rapidoh
03-06-2006, 09:05 PM
يجب التنويه بأن هذه القصه من وحى خيال الكاتب ولا تمت بصله لأرض الواقع
حتى ولو تشابهت الاسماء أو الأحداث فأن ذلك يعتبر من محض الصدفة البحتة
والكاتب غير مسئول
ليلة عرس
( الجزء الأول ) من السيره الهلاميه
منادى عـ مال ينادى وبالطبل ينقر يوماتى
يالا يابا ويا الربابا قوم وسمعنا مواويل ليلاتى
دى قصتك ودى قصتى والقصتين أااه يا عين دول هما حلاتى
مسك الجدع بـ الربابا وقال ما يحلى الكلام الا بذكر النبى " عليه الصلاة والسلام "
ردينا عـ الولا وقولنا " عليه الصلاة وأفضل السلام "
بدأ الولا الحدوته وقال ,,,
العمده حسان عمدة السهيان
ودى عزبه جنب كفر هفتان
علق الزينه ويا الكهارب كمان
والزفه لامه وواخده من كل بلدان
دا العريس ابنه وكأنه اغلى الابدان
وبطلنا فـ الحدوته اللى مابدهاش خلصان
وآدى العروسه متعوسه واصحابها شايلين الاكفان
لو قلت غاليه مش كفايه , دى اللى تملكه ما يتقدر بأتمان
محروسه دا اسمها وكمان وصفها ومن كل عيون الاعيان
ومهرها يجى قد عمرها ودا حقها , ولازم يدفع قدام كافة الجدعان
يالا يا خاله ويالا يا عمه دى الليله عرسها وباقى على حزنها صوت الآدان
أجرى يا محروسه انت ومنحوسه علوا الزغروده وهاتوا للعمده الجبه والقفطان
دى الليله فرحته وباقى بهجته واللى فاضل من حفلته أنه يتحول فـ لحظه لأعلان
أدبح يا عمده وعـ الموايد وزع بزمه , دا الخير كتير ومش راح يطير , بس الضمير عايزله ميزان
ما هوه ياعدمان , يا غلبان انت وغفلان , لا غرمان ولا حتى شقيان ومن درها شايل كنوز مرجان
العمده حسان عمدة السهيان
ودى عزبه جنب كفر هفتان
والحدوته لسه ممدوده ,, بكفايه ولا نقول كمان ,, نقول كمان
طبعا , ما هوه انت مش خسران ! بس اكيد مـ الحدوته تكون زهقان !
مسك الجدع بالربابا وقال ما يحلى الكلام الا بذكر النبى " عليه الصلاة والسلام "
ردينا عـ الولا وقولنا " عليه الصلاة وأفضل السلام "
كمل الولا الحدوته وقال ,,,
يالا يا عمده على العمه وشد الهمه انت وهوه
بس بشرط تحطوا وليده فـ العين من جوه
فين الطبل ويا الزمر ؟ ولا الهيصة ويا الزيطه ؟
فين الفرح ؟ اللى ما باين منه غير الجرح ! مسكينه ياللى اسمك محروسه
وسامع من بعيد شاعر ويا الناى بيتشاعر ويتغنى ويتمنى ب ست البنات متعوسه
وآاااه من الناى وألحانه لما يداوى القلب احزانه بـ أشجانه
سكت المنادى وهووووش وبص عـ الوشووووش وقام من قعدته ولم عدته
صرخ المنادى وقال , أاااه يابشر ضهرى انكسر وقلبى أتحسر وصوتى مـ الكلام أتحشر
والحدوته لسه ممدوده ,, بكفايه ولا نقول كمان ,, نقول كفايه ونكمل الليله الجايه
طبعا , ما هوه انت مش خسران ! بس اكيد مـ الحدوته تكون زهقان ! وكمان طهقان !!
Rapidoh
حتى ولو تشابهت الاسماء أو الأحداث فأن ذلك يعتبر من محض الصدفة البحتة
والكاتب غير مسئول
ليلة عرس
( الجزء الأول ) من السيره الهلاميه
منادى عـ مال ينادى وبالطبل ينقر يوماتى
يالا يابا ويا الربابا قوم وسمعنا مواويل ليلاتى
دى قصتك ودى قصتى والقصتين أااه يا عين دول هما حلاتى
مسك الجدع بـ الربابا وقال ما يحلى الكلام الا بذكر النبى " عليه الصلاة والسلام "
ردينا عـ الولا وقولنا " عليه الصلاة وأفضل السلام "
بدأ الولا الحدوته وقال ,,,
العمده حسان عمدة السهيان
ودى عزبه جنب كفر هفتان
علق الزينه ويا الكهارب كمان
والزفه لامه وواخده من كل بلدان
دا العريس ابنه وكأنه اغلى الابدان
وبطلنا فـ الحدوته اللى مابدهاش خلصان
وآدى العروسه متعوسه واصحابها شايلين الاكفان
لو قلت غاليه مش كفايه , دى اللى تملكه ما يتقدر بأتمان
محروسه دا اسمها وكمان وصفها ومن كل عيون الاعيان
ومهرها يجى قد عمرها ودا حقها , ولازم يدفع قدام كافة الجدعان
يالا يا خاله ويالا يا عمه دى الليله عرسها وباقى على حزنها صوت الآدان
أجرى يا محروسه انت ومنحوسه علوا الزغروده وهاتوا للعمده الجبه والقفطان
دى الليله فرحته وباقى بهجته واللى فاضل من حفلته أنه يتحول فـ لحظه لأعلان
أدبح يا عمده وعـ الموايد وزع بزمه , دا الخير كتير ومش راح يطير , بس الضمير عايزله ميزان
ما هوه ياعدمان , يا غلبان انت وغفلان , لا غرمان ولا حتى شقيان ومن درها شايل كنوز مرجان
العمده حسان عمدة السهيان
ودى عزبه جنب كفر هفتان
والحدوته لسه ممدوده ,, بكفايه ولا نقول كمان ,, نقول كمان
طبعا , ما هوه انت مش خسران ! بس اكيد مـ الحدوته تكون زهقان !
مسك الجدع بالربابا وقال ما يحلى الكلام الا بذكر النبى " عليه الصلاة والسلام "
ردينا عـ الولا وقولنا " عليه الصلاة وأفضل السلام "
كمل الولا الحدوته وقال ,,,
يالا يا عمده على العمه وشد الهمه انت وهوه
بس بشرط تحطوا وليده فـ العين من جوه
فين الطبل ويا الزمر ؟ ولا الهيصة ويا الزيطه ؟
فين الفرح ؟ اللى ما باين منه غير الجرح ! مسكينه ياللى اسمك محروسه
وسامع من بعيد شاعر ويا الناى بيتشاعر ويتغنى ويتمنى ب ست البنات متعوسه
وآاااه من الناى وألحانه لما يداوى القلب احزانه بـ أشجانه
سكت المنادى وهووووش وبص عـ الوشووووش وقام من قعدته ولم عدته
صرخ المنادى وقال , أاااه يابشر ضهرى انكسر وقلبى أتحسر وصوتى مـ الكلام أتحشر
والحدوته لسه ممدوده ,, بكفايه ولا نقول كمان ,, نقول كفايه ونكمل الليله الجايه
طبعا , ما هوه انت مش خسران ! بس اكيد مـ الحدوته تكون زهقان ! وكمان طهقان !!
Rapidoh