المساعد الشخصي الرقمي

مشاهدة النسخة كاملة : اليوله


croove
02-06-2006, 09:58 PM
ملاحظة: الموضوع وصلي من صديق بالإيميل
و هذا الي وصلي


منقوووووووووووول من منتديات صوت الامارات و هي كلمة حق و تنقال
=========================================


:: اليوله ::



فن تراثي حربي يعرض فيه المحارب قدراته ومدى التصاقه بالسلاح


:: تراث ::
بلا اغاني ولكن بشلات يقوم بها احد المحاربين وتكون بالسيف والاسلحه الثقيله

:: جديد ::
اين السيف ؟
لماذا لا تقوم اليوله الا على الاغاني ؟
وهل الاسلحه الثقيله باتت خوفا على ( اليويله ) فتم استبدالها بسلاح كاد ان يكون قطعة خشب ؟


:: الجمهور ::
* شباب*
هل يولة الجماهير فرض عين
لذا نرا الكثير يقفز و ( بنقز ) ..... ام هو استعراض للقدرات الشخصية ؟


* بنات*
لا اعتقد ان الميدان صالة افراح ... او حفله لعرض الازياء
هل اصبح النقاب للستر ام للفتنه ؟
ما سبب اخراجهن للهوتف .... تصوير ... امام الكيمرا ... ام ( خقه ) ؟


:: اليويل ::
المحارب الذي يقوم بفن اليولة


:: يويل آخر زمن ::
( ايول ) بشعره قبل ان ( ايول ) بالسلاح


:: المخرج ::
يسلط الكيمرات على الفتيات
هل هو نوع من انواع ( الاخساس ) بالمشاهد ؟ .... ام فضيحه تلفازية ؟


:: قديم ::
هل من المسموح التغيير في التراث
مثال : هل من الممكن ان يكون المقناص باي طير جار غير الصقر
اذا فلماذا يغيرون في اليوله وهي تراث ؟



:: الشيخ زايد ::




كان ( ايول ) بالسيف وعلى شله
فهل من متبع لخطاه ؟




:: مسلم العامري ::
مقولته ( الي ينحط على الراس ما ينحط على التراب )
يويل من افضل افضل اليويله ... يحافظ على الاصول ... يحافظ على كرامته كرجل بمحافظته على عدم سقوط عصامته ... بينما فقد الباقي هذه الصفه
يستحق الفوز


:: سعود الكعبي ::
يتصنع البداوه ... فهو لا يعرف الفرق بين البوش والرجاب
الحمدلله ساعده بالقوبع للتعرف على ذلك


:: مايوب علينا ::
نحيي التراث ولا نغير فيه


:: كلمه ::
الله يرحم ايام زمان


تعليقي:
الصراحة أنا مع كل كلمة ذكرها الكاتب في هذا الموضوع
من جد طلع كل الي أبي أقوله عن الي صاير في هالفترة :31:
الله يرحم زمان أول
rubso
02-06-2006, 10:02 PM
ما فهمت الا السطر الاول ، وفقرة تعليقك .. يا ليت لو تعيد كتابته وتوضح ما تريد توصيله للاعضاء .
croove
02-06-2006, 10:05 PM
ما فهمت الا السطر الاول ، وفقرة تعليقك .. يا ليت لو تعيد كتابته وتوضح ما تريد توصيله للاعضاء .غريبة
الموضوع ظاهر عندي
The Broken Legend
02-06-2006, 10:16 PM
السلام عليكم
يعطيك العافيه اخي الكريم لكن
أولا نقل المواضيع ممنوع
ثانيا الموضوع يتكلم عن التراث و عن اليوله

فسيغلق الموضوع او ربما ينقل لقسم اخر

شكرا وبالتوفيق
croove
02-06-2006, 10:30 PM
Final Heart
أدري أن نقل المواضيع ممنوع
بس والله هالموضوع عجبني و أحس أنه عبر عن الي أبي أقوله فقلت إني لازم أنقله للمنتدى :09:

على العموم
مب مشكلة عندي إذا غلقوا الموضوع أو حذفوه
NsaN
02-06-2006, 10:36 PM
موضوع حلو الصراحة..
يمكن ما يفهمه الا الاماراتيين...

الصراحة انا ما يخصني بهالسوالف..
و المعلومات اللي ذكرتها عن ان اليولة كانت قبل بالسيف...و انها كانت على شلات..الصراحة حلوة و يديدة عليه..
و يمكن السبب اللي خلاهم يستبدلون السيف بقطعة الخشب مثل ما سماها الكاتب..
هو انه أأمن يعني :33:

بعدين ما فهمت شو القصد بالاسلحة الثقيلة!
يعني قصدك اسلحة صدقية بدال الخشب؟

يمكن لان الخشب اخف و بالتالي التحكم به بيكون اسهل..:33:
بس بعد..حسب الي فهمته..المفروض اصلاً تكون بهالاسلحة..

بس ان اتفق مع الكاتب بشي..


:: سعود الكعبي ::
يتصنع البداوه ... فهو لا يعرف الفرق بين البوش والرجاب
الحمدلله ساعده بالقوبع للتعرف على ذلك

اول مرة اشوف مذيع..المفروض لغته العربية تكون فصيحة..
و يرمس بالفصحى بلكنة بدوية..:31:

قمة التصنع والله العظيم..
و استانست يوم انه اونه بيهدي محمد بن راشد قصيدة بالحفل الختامي..و تم يقصد..و الشيخ محمد لابسنه..هههههههههههه..

و صدق يوم رمس عن سالفة الشعور..و الحريم اللي يحضرن..

يعطيك العافية Croove..
croove
03-06-2006, 01:28 AM
ما فهمت الا السطر الاول ، وفقرة تعليقك .. يا ليت لو تعيد كتابته وتوضح ما تريد توصيله للاعضاء .أسمحلي أخوي فهمتك غلط في الرد الأولي :09:
المهم
لو تعرف من فترة قناة سما دبي طلع فيه برنامج إسمه الميدان و البرنامج عبارة عن مسابقة يظهر فيها الشباب مهاراتهم في اليوله و مثل ما هو مكتوب في بداية الموضوع (هو فن تراثي حربي يعرض فيه المحارب قدراته ومدى التصاقه بالسلاح)
و مثل ما ذكر NsaN يمكن صعب لإخواننا الي من الدول الثانية فهم الموضوع
السموحه مرة ثانيه لأني فهمتك غلط :blackeye:
تحرير:إذا حبيت تشوف مقطع من البرنامج
http://www.ma7room.com/musicsbox/ywelah/mn9or_bnshrarah.rm


الصراحة انا ما يخصني بهالسوالف..
و المعلومات اللي ذكرتها عن ان اليولة كانت قبل بالسيف...و انها كانت على شلات..الصراحة حلوة و يديدة عليه..
و يمكن السبب اللي خلاهم يستبدلون السيف بقطعة الخشب مثل ما سماها الكاتب..
هو انه أأمن يعني :33:

بعدين ما فهمت شو القصد بالاسلحة الثقيلة!
يعني قصدك اسلحة صدقية بدال الخشب؟

يمكن لان الخشب اخف و بالتالي التحكم به بيكون اسهل..:33:
بس بعد..حسب الي فهمته..المفروض اصلاً تكون بهالاسلحة..أعتقد أن الكاتب قصده أن اليويله زمان كانوا ما يخافون من إستخدام الأسلحة و السيوف في اليوله يعني أن زمان الناس كانوا أشداء و عندهم قوة في حمل السلاح
بس أحين معظم الشباب يستعملون سلاح هو أصلاً عبارة عن خشب و مب سلاح صدقي

بالنسبة لي أحسن شيء عجبني من الي كتبه الكاتب هو

:: مسلم العامري ::
مقولته ( الي ينحط على الراس ما ينحط على التراب ) الصراحة جابها في الصميم لما قالها مسلم العامري في البرنامج :biggthump
Doel
03-06-2006, 05:34 AM
أنا الصراحه استوى لي 3 سنين في أمريكا و نص اللي يستوي في البلاد، هذا اذا مب أكثر، ما أدري عنه

بس لي كمن تعليق عالفيديو اللي جفته و الكلام المكتوب.

أول شي ... هالبنات مب أكثرهن شقر؟ ما احيد بنات بلادنا بشيلهن و عبيهن شقر ...ولا احيد لفتهن للشيله جيه :ponder:

شي ثاني، فعلا اليوله ما تيي الا ويا شلات ... هب ويا ميحد و ربعه ... شكلهم غلط أصلا يوم تسمع صوت ميحد وراهم يغني:blackeye:

عن سالفة الخشب، اظني الهدف منها هو الـ safety و عشان ما يخوفون الجمهور... ولو تروح أعراس عرب عندنا تجوف اليوّيله بسيوف صدقيه هب سيوف "دون كيخوته"


يمكن لان الخشب اخف و بالتالي التحكم به بيكون اسهل..

بس الأسلحه الصدقيه أريح... الخشب وايد خفيف و يبالك تتعود عليه قبل لا تيول به صح (و هالكلام من واحد ما يعرف شي تقريبا ... شو بالك باللي طول عمره ايول بسلاح؟)


سعود الكعبي

لا تعليق .... خلونا ساكتين بس



شو سالفة الفرقه اللي كل شوي الكيمره تلف عليهم؟ مجرد تكمله للديكور؟



الله يرحم زمان أول
Doel
Angel whisper
03-06-2006, 06:04 AM
ههههه مشكورين على تقطيع سعود .. ياخي ما احبه..

انا مب معذبني الا الصغيرون بو شعر حلو ..

مره وحده شفته في مول .. زين ما لاحقته بس :~(

وبما انه نفسيتي تلوع بالجبد على الصبح فبرد عليك رد ثاني بعدين ان شاء الله
Black Rash
03-06-2006, 02:26 PM
مافي احلا من الدبكه.....ايييي

هءء هءهء ادبك ادبك.....ايييييييء....

حط الكاسه بالكاسه...للسهره في عباسه....للسهره في عباسه.....:D
Black Rash
03-06-2006, 02:28 PM
غريبة
الموضوع ظاهر عندي

قصد rubso

Can You Speak Arabic .....:D
Classic Evil
03-06-2006, 03:08 PM
حتى الرزيف صار فيه موسيقى ؟؟ وين يبون ؟؟؟

أونه تطور ؟؟؟


وبعدين هذيل اللي يفرون الغترة و يتم إيول ويهز براسه بدل إيده واحد مضيع وماصخ ...


مطلع شعره و مكبرنه أونه صاير الحين اللي يسمعه كليب و لا سالم الزير ؟؟؟؟


أخاف العصا تتبدل ويحطون شي ثاني باجر بدالها ؟؟؟


بالنسبة لنقطة تبديل السلاح بالخشبي فيا ريال مب ناقصين خساير بشرية ...

لأنه الخطأ وارد مهما كانت قوته وخبرته , وتعرف الزحمة الموجودة فمن رأيي يمكن يكون أفضل بوجود الزحمة ... خصوصا البعض يفر السلاح عالي ...
Angel whisper
03-06-2006, 07:11 PM
بما انه استوالي بارض الحين .. فبرد

اول شي بتكلم عن ايجابيات هالبرنامج
اول شي .. تراه اهون بالف مره عن مجابل عبط ستار اكاديمي وغيره .. ويعني يشجع الشباب على انهم يتعلمون اشيا من ماضيهم .. ممكن الطريقه ما تكون very accurate .. بس على الاقل شي تمسك فيه ..
يعني الحين ما تم ولد في الفريج عمره بين الاربع سنين والـ20 ما جرب ايول

السلبيات..
انه المسابقه كلها استوت حق الـEye Candy..
من ناحية اليويله اللي يستعرضون بشعرهم .. وبناتنا العزيزات

وبالنسبه للي مب مصدق انهن اماراتيات

well .. they are.

this style is all they hype now .. you'll be getting quite the cultural shock Doel. You'll see girls' heads turning to something that resembles a chimney or a boot.

وانا عموما سامعه بنات من كليتنا كانو يخططون يسيرون ولا شايفين حد منهم في التلفزيون بعد هناك ..

وبالنسبه لسعود ..
...
مادري توني يايه بحش فيه بس حسيت بالذنب.. ~_~

المهم حركة انه يسوون مثل هالبرامج انا مساندتنها .. بس لو يخلون كل شي على اصوله بيكون احسن

ومشكور
! غــريــب !
03-06-2006, 07:44 PM
ماعرفتها الا من سما دبي .. وعمومتاً بادرة كويسه وإن كان أحس إنها بس للربح المادي

فيه عندي استفسار صغينون يقرقع في صدري ويكاد يشق حلقي ويخرج مع ضرس العقل ..

مره في سما دبي كان فيه إحتفال كبير لأمير توه تقريباً شاب من عمره وحضر مطربين إماراتيين

كثر مثل الزلابه عبدالله بالخير وعيضه المنهالي والعامري وفايز السعيد وغيرهم .. وكل اللي

في الحفل حاطين دبابيس عليها صورة هالأمير .. وحتى فيه بنت لابسه شباصه عليها صورته

وهو مسوي سكسوكه << ذي صرف لها من عنده http://www.montada.com/images/x/icons/icon10.gif

لا صدق .. وش سالفته ؟ يعني للهدرجه مساهماته بنت حرام وله أيادي بيضاء على الشعب ؟

كروف .. يعطيك العافيه على النقل وأعذر تساؤلي السخيف بس وش تسوي الفضل ومايسوي
NsaN
03-06-2006, 08:05 PM
غريب

هههههههههههههه..
انت تطري ولد الشيخ محمد بن راشد..حمدان (اظني)..:D

و الملقب بفزاع..
محطم قلوب العذارى..:D

بالنسبة لشو سالفته..تراه هو راعي البرنامج..:)

خلكم على سعود..لاني عندي احساس من بعد رد غريب ان السالفة بتتحول على غيره..:ponder:
DMC
05-06-2006, 12:11 AM
مره في سما دبي كان فيه إحتفال كبير لأمير توه تقريباً شاب من عمره وحضر مطربين إماراتيين

كثر مثل الزلابه عبدالله بالخير وعيضه المنهالي والعامري وفايز السعيد وغيرهم .. وكل اللي

في الحفل حاطين دبابيس عليها صورة هالأمير .. وحتى فيه بنت لابسه شباصه عليها صورته

وهو مسوي سكسوكه << ذي صرف لها من عنده http://www.montada.com/images/x/icons/icon10.gif

لا صدق .. وش سالفته ؟ يعني للهدرجه مساهماته بنت حرام وله أيادي بيضاء على الشعب ؟

كروف .. يعطيك العافيه على النقل وأعذر تساؤلي السخيف بس وش تسوي الفضل ومايسوي
هلا اخوي باين عليك سعودي من كثر ماتقول امير :D
اولن الشخص الي تتكلم عنه اسمه حمدان بن محمد بن راشد ال مكتوم
وهو راعي البرنامج والمسابقة الميدان مثل ماقال اخوي انسان
وشي ثاني لاوسمة تعتبر صلة الوفاء بين الشعب من جهة والحكومة وشيوخه من جهة ثانية :D

صراحة انا مانكر الغة لاماراتية صعبة وايد الي موجودين برع الدولة :33:
وحتى الي ساكنين عليها
ملاحظة (اذا كانوا عايشين في المدن بعيدة عن البدو)
ولاخت راعية الموضوع نقلت الكلام وهو كلام بدوي علشان جي مافهمتوا عليه :28:
بس عاد مسؤولية عدم الفهم بعض الاعضاء يكون بسبتها لانها حطت الموضوع :o
وماكتبت بعنوانه للأماراتين فقط :D
النهاية:reporter:
Son_OF_Liberty
06-06-2006, 12:45 AM
انا بصراحه مااعرف شي عن هالترااث

بس الي عرفته من الموضوع ان قناة سما دبي غيرت اشياء كثيره فيه
مثل اضافة الاغاني يعني بصراحه مالها داعي:31:

وثاني شي هي ضهور الفتيات ماكان لائق جداا واعتبره تشويه لسمعة بنات الامارات

مااقول غير الله يهدي المخرج:D