مشاهدة النسخة كاملة : <<كاديه يحرك الجو >>(بالجمعية وعند باركينغ
هلاااع
مشتاقلكم <<العن ابو دارك انت معشعش اهني
بعض موضوع بربيكان هذي حياتي
قلت اكتب موضوع ثاني صارلي مع مشروب ثاني
وعلشان تنشيط للمنتدى
طبعا كلكم سعتوا بكاديه ودعايته الي تطلع بالتلفزيون وشعارهم كاديه يحرك الجو
المهم رحت الجمعية وياليتني مارحت
علشان اجربه>>>معلومة أي مشروب جديد ينزل الجمعية لازم اجربه :32:
صفطت سيارتي عند المواقف وشوي ولا يصفط جمي سيارة سوبر جديد نزل منه واحد كبير ومعاه بنته
المهم رحت باخذعربانة وماشي فيها
وددوووووووب صار حادث بالعربنات
البنت : ماتشوف يالعمي
انا : :bigeyes: منو انا
البنت : لا امي اي انت
انا :هدي اعصابج يبا .... داعما سيارة انتي كلها عربانة
ترا هي البنت الي انزلت من السيارة
المهم رحت الثلاجة وخذيت ثلاثة 3 ابطولة كاديه (اخضر واحمر وازرق )
وطبعا شريتلي كم شغلة من الجمعية
المهم
رحت للكاشير ابي احاسب
وصارلي موقف
البنت : يبا هذا من اليوم يلحقني
الاب : وينه
البنت : هذا الي واقف
وانا اسوي نفسي ما اسمع شي
الاب : انت هي
وانا اتلفت يمين ويسار
الاب : شفيك تتلفت في احد غيرك اهني
انا : اي الهندي هذا وفي المحاسب
الاب : انا ابيك انت
انا : خير في شي؟
الاب : شعندك مع بنتي:12:
انا : نعم ؟؟....بنتك ...ش ش ش شفيها بنتك:02:
البنت : يبا هذا يلحقني من مكان لمكان ويدعمني بعربانته كل شوي وحتى شرا نفس الي شريته العصير هذا
انا : متى صار الحجي هذا :31: ....وبعدين شنو اسم العصير هذا
البنت : كاديه
الاب : ان شفتك قربت لبنتي مرة ثانية ذبحتك
انا : بس خلاص ما كو شي ثاني
الاب : اي خلاص حلاو هو
واهني مثل ماتقولون جبل انزاح عن ظهري
وانا اسوي نفسي طيب
انا : تفضل حجي اطلع قبلي
وطلع يحاسب وما احس الا شي طقني برجلي
انا : اخ شنو هذا
البنت (بصوت واطي ) :علشان اتعلم ياحمار شلون اترقم بنت
انا : اعوذ بالله .. حرام
البنت : اتجذب على منو ....انت واضح مغازلجي
انا : لا يبا حرام اسوالف هذي >>>اسوي نفسي بريئ:32:
البنت : تبيه ولا لا
انا : شنو هو
البنت : يعني شنو اكيد الرقم
انا : من صجج انتي ... يامعودة ابوج واقف اهني ترا.... هذا وقدامه اتسوين جذي
البنت : اخلص خوذه لا اقول لابوي انك اتحرش فيني
انا : امري لله ....جيبيه
وخذيت منها الرقم واول ما تبي تطلع من الباب طالعتلي وانا بكل شجاعة واقدام عفست الورقة وقطيتها بالارض ودست عليها>>>كأني ذبحت شارون بهاللحظة صار عندي غرور :silly:
المهم حاسبت وطلع الكاشير نصاب يبي يبوق مني فلوس بس انا ماتمشي علي السوالف هذي جكيته وعرفته
وبرا الجمعية صار
لحد يرد وراي الا لما اخلص من الموضوع
برا الجمعية تحديدا عند الباركينغ
رحت ابي اركب سيارتي وشفت السوبر يبي يحرك من اهني
ولا البنت هذي نزلت الجام وأشأرت على باب سيارتي
رحت للباب لقيت ورقة عند يدة الباب مكتوب عليها
امانة دق علي ثواني بس بكلمك
وكاتبه الرقم تحت
المهم ركبت سيارتي ورجعت ورا بالسيارة
وفجاة ططططططططططططخخخخخخخخخخخخ
انا : ياربي اشسويت انا علشان كل هذا يصيرلي اليوم
نزلت من السيارة ورحت ابشوف منو الي دعمني
واشوي ولا تنزل مرا (امرأة ) من السيارة وطبعا سيارتي راحت فيها
انا : شصار:12:
المرا : اسفة ما شفتك كنت اتكلم بالتلفون
انا : وين اصرفها اسفة ...شوفي شلون عدمتي السيارة
بدا الناس يتجمعون
المرا : شفيك يالعمي ماتشوف
انا : منو انا
المرا : لا انا اي انت
انا : اليوم شسالفتكم يالحريم معاي عاد والله اني تكانة
المرا : مو شغلي ..انا الحين باتصل على زوجي
انا : دقي وانا بدق على 777 (الشرطة )
احد الجمهور : ياولد شكلها المرا هذي راعية مشاكل خلها تولي وروح بسيارتك
انا : وين اروح شوف الدعامية طاحت والاصطابات تكسرت وانعوجت الدبة
والله جديدة سيارتي توني مشتريها
جت الشرطة وتم شرح السالفة للشرطي بس تدرون منو طلع الشرطي
واحد من جيرانا :bigok:
الشرطي : ها خلوووووود شفيك
انا : هذي داعمتني واعتذرت ولما شافت الناس قامت اتصارخ
الشرطي : واضح ان الغلط عليها
وبعدها جا رجل طلع زوج المرا
الزوج : خير اشصاير
وتم شرح الموضوع
الزوج : انزين كم تبي حق التصليح
انا : مدري ما اعرف
الشرطي : مو اقل من 250 دينار
انا :شنو 250 يبا هذي بي ام مو شفر
الزوج اوكي صلح السيارة ودزلي الفاتورة
وبعد انهاءالسالفة
رحت البيت وقعدت بالديوانية افكر بالي صارلي اليوم
فتحت بطل كاديه وتذكرت الرقم
بعد تفكير قلت اتصل عليها اشوفها شتبي
تووووووووووووووت توووووووووووت توووووووووووت
البنت : الو
انا : الو
البنت : منو معاي
انا : الي بالجمعية
البنت : شتبي داق
انا : السالفة فيها شتبي داق يلا باي
وصكرت التلفون
بعد خمس دقايق رن تلفوني
انا : الو
البنت : اشفيك زعلت
انا : اليوم صارلتي مواقف تشيب شعر الراس ومالي خلق خربطة
البنت : حبيب لا ......
انا : شنو حبيبي توني متهاوش معاج والحين صرت حبيبج
البنت : انت ما سمعت بحب من اول نظرة
انا : بس ماتوصل جذي......انتي شتبين تراج اذيتيني
البنت : ابي اتعرف عليك
انا : وليش يعني ؟؟؟
البنت : بس تعارف
انا : ماعندي وقت حق السوالف هذي
البنت : وزير وانا مادري
انا : اخلصي شتبين
البنت : انا احب الصبي الي يزف
اهني قعد افكر شصار بالبنات
انا : انتي الظاهر فاصخة الحيا مولية
البنت : ياغبي مو الحين تتحكم فيني بعد ما نتزوج سو الي تبيه
انا ::bigeyes: :bigeyes: :bigeyes: شنو زواج ؟؟
البنت : اي انت مو راح تتزوجني
انا : خبل انا اتزوجج ..... وبعدين توني صغير عالزواج وثانيا انتي ماعندج حيا ومستحيل اتزوج وحدة من هالنوع
البنت : يعني مسوي نفسك شريف انت
انا : الشرهة مو عليج الشرهة علي انا الي قاعد اضيع وقتي معاج
وسديت التلفون بوجهها
وبعد دقايق جاني مسج
مكتوب فيه
حبيبي انا مستحيل اخليك لازم نتعرف على بعض
وانا بدوري دزيتلها مسج
اذا شفتج دقيتي عالرقم هذا او حتى شفت مسج رحت لابوج وقلتله الموضوع>>>وانا ماعرف منو ابوها حتى
وافتكيت منها ما قامت تدز لي مسجات يومها
بس للحينها مزعجتني بمسجاتها
واخرتها تقولي بس ابي اسمع صوتك
انتهى الموضوع
ملاحظة عاد اهني محد راح يجاملني ويقولي موضوع حلو لاني ادري انه سخيف
والي يبي ينتقد الموضوع فأهلا وسهلا لان رأيكم يهمنا وهو دليل على المعزة:kiss:
TiTaN
17-07-2006, 06:51 PM
جلست نص ساعة أحاول أفهم الموضوع << الأخ أبله و ما يعرف شي عن اللهجة الكويتية
بس بصراحة البنت شي عجيييب :أفكر:
علشان اجربه>>>معلومة أي مشروب جديد ينزل الجمعية لازم اجربه
فاضي ما شاء الله :D
انا : اي الهندي هذا وفي المحاسب
يلعن أبو الإستهبال يا شيخ :D
المرا : اسفة ما شفتك كنت اتكلم بالتلفون
نتائج قيادة المرأة للسيارة <<أسكت سارت معاك مرتين قبل كدا :D
موضوع لا بأس به .......:)
بنت رزه بس رجه
17-07-2006, 11:24 PM
ههههههههههههههههههههههههههههههههههههههههههههههههههههه
بجد قوووصه تووووحفه :p
هذولا الحريم
إن كيدهن عظيم :o <<< وش تسير الإخت -.-"
بصراحه مواااااقف لا تحسد عليها
و بعدين أنا من عشاااااق الكاديه و خاصة الأزرق بس يكون أصلي
يعني لونه أزرق غااامق <<< خبره :D
يسلموووو على القووووصه
و بإنتظار مواقف ثانيه :09:
سلاموووون
;)
TiTaN
جلست نص ساعة أحاول أفهم الموضوع << الأخ أبله و ما يعرف شي عن اللهجة الكويتية
حرام عليك
عاد انا كاتبه لاقرب مايكون اللهجة السعودية
وبعدين خليجنا واحد:p
فاضي ما شاء الله
اي الحمد لله
نتائج قيادة المرأة للسيارة <<أسكت سارت معاك مرتين قبل كدا
صراحة احسدكم انا علشان المرا ماتسوق عندكم
والله فيها مصايب وكلها حوادث الله يكافينا الشر
موضوع لا بأس به .......
يعجبني راي الصريح
شكرا اخوي لردك وحضورك
بنت رزه بس رجه
ههههههههههههههههههههههههههههههههههههههههههههههههههههه
بجد قوووصه تووووحفه
هذولا الحريم
إن كيدهن عظيم <<< وش تسير الإخت -.-"
اي والله
بصراحه مواااااقف لا تحسد عليها
صارت معاي مواقف الله لا يوريكم
بلاوي والله
بعدين أنا من عشاااااق الكاديه و خاصة الأزرق بس يكون أصلي
يعني لونه أزرق غااامق <<< خبره
لا انا ما عجبني وايد
يعني قعد معاي اسبوع بس
يسلموووو على القووووصه
و بإنتظار مواقف ثانيه
اا في وقت ابكتب موقف صار معاي ويا ريد بول
شكرا اختي لردج وحضورج
floona
18-07-2006, 10:12 AM
هذا كلة من الكاديه من جد حرك الجو عندك بس انا تعبت اغصب نفسي واشربة عشان يحرك الجو عندي بس مافي فايده نحاااسة:D
هذا كلة من الكاديه من جد حرك الجو عندك
ههههههههههههه
حرك الجو وسبب لي مصايب:p
بس انا تعبت اغصب نفسي واشربة عشان يحرك الجو عندي بس مافي فايده نحاااسة
نحاسة خخخخخخخخخخخخخ
شكرا اختي للرد والحضور
Freaky Angel
21-07-2006, 01:56 PM
والله كاديه جاب فيك العيد :09:
ننتظر جديدك
اتمنى يكون مع بايسون :D كلك حركات
NoOr DrBi
22-07-2006, 01:55 AM
البنت : اتجذب على منو ....انت واضح مغازلجي
انا : لا يبا حرام اسوالف هذي >>>اسوي نفسي بريئ:32:
ههههههههههههههههههههههههههه........ برئ ها..
بعدين اذا ما تبي تسولف معاها زي ما تقول
ليه دقيت اساسا والرقم ليه جلس معاك..........ممممممم يمه منك..
عموما...
إلا الموضوع حلوو يعني (((قصه ما قبل النوم...
وبعدين ترى نازل شراب جديد
اسمه(( مزاج)) لا يفوتك..
فيه مزاج الروقان..ومزاج التأمل..ومزاج الكرم..وووو
انا جربت الكرم...عشان كذ1 انا سايره كريمه حتى بالرد.
يالله طولتها وهي قصيره..وعقبال ما اسمع قصتك مع مزاج.
يالله:ببا
TEDUSE 1=BAGGIO
26-07-2006, 07:40 PM
ما راح أقول الموضوع جميل ( مع انه جميل ) بقول الظاهر انت جميل و لا ليش البنت تقردنك . :أفكر:
بعد ما قريت الموضوع قررت اني أروح و أشتري ااالمشروب جربت كل الانواع الا الاناناس لانه ما يعجبني الاناناس يوم يكون عصير و أنا الصراحه أفضل اللون الازرق .
أنا من فتره رحت محطة البترول الي يمب بيتنا و لقيت مشروب ما أعرف له جديد و لا قديم اسمه شانتال على ما أظن مع اني شاربه أكثر من مره بس دايم أنسى الاسم بس الصراحه مشروب عجييييييييييييييييب أحلى مشروب شربته ليومي و في له أكثر من لون اليوم بروح الجولة الليليه حقي و بتأكد من الاسم .
تسلم على الموضوع و ىسف على الاطاله .
haman
27-07-2006, 04:01 AM
ههههههههه يا وحش يا قوي
خخخخ شعندك خلّود كاديه من ورانا
الوردي وبس
انزين هل دبه الي مللتك
دزها علي اوريك فيها الويل خخخخخخخخخخخخخ
احب الي يتنقرشون في الناس
اطلع لهم قرون خخخخخخخخ
تبى الصرحه السالفه حللللللللوه واعجبتنى :D
بس بصراحه مستغربه حركته البنت
وانكم معفوسين من البنات :09:
وشكلها يوم تقول لاابوها عنك تبى تجذب انتباهك :33: <<< يلا بدت تتفلسف -_-" على بالها كونان
وعندك هوايه عجيبه << تجربه كل مشروب
يعنى لما نجرب كل مشروب تصير معنا مواقف لا تنسى :33:
حلو خلاص من اليوم وقبله بصير اجرب كل مشروب :D << عبط >.<
تشخرات على الموضوع المفطوووور
تسلماااااااااات
Trezeguet
والله كاديه جاب فيك العيد
يامعود أي عيد
سوالي الويل
NoOr DrBi
ههههههههههههههههههههههههههه........ برئ ها..
بعدين اذا ما تبي تسولف معاها زي ما تقول
.
والله بريئ ماكنت اهتم فيها ولا حطيتها على بالي
ليه دقيت اساسا والرقم ليه جلس معاك..........ممممممم يمه منك.
يمكن فضول بس
إلا الموضوع حلوو يعني (((قصه ما قبل النوم...
يعني قصة الف ليلة وليلة
وبعدين ترى نازل شراب جديد
اسمه(( مزاج)) لا يفوتك..
فيه مزاج الروقان..ومزاج التأمل..ومزاج الكرم..وووو
انا جربت الكرم...عشان كذ1 انا سايره كريمه حتى بالرد.
يالله طولتها وهي قصيره..وعقبال ما اسمع قصتك مع مزاج.
اول مرة اسمع فيه
TEDUSE 1=BAGGIO
ما راح أقول الموضوع جميل ( مع انه جميل ) بقول الظاهر انت جميل و لا ليش البنت تقردنك .
يعجبني فيك تفهمها وهي طايرة
بعد ما قريت الموضوع قررت اني أروح و أشتري ااالمشروب جربت كل الانواع الا الاناناس لانه ما يعجبني الاناناس يوم يكون عصير و أنا الصراحه أفضل اللون الازرق .
انا ماعجبني فاشل:silly:
أنا من فتره رحت محطة البترول الي يمب بيتنا و لقيت مشروب ما أعرف له جديد و لا قديم اسمه شانتال على ما أظن مع اني شاربه أكثر من مره بس دايم أنسى الاسم بس الصراحه مشروب عجييييييييييييييييب أحلى مشروب شربته ليومي و في له أكثر من لون اليوم بروح الجولة الليليه حقي و بتأكد من الاسم .
انت رايح تشرب مشروب ولا بنزين :09:
امممممممممممممم
شانتال هذا جني سامع فيه
جولة ليلية الاخ مباحث
حبيب قلبي
تسلم على الموضوع و ىسف على الاطاله
حياك الله بأي وقت:biggthump
haman
هلا حمونة
ههههههههه يا وحش يا قوي
:D :D :D
خخخخ شعندك خلّود كاديه من ورانا
ما وصلك الخبر:31:
انزين هل دبه الي مللتك
دزها علي اوريك فيها الويل خخخخخخخخخخخخخ
اي مو هي مقطوطة بالشارع ادورها واعطيك اياها
املغني
شنو رقمها ادزه لك
ترا والله في نوعية يغازلون دوليا:32:
احب الي يتنقرشون في الناس
اطلع لهم قرون خخخخخخخخ
شكلك تحب تظحك عالعالم
رعبه
تبى الصرحه السالفه حللللللللوه واعجبتنى
ياحبكم للسوالف هذي
بس بصراحه مستغربه حركته البنت
وانكم معفوسين من البنات
منعفسين وبس
لا والحين طالعين لنا بسالفة البويات
وعندك هوايه عجيبه << تجربه كل مشروب
فاضي شسوي
يعنى لما نجرب كل مشروب تصير معنا مواقف لا تنسى
حلو خلاص من اليوم وقبله بصير اجرب كل مشروب << عبط >.<
يقولون
تشخرات على الموضوع المفطوووور
تسلماااااااااات
هذا تأثير نوع جديد من الحشيش
شكرن اخواني واخواتي على الحضور والتشريف
sweet Mio
09-08-2006, 04:39 PM
هههههههههههه
العتب مو عليك
العتب عالبنت التافهة
لكن ماكان له داعي تتصل عليها لان معرف هالمستوى الهابط من هالنوع لا مستوى ولا أخلاق ولا تربية
عالعموم انا والله ضحكني موقفك بقمة البلاهة:D كأنك ما تدري باللي حوليك ^^
ناطرين موقف يديد مع مشروب يديد
على فكرة انا اموت بشي اسمه كاديه ...
^^
هههههههههههه
العتب مو عليك
العتب عالبنت التافهة
لكن ماكان له داعي تتصل عليها لان معرف هالمستوى الهابط من هالنوع لا مستوى ولا أخلاق ولا تربية
منتشر المستوى هذا
عالعموم انا والله ضحكني موقفك بقمة البلاهة كأنك ما تدري باللي حوليك ^^
على نياتي انا :o بريئ
ناطرين موقف يديد مع مشروب يديد
على فكرة انا اموت بشي اسمه كاديه ...
بالقريب العاجل
شكرا اختي عالمرور
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .