المساعد الشخصي الرقمي

مشاهدة النسخة كاملة : الجهاز و القطع أبحث عن شاشة CRT جيدة الأداء و ذلك في الرياض


Digerati
11-02-2006, 04:47 PM
السلام عليكم و رحمة الله و بركاته

كيف حالكم شباب؟ انشاءالله طبيبن :)

أنا ما عندي وقت كثير أبحث في الأسواق المبعثرة عندنا

لذلك أطلب من الشباب في الرياض المساعدة

أبحث عن شاشة CRT 17" or 19" inch

الصراحة ما تابع أسعارهم في السوق المحلي و لا في المواقع

لأني أعرف أنه ما حلاقي الا موديلين أو ثلاث في أسواقنا ><

لذلك الي يعرف شاشة لقطة يقلي عنها... :D

أعتقد الأخ amajed ممكن يساعدني في الأمر هذا لكن لا تبخلوا الباقي.. :biggthump

و يا ريت يحدد السعر.. و سؤال: هل في فرق كبير في سعر القياسين؟

Sorry طولت عليكم.. أنتظر ردودكم :أفكر:

لكن ما في داعي يفسر لي المواصفات أعرف في الأمور فقط يفي ذكرها أو ذكر الموديل أفضل :o
amajed
11-02-2006, 04:58 PM
زين اخوي لا تفكر بغير ViewSonic والوكالة عندك في الرياض http://67.15.103.43/images/smilies/smile.gif

بخصوص الفرق في السعر
فالفرق بين 17 و 19 الضعف في السعر
والفرق بين 19 و 21 الضعف في السعر
فيعني اعرف انك كل مره تزيد البوصه راح تدفع ضعف السعر ~_^

بالنسبة للفرق بين 17 و 19 انا ملاحظ انه مافيه ولا شاشة 17 تحمل اعلى من الرزلوشن 1280×1024 وهذا عيب كبير لشاشات 17" للاسف
مااقدر اثبت لك المعلومه 100% لكن في بحثي لشاشات 17" حتى الان مالقيت ولا شاشه تحمل اعلى من الرزلوشن 1280×1024

فلاتفكر بشاشة اقل من 19"
وبالنسبة لي انصحك بالشاشة هذي :
ViewSonic G90F Beige 19" CRT (http://www.newegg.com/Product/Product.asp?Item=N82E16824116199)
يجي منها بلاك ويكون اسمها كذا G90FB

ViewSonic E90F Beige 19" CRT (http://www.newegg.com/Product/Product.asp?Item=N82E16824116280)
يجي منها أسود ويكون اسنها كذا E90FB

اتصل على وكالة ViewSonic عشان تتأكد اذا موجودة عندهم !
الرقم : 014654041

اكيد موجودة عندهم والاولى افضل من الثانيه والفرق في الرزلوشن طبعا ! والفرق في السعر ماهو كبير فالاولى افضل لك ~_^
Gentleman
11-02-2006, 05:24 PM
انشاله بالتوفيق في الاختيار .... بس ممكن سؤال ..... رحت معرض عنده بالكويت فتح من قبل جم يوم وشفت موديلات كثيره .... بس لاحظت شاشات تكون فيها مثل لمعه .. وصورته جدا نقيه ... وسألت البايع وقلتله شسمون هالخاصيه .... قالي اسمها بالانجليزي بس ما حفظتها بس تبدي بكلمة TRUE وبعدين شغله ...

طبعا شفت هالخاصية بشاشات LCD .... فسؤالي هل شاشات CRT تحمل هالخاصيه ايضا ..؟؟؟ وممكن صور اذا في

وشكرا ..
Digerati
11-02-2006, 06:16 PM
شكرا شكرا أنس حبيبي! :biggthump

أكلمهم بعض الصلاة و أشوف السعر.. أتوقع بحدود 900 صح؟ :33:

أنا المشكلة تورطت و شريت LCD و ندمت ><

على كل حال يعطيك ألف عفية أنوس ^_^

ســـلامي للجميع :)
amajed
11-02-2006, 06:38 PM
اخوي جنتل مان هذي الخاصية ماادري عن اسمها بالانجليزي لكن يسمونها عندنا شاشات كرستال ^_^ وماادري تجي LCD والا لا لاني شفتها في شاشات اللاب توب (نوت بوك) يعني ماادري تجي في شاشات LCD عادية والا لا

----------------------------

هلا ديجراتي ^_^
العفو والله يعافيك
وفعلا حتى انا تورطت بشاشة LCD بس شريت ViewSonic G220f 21" CRT والله روووعه ^_^

وبالنسبة للسعر اتوقع من 900 الى 1100 بالكثير ! عاد انت وحظك ^_^
Gentleman
11-02-2006, 06:43 PM
اخوي جنتل مان هذي الخاصية ماادري عن اسمها بالانجليزي لكن يسمونها عندنا شاشات كرستال ^_^ وماادري تجي LCD والا لا لاني شفتها في شاشات اللاب توب (نوت بوك) يعني ماادري تجي في شاشات LCD عادية والا لا




يعني الشاشات الي فيها لمعه اهي تعتبر كرستال .... عدل


وهل تفرق شاشات الكرستال في الالعاب ..؟؟؟؟

و ما جاوبتني في ردي السابق .... هل في شاشات CRT كرستال ..؟؟؟

انزين ليش شاشات LCD مستحيل تكون بدقه 1200 × 1600 ...؟؟؟؟ شمعنه CRT فقط ..؟؟

ومشكور ..
severMJ
12-02-2006, 12:39 AM
سألت واحد صاحبي عن شاشة 19 وقالي انها كريستال رغم انها crt فضحكت عليه وقلتله انها في LCD بس! بس بعد ماقريت كلامكم شكيت في الموضوع وياريت حد يفيدنا!
severMJ
12-02-2006, 12:41 AM
سألت واحد صاحبي فاتح شركة كمبيوتر عن شاشة 19 كانت عنده وقالي انها كريستال رغم انها crt فضحكت عليه وقلتله انها في LCD بس! بس بعد ماقريت كلامكم شكيت في الموضوع وياريت حد يفيدنا!
amajed
12-02-2006, 06:33 AM
بالنسبة لي ماشفت للان اي شاشة CRT كرستال ! وبرضو مااضن وراح تعرف السبب تحت
وهل فرق في الالعاب !!
شاشة الكرستال لها ميزة معينة وهي انك لما تكون على جانب الشاشه تقدر تشوفها بعكس باقي شاشاة LCD الاخرى
لما تكون بالجانب تشوفها ضلمه وماتقدر تناظرها صح الا لما تكون مقابلها مباشرة
لكن شاشة الكرستال تقدر تشوفها من الجانب بوضوح ومايحتاج تكون مقابلها تماما
ماادري هل لها ميزة اخرى والا لا لكن بالنسبة لي احب الشاشة العاديه اكثر من الكرستال ! لان لمعتها بايخه شوي :D
SuperNight
12-02-2006, 12:21 PM
يا اخوان اللي بالكويت يقولي وين ممكن احصل الشاشة اللي قالو عنها الاخوان ViewSonic

اللي راح المعرض يقولي هل في شاشات جيده لاني امس رحت وشفت جم شاشة من نوع فيليبس و ال جي وانواع ثانيه والمشكله انا ماعرف مواصفات الشاشة الجيده الا بالحجم

وسؤال عن ViewSonic
هل اهي نفسها شركة sonic

لاني اليوم بروح لوكيلها بالكويت
Gentleman
12-02-2006, 12:46 PM
اخوي انس مشكور .......

اخوي supernight ::

لحق حالك اليوم اخر يوم للمعرض ... وانا رحتله من قبل جم يوم .. وترا فيه تشكيله حلوه وانواع ما توقعته تنزل بالكويت ...... تصدق شفت ..... X1900XTX ... الكرت الي ما توقعته ينزل بالكويت الا بعد جم شهر ...

وباقي الاسئله انشاله يجاوبونها الاخوان ....

وشكرا ..
SuperNight
13-02-2006, 03:20 PM
تصدق رحت المعرض مرتين وشفت شغلات وايد حلوه باسعار ممتازه لاكن ماكنت بحاجتها بس شريت جم شغله خفيفه

الشئ الوحيد اللي ممكن اتحسف عليه اني ماشريت شاشة
ولا شريت باتلفيلد2 :(
حصلتها بسعر 14 دينار
Gentleman
13-02-2006, 05:49 PM
تصدق حتى انا شفت انه الشاشات الي بالمعرض حلوه ومتميزه... بالتوفيق
BeaUnkill
17-02-2006, 04:56 AM
شاشات الـ LCD تستخدم الكريستال السائل في اظهار الصورة .

اما الـ CRT فتستخدم تقنية ماني متأكد منها بالظبط ، لكن على فكرة ترى تسمى ( شاشات الأشعة المهبطية )

*عليكم التفسير*

http://67.15.103.43/images/smilies/biggrin.gif
Gentleman
17-02-2006, 12:25 PM
طيب ما هي تقنيه true life .... وهل هي موجود على شاشات ال crt