المساعد الشخصي الرقمي

مشاهدة النسخة كاملة : مو بس عدد الأحصنه هو اللي يعني قوة السيارة ....


سكوال
12-11-2001, 09:56 AM
لاحظت فيكم ياشباب ..انكم ماتتهمون الا لعدد الأحصنة .... وخصوصا ذاك الغبي ماجد الرشيدي (جيتليوه) ..:)اللي مسوي نفسه فاهم في السيارات .. :)





بسم الله ...



ياذكي انت واياه ........... مواصفات السياره مو بس في عدد الأحصنة ...



ولا كانت الكورنيش سبقت الفيراري زي السلام عليكم .......


او مثلا كانت الكماروss تقوم على الكورفيت ....


فيه اشياء كثيره غير كذا .....


مثلا (اهم شيء )عامل الإنسيابيه ..

وهذا هو السبب في ان الليكزس مع ان ماكينتها اضعف بكثير من s500 الا انها تقدر تقوم عليها .....

عامل انسيابه الليكزس قريب من 29,

اما المرسيدس تتعدى 35 ,


وفيه طبعا وزن السياره ....... وفيه سعة المحرك وعدد الصمامات

هذا طبعا غير الإضافات الجانبيه التيربو او الكومبريسور او الكويك شفت او ..او..او


ويكون في علمكم انه اقل شيء مثل (الجناح الخلفي) او (شبك الراديتر) يأثر في سرعة السياره لأنه يقلل احتكاكها بالهواء .... ويسمح لأكبر كميه من الهواء تدخل الماكينه عشان تبرد ...







خلاص تعبت .. بس انشاء الله تكون فمهت ....
Knight
12-11-2001, 10:40 AM
صح كلامك
وراح أعطيك مثال
رفيجي عنده Lumina Ss 2001 عدد الأحصنة 325
قاوم ( معناتها عند إخوانا السعوديين "تطارح")
مع Camaro Z28 2000 عدد الأحصنة 305
لاكن الفائز كان الكمارو

بس عندي سؤال على :
أنت قلت
"او مثلا كانت الكماروss تقوم على الكورفيت"
الكورفيت دائما عدد أحصنته أكثر من أي كمارو
mr.BAD BOY
12-11-2001, 08:21 PM
انا سمعت ان اللومينا ss
تقوم على الودي tt
صح ولالأ؟؟?: ?: ?: ;)
Davids26
13-11-2001, 01:49 PM
يا أخ سكوال في ما قلته

هو ألي سوق السياره

تجيبلي واحد قشير كل له سوق كومارو SS أو لوميناSS

بخش في أقرب لمبه;)
باباسنفور
13-11-2001, 09:50 PM
صح
اخبر كل الناس همهم الاحصنه
LEGENDARY TIGER
16-11-2001, 01:30 PM
صح الناس كلهم يقيسون السياره
على عدد الأحصنه:D
رونالدووووووو
16-11-2001, 02:01 PM
لكن انا اهم شئ عندي الشكل :أفكر:
NFS
18-11-2001, 02:14 PM
أخوي سكوال

الأشياء إللي ذكرتها أنت صحيحة فالأنسيابية يتضح تأثيرها على السرعات العالية والوزن الخفيف يكون مفيد عند التسارع من صفر إلى سرعات متوسطة "مثل 150كلم/ساعة" ، لأن وزن السيارة يتغير مع السرعات العالية فإما يقل أو يزيد تبعاً لأنسيابية السيارة.


لكن أنا أختلف معاك في قضية القوة الحصانية ، فالقوة الحصانية مهمة جداً فهي تلعب دور أساسي في تحديد أداء السيارة ، فمثلاً العناصر الرئيسية التي تؤثر على السرعة القصوى لأي مركبة هي:
(1)- القوة الحصانية "وليس العزم كما يتصور البعض".
(2)- الأنسيابية.
(3)- طول نسب ناقل الحركة "Gears Ratio".