تسجيل الدخول

مشاهدة النسخة كاملة : الشبكة محروم من الـ LIVE والسبب الاتصالات السعوديه ..


Rockey
23-06-2006, 09:13 PM
...

انا مثلي مثل اي مجنون العاب .. أحب العب كل يوم 4 ساعات او اكثر ...

وحلمي العب لايف .. لكن الله لا يوفق اللي كان السبب :(

... طلبت الدي اس ال قبل سنتين من الاتصالات وكل يومين يصرفوني ... اخر تصريفه يقولون انطر السنه الجديده 1428 ...
والمشكله اني بالعاصمه .. الريااااااااااااااااااااااااااااااااااااااااااااااااااااااض :02:

والله صرت عندهم مصخره . . :ouch:

انا جيت اشكي همي .. يمكن تحلون مشكلتي وتقولولي فيه شي بديل عن الحلم DSL ...؟؟؟

واذا مافيه بديل ..
فيه احد يقدر يساعدني مع شركة الاتصالات ؟؟؟ لا تبخلوا علي ...
حمود جيرمني
23-06-2006, 11:59 PM
...

من الاتصالات وكل يومين يصرفوني ... اخر تصريفه يقولون انطر السنه الجديده 1428 ...
والمشكله اني بالعاصمه .. الريااااااااااااااااااااااااااااااااااااااااااااااااااااااض :02:

...

اشلون يعني الدي اس ال طلبيه :ponder:
مافيه يعني الا شركة وحده حق الدي اس ال ؟؟
عندنا تاخذ الاشتراك والدي اس ال بنفس اللحظه
للأنه على ماعتقد ماتقدر تشبك على الايف لازم دي اس ال
Blue Ocean
24-06-2006, 12:32 AM
هي المشكلة انها شركة واحدة فقط ويبونها تغطي مقسمات المملكة كلها
اهي نعم تقدر بس وش اللي يخليها تستعجل دام انها محتكرة السوق والايزي نت يدر عليهم اضعاف ارباح الدي اس ال وهم مرتاحين
الجوال من يوم دخلت اتحاد الاتصالات كمنافس والخدمات تحسنت بشكل كبير حتى انهم سبقوهم في طرح الجيل الثالث
العيب ليس في شركة الاتصالات ولو كنت مسؤولا عنها لفعلت نفس الشئ فهم يعتمدون على مبدأ تجاري بسيط "اكثر ربح ممكن باقل تكاليف ممكنة"
لكن اللوم كله يقع على هيئة الاتصالات وتقنية المعلومات لو كانوا قد اعطوا اي شركة اخرى رخصة للهاتف الثابت لرأينا الدي اس ال يقبع في كل بيت وبسرعات عالية

والله اني اكتب من الحرة اللي فيني وخاصة بعد ماجربت النت في امريكا رجعت السعودية وحسيت نفسي بالعصر الحجري :12:
Rockey
24-06-2006, 12:33 AM
اخوي حمود .. تدري ..

يا ليتني عايش بالكويت ...

حنا يا طويل العمر بالسعوديه كلها شركة اتصالات وحده ... والدي اس ال تطلبه وتنطر لييييييييييييييين ما يركبونه ..

القهر اني مستعد ادفع آآلاف بس يركبونه .. والله لي سنه و8 شهور انطر ...

طبعا اعذارهم واجده ... مافيه بورت .. القسام فل .. بيتكم بعيد عن القسام .. ومن هالخرابيييييييط

ما نقول غير الله لا يوفق اللي كان السبب ...
Dark Watch
24-06-2006, 12:36 AM
بيتكم بعيد عن القسام

انا مثلك والله
القاتل الجديد
24-06-2006, 01:49 AM
صارت لي نفس مشكلتك
ويوم انبسطت واشتركت في سرعة256
توقع وش صار
صار فاشل بالمرة
تقعد بالساعات عشان تحمل ملفات
اما اللعب فحدث ولا حرج بطيء ويقطع كل شوي
PremaFrost
24-06-2006, 01:55 AM
القهر اني مستعد ادفع آآلاف بس يركبونه .. والله لي سنه و8 شهور انطر ...


الله اكبر سنه 8 اشهر بس يركبونه شسالفه ماكو شغل
احنا بالكويت عندنا يمكن ست شركات دي اس ال وآخر وحده اسمها يونايتد نتورك وبيموين يركبولك الجهاز
HAMLET
24-06-2006, 01:59 AM
ياأخي مشكله الدي أس أل

أنا ولله الحمد أنتهيت من هالمشكله من زمان ، خلاص ركبوه عندي ^_^

الحين بحفر الباطن اللي يقدم يجلس أسبوع ويركب عنده :D

وبالنسبه لك أخوي

أذا تقول أنا مستعد أدفع بالألاف وماعندك مشكله بالسيوله

خذلك أتصال فضائي أتجاهين وأرتاح

مع تحياتي

^_^
Rockey
24-06-2006, 02:03 AM
اخوي هاملت .. أنا مستعد اخذ فضائي بس يقولون ما يشتغل اللايف ... وش الفايده ؟؟؟
Rockey
24-06-2006, 02:05 AM
اخوي SARUMAN سنه وست اشهر وللحين ماركب .. باقي انطر ...

يقولون يمكن شهر 1 - 1428 .. (( صدق مصخره ))
HAMLET
24-06-2006, 02:10 AM
ماعندي خلفيه بس أتوقع الفضائي يعتبر ( برود باند )

يعني نطاق أتصال وسيع وقوي مرره

وعلى ماأذكر أن المطلوب هو نوع أتصال برود باند

مدري أتوقع كذا

أنت أتاكد وشوف ، أنا أقول يشتغل مثل الحلاوه وأفضل بعد من الـ DSL

يعني مافي لاق أو كذا وسريع داون لود وأب لود

تحياتي

^^
Rockey
24-06-2006, 02:13 AM
اخوي هاملت .. .. ..

اضفني عندك .. واي واحد عنده حل يضيفني بعد ..

dmc4142@hotmail.com
Digerati
24-06-2006, 02:17 AM
شكله الموضوع بيقلب " كل واحد يسب على اتصالاتنا " :boggled:
شباب هذا منتدى للألعاب ، ما علاقة الاتصالات :أفكر:
والله أني بعد مثلكم ، و الله لا يسامحهم -__-
أسفين على الازعاج و الله يعينكم و يعيننا .. :blackeye:
HAMLET
24-06-2006, 02:18 AM
أوكي

وأتمنى اللي عنده يتفضل ويساعدك


مع تحياتي
Rockey
24-06-2006, 02:32 AM
ياااااااااا مشرفييييييييييييييييييييين احذفوا الموضوووووووووووع ..

اصلا الموضوع ماله دخل بهالمنتدى ... واسف اني كتبته .. بس والله من قهرتي كتبته ..

ارجو الحذف بأسرع وقت ..
Mr.X
24-06-2006, 02:42 AM
حبيبي انا اتصلت عليهم وكلها اسبوعين وصار النت يشتغل عندي DSL سرعته 128
وانا اتصلت بالبدايه على الشركه اللي يركبون ال DSL واللي هم أول نت
وجا الفني وقعد يفحص البوكسيه بالبيت ويشوف الاشاره قويه او لا ,, وبعدها ضبط وشبك وبرمج كل شي وضبطه وقالي ان ال DSL الحين خلاص صار يشتغل عندك
وانا شغلته لكن ما اشتغل ال DSL فأتصلت على الاتصالات وقلت لهم السالفه وقالو لي بنرسل لك فني يفحص البوكسيه حقة تلفون بيتك وجا وفحصها ولقى فيها اشاره ,, وكان بس المطلوب ان يجي الفني مره ثانيه ويظبط الاسلاك من داخل البيت ,, علشان الDSL يشتغل على فتحة تلفون واحد وبس بالبيت
فهو جا وبرمجها وضبط كل شي وانا شغلت النت علشان اتأكد ,, ولقيت انه فعلاً اشتغل الدي اس ال
فإذا تبغى رقم الفرع حق اول نت اللي انا اتصلت عليهم وجا وضبط كل اموري ؟
قل لي ومالك الا يصير خاطرك طيب


القهر اني مستعد ادفع آآلاف بس يركبونه ..

:D ابيك توفر لي اكس بوكس ممكن ؟ :D لأني ما عندي الا بلاي ستيشن 2 :D
Black Rash
24-06-2006, 02:47 AM
الله يعينك.......انا طلبت الـ DSL بعد شهر ونص ركبوه واشتركت باول نت...:D

الله يعينك :(
Blue Ocean
24-06-2006, 12:46 PM
بعض الناس فاهمين غلط المشكلة مو عندنا بشركات الDSL مقدمين الخدمة واجد ولله الحمد والتركيب مايستغرق اسبوع بالكثير لكن المشكلة في امكانية التركيب يعني المقسم ورقم التلفون هل عليه امكانية التركيب ام لا وهذه مسؤولية الاتصالات السعودية لانها هي الوحيدة المقدمة لخدمة الهاتف الارضي
Kasser
24-06-2006, 01:16 PM
وانا بعد نفس حالك الدي اس ال مافيه بمنطقتنا .. لكن فيه خدمة تبشر بالخير بس للحين ماجت وتاخرت وهي الكترونت (http://www.electronetonline.com/)

مالها علاقة بالاتصالات .. لها علاقة بشركة الكهرباء السعودية (الاتصال عبر الكهرباء) ومالها الا رسم واحد وهو تدفع لشركة الكترونت حسب السرعة المطلوبة .. الكهرب ماتاخذ ولا قرش

هذا خيار في المستقبل اذا نزلت الشركة المودمات ... اذا :yuck:


واذا انت مستعد للانفاق اموال طائلة .. ركب اوربت ساتنت اسمع ان فيه سرعة upload سريعة يعني يمكن زين للالعاب
http://www.orbitsatnet.com/HomeSolution.aspx
StOrM_x.M.x
29-06-2006, 10:53 PM
تحذير...
الاتصال الفضائي لايشغل الالعاب ... ووالله لاقولها كلمة حق الدي اس ال 256 احسن من الفضائي 512 ...
هذا في السعوديه ..لان مايقدم الخدمه الا شركه واحده هي شركة اوربيت - خسف الله بها - << حاقد عليها ..orbit أخذ منها صالح كامل الدوري السعودي ..طيب وش بقالها ؟؟ الدوري السيريلانكي!!! هههههه

وفقك الله ياصالح كامل
viva LA rasa
30-06-2006, 09:49 PM
اخوي انت متاكد انه الالكترونت يشغل خدمة لايف
Havoc
28-07-2006, 04:58 PM
الستالايت في السعودية سواء اوربت او غيره سئ بالنسبة للألعاب لأنه غير مستقر و سرعة الSend ضعيفة او يقطع كثير

تحياتي
سلماوي
28-07-2006, 09:18 PM
الستالايت في السعودية سواء اوربت او غيره سئ بالنسبة للألعاب لأنه غير مستقر و سرعة الSend ضعيفة او يقطع كثير

تحياتي



يااخي الموضوع قديم لاترفع مواضيع قديمة مره ثانية :biggthump

:sadwavey:
hell-bottom
04-08-2006, 11:11 AM
والمشكله اذا تكرمو وركبوه يكون الاتصال بطيء جدا عكس السرعه المشترك بها . وهذي المعلومه قالها مهندس اتصالات معروف .