Overclocking لكرت الشاشة

[عمود ارتكاز]

السلام عليكم ورحمة الله وبركاته
وشلونكم عساكم طيبين :)
سويت أوفر كلوك لكرت الشاشة وكان كالتالي :
Core : 470
Memory:685
وصار كالتالي :

http://www.bahory.com/load/files/Banderqw-1149074522.jpg

الحرارة كانت من 40 إلى 55
والآن نفس الشي !
لعبت عليه ومالاحظت شي غريب
بس لو أخليه على حاله هل يضر الكرت مستقبلا ؟؟
وعندي سؤال ثاني
عندي Artic Selver 5 وجيت أبحطه
بس عجزت أفك المروحة وجع وش ذا ×__× !
خفت أكسر المذربورد قريت الــ User Manual
وطبقت نفس الطريقة بس عجزت المذربورد منحني أصلا
كابسة بقوة وشلون تنفك ؟!
Socket: LGA755
ويعطيكم ألف عافية ،،،

[BeaUnkill]

ههههههههههههههه طيب ياخوك وراك معصب وانت تكتب الموضوع :D ؟


بس عجزت أفك المروحة وجع وش ذا ×__× !

روق ما عليك .. المهم ،، الحين انت تبي تفك المروحة حقت البروسسر ؟ ولا كرت الشاشة ؟

ثاني شي ، انا احس انك يبو الشباب فقعت ام الكرت !

بشويش عليه ، ترى الاوفركلوك ماهو خذني جيتك :09: ، ارفعه حبة حبة ، وشيك على الحرارة ، وشيك على الفروقات

يعني بالنسبة للكور ، ارفعه بمقدار 3 درجات بالتدريج
بعد كل مرة ، شغل جيم في مشهد قوي .. وخله يسخن شوي واشتغل عليه ، بعدين شيك عالحرارة ..

والميموري ضاعفه بمقدار 5 -5 احسن شي .. الين توصل لحد الكرت يكون في حالة استقرار واداء جيد وحرارة جيدة .

that's all

[عمود ارتكاز]

هلا والله يانت ذكي بعد ماتشوفني كاتب Socket: LGA755
وش يدلك هذا ؟!!
وبالنسبة للكرت مليت وأنا أرفع حطيت الخيار اللي يمين Test Changes عجزان أكتبه :)
وقام يسوي اختبارات وقعد أربع دقايق وعطاني السرعات الموضحة أعلاه ^^

[XU.A.EX]

خلي كرتك بدون اوفر كلوك افضل لك لان عمر الكرت بقل ووممكن مع الايام تشوف في الالعاب مثل التشويش والفراغات تظهر..

[scr]

ههههههههههههههه
والله اخوي عمود ارتكاز احسك مليت من الكرت
مرة واحدة من 470 الى 572 = 102 مقدار الزيادة
طيب كان خليتها 100 على الاقل
والله ترى انا جربت نفس الشيء مع كرتي 6600gt وسويت الاتوماتيك وبعد عدة ايام من العمل المستمر وجدت انه جميع الالعاب بدأت تقطع عشان كدا رجعته للترددات الاساسية وسرت ارفعه شوية شوية عشان ماينخرب
بعدين انت ماشاء الله كرت الشاشة 7900gt اللي عندك ممكن اعرف اذا كان في لعبة ماقدر يشغلها على اعلى الاعدادت عشان اكون في الصورة

[عمود ارتكاز]

ههههههههههههههههههههههههههههههههه
أقنعتوني هونا خله لين يصير مثل 6800GT ثم أبرفعه على أعلى شي
رجعته Standard الحين وحملت الدرايفر الجديد اللي في موضوع جينتلمان ترى والله فرق لايفوتكم
ويعطيكم العافية بس شوفولي سالفة المروحة محد رد علي ،،،

[BeaUnkill]

طيب عطنا صورة له ، لانه صراحة ً ما سبق لي اي تجربة مع معالجات LGA755 مدري وش اسمها.

[عمود ارتكاز]

شف الــ User Manual وش يقول :

http://www.l22l.com/l22l-up-4/0b6499e069.jpg

هذي مافهمت منها شي:
http://www.l22l.com/l22l-up-4/da3581dc4b.jpg

اللي فهمته من الصفحتين ان الدعوة فيها سحب فقمت أسحب B مع B و A مع A
بس سحبت لين التوى المذربورد مافيه فايدة !

[PremaFrost]

اوله عمود انت شنو مسوى بالكرت حارقه الناس تزيد درجات انت زايده ليما اخره وكرتك مافيه شئ
انا اقول خله مثل مااهوها احسلك ترا مايعمر وايد اذا حطيتله اوفر كلوك ;)

[BeaUnkill]

1. افصل سلك المروحة.
2. ابرم المسامير باتجاه عقارب الساعة.
3. اسحب كل مسمارين مع بعض حتى تحرر الهيت سنك ( المشتت ) والمروحة عند البورد. ( اتوقع انه ترفعهم يعني تخليهم مهلهلين ، فاهمني انت ؟ )
4. الحين ارفع المروحة اول شوي شوي بعناية ، بعدين الهيت سنك ( او انهم اثنينهم سوا بنفس الوقت . على حسب مدري ! ).

هاه جرب وقلنا.

[Digerati]

بندر .. لازم تدير المسامير عكس اتجاه عقارب الساعة ( Counterclockwise )

أما خطوة 5 فهي للتركيب ..

[عمود ارتكاز]

وناسة :
لابارك الله في ابليسك ياشيخ بغيت أكسرها !
تقولي مع عقارب الساعة طلعت عكس مثل ماقال أنس وأبشركم فكيتها :)
----------
إلا توني أنتبه ليه الدرايفر معطيني سرعة الميموري 685 !
اللي أعرفه ان 7900GT يجي 1370 ×___×!

[amajed]

الدعوه فيها اوفر كلوك

ياخوي مدري يمكن شفت اختبارات جهازي في مواضيع 3DMark بجميع الاجزاء
ولو كنت شفتها اضنك تشوفني في كل مره اسوي اوفر كلوك اعلى ! يعني اني سويت الاوفركلوك اكثر من مره ومستمر عليه
لي حاليا سنه وانا شاري 7800GTX نصيحتي لك لا تسوي اوفركلوك ابد !
الكرت حاليا حالته غير مستقره (الغيت الاوفركلوك) الحاله فعلا غير مستقره ! يعني لو اسوي اقوى جرافكس راح تطفى اللعبه واحيانا تطلع علامات على الشاشه واحيانا تنمسح الشاشه وتطلع خطوط بيضاء
نصيحتي لك ابتعد عن الاوفر كلوك ! او على الاقل لا تبالغ فيه
وحاول تشتري مشتت ممتاز للكرت ! وانصحك انصحك بهذا :
http://www.zalman.co.kr/eng/product/view.asp?idx=201&code=013

نصيحة لك ! دلع الكرت والا بيزعل عليك بعد سنه :)

وسالفة الرفع التدريجي لا تسويه بعد ! انا نظامي طول العام كنت ارفعه تدريجي ! ومثل ماقلت لك ! اختباراتي تثبت هالشيئ ! لكن بدون فايده ! حتى بعد مارجعته Standard مازال غير مستقر مع الاسف :(

[عمود ارتكاز]

أفا !!!
أثري الدعوة كذا ، عاد تصدق مافي فرق في الآداء يستاهل انك تضيع الكرت عشانه
والله ما أدري وأنا أخوك الكرت مهو عاجبني ،،،
أما بالنسبة للمشتت فاللأسف مايركب على كرتي يركب على الـ Msi والجيجابايت بس <<< على كلام أبو عبدالله :D

[MohammedSF]

أوووووووووف..... شوي شوي بندر على الكرت :saint:!


إلا توني أنتبه ليه الدرايفر معطيني سرعة الميموري 685 !
اللي أعرفه ان 7900GT يجي 1370 ×___×!

DDR يعني Duble Data Rate

يعني ان ذاكرة DDR بسرعة 400MHz هي في الواقع بسرعة 200MHz بس مدبلة!

ذاكرة كرتك هي DDR3 1370MHz وهذا يعني أنها ذاكرة 685MHz !
وانت لما زودت تردد الذاكرة من 685 إلى 806 أنت مازودت 121 ميجا !
أنت مزود 242 ميجا يا عمري!
يعني الذاكرة كانت شغالة على تردد 1612 ميجاهيرتز :boggled: يعني ربك ستر !

هههههههههههههههه

موفق انشاء الله...:biggthump

[عمود ارتكاز]

هههههههههههههه
بالله والله كنت أحسبه مغشوش !
والله وش أسوي ياخوي المشكلة للحين مانحلت !

[BeaUnkill]

بندر .. لازم تدير المسامير عكس اتجاه عقارب الساعة ( Counterclockwise )


وناسة :
لابارك الله في ابليسك ياشيخ بغيت أكسرها !
تقولي مع عقارب الساعة طلعت عكس مثل ماقال أنس وأبشركم فكيتها :)


خخخخخخخ ، آسف ياخي .. والله مع الخربطة ما لاحظت Counterclockwise :D ، بس اهم شي انك فكيته :09: ..

" الحمدلله ما صار شي ، ولا كان راحت علي مع هذا المجرم :blackeye: !! "

[Digerati]

خخخخخخخ ، آسف ياخي .. والله مع الخربطة ما لاحظت Counterclockwise :D ، بس اهم شي انك فكيته :09: ..

" الحمدلله ما صار شي ، ولا كان راحت علي مع هذا المجرم :blackeye: !! "

على أساس مو قصدك يعني :D

[BeaUnkill]

بندر = عمود ارتكاز = Banderqw <<< قديييييم !

[عمود ارتكاز]

والله ياصارت علوم مايعلم فيها إلا الله
الحين يوم انكم علمتوني كيف أفكها وراكم ماعلمتوني كيف أركبها بلشت فيها !
وأول شي حطيت المعجون على الجسر الشمالي والمعالج وضبطت الأمور وكان فيه كم شغلة قلت دامني فكيته أسويها مرة وحدة المهم خلصت
وقعدت أحوس لين ركبتها وكنت أحسبها ركبت مضبوط وأشغل الجهاز وأسمع شي يصفر وأشم ريحة مدري وش تبي الجهاز ما حمل الوينوز !
طفى &#215;___&#215;!
شغلته مرة ثانية ودخلت البيوس على طول لقيت الحرارة 97 &#215;___&#215;!!!!
طفى مرة ثانية ، أنا انخلعت قلت بس البلا في المعجون
لأني أشوفه ثقيل وشكلي كثرت فشلته ورجعت السيراميك
وركبت المروحة ونفس الشي أنا انهبلت قلت المعالج راح فيها ثاني مرة يوصل 100 !
وأرجع وأحوس في المروحة لين أعدمتها وركبت تمام وصارت الحرارة 30 ^^
المهم قعدت أكمل شغلي وركبت كم قطعة وأشغله ، الشاشة تقول No Signal !!
قلت بس الكرت راح توني ماتهنيت فيه وقعدت أتحلم بـ FEAR يوم كنت أشغلها وتجيب 80 فريم
وقعدت أحوس مرة ثانية طلعت ناسي سلك الكهرب حق المذربورد (الصغير) فشبكته
وأشغل نفس السالفة قلت "عد الموادع" على كرتك وأشوف إلا وناسي أشبك الكهرب حقه
وأشبكه ويشتغل وأشوف الحرارة حقت المعالج لقيتها 32 قلت ياسلام !
بعد التجربة السابقة عندي سؤالين :
1- هل المعالج تضرر ؟ لأنه اشتغل على 100 درجة تقريبا ثلاث مرات وفي كل مرة حوالي
30 ثانية !
السؤال الثاني هل الكرت تضرر لأني ماشبكت الكهرب حقه ، ترى صارت أكثر من مرة ..

وترى بعد ما وصل المعالج 100 وطفى في المرة الثالثة ، وجيت أشغله بعدها مارضى يقلع بالنظام فاضطريت إني أفرمت وراحت ملفاتي كلها لأني كنت متعيجز أقسم الهارد !
والله تجربة مريرة بس يالله تعلمنا شي واكتسبنا خبرة ^^
وماأقول إلا لابارك الله في إبليسكم نكبتوني :D

[Digerati]

والله ياصارت علوم مايعلم فيها إلا الله
الحين يوم انكم علمتوني كيف أفكها وراكم ماعلمتوني كيف أركبها بلشت فيها !
وأول شي حطيت المعجون على الجسر الشمالي والمعالج وضبطت الأمور وكان فيه كم شغلة قلت دامني فكيته أسويها مرة وحدة المهم خلصت
وقعدت أحوس لين ركبتها وكنت أحسبها ركبت مضبوط وأشغل الجهاز وأسمع شي يصفر وأشم ريحة مدري وش تبي الجهاز ما حمل الوينوز !
طفى ×___×!
شغلته مرة ثانية ودخلت البيوس على طول لقيت الحرارة 97 ×___×!!!!
طفى مرة ثانية ، أنا انخلعت قلت بس البلا في المعجون
لأني أشوفه ثقيل وشكلي كثرت فشلته ورجعت السيراميك
وركبت المروحة ونفس الشي أنا انهبلت قلت المعالج راح فيها ثاني مرة يوصل 100 !
وأرجع وأحوس في المروحة لين أعدمتها وركبت تمام وصارت الحرارة 30 ^^
المهم قعدت أكمل شغلي وركبت كم قطعة وأشغله ، الشاشة تقول No Signal !!
قلت بس الكرت راح توني ماتهنيت فيه وقعدت أتحلم بـ FEAR يوم كنت أشغلها وتجيب 80 فريم
وقعدت أحوس مرة ثانية طلعت ناسي سلك الكهرب حق المذربورد (الصغير) فشبكته
وأشغل نفس السالفة قلت "عد الموادع" على كرتك وأشوف إلا وناسي أشبك الكهرب حقه
وأشبكه ويشتغل وأشوف الحرارة حقت المعالج لقيتها 32 قلت ياسلام !
بعد التجربة السابقة عندي سؤالين :
1- هل المعالج تضرر ؟ لأنه اشتغل على 100 درجة تقريبا ثلاث مرات وفي كل مرة حوالي
30 ثانية !
السؤال الثاني هل الكرت تضرر لأني ماشبكت الكهرب حقه ، ترى صارت أكثر من مرة ..

وترى بعد ما وصل المعالج 100 وطفى في المرة الثالثة ، وجيت أشغله بعدها مارضى يقلع بالنظام فاضطريت إني أفرمت وراحت ملفاتي كلها لأني كنت متعيجز أقسم الهارد !
والله تجربة مريرة بس يالله تعلمنا شي واكتسبنا خبرة ^^
وماأقول إلا لابارك الله في إبليسكم نكبتوني :D


فلم هندي :09:

ما تخاف بندر .. أولا الكرت حين يحتاج الى طاقة غير متوفرة يقوم باجبار الجهاز لعمل restart حتى ينقذ الكرت .. فلا يوجد مشكلة هنا

المعالج .. بما أنه وصل لحرارة عالية .. قام بعمل restart .. و ان شاء الله ما في مشاكل ..

بس الله يعوضك على الملفات .. و مثل ما قلت هي التجربة تفيدك دائما ;)

[عمود ارتكاز]

هههههههههههههههههههههههه
إي والله فلم هندي
ياخي انت دايم وجه خير
يعطيك ألف عافية أخوي أنس وماقصرت تعبتك ذاليومين :)

[BeaUnkill]

ههههههههههههههههههههههههه

قسم بالله جرية اليمة .. ياخي قالوها ، الي يبغى الدح لا يقول اح

وبعدين يوم انك مو قدها ورى تتفلسف <<< لا يكثر بس

الحين الحمدلله على سلامتك ، بعدين ياخي حتى انا تعبتني مو بس انس << hehehehe

يلا بالتوفيق ولا تعودها مرة ثانية الين تجيب شخص اكبر منك <<< والله لو انه برنامج اطفال .

سلام