الأكثر جهنمية..الأكثر شيطانية >.>

[Lena]

لو سمحتم كل الناس الطيبة والمسكينة برا برا برا >.>

هذا الموضوع فقط للشياطين وذوي السوابق..:jap043:


هنا نتشاطر تلك الخطط الجهنمية..


لا مكان للملائكية هنا بيننا :ponder:




ههههههههههههه



احم الموضوع باختصار عن الخطط الشيطانية..

اكيد فيه ناس طيبة وحلوة وماعمرها سوت شي..

لكن لا بد من وجود مجموعة من ذوي السوابق:jap006:

* والذين انتمي اليهمT-T*


لكن هل عمرك دبرت او خططت او نفذت خطة شريرة؟؟

المواقف الي اقصدها ماتتعلق بطفولة او مراهقة..حتى لو شي قريب..عادي


-------------------------------------------------


my devilish story


كنت في المتوسط حينها..ابلغ من العمر 13 او 14


كانت العطلة الصيفية القاتلة


كنت انا واخواتي الاكبر مني..بسنتين وخمس..


في غرفتنا الصغيرة التي تطل على البلكونة..


نضع ايدينا على خدودنا ونتقلب يمنة ويسرة لا ندري ماذا يمكن ان نفعل لنقتل هذا الملل


وهنا بدأت الافكار الشطيانية تداعب افكاري:jap014:


يمي يمي تشعللل النشااااط


يااااااه ان الخبث لذيييييذ هههههههه:jap019:


جاءت فكرة مهيب صاحيتن


لماذا لا أهبل في خواتي؟؟:D


وكان هناك جيران جدد سكنو في الشقة ال جنبنا



ماهي الخطة؟


رحت لغرفة لحالي وكتبت رسالة بيدي بخط غريب


رسالة من ولد معجب(&)..


كتبت لهم اني شاب لطيف ظريف واحب التعرف اليكم وانتم شكلكم طيبات


يالله الكلام كلام بزارين اصلا لما اتذكره اضحك عليه


وحطيتها بشريط كاسيت فاضي


ورحت من فوق وقطيت الكاسيت على البلكونة ونزلت بسرعة لخواتي عشان امثل اني بريئة


هم عاد انهبلو وراحو يقرون الرسالة


مرة انهبلو وخافوا ايش هذا قليل الادب وسكرو الستاير وخافو مرة


ههههههههههههههههههههههه ياللللله رحت برا الغرفة وفطست ضحك:rofl:


واللله واااااااااي مقدر انسى الوناسة والتشقق ههههههههه


اشكالهم رهييييييييبة


واستمريت اسوي فيهم 3 ايام كذا:jap037:


ااااااااااااه شي رهيب والله ههههههههههه:jap031:


قسم اسكر على روحي الغرفة واموت اتفرك في الفراش من الضحك عليهم


مرة خايفين ومتحمسين


ياللله بالموت اقدر امثل اني مصدقة زيهم خلاص احس اني بفقع ضحك بس مسكت نفسي



طيب متى وقفت؟؟


اختي الكبيرة خلاص وصلت حدها وقررت تعلم امي:jap045:


هيء !!:jap026: قلت الحقي على نفسك يابنت واكشفي اللعبة


يا كان موقف صعب كفخوني وزعلو ههههههههههههه


بس مابقى احد من العيلة الا علمته وماتو ضحك



للحين مقدر انساها
ااااااه يا كانت وناسة





طيب الحين؟


الله عاقبني وصرت خبلة وعلى نياتي والعالم كلها تقص علي
وفي كل مرة مهما تكررت الكذبة اصدقها وبعنف..


استاهل هذا عقاب الله:jap053:




----------------------------------------------------------



وانتم؟
لا تسووون براءة الي عنده شي يطلعه:ds022:

[Electro M]

يا كثرها :09:

بقول اللي اذكرهم

مرة كنا نلعب كورة مع الشلة و حماس و فلة
المهم في وسط اللعب واحد شات الكورة في راسي بقوة
ما جاني شي الحمدلله بس استغليتها
و بعد شوي و انا اركض احاول الحق الكرة طحت على وجهي بطريقة اوسكارية :09:
و مثلت انه اغمي علي
في البداية ما صدقوا و بدوا يدغدغوني و كذا على بالهم بضحك
بس فعلا تمثيلي كان اوسكاري و حتى مسكت نفسي من التنفس
واحد من الشباب بعدين حس ان الدعوة جد و خصوصا انه حصلت له حادثة فعلية بهالشكل
جا و قلبني على ظهري و رفع رقبتي عشان يفتح مجرى التنفس
ثم جا بيسوي لي تنفس صناعي



طبعا فقعت ضحك (&) و انقذت نفسي من قبلة الحياة قبل ان تقع الفاس فالراس


حادثة ثانية حصلت لي لما كنت بزر تقريبا في اولى او ثاني ابتدائي
مازلت استغربها بصراحة
من ناحية هل اخوي اللي اصغر مني ب3 سنين كان غبي لهالدرجة او انه نجس لهالدرجة؟

كان معي دبوس و كنت العب فيه و مبسوط
جا اخوي و تسلط علي
الا يبي الدبوس
طبعا عشان اعجزه عن اخذه قلت له طيب
بعطيك الدبوس
بس بشرط انك تدعس على راسي و انا حاط الدبوس فوق راسي

الاخ تحمس و قال ما عندي مانع
و فعلا دعس على راسي و دخل الدبوس في رجله (&)


النهاية اني تصفقت طبعا من اهلي لان اخوي ما ادري
هل هو غبي لهالدرجة او نجس لهالدرجة :31:

[l)@RK-l)EVIL]

مره كان عمري 14 سنه ومشتهي اتسبح في حمام سباحه طلعت بره البيت وجبت هوز وبطلت الماي على حده ورحت المدرسه ورجعت ولا السرداب كله ماي XD فتسبحت مع الاثاث انا واخواني

رجعو الاهل من الدوامات سوينا نفسنا ماندري شلون الماي دش البيت كانت اثاره ساعتين مع الماء >.> ودي اكررها هاهاها بس مايصير كبرنا :09:



ومره سافرت باريس عمري 15 ضعت ونسيت اسم فندقنا :09: شفت واحد مع لحيه عرفت انه عربي رحت له وقلت له انا ضايع قال اوكي انطرني شوي هني وارجعل لك اشوف شنو الحل نطرت دقيقتين مارجع >.> فمشيت وبالطريج شفت حديقه عجبتني ورحت العب (انا ضايع ضالي 3 ساعات الحين) ولما طلعت من الحديقه صار المغرب انا ضايع من الظهر لول وظليت امشي بعدين بالصدفه شفت المطعم الي تعشينا فيه قبلها بيوم فدليت الفندق من المكان هذا طبعا رجعت البيت الاهل مبلغين الشرطه عبالهم انخطفت :ouch: قالولي وين كنت! طبعا قلت لهم كنت ضايع (مسكين مو كاني قاعد العب بالحديقه وادور لول)

انا بريئ but got my evil side >.>

[ODIN]

هههههه يحليلك لينا اخيرا كتبتي موضوع استغربت اسمك كاتب موضوع بواجهة المنتدى ما تعودنا

اجل انا شاب لطيف وظريف وشكلكم طيبات ااااه مغاااازل رااايح فيها هههههه


انا طحت مرة باعضاء منتدى الرسم .. ارسلهم على الخاص رساله واعرض عليهم رسمات عيال اختي رااايحه فيها رسومات اطفال واضح تضحك واقولهم هذي رسماتي ابي نقدكم البناء

وكذا صياغة الرساله متحمس واقولهم اني صرت احب الرسم وهذي اول محاولاتي حاولت احاكي دافنشي ومدري ايش :p

واحد مشت عليه والله ومسكين صدق قعد ينقد ويقول شد حيلك يمديك بس حاول حاول هههههه


والثاني ما مشت عليه قال شسالفه شكلك تستهبل بس قالها وبنفس الوقت شاك .. ياللله نفسي اعيد المقلب بعد يونس من جد

[Black Rash]

والله انا شاب مسكين.....امشي بجنب الحيط.....

البس ياخذ حصتي...<<< صعبه

عموما انا مره تعرفون السعوديين يحطون قدر فيه مويه علشان يغسلون فيها الكاسات اذا كان فيه عشا...

الزبده يعني ان المويه وصخه مخلوطه بشاي وقهوه.....

انا وش سويت صبيت لولد عمي اللي كبري.....مسوي فيها يتامر علي يوم اقهويه...يخليني واقف اسبوع

على العموم اول ماخلص من القهوه الحين اصب شاي.....مواهاهاهاها....

طلعت الكاسه من القدر فيها اكثر من النص مويه وسخه......وصبيت الربع شاي علشان الطعم....

الزبده شرب واستمتع بالكاسه...لما راحوا الناس علمته......راح يزوع بالحمام......:D

وعطاني كم بونيه على وجهي وشلوتيات ومشى الوضع....

هذا اللي اذكره بس

[Classic Evil]

خسارة محد فيه عرق الإيفلية كثري..

أخاف ما تصدقون لو تسمعون شو سويت؟؟؟

الماضي مالي أسود وخصوصا عند الأساتذة و المدرسين...

الحين يت على بالي هاي السالفة , اسمعوا وعوا :

1-


زمان كان إيي بيتنا ولد بنت جيرانا وكنت تقريبا في الاعدادي-المتوسط- ..

قلت خل نسوي فيه حركة خايسة فاقترحت على ولد خالتي وكان بيتنا هاك اليوم إنه ؟؟؟؟

ما راح تصدقون :D ...


خلاص التكملة في الرد القادم <== شغل مذلة


المهم اقترحت إنه نييب سكين :wow: :D ... <==مادري أي ويه أنسب لهالمناسبة ...

ونصوبها أقولج عند رقبته تماما مثل ما يصير لسنيك في سلاسل ميتل جير أو ليون وكلير في رزدنت إيفل...

المهم رقدنا الولد وحطينا السكين عند رقبته وقلنا له : تتوب؟؟؟ (والله الولد كله عمره 8 سنوات يتوب من شو مادري:D )


وكان يصيح صياح :( <==help ...help

ولحسن حظنا البيت كان خالي من السكان ... والله بغت تطلع روحه, فقررنا الإفراج عنه..<== بعد شو:p


و الغريب كنت استانس عليه, والمشكلة ما انتهت, لما اصطبحت الصبح صار الأكشن...

الولد راح وقايل لأمه ونقع الأكشن في بيتنا وكانوا بيشتكون علي لو تخبل الولد :09: ...

الوالدة : شفيك روعت الولد ؟؟ خبل انت؟؟ الولد صار يتأتىء بالكلام مب صاحي؟؟

إي والله زين ما يننا -جننا- بالولد :boggled: ...



2-

ومرة كنت مودي شراقي - طراطيع- من النوع الخفيف اللي بمجرد إنه ينداس ينقع...

وفرشته على طول الصف بالاتفاق مع كم رجل بالصف :p...

الصف صار أشبه بالألغام وأكثر ما ضحكني مدرسنا اللي عمره ما طلعنا عالسبورة قام ينقي كل مرة واحد يطع ويكتب عاللوح :D ... <== لو إنه غزاوي ما سوى هالسوات


3-

مرة كنت يايب ماي من السخان وأحطريولي فيه.. لكن الماي كان حار زيادة عن اللازم فكنت شوي شوي ادخل ريولي...

كان معاي ولد عمتي سوا فيني حركة نذالة ونزل ريولي بإيده :boggled: ...

أوني سويت فيها جراندايزر وما تأثرت, وأنا من داخل أتميز غيظا :12: ... قلت : لا عادي..

وبلحظة سريعة قمت شلت الطست مال الماي و أصبه على ظهره بعد مب ريله (&)... وبنشوف منو أشد عذابا ...

وهم صار أكشن مرة ثانية في البيت :biggthump ...



و غيرها الكثير بس أحب أتستر عالماضي الأسود والله يغفر لنا :ds002: ...

[NsaN]

هههههههههههههههههههه..
ايفل...اسميك كنت شري..

والله ماذكر غير موقف واحد بس للأسف ما ينفع ينحط بمنتدى..

مشكورة لينا و ان تذكرت شي ثاني راح احطه هني..

[Classic Evil]

انسان : عيل حق شو مسمي إيفل نفر داي :p ..
اسم على مسمى :biggthump ...
الظاهر من تأثير ألعاب الرعب, الود ودي تكون كل ألعاب الدنيا رعب(&)..
الله يذكر النمسيس بالخير ...
وحط موقفك بالمنتدى شعليك خل "نتونس بيك" :D ...

[! غــريــب !]

أجل شاب لطيف ظريف .. تسمعين بالتخويف http://www.montada.com/images/x/icons/icon10.gif

مواضيع الذكريات دايم بيني وبينها عقده يوم ادخلها صح استانس

بس اول مابتذكر شئ أحس إن ذاكرتي بيضا طاهره نقيه خصوصا في هالموضوع << ايه هين:silly:

عمومتاً الموقف اللي في بالي قبل تقريباً سنه

كنا جالسين في عزبه حقة شباب على الشارع يعني بالأساس دكان

وفيه واحد بيته قريب دايم مبثرنا أربع وعشرين ساعه مصفط عندنا

المهم قلت لأخوي وقسم بالله لأقطع قلبه هالبثر وأخليه ماعاد يجي ..

المهم اخوي عسكري وعنده مسدس << ياحظك .. طيب وبعدين ؟ http://www.montada.com/images/x/icons/icon10.gif

قلت بدخل عليكم وأسوي إني بتهاوش معك وبقرب منك اللين أمسك مع حلقك وتسوي انك طخيتني

مالكم بالطويله ..

كانوا كل العيال قاعدين ولاعلمنا أحد أصلاً بالسالفه .. وأدخل وأسوي اني متهاوش مع اخوي

المهم تشابكنا بالأيادي وأختلط الحابل بالنابل مثل مايقول مذيع المصارعه في القناه السعوديه

مادروا الا ( طخ ..! ) وأنا طايح على بطني .. الرخوم ولا أحد رضى يقرب ويلمسني

حتى مايدرون فيه دم ولا لأ من الخرعه http://www.montada.com/images/x/icons/icon10.gif وواحد يصيح ( الله يلعن أبوك ذبحته )
المهم .. تدرون البثر وش سوى ؟

ماشفنا الا غباره حتى نعاله ما أخذها http://www.montada.com/images/x/icons/icon10.gif

الموقف الثاني اللي يحضرني اللحين .. تعرفون الكراسي المخرمه ؟

يعني يجي الكرسي وفيه خمس أو ست فتحات في النص .. فيه أثنين شياطين من العيال

حطوا مرسمه على كرسي واحد دب مصري .. المهم المصري جاء و .. قعد ..! http://www.montada.com/images/x/icons/icon10.gif

ولا كأن شئ صار .. الرجال كسر المرسمه ولا عليه خلاف http://www.montada.com/images/x/icons/icon10.gif

لينا .. تشكرات على الموضوع

[PeaceDevil]

:jap002:
انا عندي ماضي أسود
و سوابق كثير
صرت خريج بيوت من كثر السوابق :09:
:jap043:

اني واي
افكاري الديفيلية ديفيلية
مرة كنت عند اولاد خالتي كنا صغار 11 سنة و كذا قلنا شراكم نسوي مقلب في بنت خالتي الزبدة اولاد خالتي او اقدر اقول توابيعي الديفلية حطينا جزمة فوق الباب اول واحد يفتح الباب داخ اطيح الجزمة
سوينا الخطة و تخبينا في اماكن سرية جدا
و كان اول واحد يفتح الباب..........
..........
..........
..........
عمي!!!!!!
داخ على رأسه :jap022:
انا مت من الضحك كان شكله يضحك موت بس كتمتها و كان هو يهاوش مع نفسه يمكن 10 دقايق و الحمدلله كنا متخبين
بس اليوم الثاني :jap028: :jap036:


افكار ثانية :jap014:
بس بسيطة شوي
لعبت على واحد من أقاربي ادق عليه جوال و اسوي نفسي بنت و اقول له انا معجب فيك كثير و ابي اتعرف عليك و من ذا الكلام بعد يمكن اسبوع قلتلها شرايك نتقابل تحمس موووووووووووووووت :jap027:
اني واي هو راح منطقة التقابل قبل الموعد بساعة و لما دخلت لقيته و سلمت عليه و قلت له تنتظر أحد؟ قال لا لا و شكله مرتبك!!
رحت الحمام و تشققت من الضحك
و جلس هناك يمكن ساعتين ينتظر بعدين فقد الأمل و راح


لما كنت مع توابعي (اولاد خالتي) في إجازة الصيف جلسنا الفجر بعد أذان الفجر يمكن بساعة او ساعتين فكرنا نسوي خطة دفيلية
جمعنا كل البيض الي في البيت
و تخبينا فوق السور حق بيتهم و اول ما يمر هندي او اي شخصية غير سعودية نشن الحرب عليه
اول واحد كان هندي حق بقالتهم و كان يتجول بالسيكل حقه و هو سعيد بعد دقائق على طول قنابل بيضية على راسه و كل انحاء جسمه :jap020:
سوينا كذا كم يوم بعدين حرم يمر يم حارتهم
باقي أيام اللإجازة كانت مملة :yuck:


:jap037:
انا كنت مع ولد خالتي الصغير يوم من الإيام في بيت جدتي و كانت موجودة العائلةكلها و من هم بنت خالتي الصغيرة عمرها حوالي 7 سنين ولد خالتي هذا يكرهها موووووووت
قلت له شرايك في هذه الخطة تحمس أكيد و جمعنا بعض الأعوان
قال لها تعالي نلعب مع بعض في الغرفة قالت يلا انا و أعواني كنا متخبين في الغرفة
انا كنت جنب النور عشان اول ما تدخل اطفيه و اعواني الثلاثة كانوا متخبين في كل أنحاء الغرفة و اول ما دخلت طفيت النور و كلنا قاعدين انصرخ بأعلى صوتنا و هي خايفة موووووت و جالسة تصيح بعدين رمينا عليه بعض الأشياء الخفيفة مناديل :jap041:
و كذا بعدين فتحنا الباب و طلعت تصيح و احنا هربنا من البيت و رجعنا بعد 3 ساعات
ثم غيرنا اسم الغرفة إلىHell Room
:jap043:

لو جاتني ذكريات ثانية بتكونوا اول ناس يسمعوها بعد الشرطة
:kiss:

[ashraf_2003]

لينا شريرة (&)
الكترو شرير (&).... دبوووووووووووووووووس :12: هذا انت شرير الى ابعد الحدود
اودين شرير (&)
ايفل شرير(&)>>>لا هذا معروف :silly:
غريب شرير (&)

مين ضل برئ ....:p


لا انا طول عمري احب الخير لكل الناس واكره شئ اسمه الاذية :ouch: ...وانا مع القانون العام والمدرسي واينما كان النظام :28:
ولكن ليس هناك انسان كامل (&) اجل انا مرات بطلع عندي طفرة الشر وهذه الطفرة ما بتطلع الا ايام الدراسة (&)...بكون قاعد ادرس وملعون تاريخي وواحد من اخواتي قاعد على الكمبيوتر وبلعب وفرحان ..بروح انا:09: ....بنفذ خطة التسلل و....بووووو!!!! :silly: ويا حرام بنط من مقعده نط ...يشتكي لامي :o
واخذ لي دش ويلا روح ادرس :12: ...وانا بضحاااااااااااااااااك :32: ...بس المشكلة هذه الخطة ما بتنفع مع اختي :28: يعني بوصل وراها وهي على الكمبيوتر ....بسمعها بتقول: شايف يا اشرف هذا الخ وبتحكي تفاصيل العبة :ouch: على انها عارفة اني موجود وراها شريرة
واذا في الاجازة طلعت هذه الطفرة بكون من الملل مع انه دايما في الاجازة عندي حاجة اعملها :ponder:

[واحد مسكين]

بصراحة كل أفكاري الشيطانية الماضية كانت أذية بالكهرباء :) ...
كان عندي مضرب حشرات ولكن كان بالبطارية وكان لما أضرب الذبان تسمع صوت الطرب ( طع ) :) .. فقلت خليني أفكه وأشوف إيش فيه :) ، فكّيته وخرّجت الجزء المهم وهو المحوّل .. ومسكته بالغلط :) والآ أنتفض نفضة إنفجعت منها .. وقست فرق الجهد طلع 220 فولت :) .. فقلت خليني أحط هالجهاز على الباب وأي واحد يمسك مقبض الباب ينتفض .. وفعلاً عملت هذه الخطة الإجرامية وكل واحد يدخل ما تشوفه إلا اتنفض :) .

[Rory]

فظيعين.. :bigeyes:
لينا خليتيهم يطلعون فضايح.. شريرة!! XD

I'm actually pretty innocent ..
ماذكر إني سويت مقلب شرير في حد.. حليلي طيبة.. :p

[Yamato]

استروا على انفسكم يا ناس (&)

[الخيال]

انا ماسويت اذيه لأحد .. لكن سويت حركه شيطانيه ليومك هذا وانا اقول اححححح :D
أيام المتوسطه كان عندي حصة تسميع قرآن وماكنت حافظ وكان المدرس مايمزح ماعنده غير جلد :blackeye: المهم انا ماكنت حافظ ومابغيت ادخل عنده وكان معاي واحد ثاني ماهو حافظ قلت وش نسوي قال نروح للمشرف ونأخذ ورقة مستشفى ونطلع .. رحنا للمشرف وقلت له ادخل انت قبلي وخذ ورقه حتى ماننكشف <<< مسوي تخطيط :09:
المهم الولد طلع من عند المشرف وقالي المشرف ماهو راضي وطردني .. عاد انا تلونت الدنيا بوجهي وتذكرت الجلد الي ينتظرني .. دخلت على المشرف وقلت له مدرس القرآن يقولك تعال بالفصل .. عاد قام المشرف على نياته وراح الفصل وانا سويت نفسي خارج من غرفته .. وحده عطاني ظهره وانا ارجع للغرفه واطلع ورقة مستشفى واختمها واووقع عليها ..:jap045:
عاد يوم رحت للحارس اعطيته الورقه حتى يطلعني قالي انت متأكد هذا توقيع المشرف؟ انا تلون وجهي :tapedshut: .. قالي ايه هين .. تعال معاي للمشرف وانا اقوله الله يرحم ابوك امك اختك سيارتك مافيه فايده .. وحده شافني المشرف قالي ليه تكذب وتقول المدرس يبغاني وليش ماسكك الحارس .. وعلمه الحارس بالقصه .... وماتشوف الا دنيا قامت واتشهدت :jap032:
20 عصا ... ودموع وحالتي حاله :jap053: واستدعاء ولي أمر وتكفيخ بالبيت :jap024: ..... بس استاهل

[ثريول]

:23: ......

[smigle]

بل...............ماشاء الله على الشباب، اجرام

المهم، ذكرتوني بسالفه قديمه كنت ناسيها.

كان عمري يمكن 11 سنه و كنت بايت في بيت خالي، كنت سهران لين الفجر مع بنت خالي رحنا ورا البيت وركبنا فوق الطوفه ونطل على حديقة جيرانهم وشفنا كرسي "خيزران" شكله حلو وخفيف.

قررنا نطب بيتهم ونبوق الكرسي

وبعد ما نبوقه كان عندنا حبل، قلنا بنربط الكرسي بالحبل من الأطراف ونعلقه في الكراج ونسويه مرجحانه.....(تفكير شيطاني بريئ).

المهم طبيت أنا أولا فوق درام جيرانهم (تانكي الماي) والتفت على بنت خالي وقلت لها"تعالي يالله خلك ريال" ولا اشوف ويه البنت تغير وشهقت وقالت : هه:jap026: ...أبوهم.

أنا التفت، فإذا بالأب طالع ولابس لبس الجيش ويشغل السياره علشان تسخن ويروح الدوام الفجر.

أنا شنو صار فيني:ds016: ....أنخشيت تحت الدرام وقلت الحين الريال بيشوفني وبيعطيني طراقين وبيوديني مركز الشرطه..........المنظر كان مرررررررررررررعب.

شفت شريط حياتي يمر جدامي وقلت يارب مايشوفني:jap019: ، وجرد سماع صوت كعب الجوتي وهو يقرب صوب السياره كأنه ياي صوبي....غمضت عيوني وقلت خلاص راحت عليك يا سميجل.

المهم شوي، وأشوف الأخ رد ودخل البيت وخلا السياره شغاله، شتتوقعون سويت؟؟؟

كملت طريجي صوب الكرسي وشلته ووديته صوب الطوفه ورفعته حق بيت خالي وهي كملت اللي عليها وشلته وعقته داخل بيتهم...

نهاية السالفه، حاولنا نوازن الكرسي مع الحبال وكل شوي يطيح من جهه، آخر شي حذفناه من فوق الطوفه على بيت جيرانهم، سمعنا صوت تكسر وما درينا شصار فيه.

[Lena]

وبدءتتفوح رائحة الشر:biggthump هههههههههههه

روري ياماتو:

وش كاتبة انا عن الطيبين المساكين...برا>.> ...!
ههههههههه


إنسان:
تخلينا نفضح عمرنا ولا تفضح عمركT-T
that's an evil thingToT


أما باقي الأشرار فأقول يا هلااا:biggthump


الكترو:
سالفة الدبوس شي :boggled: أأأأح هذا شطيانية مؤذية فيها موت وحيااااة


دارك ايفل:
شيطانيتك احس مافيها خبث كثير..نايس


اودين:
نفس الشي شيطانيتك فيها براءة شويT-T


بلاك راش:
وش ذا:bigeyes: شيطانية تدخل للجسم "يعني فيها مواد غلط تدخل للجسم".. يمة منك


ايفل نهي داي:
لألألأ انت نلت المركز الأول حتى الان
شيطانيتك مميتة :boggled: بسم الله علينا والله اكتشفت اني كتكوتة:ouch:

[Lena]

ثريول:
كمان انتا يالطيب براT_T قاعدين تفشلونا انتم



غريب:...
....
...
......
*البنت لسى منصدمة ومتخرعة._.* ..............................



بيس ديفل:
مخك الشيطاني فيه شوية من مخي(&)..
لكن الفرق ان قريبك تفاعل لكن انا خواتي خافو وبغوا يبلغون عنه هههههههه
وبعدين شكلك من الاولاد المشاغبين يومنهم صغار :196:



اشرف:
شكلك طيبT_T..



واحد مسكين:
انت من شلة الشياطين القاتلين..
يمة تخرع الخطط الي كذا فيها اذية -__________________-



ماكسيم:
ههههههههههههههههههههههههههههههههههه
والله انك مب مسكين مب شيطان والله كسرت خاطري هههههههههههههههXD
روعة هههههههه



سميقل:
اااااااااااي بطنيييييييييي ههههههههههههههههههههه
الله يرجك يصلح تسوي فيلم كرتون على سالفتك صدق شي
والي يقهر انك بعد كل هالرعب ماتبت وكملت خطتك وسرقت الكرسي هههههههههههههههه
XD





وإيه صح
لا أحد يطتنز برسايلي;-; كانت من قلب

[Black Box]

أتذكر أيام ثاني أو ثالث ابتدائي كنت أنا وأخوي وولد خالتي نتصارع (على أيام بريت هارت وديزل:D).. المهم أنا وأخوي سدحنا ولد خالتي وأنا مسكت رجله اليمين وأخوي رجله اليسار وكل واحد شد بالإتجاه المعاكس:D تخيلوا عاد شصار فيه (كنت أعرف أنه الحركة مؤلمة جداً لكن مع ذلك كملت:evil:) , ومن بعد تلك الحادثة أصبح يعرف يجلس على الأرض ورجوله مفتوحة:09:

[Trapped Inside]

*طلع من الموضوع اول ما قرا
لو سمحتم كل الناس الطيبة والمسكينة برا برا برا >.>* .

[SFS]

موضوع مضحك حقيقة..


أذكر وانا بصف أولى ابتدائي مدرس الاسلامية يبي يسمع الآيات وأنا وقتها مو حافظ..

والمدرس جايب وياه علبة ماكنتوش..الي يسمع الآيات يختار حبة وحدة..

انا توهقت مو حافظ....وعيني كاكاو الماكنتوش الأخضر الي فيه جوز الهند..:p

فرفعت ايدي على اني حافظ..

وطلعت وقالي سمع السورة..

والمدرس الله يذكر ايامه بالخير كان طيب وعلى نياته..

فوقفت بعيد عنه ..وسويت روحي قاعد اسمع بصوت واطي جدا..وأنا بس قاعد أطلع صوت ومو حافظ..

وطبعا خلصت وقلت صدق الله العظيم..

والمدرس صدق وقالي احسنت..وعطاني الحلاوة..:p :p


موقف ثاني صار قبل جم سنة..وما كنت صغير وقتها..

لما كنت مسافر استراليا سنة 2001..والمكان الي ساكنين فيه عبارة عن شقق فندقية..فيها مطابخ وغسالات..

والمنطقة الي سكنا فيها اسمها gold coast ..وسكنا فيها اسبوعين...

وطبعا السفرة مع قروب...يعني عايلات معانا..وقايد الرحلة..

يوم من الأيام كان عندي ملابس وصخة أبي أغسلها..ورحت المكان الي فيه غسالات..

وطبعا ياخذ وقت..على ما ينغسل..وغير التنشيف..

وأنا مليت..والوقت طول على الملابس..

والا اشوف جهاز انذار حق الحرائق..الي فيه قطعة زجاج لازم تكسرها..

سويت روحي أبي اكسرها...والا تنكسر علي..

وطبعا وقتها ويهي قلب ألوان..

والناس كلهم طلعوا..الي نايم..والي بملابس النوم..والشياب..:p

والمطافي وصلوا حق الفندق..عبالهم فيه حريجة..

وبالأخير انذار كاذب..وطبعا سألوني وقلت لهم ما اعرف..:p :p

ووايد خليجيين يبخرون في الفنادق باستراليا وأجهزة الأنذار تشب عليهم..:p


واذكر لما كنت صغير كنا نروح الجمعية..وفيه جلي على فراولة كنت أحبه..وكنت كل ما رحت هالجمعية بالذات آكل منه بدون ما أحد يدري..وأرجع القرطاس مكانه..

وطبعا مصختها وايد..ويوم من الأيام كنت آكل الجلي..والا يطيح علي عامل الجمعية
بالجرم المشهود ..:p

والعمال كانوا يعرفوني ويعرفون أهلي..وطبعا قالوا حق الأهل..وانزفيت زف..:)

وفي موقف مضحك أيام المتوسط..كانوا الشباب يروحون مقصف المدرسة بالفرصة..وتعرفون الزحمه على مكان الي يبيعون فيه..

فالربع أذكر كانوا يقصون على الي يبيعون..ويقولون لهم عطيتك نص دينار..ويروح يشتري أكل..وطبعا الهندي المسكين ما ينلام..مليون واحد بايده فلوس يبي يشتري..:)

هذا الي أتذكره الحين..:)

[kirby64]

ما قد سويت شىء شرير مره ...(&)

يمكن مره لما كنت صغير 10 او 11 سنه ..كنت قاعده اقصص مجلات و سويت حوسه ..

بعدين سمعت امي داخله ..خفت تهزئني رحت شلت اخوي الصغير و حطيته عند المجلات:ds022:

و مسكت المقص وحطيته بيده .. و هربت ..

و هو قاعد و عليه نظرات بريئه ..

دخلت امي و هزئته ...*_* يستاهل "ما سوى شىء مسيكن بس يستاهل ..,,:ponder:

و سويت شىء يشبه لهذا ..كنت قاعده بالفضل لحالي انا وكم بنت ..و قعدت اشوت بالدولاب كأني خبله @_@

دخلت الأبله و هي معصبه مين الي مطلع الأزعاج ..

انا على طول اشرت على بنت ثانيه , الي استغربت منه ان البنت ما سوت شىء @_@ ؟ ...

*_* هههههه وناسه اسوي شىء و الوم غيري ,, ولا مره انصدت نعم , نعم :ds010:

شكرا عالموضوع ليناااااااا~! *_*

[PeaceDevil]

kirby
ههههههههههههههههههه
:09:كل هذا و مو شرير مرة

[Ralf]

السلام عليكم

فيه انواع من الشياطين البشرية، فيه Small Devil, Medium Devil,Large Devil, XL Devil, XXL Devil :D

وانا من النوع اللي يسموني XXXL Devil شيطان له ثمان قرون :jap043:

مرة من المرات جبت كرتون احذية وحطيت فيه لعبة نارية (طرطاعة) من النوع اللي لها سلك واذا انسحب بقوة يصير بووووم صوتها كطلقة الرصاص

المهم حطيت لاصق على السلك ولصقته في سقف كرتون الأحذية ولصقت الطرطاعة على ارض الكرتون MUHAHAHAHHA

المهم رحت اعطيت كرتون الحذاء لولد عمتي كهدية ففتحها و......



بوووووووووووووووووووم


انفجع كل من في البيت :D


ومرة من المرات كنت بمدينة جدة و شريت لعبة Castlevania : Lament of Inoccence على البلاي ستيشن 2
وبعدها رجعت للمدينة المنورة

ولما جيت اشغل الشريط

الشريط ما أشتغل بسبب مشكلة في الشريط :12:

فخطرت لي فكرة جهنمية MUHAHAHAHAHA

وهي انا اروح لمحل الألعاب اللي جنب بيتنا واستبدل الشريط بشريط آخر شغال بينما صاحبي يشغل الهندي اللي فيه :ds005:

ونجحت الطريقة MUHAHAHAHAHA


وان امكن لي ان اعقد تحالف مع الشيطان لعقدت من زمان :jap028: وصرت شيطان مثله

اكتفي بهذا القدر

سلام

[Mada Mada Dane]

#مره من المرات كفخت اخوي تكفخ .. عطيته كف لزق بوجهه الطبعه 3 ايام خخخخخخخخخخخخخخخخخخخخ
ابوي ذبحني وقتها @@ .. من زمان هالكلام ..


#او مره سويت باختي الصغيره مقلب اليم, امشي واكتب على باب غرفه اخوي اسمه باللون الاحمر وبالدم يعني هو الي بيموت .. ونمثل كلنا على اني انا ذبحته وكل اختي الي اكبر منها والصغيره متاثرين .. الي اكبر منها تمثل معنا والصغيره مصدقه ..

شوي يجي يدور اختي الي اكبر, وتخاف هذيك ولما تخر عينها لحظه تطيح على الارض كاني انا ذبحتها, اخر شئ اعلق ورقة وعليها اسمها @@, انهاااااااااااااااااارت البنت .. بشكل خرافي .. قامت تركض وتطب على الارض وتصيح خخخخ

#او استانس على اخوي الصغير عمر, اخليه يمشي واكرفعه, يمي ورفعه اطيحه .. زي كذا وناسه خخخ

# مره بالملحق, خالي كان قبل عزوبي ماتزوج, جاء الملحق وكان مواصل ملحق بيت اهلي, وهو شري كان ..
الاخ مواصل تغدى ويبي ينام هناك, من جد كاااان شكله تعباااااااااااااااااااااااااااااااااااان ..
نقوم انا و 2 من عيال خالتي واخوي .. معانا المسدسات الي تطلع صوت, ونروح عند الدريشه الي فوق راسه, طاااخ طااخ طاااخ وننحاش ... طاااخ طاااخ طاااخ وننحاش ازعجناه ...

الاخ قفلت معاه, انا وولد خالي كنا نسولف بعيد ومعطين الملحق ظهرنا, واثنين معطين الملحق وجهم, شوي الي قدامنا ينحاشون .. وواحد يمسكنا من ورا وبووووف يشيلنا بالهواء .. وياخذنا الملحق ويصقفنا تصفق ويحبسها بالحمام @___@ احححححححححححححححححح قسم بالله انطقينا طققققققققققققق ماانساه



في سوالف كثير بس هذا الي يحضرني @@ خخخخخخ

[PeaceDevil]

Made
هههههههههههههههههه
خطط دفيلية درجة اولى
مبروك :09:

على طاري التمثيلية
انا مرة كنت مع ولد خالتي اصغر مني بسنة و ولد خالتي الصغير كان عمره 4 سنوات
مسكناه بره و قلنا له انت ترى ما تقرب لنا احنا لقنياك بره في الشارع جنب باب البيت و خذناك و ربيناك انقلب شكله صار كذا :jap031:
حتى ما تشوف انت ما تشبهنا كثير عشان كذا بعدين خلاص انتهى الولد قام :jap041:
بعدين قالنا له احنا نمزح معك لا تصدق بس ما وقف صياح اليوم الثاني كأنه سنة ثانية (نسى السالفة)
:jap002:

[Classic Evil]

مادا :

على طاري أفلام الرعب, بالبيت سوينا فلم ذا توي الأول من زماااان..

وطبعا الضحايا الاخوان الصغار ..

بس السالفة حصرية صارت خلاص, بلاش فضايح أكثر :D ...

[][-][Mr.ZeNoN][-][]

أما أنا إللي طلعت صح مسكين من بينكم :31:

فاكرين الكيس إللي تضغط عليه بقوة بعدين تنتفخ وتنتفخ لين تنفجر؟؟ هاذي اللي تنباع بالسوق بـ5 ريال بس يطلع ريحة معفنة!!

كنت زمان أرميها تحت الحمامات المشغولة اللي بالأسواق واللي بالحمام كان يلعب فوق تحت خايف تنفجر بوجهه طبعا عارفين اللي بالحمام مو قادر يسوي شي :31: ..

بس بعضهم كانوا يزعقوا صح لما أدخل الكيس :D خاصة البنغالية!!

وآخرتها مسكني السكورتي ((عيال الأمن :blackeye: )) وطلعني بره..

[NsaN]

[-][Mr.ZeNoN][-][']أما أنا إللي طلعت صح مسكين من بينكم :31:

فاكرين الكيس إللي تضغط عليه بقوة بعدين تنتفخ وتنتفخ لين تنفجر؟؟ هاذي اللي تنباع بالسوق بـ5 ريال بس يطلع ريحة معفنة!!

كنت زمان أرميها تحت الحمامات المشغولة اللي بالأسواق واللي بالحمام كان يلعب فوق تحت خايف تنفجر بوجهه طبعا عارفين اللي بالحمام مو قادر يسوي شي :31: ..

بس بعضهم كانوا يزعقوا صح لما أدخل الكيس :D خاصة البنغالية!!

وآخرتها مسكني السكورتي ((عيال الأمن :blackeye: )) وطلعني بره..

ههههههههههههههههههههههههههههههههههههه...
هاي صدق فظيعة..

ودي اجربها والله....خاصة بالحمامات العربية..هههههههههههههههههههههههههه...

حركة عجيبة والله..:biggthump

[][-][Mr.ZeNoN][-][]

كأنه ردي إنحذف بس معليه أصلا أنا أحسها كبيرة شوية

[Angel whisper]

ماشي ردود انحذفت O__o

[Lena]

يآآآآآآلهي..

كثير منكم شيطانيته مؤلمة..فيها تكفخ والم..على قولة Ralf.. طلعت small devil عند بعضكم._. ..

احبب الشيطانية الي فيها ضحك وتهبيل بالناس ايام اول:D



بلاك بكس:
انت كوخة:02: وش ذا اجرام صدقي


كيربي:
بريئة متأكدة(&)؟؟؟؟؟؟



ترابد:
صدق عاد..:33: ماتخيلتك هالtype..



SFS:"سعد فهد سعد"
ههههههههههههههههه قلبس تضحك سالفة التسميع من جد على نياته استاذكم..
لكن سالفة الحريف قويةXD
ودي اجرب هالنوع من الشيطنة بس راحت علينا:ouch: كبرنا


مادا
انتا في موضوعي!! هلا والله ولكم باك وينك يا راقل؟؟
بس يمة منك ماتوقعت شيطون كذا._.
كيف اجل ياشرير..اخوي قد سواها فيني والله انها نكتة سودا بقلبي للحين عجزت انساهاT_T
بس حركة فيلم الرعب شي:biggthump



مستر زينون:
مسكين:bigeyes: كل ذا ومسكين
ههههههههههههههههههههههههههه
خطة رهييييييبة
بالله وين تنباع هالاكياسXDامااااااانه تقول ليييي اببببببيييهاااااااا
*ناوية تهبل في بنات خالتها وخالها الي جايين لهم هالصيف*

ايه صح اذا اتحذف لك رد تصير كثير عده اذا فيه شي حلو معليك لا تشيل هم:biggthump

[Kaze]

موضوع عنيف وجميل

إذكر مره كنت بالآركيد ألعب Meat Slag X2 هذي كنت فيها فنان يعني ما اخسر واحصل سكور عالي مره .

بس مره من المرات كنت زاير آركيد جديد بالمنطقة وكان في ناس يتابحون على هذي ألعبة , ودائما يتحدون على السكورات الي يحصل اعلى . المهم انا نزلت نفسي ولعبت ألعبة , وحصلت سكور عالي جدا , بس شوفوا النذالة

الي كانو يتذابحون على سكورات شافوا سكوري وبعدها راحوا من وراء وسكروا الجهاز وطار كل شيء , وانا صدتهم وهم دائما يقولون الجهاز سكر بحاله . مع العلم انهم بتان

ومن يومها اول ما ادخل هل الآركيد اذا شفتهم يلعون اي لعبة اسكرها قدام عيونهم طول ما انا في الآركيد اي لعبة يلعبون انا لهم بالمرصاد , يوصلوا شوي وعلى طول اسكرها , وهم يخسون يسكرون الجيم الي العبه مهما حصل .

الموقف الثاني :

مره كنت رايح مع اصحابي KFC وركبنا الطابق الثاني , وكلنا , بس لاحظنا ناس تاكل الاكل الزايد , فأيش عملت ؟ قمت جبت صابون وحطيته في السندويش الي ما كملته و صاحبي الثاني حط بُرادة سجاير و هذولي كلوا منهم وعطونا تعابير وجه عجيبه قعدت اضحك عليها ليومك هذا.

الموقف الثالث :

جات ايام أزور كل اسبوع آركيد جديد , وكنت دائما اطمح بان احصل واحد فنان في لعبة KOF , وفعلا نشوف ناس يلعبون , بس مره في واحد استهزء بي لانه يعرفني من قبل , فلعبت معاه او لعبة و ما كنت ألعب على ما انا عليه بغرض اني أراهنه في فيما بعد , المهم بعد كذا جيم ,

قالي :يالله هذا آخر جيم اذا غلبتني بسوي كذا وكذا
, قلت له : ما ابي بس اشيء واحد
, فرد علي : شنو ؟
, قلت : الي يخسر يخبط راس الخاسر في اي شيء

هو وافق , مع العلم اني ما كنت العب عدل عمدا ( اصلا ما اقدر اسمي لعبي لعب وقتها )

فلما غلبته و الكل استغرب من التغير

فهو كان يلعب وهو واقف فعلى طول اول ما خسر خبطت راسه بالزجاج مال الآركيد وخيلت راسه داخل وتكسر كل شيء ( طبعا وهو ما يدري بغفه بس الطريقة مثل ما اتفقنا عليها )
وطبع هو دفع التعويض :أفكر:
ومن بعدها تم يقول انه غلب فلان الفلاني عدد مرات الفوز + انه غلبني آخر شيء
بس يسألونه شنو سر الربطه الي على راسه , فيرد عليهم : طحت على راسي يوم قمت المن النوم

[Angel- lady]

لوووووووووووووووووول XD ...

والله طلعتوا شياطين درجة أولى :09: ...

أممم ... أنا ما أعتقد أسوي مقالب قوية لهذي الدرجه أو عندي أفكار شيطانية ... يعني صفاتي على أسمي :09: ... j/k ، بس الصج أنا ما أحب أسوي خطط شيطانية :ponder: ... نشوف هذا الموقف

إحم ...

أيام PS1 ... كانت عندي وحده و أخلي بس البنات يلعبون فيها :silly: و كان لولد خالي بعد بس وحده و الأولاد يلعبون فيها :silly: << عنصرية + منع إختلاط :09:

المهم ، كانا نبي نلعب في بيت يدتي و كان قبل عندهم تلفزيون واحد شاشته كبيرة ( ما أذكر جم بوصه @@) و ثاني شاشته أصغر، تهاوشنا على التلفزيون الكبير ، فكنت أنا أكبر وحده فيهم كلهم و ولد خالي أصغر مني بأربع سنين ، اقترحت إن نلعب لعبة و الفايز راح يلعب بالتلفزيون الكبير ( البنت ديموقراطية:ds015: ) ، و كان عدد الصبيان كبير و أهم اقترحوا كرة قدم :ponder: << لا أحبها و لا أدري شسالفتها >.<

و البنات مساكين قالوا إني أعرف ألعب كل شي فأكيد بفوز >_> ... ما يدرون إني ما أفهم فيها شي :ds007:

المهم لعبنا:ds007: و طبعاً أول دقيقة 3/0 ... و أول شوط خلص 9/0 لصالحهم >_> ...
بدا الشوط الثاني و قالي ولد خالي إن راح يخليني أسوي هدف بمرماه -__- رأف بحالي عشان ما أتفشل ... بس شنو المشكلة .. إني سويت هدف بمرماي :ds013: أنا إشدراني أنهم يبدلون الأماكن ، الشرير ما قالي:ds004: ...

بسلامتي قمت من مكاني و قلت لهم ، بما إني أنا الأكبر شيلو قشكم ( أغراضكم) و روحوا للتلفزيون الثاني أبرك لكم و لا ترفعون لي ضغطي أكثر مو أهو مرتفع:jap028: ... و بما إن الويه الثاني مني يخرع ، المساكين قامو بسرعة و لعبنا بسلام بعدها :silly:

[HAMAD 11]

طلع عندنا سفاحين بالمنتدى ب__ب

يالله نتبدي :D

الموقف الاول :

كنت رايح عند صديقي , كنت من زمان حاط عنده PS2 خربانة ومتكسرة وحالتها حالة ومن سابع المستحيلات تتصلح , رحت العب وياه بالـ PS2 تبعه وقال يبي يروح الحمام :D انا اغتنمت الفرصة وفكيت البلاي ستيشن وحطيت بدالها المكسرة ويوم رجع قلت له صقعتها كهرباء وتكسرت :09: ..
شوي وتجيبه جلطة :D

الموقف الثاني :

كنت اتحوط مع ربعي , واحد منهم كان نفسه بكيكة شوكلاته من كينتاكي وما كان عنده غير 5 دراهم علشان ياخذ قطعة واحدة بس :D .. المهم انا دخلت وياه المحل واصحابي كانوا خارج واشتراها وعطاني اياها وقال لي امسكها علي بال ما اطلع من الحمام :09: ..
انا قمت قطعت ثلاث شعرات من راسي :31: وحطيتهم على الكيكة ويوم رجع قلت له شوف الكيكة فيها شعر رح تأكلها بهالطريقة ؟ :09: المسكين راح رماها ويتمني لو عنده فلوس عشان يشتر قطعة ثانية , بينما انا وهو طالعين جانا صاحبي الثالث ولسوء الحظ شافني وانا احط الشعر >__< قام غرمني الفلوس واشتريت له قطعتين بدال واحدة :yuck: ..

الموقف الثالث :

هذا صار لي وانا صغير , كنا تنقلنا لبيت جديد .. المهم غرفتي فيها بلكونة وباب البلكونة وراء الستارة ومو باين خير شر لأنه الستارة غامقة , يعني لو انت سوبر مان ما تلاحظه :D .. وزارونا اولاد وبنات عمي الصغار , جلسوا بغرفتي .. حوالي الساعة 4 بالليل كنا صاحيين نشوف فيلم رعب مخيف بقوة , يعني شياطين وهالسولف :D .. انا قلت لهم بروح المطبخ اكل لي شيء وارجع...
البلكونة كان في باب ثاني من غرفة اخوي اقدر ادخل لها منه ... رحت من غرفة اخوي ودخلت على البلكونة وضربت الزجاج بقووووووووووة




وما تسمع الا الصراخ :D .... المساكين طلعوا من الغرفة وهم يصيحوا لكن انا بعد اكلتها ضرب -__-

[Trapped Inside]

Lena .. it was a joke >.> .

[aoks]

والله ماادري ._. انا احس اني شرير ... بس مااتذكر اني سويت شي شرير .________.

[IRON]

كنت صغير شرير الحين لا

[احلامو ادوماتو]

لأه =p

انا طيب وأمييييييييييييييييير من يوم وانا ورع :jap031:<<<الي يسمع يقول رجل الحين O.o

على قولة الماما الكريمة "خباثته على نفسه" كل خباثتي وشري على نفسي ما ليش خص بأيتها أحد ×_×

ومع كذا خبل ×_× يعني شيطانيتك ما لها علاقه بخبالك فاطمني ما هيب عقوبة :09:

ta ta ~

[Blue Ocean]

والله مدري بس يوم قريت بداية الموضوع علطول خبطت في بالي قصة صارت لي تقريبا قبل 5 او 6 سنوات

المهم انه يومها اخذت اثنين من الشباب وطلعنا كالعادة نفرر بهالشوارع على صباحية ربنا ساعتها من كثر الفضاوة قررت اروح اسوي صيانة دورية لسيارتي وهم معي ساعتها مادريت ان الوكالة بتلطعنا ساعتين انتظار وكنا قاعدين بغرفة الانتظار وحالتنا مزرية من الملل ولاحن قادرين نروح لبيوتنا
المهم جات الفكرة الجهنمية يوم شفت ترمس شاي كانوا حاطينه بالغرفة قمنا حنا ووجهينا فتحناه وكان مع واحد من الشباب علبة موية تقريبا كان ربعها مليان وكان من اول صايد حشرة كانت على ستارة الغرفة حشرة غريبة عجيبة مدري اهي يعسوب والا ايش بالضبط المهم انها ضخمة طبعا اخونا في الله صاد الحشرة وحطها بعلبة الموية وقاعد يرجها بقوة لين ماتفتت فيها
والله مادرينا الا وحنا كابين الموية بحشرتها في ترمس الشاي وجالسين ننطر الضحية بكل خبث لين دخل شخص تقريبا خمسيني جلس ينتظر شوي وجت عينه على الشاي والمسكين راح صب لنفسه وشرب وانبسط وشكله بعد انبسط من الطعم لانه قاعد يزيد يصب كل شوي
طبعا انا واخوياي الناس قاعدة تتفرج علينا برا يحسبونا سكرانين من شدة الضحك ومنسدحين على الاسفلت اللي يشوفنا يقول خلاص بيموتوا

عالعموم الله يغفرلنا وعسا الرجال بس ماجاه شئ :)

[SALM0RE]

i used to go near the street and strat throwing dead pigeons on the Running Cars :ponder: . . . . is that Pure Evil ? i think so :09: .l

[EVIL KNIGHT]

هههههههه والله فلة الموضوع
عاد انا واحد شؤي بقوة
كذه موقف اسوي لاخويائي والشايب وربعه وهذي بعضها

مرة وربعي قاعدين جبت لهم شاهي وصبيت لكل واحد فيهم وشوي تشوفهم قايمين يكحون ويصارخون ويسبون
كنت حاط لهم بالشاهي طن ملح يعني طعمه يصير على كيف كيفك

ومرة كنت رايح مع الشايب على عزيمة وطفش مرررة
جا العشا وكلنا وقمت مسوي روحي بروح الحمام ورحت المغاسل شغلت المويه السخنه وخليتها دقيقه شغاله وطفيتها
ورجعت قعدت مسوي فيها بريء وخلص العشا والشياب طلعو يغسلون وإلا تسمع صوت صراخ وناس تخانق

وفي كثير مواقف غيرها بس مو متذكر شي الحين
سلام

[Mista Koo]

هلا لينا ^^
صراحة ما أتخيلك إنتي أبدا شريرة قلت يمكن She's Writing About The Fun She's Missing
المهم أنا طيب وعلى نياتي ودايم يسوون فيني المقالب مو أنا أسويها >.> بس ما يحضرني شي حاليا
بس صراحة مقالبكم روعة وردي بمثابة "نحن هنا"
وأذكر مرة في واحد من المواضيع "ضب Tale" لـOdin حط فيه صور الذبحة
ردت لينا قالت ما شفت صور الذبح قرف مدري ايش
جا Arnegrim حط سبويلر بوكس كاتب فيه "إلى لينا" وحاط فيه صور الذبح XD مت ضحك يومها
وأقول في نفسي "هذا الشبل من ذيك اللبوة" xr