هل شر‘حت ضفدع من قبل اذا ادخل

[newaiser]

السلام عليكم


حبينا نضيف موضوع بسيط يسلي الاعضاء
وهو هل شرحت ضفدعا من قبل
ادري ان اغلبكم يشعر بالتغزز من هذا التصرف


ولكن اريد منكم وصف شعوركم اول مرة شرحتم فيه ضفدعا
((خائف -مرتبك - اغمي عليك ))

للمعلومية انا قمت بتشريح ضفدع في المنزل وذلك هو اكثر ما استطيع فعله في حالتي الصحية هذه اذ لا استطيع الذهاب الى المدرسة
فتحت كتاب الاحياء وشفت تشريح الضفدع وشرحته في المنزل
لانه العمليات الجراحية تذكرني بالطب



الان
كل من قام بالتشريح
يوصف لنا شعوره اول مرة
اطبائنا الاعزاء اعلم انكم شرحتم ما هو اعظم من الضفدع ولكن لا احد يقول ماذا شرح




سلام اخضر

[{رنين}]

انا عن نفسي..

مررررررره احب التشريح والقرابيع هذي..

بس عمري ما شرحت ضفدع..

لكن شرحت (وزغه)

وكان التشريح عشوائي..

لاني لا دكتوره ولا طالبه طب..

انما فضول ولقافه..

وشعوري كان مره اتسليت عليه..

وطلعت عينه وامعاهء..

وحاله..

حركااااااااااااااات..

[newaiser]

لسلام عليكم

هلا والله اختي رنين من زمان ما شفناك
اي حالك


وانتي من جدك شرحتي وزغه ((بريعصي))
هههههههههههههههههههههههههههههههه
انا ضفدع ومستكره شوي انتي وزغه مره وحده ((لك مستقبل انشاء الله في الطب الشرعي ))((امزح))


بس السؤال الي محيرني كيف خدرتيه :33:

تسلمين على حضورك موضوعي
تجربتك اعجبتني انا راح اطبقها ولكن علميني كيف خدرتي البريعصي:33:

سلام

[Ultralest]

LoooooooooooL
شدني عنوان الموضوع
صراحة انا ما شرحت ضفدع بس جانا مشرح
انما شرحت ارنب
صراحة شي خطير
خاصة لمن تقطع الجلد وبعدين تلاقي زي طبقة شفافة تقطعها ويصير عندك ارنب مأحشش ( يعني مفتوح باحشاؤه :09: )
همم بس

[{رنين}]

هلا والله اختي رنين من زمان ما شفناك

والله فتره كان المنتدى ما يفتح معاي..:12:

وفتره كنت مشغوووله لشوشتي..:02:


((لك مستقبل انشاء الله في الطب الشرعي ))

هههههههههههههههههههه..:D

كان زمان وجــبر.. انا احبه كهوايه لكن مو شي امتهنه..

نفسي قــصير في الدراسـه ما بالك 6 ســنوات الله لا يقولها..:09:


بس السؤال الي محيرني كيف خدرتيه :33:

:أفكر: مممم الصراحه سؤال في محرج..

شــوف..في البدايه لقيت الوزغه عند باب بيتنا..

فقمت قلت لأخواني..

هجووووووووووووووووم..

وجبنا اول مره فليت.. خلصنا العلبه عليها وما ماتت..

بغينا ننكتم وهيا تقول ان كنتو شـطّار موتوني..:12:

قمت جبت.. بف باف.. قلت هذا اللي حيجيب نهايتك..:33:

وبرضو بغينا نموت وهي ما رمشت حتى..:wow:

قلت لأ بئه.. فجبت المكنسه وعلى راسها..

طبعا كالعاده ياسعاده..:boggled:

الذيل اول شي انقطع..

اعطيتها على راسها مليون مره الين ماتت..:D

قمت شلتها في جريده وطلعت بيها على مطبخنا..:)

وبدات رحله التشريح.. :biggthump

أحب اقولك اني ما خليت آله حاده في المطبخ ما جربت اجرحها بيها..

سكينه.. سا طور.. مطوه.. مشرط..:12: :bigeyes: :33:

جلدها الله لا يوريك تقول تمساح..:boggled:

وتم الافتتاح بحمد الله بعد ما هريت بدنها وشفت ايش في جوه..:biggthump

___

يلا الدور عليك.. جرب وحكيني..:p

[dr.hus]

انا جرت الضفدع
كان مطلوب مننا في كلية الطب (جارب خاصة تاثير الكهرباء في العضل + تاثر مواد علي عضلة القلب)
حاجة سهلة وما تخوف
النسبة للتخدير فهو المو الدماغي العصبي (بادخال ابره في فحة بين العينين الا ان تصل الي المخ ثم برم الابره ثم ادخلها الي العامود الفقري بزاويه معينه اذا انتفض الضفدع (انشل) )
شرحت حوالي 30 ضفدع
وتحياتي

[newaiser]

السلام عليكم

كينغ اوف هيرت
بصراحة الضفدع اسهل بكثير من الارنب
وبالنسبة لهذا الغلاف الابيض الشفاف
هذا صحيح شيء عجيب عسى بس ما تلمسه ابره الا طلع لك شيء اكبر من الارنب بخمس مرات:p
حتى الشريان الاورطي تشوفه
تسلم على المرور تجربة ناجحة عقبال ما تشرح فيل
هههههه
حياك

اختي رنين
كيف حالك
ما شاء الله كل هذا علشان تخدرين بريعصي
ويا شيخه وين النعله عنك كلها نعال واحد في راسه وينتهي امره
بس ما شاء الله عليك اذا صحيح لقيتي فيه شيء يتشرح من اصل
خلاص جاك مشرح من سواكم فيه فليت و ساطور وما ادري شنو:D
على فكره عجبتني شغلة تشريح بريعصي بس ابي واحد يخدره لي والله قرف
اي يقولون البريعي تمساح جاته طفرة وراثية وصار بريعصي
سلام

دكتور هوس
اخبارك
ما شاء الله عليك صحيح انت الخبرة فينا
30ضفدع
يا خوفتي بعدين الضفادع يسمونك هتلر ويعلقون صورتك وعلامة النازيه في جبهتك :p
الا ابي اسالك سؤال الكهرباء الي مررتها في جسمه كم كانت قوتها
على فكره بالنسبة لي انا اعتقد انت تخدير الضفدع بالضرب افضل علشان تقدر تخيط بطنه من جديد ويصحى ويعيش الحياة بحلوها ومرها
تسلم على مرورك وانت تعتبر من احد الاطباء المتواجدين في القسم الي تقريبا عددهم يمكن 4 اطباء

حياك

[Remee-chan]

وعليكم السلام والرحمة ^^

احنا شرحنا بنهاية الفصل الأول، اتذكر اني كنت متحمسة
>>كانت اول مرة اشرح فيها
يعني مرينا بأشياء كثيرة منها:

كنت سامعة انه في ناس بلابات (او محاضرات) ثانية الضفدع تبعهم صحى بعد التخدير وهم قاعدين يشرحونه ×_× فكنت اتمنى ما يقوم المسكين

احلى شيء كان وقت التخدير^.^ دخلوه بعلبة زجاجية و رشوه بمخدر قام يناقز ويرقص:09: شكله كان يضحك ضحكنا عليه شوي

ولمن كنا نشرح انفجعت شوي طلع لي غير اللي توقعته، ما اتذكر زين بس كأنه كبده كان كبير واحنا كنا متوقعينه صغير فلونه كان طاغي، وكمان شكل الأمعاء فجعتنا><
>>اي صح طول اللاب واحنا كنا قاعدين نحزر اذا هو male or female ههههه كان صغنون الضفدع فما عرفنا، حتى الدكتور تحير

الشيء اللي كان يحزن انه كنا نشرحه وهو حي -_- بالنهاية قطعنا Aorta -_-

>>اللي جاء ببالي وقت الترشيح برنامج قد شفته، قالوا بالبرنامج انه في ناس لمن يعملوا عملية حتى لو خدروهم يضلوا صاحيين، كأنه في انواع من التدخير، في تخدير يخدر الإحساس ونوع ثاني يخدر العضلات ونوع ثالث ناسيته كأنه كان يخدر العقل ويخلي الواحد ينام، ففي نسبة كان معهم يتخدر كل شيء الا الإحساس فكانوا يحسوا بالعملية ويظلوا صاحين ×_×
فكنت اتمنى انه الضفدع ما يمر بهالمرحلة +_+

شكرا على الموضوع ^.^

p.s: مش متأكدة من انواع التخدير

[newaiser]

السلام عليكم

هلا والله اختي ريمي شان

اخبارك
اكيد كنتي متحمسه للتشريح في الاخير شفتي الوضع وباقي شوي ويقمى عليك
كل الناس بهذا الشكل

بس بصراحة اذا فتحتي بطنه راح تحسين يعني بصعوبة قطع الضلاعه وبعدها يطلع كما قلتي الكبد سبحان الله ايش ها الكبد انا فكرة اسويها سندويتش كبده بس قلت مو ذبح اسلامي وغيرت رأيي :D

انا يوم كنت افتح في الضفدع وادور على القلب وانا متوقعه شيء كبير الا طلع لي مثلث صغير ولن دم الضفدع فاتح فقلت شكله هذا الضفدع قلبه نظيف وطيب .. بس المشكلة ان اخر العمليه ملأنا بطنه ملح NaCl مسكين كل عضلاته قامت تتحرك بدون شعور طبعا هذا بعد ما قطعنا الاورطي حقه


ولكن غريبة ما فكرتي الحين ايش صار في عيلته اكيد عملوا مثل الجنازة صيحة و زوجته تول ول
بصراحة تفكير مر علي ولكن ذكرت كلام مدرس الاحياء الحيوانات مثل الضفدع ولدون وترميهم امهم حتى يأخذون الحرية التامة

على فكره وطي اطمنك
الضفدع بعد التخدير لا يحس بشي ابدا الا اذا المسكين جلس من سباته في هذا الحالة يتعذب عذاب سجناء غوانتنامو

مشاركتك عجبتني كثير

سلام

[القــعـقـاع]

ينفع خرفان:p

[newaiser]

السلام عليكم


القعقاع
التشريح فقط للحيوانات الاليفة ;)
بس علشانك بسويها واسطة
مسموح الخرفان


هههههههههههههههههههههههههههه
بس ها عطنا شرح مفصل عن التشريح مو نص وصف

سلام

[القــعـقـاع]

شرح مفصل :boggled:

هو اولا ما تقدر تبدا من الصدر لان فيه بروز في القفص الصدري (عشان يجلس على راحته على الارض) فالمفترض اننا نبدا من الرجل و نشق الجلد حتى منطقة الحوض..نشيل الجلد من على الفخذ اول و بعدها نعلق الخروف على ونش و هو مقلوب..

ننزل من منطقة الحوض (البعض يقطع الشحم اللي في مؤخرة الخروف و البعض يحتفظ فيه)..
نكمل نزع الجلد مع محاولة الحفاظ على اللحم (جزء من اللح ممكن يلزق في الجلد و في اكثر من تكنيك لاسترجاع اللحم في حالة انك خربتها و كان اللحم كثير:09: )..

بعد ما نخلص من الجلد نبدا في البطن من اسفله (الوضعية المقلوبة وفرت لنا مكان فاضي نقدر نبدا منه) نشق شق صغير في البطن و ندخل اليد الثانية (عشان نعرف موضع الكرش و المصران و ما نشقهم بالغلط و نتورط)..ننزل بالسكين و نفتح البطن للاخير(حتى يطلع الكرش و المصران من الفتحة) اول شي تسويه هو قطع الكرش و تنظيفه في برميل زبالة قريب و بعدها نبدا نطلع المصران (الامعاء الدقيقة) و نبدا نلفها على اليد مثل الحبل (العملية هذي راح تطول شوي:09: ) و بعدها نطلع المصير الاعور(الامعاء الغليظة) و طبعا اذا كان فيهم وصخ ننظفهم..

الحين جا دور الكبد..نفصل المرارة عن الكبد من دون فقع المرارة (لانها بتخرب طعم الكبد و صدقني لما يكون فيه 4 اشخاص جايعين و كل واحد منهم معاه سكين و تخرب عليهم فطورهم العواقب راح تكون وخيمة :dead: ) هذا اهم شي تقريبا في منطقة البطن (الباقي اقطعه من دون تردد)

الحين نقطع الحجاب الحاجز ونطلع الرئة مع القصبة الهوائية (اذا فيه جنبك طرمبة ممكن تنفخ الرئة من القصبة و تشوف وش يصير:09: و اذا ما فيه طرمبة فاستخدم فمك) بعدها نطلع القلب و بعدها يبدا شغل الساطور و خلاص:p

على فكرة: لازم الخروف يكون ميت قبل ما تبدا في هذي العملية:D

[newaiser]

السلام عليكم


هلا القعقاع
سؤال بسيط
هل انت تشتغل في مسلخ خرفان :p
امزح معاك

والله ها التشريح مرينا فيه بس صحيح اصعب شيء تخدير الخروف بالسكين ونوجهه الى القبلة :D

تعال لا يكون انت بس تحتفظ بالمؤخرة الشحمية المسماه بالكويتي ((جفل))
على فكره شكلك تسلخ الخروف بالسكين وتسيل جلده حبه حبه
عندي لك طريقة مجربة
سوي ثقب صغير قد راس طرمبة هواء كهرباء
وحط فيه الطرمبة وخليه تنفخ الجلد الى ان ينفجر الجلد بعدها بيكون جاهز للسحب هذا الجلد
طبعا منظر الخروف وهو منفوخ بالهواء يذكرني ب سبيس تون :D

اما بالنسبة للكرش اعوذ بالله من ان يصيبه الخدش
يطلع روايح تخلي الجيران يهاجرون الى جيبوتي :boggled:
اما بالنسبة لنا احنا نمسك الكرش والوصخ الي يطلعه مصران اعور وحول وكلهم الى ((الزبالة ))
او ندفنهم في رمل

الا ابي اسألك تعرف ليش يشيلون المراره ويقولون تخرب الطعم
مع العلم اني مره شفت طباخ صيني جالس يقلي لحم مفروم ومسك مرارة و ((ما ابي اقول الباقي)):boggled:

طبعا حنا نسمي القصبة الهوائية هوز المكنسة ((الكهربائية ))
بس بصراحة ما مره جربتها
ولكن مره حطيت خرطوم المياه في بداية القصبة الموجوده في الراس
تصدق عاد ايش صار
طلع الماء من فم الخروف

الحين انا ابي اسألك سؤال ثاني
انت جربت مره تسوي هذه العملية والخروف حي :p
ههههههههههه

بس شوي شوي مع الساطور بالراحة على الخروف
وعلى قولة القايل (الله كريم الله كريم يهون الجرح الاليم )

سلام

[القــعـقـاع]

تعال لا يكون انت بس تحتفظ بالمؤخرة الشحمية المسماه بالكويتي ((جفل))

نرسلها للجمعية الخيرية..اما الكرش و المصران فلهم جمهورهم :09:


عندي لك طريقة مجربة
سوي ثقب صغير قد راس طرمبة هواء كهرباء
وحط فيه الطرمبة وخليه تنفخ الجلد الى ان ينفجر الجلد بعدها بيكون جاهز للسحب هذا الجلد

ايه مجربه.. فيه طريقة ثانية..

لما تبدا تقطع الجلد خذ من شعر الخروف و لفه على ابهامك و افصخ الجلد من دون سكين اسرع و اسهل لكن مشكلتها ان اللحم اللي يروح مع الجلد يكون اكثر من السكين

[newaiser]

السلام عليكم


حركة ام ابهام من زمان كنا نعملها الحين غيرنا
بس كأنها ما تطلع لحم من اساس

اقول الشحم ترسلونه الى الجمعيات الخيرية :wow:
احسن حل امسك هذه الشحمه وفوق الجدر حتى يتكون الى دهن او سمن على قول مدرس الكيمياء
يقول الجلسرول يتحول الى جلسرين والجلسين يتحول الى مبلمر ايثيلين والايثيلين يتحول الى هكسين حلقي والهكسين يرجع ويتبلمر ويعود جليسرول و يتكون شحم من جديد والشحم يذوب مره اخرى وتنزع منه ذرة الهيدروجين ويستوي شحم سيارات بعدها تسخن هذا الشحم مع اضافة الاكسجين
وتحد عامل محفز بلاتين وبيرجع من جديد الى شحم بعدها المدرس ضاع ولا لقا له طريق

سلام

[Nanto]

السلام عليكم ...

ما هذا الاجرام؟؟؟
أين هي حقوق الحيوان؟؟؟

عالعموم أسماء الأعضاء المجرمين موجودة و منظمات حقوق الحيوان في الولايات المتحدة الأمريكية و شرطة الحيوانات في ولاية تكساس أو ولاية كاليفورنيا بتشوف شغلها و ياكم يا قتلة الضفادع و الأرانب :D.

بالمناسبة، هل شرح أي شخص منكم صرصورا؟ (حلوة هاي صرصورا).


احسن حل امسك هذه الشحمه وفوق الجدر حتى يتكون الى دهن او سمن على قول مدرس الكيمياء
يقول الجلسرول يتحول الى جلسرين والجلسين يتحول الى مبلمر ايثيلين والايثيلين يتحول الى هكسين حلقي والهكسين يرجع ويتبلمر ويعود جليسرول و يتكون شحم من جديد والشحم يذوب مره اخرى وتنزع منه ذرة الهيدروجين ويستوي شحم سيارات بعدها تسخن هذا الشحم مع اضافة الاكسجين
وتحد عامل محفز بلاتين وبيرجع من جديد الى شحم بعدها المدرس ضاع ولا لقا له طريق

الحمدلله اني طالب أدبي :09:.

[newaiser]

السلام عليكم

اخوي نانتو
ارجوك ارجوك لا تبلغ عني ترى ورانا اولاد وزوجة بعدها بيضيعون من بعدي:31:
باقي الاعضاء مثل القعقاع بلغ عنه ما عندي اشكال وبجي بشهد معاك اوكي;)

اكثر من واحد طرأ موضوع تشريح الصراصير على قولتك ((صرصورا))
يا اخي ضفدع ويا الله شنو يجيب الغثيان
شلون صرصورا هذا اصلا من وين تقدر تمسكه
ان مسكته من رجله انقطعت وان مسكته من اجنحته انقطعت وان مسكته من قرونه تقطعوا

اذا سالفة تشريح الصرصور مستحيلة في ح


اقول عجبني مقالك انك ادبي
انا بصراحة لو ادخل ادبي اشرب كل يوم ببسي حجم عائلي
صعبه يا اخي والله اصعب من العلمي
بذمتك شرايك في كتاب التفسير و التوحيد
كتاب ابو الف صفحة
احنا كتبنا التفسير والتوحيد 40 صفحة فصلين
وعلى قول مدرس الرياضات

مضروب المواد الادبية +مضروب المواد العلمية = مجموعة خالية
يقتضي ان ج د + د ه = تنتمي الى مجموعة الاعداد الحقيقية ح

والسلام