المساعد الشخصي الرقمي

مشاهدة النسخة كاملة : الصف الثاني عشر ( الثالث الثانوي ) بـــاي بـــاي ياوزارة نداء لطلاب الثانوي


رياض الخليج
07-06-2006, 04:41 PM
السلام عليكم أخواني الكرام
سنة سعيد على الجميع ومبروك التخرج والي يعيد اقول ياحضه صارت له فرصة للتعويض;)
بعد العاصفة الي هبت على طلاب ثالث ثانوي من أحد الوزارات الفاشلة وساهمت في تدمير نفسيات ونسب الطلاب حبيت أني أسوي هذا الموضوع المهم لنا جميعا
كلنا شفنا الأسئلة كيف كانت موضوعة بخبث وبصعوبة بإستقصاد لنا
فهوامير الوزارة لم يرتاحوا حتى جعلوا نسبنا تنهار مثل هوامير الأسهم
بداية بالرياضيات فباقي المواد والمشكلة أن الاسئلة الصعبة تجي بس في المواد العلمية الي عليها نسب والمواد الي ماتأثر بالنسبة شفنا كيف سهولتها
والأكثر من ذلك إنحياز بعض الصحف وكذبها معهم
فهوامير الوزارة طلعوا في القنوات والإذاعات يقولون الأسئلة من المناهج والكتب ولم يخرج عنها شي:33:
وأحدهم يقول حسبي الله عليه طلابنا كسالى بس يبون ورقة مكتوب فيها الحلول جنبهم عشان ينقلون منها
((أتحداه هويحل سؤال واحد من هذي الاسلئة الي يقولها:12: ))
والأدهى من ذلك شهد شاهد منهم في ليلة الأربعاء على قناة المجد عندما قال نسبة كبيرة من الإختبارات أتينا بها من خارج الكتب!!!!
يعني أو ماخلصوا الأختبارات أعترفوا بالحقيقة
ويقول هذا الشخص هذي سياسة جديدة بتجربها الوزارة لكشف الطلاب المتميزيين
((يعني بالعربي صرنا فئران تجارب بدون الأهتمام بمستقبلنا ولا بطموحنا))
أخواني الكرام أنا وضعت هذا الموضوع لعدة أسباب أرجو تفاعلكم إذا كنت مؤيدين لي
أول الأسباب
1)مانبي حقوقنا وتعبنا يضيع بهذي السهولة لازم على الاقل نكشف الحقيقة
2)نعرف باساليب هذه الإختبارات حتى لايضيع من يأتي بعدنا من طلاب ثاني ثانوي
3)مانخلي الوزارة تتهنا في تدميرنا على الأقل نخبر الناس بالحقائق
4)أتمنى من الأخوة الأعضاء اننا نتوحد على الأقل شهر بس حتى نبري ذمتنا
وأتمنى أيضا من الأخوة أننا نوحد التواقيع ومن يسطتيع أن يساعدنا جزاه الله 1000 خير
أو على الأقل تضع جملة في هذا الموضوع في توقيعك يعني مو لازم تغيره
حتى إذا كتبت رد في اي قسم يقرأ اكبر عدد من الاعضاء عن موضوعنا
الي شوف نفسه تعب ووقفت الوزارة في طريقه فليتفاعل معي
وفي الختام أدعوا للجميع بالتوفيق وأن شاء الله يكون حظ من يجي بعدنا أحسن منا والسلام
# big show #
07-06-2006, 06:19 PM
أخي الكريم /
أنا أخوك من المدينة المنورة ...

وبكل صراحة رأيي في الاسئلة كالتالي /

عند بداية اختبار الرياضيات ... سميت بالله وبدأت بالحل ...
أول سؤال كان سهل ... والثاني كذلك ... ولكن سؤال الشبه منحرف ضيع من وقتي الثمين ساعة ...
لا وحليته غلط !!!!!
المهم خرجت بكرامتي من الامتحان قبل تهاية الوقت بخمسة دقائق ...

وكانت أنواع الاحباط تتجمع فوق رأسي المسكين المكروف ...
وكذلك في الاحياء والفيزياء والكيمياء ...
كلها زفت X زفت ... والظاهر ان الوزارة حققت مطالبها ...

وما أقول إلا حسبي الله ونعم الوكيل ...

وحقيقة ان الاسئلة من خارج المنهج فهذا (مع احترامي لرأيك) لم يكن صحيح ...
فكل سؤال كان له حل منطقي من الكتب المنهجية ...
وان كان عندك أي استفسار اعطني اي سؤال في أي مادة وسوف أخبرك أين جواه ورقم الصفحة ...
الاسئلة من المنهج ولكن أعلى من مستوى الطلاب !!!
فهي بمستوى الذي يذاكر كل صغيرة وكبيرة ...
عند مذاكرتي لمادة أترك بعض المعلومات التي أعتقدت أنها زائدة وليس لها داعي
ولكن الوزارة ... قامت بوضع اسئلة من بين السطور ...

نحن معشر الطلاب ليس لنا أي كلمة أو رأي في هذا الموضوع
فنحن -كما قلت- فئران تجارب ..يستمتع بنا واضعي الاسئلة ويلعبون بعقولنا لعباً !!!!

وكل ذلك بهدف التخفيف من الضغط على الجامعات ...


وأنا أطمح في هندسة الشبكات والاتصالات ...
ولكني اليوم أطمح في ماجستير قهوجي !!!!!!


حسبي الله على كل ظالم
حسبي الله على كل جبار
حسبي الله على كل حاقد
حسبي الله على كل حاسد



وشكراً ....
سلطان<ابوجبهه>
08-06-2006, 01:04 AM
اول شي قريت من كل المنتديات نفس الكلاااااام بضبط بس فيه شي ماقلتووه وشي نسيتوووه

ان كل اختبارات السنوات الماضيه من المواد كلها يجي كتالي
كيمياء 10 اختيارات 5 صح وخطاء او فراغات او كليهما معا اما هذي السنه 4 اختيارات فقط والورقه مضغوووطه
الاحياء نفس الطريقة سنوات الماضيه لكن بصعووووبه عجييبه جدا وفيها عدد كثير واشرح وقارن اكثر من السنوات الماضيه
رياضيات السنوات الماضيه 10 اختيارات لازم تجي لااازم او 7 اختيارات مع 6 فراغات ما ذي السنه 6 اختيارات فقط
فيزياء 10 اختيارات سهله جدا وتكون اغلبها من التعاريف و مسائل بسيطه هذي السنه 4 اختيارات بس
انقليزي صعب وطويييييييييييييل جدا حتى القلم خلص علي في نصف الاختبار وهو الاختبار الوحيد الي طلع نفس السنوات الماضيه
المواد الاسلاميه صعبه جداااا

الزبده الي جاب 99 النصف الاول تكسرت الي 88 وش بتدخلك هذي؟

والله كسرونا كسر في المواااد كلها

وبعدين اتوقع هم الي الي يبون الطلاب يغشون ويبرشمووون والله
بالله عليك يافااالح انت وياااه
انا مختم على الادب مرتين وعلى الفقه 3 مرات قبل الاختبارات
وفي ليلة الاختبارين ماذاكرت الا فقه ونصف الادب فقط وجبت العيد فيه
الادب فيه سؤال اذا انت رجال وفاااهم طلعه في الكتاب واتحداك البلاغه النحويه الي في قصيدة هذاك الي يرثي الملك عبدالعزيز

الزبده اذا كانت نسب الطلاب طايحه كلها فهم بينقصون من نسب قبول الجامعات بس مافي امللل

يالله ادعوا لنا بالتوفيق ياعيال
شذووو
08-06-2006, 02:06 AM
يا عيال الحلال .. هدووووووا أعصابكم ..
كل شيئ مقدر ومكتوب ...
والله ما يضيع جهد مجتهد ..
ادعوا الله وانتم واثقين ... وبإذن الله تستجاب الدعوه ..
إذا كنت شاد حيلك في الاختبارات وسويت إلي عليك وكان ودك قبلها تجيب 97 مثلا بس انت حاس انك ممكن تنزل ل88 مثلا .. أدعي ربك بكل صدق وثقه .. والله العظيم تدور الامور تدووووور .. وترجع تصير نسبتك اللي انت دعيت انك تجيبها ..

بس عاد مو تروح تتركلي الصلاة .. وإلا تطالع في هالقنوات الخايسه .. بعدين تبي ربي يستجيب لك .. أعمل بالأسباب ..


:) الدنيا حلوووووه ...
حتى لو سوت الوزاره فينا ما سوت ..
هذا أول تحدي لنا في الحياة ....
بنشوف منهم الضعفاء اللي يطيحون من اول عقبه
# big show #
08-06-2006, 09:53 AM
يقال/ لا يأس مع الحياة ...
وأنا أقول / لا يأس مع الإيمان ...

كيد الوزارة في تعقيد الطلاب لم يفلح أمام جميع الطلاب ...
وكذبهم في الجرائد بأن أتوا ببعض الطلاب المادحين في أسئلة الوزارة (أباد الله كيدهم وكذبهم)

لــــــكـــــــن
إن الله مع الصابرين

والصبر المستحب هو الصبر على ترك المكروه
والصبر المحرم هو الصبر على ترك الواجبات

ورابطة الفينول أضعف منها في الغول .... مهما زاد عددها الذري
والتكامل المحدد للقيمة المطلقة = تكاملها بالموجب - تكاملها بالسالب
والتغير في التدفق يحدث تيار تأثيري
!!!!!!!!!!!!!!!!!!!!!!!!!!!!!!!!!!!!!!!!!!!!!!





فماذا نفعل...!!!...!!!...!!!...
المهم نسأل الله أن يعطي كل طالبٍ ما طلبه وما يطمح به بالخير والمعروف...



ويقولوا ان الجامعة أسهل وأحلى ...

ستة مواد (يعني تختمهم في أسبوع بس)
ومكافئات شهرية ( أحلـــــى شي .... فلة على حسابهم !!!!!)
ودكاترة هبل كلمتين حلوة وتاخذ الدرجة الكاملة ....
يعني نعيش في نعييييييييييييييم!!!!!


بس الله يعيننا على القبول والتسجيل ....



شـــــــكـــــــــــراً...
abomish3al
08-06-2006, 01:26 PM
والله صدقت يا خوي والله تعب سنة ومذاكرة ايام كامله ولا يفصلها الا النوم ذهبت ادراج الرياح


وحسبي الله ونعم الوكيل عليكم ياوزارة التعقيد والتفحيط وحسبي الله على من كتب الاسئلة وحسبي الله على من راجعها وحسبي الله عليكم يالجرايد وحسبي الله على الطلاب الفاشلين اعداء انفسهم اللي كل يوم راز وجهه بالجريدة ويتباهى قدام الناس ويقول ان الاسئلة كانت سهلة وفي مستوانا وحسبي الله على كل من وافق على ان الاسئلة كانت سهلة


والله اني كل يوم افتح الجريدة واقرى احتري يكون فيه احتجاج على الاسئلة والقى التصفيق والتطبيل والتصفير للأسئلة من قبل الطلاب والمراقبين


المشكلة اني ال الان ما لقيت واحد قدامي حل بقدرته من غير غش ولا مساعدة يقول ان اسئلة الرياضيات او الفيزياء او الاحياء او الكيمياء او "المادة الادبية اللي ما لها دخل في تخصصنا " الادب انها سهلة فودي بس مرة القى واحد من اللي يقولون ان الاسئلة سهلة


والله انكم بتضحكون اذا قلت لكم القصة اللي صارت بعد اختبار الاحياء في مدرستنا


جاء صحفي من جريدة الوطن وقابل مع عدة طلاب يسألهم عن اختبار الاحياء وعن الاختبارات الماضية فكان ردهم بالرد المتوقع بانها صعبة و......و........و.......


وبعدها رحنا لبيوتنا مستانسين ان فيه احد عطانا وجه وسألنا عن راينا بالاسئلة عشان نقول الحق


حاء بكرة ورحت شريت الجريدة وشفت صور اخوياي ومقابلتهم والحمد لله لم يتم تحريف شي منها ولكن الغريب انه بعد ما ذكر المقابلة اللي معهم قال الصحفي" هذا وقد خالفهم بالرأي زميلهم الطالب ........................وقال بان الاسئلة كانت متوقعه وفي مستوى الطلاب وسهلة "


انا استغربت من اسم الطالب فعدد طلاب الطبيعي عندنا 180 طالب فقط واعرفهم كلهم


فرحت وسألت اخوياي وطلع الطالب هذا من طلاب الشرعي :wow: :wow: :wow: :wow:


ياحليله وكان يقول ان اسئلة الاحياء سهلة:09: :09: :09:


والله غريبة عاد ما ادري وش صار له بس اكيد تسطر عقب حركته


المهم نرجع لمحور حديثنا انا عطيتكم المثال هذا عشان تعرفون ان اللي يطلعون بالجرايد ويمدحون


بالأسئلة هم ثلاثة اصناف اما 1- طالب كذاب .


أو 2- طالب جايب العيد في الاختبار بس ماصدق على الله ان صورته راح تطلع بالجريدة فراح يسوي تفسه اينشتاين .


أو 3- وهذا الصنف الاكثر بحسب معايشتي لبعض الطلاب وهو انه مغشش في الاختبار فطلع من الاختبار وهو ما تعب حاله ولا حك راسه على مسألة مستعصية .


ومن الامثلة على هذا النوع هو اني كنت بعد اختبار الرياضيات مع احد اخوياي من مدرسة اهلية ومستوى الطالب زفت يعني مو ذاك الطالب اللي تقول انه راح يبدع او راح يمشي نفسه فقلت له


هاه كيف الاختبار جبت العيد ؟؟


قال لا والله الله يعافيهم على هالأسئلة


انا ما خشت مخي هالكلمة واستقعدت له على كل سؤال كيف حليته وتورط


طلع الاخ مغششينه في سؤال الهرم والاختيارات كلها يعني الاخ ما بقى له الا سؤال شبه المنحرف"الله يحرف اصابع اللي حطها" وسؤال التطبيق الفيزيائي:12: :12: يعني ضمن فوق 25 درجة


طيب وش ذنبنا حنا اذا كانت مدرستنا ما تغشش الطلاب


والله حاله والله تعبنا واخرتها ضيقوا علينا الله يضيق عليهم


وما نقول الا حسبنا الله ونعم الوكيل عليكي ياوزارة التربية والتعليم


والله يعيننا واياكم ويرفع نسبنا ويصبر طلاب الثاني ثانوي المقبلي على ثالث في السنة القادمة


"وهذي نصيحة لكل طالب مقبل على ثالث ثانوي ان نسبته في النصف الاول لا تنزل عن 100%


وتراها سهلة جدا جدا جدا جدا مقارنة باسئلة الوزارة . وان تجيب درجات كاملة في جميع المواد النصف الثاني في الاختبار الشهري ونخل لاختبار الوزارة بنسبة كاملة ولاتغتر بها ابدا لان اختبار الرياضيات لوحده سوف يجعل نسبتك تنزل خمس نسب "اذاكنت جايب على الورقة صفر من ثلاثين"
وتنزل ثلاث تسب اذا كنت جايب عشرة من ثلاثين وتنزل نسبة ونصف اذا كنت جايب عشرين من ثلاثين وتنزل 0.8 نسبة اذا جبت 25 من 30 ولا تنسى ان وراك مواد اخرى تلعب بالنسبة مثل الفيز والكيم والاحيا والانجليزي و" اختبار القدرات" فالله يعينكم وشدوا حيلكم وزي ما قلت اهم شي النصف الاول لأن الدرجات بيديكم "


والسلام عليكم
Squall 9
12-06-2006, 05:12 PM
حسبي والله والنعم الوكيل بس وش نقول -_-
الهـــــوى N الغايب
13-06-2006, 05:12 PM
وش ذا شباب هدو اللعب نشاء الله خير
برضوة انا عارف ان نتيجتي زفت بس معى ذلك
مبسوووووووط تدرون :
لأني سويت اللي علي وذاكرت والباقي وكلت الله .
ومتوقع نزول نسبتي للحظيظ عشان اكرة شي اسمة
رياضيات وهي اللي والملعونة اللي لها دور كبير في الشهادة
ههههه ما يحتاج الرياضيات تلعب فأم النسبة
----------------------
يالله شباب الصحة الزم ما علينا
بكرة وما ادراك ما بكرة سوف يكون
اليوم الواعد
اليوم الكبير
يوم المصير
سوف تفرقنا اوراق نسميها الشهادة ولأبد
وسوف ينطلق اصحاب النسب العليا لتسجيل في كل مكان
اما نحن فسوف نزحف ووجوهنا عليها الصفار والسواد ذاهبين إلى كل ما هب ودب من الجامعات
آملين ان تقبلنا الجامعات والكليات .
اسأل الله شباب انة يوفقنا جميعاً لما يحبة ويرضاة .

_______________________________
the_hex_13
14-06-2006, 03:58 AM
اذا جيتوا الجامعه بتعرفون ان اسئله الوزاره

مباشره و عاديه جدا جدا

عندنا في الكليه (( هندسه )) مافي امل يجي سؤال او فكره في اختبار تكون قد مرت علي او حليت شي زيه

:D