المساعد الشخصي الرقمي

مشاهدة النسخة كاملة : اسعـــار الاكس بوكس 360 واكسسواراته والالعاب ---نصب×نصب---


kingx11
26-05-2006, 02:04 AM
اول شي اسعار الجهاز اكيد للحين مرتفعه مع انها نزلت عن سعرها الرسمي


بالنسبه لي انا شاري الجهاز من شهر ونص تقريبآ ومافيه عيووب ممتاز حمدلله والعابه كل مالها وتحلوو وعدكم اكس مين الجديده جربوها لابأس فيها

انا شريت الاكس بوكس مع لعبتين وadaptor اللي هو البلك العود عشان مايحترق الجهاز....الخ طلع معاي السعر 3440 ريال الجهاز بروحه 2700 تقريبآ وهذا سعرره المخفض السعر الاصلي كان 5000 ريال

بالدولار السعر 399 يعني 1197 ريال وهذا الديلوكس المجهز بمعدات الHD كامله من نظام ووايرات والالعاب حدها 59دولار يعني حوالي 170 ريال وتنباع عندنا بحوالي 260 ريال و300 عند الرعايه التقنيه واذا قلتلهم ليش غالي قالو عشانه اصلي!!!!


واحد اجنبي سمع كلامي عن الاسعار قالي ان مايكروسوفت مسويه اتفاقيه مع كل الموردين للأجهزه والالعاب ان الاسعار ماتزيد عن 399 دولار واذا زادت المورد بيفقد رخصة بيع اجهزه مايكروسوفت وقالي بعد عطني اسم المحل اللي بدولتك عشان ابلغهم عنه ويسحبون الرخصه منهم

والله بغيت اعطيه بس قلت اسألكم هنا اول ونشووف وبعدين يصير خيرر

شوفوو كم اسعار الجهاز الحين في موقع امازون

http://www.amazon.com/gp/product/B000B43OXU/ref=pd_ts_c_th_4/102-4824091-6456133?n=14112941&s=videogames&v=glance



شرايكم؟؟
BL@CK_SH@DOW
26-05-2006, 07:39 AM
السلام عليكم

والله قاصين علينا مع ان المحل مال عمي لاكنه مايرخصلك ولا الريال انصحك ماتقرب جنبه والله اكبر حرامي انصك تروح سوق الاحمد محل بيت الالعاب او المحل اللي جنبه ارخص منه

وعلى فكره انا شريت الجهاز من قطر قلت حق اخوي اللي في امريكا يشتريه ويطرشه قطر
اكس بوكس برينيوم + ست اللعاب + ثلاث ايدي لاسلكيه + ثلاث بلاي اند شارج كت + ريموت
تقريبا نفس السعر

:bandit:
THE_MATRIX
26-05-2006, 08:31 AM
اتمنى ننتندو و سوني يسوون نفس الشي و ياليت هذي القوانين توصل لمحلاتنا
HAMAD 11
26-05-2006, 08:51 AM
اتمنى ننتندو و سوني يسوون نفس الشي و ياليت هذي القوانين توصل لمحلاتنا

على فكرة انصحك لا تروح تشتري من محلات مدينة زايد .. كلهم كلاب وحراميين

روح عند حامد سنتر اذا بغيت تشتري الجهاز ^^ .. والله اني لقيته بـ 2000 درهم الجهاز ومعاه اشتراك ذهبي لايف ولعبتين مجاناً , وقال لي تعال لي ببداية شهر 6 وابيعهم لك بـ 1800 درهم ^^ ..
انا الحين انطر الامتحانات تخلص وبروح اشتريه

اما بالنسبة للدول الثانية , والله ما عندكم الا حل واحد :boggled: وهو انكم تشتروه من امازون , والشراء سهل صدقوني انا كم مرة اشتريت حاجات منه ويوصلوها لي لين البيت , المهم تحددوا العنوان بكل دقة :)
BL@CK_SH@DOW
26-05-2006, 09:32 AM
اما بالنسبة للدول الثانية , والله ما عندكم الا حل واحد :boggled: وهو انكم تشتروه من امازون , والشراء سهل صدقوني انا كم مرة اشتريت حاجات منه ويوصلوها لي لين البيت , المهم تحددوا العنوان بكل دقة :)


المشكله ماعندي كردت كارد فماقدر اشتري من النت فاضطر اني اشتري من محلاتنا
kingx11
26-05-2006, 09:51 AM
والله ياشادو انا مب شاري الجهاز من عندهم شاريه من سوق الاحمد بس شريت بعض الالعاب من عندهم

واما بخصوص الننتندو اعلنو ان سعره بيكون مابين 215-254 دولار

وانا من زمان اتعامل مع امازون وشاري من عندهم العاب بأسعار رخيصه وحلووه وفيه مواقع ثانيه عندها اشياء ماتنزل في امازون مثل موقع play-asia.com هذا نسخه يابانيه من امازون ومنتجاته كلها من دول شرق اسيا (اليابان-الصين-كوريا...الخ) شوف شعطوني يوم شريت من عندهم KOF:MI2

http://kingqat.jeeran.com/DSC00101.JPG

http://kingqat.jeeran.com/DSC00102.JPG




هذا كله بكم؟ 130 ريال ودازين كوبون يقولك اذا تبي تشتري مره ثانيه اكتب الكود اللي فالكوبون وبنخفض لك 5% من سعر المنتج


شكلي بسحب عليهم للأبد
hamad500
26-05-2006, 05:35 PM
والله احنا في قطر صدق متعذبين .. :(

شريط واحد اب 300 ريال والله نصب × نصب :(

والله لازم يشوفون لنا حل ..
Cyber Master
26-05-2006, 07:18 PM
المحلات الى عندنا اصلا مهم موردين رسمين معترف فيه عشان تشتكي عليهم ولا عنده ترخيص اصلاً عشان ينسحب
هم يشترون من المحلات الى في امريكا ويجيون يبيعونها بدبل سعرها هنا
hamad500
26-05-2006, 09:00 PM
المحلات الى عندنا اصلا مهم موردين رسمين معترف فيه عشان تشتكي عليهم ولا عنده ترخيص اصلاً عشان ينسحب
هم يشترون من المحلات الى في امريكا ويجيون يبيعونها بدبل سعرها هنا


طيب بيل جيتس ليه مايفتح محلات فالخليج :)
xnnx
26-05-2006, 09:02 PM
طيب بيل جيتس ليه مايفتح محلات فالخليج :)
عشان عارف ان العرب ماينعطون وجة حتى لو يبيع بالسعر الرسمي
hamad500
26-05-2006, 09:07 PM
عشان عارف ان العرب ماينعطون وجة حتى لو يبيع بالسعر الرسمي


هههههههههههههه

اجل انت افتح محل :D
kingx11
26-05-2006, 09:16 PM
المحلات الى عندنا اصلا مهم موردين رسمين معترف فيه عشان تشتكي عليهم ولا عنده ترخيص اصلاً عشان ينسحب
هم يشترون من المحلات الى في امريكا ويجيون يبيعونها بدبل سعرها هنا

يعني تبي تقولي ان مايكروسوفت ماعندهم وكيل معتمد فالخليج؟؟


شحالك انت؟
Cyber Master
26-05-2006, 10:15 PM
يعني تبي تقولي ان مايكروسوفت ماعندهم وكيل معتمد فالخليج؟؟


شحالك انت؟
ايه معروف انه مالهم وكيل في الخليج بالنسبه لـXBOX لأنه اصلا مانزلو الجهاز رسمي في منطقة الخليج
المحلات هي الي قاعده تستورده من اوروبا وامريكا
من الى لاعب عليك وقايلك فيه وكيل؟
يبوي حنا لما نجي ندخل الايف نحط عنوان امريكي ولا يسمح لك تحط غير امريكا
LiQuid blUe
28-05-2006, 11:06 PM
ايه معروف انه مالهم وكيل في الخليج بالنسبه لـXBOX لأنه اصلا مانزلو الجهاز رسمي في منطقة الخليج
المحلات هي الي قاعده تستورده من اوروبا وامريكا
من الى لاعب عليك وقايلك فيه وكيل؟
يبوي حنا لما نجي ندخل الايف نحط عنوان امريكي ولا يسمح لك تحط غير امريكا

زين وش رايك بفيرجن ميغا ستور اللي يبيع الـxbox 360 بكلا الإصدارين و جميع ألعابه و كمان كل الإكسسوارات
Virgin - Abu Dhabi mall - Abu Dhabi - U.A.E
......................
hamad500
28-05-2006, 11:27 PM
زين وش رايك بفيرجن ميغا ستور اللي يبيع الـxbox 360 بكلا الإصدارين و جميع ألعابه و كمان كل الإكسسوارات
Virgin - Abu Dhabi mall - Abu Dhabi - U.A.E
......................


خخخخخخخخخخخخخخ هذا اغلى من المحلات .. شفت الوايرلس الادابتر اب 500 وشي بل
Cyber Master
29-05-2006, 03:09 AM
زين وش رايك بفيرجن ميغا ستور اللي يبيع الـxbox 360 بكلا الإصدارين و جميع ألعابه و كمان كل الإكسسوارات
Virgin - Abu Dhabi mall - Abu Dhabi - U.A.E
......................
طيب واذا؟
هل هذا معناه انه وكيل او مرخص له؟
ياكثر المحلات الى عندها الأصدارين وكل الأكسسوارت وكل شغلها توريد من برا
هذي شغله معروفه من زمان والكل يعرفها
والله شي غريب اول مره ادري ان فيه ناس تحسب ان البوكس صادر عندنا بشكل رسمي :أفكر:
شف القائمة هذي
http://www.xbox.com/en-us/ChangeLocale.htm
اذا لقيت منقطة الشرق الأوسط او اسم دولتك ساعته اعرف ان مايكروسفت اعترفة فيك كسوق رسمي للجهاز وتظمن الأجهزه الي تصدر فيه
غير كذا اي جهاز تشتريه من منطقتك لو ترسله لهم للصيانه في امريكا راح يرفضون صيانتها لأنك اصلا غير مسموح لك تطلعا برا امريكا لذلك حتى بعظ المواقع ترفض تبيعك الجهاز لما تعرف انك ساكن برا امريكا وهذا حدث معي من تجربه شخصيه
وحتى اعرف صاحب محل حاول يرجع جهاز تالف للصيانه الى امريكا ورفضوه بحجت انه خالف قوانين الظمان قالو له اصلا من الي سمح لك تبيعه في منطقتك

سلام
LiQuid blUe
29-05-2006, 04:47 PM
طيب واذا؟
هل هذا معناه انه وكيل او مرخص له؟
ياكثر المحلات الى عندها الأصدارين وكل الأكسسوارت وكل شغلها توريد من برا
هذي شغله معروفه من زمان والكل يعرفها
والله شي غريب اول مره ادري ان فيه ناس تحسب ان البوكس صادر عندنا بشكل رسمي :أفكر:
شف القائمة هذي
http://www.xbox.com/en-us/ChangeLocale.htm
اذا لقيت منقطة الشرق الأوسط او اسم دولتك ساعته اعرف ان مايكروسفت اعترفة فيك كسوق رسمي للجهاز وتظمن الأجهزه الي تصدر فيه
غير كذا اي جهاز تشتريه من منطقتك لو ترسله لهم للصيانه في امريكا راح يرفضون صيانتها لأنك اصلا غير مسموح لك تطلعا برا امريكا لذلك حتى بعظ المواقع ترفض تبيعك الجهاز لما تعرف انك ساكن برا امريكا وهذا حدث معي من تجربه شخصيه
وحتى اعرف صاحب محل حاول يرجع جهاز تالف للصيانه الى امريكا ورفضوه بحجت انه خالف قوانين الظمان قالو له اصلا من الي سمح لك تبيعه في منطقتك

سلام

اخوي انا عارف ان الـxbox 360 ؤمش معتمد هني بعد بالإمارات على الأقل
لكن قصدي بردي المحلات الصغيره ممكن تكون مخالفه للقانون مثل محلات حامد سنتر و مدينة زايد لو أنت مقيم بالإمارات بس المحلات الكبيره و اللي لها سمعتها مثل فيرجن ما بيكون شي سهل إنها تخالفه و بكل بساطه تشتري من بره و ترجع تبيعه هني ((و عفكره الجهاز ييجي معاه محول adapter للكهرب, يعني فعلاً الظاهر إنه مدخلينه على البلد بطريقه يمكن غير قانونيه.......
kingx11
29-05-2006, 05:13 PM
اخوي انا عارف ان الـxbox 360 ؤمش معتمد هني بعد بالإمارات على الأقل
لكن قصدي بردي المحلات الصغيره ممكن تكون مخالفه للقانون مثل محلات حامد سنتر و مدينة زايد لو أنت مقيم بالإمارات بس المحلات الكبيره و اللي لها سمعتها مثل فيرجن ما بيكون شي سهل إنها تخالفه و بكل بساطه تشتري من بره و ترجع تبيعه هني ((و عفكره الجهاز ييجي معاه محول adapter للكهرب, يعني فعلاً الظاهر إنه مدخلينه على البلد بطريقه يمكن غير قانونيه.......

المحول عشان مايحترق عليك الجهاز

حتى السوني 2 فيها محول
LiQuid blUe
29-05-2006, 08:47 PM
المحول عشان مايحترق عليك الجهاز

حتى السوني 2 فيها محول

اخخخخخ :28:
انا مش هادا قصدي

لكن عالعموم مش مهم

سي يو مووو:kiss: وووه
شمهروش
22-07-2010, 12:11 AM
طيب واذا؟
هل هذا معناه انه وكيل او مرخص له؟
ياكثر المحلات الى عندها الأصدارين وكل الأكسسوارت وكل شغلها توريد من برا
هذي شغله معروفه من زمان والكل يعرفها
والله شي غريب اول مره ادري ان فيه ناس تحسب ان البوكس صادر عندنا بشكل رسمي :أفكر:
شف القائمة هذي
http://www.xbox.com/en-us/ChangeLocale.htm
اذا لقيت منقطة الشرق الأوسط او اسم دولتك ساعته اعرف ان مايكروسفت اعترفة فيك كسوق رسمي للجهاز وتظمن الأجهزه الي تصدر فيه
غير كذا اي جهاز تشتريه من منطقتك لو ترسله لهم للصيانه في امريكا راح يرفضون صيانتها لأنك اصلا غير مسموح لك تطلعا برا امريكا لذلك حتى بعظ المواقع ترفض تبيعك الجهاز لما تعرف انك ساكن برا امريكا وهذا حدث معي من تجربه شخصيه
وحتى اعرف صاحب محل حاول يرجع جهاز تالف للصيانه الى امريكا ورفضوه بحجت انه خالف قوانين الظمان قالو له اصلا من الي سمح لك تبيعه في منطقتك

سلام



طيب عندك في القائمة (الثالث قبل الأخير):
United Arab Emirates (http://www.xbox.com/en-AE/SetDefaultCulture.aspx)

يعني محل فيرجن ميغا ستور ممكن يكون وكيل معتمد لأكس بوكس 360
حلو سو متش
22-07-2010, 12:48 AM
ياعمي في قانون في الخليج العربي (اذا كنت شاطر فاسرق الناااس)الله يعين
the gad father
23-07-2010, 10:10 PM
السلام عليكم والله انصحك اذا عندك واحد يبيع غالي فين حظه ممنون
t.m.i.m.506
26-07-2010, 08:20 PM
امممممممممممممممممممممممممممممممممممممم
FARES360
27-07-2010, 02:51 AM
يا جماعة رفع المواضيع القديمة ممنوع.....
واذا عندكم سؤال دار عليه الزمن .. راجعو الموضوع الرسمي للنقاش وشكراً