المساعد الشخصي الرقمي

مشاهدة النسخة كاملة : تحليل لمباراة: العين × الهلال


العيناوي
09-03-2006, 12:08 AM
انتهت مباراة العين والهلال السعودي ..
بفوز العين 2 - 0

مانشيت المباراة :

(( يا ويلي على العين خل الدعيع يقول يا ويلي على الأثنين ))

ملخص المباراة :

المباراة حضرها جمهور قدر 17 ألف متفرج ..
وكانت الجماهير برع الملعب أكثر من الداخل ..

مثل العين :
وليد سالم
صالح عبيد - فهد علي - جمعة عبدالله - حميد فاخر
كيلي - سبيت - دياكيه - هلال
فيصل - نيناد

التغييرات
نيناد طلع ودخل شهاب
فيصل طلع ودخل غريب حارب


الهلال
محمد الدعيع
أحمد خليل - تفاريس - خالد عزيز - كامل موسى
كماتشو - الشلهوب - سلطان البرقان - عمر الغامدي
سامي الجابر - ياسر القحطاني

التغييرات :

خالد عزيز طلع ودخل تركي الصويلح
سامي طلع ودخل الصويلح

الشوط الأول :

البداية كانت حذرة من الطرفين وكانت السيطرة للعين مع أعتماد الهلال على المرتدات ..
أول عشرين دقيقة كانت الفرص عبارة عن :
كماتشو تسديدة من بعيد فوق عارضة وليد بقليل ..
تسديدة من سبيت يشيلها الدعيع بأطراف الأصابع ..

وبعد ذلك ..
هجوم مكثف من العين من جميع الجهات ..
فيصل علي أبدع لين ما شبع ماشاء الله عليه ..

كرة ساقطة من خلف المدافعين لمح من خلال سامي لتقدم وليد الخاطئ في الوقت اللي كان جمعة عبدالله أقرب لكرة ليخطفها سامي ويحولها باتجاه المرمى لكن فهد يشيلها ويحولها إلى ركلة ركنية ..

كرة عرضية ستقبلها فيصل علي ويلف جسمه 180 درجة ويسددها ماكرة يصدها الدعيع ..
وتتوالى الفرص ..

جهة شهاب وصالح عبيد نشطة وتوزع كور مركزة ...

من الجهة اليسار للعين يشق صالح طريقه ليرسلها عرضية لفيصل اللي أستلم الكورة وعلت فوقه شوي وسط ثلاث مدافعين هلاليين ليسيطرها وفي غمضة عين يراوغهم بطريقة برازيلية ليواجه الدعيع ويسددها في بطنه وتطلع ركنية للعين ..

ضعظ عيناوي ودفاع هلالي ..

عرضية من شهاب يستلمها فيصل بدون رقابة ليعيقه الغامدي وعلى يعلن الحكم عن ركلة جزاء للعين ينفذها شهاب ويصدها ويمسكها الدعيع ..

اللعب هدأ بعد الركلة الجزائية الضائعة

الهدوء اللي يسق العاصفه ..

عرقلة من ياسر القحطاني لحميد ينذره كرت أصفر الحكم الإيراني وينبرى سبيت لتسديد الركلة الحرة ..
وعرضية ولا أروع تمر من الجميع لتستقر على راس فيصل اللي لدغها في الشبكة الهلالية معلنتاً عن أول أهداف الزعيم وسط عاصفة من الأمواج الهادرة في القطارة ..

وعلى بعد الهدف هدأ الرتم وسيطر العين بقيادة دياكيه على نص الملعب وعلى أثر السيطرة أنتهى الشوط الأول ..


الشوط الثاني ..

بدأ الشوط بهجوم عيناوي ويتفنن فيصل في خلخلة الدفاع الهلالي وبكرة ماكرة كاد يضيف الهدف الثاني لولا يقظة الدفاع ..

ومن كرة ولا أروع يستلمها كيلي المتألق كرة ويلف حول نفسه وفي كسر من الثانية وكرة على الطاير قذيفة لم يحرك الدعيع لها ساكنا ولا حتى الدفاع معلنةً عن ثاني أهداف اللقاء ..

أصبح اللعب بعد الهدف الثاني عبارة عن سيطرة عيناوية وفقدان للشخصية الهلالية اللي أتضحت بعد خروج سامي الجابر الغير مبرر من قبل كاندينيو ..

لم نشهد خطورة حقيقية من الهلال باستناء عرضية جائت على رأس تفاريس المدافع حولها للقحطاني والمرمى فاضي وسددها في العلالي ..

وبعدها أنتهت المباراة 2 - 0 للعين ..

مبروك للعين وهاردلك للهلال ..

الإنذارات :
خالد عزيز - عمر الغامدي - تركي الصويلح - ياسر القحطاني
صالح عبيد

منقول من موقع زعيم الإمارات
العيناوي
09-03-2006, 12:10 AM
إللي مايعترف بأحقية فوز العين يسامحني أقوله أن ماتعرف كوره أبدا
الوصلاوي
09-03-2006, 12:14 AM
مشكور أخوي على التحليل .. مبروك للعين و هارد لك للهلال
زعيم الإحساس
09-03-2006, 12:28 AM
ستحقيتوا الفوز لأنة اليوم ما كان يوم الهلال .. والهلال ما قدم المستوى المأمول
L'aRtiGlio 22
09-03-2006, 01:20 AM
الف مبروك للعين00

و ان شالله الهلال يعوضها في الرياض00



قهرني كاندينيو المتخلف00

ياخي نواااف و جيوفاني المفروض يلعبون من بدري00


و الغنام المفروض يلعب اساسي جنب خالد عزيز 00



قدر الله و ماشاء فعل00

بالتوفيق في باقي المباريات00
full option
09-03-2006, 01:32 AM
مشكوووووور ع التحليل

والملعب لازم يشوفوله حل
لأن عشاق الزعيم في ازدياد:D
ومبروووك للعين وهاردلك للهلال
...
..
.
:ciao:
العيناوي
09-03-2006, 01:38 AM
آخر خبر

المدرب الهلالي يغير اسمه من كاندينيو إلى game over :D

سامحونا عليها
DMC
09-03-2006, 09:34 AM
آخر خبر

المدرب الهلالي يغير اسمه من كاندينيو إلى game over :D

سامحونا عليها

هلا يالعيناوي تسلم على النقل :biggthump
لكن اظن الهلالين عرفوا مستوى فريقهم وخسر :33:
بس ماهو تكون متعصب لهذا الدرجة :31:
TAKE IT EASY
ومبروك عليكم الفوز ^_^
النهاية:reporter:
B A D R
09-03-2006, 10:07 AM
آخر خبر


المدرب الهلالي يغير اسمه من كاندينيو إلى game over :D

سامحونا عليها

هـاه هـاه هـاه


هذي نكتة ولا وش الحين

اخوي لانذكرك بايام ماتشلا

والوعـد بالرياض

صحيح المدرب كـان السبب بالخسارة بسبب تشكيلته الغبية

وتبديلاته المتخبطة

بس بتشوفون 75 ألف بالريـاض

ووعدكم الرياض
ME$$I
09-03-2006, 10:38 AM
مبروك للعين
وهزمتونا في جولة وباقي جولة.
Bu_Sultan81
09-03-2006, 10:57 AM
والرابعه باذن الله في الرياض
!!!!!
09-03-2006, 11:08 AM
صدقوني العين مابيرتاح إلا يوم يشوف الكاس بإيده :)

ليت الوحدة يتلعم من العين :blackeye:
DMC
09-03-2006, 12:41 PM
صدقوني العين مابيرتاح إلا يوم يشوف الكاس بإيده :)










ليت الوحدة يتلعم من العين :blackeye:



ترى الوحدة يعلم هذا الشي مايحتاج تعليم على اي نادي

ودليل شلنا الدوري لاماراتي ^_^

ترى الي صارلنا كبوة ونحن راح نرد نفس قبل ^_^

ترى المبارة الوحدة ويا الكرامة مالعب فيهم

حيدر الو علي

عبد السلام جمعة



قلب النابض في الوسط

وبشير سعيد دعامة دفاع الوحدة -__-

مع كل هذا تبين نفوز مستحيل اظني

خلهم يردون ان شاء الله روح الوحدة راح ترد وياهم ^_^

النهاية:reporter:
الوصلاوي
09-03-2006, 01:32 PM
بالتوفيق للعين في مباراته القادمه مع النادي الأوزبكي .. (( تناسيتوا الفريقين الآخرين في المجموعه !!)) .. و كان المباراة القادمه هي مباراة العين و الهلال في الرياض !!

(( لا تستهينوا بالخصوم )) ..

بالتوفيق للعين و الوحده ... و إن شاء الله الكأس إماراتي .