استفسارات علــ ى الطاير ^_^

[rome man]

الســلام عليكم

كيفكم اخواني عساكم طيبين وبالف عافيه

اخوتي انا قررت اشتري معالج جديد .. المهم .. انا ابي اشتري رام 256 واركبه على المعالج الجديد وفي جهازي القديم لدي رام 128 اقدر اركب ال128 في المعالج الجديد مع 256 0 بعض الاخوه يقولون بيحصل تقطيع في الالعاب :( اذا ركبت 128 مع 256 معا
- ثانيا اخواني ذهبت الى احد المحلات استفسر عن رام قال رام 256 قلت وش صناعته قال صيني
وشرايكم بالصيني زين ولا ... طيب الاصلي كيف اعرف سواء كان رام او مذربورد او معالج
خاصة المعالج كيف اعرف انه اصلي
- اخوتي وجدت في محل كومبيوتر 6600 gt والذاكره 128 .. المهم ناس قالوا الذاكره 128 ما تعطيك اداء في الكرت وراح يكون مشاكل في الالعاب هل هذت صحيح :(
انا تسعرت عبر التليفون ال6600 gt نفيديا msi ,وذاكرة الكرت 128 وقال سعره :
ب850 ريال في محل ازكى في مركز باروم بجده وشرأيكم بالسعر غالي ولا -
س- انا باشتري جهاز جديد بس تجميع يعني معالج من محل والمذربورد .الخ
وابي اسئل البورسبلاي
اشتريه ..ولا يجي مع المعالج اذا شريته
واذا لازم انا اشتري البورسبلاي؟ابي منكم نصيحه بورسبلاي لو شبه متوسط وسعره ما يتعدى ال150 ويكون 350 واط واعلى
- يا ااخوان يقولون فيه مذربورد يدمج معها كرت صوت وشاشه ومودم صح هالمعلومه؟ طيب انا باشتري كرت جديد ما ابي الكرت اللي بالمذربورد كيف الغيه ؟
- اخوتي ابيكم تنصحوني بمذربورد شق pci e وفيها خاصية sli ويكون سعرها مو غالي ؟

معليش طولت عليكم بالاسئله بس متعطش العب العاب البي سي الجباره
على فكره يا اخوان لو تعرفون بمركز باروم محل يبيع العاب بي سي كوبي اللي ابيه القى فيه ؟

[Gentleman]

الله يقدرنا ...

- اخوي اذا تبي تركب رامات فوق الي عندك ... اول شي السرعه مو مهمه ...... ولكن المهم هو الشركة المصنعه و التوقيت ... يعني لازم تعرف جم سرعته هل هي 333 مثلا ام 400 ... فإذا كان عند الرامات 400 لازم تشتري رام اخرى بسرعه 400 لكي لا يحدث تعارض ...

ايضا لازم اتعرف مواصفات جهازك عشان اتركب الرامات ... اقصد رامات بونتيوم 3 تختلف عن رامات بونتيوم 4 مثلا ... فلازم تعرف اذا كان كمبيوترك القديم بونتيوم 3 وتبي تشتري بونتيوم 4 ما راح يركبون .. وذا ركبو راح يبطئوون الكمبيوتر عليك .....

- ثاني شي ما اعرف اذا الصيني زين ولالا ... وما اعرف شلون اتعرف اذا كان اصلي ولالا ... ولكن عموما اغلب الرامات ولو كانت رخيصه تعتبر جيده ... واظن الاصليه تكون عليها لزقه ضوئيه تبين اسم الشركة ... وهذا ايضا للمعالج والمذربورد ... ( هالنقطه ما اعرف معلومات وايد عنها ولكن قلت الي اعرفه ... اذا يبي يزيد عليها واحد يكون احسن )

- اما عن كرت 6600GT ب 128 ميغا .... فهذه ليس بقليله وراح تعطيك الدرجه المرضيه ... وحيث انها ما تفرق عن كرت 6600GT ب 256 ميغا بشي ... ولكن الفرق بسيط جدا بينهم .. وما يسوى فرق السعر بتاتا ... ف 128 ميغا لهذا الكرت هو الاختيار الافضل ...

- اما عن السعر فيعتبر غويلي شوي ( تصغير غالي ) او تقريبا تقريبا السعر زين بس تأكد انه GT ...

- اما عن البور سبلاي فلازم تشتريه كقطعه منفصلع عن المعالج حيث انه البور سبلاي ماله شغل بالمعالج من حيث الشراء ...

واذا تبي تشتري كرت 6600GT فلازم بور سبلاي 350 واط على الاقل ومن شركة موثوق بها ويفضل 400 واط ...

الشركات المشهوره والموثوق بها :::

ENERMAX .. THERMALTAKE .. ANTEC

طبعا هذه مو كل الشركات الي ينصحون فيها ولكن هذي افضلهم .... وهناك العديد والكثير من الشركات ولكني نسيتهم ...

يعني لو تشوف بور سبلاي بقوه 350 او 400 واط من هذولي الشركات انشاله ما في ادنى مشكله ...

واسعارهم تقريبا على حسب علمي بس مو متأكد من 40 دولار الى 70 ...

- صحيح انه هناك مذربورد تحمل كرت صوت وشاشه ومودم ..... ولكن كرت الصوت والشاشه ليسو بتلك الجوده التي تكون بها الكروت وهي منفصله عنه ... اما عن الغاء الكرت المحمول على المذربورد فهذا اتركه لإخواني ..

- ايضا اختيار المذربورد اتركه لإخواني ..

ملاحظه :: الرجاء تنتظر من شخص يأكد المعلومات الي قلتها لك ... او يزيد عليها ...

وشكرا ..

[rome man]

الف الف الف شكر لك اخي جنتلمان كفيت ووفيت وجزاك الله خير ما تقصر ..والسموحه
ولكن كيف اعرف حاليا البورسبلاي كم واط ... لدي؟
ابي اعرف كيف ذلك عن طريق برنامج ايفيرست حق مواصفات الجهاز ؟ او اي طريقه اخرى

- ثانيا اخي اقدر اركب البورسبلاي الحالي لدي في المعالج الجديد ؟

- الشركات بتاع البورسبلاي هذي .. لو اخذت انا غيرها .. ما ينفع .. يعني شركه مو مشهوره .. هل لهالدرجه ما بتمشيني ؟

- وكيف اعرف سرعة الرام ؟

وش العلاقه بين كرت الشاشه 6600 gt والبورسبلاي حيث انك قلت ال6600 يبي له على الاقل 350 واط؟

وممكن يا جماعه لو لديكم فكره عن اسعار البورسبلاي في السعوديه حسب الشركات من الاسوأ للافضل؟

اسأل الله ان يثبت اجركم ويجزيكم خير

[Gentleman]

اولا ما اعتقد انه برنامج ايفرست يقدر يطلع قوه الواط ... المهم بطل صندوق الجهاز ( CASE ) .... وشوف الكتابه المكتوبه على البور سبلاي اكيد مكتوب فييه عدد الواطات ...

- نعم اخوي تقدر تركب البور سبلاي الحالي للجهاز الجديد ... ولكن يجب ان يكون البور سبلاي ايضا من نفس مستوى البونتيوم .... يعني البور سبلاي الي مركب على بونتيوم 3 ما راح يركب على بونتيوم 4 ... واذا كانو من نفس المستوى انشاله راح يركب بدون مشاكل .... ولكن يجب التأكد انه البور سبلاي القديم قادر على تحمل مواصفات الجهاز الجديد ... وإلا سوف تخترب القطع .. او الله يعلم شنو راح يصير .....

- ثاني شي .... هذولي الشركات اهم المشهورين اخوي وهم الموثوق ببضاعتهم ... فلو شريت بور سبلاي من شركة غير محترمه وغير موثوق بها .. احتمال كبير يضرب معاك بعد مده او يمكن يحترق اويمكن ينفجر وبالتالي احتمال كبير جدا تخترب بعض القطع الموجوده بالجهاز .. مثل ما صارلي ... حيث اني كنت احمل بور سبلاي 300 واط ... ب 10 دولارات وبعد ما ركبت فيه كرت شاشه جديد انفجر بعد مده ...

- اخوي سرعة الرام مكتوبه بالرام نفسها ... اخرج الرام من الجهاز وراح تشوف السرعه مكتوبه

مثال : الي عندي مكتوبه كالآتي :: PC3200 DDR 400 .....

يعني لو تروح المحل تقوله ابي رام نوع PC3200 وتأكد انه سرعتها 400 ... ولا تنسى انه تكون كل الرامات الي عندك بنفس السرعه عشان ما يكون هناك تعارض ...

- كروت الشاشه تحتاج الى طاقه عشان تشغلها ... وكلما زادت قوه الكرت احتاج الى بور سبلاي قوي ... ولكن في الآونه الاخيره ... قدرت تصنع الشركات كروت شاشه اقوى ولكنها اقتصاديه من حيث الطاقه ...حيث انه كرت 7800GTX 256MB .... كرت قوته تقريبا 3 الى 5 اضعاف كرت 6600GT ... ويستطيع هذا الكرت ان يعمل ب 350 واط ... ولكن مثل ما قلت لك الأفضل انه ياخذ 400 واط احتياطا .....

بإختصار تقريبا لكل فئه من الكروت .. تحتاج قوة بور سبلاي خاص بها ...

مثلا :: الكروت الضعيفه تحتاج تقريبا 300 واط ... والكروت المتوسطه القوه تحتاج الى 350 واط ... والكروت القويه تحتاج الى 400 واط على اقل تقدير ... وهناك كرت وحيد يحتاج الى 450 واط ... حيث انه يستهلك طاقه كبيره لكي يعمل ..... ولكن هذا النظام انقلب بعد ظهور الكروت الجديده الاقتصاديه .....

- اخير نقطه اخواني السعوديين اكيد بجاوبون عليك ...

وشكرا ..

[rome man]

أكرر لك شكري وتقديري مره اخرى :)

بالشركات اللي نصحتني بها هل اضمن باذن الخالق الاحد بورسبلاي ممتاز لا يسبب باذن الله مشاكل خاصة مع الكرت والمعالج اللي باخسر عليه .؟

- ثانيا اخي .. اليس لديك فكره عن اسعار هالشركات ومتأكد 100 %
وهل فرق السعر بين 350 واط و 400 فرق كبير ؟

وجزيت خير مقدما والله يعطيك العافيه ويبارك لك بعلمك
وآمل من اخواني البقيه الرد على اسئلتي

[Gentleman]

ما يحتاج الشكر ...

اخوي انشاله ما راح يصير شي ... لانه هذي افضل الشركات المتوفره بالسوق ... وما راح اعطيك شي مو زين ..

بعدين ترىسعر البور سبلاي مو بذاك الزود ... يعني بإعتقادي بالسعوديه بور سبلاي من شركة ANTEC مثلا بقوه 400 واط .... مو متأكد بس يمكن 250 ريال ...؟؟ يمكن مو اكيد ... بس اسأل فيها اهل السعوديه لانهم ابخص

- اخيرا الفرق بين البور سبلاي بقوه 350 واط و 400 واط .... مممم ما ادري شقولك ... بس تقريبا الفرق بينهم بتصوري وايضا مو متأكد يمكن يوصل ال 25 % ...

ولكن تأكد انهم يكونون من شركة زينه ... لانه البور سبلاي بقوه 350 واط من شركة محترمه احسن 100 مره من بور سبلاي بقوه 500 واط ويكون من شركة غير موثوق بها ... حيث انه القطع التجاريه يكون بها الكثير من الغش ... يعني مثلا اذا شريت كرت شاشه من شركة غير معروفه والرام التابع لكرت الشاشه كان 256 .... يمكن اذا جيت تفصحه يكون 128 او 64 ميغا وصارت بعدد من اعضاء المنتدى ....!!

وشكرا ..

[rome man]

الف شكر لك اخوي ما قصرت كفيت ووفيت :)

وانتظر اخواني الاعضاء

[rome man]

اخواني ..عندي استفسار

لدي هارديسك في جهازي الحالي .. وابي اركبه في الجهاز الجديد (المعالج الجديد) اقدر ولا لا؟

يا جماعه محد يرد