بذل كل اللي عندة :غضب:
مثل كل بطولة يطلعون منها يجلسون في غرفة الملابس و يبكون مثل الحريم
و اللة قهر

و لا يايبين كاظم علي عشان يساعد المنتخب طلع هو محتاج الى مساعدة

و اللة محد كان يعلب عدل غير فهد مسعود
ash2001
01-11-2001, 11:49 PM
أنا معاك في كل الي قلته بس نسامحه هالمره ولا تنسى دورة الخليج يايه
الرهـــيـــب
01-11-2001, 11:53 PM
المنتخب الاماراتي حاول لكن.............................
ظروفه صعبة من الدور الاول ولا نسينا؟
اتمنى من الاماراتين عدم خساره هؤلاء الشباب والمحافظة عليهم
ash2001
02-11-2001, 12:00 AM
والله انك رهيب اسم على مسمى;)
ابتسامــــــه
02-11-2001, 08:48 AM
منتخبنا يحتاج الى خبره
شوووووفو المنتخب السعودي عين عليه بارده... الاعبين الي عنده
اعمارهم كبيره وكد المسؤووووليه وخبرتهم في الملاعب طويله
مب نحن كل واحد يلعب عدل وعمره 20 و21 قلنا هذا يصلح
للمنتخب.....
D0WN~T0WN
02-11-2001, 10:02 AM
مشكورة على مشاعرك ياابتسامة بس ترى حتى المنتخب البحريني صغار لاعبينه شوفي وش سوو بالايرانين

أنا اقول ماطلع من الأمارات الا فهد مسعود يلعب بقتالية ومن قلبه والباقين تقول لاعبين بالغصب
ash2001
02-11-2001, 11:45 AM
صح فهد مسعود اللي فيهم يلعب بروحه الرياضيه اما الباقي********;)
النايم
02-11-2001, 04:48 PM
كل فريق يخسر
وبعدين اذا تاهلوا تتوقعون الامارات او ايران راح يفوزون على ايرلندا << في الاحلام السعيدة
the slayer
02-11-2001, 05:59 PM
و حتى لو فازوا على ايرلندا
تتوقعهم بيحصلون على كاس العالم
ash2001
03-11-2001, 03:47 PM
و حتى لو فازوا على ايرلندا




تتوقعهم بيحصلون على كاس العالم




واله طموحك عاليه زياده عن اللزوم
يحيى عمر
03-11-2001, 06:17 PM
زعلنا على المنتخب الاماراتي اللي كسر خاطرنا وكسر خاطر الجمهور الكبير في ملعب نادي الوحده
ونتمنى انهم مره ثانيه ان يلعبوا في نادي القطاره في العين لان الجمهور هناك كبير ونستنى كاس الخليج لكن هالمره مابنسامحهم لو خسروا وبنحول اسفين على منتخب اخر مع تقديرناللمنتخب الاماراتي
:غضب:
أسامه بن كليفرت
04-11-2001, 03:06 PM
اي فهد مسعود اي خرابيط ... مره مستواه اوكي و مره ادوره ما احصله يلعب بلا نيله تخده !!!

منتخب الواسطه عمره ما بحقق شي بشهاده الجميع ...!


اتوقع ان منتخب عمان سوف يتنازل لشقيقه الاماراتي عن المركز الاخير في دوره الخليج الجايه :D
ash2001
04-11-2001, 03:35 PM
والله انك موب على **********
انت شارب شي
فهد مسعود احسن لاعب خليجي في الجناح الايمن
جرانديا
05-11-2001, 04:36 PM
يا بن كلايفرت

اتبرطم

واختفي عن الانضار لمده 90 سنه لتنسي خسارتكم امام فريق القرن:p :p :p
يحيى عمر
05-11-2001, 05:10 PM
اقوووووول

ترا الظاهر انك حدك الكبتن ماجد ... ( بدون زعل) ":"

ترا كلمة الواسطه ... ما يحتاج انك تقولها ولا شو رايك :أفكر:


تحياتي ..

:cool:
أسامه بن كليفرت
05-11-2001, 09:44 PM
فريق القرن برشلونه انهزم على ملعب ريال مدريد ..... بس شو بيصير في ملعب برشلونه حرام لا نشرشحهم تشرشيح ...
حسين ربيع مصبح
06-11-2001, 12:52 PM
المنتخب الاماراتي الحبيب حاول وما قصر حيث هو حاليا حسب تصنيف الفيفا رابع قارة آسيا
ولا ننسى ان الأبيض استطاع في المباراة الودية التي لعبها أثناء التصفيات بعد خسارته من المنتخب
القطري مع المنتخب السعودي العملاق المطعم بكامل نجومه حيث استطاع الأبيض أن يهزم الأخضر بهدفين نظيفين علما بأن المنتخب الاماراتي كان يمر في مرحلة حساسة جدا في ذلك الوقت.
ومن قولي هذا استطيع أن أبرهن بأن المنتخب الاماراتي لو توحدة لديه روح العزيمة والاصرار فانه يستطيع أن يهزم أعتى وأقوى الفرق أيا كانت آسيوية أوأوروبية والدليل على ذلك الفوز الاماراتي على المنتخب السعودي.
وأخيرا أقول للجميع أنتظروا الأبيض في دورة كأس الخليج الـ 15 :D ;)
للعلم لا تنسوا ان الكرة مدورة:p
HaKaN
07-11-2001, 06:25 PM
هي و الله صدقت يا اخوي حسين ..

الظاهر ان اللي كتبو ردود فوق و حتى كاتب الموضوع للأسف ما يخصهم في الكوره ( كمن فرخ يالسين جدام كمبيوتراتهم .. 12 ساعه مدرسه + 12 ساعه سبيس تون !! ) ..

الصراحة منتخبنا قدم اللي يقدر عليه و ما قصر ..

و الحظ ما وقف معاه في اكثر من فرصة !!

عموماً .. نتمنى من الجهاز الإداري الجديد بقيادة الهولندي بونفرير ان يحاول بذل الجهد في المعسكر القادم قبل بطولة الخليج و التي ستكون بإذن الله البطولة التي ستعلن عن الإنطلاقة الجديدة للأبيض في سماء الكرة العربية و الآسيوية ... و الصراحة اتوقع لمنتخبنا الحالي ان يتفوق على الجيل الذهبي لكرة الإمارات !!

جيل عدنان و زهير و حمدون و محسن و فهد !!!!!

و الأيام ستكون خير دليل على كلامي :)

============
تحياتي / HaKaN
ash2001
13-11-2001, 11:33 PM
انا معاك يا هاكان


ههههههههههههههه فروخ ههههههههههههههههه:D :D :D :D :D :D
القــعـقـاع
14-11-2001, 12:44 AM
كتب العضو (HaKaN)
هي و الله صدقت يا اخوي حسين ..

الظاهر ان اللي كتبو ردود فوق و حتى كاتب الموضوع للأسف ما يخصهم في الكوره ( كمن فرخ يالسين جدام كمبيوتراتهم .. 12 ساعه مدرسه + 12 ساعه سبيس تون !! ) ..

الصراحة منتخبنا قدم اللي يقدر عليه و ما قصر ..

و الحظ ما وقف معاه في اكثر من فرصة !!

عموماً .. نتمنى من الجهاز الإداري الجديد بقيادة الهولندي بونفرير ان يحاول بذل الجهد في المعسكر القادم قبل بطولة الخليج و التي ستكون بإذن الله البطولة التي ستعلن عن الإنطلاقة الجديدة للأبيض في سماء الكرة العربية و الآسيوية ... و الصراحة اتوقع لمنتخبنا الحالي ان يتفوق على الجيل الذهبي لكرة الإمارات !!

جيل عدنان و زهير و حمدون و محسن و فهد !!!!!

و الأيام ستكون خير دليل على كلامي :)

============
تحياتي / HaKaN


انشاء الله تخبر المنتخب السعودي يبغى له منافس يعني ما له داعي ما يصير في بطولة الخليج الا البحرين و السعودية
الرهـــيـــب
14-11-2001, 12:28 PM
اعيد واقول للاخوة الاماراتين حافظوا على هؤلاء الشباب لمونديال 2006




والله يوفكم ولا تطلبوا منهم ما لا يقدرون عليه الا بعد ان يكتسبوا الخبره






وشكرا








واحد معجب بايام الطلياني ومحمد علي وجمعة راشد ومحسن مصبح و زهير زمان آآآآآآآآخخخخخ على ايام زمان
عواااااس
15-11-2001, 09:19 AM
مع اني عضو جديد...

وتوني قاري الموضوع... الا اني ما بسكت عن هالكلام

اولا مالكم حق تتمصخرون على منتخبنا..

واذا عيال البلاد يقولون هالكلام.. شو خليتو حق الباقين؟؟؟

واللي يبكون مثل الحريم ،، تعرفون منو هم...

المنتخب بذل جهده.... واللاعبين كانت اعصابهم متوتره

وانتهت المباراه بهاي الطريقه....

واحنا نهنيهم على لعبهم....

مستحيل نقارن بين المنتخبات على اساس العمر‍‍‍‍‍‍‍..

فهد مسعود لاعب رائع.... لكن نسيتوا صاروخنا " فيصل خليل‍"...

كان اكثر من رائع... ومجهوده اللي بذله كان اروع...

لكن،، المباريات فرص وأهداف.. والبطولات قسمـــــــة ونصيب......

على العموم.... مثل ما قلتو، لو حتى تأهلنا.. ما بنحصل الكاس..

اصلا ولا بنعدي ايران..

واذا فازت ايران بكاس العالم.... هذيج الساعه تعالو شرشحوني أنااااااا......




اخوكم عوااااااااااااااس


":"