تعالوا دقايق بس فيه سالفة صغينونه

[! غــريــب !]

مساء الخير ,,

أعضاء القسم العام للألعاب خاصه وأعضاء منتدى المنتدى عامه ..

الجميع جاته سقطات قلبيه عنيفه بعد ما أنحذفت مواضيع الشهرين الماضيه

والإعتذار عن الحذف جاء باااهت إذا أخذناه بصيغة إعتذار طبعاً وهو في الحقيقه توضيح بس :D

ماعلينا ,,

في هذه الفتره القسم يحتاج هممنا جميعاً بدون أي إستثناء والسالفه ماهيب صعبه

اللهم الابتعاد عن الرد على المواضيع القديمه ( اللي بقيت بعد ما أنحذفت مواضيع الشهرين الماضيه )

لأن معظم الردود عليها أكيد بتكون من باب الإستهزاء بأن الموضوع مغبر ويوووه غبار ومدري وش

وغير عن كذا بيكون القسم باهت بمواضيعه القديمه فـ نبتعد عنها أفضل

الشئ الثاني اللي ما أتوقع بطلبه منكم أنتم بتفهمونه على طول لأنكم كلكم أذكياء ماشاء الله

بإستثناء الموهوب :p

سالفة المواضيع الجديده والأفكار والإقتراحات .. الكل يعرف إن قسمنا يختلف عن كل أقسام

المنتدى ويتميز بديموقراطيته الرهيبه تحت ظل شجرة البلوط الكبيره التي تقي من الشمس والبرد

نازي مود :D

.
.
انتهى كلامه رحمه الله :blackeye:

تحرير :- إلكترو إم ههههههه وربي ما أقصدك بموضوعي ذا

<< سبيكه 15574 :o

[Electro M]

انا متحسف على موضوع واحد الي يرجعه لي اعطيه الي يبي على شرط انه ما يبي شي قيمته اغلى من ريال (&)

بعدين يا رجال شوفة الشباب تسوى الف موضوع
اهم شي ان هالتوقف و البلاوي اللي صارت ماتتكرر مرة ثانية لانها قوية بصراحة بحق منتدى كبير مثل هذا

تحرير:
اشوى اني ما دريت عنك :09:

[Classic Evil]

ياغريب والله إنك غريب بموضوعك الغريب هذا ..


شو اللي يضمن إنه ما تتكرر هالسقطة الكبيرة للمنتدى ؟


نحن في شهر مايو/آيار... والمواضيع الحالية تعود لشهر مارس/آذار .. وما جانا اعتذار على كل اللي صار :09: ...


لذلك المنتدى يعاني من انفصام في الشخصية , لوجود حلقة فارغة, أو سلسلة ضائعة, عجز مشرفو المنتدى عن إيجادها...

كما عجز داروون عن وجود الحلقة التي يدعيها ..


يا أسفى على الردود اللي رديتها :o ....

[! غــريــب !]

إلكترو ..حياك



شو اللي يضمن إنه ما تتكرر هالسقطة الكبيرة للمنتدى ؟


أيه صح فكرت فيها توني تصدق هههههههههه

لا شف إذا تكررت فما راح يقعد ولا عضو وخذ الكلام ذا من رجال

ياخوي بزارين في المتوسط عندهم منتديات يعني مافيه الا منتدى المنتدى

صح إن له ذكريات حلوه وكويسه وكل شئ بس أنا وش ذنبي إذا المسؤولين يعاملونا

كبزران وإعتذار بس إعتذار ماشفناه

عمومتاً حنا نعمل اللي علينا والبائي على ربنا مثل مايقول أحمد السقا :D

[! غــريــب !]

8
8
8
آخر تعديل بواسطة زعيم الإحساس ..

هذي جزاتي يعني بنستنهض شباب القسم وآخرتها زعيم الإحساس ههههههه

يعني لو هو يوزر كويس وإنجليزي كان حسيت إنه قوي ومراقب ما أعرفه بس زعيم والإحساس

ههههههههه آآه ياقلبي بس

[Electro M]

انا اشكر اخوي المراقب القدير زعيم الاحساس على تعديله للرد الغير منطقي منك اخي غريب
و يجب ان تعتذر انت من المنتدى لا العكس
لانك جعلت مراقبنا القدير زعيم الاحساس يأتي بنفسه لتحرير مشاركتك


<== سبيكة 4 :31:

[Classic Evil]

زعيم الإحساس (وأنا أشهد) :

أظن الزعامة كافية بالرد نيابة عني, وبغيت أرد رد قوي لما قلت بزران بس قلت بلاش نخربها توه راد المنتدى :09: ...


السبيكة الحقيقية هي اكتشافنا لزعيم الإحساس : p

[Electro M]

شكلكم تحسبون الدعوة جد
المنتدى ما زال يعاني اثار التخريف اللي صار قبل فترة
يعني التحرير موب ضروري يكون حصل فعلا
مجرد تخريفة كذا على الطاير و جت في راس غريب

حتى شف متى تاريخ التحرير
14-3-2006
يعني ردك محرر قبل ما تنشره :09:

[Yamato]

طيب يا غريب.. يعني شو نسوي...

يعني كل واحد ينزله موضوع ولا موضوعين (عندك حسين ما شاء الله عليه يقدر ينزل اربعة مرة وحدة :09: )

[Classic Evil]

شكلكم تحسبون الدعوة جد
المنتدى ما زال يعاني اثار التخريف اللي صار قبل فترة
يعني التحرير موب ضروري يكون حصل فعلا
مجرد تخريفة كذا على الطاير و جت في راس غريب

حتى شف متى تاريخ التحرير
14-3-2006
يعني ردك محرر قبل ما تنشره :09:

صحيح ...

وحتى انا جاني اشتراك بموضوع قبل الرد فيه أصلا..

وكأنهم علموا بلحظ الغيب إني سأشارك فيه ... ياله من تطور :wow: ...!!

[عبودي]

الله كريم ...
انا ما شاركت وايد في الشهرين الي فاتو . .. يمكن نزلت موضوع واحد بس .. ..
الله يعين على الي تعب بكتابت موضوع هه اكيد منقهر
خاصه الي تعبو بمعرض E3

[NsaN]

غريب

انت روح و احنا وراك :35:


(عندك حسين ما شاء الله عليه يقدر ينزل اربعة مرة وحدة :09: )

ههههههههههههههههههههه..راح فيها الريال عيل :p

[Yamato]

انسان.. ما عليك منه.. هو راح فيها من قبل... اذا تذكر.. من فترة نزل لنا الفتى اربع مواضيع هنا..

انا كشخص محب للاخرين.. نبهته وحذرته ووجهته.. بس لا حياة لمن تنادي.. والحين هذي النتيجة.. كلها راحت :09:

[Son_OF_Liberty]

يارجال الواحد صار يوقف على الرصيف ويغسل سيارات صار احسن له من يدخل نت
بالاقل بالساعه ممكن اكسب 60 ريال احسن من فواتير النت:09:

كل يوم والثاني المنتدى موقف للصيانه ليه ابي اعرف:31:

[Son_OF_Liberty]

شباب
وش السالفه:31:

شيكت على منتدى ميتل جير والرعب لقيت مواضيع الـE3 منحذفه:wow:

من جد والله قهرررر:12:

[SFS]

أهم شي ان المنتدى رجع من يديد..

سواء انحذفت المواضيع أو لا..

العوض ولا القطيعة..

وتكفي شوفتكم..:)

[Trapped Inside]

كيف الحال ؟

[احلامو ادوماتو]

ياخي حركتات ووناشه @@

تحس انك في vortex زمني ، كأني صغرت شهرين :biggthump<<<<:blackeye:

يعني من جد، تقعد تقرا في لمواضيع تحس انك كانك رجعت بالزمن شهرين @@
<<<<هذي آخرة الي يلعب Chrono

وناشه، عاد اتخيل تبدا المواضيع ترجع، بعدين نعيد نفس ردودنا

لما تفكر بها من الناحيه هذي، كانك ماخذ طلة على المستقبل والحين تشوفه يتحقق ×_×

اقول، اذا الماما الكريمة مسويه قهوة امس العصر وقعد الآدمي يقحن منها هالصبحية، فيه لها تاثيرات جانبية ×_×

ايوه صح، عندك اختبارات ، روح ذاكر >.>

وخلني افصفص مسألة الرجوع والتقدم في الزمن على راحتي ×_×

[abdulaziz1]

أهم شي ان المنتدى رجع من يديد..

سواء انحذفت المواضيع أو لا..

العوض ولا القطيعة..

وتكفي شوفتكم..

في منتديات أقل من منتدانا في الأعضاء أو في الشهره أو أي شي..ومايسير فيها زي مايسير هنا!! كل أسبوع لازم يعلق 3 مرات!!

ولحد يقول مشاكل سيرفر ولا غيرها..في منتديات كتير أكبر من منتدانا في الاعضاء والمواضيع والردود..والصور..:31: ..واذا قفلت مره في الشهر..

والله لازم يشوفولهم حل..

[killer ss]

شباب اللي حافظ موضوعي حق الE3 بعطيه تذكره للمعرض الجاي:o

[Pr.Game]

الله يعينكم .. :31:
أنا مالي أي مواضيع بالثلاث أشهر السابقة وكل شيء كنت أكتبه أتركه للإجازة ..
الحمد لله ما تضررت .. :D
المتضررون الأكبرون :blackeye: هم أصحاب معرض E3 الذي اختفى من الوجود ..
كان الله في عونكم ..

[Electro M]

بالنسبة لي اغلب المواضيع الموجودة حاليا تعتبر جديدة
لاني كنت غايب وقت نشرها

[DreaM]

السلام عليكم اخواني ... انا انصدمت من اللي صار فعلا , لكن فهمت السالفة ان المشكلة بقواعد بيانات الموقع وما فيه امل يرجعون المواضيع مع محاولتهم من اسبوع تقريبا استرجاعها .. لكن احمد لله ... خسارة صغيرة و لا خسارة كبيرة فينحذف المنتدى كله و يقولون بالاخير خلاص المنتدى بح بح ... :)

btw ... لاحظت ان البعض يشتكي من اشتراكات بمواضيع ما شارك فيها ؟
او بعض الردود فيها تحرير من شخص آخر ؟

اتوقع بان الضرر فقط في قاعدة بيانات المواضيع و المشاركة .. لكن قاعدة بيانات الاشتراك بالمواضيع و تحرير الموضوع هذا يكون في تيبل آخر له .... :)

انا متاكد من غلطة منه انهم ما عملوا نسخة احتياطية لقواعد البيانات كل 15 يوم او 7 ايام مثلا ....
لأن هذا ضروري لأي منتدى عالمي او عربي .... :)
they are noobs in forum support

عموما ... حمد لله على السلامة يا منتدى و ما تشوفين شر مرة ثانية ... :ponder:

[Angel whisper]

غلطة واستوت ومواضيع وانحذفت .. خلاص ما استوى شي ..
اللي مب عايبنه الحال .. يروح
SFS:
احسن رد شفته الين الحين
واقتراح حلو غريبوه ..
ما نبا نتم نرد على ورا عاد

دريم:
He'll smite you for the noob comment =p

[BOOOB_2002]

واللي مب عايبنه كلام الأعضاء وآرائهم بعد يروح

[Pr.Game]

غلطة واستوت ومواضيع وانحذفت .. خلاص ما استوى شي ..
اللي مب عايبنه الحال .. يروح


المقصد مو مش عاجبنا الحال ..
هي مجرد شحنة غضب يتم تفريغها فقط ..
تاخذ مجراها ليومين أو ثلاث ثم تختفي إن شاء الله ..
وأعتقد جميع الأعضاء هنا مخلصين للمنتدى .. ولا يمكن يتخلوا عنه لمجرد ثلاث أشهر ..
المنتدى ذكريات .. :)
بس لازم الواحد يعبر عن غضبه ولو شوي لأن الجهد اللي اختفى كان جهد 3 أشهر متواصل ..
وهذا شيء صعب إنه يتم استعادته بسهولة ..
وفي رأيي كل من عبر عن غضبه تجاه هذا الشيء كان له كامل الأحقية .. :)
وما أعتقد أحد فيهم يتقصد إنه غير معجب بالوضع ..
وجهة نظر .. :blackeye:

[Electro M]

المنتديات للمرة المليون
لعرض وجهات النظر بكافة الامور
هذه الفكرة الاساسية لوجودها

اما تكميم الافواه هذه فكر ديكتاتوري موجود منذ الازل
و المنتديات وضعت لانقاذنا من هالدكتاتورية
و الا ليش ندخل المنتديات؟!
الدكتاتورية موجودة في حياتنا الواقعية نروح نتعب انفسنا في الانترنت بعد؟

[Classic Evil]

اللي إيده عالماي البارد, مب شرات اللي إيده عالماي الحار .

[Winter_wolf]

It's not so bad, الحين اجدد موضوع بقسم الناينتندو بعنوان : الكشف عن اسم الريفولوشن بمعرض E3 2006 بعد شهرين!!

شكلي راح انقز للموضوع واكتب : مشكور على الموضوع, انا اتوقع والله اعلم انه اسم الجهاز اللي بينكشف بـE3 بيكون..


Wii


طبعا راح يعترض كم واحد اللي يقلي كيف تدعي علم الغيب واللي يقلي هذا الاسم مستحيل Big N تستخدمه, لكن زي ماقلت : اتوقع والله اعلم .
Mark my words.


God i'm in such a good mood.

ويمدينا نستفيد من الوضع حاليا ببدء صفحة جديدة لو كان في اي خلاف بين كم عضو...وشي زي كذه.

ماادري ليه لكن احساسي كأنه برينس اف بيرشا مر على المنتدى ورجعنا 3 شهور ورا....

Deja Vu.

[Son_OF_Liberty]

والله قهررر انك تنتظر من فتره طويله معرض مثل الـE3 وتجي تلقى المواضيع منحذفه

انا اذكره قبل المعرض بأسبوع منتديات الالعاب كانت في سبااات عمييق للغايه وجلست انتظر المعرض لعل وعسى ينشط المنتدى:p

وجاني ظرف وغبت ويوم أجي مشتااق لمواضيع المعرض ألقاها مواضيع ام شهرين موجوده:31: