مشاهدة النسخة كاملة : والله حرام وين الرحمه !
rushin_911
18-02-2006, 03:11 PM
أعوذ بالله!
الأردى من كذا فيديو مقطع بلوتوث ورّاني إيّاه أخوي ناس صابّين بنزين على كلب وقاموا ولّعوه بالنّار و قعدوا يضحكون وهو يحترق و يدور :(
استغفر الله شغل مبزرة من جد
التربية وما تسوي.. اتحدى هذا لقى تربية وحنان وحب كافي من اهله .. من صغره وهم مهيتينه بالشارع الشي ذا بيمشي بعروقه الى ما يكبر .. ويصير بدال ما يطبق العنف هذا على الكلاب بيطبقها على زوجته وعياله .. وكذا دائرة التخلف تستمر ..
( التربية )
Da S.O.S
18-02-2006, 03:17 PM
لا اله الا الله :(
والله مشهد يبكي :(
الناس هذي كيف تلاقي متعتها بالطريقة هذي؟؟.. ماهم بشر يعني؟؟.. مافي قلوب؟؟
والاردى بعد انهم يرمونه بحجار واشياء.. يا حرام بس..
لو الكلب ذا يتفلت عليهم بس ويقطعهم تقطيع كان برد قلبي
الخيال
18-02-2006, 04:24 PM
حسبي الله ونعم الوكيل ، شوفوا الفرق :
عن أبي هريرة رضي الله عنه أنَّ رسول الله صلى الله عليه وسلَّم قال: بينما رجل يمشي بطريق اشتدَّ عليه العطش فوجد بئراً فنزل فيها فشرب ، ثم خرج فإذا كلب يلهث يأكل الثرى من العطش ، فقال الرجل : لقد بلغ هذا الكلب من العطش مثل الذي قد بلغ مني ، فنزل البئر فملاً خفه ماءً ثم أمسكه بفيه حتى رقى فسقى الكلب ، فشكر الله له فغفر له ) ، قالوا : يا رسول الله إنَّ لنا في البهائم أجراً ، فقال : ( في كل كبدٍ رطبة أجر ) متفق عليه .
H.warrior
18-02-2006, 04:58 PM
مشهد فعلا يحزن
لاحول ولا قوة الا بالله
H.warrior
18-02-2006, 04:58 PM
مشهد فعلا يحزن
لاحول ولا قوة الا بالله
القاتل الجديد
18-02-2006, 05:44 PM
الله واكبر
كيف جاهم قلب يرمونه من فوق والله حرام
Sonic
18-02-2006, 06:03 PM
أستغفر الله لاحول ولا قوة إلا بالله
الله يهدي جميع المسلمين
BOOOB_2002
18-02-2006, 10:57 PM
وتربية زفت وحقيرة وش تتوقعون منها الصراحة قهرني المشهد بشكل خلاني افقد اعصابي
وياليت الأمر مقتصر على الحيوانات البني آدمين اللي مثلنا بعد يصير فيهم كذه وأكثر
ياما شفت شغالات مسكينات والله احوالهم تكسر القلب من الإهانات والتعذيب اللي يتلقونها على مدار الساعة والعمالة المسكينة اللي تؤكل حقوقها كل يوم والرواتب الزفت اللي يآخذونها
الصراحة والله مدري وش اقول لكن هالشي كثير عند الخليجيين يمكن من كثرة الفلوس والرفاهية الغير محدودة اللي عايشينها ومب حاسين بخلق الله عاد كيف بيحسون بحيوان مسكين مثل هذا.. والله شي يقهر لو اقول كل اللي بقلبي ما خلصت
.Atlas.
18-02-2006, 11:03 PM
يكبر ..ويفهم..
والله المستعان ..
BOOOB_2002
18-02-2006, 11:06 PM
يكبر ..ويفهم..
والله المستعان ..
وش اللي يكبر ويفهم يعني نخليه كذه لين يستوعب اللي يسويه ما يصلح نخليه يستوعب وهو صغير؟ ليه اولاد غيره يستوعبون هالشي وهم صغار واصغر منه بعد ؟
الصراحة ماهو حل ذا يكبر ويفهم ..ليش ما نقول نربي ونعلم ونؤسس
.Atlas.
18-02-2006, 11:43 PM
وش اللي يكبر ويفهم يعني نخليه كذه لين يستوعب اللي يسويه ما يصلح نخليه يستوعب وهو صغير؟ ليه اولاد غيره يستوعبون هالشي وهم صغار واصغر منه بعد ؟
الصراحة ماهو حل ذا يكبر ويفهم ..ليش ما نقول نربي ونعلم ونؤسس
بوب أعصابك ^_^
امم.. لاحظت المكان اللي هم فيه ؟
بوب..مايصح نقول عن الاهل انهم همج وبجم ولا يعرفون يربون..حنا ما عندنا خلفية أبد عن المحيط اللي تربى فيه الولد ولا عن نوعية أهله..مايحق لنا نحكم ولا نصنف..طول ما معرفتنا ناقصة ..
الصراحة ماهو حل ذا يكبر ويفهم ..ليش ما نقول نربي ونعلم ونؤسس
صحيح..والمفروض الكبير يبدأ قبل الصغير ..نبدأ بأنفسناونعطي مثال للي حوالينا من الصغار..يشوفونة مثال حي..مو كلام وبس!
انا اعتقد ان معظم مشاكلنا تنبع من انّا نعلم ونربي لكن بشكل نظري..نقول لا تسوي هالشيء..وحنا نرجع نسويه بشكل ثاني!نعلمهم الانفصام في شخصياتهم ومعتقداتهم وبس!
وكلامي بشكل عام ..
BOOOB_2002
18-02-2006, 11:49 PM
الصراحة منرفز من الموضوع والمشهد عشان كذه اعذريني اما بخصوص كلامك
بوب..مايصح نقول عن الاهل انهم همج وبجم ولا يعرفون يربون..حنا ما عندنا خلفية أبد عن المحيط اللي تربى فيه الولد ولا عن نوعية أهله..مايحق لنا نحكم ولا نصنف..طول ما معرفتنا ناقصة ..
اجل وش نقول عنهم ولدهم طالع يقط الكلب من فوق ويرميه بالحجارة وش نسمي اهله اللي ما ربوه -____- اقل كلمة ممكن تنقال متخلفين
FARES360
19-02-2006, 12:06 AM
:mad22: Suffer in hell , if it was my mom;s cat ...the boy would count him self down already lol
Emperor-uae
19-02-2006, 04:44 AM
لا حول ولا قوة إلا بالله العلي العظيم
الله يهديه و يسامحه
Mada Mada Dane
19-02-2006, 09:22 AM
مدري كيف يسوي كذا والله والمشكلة يضحك
والله لو اشوف هذا المنظر قدامي لمسكت الولد وعلمته ان الله حق
smigle
19-02-2006, 10:01 AM
أنا ماشفت المقطع ولا أبي أشوفه.
لكني سمعت عنه، هذا أقل شي فيه انه ينرمي مثل ما رمى الحيوان المسكين.
هذي العجوز اللي دخلت النار في قطوه، مارمتها ولا ظربتها، هي بس حبستها وكان عقابها النار، عيل هذا أيش راح يصير فيه.
MeMoirs
19-02-2006, 10:28 AM
:(
يالله .. حرام ..
حسبي الله عليه .. وش ذنب الكلب المسكين يحرقه كذا ..
Electro M
19-02-2006, 08:43 PM
ما ادري ليش تذكرت الفراشات اللي تروح للنار بنفسها و تحترق فيها :31:
~~ RaHoOoMa ~~
25-02-2006, 07:17 PM
لا حول ولا قوة الا بالله
قلوب قاسية
وين الرحمه ؟
المقطع اثر فيني
ويا ريتني ما شفته
:(
7_Dark Soul
25-02-2006, 07:28 PM
و ما كفاهم مرة وحدة...رجعو رماه مرة ثانية
و الله نرفزوني عيال الـــ.......اسغفر الله ما ابي اسب اهلهم يمكن مب منهم
الله يدي الجمع انشاء الله
Mista Koo
25-02-2006, 07:44 PM
http://mistercool.jeeran.com/Hey%20Wassup.jpg
أعوذ بالله ><" مدري أقول الله يهديهم ولا يعذبهم؟!
بس صراحة بووب عندي نقد
ممكن يكونون أهله أفضل ناس وأحسنهم
مثل المفجرين الذين يظنون أن عملهم خير ودين ><"
ولكن البيئة المحيطة -المدرسة الشارع الخ- لها أضرارها لا تنسى
وما هذا ببعيد عن الأعمال التفجيرية الطائشة التي تبين قلة الوعي!
http://mistercool.jeeran.com/Kamshoor.jpg
Mada Mada Dane
27-02-2006, 01:46 AM
ما ادري ليش تذكرت الفراشات اللي تروح للنار بنفسها و تحترق فيها :31:
الفراشات غير غبيه
RESID3NT EVIL
09-03-2006, 10:35 PM
لعنة الله عليهم وين الرحمة؟؟؟
هذي مش طريقة علشان يضحكو الناس لعنهم الله
kirby64
10-03-2006, 04:59 AM
...و لا مصور نفسه فخور >_<...
غريبه الكلب قدر يتحرك بعد ما رماه ...
Winter_wolf
10-03-2006, 05:18 AM
Well that's not very nice.
محمدS.M
12-03-2006, 01:01 AM
الظاهر انهم صغار في السن 15 او اقل
عادتاً ترجع البيئة التي تربوا فيها وعلى ما يبدوا بها نوعاً من العنف
معظم الاطفال من هذه النوعية تتولد عنده ردت فعل من البيئة العنيفة
ولكن يجب علينا ان نتذكر انهم قاصرين او بمعنى اخر لا يعون ماذا فعلوا
ولا يمكننا الحكم عليهم و شتمهم بل الدعاء لهم
مع العلم انهم سيدركون ما فعلوه خلال بضع اعوام !
DArrrrrK
29-05-2006, 04:43 PM
لا حول ولا قوة الا بالله
نسأل لهم الهداية والمغفرة
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .