المساعد الشخصي الرقمي

مشاهدة النسخة كاملة : نقاشات الأنمي ~ANIMES~


fuuchan
09-06-2006, 08:54 AM
سلااام شلوونكم ..

الفترة اللي طافت غبت عن المنتدى لانه شريت كميه كبيرة من الانميات وكامله..

وصراحة شريتها لانه وايد اعضاء يمدحونها فحبيت اشووف اذواقهم وصراحة كل الانميات الي شفتها كانت روعه صج واجملهم وصج وايد عجبنني......
_________________________________________________________
http://upload.wikimedia.org/wikipedia/en/8/80/Monster.JPG
اهوMONSTERاللي وايد مدحها الاخ MIBU WOLFفي موضوعه الرائع ^_^وتشكرات لك

انيمي يهبل صج ورديت للمحل بيومين ورى بعض عشا اكمله ووصلت حلقة 39 والحين اكمله من موقعANIMESUKI..

وقصته من اجمل قصص اللي شفته صراحه يستحق انه ياخذ جوائز ..دراما وكشن واثارة ..والاصوات مو طبيعيه كافي صوت يوهان انا بس اسمعصوته احس صج عروقي تتجمد من الخوف وقصة THE NAMLESS MONSTER رووعه وخصوصا نهاية القصة AFTER ALL YOHAN WAS A BEUTIFUL NAMEo_o
_________________________________________________________

http://www.toysnjoys.com/music/a8-855.jpg

BERSEKوهذا طبعا تحمست له بعد موضوع SKYالاسطووري له والحين متحسفة اني قريت الموضوع عدل عشان كنت خايفه من السبيولر-___- وابي ارائكم صراحه بهل الانمي لانه بالنهاية ما فهمت شصار بالضبط من هذوولي الوحوش اللي طلعوو وشبيون بجريفث وشلون اكمله بالمانجا عند اي شابتر؟؟

انيمي غريب صراحة لحد الحين مو عارفه اقوول شعوري اهو حلو لانه النهاية كانت غريبه واعتقد لها تكمله مانجا بس عجبتني شلون قام بخيانتهم جريفث وخلاهم كلهم يموتون.. ولا يخرع شلون يتذابحون وبكل برودة اعصاب GUTSيذبح ولد نائب الملك .وجرفث واجرامه لمن يحرق الملكه واتباعها وعيونه شلون تصير.... ولا مقزز شلون طريقه تعذيب جريفث لاعت جبدي وشلون صار شكله و بعد الفضايح اللي موجوده بهل الانيمي شكثر فما عجبتني الشغله فيه ودموي حيل

ومن يوم ما خلصته وانا احس قلبي يعورني على جريفث على رغم من كل شي حبيته وما كنت ابي هالنهاية حقه وكاسكا صراحة كسرت خاطري كانت طوول اليوم تلحقه ولمن تحولت مشاعرها حق جتس يي ويسوي فيها جذي الله ياخذهX_X وجتس اللي قبل كان يقوول ماعندي شي اخسره جذي اقعد احارب طوول اليوم لمن شاف شقعد يصير لكاسكا من كثر القهر قطع ايده#_#
_______________________________________________________

http://www.toysnjoys.com/music/basilisk_sm.jpg
BASILISK
هالانيمي من كثر ما مدحه العضوو عبدالعزيز تمنيت اشوفه وانا اصلا من اول ما طلع نزلت الحلقة وبعدين ترخص ما لقيت مكان حق تنزيه فقررت اشتريه..

انيمي حلوو ماساوي حيل صراحه مشكلته لو كانو مطولين بالاحداث شوي جان يمكن تاثرت لمن يموت كل واحد يعني تقريبا اول اربع حلقات ماتوو وما تاثرت في موتتهم ..
اكثر شخص كرهته الي يتنكر بالشخصيات شلون ذبحه ايشمارو دونو ولمن ذبح اللي صار اعمى حقدت عليه صج ولمن اكيقانو ونهاية حلوة ..احب النهايات الي كل يموت فيها ^_^
________________________________________________________
http://fansub.frozen-layer.net/descargas/portadas/Maria-sama%20ga%20Miteru%20-%20Portada%20-%20DVD.jpg

لوول هالانمي طبعا من منو من TNT-BOYكان يمدحه في الموضووع المانجا وخصووصا لمن قال الحلقة كانمت حيل مؤثرة لمن شفتها فصلت من الضحك^_________^

انيمي شوجو اي صراحة اذا تبي اطالعه لمن تكون ملان ومخلص الانميات اللي عندك وما عندك شي اهني شووفوه
_______________________________________________________

الموضوع متواضع و ماعطيت كل انيمي حقه في العرض بس انا حابه اتناقش معاكم فيها وسامحونا على الاخطاء الاملائيه والاسلوب العامي ^_^
fuuchan
09-06-2006, 10:06 AM
سؤال عالسريع نسيت اساله MONSTER نهايته يحتاج تكمله مانجا ولأ؟؟؟
Mibu Wolf
09-06-2006, 10:21 AM
fuuchan



اهوMONSTERاللي وايد مدحها الاخ MIBU WOLFفي موضوعه الرائع ^_^وتشكرات لك

انيمي يهبل صج ورديت للمحل بيومين ورى بعض عشا اكمله ووصلت حلقة 39 والحين اكمله من موقعANIMESUKI..

وقصته من اجمل قصص اللي شفته صراحه يستحق انه ياخذ جوائز ..دراما وكشن واثارة ..والاصوات مو طبيعيه كافي صوت يوهان انا بس اسمعصوته احس صج عروقي تتجمد من الخوف وقصة THE NAMLESS MONSTER رووعه وخصوصا نهاية القصة AFTER ALL YOHAN WAS A BEUTIFUL NAMEo_o

جميل جدا زين نصيحتي خلتج تشوفين مونستر لأنه فعلا مايتفوت..

هههه عن صوت يوهان فهذا نتيجه ابداع الممثل Sasaki :biggthump

بالنسبة للسؤال

مونستر تم تغطيته بالكامل في الأنمي يعني مايحتاي تشوفين المانجا
TNT-BOY
09-06-2006, 11:05 AM
وقصته من اجمل قصص اللي شفته صراحه يستحق انه ياخذ جوائز ..دراما وكشن واثارة ..والاصوات مو طبيعيه كافي صوت يوهان انا بس اسمعصوته احس صج عروقي تتجمد من الخوف وقصة THE NAMLESS MONSTER رووعه وخصوصا نهاية القصة AFTER ALL YOHAN WAS A BEUTIFUL NAMEo_o
..............<<<<<<< يعيش عذاب عدم المشاهدة


ما فهمت شصار بالضبط من هذوولي الوحوش اللي طلعوو وشبيون بجريفث

هذوله "الوحوش" استدعاهم قريفث بالبيهاليت اله عنده
واشترطو عليه على شان يحولوه للشكل اله صار فيه ويرجع قوي انه لازم يضحي بجيشه
فهو النذل ضحا بهم مع انه كان يحبهم
كان خليط مشاعر غريب


وشلون اكمله بالمانجا عند اي شابتر؟؟
ادا بتقريه مانجا لازم تقريه من البداية
لان في شغلات واجد الانيمي اختصروها
اخوي بدا هل اسبوع فيها ومع انه ما يقرا مانجا واجد بس صاير كل يوم يقرا فوليومين من الحماس اله فيها


بكل برودة اعصاب GUTSيذبح ولد نائب المل

مع اني شفت في بيرسيرك مشاهد قتل عنيفة كثيرة "خاصة المانجا"
اله ان هذا المشهد من اكثر المشاهد المؤثرة

شنو اكثر المشاهد اله عجبتك ؟



BASILISK
هالانيمي من كثر ما مدحه العضوو عبدالعزيز تمنيت اشوفه وانا اصلا من اول ما طلع نزلت الحلقة وبعدين ترخص ما لقيت مكان حق تنزيه فقررت اشتريه.

ترا في له Live action فلم ماشفته
اخوي شاف الانيمي وبعدين شاف الفلم قال القلم زفت
الفلم اسمه Shinobi وهو ياباني نزل السنة اله فاتت



لوول هالانمي طبعا من منو من TNT-BOYكان يمدحه في الموضووع المانجا وخصووصا لمن قال الحلقة كانمت حيل مؤثرة لمن شفتها فصلت من الضحك^_________^

انيمي شوجو اي صراحة اذا تبي اطالعه لمن تكون ملان ومخلص الانميات اللي عندك وما عندك شي اهني شووفوه
هاع ~
عن شنو تتكلمي ؟ منتي حاطة الاسم او الصورة S:
الظاهر شكله Maria-sama صح ؟ <<<<< تكلمت عن شوجو آي واجد في موضوع المانجا P:
abdulaziz1
09-06-2006, 11:43 AM
مونستر شفت منه حلقه..وهي الوحيده الا عندي..:D

بس صراحه من البدايه مره قوي..فكيف حلقات الوسط والنهايه..:bigeyes:

وغير كدا كتيرين يمدحوه..ميبو - تنت - جندست - بوجاسم..

اما بيرسيرك..شفت حلقتين مدري تلاته من زمان..وحتى هو من البدايه حلو..وغير كدا مدح الأعضاء له..أبغى أغلق الأنمي بسرعه عشان أبدأ في المانغا..بس المشكله مني لاقي أول 4 فوليومات..بس جهزت من 5-24..والصراحه جوريفيس وجاتسو وكاسكا..كلهم عجبوني..بس جوريفيس الأول..


هالانيمي من كثر ما مدحه العضوو عبدالعزيز تمنيت اشوفه

هههههههههههههه..


انيمي حلوو ماساوي حيل صراحه مشكلته لو كانو مطولين بالاحداث شوي جان يمكن تاثرت لمن يموت كل واحد يعني تقريبا اول اربع حلقات ماتوو وما تاثرت في موتتهم ..
اكثر شخص كرهته الي يتنكر بالشخصيات شلون ذبحه ايشمارو دونو ولمن ذبح اللي صار اعمى حقدت عليه صج ولمن اكيقانو ونهاية حلوة ..احب النهايات الي كل يموت فيها ^_^

أفااااا..تكرهي سايمون..>_>

بالعكس أنا سايمون وهيوما تقريبا في نفس المستوى..بس موتة هيوما خلتو يعجبني أكتر..موتة قويه مره..اما ياشامارو دونو..يعجبني بعد هوتاروبي..وكوشيرو قبل أكيقينو..وفي مقطع عجبني..لمن كوشيرو أنعمى..وبعدين قاعد يمشي لحالو في الغابه..ويزعق في آخر الحلقه "تنزن ساامااااا"..والله للآن المقطع في بالي..وقصة الصلعاوي كانت حلوه..

من أكتر الأنميات الا عجبتني..سواء في أبو 26 حلقه أو في الأنمي عموما..باسلسك وولفز رين..أندمجت معاهم بشكل فظيع..بالذات وولفز رين..في المدرسه كل مايقولولي شي "عن أنمي"..أقول سيبك ماعندك غير وولفز رين..شفتو في يومين تقريبا..بس الحلقات الأولى شفتها قبل بفتره..ومن 10 وفوق في يومين تقريبا..بس في دي اليومين من جد أندمجت معاه..وبصراحه في مؤدي صوت..تقريبا أفضل صوت سمعتو في أنمي..حق دارسيا ساما..ومراكب على الشخصيه وكل شي..

هههههه..أتحمست وخرجت من الموضوع شويه..XD
fuuchan
11-06-2006, 05:40 PM
سوري تاخرت على الموضوع التهيت مع كاس العالم شفتوو انجلترا فازت 1_0 كانت عجيبه المباراة ..

Mibu Wolf



جميل جدا زين نصيحتي خلتج تشوفين مونستر لأنه فعلا مايتفوت..
هههه عن صوت يوهان فهذا نتيجه ابداع الممثل Sasaki
بالنسبة للسؤال
مونستر تم تغطيته بالكامل في الأنمي يعني مايحتاي تشوفين المانجا


صج كلامك هالانيمي كلش ما يتطوف وانصح الكل فيه..
هالممثل صج مبدع ابدع بصوته في سسكي والحين بيوهان شي مو طبيعي^_^
ومشكوور على الجواب ومرورك على الموضوع^_^

TNT-BOY


..............<<<<<<< يعيش عذاب عدم المشاهدة
الله يعينك وانا مثل حالتك الحين بموت واشوف حلقة40 ودايل اب وفلوسي خلصت انطر معاش اخوي واطر منه ^_^


هذوله "الوحوش" استدعاهم قريفث بالبيهاليت اله عنده
واشترطو عليه على شان يحولوه للشكل اله صار فيه ويرجع قوي انه لازم يضحي بجيشه
فهو النذل ضحا بهم مع انه كان يحبهم
كان خليط مشاعر غريب

هالانسان مو طبيعي يحبهم بس ضحى فيهم علشان حلمه بس انت لاحظت اهو كان متردد بس اول ماشاف جتس قرر انه يضحى فيهم اعتقد بس سوى جذي علشان ينتقم من جتس


ادا بتقريه مانجا لازم تقريه من البداية
لان في شغلات واجد الانيمي اختصروها
اخوي بدا هل اسبوع فيها ومع انه ما يقرا مانجا واجد بس صاير كل يوم يقرا فوليومين من الحماس اله فيها

اوكي عيل بقرا المانجا كلها اذا جذي احسن


مع اني شفت في بيرسيرك مشاهد قتل عنيفة كثيرة "خاصة المانجا"
اله ان هذا المشهد من اكثر المشاهد المؤثرة

نشهد مؤثر صج انا توقعت لمن ذبحه انه بيصير فيه شي مثل عقدة او اي شي بس الاخو ذبحه وتذكر طفوولته ونسى السالفة وجريفث بعد لمن قالوله الخبر شفت شلوون ضحك ضحكه شريرة يمه صج يخرعونo__o


شنو اكثر المشاهد اله عجبتك ؟

طبعا اكثر مشهد عجبني فراق جتس وجريفث شلون جريفث طايح وماسك جتفة وجتس يقوله ja naعجيب هالمشهد
وعندي سؤال ما تحس علاقة جريفث وجتس غريبه شوي؟؟؟ انا احس جريفث يحب جتس اما جتس عادي عنده مثل صديقه


ترا في له Live action فلم ماشفته
اخوي شاف الانيمي وبعدين شاف الفلم قال القلم زفت
الفلم اسمه Shinobi وهو ياباني نزل السنة اله فاتت

عيل بشووفه معني ما احب LAالا رومانسي^_^


هاع ~
عن شنو تتكلمي ؟ منتي حاطة الاسم او الصورة S:
الظاهر شكله Maria-sama صح ؟ <<<<< تكلمت عن شوجو آي واجد في موضوع المانجا P:

اووف مو طالعه الصورة عندكم انا نسيت اكتب الاسم اي اهو ماريا ساما هذا نزلته كامل من كثر ما كنت تتكتب عنه بالموضوعXD

abdulaziz1



مونستر شفت منه حلقه..وهي الوحيده الا عندي..
بس صراحه من البدايه مره قوي..فكيف حلقات الوسط والنهايه..
وغير كدا كتيرين يمدحوه..ميبو - تنت - جندست - بوجاسم..

اي لا تطوفه ترى مو طبيعي وتلاقيه بموقع انيمي سوكي تورنيت وكامل تنزيله^_^


اما بيرسيرك..شفت حلقتين مدري تلاته من زمان..وحتى هو من البدايه حلو..وغير كدا مدح الأعضاء له..أبغى أغلق الأنمي بسرعه عشان أبدأ في المانغا..بس المشكله مني لاقي أول 4 فوليومات..بس جهزت من 5-24..والصراحه جوريفيس وجاتسو وكاسكا..كلهم عجبوني..بس جوريفيس الأول..

انا نفس شي عندي جرفث اهو احسن واحد بينهم وشره يعجبني^_^

أفاا

ااا..تكرهي سايمون..>_>
بالعكس أنا سايمون وهيوما تقريبا في نفس المستوى..بس موتة هيوما خلتو يعجبني أكتر..موتة قويه مره..اما ياشامارو دونو..يعجبني بعد هوتاروبي..وكوشيرو قبل أكيقينو..وفي مقطع عجبني..لمن كوشيرو أنعمى..وبعدين قاعد يمشي لحالو في الغابه..ويزعق في آخر الحلقه "تنزن ساامااااا"..والله للآن المقطع في بالي..وقصة الصلعاوي كانت حلوه..
من أكتر الأنميات الا عجبتني..سواء في أبو 26 حلقه أو في الأنمي عموما..باسلسك وولفز رين..أندمجت معاهم بشكل فظيع..بالذات وولفز رين..في المدرسه كل مايقولولي شي "عن أنمي"..أقول سيبك ماعندك غير وولفز رين..شفتو في يومين تقريبا..بس الحلقات الأولى شفتها قبل بفتره..ومن 10 وفوق في يومين تقريبا..بس في دي اليومين من جد أندمجت معاه..وبصراحه في مؤدي صوت..تقريبا أفضل صوت سمعتو في أنمي..حق دارسيا ساما..ومراكب على الشخصيه وكل شي..
هههههه..أتحمست وخرجت من الموضوع شويه..XD


اي والله كوشيرو بهل المشهد كان مو طبيعي لمن يصرخ حرام يكسر الخاطر مو عارف وين يرووح بعدين شلون ذبحه سايمون الله ياخذه واهو وهذيج..
وهيوما موته حلوة انه مات واقف بس علشان كوشيروو ما يدري اذا مات ولا
وولفز رين كلش ما عجبني شريت اول ست سيديات ووصلت حلقة 22 وما كملته لحد الحين وتوني رحت شريت الشريط الاخر حسيته بارد ومليق هالنيمي واكثر شي خلاني اكره لمن عاد السالفه مرة باربع حلقات حسيتهم حدهم مطوو السالفه
وصح صوت دارسيا كان عجيب والرسم الانيمي حلو والاغنيه البداية مالته لحد الحين عالقه بمخي من كثر ما اهي مو طبيعيه^_^
وعادي خذ راحتك بالموضوع......
abdulaziz1
11-06-2006, 08:23 PM
اي لا تطوفه ترى مو طبيعي وتلاقيه بموقع انيمي سوكي تورنيت وكامل تنزيله^_^

لا لمن أرجع ان شاء الله..مافي حيل أقعد أحمل..موجود عند صاحبي حلقات كتير..مادري اذا كمل للأخيره ولا لا..بس آخر مره قلي كانت 50 حلقه تقريبا..


اي والله كوشيرو بهل المشهد كان مو طبيعي لمن يصرخ حرام يكسر الخاطر مو عارف وين يرووح بعدين شلون ذبحه سايمون الله ياخذه واهو وهذيج..

ههههههه..والله شكلك حاقده على سايمون..:D

على فكره ترى موتة سايمون تاني أحسن موته..لمن كلهم يطعنوه..الصراحه دي الشخصيه كل حلقه بعد كانت كان يزداد اعجابي بها..

وبالنسبه لمقطع كوشيرو..أخيرا واحد وافقني ان المشهد خطير..وترى مو سايمون الا قتلو..قتلتو كاجيرو..الا فيها السم..وكانت تقول انها أكيجينو..


وهيوما موته حلوة انه مات واقف بس علشان كوشيروو ما يدري اذا مات ولا

من حظ كوشيرو إنو كان أعمى..لأن حركة هيوما ما أثرت فيه..والصراحه هيوما من جد محترم..بالذات في الذكريات لمن كان يدرب جينوسكي..وعلى فكره تراه خال جينوسكي..^_^


وولفز رين كلش ما عجبني شريت اول ست سيديات ووصلت حلقة 22 وما كملته لحد الحين وتوني رحت شريت الشريط الاخر حسيته بارد ومليق هالنيمي واكثر شي خلاني اكره لمن عاد السالفه مرة باربع حلقات حسيتهم حدهم مطوو السالفه
وصح صوت دارسيا كان عجيب والرسم الانيمي حلو والاغنيه البداية مالته لحد الحين عالقه بمخي من كثر ما اهي مو طبيعيه^_^
وعادي خذ راحتك بالموضوع......

الــ 4 حلقات كلها اعاده للحلقات..مادري ليش حطوها..بس الأنمي رهيب..وفي مقطع رهيب..في آخر الحلقه 25..مع الساوند تراك كان المقطع رهيب..وأحسن الشخصيات كانت تسومي ودارسيا ساما..أما أكره وحده جاغرا..ترفع الضغط..وماقهرتني الا لمن قاعده تشرب الدم..>_>
TNT-BOY
12-06-2006, 05:39 AM
الله يعينك وانا مثل حالتك الحين بموت واشوف حلقة40 ودايل اب وفلوسي خلصت انطر معاش اخوي واطر منه ^_^
انا صاحبي عنده للـ24 بس ما اريد اخذه منهم اله كاملين
البارحة لعيت على راسه وخليته ياخذ اشتراك صاحبه في الستريم لود وبيشتغل تنزيل عليه


هالانسان مو طبيعي يحبهم بس ضحى فيهم علشان حلمه بس انت لاحظت اهو كان متردد بس اول ماشاف جتس قرر انه يضحى فيهم اعتقد بس سوى جذي علشان ينتقم من جتس

هيهيهي
تدري ان هل مشهد لحاله اخذ علي انا وقولدين ساعتين بس نحلل فيه وفي النظرات
كنا نحاول نعرف نية قريفث شنو؟
قريفث اصلاً ماكان يعرف شنو يريد
بس الشي اله استوعبه انه من بدا مشواره في الجيش وهو يضحي بجنوده
والجسر اله انبنى على جثثهم قرب يوصل للقلعة كان ناقص فقط اجسام جنوده اله معاه في الخسوف
بس العقل شي وحبه لقاتس شي ثاني


وعندي سؤال ما تحس علاقة جريفث وجتس غريبه شوي؟؟؟ انا احس جريفث يحب جتس اما جتس عادي عنده مثل صديقه

بالعكس
قريفث قلب كيان قاتس وغيره اكثر من اي انسان آخر
بس جاتس كان يريد يصير صديق على مواصفات قريفث اله قالها للاميرة لما كانو على النافورة وكان بما معناه "صديقي ليس من هو تابع لي" ان ماخانتني الذاكرة S:

علاقة قريفث بجاتس من اكثر العلاقاة المعقدة اله شفتها في الانيمي
بس الشي اله اعرفه انهم حبوا بعض....وحبو بعض واااجد

بس اكيد اثنينهم Stright :D


اووف مو طالعه الصورة عندكم انا نسيت اكتب الاسم اي اهو ماريا ساما هذا نزلته كامل من كثر ما كنت تتكتب عنه بالموضوعXD

حزيتها XD
الانيمي حلو ويجيب هدوء داخلي وطمئنينة <<<<TnT had feminise side :S
انتي شاهدتيه كامل ؟
يعني الموسمين والـSpecial اعتقد 5 ؟

وفي له موسم ثالث (http://anidb.info/perl-bin/animedb.pl?show=anime&aid=4138) بينزل نهاية السنة
بيكون OVA ماعرف كم حلقة
بس احس اشكالهم مختلفة شوي...وهذا المفروض بما انهم كبروا

وشنو اخبار الـlurk معاك ? :)
shadow man
12-06-2006, 12:04 PM
هااااااااااااااااااااااي

والله شفتي انيميهات حلوه اختي
بيرسيرك يبيلك تشوفي مانجته يوووووووووه لا تفوتك اختي ^^
بجد احلى من المسلسل بكثير هي افضل مانجا قرأتها لحد الان

بس انا عندي لين الفوليوم 25 -_- ما لقيت الباقي لحد الان


مع اني شفت في بيرسيرك مشاهد قتل عنيفة كثيرة "خاصة المانجا"
اله ان هذا المشهد من اكثر المشاهد المؤثرة

المشهد هذا عذاب -_-


بس اكيد اثنينهم Stright :D
هي هي هي ايوه جابو الدليل هههههههههه


باسيليسك انمي خطير الدراما اللي فيه عنيفه بالمره اكثر شي عجبني فيه القصه الرائعه اكثر من اساليب القتال والكلام ذا

فيه قصص حب بالرغم من الكره والقتل <<<<<<< دائما ينظر للجوانب الرومانسيه هههههه

المهم الانميات الاثنين مونستر وماريا ما شفتهم بس ان شاء الله قريبا ^^

سايونارا ^^
UCHIHA_ITACHI
12-06-2006, 01:12 PM
بيسيليسك الصراحة روعة

انا بالصدفة كنت مع رفيجي ولا يحط الموفي لايف اكشن لبيسيلسك ووقتها كنت ما شفته

و بنفس اليوم شفت بيسيلسك

بس الموفي غير عن الانيمي

خصوصا النهاية الانيمي ما توقعت نهايته تكون جذي
S A T A N
12-06-2006, 08:31 PM
السلام عليكم ..



الفترة اللي طافت غبت عن المنتدى لانه شريت كميه كبيرة من الانميات وكامله..

أبغي أفهم أنتو ليش غاويين تخصرون اعماركم ... نزلو من الانترنت.

أنا بأول أيامي شتريت بس ألحين مستحيل ... والانترنت ما يقصر كل الي على بالك بتحصله ولو كان من سنة كح و ..

المهم


أنت تقول أنك تحمست من ردود الاعضاء وكلامهم عن هالانميات (جمع أنمي ) ...

وأنا اقولك أنك شجعتنا بدورك أنا نتابع هالمسلسلات مع انها قديمه بعض الشيء ...:p


MONSTER


أول ما نزل بالانترنت حملت اول خمس حلقات ولين ألحين محبوسه في السيدي وما شافت النور ...

بس كل المواضيع والردود كانت تمدح بهالانمي .... للصراحه ما احد ذمه ونت زدت الحماس ...

الحين بعد الرد بشوفه ...^^

أسولف :D


BERSEK

مسلسل مغبر بس بعد أسطوره من الاساطير الرسم لا يعلا عليه ....

قتال ... دراما ... رعب ... ( كل حاجه موجوده فيه )

موجود عندي بعد ومترجم عربي .. ترجمة نون العرب ... الله يخلي المترجمين العرب ..:أفكر: ما قصرو

انشاء الله بالقريب العاجل ... بشوفه

خلني اخلص من اسكفلوني ...و عقب ... خير ..


تمام هيك خيو ...

لا في مسلسل اخير بعد




BASILISK


الي ياك من طرف عبد العزيز .... من كلامك باين أن مخرج هالانمي له علاقه بنجدت أنزور ..

غاوي قتل بهالشخصيات ... المهم بأقرب فرصه بشوفه وبقولك رايي عنه ... خمس ست سبع سنين ما بطول ..



لوول هالانمي طبعا من منو من TNT-BOYكان يمدحه في الموضووع المانجا وخصووصا لمن قال الحلقة كانمت حيل مؤثرة لمن شفتها فصلت من الضحك^_________^

TNT-BOY لو يمدح سابق ولاحق جدامك صدقني بتشوفه...^^


مشكور على الموضوع وبالتوفيق
fuuchan
14-06-2006, 07:21 PM
abdulaziz1


لا لمن أرجع ان شاء الله..مافي حيل أقعد أحمل..موجود عند صاحبي حلقات كتير..مادري اذا كمل للأخيره ولا لا..بس آخر مره قلي كانت 50 حلقه تقريبا..
زين ما تسوي وما اعتقد انك بتندم عليه^_^



ههههههه..والله شكلك حاقده على سايمون..
على فكره ترى موتة سايمون تاني أحسن موته..لمن كلهم يطعنوه..الصراحه دي الشخصيه كل حلقه بعد كانت كان يزداد اعجابي بها..
وبالنسبه لمقطع كوشيرو..أخيرا واحد وافقني ان المشهد خطير..وترى مو سايمون الا قتلو..قتلتو كاجيرو..الا فيها السم..وكانت تقول انها أكيجينو..

يعع سايمون صج كرهته اكثر واحد ذبحهم اهو صج ما قتل كوشيرو بس اهو قلد صوت اكيجنو وكاجيرو ذبحته بما انه ما يشووف كانت خطة خايسه منه لمن ذبح اكيقنو وخلى عمره تنزن وذبح ايشماروو دونو بما انه خلى صوته تنز نصج واكثر واحد استانست لمن مات


لــ 4 حلقات كلها اعاده للحلقات..مادري ليش حطوها..بس الأنمي رهيب..وفي مقطع رهيب..في آخر الحلقه 25..مع الساوند تراك كان المقطع رهيب..وأحسن الشخصيات كانت تسومي ودارسيا ساما..أما أكره وحده جاغرا..ترفع الضغط..وماقهرتني الا لمن قاعده تشرب الدم ..>_>
انا المشكله رحت وجيكت على الجزء اللي شريته طلعت مو شاريه الحلقات من 23 لحد 25مو عندي ولمن شفت حلقة26 طلعت بلو ماتت فوقفت عشان ما اخرب على عمري..

TNT-BOY


انا صاحبي عنده للـ24 بس ما اريد اخذه منهم اله كاملين
البارحة لعيت على راسه وخليته ياخذ اشتراك صاحبه في الستريم لود وبيشتغل تنزيل عليه
زين تسوي انا قاعده اترجى رفيجتي تنزلي من 40 فوق بما انها عندها DSLبس عندها عل بروجكات اهم من مونستر الا اهم GOONG AND MY GIRL DRAMA KOREA#_#



هيهيهي
تدري ان هل مشهد لحاله اخذ علي انا وقولدين ساعتين بس نحلل فيه وفي النظرات
كنا نحاول نعرف نية قريفث شنو؟
قريفث اصلاً ماكان يعرف شنو يريد
بس الشي اله استوعبه انه من بدا مشواره في الجيش وهو يضحي بجنوده
والجسر اله انبنى على جثثهم قرب يوصل للقلعة كان ناقص فقط اجسام جنوده اله معاه في الخسوف
بس العقل شي وحبه لقاتس شي ثاني

ترى حده مو صاحي عشان حلمه يتخلى عن ربعه اي شي والله وصج يبط الجبد ..وصح ماكان محدد لحد ما شاف جتس وتذكر الولد الصغير اللي مات عشان كان بس يبي يصير معاه بالجيش..


بالعكس
قريفث قلب كيان قاتس وغيره اكثر من اي انسان آخر
بس جاتس كان يريد يصير صديق على مواصفات قريفث اله قالها للاميرة لما كانو على النافورة وكان بما معناه "صديقي ليس من هو تابع لي" ان ماخانتني الذاكرة S:

اييي هالمشهد شكيت بجتس لانه الخلفية اللي وراه صارت سودة وطلع برق يعني حيل انصدم من حجيه واهو يعني كان حاط سيفه تحت خدمته جذي افترق عنه عشان جريفث يصير صديقه ........


علاقة قريفث بجاتس من اكثر العلاقاة المعقدة اله شفتها في الانيمي
بس الشي اله اعرفه انهم حبوا بعض....وحبو بعض واااجد
بس اكيد اثنينهم Stright

صج والله كنت اشك بجريفث انه GEY بس زين طلع اوكي^_^ بس بعد هذا حبهم مريض مو حب اصدقاء هذا رايي..


حزيتها XD
الانيمي حلو ويجيب هدوء داخلي وطمئنينة <<<<TnT had feminise side :S
انتي شاهدتيه كامل ؟
يعني الموسمين والـSpecial اعتقد 5 ؟
وفي له موسم ثالث بينزل نهاية السنة
بيكون OVA ماعرف كم حلقة
بس احس اشكالهم مختلفة شوي...وهذا المفروض بما انهم كبرو

اي يبتها انا طالعت 13 حلقة بس صراحه ما فهمت شي للامانه البطله تحب ام شعر اسود بس ام شعر اسود تحب ولد خالتها اللي اهو خطيبها بس اهو ما يبادلها شعوور ومع هذا تحس في شي غريب بينهم لوول ما شفت الاوفا وما اعتقد بكمله^_^


وشنو اخبار الـlurk معاك ?
لوول من ذاك اليوم اللي علمتني فيه دشيت وراه مرة وتعقدت وطلعت بس رفيجتي ميته وتعلم الطريقه تقوول احسن من اشتري من النت نفس الحين ودي اكمل PAWER بس ما تلاقها الا LURKفذاك اليوم دقت علي تبي تعلم مني جان اقوولها ما اعرف وطرشتها على رومكم بس ما كان في احد يساعدها^_^

shadow man

هااااااااااااااااااااااي
هاايااااات^_^


والله شفتي انيميهات حلوه اختي
بيرسيرك يبيلك تشوفي مانجته يوووووووووه لا تفوتك اختي ^^
بجد احلى من المسلسل بكثير هي افضل مانجا قرأتها لحد الان
بس انا عندي لين الفوليوم 25 -_- ما لقيت الباقي لحد الان
اي واحلى شي اني شفتهم ورى بعض وبعد وياهم فل ميتال الكمست ونهايته غريبه بس كمله فلمه
وعلى مانجا بيرسك ان شاءالله انزلها باقرب وقت+^_^+


هي هي هي ايوه جابو الدليل هههههههههه
@_@ الدليل قصدكم اللي بالانيمي يمكن جتس بس جريفث شكيت فيه لانه يقعد يذكر جتس يعدين انكمش على نفسه فما دش مزاجي حركته هذي..



باسيليسك انمي خطير الدراما اللي فيه عنيفه بالمره اكثر شي عجبني فيه القصه الرائعه اكثر من اساليب القتال والكلام ذا
فيه قصص حب بالرغم من الكره والقتل <<<<<<< دائما ينظر للجوانب الرومانسيه هههههه
المهم الانميات الاثنين مونستر وماريا ما شفتهم بس ان شاء الله قريبا ^^
سايونارا ^^

باسليسك خطير بس عيبه انهمم ما وضحوو شخصيات الابطال عدل يعني اول خمسه لمن ماتوو ما تاثرت بموتتهم كانت عندي عادي..
والرومانسيه الي فيه عجيبه وخصوصا اكينجيوو ووكيشروو سالفتهمT__T

UCHIHA_ITACHI


بيسيليسك الصراحة روعة
انا بالصدفة كنت مع رفيجي ولا يحط الموفي لايف اكشن لبيسيلسك ووقتها كنت ما شفته
و بنفس اليوم شفت بيسيلسك
بس الموفي غير عن الانيمي
خصوصا النهاية الانيمي ما توقعت نهايته تكون جذي
هلا ايتاشي ..يعني مغيرين القصه بلايف اكشن وجم ساعه مدته؟؟
الانيمي نهايته عجبتني وخصوصا حركت جينسوكو ساما لمن يوقع الورقه انها اوبورو اخر وحده كانت عايشه معنها اهي قبله ماتت

S A T A N



هلا فيك اخوي
أبغي أفهم أنتو ليش غاويين تخصرون اعماركم ... نزلو من الانترنت.
أنا بأول أيامي شتريت بس ألحين مستحيل ... والانترنت ما يقصر كل الي على بالك بتحصله ولو كان من سنة كح و ..

لوول اول شي اختي ثاني شي مو عن تخسير فلوس بس انا من ربع دايل اب وبطيئ التنزيل يعني لمن انزل حلقة على الاقل تاخذ مني ثلاث ايام وشبك متواصل يعني بيتنا ماراح يرضوون فارووح اشتري الانميات كامله بدوون ما انطر متى اكمل الحلقة تنزيلها وافك عمري يمكن الانيمي الوحيد اللي وصلت في تنزيله اهو بليش نزلت 79 حلقةمنه


المهم
أنت تقول أنك تحمست من ردود الاعضاء وكلامهم عن هالانميات (جمع أنمي ) ...
وأنا اقولك أنك شجعتنا بدورك أنا نتابع هالمسلسلات مع انها قديمه بعض الشيء ...
تشكرات..بس مو قدامى حيل باسيلسيك 2004 اهو ومونستر بس بيرسك اي قديم^_^


أول ما نزل بالانترنت حملت اول خمس حلقات ولين ألحين محبوسه في السيدي وما شافت النور ...
بس كل المواضيع والردود كانت تمدح بهالانمي .... للصراحه ما احد ذمه ونت زدت الحماس ...
الحين بعد الرد بشوفه ...^^
أسولف
لوول شووفه ماراح تخسر شي والانيمي حتى الحلقات العاديه فيه تلاقيها وايد حلوة
مسلسل مغبر بس بعد أسطوره من الاساطير الرسم لا يعلا عليه...
.

قتال ... دراما ... رعب ... ( كل حاجه موجوده فيه )
موجود عندي بعد ومترجم عربي .. ترجمة نون العرب ... الله يخلي المترجمين العرب ..:أفكر: ما قصرو
انشاء الله بالقريب العجل ... بشوفه
خلني اخلص من اسكفلوني ...و عقب ... خير ..
تمام هيك خيو ...
لا في مسلسل اخير بعد
ماشاءالله عليك كل شي عندك عيل ليش الكسل ما اطالع ..وانا نزلت من موقع عربي بيرسك اول خمس حلقات بس الله لا يراويك الكوالتي مالت الحلقة تلووع الجبد انا ما اشووف صور بس اشووف ترجمه^_^
تمام هيك خيوو تصحيح انا خيتو مو خيوXD



الي ياك من طرف عبد العزيز .... من كلامك باين أن مخرج هالانمي له علاقه بنجدت أنزور ..
غاوي قتل بهالشخصيات ... المهم بأقرب فرصه بشوفه وبقولك رايي عنه ... خمس ست سبع سنين ما بطول ..

لوول اي كله موت في موت وتذابح
لووووووول هذا اذا كنت عايش بعد خمس سنين:P


TNT-BOY لو يمدح سابق ولاحق جدامك صدقني بتشوفه...^^
مشكور على الموضوع وبالتوفيق

لوول صح كلامك دايما اللي يتحجى عنهم انزلهم من مانجا ولا انيمي اهو توكي وايد استانس على ذوقهم معنه ذوق تنت غريب شوي بالمانجا والعفوو وموفق ان شاءالله^_^
abdulaziz1
14-06-2006, 10:30 PM
باسيليسك انمي خطير الدراما اللي فيه عنيفه بالمره اكثر شي عجبني فيه القصه الرائعه اكثر من اساليب القتال والكلام ذا

فيه قصص حب بالرغم من الكره والقتل <<<<<<< دائما ينظر للجوانب الرومانسيه هههههه

خخخخخخ..

أحلى شي ان فيه حقد و كره وحب وقتل وكل شي..XD


يعع سايمون صج كرهته اكثر واحد ذبحهم اهو صج ما قتل كوشيرو بس اهو قلد صوت اكيجنو وكاجيرو ذبحته بما انه ما يشووف كانت خطة خايسه منه لمن ذبح اكيقنو وخلى عمره تنزن وذبح ايشماروو دونو بما انه خلى صوته تنز نصج واكثر واحد استانست لمن مات

حتى هم قتلو اختو!!

وتراكي نسيتي هوتاروبي..والله قربت أبكي لمن ماتت..من جد حزنت..من أحلى المشاهد..

بس بصراحه سايمون رهيب..وبعدين ترى في الحقد والكره مافي زي تنزن ساما..:D

هدا مجبور يقتل..حتى لو تلاحظيه لمن يتكلم أو يتضارب..تحسيه حزنان..


انا المشكله رحت وجيكت على الجزء اللي شريته طلعت مو شاريه الحلقات من 23 لحد 25مو عندي ولمن شفت حلقة26 طلعت بلو ماتت فوقفت عشان ما اخرب على عمري..

لا..محد مات في 26!! تقطيع القلب يبدأ بعدها..في الأوفا..:02:


هلا ايتاشي ..يعني مغيرين القصه بلايف اكشن وجم ساعه مدته؟؟
الانيمي نهايته عجبتني وخصوصا حركت جينسوكو ساما لمن يوقع الورقه انها اوبورو اخر وحده كانت عايشه معنها اهي قبله ماتت

يقولو بس 5 شخصيات من كل قبيله!!


تشكرات..بس مو قدامى حيل باسيلسيك 2004 اهو ومونستر بس بيرسك اي قديم^_^

باسلسك 2005..
shadow man
15-06-2006, 02:21 AM
@_@ الدليل قصدكم اللي بالانيمي يمكن جتس بس جريفث شكيت فيه لانه يقعد يذكر جتس يعدين انكمش على نفسه فما دش مزاجي حركته هذي..



في المانجا جايبين كل الادله لجريفث وجتس ^^


أبغي أفهم أنتو ليش غاويين تخصرون اعماركم ... نزلو من الانترنت.


ما عندي دي اس ال ولا اتصال فضائي لسه على الدايل اب
يبقى لما يجي الدي اس ال بيتنا ما راح اخصر نفسي هههههههه

واصلا بطلت اشتري <<<< ورى اصحابه بالانمي صارو هم اللي يشترون خخخخخ
TNT-BOY
15-06-2006, 05:08 AM
shadow man


بس انا عندي لين الفوليوم 25 -_- ما لقيت الباقي لحد الان
تعلم على اي برنامج مشاركة وبتلاقيه فيه اكيد S:
انا ما ادري ليش سادة نفسي اقرا الفوليوم 30
نهاية الـ29 تحمس بس جتني خيبة امل في اول الصفحت من الـ30 فكان اسكرها من القهر

Satan

موجود عندي بعد ومترجم عربي .. ترجمة نون العرب ... الله يخلي المترجمين العرب ..:أفكر: ما قصرو

انا اخوي قبل كم يوم جاب سكربتات الترجمة له كامل
بس متأخر واااااااااااااجد
من بعد ما شاهدناه


TNT-BOY لو يمدح سابق ولاحق جدامك صدقني بتشوفه...^^

هيهيهيهيهي
الله لايجيب هل يوم XD

Fuu~Chan


GOONG AND MY GIRL DRAMA KOREA#_#
قونق هذي مسوية زحمة واجد
بس للحين مانا مقتنع اقراها


ترى حده مو صاحي عشان حلمه يتخلى عن ربعه اي شي والله وصج يبط الجبد ..وصح ماكان محدد لحد ما شاف جتس وتذكر الولد الصغير اللي مات عشان كان بس يبي يصير معاه بالجيش..

هو في باله بما انه ضحا بالكثير ولم يبقى اله القليل
وان جيشه اصلاً من شدة ولائهم له مستعدين بالتضحية له
فقال " هي خاربة خاربة خلينى نعميها" :o


بس بعد هذا حبهم مريض مو حب اصدقاء هذا رايي

الاولاد مهما كانو اصدقاء لازم يكون في محال للمنافسة والتحدي بينهم
يعني مهما كان يضلو اصدقاء


اي يبتها انا طالعت 13 حلقة بس صراحه ما فهمت شي للامانه البطله تحب ام شعر اسود بس ام شعر اسود تحب ولد خالتها اللي اهو خطيبها بس اهو ما يبادلها شعوور ومع هذا تحس في شي غريب بينهم لوول ما شفت الاوفا وما اعتقد بكمله^_^

السالفة ومافيها
ان المدارس الكاثوليكية عندهم نظام "السوير = اخت بالفرنسية"
يعني كل وحده من مجلس ادارة المدرسة -بيت الزهور- تاخذ "اخت" اصغر منها خاصة بها تكون مساعدتها فشيموكو "ام الشعر الاسود" اختارت يومي "الصغيرة ام الشعر البني" كأخت لها
طبعاً هل السوير تاخذ لها بنت بعد يسمونها "بيتي سوير"
طبعاً يتخلل هل شيء حب حنان <<<<<< شي اشوف الاولاد يسوونه كل يوم في الواقع + النت XD
وهم زهور حمرا + بيضا + صفرة
كان عندي صورة من المانجا تشرح هل شي بالرسم بس مادري وينهي وفي اي فوليوم
وانا ناسي الالوان تعود على من
سالفتها مع ولد خالتها هو ان عايلتهم تقليدية فالاباء هم اله يعملو الزيجات بعدم اخذ رأي البنت او الولد
يعني هي ماهي مقتنعة بولد خالتها بس مجبورة عليه


لوول من ذاك اليوم اللي علمتني فيه دشيت وراه مرة وتعقدت وطلعت بس رفيجتي ميته وتعلم الطريقه تقوول احسن من اشتري من النت نفس الحين ودي اكمل PAWER بس ما تلاقها الا LURKفذاك اليوم دقت علي تبي تعلم مني جان اقوولها ما اعرف وطرشتها على رومكم بس ما كان في احد يساعدها^_^

آها~
يمكن لان ديك الفترة كانت اختبارات فماحد كان قريب للجهاز
الحين هل فترة الشباب متواجدين بكثرة في القناة وافضل لو تدخل ARAB-no-Kagayaki لان انتقلنا ليها الحين
زين ذكرتيني بباور قبل اسبوعين قريت فوليوم10 والاخير
كان جيد
بس الفوليومات اله قبله ضحكتني اكثر



لوول صح كلامك دايما اللي يتحجى عنهم انزلهم من مانجا ولا انيمي اهو توكي وايد استانس على ذوقهم معنه ذوق تنت غريب شوي بالمانجا والعفوو وموفق ان شاءالله^_^

شي جميل !
وانا على بالي اني اسولف لحالي في موضوع المانجا :D
shadow man
15-06-2006, 11:36 AM
تعلم على اي برنامج مشاركة وبتلاقيه فيه اكيد S:
انا ما ادري ليش سادة نفسي اقرا الفوليوم 30
نهاية الـ29 تحمس بس جتني خيبة امل في اول الصفحت من الـ30 فكان اسكرها من القهر


ان شاء الله اخوي بس الحين اتصالي ما يدعم اني اشتغل على اي برنامج مشاركه للأسف ^^

بس ان شاء الله القاهم قريب بالايزي واي هههههههه

<<<<<< خيبة امل !! -_-
fuuchan
19-06-2006, 11:00 PM
سلااااااااااااام

توني راده من التاز شريت جزء الرابع والخامس من مونستر عبالي بس يوقف على الخامس طلع اكوو جزء سادس ما ادري اشووف الحين او اكمل السادس...

abdulaziz1



حتى هم قتلو اختو!!

وتراكي نسيتي هوتاروبي..والله قربت أبكي لمن ماتت..من جد حزنت..من أحلى المشاهد..

بس بصراحه سايمون رهيب..وبعدين ترى في الحقد والكره مافي زي تنزن ساما..:D

هدا مجبور يقتل..حتى لو تلاحظيه لمن يتكلم أو يتضارب..تحسيه حزنان..


لووول انا عندي عادي على هوتابري اللي زعلت عليه صج اهي اوكيقنو لمن ماتت وكوشيرو دونو بغيت ابجي عليهمT__T

TNT-BOY



قونق هذي مسوية زحمة واجد
بس للحين مانا مقتنع اقراها

انا مو حيل عاجبتني المانجا تبعه بس لايف اكشن عجيييييييييييييييييب^_^


الاولاد مهما كانو اصدقاء لازم يكون في محال للمنافسة والتحدي بينهم
يعني مهما كان يضلو اصدقاء

ومنكم نستفيد+^_^+


السالفة ومافيها
ان المدارس الكاثوليكية عندهم نظام "السوير = اخت بالفرنسية"
يعني كل وحده من مجلس ادارة المدرسة -بيت الزهور- تاخذ "اخت" اصغر منها خاصة بها تكون مساعدتها فشيموكو "ام الشعر الاسود" اختارت يومي "الصغيرة ام الشعر البني" كأخت لها
طبعاً هل السوير تاخذ لها بنت بعد يسمونها "بيتي سوير"
طبعاً يتخلل هل شيء حب حنان <<<<<< شي اشوف الاولاد يسوونه كل يوم في الواقع + النت XD
وهم زهور حمرا + بيضا + صفرة
كان عندي صورة من المانجا تشرح هل شي بالرسم بس مادري وينهي وفي اي فوليوم
وانا ناسي الالوان تعود على من
سالفتها مع ولد خالتها هو ان عايلتهم تقليدية فالاباء هم اله يعملو الزيجات بعدم اخذ رأي البنت او الولد
يعني هي ماهي مقتنعة بولد خالتها بس مجبورة عليه

بس سالفتهم سخيفه صراحه انها تخدم ONESAMAمالتها وتيبلها شاي وبعدين القصه بارده ومافي شي تتحمس له>>>>>>علشان مافي بالقصه اولاد^_^


آها~
يمكن لان ديك الفترة كانت اختبارات فماحد كان قريب للجهاز
الحين هل فترة الشباب متواجدين بكثرة في القناة وافضل لو تدخل ARAB-no-Kagayaki لان انتقلنا ليها الحين
زين ذكرتيني بباور قبل اسبوعين قريت فوليوم10 والاخير
كان جيد
بس الفوليومات اله قبله ضحكتني اكثر
لوول الحين اهي لاب توبها طاح وانكسرت شاشه نبي دعائكم عشان يتصلح انميات والمانجات اللي منزلينها يمكن ترووح عليناT_T


شي جميل !
وانا على بالي اني اسولف لحالي في موضوع المانجا :D
لوول لا ما تسوولف برووحك انا اتعايز ادش الموضوع مو عن شي بس تتكلمون عن مانجات ما اعرفها فما اعرف اقط ويهي بينكم XD
Yamato
20-06-2006, 12:19 AM
راسي داخ.. وااا بويييه.. @_@!

كل رد فيه سبويلر بعرض البحر (&)

خفوا الدعس يا ناس.. في ناس تدش ولا هي عارفة شو السالفة (زي حالاتي)
قاعد اقرا عن بيرسيرك وانا اقول لعمري راح تنسى اللي قريته يا عمري -__-!

المهم..
كل هالردود طوفتها.. اخاف في شي يحرق شي..
وما عاد ينفع اتكلم عن الانميات يا فووشان


اللهم انه مونستر احسنتي باختياره.. واحده من احسن القصص.. والاخ ميبو ما قصر بموضوعه ايضا..
ومثل ما قال.. الانمي كان ماشي على خط المانغا بالضبط..

وفيلم باسيليسك حلو للي ما شاف الانمي (زي حالاتي (&) )
بس بنشوف الانمي قريبا

وبيرسيرك.. قاعد انزل المانغا.. وقريبا بيوصلني الانمي.. :196:

وسلام (&)
TNT-BOY
20-06-2006, 04:43 AM
shadow man
الحال من بعضوا
بس مازلنا نكافح XD

fuuchan

بس سالفتهم سخيفه صراحه انها تخدم ONESAMAمالتها وتيبلها شاي وبعدين القصه بارده ومافي شي تتحمس له>>>>>>علشان مافي بالقصه اولاد^_^
هيهيهيهيهيهي
مادام البنات يقدروا يدبرو حالهم بدون اولاد مافيش مشكلة :D
عاد هل انيمي فيه شي غبي ان حتى اخو يومي له علاقة -مشكوك بامرها- بنسيب شيموكو
ما يندرا كيف اهلهم تزوجو دوله......
اي والهل شنو هل روزاناري اله تذل الواحد صايرة زي الخادمة عندهم @_@
بس فيه حلقات درامية حلوه
النهاية -اتكلم عن الجزء الثاني- كانت جيدة عجبني المزيج اله عملوه بين الماضي والحاظر


لوول الحين اهي لاب توبها طاح وانكسرت شاشه نبي دعائكم عشان يتصلح انميات والمانجات اللي منزلينها يمكن ترووح عليناT_T
يالله ~
تقدري ترا تفكين الهاردسك وتحطيه في box خاص وتستخدميه من الـUSB
في حال ماتريدي تنتظري الين ما يتصلح


لوول لا ما تسوولف برووحك انا اتعايز ادش الموضوع مو عن شي بس تتكلمون عن مانجات ما اعرفها فما اعرف اقط ويهي بينكم XD
لو انتي تستحدمي irc كان كل مرة نتكلم عن مانجا تقدري تنزليها وتقريها S:
ما ادري ليش ما تفكري تستخدميه مادام انتي معتمدة على صديقتك؟

Yamato
انا كان قلبي حاس ان في كم واحد بينصادو في السبويلر
بس بسيط يابني اتمنى انك ماقريت المقطع اله قلت ان.........قاتس بيموت وكاسكا <<<<< خوفتك صح P:
شاهد > اقرا > استمتع بهم لانك متأخر عليهم انت والولد الداج (&)
fuuchan
22-06-2006, 03:05 AM
YAMTOO
حيااك اخوي بالموضوع ^_^


راسي داخ.. وااا بويييه.. @_@!
كل رد فيه سبويلر بعرض البحر
خفوا الدعس يا ناس.. في ناس تدش ولا هي عارفة شو السالفة (زي حالاتي)
قاعد اقرا عن بيرسيرك وانا اقول لعمري راح تنسى اللي قريته يا عمري -__-!
المهم..
كل هالردود طوفتها.. اخاف في شي يحرق شي..
وما عاد ينفع اتكلم عن الانميات يا فووشان

لوووووووووووول غلطه مني اني ما كتبت هالموضوع بس حق السبويلرات ..لوول ولن شاءالله تنسى كل اللي قريته^_^
مو لازم تتحجى عن الانميات بس نصيحه انك اطالعهم وخصوصا باسليسكT_T


اللهم انه مونستر احسنتي باختياره.. واحده من احسن القصص.. والاخ ميبو ما قصر بموضوعه ايضا..
ومثل ما قال.. الانمي كان ماشي على خط المانغا بالضبط..
وفيلم باسيليسك حلو للي ما شاف الانمي (زي حالاتي )
بس بنشوف الانمي قريبا
وبيرسيرك.. قاعد انزل المانغا.. وقريبا بيوصلني الانمي..
وسلام

مونستر صج مو طبيعي وصلت حلقة65 لانا قاعده اطالعه وميته من الخرعه ...
خصوصا حلقة THE CRULEST THINGالولد الصغير كسر خاطري وحركة يوهان الحقيرة فيه كل يوم عن يوم يزيد كرهي ليوهان
وودي اعرف قصة فرانك بونابرت ..اللهم صبرك يا رووح ما ادري متى برووح مرة ثانيه تاز
بحاول انزل فلم باسيلسك بما انك تمدحه^_^
ومتى ما شفت بيرسك نبي رايك فيه^_^

TNT-BOY


هيهيهيهيهيهي
مادام البنات يقدروا يدبرو حالهم بدون اولاد مافيش مشكلة
عاد هل انيمي فيه شي غبي ان حتى اخو يومي له علاقة -مشكوك بامرها- بنسيب شيموكو
ما يندرا كيف اهلهم تزوجو دوله......
اي والهل شنو هل روزاناري اله تذل الواحد صايرة زي الخادمة عندهم @_@
بس فيه حلقات درامية حلوه
النهاية -اتكلم عن الجزء الثاني- كانت جيدة عجبني المزيج اله عملوه بين الماضي والحاظر

لوووووووووووووووووووووووووووول
عجيييب حتى اخوها ..تربيتهم اي شي^_^
اي ذل والله وتخاف اونيسما تزعل عليها ومرة ادلعها ومرة تهاوشها ماكو شغل صج
انا شفت جزء الاول والحلقة الدراميه اللي كانت فيه حلقة11^__________________^


يالله ~
تقدري ترا تفكين الهاردسك وتحطيه في box خاص وتستخدميه من الـUSB
في حال ماتريدي تنتظري الين ما يتصلح

اي والله حالتنا حالة قمنا نطر من اخوها ينزلنا على جهازه>_>
اهي الحين موديته عند مصلح بس طالب منها 100دينار تقريبا يعني بالسعودي اكثر من 1000ريال
وامها مستانسه انه خرب وافتكت من الانمياتXD


لو انتي تستحدمي irc كان كل مرة نتكلم عن مانجا تقدري تنزليها وتقريها S:
ما ادري ليش ما تفكري تستخدميه مادام انتي معتمدة على صديقتك؟


انا اغلب المانجات انزلها مو اهي بس حده صعب ايرسي ويتعب#_#
abdulaziz1
22-06-2006, 04:35 AM
لووول انا عندي عادي على هوتابري اللي زعلت عليه صج اهي اوكيقنو لمن ماتت وكوشيرو دونو بغيت ابجي عليهمT__T

والله هوتاروبي أكتر وحده حزنت عليها..وبعدها أكيجينو..أما كوشيرو حزنت عليه..لكن كان باين انو حيموت وقتها..سايمون ماحزنت عليه مع انو يعجبني..ونينكي قلت أحسن لمن مات..:D ..هو وروساي والعنكبوت..موتة الصلعاوي تحزن..جينغورو يعني..مو مره..تنزن ماحزني بس يعجبني..وأخت سايمون برضو موتتها تحزن..

بس أحلى موتتين حقت هيوما وسايمون..

وفي شي كمان عاجبني..أغنية البدايه..اليوم نزلتها كامله..والله مره حلوه..
fuuchan
22-06-2006, 04:50 AM
هلاا عبدالعزيز


والله هوتاروبي أكتر وحده حزنت عليها..وبعدها أكيجينو..أما كوشيرو حزنت عليه..لكن كان باين انو حيموت وقتها..سايمون ماحزنت عليه مع انو يعجبني..ونينكي قلت أحسن لمن مات..:D ..هو وروساي والعنكبوت..موتة الصلعاوي تحزن..جينغورو يعني..مو مره..تنزن ماحزني بس يعجبني..وأخت سايمون برضو موتتها تحزن..

بس أحلى موتتين حقت هيوما وسايمون..

وفي شي كمان عاجبني..أغنية البدايه..اليوم نزلتها كامله..والله مره حلوه..

لوول الحين قاعده اكتب الرد وانا اطالع باسليسك مع اختي لوول حتى قبل شوي كانت واصله حلقة كوشيروو لمن يقوول تنزن ساما واقوولها هذا الموقف عاجب عبدالعزيز اللي بالمنتدى يقوول احلى شي^_^

الحين قاعده اطالع قتال جينوسكي وتنزن^_^
اللي بجيت فيهم اكيجنو وكوشيرو واكقيروري موتاتهم تعور القلبT_T
abdulaziz1
22-06-2006, 09:58 AM
هلاا عبدالعزيز

..

لوول الحين قاعده اكتب الرد وانا اطالع باسليسك مع اختي لوول حتى قبل شوي كانت واصله حلقة كوشيروو لمن يقوول تنزن ساما واقوولها هذا الموقف عاجب عبدالعزيز اللي بالمنتدى يقوول احلى شي^_^

الحين قاعده اطالع قتال جينوسكي وتنزن^_^
اللي بجيت فيهم اكيجنو وكوشيرو واكقيروري موتاتهم تعور القلبT_T

خخخخخ..

خساره الحلقه مهي موجوده حقت كوشيرو..

ومين أكقيروري؟

وأكيجينو وهوتاروبي اكتر ناس حزنوني..

بس أغنية البدايه..والله رهيبه..خاصة وهي كامله..

وبالنسبه لقتال تنزن وجينوسكي..حلو..

بس تقريبا أحلى قتال..لمن يتجمعو عند الكوجا..وكوشيرو ينفخ على أخو العنكبوت..ولمن العنكبوت يحطهم في الشبكه..وهوتاروبي تنقذهم..

بصراحه الحلقات كلها حلوه..

وبرضو من الحلقات التوب عندي..الذكريات حقت هيوما وجينوسكي..والله هيوما من جد أفضل شخصيه في الأنمي..
sleeplessgirl
22-06-2006, 04:41 PM
السلاام

توني خلصت Basilisk (http://www.animenewsnetwork.com/encyclopedia/releases.php?id=6503)
ماقدر اقول غير انه عجيب..

الشخصيات القصه .. بجيت بالنهايه يومGennosuke مات ..لا ومشهد يوم عيونه تتبطل و يشوف Oboro تموت جدامه..

طبعا احلى شخصيهSaemon طريقته بالقتل حلوه تحسونه يتلاعب بالنفسيات ..

وتوني قاعده افتر بالمواقع ادور شغلات عن Basilisk (http://www.animenewsnetwork.com/encyclopedia/releases.php?id=6503)اكتشفت شغله حلوه ... انه المؤديه لصوت Oboro اهي نفسها الي تغني اغنيه النهايه wILD EYE و اسمها Nana Mizuki (http://www.animenewsnetwork.com/encyclopedia/people.php?id=436) .. وطبعا اهي نفسها اللي تؤدي صوت هيناتا بناروتو ...شوفوا

http://www.animenewsnetwork.com/encyclopedia/people.php?id=436

ومين أكقيروري؟


Akeginu مرافقه Oboro

[QUOTE][وبرضو من الحلقات التوب عندي..الذكريات حقت هيوما وجينوسكي..والله هيوما من جد أفضل شخصيه في الأنمي../QUOTE]

طلع خاله .. انصدمت انا يوم دريت ... بس موتته تحسسك انه واحد ذكي بس حرام Koshiro
ين لانه عمي :(
Tensen حده حقير ..ويعد Nenki مااحبه لانه ذبح اخت سايمون

اوكي انا برووح .. ايطاليا بتيدي مباراتها ان شاء الله تفوز:)
abdulaziz1
23-06-2006, 09:54 AM
الشخصيات القصه .. بجيت بالنهايه يومGennosuke مات ..لا ومشهد يوم عيونه تتبطل و يشوف Oboro تموت جدامه..

والله أنا حسيت انهم حيموتو..بس ما أتوقعت ينتحرو..أتوقعتها مأساويه أكتر..:D ..زي الجد والجده..حتى في البدايه..لمن الصقر و الحنش يقعدو يقتلو في بعض!!


طبعا احلى شخصيهSaemon طريقته بالقتل حلوه تحسونه يتلاعب بالنفسيات ..

والله سايمون وهيوما ارهب اتنين..

سايمون ماكان حاقد غير على ننكي..أما الباقين يقتلهم وهو حزنان..بس صراحه عجبني لمن قتل هوتاروبي وفي نفس الوقت حزنت..المقطع كان خرافي..وبالذات لمن كانت تطيح وهو يطل!!

وحتى لمن مات..كانت الموتة خطيره..


وتوني قاعده افتر بالمواقع ادور شغلات عن Basilisk اكتشفت شغله حلوه ... انه المؤديه لصوت Oboro اهي نفسها الي تغني اغنيه النهايه wILD EYE و اسمها Nana Mizuki .. وطبعا اهي نفسها اللي تؤدي صوت هيناتا بناروتو ...شوفوا

والله أنا لي مده أدور صور لهيوما..بس مالقيت..>_>

وعلى فكره..صوت جينوسكي نفس كيبا..مني متأكد..لكن نفس الصوت..


Akeginu مرافقه Oboro

ايوة دي نعرفها..الظاهر غلط مطبعي..:D


طلع خاله .. انصدمت انا يوم دريت ... بس موتته تحسسك انه واحد ذكي بس حرام Koshiro
ين لانه عمي

كوشيرو رهيب..بصراحه ما أتوقعت هيوما يموت بدري..بس على الأقل أحسن موتة موتتو..:biggthump


Tensen حده حقير ..ويعد Nenki مااحبه لانه ذبح اخت سايمون

تنزن حقير..بس الصراحه حقارتو تخليه من جد رهيب..شخصيه جباره الصراحه ^^

أما ننكي معفن..:09:


اوكي انا برووح .. ايطاليا بتيدي مباراتها ان شاء الله تفوز

خساره..هزمونا وطلعونا..>_>
abdulaziz1
27-06-2006, 10:02 PM
الرد فيه سبويلرات كتيره..فلحد يقرأ غير الا شاف الأنمي..

Shura No Toki..

كملت الأنمي من كم يوم..

إبدااع..وخاصة قصة إيزومي..

قصة ياكومو..عاديه..يرتفع مستوى المسلسل مع قصة تاكاتو..ويرجع عادي في بداية قصة تاكاتو..بس من بعد الحلقه 19..إبداااااااع..وخاصة لمن ساكاماتو ريوما مات..تعابير وجه إيزومي!! والشاشه الحمراء..وقهر ايزومي مع الموسيقى..والله ديك الحلقه إبداع..

أما أفضل شخصيه في الأنمي ككل..توشيزو هيجيكاتا..رهيب! أعز أصحابو ماتو..ومانزل ولا دمعه..وعجبني لمن جاه خبر بس اوكيتا..قال!!

لا تخاف..ماحنزل ولا دمعه عليه..لأني ماسويتها لمن مات كوندو (الظاهر هذا اسمو..ناسيه والله)..ورجع قلو متى حتوقف..قال..الين ما أوصل للجحيم!!

مرض أوكيتا كان رهيب..محلي المسلسل..يعني كان حتى ممنوع من المشي..أتغاضى عن كل شي..وقام..وطلع السيف..وقال موتتي تكون في ساحة قتال..مو من المرض..أبغى أموت موتة شريفه!! موتة قوية!! << ماقالهم..بس كان يقصدهم..

ونفس الشي من طرف إيزومي..عارف انو المرض ماراح..بس مدام وعد لازم يوفي بالوعد..وبالرغم من الحزن..ضرب بكل قوتو!!

لمن أوكيتا قال لإيزومي (أول ما ريوما مات)..جيت هنا ودخلت كأن مافي أحد..لازم أوقفك أو أتقاتل معاك..قلو ايزومي..ماحيكون انتصار اني أقاتل شخص مريض..وقال..أوعدك لمن تنشفي حقاتلك..قال أكيد؟ قلو وعد واحد فقط لم أفي به!! (حلم ساكاماتو ريوما)..

آخر مقطع في الأنمي..مع الموسيقى..إبداااع..لمن هيجيكاتا أقتحم الجيش وكلهم يطلقو عليه..مع الموسيقى..كان مقطع خرااااااااافي..

أروع حلقات في الأنمي..من قبل موت ساكاماتو ريوما بحلقه..لآخر حلقه..

وفيه قصة سانادا سايمونسكي (يوكيمورا)..صح ان الذكريات كانت قليله..لكن كانت رهيب..

موت ساسكي..عجبني لمن أنقذ تسوبورا..المقطع كان رهيب..

لمن جو طالعين..وقابلو مياموتو إيوري..طل تاكاتو عليه بكواره وهيامه..:D ..وقال..تبغى تموت انتا كمان؟ والله مقطع يطرب..:D

لمن هيجاكاتا كان يتقاتل..وقال..أنهزمنا؟!مستحيل..الشنسنجومي ما ينهزمو!! لكن..هل يمكن أن لا تقف السيوف في وجه الزمن!! (مني متذكر الجمله عدل..لكن تقريبا كانت كدا)..

امكن تستغربو..ماحطيت ولا شي عن قصة ياكومو..لأني شايفها من زمان..والصراحه ماكانت بمستوى القصص التانيه..بس إمكن يكون في مقاطع عجبتني بس نسيتها..ان شاء الله حراجع الحلقات بعد فتره..^^

إيجابيات..

الشخصيات - القصص "وخاصة الأخيره" - الرسم - الموسيقى "في كم موسيقى عجبتني" بس بشكل عام يعتبر الـ OST أحلى من أنميات كتير..ومناسب لأجواء وأحداث الأنمي - مدة القتال..امكن البعض يعتبرها سلبيه..بس أنا أشوف وقتها كان حلو..اذا طول القتال..10 دقايق..مو 4 حلقات وعلى الفاضي..الا لو كانو يضمنو انو في أشياء تحلي القتال..مثلا ذكريات..أو حركات وخطط جديده..أما بس ضارب ومضروب..10 دقايق حلوه وبزياده كمان..يعني مثلا..طولو في قتال أوكيتا وإيزومي..لأن كان إيزومي مريض..وفي أشياء تانيه حلوه..يعني كيف واحد مريض يتغلب على المرض...الخ - فكرة القصص..أو قصص الأجيال..

السلبيات..

بداية قصة إيزومي - الرسم برضو..مو دايما..بس في الحلقه 24..كان الرسم غريب وغبي والقتالات..خاصة في البدايه رسمها ماكان قوي بس ينعدل مع الحلقات - القتالات..مافيها شي جديد..بس حلاوتها علاقات الشخصيات والتحديات..وقصرها..أما الضرب مو لديك الدرجه..لأن مافيه أشياء جديده..