ـــ نقاش حول شراء PS3 وألعابه المفضلة ـــ

[HAMLET]

السلام عليكم ورحمة الله وبركاته

في هالموضوع حبيت أشوف وجهة نظركم حول موضوع البلاي ستيشن 3 ، طبعاً باقي 5 شهور على موعد الأطلاق ، ولكن هذا مايمنع أننا نتناقش ( مجرد ثرثرة ) :أفكر: .

بالنسبه لي ، قررت أشتري الجهاز في حال توفرة لدى البائعة على شبكة الأنترنت ، على أي من المواقع التالية :

Amazon.com
GameStop.com
EbGames.com

إلا أنو للحين ماحصلت طلب سابق للجهاز ( pre-order ) :28:

الكثير يتوقع من سوني أنها تخفض سعر الأطلاق المصرح به ، بس ماأتوقع أن سوني راح تقوم بهذه الخطوة على الأقل حتى نهاية السنة 2006 ، لتفكر في تخفيض سعر الجهاز لكلا الأصدارين .

الموضوع مجرد نقاش حر ، وأتمنى من الكل يبدي رأيه في الموضوع

هل يرغب في شراء الجهاز أم سينتظر حتى تتوفر الألعاب وتقوم الشركة بتخفيض السعر المصرح به حالياً

وأتمنى من الأعضاء أن يذكرو لنا ماهي الألعاب المرتقبه من قبلهم ، كا ألعاب يودون الحصول عليها :bigok:

بالنسبه لي ، فيه ثلاث ألعاب فقط وهم :

1. Final Fantasy XIII
2. Resident Evil 5
3. Metal Gear Solid 4

:biggthump

وبصراحه موضوع تيلفزيون الـ HD ، أنا راح أنتظر حتى أشوف فيه فرق بالنسبة لدقة العرض بين التيلفزيون العادي وتيلفزيون الـ HD

هو أكيد فيه فرق ، بس أتكلم يعني هل يستحق أن الشخص يدفع 4500 للحصول على تيلفزيون HD أو سيكون مجرد فرق بسيط ^_^

على العموم كخدمة مني للأعضاء من السعودية الذين يرغبون بالحصول على الجهاز ، ولايعرفون كيفية الشراء من الأنترنت ، قمت بكتابة هذا الموضوع لهم .

http://www.montada.com/showthread.php?t=468331

وأخيراً ليس أخراً أتمنى من الكل يشارك ، وأنشاءالله من خلال هذا الموضوع يستفيد الكل

:jap037:

[kamal muhammad]

انا انصحك بعدم شراء ps3 فور نزوله انتظر اربع شهور.
xbox360 عانى من مشكلة بسبب لانه جديد وهذا حال اغلبية التقنيات الحديثة فلا تستعجل او انتظر لمدة شهر لكي تتأكد ان ps3 خال من الاخطاء.
بالنسبة لي اخطط لشراء ps3 في ديسمبر او سنة القادمة والWII كذالك
اما XBOX360 مازلت افكر.
وشكرا على الموضوع

[HAMLET]

ياكثر اللي ينصحون هاليومين

أخوي kamal muhammad

هل تتوقع أحتاج النصيحه ؟

أنا كتبت الموضوع للي يبي يضيف كلام ورأي عن شخصه وبس ، هل يشتري أو لا ؟

وعلى فكره أنا لما أشتري بلاي ستيشن 3 ، ماأشتري على شأن أفكر فيه أخطاء أو لا بالعكس مافكرت كذا أبد

ياأخي يكفي أن فيه Final Fantasy XIII ^ Resident Evil ^ Metal Gear Solid 4

يعني يكفي أنك تشتري على الجهاز على شأنهم

على العموم شكراً على أضافتك ، ونصيحتك التي تشترى بالجمال ^_^

[kingx11]

انا شاري تلفزيون HD من قبل ماشتري ال360 والسبه اني ابي اجهز نفسي حق السوني وصار له فتره عندي ولا استفدت من مميزات البلازما الا بعد ماشريت ال360 وشفت الفرق حت ىالمسلسلات والبرامج التلفزيوينه اللي تنزلها من النت بصيغة HD تشغلها عليه وتطلع بشكل احلى

فالسوني انشالله اخر هالسنه او السنه الجايه مهما كانت عيوبه فيه ضمان عليه من الموزع المعتمد اكيد وفووق هذا فاينل فانتسي 13 يسيل اللعاب لرسومها والجرافيك القوي هذا وسكوير تقول انها للحين ماخلصت من اللعبه واكيد ماننسى ميتل جير ورزدنت ايفل.....الخ

وماراح اشتريه من هنا اكيد لان سعره بيكون 5000 ريال

من النت بيكون حوالي 1800 ريال ليش الخساير؟؟

والاكس بوكس مب ندمان عليه يسلي وبيمشيني لين ينزل السوني

وان الله احيانا بنشتريه كلنا

[kamal muhammad]

انا اقصد ان كان احد يريد شراءps3 مع لعبة المفضلة لديه في يوم نزول ps3 ينتظر قليلا قد يكون هناك عطل في الجهاز.
مثلا احد اعضاء xbox360 اشترى جهاز فور نزوله مع لعبة واشتكى من ان لعبة تتوقف هاردسك لا يعمل مثل هذه المشاكل حصلت مع PS2 .
وشكرا مرة اخرى.

[ShRsHr]

الالعاب الي بنسبه لك اهي الي بنسبه لي ;)

بس اكيد ماراح اشتري الجهاز اول ماينزل لان الالعاب راح تكون محدوده
وسعر غالي وليش اخسر روحي انطر لمن ينزلون الالعاب الي بالي بعدين اشتريهم
حتى لو نقص سعر القليل

بس في شغله وحده اهي الي راح تخليني اشتري الجهاز اول ماينزل :33:
اذا نزلت لعبة فاينل فانتسي مع الجهاز وشغله هاذي صعبه تصير

ويعطيك العافيه

[emad66]

شكرا علي الموضوع وان اول ماتنزل راح اشتريها لان انا عايز متل جير لان انا الان عملت ليها طلبية اي طلب سابق وما قادر استحمل لي 5 شهور اخري

[عاشق X360]

والله انا ناوي اخذ اكس360 لكني اجلت الفكرة ابي اعرف اخوي انا من المنطقة الشرقية

افكر اشتري الجهاز من جيم ستوب ب1850 ريال طيب كم قيمة الشحن وهل في عروض

يعني احصل لعبتين مجانا وبالنسبة لي أنا أنتظر هذولي:) :


1.ثلاثية Final Fantasy XIII المدمرة
2.Resident Evil 5
3.Metal Gear Solid 4
4.Virtua Fighter 5
5.5 Gran Turismo
6.Tekken 6
7.Devil May Cry 4

:bigok: :bigok: :bigok:

2007 بيكون سنة قوية لPS3 :biggthump

[BADBOY]

بصراحة توني شايف الموضوع و أشكرك أخي الكريم على الموضوع ....

بالنسبة لي سمعت إنها نزلت في أبوظبي بـ 1600 درهم في أحد المجمعات التجاريه ... فبصراحة كنت ناوي أروح اشتريها عقب جم من يوم ... لكن الي صار إنهم قالول لي إن الكميه الي نزلت كانت محدودة جداً و خلصت ... وبتنزل الكميه الجديدة عقب ثلاث شهور ... فأنا محتر جداً جداً جداً جداً جداً ...
و محبط لدرجة ما تتوقعونها .... و بالنسبة لشرائها ... كنت ناوي أشتريها أول ماتنزل أنا و اخواني باسعر الي قلت لكم عليه ... لكن يوم رحت محل من المحلات الإلكترونيات قالي إنها بتنزل بسعر 370دينار:bigeyes:!!! مب درهم!!!! فتحطمت زيادة:( ...

الحين يوم شفت الموضوع استانست لأنها بتنزل في الإنترنت بسعر معقوووول:D

فقررت بإذن الله أول ماتنزل أِتريها ... لكن السؤال الي محيرني هل لها كوبي ولا لاء؟؟

[HAMLET]

هلا فيك أخوي BADBOY

أول شي الجهاز مانزل لا في أبو ظبي ولا في غير مكان

لأنه للحين ماصدر من الشركة

يعني الموضوع اللي سمعته كان أشاعه

الحين مسألة الكوبي ، سلمك الله تروح أقرب سوبر ماركت وتشتري صابون سائل للأيدي

وتغسل يدينك من موضوع الكوبي ( مره مو ليه ) ^_^

لأن الجهاز يدعم تقنية ( بلوراي ) وهي تقنية حديثه ، وتقريباً ماراح نشوف الكوبي إلا بعد ماينكشف طريقة جديدة لكسر هذه التقنية ، وتصبح متوفرة بالكوبي .

تحياتي وشكراً لك على المشاركة

^_^ <<<<< أحباط

[SALM0RE]

انه ناوي اشتري ال360 في هذه السنة . . . فاكيد ماراح افكر في الPS3 الحين . . . بس اذا قررت اني اشتريه فراح انتظر الى 2008 . . . علشان اقل السعر + احتمال صدور العاب كوبي + اعلان الألعاب الجديدة . . . لاني الصراحة مو من عشاق لعبتي MGS:GOTP و DMC4 ( اقوى العاب الى حد الأن على الجهاز ) .

[HAMLET]

هلا فيك أخوي SALMORE

بالتوفيق أنشاءالله

والله أنا أبي سبب بس على شأن أشتري الـ Xbox 360 ، ماحصلت أي سبب

يعني عادي مو مشكله الأنسان يشتري أكثر من جهاز ألعاب ، بس لما تحصل شي يعجبك أكيد ماراح تتردد

تحياتي لك ، ومشكور على الأضافة الجميله

[KING OF DANGER]

السلااااااااااااااااااااااااااام
انا بصبر شوي عشان ينزل السعر الا اذا نزلت اشرطه اوكي بدري

وااتمنى نزول
1-gtaالجديد
2-نيد فور سبيد الجديد
3- السرعه والغضب
4-ويننق اليفن 11
وشكرا على الموضوع

[HAMAD 11]

انا رح اشتري الجهاز بعد 3 شهور من نزوله

وبغض النظر اذا ما كان يوجد كوبي عليه او لا :)



وتغسل يدينك من موضوع الكوبي ( مره مو ليه ) ^_^

لأن الجهاز يدعم تقنية ( بلوراي ) وهي تقنية حديثه ، وتقريباً ماراح نشوف الكوبي إلا بعد ماينكشف طريقة جديدة لكسر هذه التقنية ، وتصبح متوفرة بالكوبي .


So What ؟ :)

هذي هي مايكروسوفت الى اخترعت الكمبيوتر والى اخترعت نظام ويندوز والى اخترعت الفيروسات واخترعات الهكر وكل الى يجي في بالك من الكترونيات
اخرتها بعد 6 شهور جهازها تم اختراع قطعة مودشيب للكوبي ^^
وهي في طريقها للأنتشار

عاد سوني ما رح يقدروا لها يعني ؟
اخوي القراصنة يعرفوا شغلهم ;)

على فكرة انا سمعت انه سوني بنفسها رح توفي اشرطة كوبي :boggled: الخبر غريب صح وانا قريته بموضوع يتكلم عن البلو راي وما اعرف اذا كان الكلام صحيح او لا

الخبر انه شركة سوني رح توفر اسطوانات العاب قيمتها اقل من الاسطوانات الاصلية

[Emirates]

خذت الاكس بوكس 360

وباخذ ال Wii عند الاصدار

اما البلاي ستيشن 3 ... باخذه في 2007

وبهالطريقه مستحيل اتحسف على لعبة معينه


شكرا على موضوعك

[Emirates]

بس عندي رد لحمد 11

اخوي حمد شو صيغة العاب الاكس بوكس 360 ( دي في دي )

يعني قدروا ينسخوونها من زمان الهاكرز


تقنية البلاي 3 الجديده بتبطي مثل اقراص الجيم كيوب بعد مده طويله بيقدرون ينسخونهااا


لانها تقنية حديثه

............

على فكرة انا سمعت انه سوني بنفسها رح توفي اشرطة كوبي الخبر غريب صح وانا قريته بموضوع يتكلم عن البلو راي وما اعرف اذا كان الكلام صحيح او لا>>> ههههههههههه ما اعتقد هذا يصير الا في الاحلام

...............


وشكرا

[EQUILIBRIUM]

مشكور اخي.. الموضوع الروعة .......بالنسبة لي لن اشتريه فور نزوله فسعر الديسكات مرتفع جدا (اصلا مو معروف)

[HAMAD 11]

بس عندي رد لحمد 11

اخوي حمد شو صيغة العاب الاكس بوكس 360 ( دي في دي )

يعني قدروا ينسخوونها من زمان الهاكرز


تقنية البلاي 3 الجديده بتبطي مثل اقراص الجيم كيوب بعد مده طويله بيقدرون ينسخونهااا


لانها تقنية حديثه



اخوي Cervantes خلني اصحح لك :)
صيغة العاب الاكس بوكس 360 هي HD-DVD
واعرف انه فيه فرق بين الـ HD-DVD والـ DVD
والاتش دي دي في دي تمت صناعته من البداية وركبت فيه تقنيات مستحيل تلقاها في الـ DVD
يعني مثله مثل البلو راي :)

في النهاية شوف نحن ما نقدر نتناقش على هذا الشيء , قبل ما ينزل البلاي ستيشن 2 قالوا من سابع المستحيلات انه ينزل كوبي للـ DVD وانت شفت الى حصل ...

اصبر والايام وحدها بتثيت لك ! لا انا ولا غيري نقدر نثبت لك

[HAMLET]

يعني شي معروف أن علم التكنلوجيا في تطور ولكن في المقابل علم الأختراق في تطور أيضا

So

البلوراي شي جديد وتقنيه تخدم الجيمز بشكل كبير

ولكن أنا متأكد أننا راح نشوف كوبي للبلو راي مع توفر أسطواناته بكثره وأنظمة النسخ

بالنسبه لموضوع سوني راح توفر أشرطة الكوبي

فاأحب أشير أن سوني تعتمد على سوق أمريكا واليابان وأوروبا فقط في بيع الأسطوانات الأصليه

ونحن نعرف لو تجي لأي شخص من هالدول وتقول له هذي أسطوانة كوبي وسعرها رخيص

راح يمشي ويتركك أنت والكوبي ويروح يشتري شي أصلي

يعني هذا شي متعارف عليه لديهم

^_^

بالنسبه للكوبي تحصله عندنا ( الشرق الأوسط ) وفي الصين

يعني مالنا قلب على الكوبي ( دراهم أقل )

سوني تبحث عن السيطره في مجال عالم الجيمز سواً أسطوانات جيمز أو أنتشار لجهازها

يعني هي تعي أن فيه أشخاص مايقدرون يشترون بشكل مستمر أسطوانات عالية التكلفه

ولكن هي تعي أن فيه ناس يستطيعون شراء لجهازها وذلك يظمن مبيعات أكثر وطلب على قطع الغيار أكثر

هذي سياسة سوني

فلا أحد يستغرب أذا توفرت أسطوانات كوبي للبلوراي ^_^

تحياتي

[Emirates]

حمد كل شي جايز انا ما اقولك


لكن عندي تصحيح ايضا

العاب الاكس بوكس 360 كلها دي في دي ... فقط HD DVD للافلااام ^_* وهذي طرفيه مستقبليه

سواء البلاي 3 نسخوه والا ما نسخوه بشتريه باذن الله

[d.o.d.y]

انا الصراحة بنتظر لي كم من شهر لان اول ما ينزلونه يكتشفون اخطائه من الناس ^^
اما للالعاب اتوقع بشتري نص الالعاب الي بتنزل :D

[Dark Watch]

xbox360 عانى من مشكلة بسبب لانه جديد

ما أذكر انه صار لي ولا مشكلة مع اني عندي الاصدار الاول ><

[kamal muhammad]

ما أذكر انه صار لي ولا مشكلة مع اني عندي الاصدار الاول ><


هذا الخبر قرأته في منتدى المنتدى وكذالك في المنتديات الغربية على العموم لمذا انت مستغرب قد تحصل هذه مشكلة مع اي جهاز, حتى PS3 معرض لهذه المشاكل, وانا لم اقصد الاغلبية الذين يمتلكون 360 بل كنت اقصد اثنين او ثلاث من الذين يمتلكون الجهاز الذين صرحوا ببعض المشاكل الطفيفة.

[prev]

بالنسبة لي انا ماني بشاريه اول ماينزل ابي انتظر عل الاقل ثلاث شهور لين اشوف كيف وضعه
وبالنسبة للالعاب الي انتظره
MGS4
WE11
RIZIDENT EVIL5
وإذا كان فيهTOMB RAIDER

[HUMAED]

بصراحة ابي مساعدتكم
افكر اشتريها من النت بس كم بيكون السعر كامل:أفكر:
وهل بيكون ارخص من محلات الالعاب ( في الامارات)
ومتى افضل وقت اشتريها فيه (افكر بعد شهرين):أفكر:

[باب الالعاب]

انا ماراح اشتريه
اولا :::: غالي جدا جدا
ثانيا :::: العابه غاليه وذالك لانها على البلوراي
ثالثا :::: العاب ال 360 متشابه معاه ليش اشتريه وال 360 يقدم تقريبا نفس الي يقدمه ال بي اس 3
رابعا ::::ماعليه كوبي واختراق اقراص البلوراي صعب جدا جدا
خامسا :::: سعره مثل سعر ال wii وال 360 معا

[Kingdom Hearts]

انا ما اتوقع اني بشتريه اول ما ينزل واذا شريته باخذ:
1-MGS4
2-FFXIII
3-DMC4
4-RE5


انا ماراح اشتريه
اولا :::: غالي جدا جدا
ثانيا :::: العابه غاليه وذالك لانها على البلوراي
ثالثا :::: العاب ال 360 متشابه معاه ليش اشتريه وال 360 يقدم تقريبا نفس الي يقدمه ال بي اس 3
رابعا ::::ماعليه كوبي واختراق اقراص البلوراي صعب جدا جدا
خامسا :::: سعره مثل سعر ال wii وال 360 معا

اخوي باب الالعاب:
بالنسبه للسعر راح ينزل بعد فتره مثله مثل كل الاجهزه كذلك الالعاب
و بالنسبه للالعاب ان كان قصدك في الرسوم فكلامك صحيحي لكن كل جهاز له العاب حصريه عليه على سبيل المثال:
HALO 3 حصري على البوكس و MGS4 حصري على الـ PS3 وبصراحه انا ما اقدر افوت اي وحده فيهم :D

وبالنسبه للكوبي اتوقع يكون مثل ما حصل للـ PS2 اول ما بدأ الكوبي كان تصدر اكثر من CD للعبه وحده.

وبالنيبه للتلفزيون انا اشتريت سوني برافيا 32 بوصه 1080i + HDMI بصراحه ممتاز جداً.

[HAMLET]

أخوي Kingdom Hearts

مبروك التلفزيون

وعندي كم سؤال

1) وش رأيك فيه هل تنصحني أخذ واحد نفسه أو فيه موديلات أفضل منه ؟

2) ياليت تذكر لي الموديل أذا تعرفه ؟ وكم السعر وفترة الضمان عليه ؟

تحياتي لك

[Kingdom Hearts]

التلفزيون رائع و ما اتوقع ان فيه افضل منه وان كان فيه فاتوقع سعره بيكون رقم خرافي :09: اما البرافيا سعره معقول

وهذا موديل التلفزيون Sony BRAVIA KLV-V40A10
بالنسبه للسعر 32 بوصه سعره 9000 ريال وفيه 40 بوصه وسعره 12800 ريال.

[HAMLET]

الله يعطيك العافيه أخوي Kingdom Hearts

ماقصرت ، أنشاءالله ألف مبروك عليك

تحياتي لك

^_^

[HUMAED]

عندي سؤال؟؟؟؟؟؟؟؟؟؟؟؟؟؟؟؟؟
متى افضل وقت لشراء الps3