قصيدة سمير حلمي: احنا ليه بنجرح ف بعض

[سمير حلمي]

احنا ليــــه بنـجـرح ف بــعـض ؟؟


سمير حلمي

15 / 3/ 2005 م



احنا ليه بنجرح قلوبنــــــــا واحنا مش حاسين بروحــنا

ناس كتير تلمح دموعــــــنا تبتسم ، تجرح جروحـــــــنا

وناس كتير مش حاسه بيـنا وإن بكينا ف يوم ونوحــــنا

من جروحنا ، يسمعونـــــــا اللي بيعذب ف روحــــــــــنا

وان شكينا م اللي بينــــــــــا أو نطقنا ف يوم وبوحنــــــا

يجرحوا الجرح اللي يألـــــم يهربوا من نور وضوحنــــا

كنا وردة ف حضــــن وردة وذنبنا إن احنا فوحـــــــــــنا

كان املنا يروح ألمـــــــــــنا وكان منانا وكان طموحنــا

اننا نفرح قلوبهـــــــــــــــــم وعمرنا عنهم ما رحــــــــنا

وهما كانوا بيبعونــــــــــــــا واحنا نفديهم بروحنــــــــــا

احنا ليه بنجرح قلوبنــــــــا واحنا مش حاسين بروحــنا

[black gundam]

:) :) :) :) :) :) :) :biggthump :biggthump :biggthump :biggthump :ciao: :ciao: :ciao: :ciao: