الكورة .. الحماس .... و الانبراش!

[Electro M]

الله يستر لا ينحذف هالموضوع مع اخوه (&)

للتوضيح تم حفظ الموضوع في جهازي لذا اللي حذف المواضيع تبع الشهرين السابقين عشان يغطي نقطة انه حذف موضوعي من غير سبب يوفر على نفسه المجهود هالمرة
لان المؤمن لا يلدغ من جحر مرتين
و من يومها و انا كل مواضيعي اخزنها عندي قبل ما انشرها
حتى ردودي اللي احس اني تعبت عليها اخزنها بعد <=== نرجسية الا شوي :09:

نخش في الموضوع اللي قد يقول قائل او تحديدا قائلة - مسوي انه خلاها بصيغة المؤنث :31:- انه عنصري لانه شبه موجه للتماسيح
لكن اقول لا في الاخير راح ندخلكم في السالفة لذا لا تسكرون النافذة من الحين

الموضوع طال عمركم اني توني راجع من مباراة كرة قدم
حماسية اي نعم
بين شباب هالله هالله
حصل فيها اصابات؟
لا بالنسبة لكل اللاعبين
ايه بالنسبة لي (&)

الفريق الثاني اليوم حاط دوبه دوبي ما ادري ليش
ثلاث انبراشات خطيرة جتني
و انا من النوع اللي يعني عادي اقسم بالله اسجل هدف في مرماي و لا اروح اكسر واحد عشان كورة
بمعنى اني لما اخش على واحد و احس ان امكانية اصابتي له او ضربتي له تكون نسبتها 20% و الله غالبا ما اخش
و ان خشيت و حسيت اني ضربته حتى لو ضربة خفيفة اوقف و ما اتابع ملاحقة الرجال كاعتذار مني خلال اللعب

لكن للاسف في ناس الله يهديها ما ادري تحس انها تقدر شي اسمه فوز و تلعن شي اسمه خسارة حتى لو كانت في لعبة ما راح تقدم و لا تأخر
و هالنوعية حمانا الله و اياكم موجودة في كل مكان
و اخوكم في الله الي هو انا - لجولدن سكاي لانه يتنح احيانا خصوصا انه يحب فيلم سلاحف الننيجا سكار فيس :09: - و لله الحمد تقدرون تقولون ان كان الله وهبني موهبة فهي المرونة و قلة تعرضي للاصابات - ما شاء الله لام عيون جريئة :31: -
بمعنى اني لما يخش علي واحد كأنه داخل الدم و لا العار اعرف اتصرف بردة فعل سريعة
مثلا اليوم دخلت في واحد كبريين لانه يجي ناقز علي تقول ناوي يسوي لي حركة المصارعين هذيك اللي ينطون برجولهم الثنتين
و الطريقة هي دفع الكرة بين قدميه بينما هو في الهواء ثم القفز من فوقه و هي اسهل حركة لانه غالبا الكبري يكون مفتوح على مصراعيه
احدى الطرق الثانية هو لما واحد يخش عليك برجل واحدة وناوي يجيب اجلك
المس الكرة بسن القدم من الاسفل بحيث انه لما يدفعها على رجلك تنط الكرة فوق و بتجاه تحركك

المهم انه اليوم اللي دخلت فيه كبريين الظاهر انه حقد
و جا في احدى الهجمات هدانا الله و اياه و خش علي بكامل جسمه
يعني الكرة كانت في جهة و انا في جهة لكنه قرر معاقبتي و اطاحني ارضا بقوة
ما علينا
انا لما العب كورة ما اتنرفز من هالامور لاني احسن الظن بالطرف الثاني و اقول حماس
هذه طبعا تعتبر بسيطة لانه جسم بجسم

الحالة الثانية وقفت الكرة بصدري و جيت بسددها على الطاير
الا واحد من الشباب خاش علي من ورى و حاط رجله او بالاصح اسفل جزمته ذات الدبابيس على مشط رجلي
و عينك ما تشوف الا النور
حسيت ان المفصل انخلع في البداية
لكن الحمدلله الظاهر امي داعية لي و كانت كدمة بسيطة
برضوا ما علينا
الرجال اعتذر و انا مثل ما ذكرت سابقا اعتبرها لعب كورة و كل شي وارد فيها

الحالة الاخيرة و اللي فعلا رفعت ضغطي لسبب يأتي لاحقا
قطعت الكرة من المنتصف
عديت من الاول بحركة دينلسون اللي يحرك قدمينه فوق الكرة
الثاني جاني من اليسار و اسهل طريقة لتخطي اللاعب المندفع هو انك تحول الكرة لنفس الجهة المندفع منها لانه بيواجه صعوبة في تغيير اتجاهه
و عديت منه لكن الكرة طالت علي شوي و ركضت لها و فعلا قربت منها و كان في واحد الله يهديه جاي من بعيد
المهم لما خلاص صارت في مجالي عشان اتفادى الرجال المندفع نغزت الكرة بطرف قدمي حتى اخليها تتقدم شوي و كنت وقتها في الهوا لتفادي الرجال المنطلق
لكنه للاسف ما كان ناوي خير
المهم انا بصراحة ما ادري وش صار لان الدنيا ظلمت وقتها
واحد من الشباب يقول انه بعد ما نغزت الكرة الرجال اللي كان خاش علي ضرب رجلي اليمين اللي نغزت فيها الكرة و بما ان جسمي كان في الهواء و رجلي اليمين كانت هي الارتكاز لي فقدت توزني و درت بزاوية 90 درجة في الهواء قبل ما اطيح على يدي اليمين بشكل خلا اللي يشوف الوقعة يقول انخلع كتفي

لكن الحمدلله مثل ما ذكرت سابقا ان كان فيني ميزة فهي و لله الحمد و الشكر عدم تعرضي للاصابات من لعب الكرة - ما شاء الله مرة ثانية - و قمت زي الجني لكن للاسف حسيت ان عضلة فخذي اليمين تاثرت من الوقعة لذا قل ادائي في منتصف الشوط الثاني و الحين بديت احس بألم خفيف في عظمة الترقوة - الله يستر من بكرة -

المهم بعد ما خلصت المباراة
انا بصراحة للحين ما ادري من اللي سدحني ارضا حتى الان
سألت الشباب و قالوا لي فلان
المهم هالفلان الله يهديه ما ادري ركب راسه و قال انت اللي طحت من نفسك انا ما لمستك (&)
قلت له يا ابن الحلال انا لي 3 شهور العب كورة مع الشباب و انت اول مرة تجي هنا
و المرة الوحيدة اللي طحت فيها بهالشكل كانت اليوم و على يدك
وشلون ما لمستني؟
الرجال ما ادري الظاهر انه اذا اخطا يصلح خطاه بطريقة معروفة عند السعوديين و هي الاستهزاء بالطرف الثاني و محاولة عدم الشعور بالذنب نهائيا
مع اني ما اتنرفز من اللي يكسروني داخل المباراة حتى لو ما اعتذروا لي لاني انسى و الحماس يجب ما قبله :09:
الا ان هالاخ الكريم للاسف نرفزني بقوة و بغيت اتدابغ انا و اياه لما قال انت خكري؟!

طبعا بغيت اتدابغ معاه كلاميا فقط و الا انا ما في ابرد مني
و خصوصا اننا فزنا عليهم بفارق 3 اهداف :biggthump

المقصود من هالموضوع هو نبي نعرف وجهة نظر الشباب تجاه لعبهم في الكورة
هل هم من اصحاب مبدأ الدم و لا العار؟
و وش ردة فعله لو تعرض لضربة قوية؟
و هل سبق ان تدابغ مع احد بسبب مباراة كرة قدم؟

اما البنات - ادري انكم تحسبوني جريتكم لكن لا تخافون جا دوركم -
وش ردة فعلك لو صديقتك سرقت الباربي حقتك ثم كسرتها؟
هل تصيحين و تزاعلينها؟
هل تسألينها عن سبب سرقتها لك؟
ام انك تسامحينها و تقولين الدعوة لعبة و ما تستاهل الفراق؟

شاكر لكم سعة صدوركم
و نراكم على خير

[NsaN]

ههههههههههه..
ما شاء الله عليك شرح..كان ناقصني البوب كورن بس..
بس بصراحة..حماس..و كاني اشوف المشهد يدامي..

المهم..

سلامات..و الحمدلله جت سليمة..

اخوك هني..كان (و لا زال طبعاً) فاشل بالكورة..
من النوع اللي يختارونهم اااااااااخر شي..ههههههههه..بالعربي..تكملة عدد..و شو مركزي؟؟
دفااااااااااااع...ههههههههههههه...

المهم..من زود ما ان ما كان لي خاطري العب و ها..كنت تحصلني واقف و سرحاااااااان..و لا هامني شي..
يعدون مني و انا و لا عالبال..

و اذا يابوا علينا قول حلو..اقعد اشجعهم..ههههههههههههههه..

والله اسميه كان فريقي يطفر مني..:boggled:
يعني فوق ان القول كان بسببي..و بعد اقعد امدحهم عليه..

عاد انا كنت اشجعهم من مبدأ ان اللعبة حلوة كانت..و تستاهل الـPraising..و على فكرة..هالشي مو بس بالكورة..
حتى لو لعبت مع شخص Tekken او KoF مثلاُ..عادي تحصلني اشجعه و امدحه و احنا قاعدين نلعب اذا سوا حركة عيبتني..

فالنهاية المسألة لعبة..لا اكثر و لا اقل..

بس ربعي الله يهداهم كانوا ياخذون المسألة وايد Personal..

هييييييييه..ايااااام..:02:

مشكور اليكترو..و كثر من هالمواضيع..:biggthump

[ShadoW]

خطوه حلوه كثر من لعب الكورة تنسيك البطاله

اما بالنسبة لهالمسأله انامثلك تماما لكن ماعندي مواهب مثلك فتركت لعب الكورة الا حارس مرمى وحدثت حادثه لي وهذا الي خلاني اعتزل لعب الكورة نهائياً

في ذاك اليوم المشؤوم مدري ليه قررت انا وواحد من الربع سيرنا لمخيم ناس ملتزمين ولعبنا مباراة في كورة القدم وطبيعتي مسكت حارس مرمى لكن لاعب من الخصم رفع الكورة من عند الزاويه وعدت علي من فوق ومامداني التفت الا هذا البعير اللي وراي نط علي بكامل جسمته وقوته وهو يصيح بكلمة الله اكبر ( انا مدري الى الان شايفني خروف بيذكيني) ونتجت هذه الحادثه عن كسر اصبعين لي بيدي اليسار والحمدلله على كل حال

والحمدلله على سلامتك

ياحبيلك انت وسواليفك سواليف الليل

[القــعـقـاع]

الرجال ما ادري الظاهر انه اذا اخطا يصلح خطاه بطريقة معروفة عند السعوديين و هي الاستهزاء بالطرف الثاني و محاولة عدم الشعور بالذنب نهائيا

طريقة سقيمة ~___~

يعني كنت قاعد اتلوى و اتبعرص على الارض يوم ركبتي تروح فيها و الاخ اللي خش علي كانت ردة فعله: " مب المفروض اللي يلعبون حديد تكون مفاصلهم قوية؟" ما قدرت ارد عليه صراحة..كل اللي قدرت اسويه اني ناظر في خشته :blackeye:

[BOOOB_2002]

لي من الثانوية ما لعبت كورة مع الأسف


وكان لعبي كويس الحمد لله


وما تعرضت لإصابات بعد


لأني كنت أحمي نفسي زين ورجولي الحمد لله قوية تتحمل الضرب الا بمنطقة الساق اضعف منطقة بس ما قد حد ضربني عليها لأنه بيعرف وش بتكون ردة فعلي عقبها ههه

[Electro M]

NsaN
اجل تشجع الفريق اللي يجيب عليكم هدف :09:؟!
خلاص اجل دايما العب ضدي :D

شادو
كان ناوي يضحي بك الظاهر :09:
بس عليك تعليق في السطر الاخير(&)

القعقاع
يارجال انا ارتفع ضغطي من تعليقه و انا ما لي دخل (&)
في ناس تتعامل مع الشعور بالذنب بانها تسيء للموقف اكثر بطريقة غريبة
يعني لو هو ما قال شي او حاول ينكت - اقصد رفيقي - و الله عادي مثل ما ذكرت في الموضوع
اثنين غيره تعرضوا لي بالضرب و مع ذلك ولا واحد منهم كبر الموضوع

بوووب
اجل انت من النوع اللي يعصب بسرعة اذا كسره احد
لا تلعب معي :09:

[golden_sky]

للتوضيح تم حفظ الموضوع في جهازي لذا اللي حذف المواضيع تبع الشهرين السابقين عشان يغطي نقطة انه حذف موضوعي من غير سبب

هههههه حتى أنت ضاع عليك موضوع ( أجل إحنا في الهوا سوا :D )

بعدين تستاااااااااااااااهل إن ردودك اتحذفت !

بصراحة أعتبر حذف ردودك هو الجانب الحسن الوحيد في الأحداث الماضية :D

لأنك تغلط على جدجد :28:

هذا بس عشان تشوف إن فيه قوى خارجية تحميها في غيابي هههه :cool:

فديتها ( على قول ويسبر :09: ) جدجد :silly:



المهم هالفلان الله يهديه ما ادري ركب راسه و قال انت اللي طحت من نفسك انا ما لمستك

هههههههههههههههههههههههههههههههه


لا والله سلامتك ألف سلامة .. ما شاء الله ذيب ما ينخاف عليك اللهم صلي على النبي . بس أول مرة أدري إنك تلعب كورة :boggled: مع الصورة الي راسمها لك مو راكبة تلعب كورة :28: موب قادر أتخيلك إلا مستنر قدام سوليد سنيك وقدام أفلام جودي عشان تذبها :boggled:

لكن زماااااااااان عن الكورة .. آخر عهدي بيها أيام حصص الرياضة في المدرسة :D كانوا يسموني thuram بتاع فرنسا :cool: (تراي كنت خطير ومحد يقدر يعدي مني أبد ، وكانوا يطلبوني كثير لكني كنت أتغلى .. تعرف ما ألعب إلا في ملاعب دولية :31: )

عن شو ردة فعلي ..

أصايح وأتلوى في الأرض عشان أستعطف قلوب الجماهير .. ولو الود ودي كان بكيت إلى ما تخلص دموعي ( موب يقولوا البكاء هو أفضل وسيلة للتخلص من الألم ؟ ) لكن تعرف .. الشنب وحقوقه :09: !


موضوعك فلة ترى ههههه ... ومتنح في عينك :09:

[! غــريــب !]

هلاوووين ياشيخ إلكترو

الكوره ( قلب ينبض ويخفق بشده )

كنا حنا مسوين فريق والكلام ذا السنه اللي فاتت وقبلها يعني نخبه مثل ماتقول

ولعبنا في مكه وجده والمدينه وأبها في بطولة المكيرش إذا تعرفها .. وتراه موب حق

الأسهم بس يقولون يقرب له .. كلهم شبعانين ( وجه واحد يقول ماشاء الله )

.. التنظيم لك عليه بس المهم إن أمورنا كانت ماشيه

بس صدقني مافيه مثل لعب الخوال حقين مكه :blackeye: ـــ كان يلعب معهم الخليوي على فكره :09: ــ

ياخي تقول داخلين الحروب الصليبيه أنواع الجنان والحكم كان من مكه .. المهم كان معانا

واحد اللي هو كابتن الفريق عمره تقريباً 22 سنه جاته إصابه ومن بعدها يالله يمشي خلي

يلعب كوره .. والمصيبه اللي اكبر من كذا يوم خلصنا البطوله ونبغى الـ 3 آلاف اليتميه

قالوا لنا تعالوا بعد رمضان والى يومك ذا وهم حاسدينا عليها :blackeye:

شئ ثاني ودي أتكلم عنه قريب من موضوعك ..

ذاك الشئ اللي اسمه مراكز الأحياء .. تفووو عليكم

أجل باللهي لنا خمسين طعش سنه من وأنا في الابتدائي وهم يوعدوننا بمراكز الأحياء

عشان يضمون الشباب الصايع والداشر من الأرصفه وفي النهايه يستاجرون عماره

وقدامها حوش ( كله إسفلت على فكره ) ويالله ياشباب باللهي قطوا من ريال وجيبوا لكم

كوره وكل عصريه تعالوا اللعبوا اللين مايطيح اللي في روسكم ولا تفضخون من الإسفلت

وبعدين كل واحد على بيت أمه ..

ما أنكر إن فيها محاضرات بس ويييين في السنه حسنه وإذا أخربوها مره شغلوا شريط

فيه واحد يصايح عن الموت وخلاص يقالهم استفدنا ..

بالنسبه للاسئله .. عادي والله الفوز شئ كويس بس ياخي أنا بطبيعتي بارد

يعني ملامحي هي هي فزنا ولا خسرنا تشوفني أذب على ذاك وأضحك مع ذاك ماتفرق http://www.montada.com/images/x/icons/icon10.gif


و هل سبق ان تدابغ مع احد بسبب مباراة كرة قدم؟

وصلت للقسم بعد .. عاد في القسم سبحان الله كل الأطراف تصير حبوبه وتبغى الصلح على طول http://www.montada.com/images/x/icons/icon10.gif


اما البنات - ادري انكم تحسبوني جريتكم لكن لا تخافون جا دوركم -
وش ردة فعلك لو صديقتك سرقت الباربي حقتك ثم كسرتها؟
هل تصيحين و تزاعلينها؟
هل تسألينها عن سبب سرقتها لك؟
ام انك تسامحينها و تقولين الدعوة لعبة و ما تستاهل الفراق؟

خخخخخخخخخخخخخخخخخخخخخخخخخخخخخخخخخخخخخ

إلكترو .. مثل مايقول ثريول .. ياحبني لك ( قلب جالس يرقص سامبا )

[ثريول]

السلام عليكم ..

حمدلله ع السلامة شيخنا الفاضل .. ما تشوف شر.

بالنسبة للموضوع, الكورة, والإصابات, والمدابغ, والباربي أيضاً...

أنا لاعب كورة محترف من سنة جدي, أو من الصف الأول تحديداً .. أذكر يوم كنت في الصف الأول, وعلى مستوى الفريج, كان الأسم اللي يسموني به "مارادونا قطر" لأني ماشاء الله فلتة كورة وقتها << .. It's true story << بصورت آل باتشينو في العراب يوم يقص قصة لوكا براتزي حق داني كيتون.

فكنت مهاري ومن النوع اللي يختارونه أول لاعب.. في الحقيقة والواقع أنا ما أدري , هل كنت لاعب محترف صج, أو أن الأطفال اللي كنت ألعب معهم مسخرة :28: . الزبدة أني حصلت على لقب ذهبي يدل على موهبة "متفتقة".

مرت السنين, وأنا من الأحسن, لين الثانوية .. وفي الثانوية قل لعبي بشكل كبير, فقل المستوى بشكل كبير .. يعني الناس تطوروا وأنا أرجع ورا. آخر مرّة لعبت قبل اسبوعين وكان المستوى جيّد مع أني ما لعبت قبلها من 6 شهور يمكن :أفكر: . فــ : يبيلي أنفض الغبار اللي علي.. والوعد سنتياغو برنابيو :flute: .

بالنسبة لطريقة لعبي .. أنا ما أنكر أني من النوع اللي ياخذ اللعب بجديّة, مب بس في الكورة, حتى الورقة (البلوت) آخذها أحياناً بجديّة. لكن هالجديّة ما تعني أني أنزل واتحمس وأكسر اللاعبين. لكن إذا حصل وكسرني لاعب و"حسيت" أنه متعمد, أردها له في الملعب.

ونعم, حصل وتدابغت مع واحد .. وهالكلام في إبتدائي (خامس إبتدائي يمكن), ما أذكر اللعبة بالضبط, بس اللي حصل أني عورته وغلط علي ورديت عليه وتطور الوضع لكمن بكس مع كمن رفسة.

وتشكر أفندم .

[mohammed111]

اقول الكترو ،، يا ليت ترسل نسخة من الموضوع لرضا تكر

على الايميل حقه tukar@enbrash.com

عموما الانبراشات هذي صفة وراثية موجوده في كل لاعب سعودي ,,

ولكن الحمدلله لم يسبق ان تعرضت لها ،، لأني غالبا أكون جول كيبر ,,


تحياتي ،،،

:::
:::

[abdulaziz1]

الكترو..


هل هم من اصحاب مبدأ الدم و لا العار؟
و وش ردة فعله لو تعرض لضربة قوية؟
و هل سبق ان تدابغ مع احد بسبب مباراة كرة قدم؟

والله شوف..من ناحية تكسير ما أكسر..بس دايما أنبرش..هههههههه

أما إني أتدابغ مع واحد عشان كوره..لا..

دحين ليا 5 شهور تقريبا ما ألعب كوره..لأني مسوي عمليه في ركبتي..بس ان شاء الله هانت..بقي شهر شهر ونص وأرجع للكوره والسله والطائره..:biggthump

وبالنسبه لي..ألعب أي شي..في الهجوم امكن أضعف شي..صح ان شوتاتي قويه..بس كلها برا الباب..هههه

وفي الحراسه..ما ألعب كتير..بس كم مره أحرس وأبدع "تقريبا اذا الحارسين حقون الفريق ماكانو موجودين أنا أحرس"..ههههه

انسان..


اخوك هني..كان (و لا زال طبعاً) فاشل بالكورة..
من النوع اللي يختارونهم اااااااااخر شي..ههههههههه..بالعربي..تكملة عدد..و شو مركزي؟؟
دفااااااااااااع...ههههههههههههه...

ههههههههههه..والله ياقعدت أضحك من "من النوع اللي يختارونهم اااااااااخر شي"..

وبعدين اشبهم الدفاع؟ :D

سكاي..


لكن زماااااااااان عن الكورة .. آخر عهدي بيها أيام حصص الرياضة في المدرسة كانوا يسموني thuram بتاع فرنسا (تراي كنت خطير ومحد يقدر يعدي مني أبد ، وكانوا يطلبوني كثير لكني كنت أتغلى .. تعرف ما ألعب إلا في ملاعب دولية )

ههههههه..مني بعيد عنك..أنا يسموني Gallas حق فرنسا برضو..بس والله أول مره أدري انك تلعب كوره..

ومتى أزعل اذا الفريق أنهزم..لمن يكون الفوز في يدنا..وبسبب استهبال اللعيبه أو أغلاط سخيفه وننهزم بسببها..حتى في الــ NBA..

آخر مباراه بين السنز والمافز..كان الفوز في يدنا..فرق 15 نقطه تقريبا..وفي الشوط التالت..وآخرتها يجيك ستيف ناش ويقعد يبرد ويأخر اللعب..وماقصرو ستاكهاوس ونويسكي والشباب..>_<

<< ههه شكلي خرجت عن الموضوع كتير..بس الصراحه شي يقهر..

[احلامو ادوماتو]

الفريق الثاني اليوم حاط دوبه دوبي ما ادري ليش
ثلاث انبراشات خطيرة جتني

حرااااااااام ليش ~-~ *يدعوا لهم بالتوفيق والله يدخلهم الجنة :09:*


و انا من النوع اللي يعني عادي اقسم بالله اسجل هدف في مرماي و لا اروح اكسر واحد عشان كورة

ياخي الخيانة موب حلوه O.o<<<<احد يفهم هالدلخ


لكن للاسف في ناس الله يهديها ما ادري تحس انها تقدر شي اسمه فوز و تلعن شي اسمه خسارة حتى لو كانت في لعبة ما راح تقدم و لا تأخر

هو تقدر تقول بعض الناس تفكيرها انه برا الملعب احنا حبايب واخوان لكن جوا الملعب يعني جوا الملعب يعني كل شي قانوني نسويه والفوز أو الموت ويا كاس اصفر يا دم احمر والموت الخونة ولا عاشت الطوابير الخامسة >.< >>>>احلف انه منهم O.o


احدى الطرق الثانية هو لما واحد يخش عليك برجل واحدة وناوي يجيب اجلك
المس الكرة بسن القدم من الاسفل بحيث انه لما يدفعها على رجلك تنط الكرة فوق و بتجاه تحركك


احد يترجم @@ قسم بالله ما احب الكورة ~-~ وش يفهمني سن القدم الاسفل وضرسها الي فوق ×_×

بس سعال يسدح نفسه، الحين لا جاها تسوس ممكن نحط تقويم O.o<<<والمصالة اعيت من داويها


الا واحد من الشباب خاش علي من ورى و حاط رجله او بالاصح اسفل جزمته ذات الدبابيس على مشط رجلي
و عينك ما تشوف الا النور
حسيت ان المفصل انخلع في البداية
لكن الحمدلله الظاهر امي داعية لي و كانت كدمة بسيطة

play nice dont be mice T.T

http://www.ffps.org/images/KidsImage.jpg

http://www.victoriastars.com/new_graphics/fifa-fairplay-logo.gif

والحمدلله على السلامه يا قاي من الكسر ~-~ وما تشوف شر ~-~
*مع تحيات الفيفا*


واحد من الشباب يقول انه بعد ما نغزت الكرة الرجال اللي كان خاش علي ضرب رجلي اليمين اللي نغزت فيها الكرة و بما ان جسمي كان في الهواء و رجلي اليمين كانت هي الارتكاز لي فقدت توزني و درت بزاوية 90 درجة في الهواء قبل ما اطيح على يدي اليمين بشكل خلا اللي يشوف الوقعة يقول انخلع كتفي

لا حول ولا قوة الا بالله ~-~ الدعوى طلعت جد ~-~ <<<وش يقولك الرجال من الصبح :footinmouth:

ياخي من جد ذا الظاهر مريض وعقليا ما عنده استيعاب او استباق تحليل للامور، محتاج يفكر شوي بالاشيا الي يسويها قبل لا يسويها ×_×

لا حول ولا قوة الا بالله والحمدلله على السلامة يا ابن الحلال ~-~


هل هم من اصحاب مبدأ الدم و لا العار؟
و وش ردة فعله لو تعرض لضربة قوية؟
و هل سبق ان تدابغ مع احد بسبب مباراة كرة قدم؟


اتدابغ ، لع ، اصحاب الدم ولا العار وقوازة عتريس من فؤاده باطل برضو ما احبها ._.

بغيت اتدابغ >.> بصراحه ايوه بس ايام الوغدنة ، خبري بالكورة الظاهر سادس ابتدائي او انه اول متوسط ×_×

العلم اني ما العبها كثير لكن السالفه كل ما فيها انا دايم العب دفاع ويسار يقالي مالديني رفحا ×_× المهم قطعت عليه الكورة بهجمة محققة O.o المصيبة هو الي جاي اتجاهي لاني من النوع الي زي العامود ما احب اخش بالعمق >.> اخاف اغرق :silly: هذا هو قطعت عليه الكورة وجا من وراي يبي يكسر لكن سليمة اختل توازني بس ، علمتكم اني دوووب O.o قعدت ازاقر عليه واتفلسف انه لا يسكر من ورا او يحاول قطعها من ورا لكن ركب راسه >.> تقاضبنا وفكونا >.> وتوته توته فرغت الحدوته يا ترى حلوه ولا فتفوته O.o

لا من جد، يعني الي جاني ما يجي ربع نص خمس سدس الي جاك ~-~ وايام البزورة بعد بس ._. الحمدلله على السلامة يا ابن الحلال ويمدحون العجرا تحطها بدبة السيارة @@

[ssaa]

الكترو الكترو الكترو اولا ً الحمدالله على السلامه

ثانيا ُ
الانبراشات وما ادراك ما الانبراشات هي من نابع حقد تولد في قلب المنبرش ليقع هذا الانبراش على المنبرش عليه ظلما ً وبهتانا ً امام اعين المتفرجين على الانبراش (&)

عموما ً الخشونه موجوده وانا كان من طبعي اني احب انرفز الي قدامي في اللعب خصوصا ً اذا كنت ما ادانيه اتلاعب فيه لعب

وانا كنت اظن انهم ما يقدرون يخشون بلقوه الي تولد الاصابات الا لما صارلي موقف وانا في خامس ابتدائي خش علي واحد كبير في العمر كان ساقط لما قال بس من نوع الي يطق عمره 15 وهو با الابتدائي
تتوقع شلون خش علي

بعد ما نزل منه طن عرق من اثر الملاحق والتعديه في عز الشمس

خش علي خشه ما راح انساها كانت في بدايه الشوط الثاني كانت اول لمسه لي في الشوط الثاني واخر لمسه لي للكوره طول حياتي الدراسيه المتبقيه (&)

خش على الركبه مو على الكوره يعني رجله الي خش علي فيها موجهه على الركبه على طول :(
طحت على وجهي على طول
طبعا ً لا يخفى عليك انواع التلوي في نص الملعب والصياح الولد كتّبوه تعهد

وانا جاني غضروف :(
ولي يومك وانا ما انسى اسمه خالد الرويضان

طبعا ً سببتلي ازمه نفسيه الاصابه هذي لاني كنت اموت في شي اسمه كوره
حتى مع كلام الدكتور اني مفروض ما العب الا بعد 6شهور الظاهر واستمر با العلاج الطبيعي
بس كنت العب وهذا الي خلها تتضاعف
والله اني اذكر كنت العب تقريبا ً نص ساعه وخلاص انتهي ماقدر اكمل والسبه الاصابه وقت الاصابه اصير اعرج ما اقدر امشي زين وتحس زي الشوكه الحاده تدخل في ركبتك وتطلع وانت تمشي انواع الالم بس الحين طبعا ً خفت كثير بس بعد ايش بعد ما احتلوا خنشليله (&)

يعطيك العافيه الكترو :)

[Classic Evil]

أخي العزيز الكترو :

عشان نكون صريحين في البداية , لازم تعرف أن :

طريقة لعبة في الواقع هي مثل لعبي في الدوري الياباني (اقصد وننج إليفن ولا انا محترف بالحارة;))


سواء من ناحية الخطة أو الدفاشة و الانبراش والارتماء والحماس..


الحمدلله مثلك تماما ما أصاب في الكورة - ماشالله - لكن في الفترة الأخيرة عديت (مريت) من واحد كم مرة نفس المباراة وهو تغصص مني مايروم يلحقني يحط ريوله وطحت انا..
وجات على الركبة و ورّمت(انتفخت)! صرت ما اقدر اثنيها حتى في الصلاة إلا
مع الألم أو بدهان فكس(ينصح به الشيبان):biggthump ...
ومرات أمصخها يعني (أتأنن-اناني) أتم أعدي لين تنقطع الكورة عني :p ...


أما كوني دفش في اللعب فهذا الشي اللي ما أفكر فيه .. وحتى لو كنا مغلوين في النهائي 4-0 ...
بالنهاية نحن يايين للوناسة ..
(وهذا حتى في وننج اليفن إذا مغلوب مع انه صعب إحراز 4-0 في مباراة وحدة عليّ لكن ما اتم اكسر واطرد الاعبين وآخر شي اقول : والله ثنين مطرودين, وايد شفتها :D )

يمكن السبب إني ما أكون عنيف هو تجربتي و لعبي في البداية كمهاجم صريح <==(والحين شو مهاجم نصاب )

ثم ظهير يسار (والحمدلله صرت ألعب بكذا مكان إلا الحارس) , وأعرف العنف اللي يصيبه والكُرْه اللي بيحمله على اللي يكسره..فحتى لو حاول يرفع ضغطي ,, فهزيمتي الكبيرة بالنسبة لي هي إني آذيه :) ...

وأيضا سجلي نظيف ما انطردت للعنف أبدا ولا حتى إنذار رغم إني أتعرض للضرب, الاسبوع الماضي جتني ضربة في الرقبة..
لآنه هذاك طاح فوقي ولما قمت أبا العب شفت عصافير فوق راسي:boggled:..
وعلى طاري الكوبري : يا ريال صرت أخاف اعطي حد كوبي عشان لاشوف رفسة بعير تييني(&)...
لأنه مرة واحد دزني(درفني) بإيده من ظهري !؟ مادري شو الهدف منها؟؟ اوكي الواحد لما يعدي منك ليش تعصب؟؟؟؟
إنت ياي وتبا تعدي من كل الفريق وما ترضى حد يعدي منك ؟؟؟
والله حاله ..
وبعد مرات نفسيتي تكون مب زينة للعب, لأنه الشباب يخلوني ألعب كذا مكان.. وهذي مب المشكلة...
المشكلة إذا ياي وفي راسي مكان معين .. يطلع اللعب من راسي:(.. فيروح الحماس وطبعا مب أخرب اللعب وأزعل :09:..

المهم عندي مباراة باجر .. متحمس حقها وينتظر مني الكثير:09: ...


وبعدين باربي ؟؟
شفيك خربتها على الأخير ؟؟؟
ياخي فيه فريق كرة قدم نسائي :biggthump ..

[Classic Evil]

إليك بعضا من المهارات , راح تمتعك و لعلها تنفعك :


هذي اللقطة ودي أسويها بس ما يات الفرصة المناسبة في الملعب :biggthump !

http://img8.picsplace.to/img8/16/thumbs/ronaldo.gif


هذي أصلا مادري كيف شاتها :D :

http://img8.picsplace.to/img8/16/thumbs/ronaldinhogiffile087fw0an.gif


هذي جربتها , قسم بالله بعد التجربة تعطيك جو وبتحس إن الفيفا يشوفونك :

http://img8.picsplace.to/img8/16/thumbs/rony.gif


هذي الحركة وايد أسويها , وهي ممتازة جدا أول من سواها رونالدو البرازيلي مب اللي في الصورة ولا رونالدينو :

http://img8.picsplace.to/img8/16/thumbs/roror.gif



فاصل مهاري , وهذي ما أظن أسويها في مشواري الكروي , بالتدريب مادري يمكن :D :


http://img8.picsplace.to/img8/16/thumbs/w6w_2005081416501712481daa17202.gif




إذا بغيت زيادة حاضرين :biggthump...

مع الإعتذار لأصحاب الدايل فوق : p ...

[SFS]

ما لك الا تلبس كسارات..وتريح نفسك..

أو اذا واحد دخل عليك دخلة قوية ما لك الا تقلد توتي..:p

http://up.w6wup.com/up2/2006/06/07/w6w_20060607083639922455e1.jpg

http://up.w6wup.com/up2/2006/06/07/w6w_20060607083812d2fdf120.jpg


http://up.w6wup.com/up2/2006/06/07/w6w_20060607083935b2fd0961.jpg


http://up.w6wup.com/up2/2006/06/07/w6w_20060607084039473b9cd8.jpg

والنهاية:

http://up.w6wup.com/up2/2006/06/07/w6w_20060607084158e5770a47.jpg

وطبعا أنا الأعب قلب دفاع..وصار لي فترة مو لاعب..

واذا أبي العب قدم ألعب بملعب صابون..

وأيام الثانوية كنا نلعب بملعب صالات..ووقتها حماس..وأنا مثل ماتيرازي أطق اي واحد ياخذ الكرة..

وعلى يوم مصختها..والشباب تحلفوا فيني..فكل مرة يطقوني ما يحسبونها فاول..:p

وأنا رديت الصاع صاعين..

وأنا بطبعي أحب الألتحامات ...لكن الخشونة ما استملها الا ضد الربع..

أما اذا لعبنا ضد ناس ما نعرفهم فما استعملها..

[Electro M]

جولدن
اصلا ما خرب المنتدى الا سيرة جدجد حقتك (&)
بعدين انا اتكلم ان دورها في ذا انسايد مان كان اي كلام <=== ناوي يخرب موضوعه :09:
و تصورك بعيد عن الواقع انا رجال رياضي :31:
كرة قدم, كرة تنس طاولة, كيرم
كله احتراف

غريب
يا رجال المشكلة ان في مناطق تلقى فيها ملاعب بس الحنوسات - على قولة بلاك راش - يقلبونه لشي ثاني
العيب ما هو بس في الحكومة
الشعب يتحمل بعض المسؤولية في مثل هالامور
و عوض الله عليك بخصوص ال3 الاف ريال :09:

ثريول
اجل مسوي انواع البراءة عندنا و في الواقع الحماس ذابحك :09:
بعدين اي شيخ الله يهديك انا توني شباب :blackeye:

محمد
لو برسل لتكر شي ما راح يكون هالموضوع بس
برسله كتاب "كيف تتعلم الكرة خلال 24 ساعة"
لان الرجال 3 ارباع هجمات المنتخب التركي كانت بسبب اخطاؤه الدفاعية لا يعرف لا يستلم و لا يسلم و لا يراقب و لا حتى ينبرش :09:

عبدالعزيز
سلامات لركبتك
بخصوص الNBA مرة جلست اتفرج على مباراة بين ميامي و النيكس الظاهر اللي كانت تنلعب قبل اسبوعين تقريبا
مباراة حماسية و انتهت بفارق قريب
وش صار من اللي تأهل بينهم؟

كرونو
اجل مالديني رفحا
لو يسمعها مالديني اعتزل :09:

ssaa
من جد كان الله في عونك
اسوأ شي اصابات الركبة
هي اللي حرمتنا من ابداعاتك انت و فان باستن

لا تصدق بس :09:

ايفلوه
انا اكره اللعب مع انانيين
يعني المرة الوحيدة الي تشوفني اتنرفز في المباراة هو لما يكون احد اعضاء فريقنا اناني (&)
بعدين حطيت الباربي عشان الجنس اللطيف يشارك معنا بس للاسف على ما يبدو تم جحد هالجزئية جحدا اليما :09:

SFS
الكسارات لحماية الساق ما تحميك من كل شي للاسف
بس عليك لقطة لتوتي (&)
ياخي هاللاعب مميز بس طلعاته تخسف بتميزه بالارض
المشكلة اني شفت برنامج على ايام ابوظبي الرياضية الي يخلون لاعبين مشهورين مثل بياعين و الا عمال
شفت حلقة طلع فيها توتي كعامل محطة بنزين
بصراحة قمة في التواضع
لكن في الملعب شي ثاني

[الموهوب]

سلامو عليكم ..

الكورة وما ادراك ما الكورة .. انا لي صولات وجولات معها

الحمدلله ماقد تضررت ذاك التضرر من الكرة ...

الا سؤال على جنب :

انا كنت العب تقريبا ً الفترة اللي راحت نص ساعه كل ثلاث اسابيع اسبوعين كذا ,, وماشي تمام التمام .. بعد مده صرت العب ساعه كاملة كل اسبوعين , وتطورت كل اسبوع ’

بعد اسبوعين من اللعب ساعه كاملة

عضلات رجلي ماعد تتحمل اي ضغط .. اجلس بين السجدتين واحس اني خلاص رجلي بتتقطع

وش السالفه تكفون .. عقبها والى الان مالمست كورة والحمدلله الحين تركت الحركة ورجلي رجعت طبيعيه O_o

بس السؤال وش قصة هالألم .. اكيد مافي لياقه بتاتا بس كيف اتعود لانه بهالألم مافي امل تلعب او تتحرك حركة طبيعيه .. فـ وش الحل :S ..وخاصت(ن) بالصيفيه الإغراؤات للعب واجد

بالنسبه للإنبراشات والله صارلي موقف ماله داعي ... سحبت بواحد وناولت وراحت الكوره بعيدا ً جدا ً بعد ثواني شفت فنيلتي مسحوبه سحب شديد الا وانا طايح عالأرض ’ ليه مدري

قمت وانا مطرطع .. ياخي لو انك كاسرني وانا العب ماقلت شيء لكن راحت الكورة وتكسر ليه ّ؟؟؟؟؟؟؟؟؟؟؟؟؟؟؟؟؟؟

صار مشادات كلامية ومدري وش وعدت على خير ...

اما التكسير وسط اللعب فمانقدر نقول شيء .. هذا اللعب


والحمدلله عالسلامة للجميع مع اني ماقريت الا الموضوع

[Lezard Valeth]

الكورة ما كنت العب الا ايام المدرسة بس, ساعات دفاع ساعات حارس مرمى, ما حصل لي شرف الهجوم أبدا :p

وبالنسبة للمبدأ تقدر تقول اني خير الامور اوسطها ساعات أطوف للشباب وساعات احط عليهم واكسر ضلوعهم :09:

وبالنسبة للاصابات مرة وحدة بس طحت على جتفي بسبة لاعب دفش وصار عندي شد عضلي ما راح الا بعد اسبوع

وشنو قالي يوم طيحني اتهقى؟: مو جذي الناس تتحرك تعلم شلون تركض بعدين تعال العب :31:

وأنا على طول قمت حكيته بوكس وقلت له اتعلم اركض ها؟ يا الخرتيت انت تنطح مو تركض مكانك حديقة الحيوان مو الملعب, وبعدها فرقونا الشباب

[golden_sky]

أشوف الناس صارت قالس ومارادونا :D

بعدين يا إني متوااااااضع !!!

يوم إني أقول ثورام موب مشهور وعلى قد حاله :o <= شي معقول



ايه نسيت أقول :28:

أنا يقالي رونالدينو :28:

لكن مو عشان لعبي خطير :09:

يقولون أسناني رايحة فيها مثله :boggled:


إليكترا شان يو ~

تراي ما شفت إنسايد مان :ponder: لكن أنت ما تفهم في الأفلام أصلاً ورأيك ما يؤخذ بيه :31: <= واحد مقهور :09:

بعدين أنت اسمع الكلام وشوف لها فيلم " صمت الحملان " وبتنسطل على أدائها :silly:

لكن يا خوفي بعد ما تشوفه تاخذها مني :28:


تحريرررررر ~

توتي ( نيفر داي :D )

فكرتني بصاحب السحر الحلال هههه زماااااااان عنه ^_~

[Classic Evil]

توتي ( نيفر داي :D )

فكرتني بصاحب السحر الحلال هههه زماااااااان عنه ^_~

مسوي تحرير حقي يالنحرير :09: ..
توتي من أي ناحية ؟
إذا بالمهارة اوكي :D ..
بالدفاشة (&)..

أما صاحب السحر الحلال ما أدري ليش يبطل هالسحر مع البرازيل, لكن فعال مع برشلونة :blackeye: ..

يمكن لأنه الحرز محطاي بأسبانيا :09:؟

ومرة ثانية, من زمان عنك جولدن سكاي :) ...



الكترا (كما يحلو لعزيزي جولدن سكاي) :

مب أناني بالمعني اللي تصورته...
يعني إذا فايزين مثلا ..
ثم هالحركة ما تستوي إلا مرة وبالكثير مرتين في المباراة ..
أما الأناني.. أكثر كراته لنفسه وما تهمه نتيجة الفريق :)

[ReD_EyeS]

نعم يالكتروا
تدابغتوا من أجل الكرة :(
و في دورتين و واحده في مباراة وديه

أول دورة
أقيمت في الدرعية
و خرجنا من دور الاربعة
فقلبنها مدابغ و طق يحبه قلبك
طبعاً أنا ما أدري وش القصة
كنت في خانة الدفاع و الهوشة صارت
في منطقة دفاع الخصم مع مهاجمنا
و أنا بحكم أني ألعب بروح الفريق صفقت
و دبغت مهاجمهم..:12:
على أنه صغير سن بس كان جني كل ما طبت عليه
صفط فيني ولا فيه تقدير لكبر سني ولا شيء
قليل التربية فوجدتها فرصة لتأديبه
.
.
.
.
.
.
الدورة الثانية في منطقة العيينة
و كانت في رمضان
وصلنا لدور الثمانية و طلعنا
بهدوء لكن في مباريات المجموعة
أشتبكنا مع جماهير فريق من الرياض
و السبب يعود للألعاب النارية التي أطلقت على
أحد لاعبينا فقام هذا اللاعب بالأشتباك مع ذلك الأحمق
المتهور مطلق ( الشراخي )
ففزعوا معه ربعه و نحن بدورنا فزعنا مع خوينا بس أكلنا
ضرب يحبه قلبك :blackeye:
واحد نذل حذف علي بلكة وخرت عنها ( تحشيتها )
لكنها طاحت على أصبعي الدبي و عينك ما تشوف النور
قسما بالله حسيت أن روحي راح تفارق جسدي من شدة الألم
:(
( لا أحد يقول خكري..ترى بزعل:12: )
.
.
.
.
.
.
المباراة الودية كانت في عرقه
في بطن الوادي بعرقه
و أنا من تسبب بهذه الهوشة ( المضاربة )
:firedevil:
أثناء سير المباراة إلتحمت مع أحد لاعبينهم
فسقط بقوة على وجه فقال لي :
وين يا أبو الشباب
فقلت له :
على البطحاء
:D
فرد علي :
تستخف دمك أنت وخشتك؟
فشفت أن الرجال زعلان و وجه مغبر فما حبيت أطولها
و سكت.
لكن المشكلة أنه صار يستقصدني في كل كوره توصل لي
في أحداها الكورة كانت راح تطلع ضربة مرمى و أنا أتابعها
كحال أي مدافع و يجيك منطلق أبو الشباب يبي يلحق عليها
و الله لو جاب قوة أمه و أبوه ما راح يلحق عليها
المهم طلعت الكورة ما دريت إلا بركبته على ظهري
هنا قطع آخر فيوز في راسي و قلت له :
يا....؟$%^$^^%%#)!@
فمسكته من حلقه و بطحته أرضاً :12:
و أنواع الترفس في بطنه :12:
ففرقونا لكني أحس أني إلى الآن ما بردت قلبي منه
و أنطلق عليه مرة ثانية بأحوس مريره :12:
و إذا بلكمة خائنة على وجهي من أحد رفقائه:blackeye:
فسقطت على الأرض فشتبك أصدقائي معه و أنا
تركت اللي طقني بقوس على وجهي و رحت للي مسوي
فيها باتمان على غفلة و كملت الناقص فيه
ففرقونا بعد أن كادت أن تكون جماعية عاد ذيك
الساعة من اللي راح يفرقنا في هالوادي؟!
:D
.
.
.
.
.
.
.
.
على فكرة يالكتروا
أنا ملاحظ أنك منت حرش في الكورة
خذها نصيحة مني في عالم الكرة
يا ذهب أصفر يا دم أحمر
:D
.
.
.
:ds011:
.
.
.
.
.
.
.
.
.

[Yamato]

اولا.. اخوي كسر الباربي حقتي (&)

ثانيا.. يقولون التار ولا العار.. يا عماد الدين هريدي..

ثالثا.. انا حالي من حال انسان.. دايما اخر ناس ولا يتعازمون بعد :blackeye:

رابعا.. اخر مرة لعبت الكرة كان في شهر 11 او 12 السنة اللي طافت.. اسميه اني رجعت اللي اكلته..

خامسا.. اتحدى اي راس بالويننغ اليفن <<<<< مسيطر عالقطيع تماما في الحقل :28:

[Trapped Inside]

ياخي شوقتني للكوره يااااااخي -_- .

[Electro M]

بما اني نشرت الموضوع قبل كاس العالم
فراح ارفعه بعد ما قرب كاس العالم من الانتهاء :31:
و عشان ما تطب علي اينجلوه او تنوضع في موقف حرج
الموضوع لما رفعته كان ما زال في الصفحة الاولى لذا لحد يسوي زحمة و الشارع فاضي

موهوبيان
بخصوص الام عضلات رجليك
فاكيد بتتالم اذا كنت تارك الكورة فترة طويلة
و جلست تلعب لمدة طويلة نسبيا
يعني حاول انك تلعب كل يوم ربع ساعة طقطقة على خفيف و تسديد و ما الى ذلك اذا كنت متحمس
حتى تتعود عضلاتك

ليزارد
وين اختفيت بعد ردك هذا :31:؟

جلدونة
هي اساسا طالعة كومبارس و بدور يختلف نهائيا عن ادوارها السابقة
و الفيلم بصراحة ما جاز لي كثير
يعني الاحداث ما تاخذ ساعة و مع ذلك الفيلم ساعتين و شوي

ايفلوه
ايه انا اقصد النوعية هذه
زين ما طلعت منهم :31:

العيون الحمر
هذا ارهاب موب لعب كورة (&)
الا وينك مختفي؟

ياماتو
وش سويت باخوك اللي كسر الباربي :09:؟
بعدين اكيد اذا جلست تراكض بدون لياقة بيصير لك كذا

ترابيد
ما ادري وش ارد عليك يااااخي :31:

[الموهوب]

يعني حاول انك تلعب كل يوم ربع ساعة طقطقة على خفيف و تسديد و ما الى ذلك اذا كنت متحمس
حتى تتعود عضلاتك

انا اقصد ساعه كاملة من الركض المتواصل .. (&)

يعني مهوب تسديدات وطقطقه , هذي ماهيب شيء &#215;_&#215; ..

ومثل ماقلت تحس نلعب انا ورجلي حبشه ’ كل ما لعبت كم مباراة جانا الألم ’ واذا تركنا الكورة طار الألم.. مدري وشهو الحل الوسط حقيقت(ن) ..

[Electro M]

انا اقول العب في البيت كل يوم ربع ساعة لعب مع اخوك الصغير مثلا عشان تتعود عضلات رجولك على هالنشاط و لو بشكل بسيط
لانك لو تبي تتخلص من هالالم نهائيا فيبيلك فعلا جدول تدريب جاد يوميا
لان الالم اللي يجيك هو الم عضلات لانها تتعرض لنشاط ما تعودت عليه

[Yamato]

ياماتو
وش سويت باخوك اللي كسر الباربي :09:؟
بعدين اكيد اذا جلست تراكض بدون لياقة بيصير لك كذا



عماد الدين كورة..
متزاعل معاه للحين على سالفة الباربي (&)
واما للركض بدون لياقة.. -____-!
شو تتوقع من شخص.. لا يمارس الرياضة ابدا ابدا ابدا.. ومكملها بالدواخة.. وكمان يحب القعدة.. يعني ما اتحرك كثير.. الا بالدوام فقط.. يمكن هناك اضربلي كم كيلو باليوم الواحد مشيا.. وبعدها فترة ركود لاسبوعين -___-!

بودي اروح الصالة هناك.. بس متعايز -__-!

[Classic Evil]

انا اقول العب في البيت كل يوم ربع ساعة لعب مع اخوك الصغير مثلا عشان تتعود عضلات رجولك على هالنشاط و لو بشكل بسيط
لانك لو تبي تتخلص من هالالم نهائيا فيبيلك فعلا جدول تدريب جاد يوميا
لان الالم اللي يجيك هو الم عضلات لانها تتعرض لنشاط ما تعودت عليه

أسبوعين لك في النادي و صرت كبتن يا عماد الدين كوستا :09:

[Yamato]

أسبوعين لك في النادي و صرت كبتن يا عماد الدين كوستا :09:
ايه والله.. نفس ما صار ينتقد ذوق الواحد في الافلام.. بس علشان انه شاف كم فيلم معتبر (&)

[Electro M]

ايفلوه
اولا لي شهرين موب اسبوعين :09:
ثانيا هذه معلومة اعرفها قبل النادي (&)
و الا ليش اللاعبين يمرون بفترات تحضيرية اذا انقطعوا عن اللعب؟
لاستعادة اللياقة

ياماتو
يمدحون ستيفن سيجال بس :09:
بعدين ياخي انا احب اناقر اللي اعزهم
لا تحسب اني جاد دايما
و انت ذوقك كذا و حر فيه
تحب ستيفن سيجال تحب ترانزبورتر انت حر
غيرك يحب افلام سلاحف الننيجا و محد يقدر يمنعه :09:

[Yamato]

عماد الدين كوكو...



لا تحسب اني جاد دايما


وانت عبالك اني جاد يا جاد (&)
تراني كمان اناقرك يا حياتي (&)

[Classic Evil]

حتى انا لا يكون على بالكم جاد (&)..
وين جولدن عنك بس :p