الكوبي في الهند

[khalid_dew]

السلام عليكم ورحمة الله وبركاته:-
اهلا بالجميع في الموضوع وطبعا انا نادر ما اكتب موضوع ولكن هذا الشيء ادهشني وقلت استشيركم.....

انا اليوم بعد ما صليت الجمعة في المسجد رحت لسوق الالعاب ولقيت في محل الاكس بوكس ان الرجال يقول الكوبي موجود....قال هيركب قطعة في الجهاز وشفت الالعاب المنسوخة بنفسي في العلب....وقال لي انه ركب في اكثر من 30 جهاز .....القطعة ب 200 ريال والالعاب ب 50 ريال......واللايف يشتغل عادي ومجربه هو شخصيا......وش رايكم؟ اركبه او لا؟؟؟

[e4me]

ممتاز , بس لاتركب

[khalid_dew]

عندك سبب ؟ سامع شيء؟

[وحليله احلام]

تاكد ان الايف يشتغل في الكوبي
والله اعتقد مستحيل بس في عالمنا هذا كل شي جايز
انشاء الله الاخوان بيوضحون لنا

[khalid_dew]

على حسب كلام الرجال وهو واثق من نفسه يقول لو الجهاز ما اشتغل اللايف او خرب اي شيء فيه بيعطيني جهاز ثاني.....وقال ان كل اللي ركب لهم القطعة اشتروا منه اشتراكات Xbox live بعدها عشان يلعبون..

[kingx11]

^^^^^^^^^^^^
بلغ البلديه عليهم<<<<<نذل خخخخ


الكوبي نازل من زمان في تايلاند والصين وسعره 20 ريال مب 50 بس للحين ماصار شي موثوق فيه ورسمي

هذا كلام اول شخص نسخ كوبي وشغله بنجاح

[Jiraya__Sama]

الى الآن مافي أي خبر إنه في أحد تقفل جهازه عشان شغل كوبي في الايف

بس يمكن Microsoft تبغى تستدرجنا و تاخذنا على غفله

الوقايه خير من ألف علاج

[khalid_dew]

ما اظن انه القطعة اشتهرت مرة ولهذا السبب ميكروسوفت ما اشتغلت على الموضوع بجدية....انا بركبها بكرة ان شاء الله واتكل على الله وإن خرب الجهاز يصير الحمدلله لان انا اصلا كنت برفع الجهاز لان السنة الدراسية بتبدأ بعد اسبوعين....خربانة خربانة

[NGC]

طيب ممكن تسأله عن اسم القطعة على الأقل ؟!

عشان نتأكد من الخبر

[khalid_dew]

اها اوكي لمن اركبها بكرة اقول لكم اسمها هنا ان شاء الله

[ramadan2222]

طيب اخوي هوا في اي مدينة يعني جدة ولا الرياض وممكن العنوان المحل
وشكرا

[khalid_dew]

أخي Ramadan2222 انا اتكلم عن محل في الهند اما في السعودية فما اظن ان المحلات تركب القطعة مع العلم انهم مجربينها والله اعلم
انا ما اقدر اساعدك لاني في السعودية ما اعرف الا مكان او اثنين بس.....

[K O T S H Y]

خالد لو ركبتها بتودع اللايف صدقني و لو ما اتكفشت القطعة بكرة ينولون ابديت يكشفها

[Emirates]

الى الاآن حتى عندنا في الامارات

مافي شي مضمون كلها تجارب ومتخوفين من تجربتها


الف شكر

[khalid_dew]

اوكي....لو اتكشفت القطعة ....ايش اللي يحصل؟؟؟؟
هيوقفوا الجهاز ولا القطعة بس؟
بعدين حبيت اقول ان انا اصلا لست من عشاق اللايف ولهذا السبب اصلا ما جددت اشتراكي....انا دائما احب العب الالعاب بمراحلها العادية مو الMultiplayer.......اكيد انها خطوة فيها risk for xbox live lovers بس انا ماني واحد منهم....

[Emirates]

اوكي....لو اتكشفت القطعة ....ايش اللي يحصل؟؟؟؟
هيوقفوا الجهاز ولا القطعة بس؟
بعدين حبيت اقول ان انا اصلا لست من عشاق اللايف ولهذا السبب اصلا ما جددت اشتراكي....انا دائما احب العب الالعاب بمراحلها العادية مو الMultiplayer.......اكيد انها خطوة فيها risk for xbox live lovers بس انا ماني واحد منهم....

بس هل تضمن انها ما تخرب العدسه او شي يستوي بجهازك خارج الضمان

خصوصا الجهاز لا يزال سعره مب هين


لا تتسرع افضل لين ما يتأكد الامر ويمر عليه كم شهر

نصيحتي لك ;)

[محترف حب 1]

جيم تراك في جده يركب القطعه بـ 300 ريال

[mr.2pac]

انت من صدقك ألحين في الهند

[khalid_dew]

Cervantes عزيزي مشكور على خوفك على ولكن ما دام الرجال قال انه بيعطيني جهاز جديد لو خرب حقي اذا ليه لأ!!!!
هههههههه ايه بالهند لفترة الدراسة...

[mr.2pac]

هههههههه ايه بالهند لفترة الدراسة...
الله يوفقك في الدراسة

[khalid_dew]

ويوفق الجميع في حياتهم ودراستهم واعمالهم...آمين
مشكورين جميعكم على مرروركم والموضوع ما زال يرحب ان كان هناك من يريد ان يكتب فيه واشكر المراقبين على هذا القسم بطرح موضوعي

[mxmail]

اخخخخخخخخخخخخخخخ العالم يتطور واحنا اخر ناس بيصل الكوبي عندنا

[khalid_dew]

السلام عليكم....
احب ابلغكم ان الالعاب شغالة 100% وانا اشتريت Full auto و PGR3 و Tomb raider وبعد يومين Prey و Farcry ......وهي ما طلعت قطعة بل برنامج يحطوه في الجهاز ويشغل الكوبي....وايضا الحمدلله الجهاز عادي 100% ولا يعلق ولا شيء...المهم بس حبيت اطمئنكم

[باب الالعاب]

يشتغل عليه الايف ولا لا ؟

[khalid_dew]

والله لسه ما جربت ولكن ان شاء الله بالليل بدخل على اللايف

[mr.2pac]

انزين ماأقدر أطلبه و يطرشونه ع البيرد
لأن ما ولا محل في الأمارات عنده
ينزل ف الهند و ماينزل ف الامارات فضيييييييييييحه

[e4me]

:) كيف جو New Delhi وياك , يقولون برد ,

ننتظر رايك بخصوص القطعة وهالالعاب تعلق ولا لا ؟



ينزل ف الهند و ماينزل ف الامارات فضيييييييييييحه


شفيها الهند ؟ تعرف ليش لانها قريبة من دول الكوبي الي هيه بانكوك , يقولون الديفيدي الكوبي
في الشوارع يبيعونة , لكن حمد 11 ماحصل ,

اقولك اخوي خالد , تحمل عن تنزل الابديت ويروح الاكس وياه
خحخخخخ

قلبنا وياك والله , انت فار التجارب بتاع القطعة لوووول

حتى ولو نزلت مابركبها , احب العب اونلاين اكره العب فردي

[RxPRoRx]

الهند عندهم كهرباه !!

amazing

[Winter_wolf]

الهند عندهم كهرباه !!

amazing
Gimme my money back..

--

هاه خالد بشرنا, عسى ماصادوك باللايف :D ؟

[e4me]

هاه خالد بشرنا, عسى ماصادوك باللايف :D ؟

مسألة وقت ,,,,

[Winter_wolf]

يمكن بيرفع راسنا ويكون اول واحد بالتاريخ يصيدوه بالـ360 Live لول, راح نسمع خبره بجيم سبوت

[e4me]

خخخخخ في موقع xbox الرسمي ان شاء الله بعد لووول

[khalid_dew]

ههههههههههههه الحين بجربه اقول لكم .......ان شاء الله اشرفكم

[khalid_dew]

السلام عليكم على الجميع والحاقدين ((((متحمس مررررررررة))
قد تم وبنجاح تشغيل الجهاز على اللايف وتفقدت الماركت بليس وكله شغال ودخلت السي دي الكوبي ودخلت على ال Leaderboard في لعبة Full auto وجاب لي المعلومات والملف حقي تجدد بال Score الجديد....يعني كله تمام في تمام والحمدلله وما شاء الله....

[khalid_dew]

اللي يقرا الموضوع من الان ممكن اي احد يساعدني في الوحش اللي كله نار في تومب رايدر....كيف اموته؟؟؟؟؟؟؟ استخدمت المسدس ولكن ولا كاني اضربه.....شاب راسي وانا معلق على الزرار

[Winter_wolf]

You gotta be kidding me |:

Well, افضل حل للاحتياط انك تنتظر التحديث القادم من مايكرو, لو ماكشفوك, وقتها في امل D=

ومبروك, جربت تلعب كم مباراة باللايف؟

[e4me]

اللي يقرا الموضوع من الان ممكن اي احد يساعدني في الوحش اللي كله نار في تومب رايدر....كيف اموته؟؟؟؟؟؟؟ استخدمت المسدس ولكن ولا كاني اضربه.....شاب راسي وانا معلق على الزرار

استعمل السيف الاخضر , لوووول

[khalid_dew]

هههههه winter wolf انا ما عندي اشتراك Gold لاني ما عندي Visa ولكن عندي الاشتراك الفضي العادي....ويش سيف اخضر؟؟؟؟

[e4me]

سيف في سيف اخضر , ماحصلتة شو , ولا تعال انت اي مرحلة انا تحسبتك تتكلم عن الاخيرة ,
اذا ماعرفت اي شي شوف ال Faq للعبة
Www.games4arab.com

[khalid_dew]

مشكور اخوي وما قصرت بس انا خلصت ذيك المرحلة الحين انا معلق في مكان الملك آرثر...الله يعين

[e4me]

أسهل مكان لووول الله يعينك ع الوحش في اخر المرحلة

[Angry Odin]

الحين ان ركبت البرنامج بالهند ؟؟؟؟ لانه اذا برنامج ومافي داعي لفتح الجهاز ماعندي مانع اخذ جهاز ثاني واخليه للكوبي بس ..

[khalid_dew]

angry odin هذا اللي قاله لي الرجال انه ماهو قطعة والحل الافضل انه يركب لي برنامج....وركبه والجهاز ما شاء الله عسل 100%

والله متورط في الوحش ذا يا e4me ......يا اخي الحبل ما يطلع في الوقت المناسب......وما عندي اسعافات ولا رشاش....الله يعين

[e4me]

:p انا صار لي مثلك , عدت المرحلة كلها مرة ثانية لووووول

[khalid_dew]

افا وش اعيد مافيني طاقة...جالس العب من امس وما نمت.....اللعبة هذي ادمان!!!
يعني استحالة اعديها بالمستوى هذا؟

[e4me]

مستحيييييييييييل ماتقدر انا حاولت لووول شهر كامل

[khalid_dew]

آآآآآه رحت وطي

[K O T S H Y]

السلام عليكم على الجميع والحاقدين ((((متحمس مررررررررة))
قد تم وبنجاح تشغيل الجهاز على اللايف وتفقدت الماركت بليس وكله شغال ودخلت السي دي الكوبي ودخلت على ال Leaderboard في لعبة Full auto وجاب لي المعلومات والملف حقي تجدد بال Score الجديد....يعني كله تمام في تمام والحمدلله وما شاء الله....

ب ديت الجاي ينزلون تحديث يوقف دخول اللايف لأنهم اكيد الحين بيسوون اختبارات على الكوبي

[Cyber Master]

هل الألعاب الأصليه تشتغل عندك الحين بعد تركيب البرنامج؟

[khalid_dew]

ايه الاصلي شغال 100%
يا كوتشي روق يا ابو الشباب خلنا نفرح بكم لعبة ...لازم يعني تجيب سيرة الموت (ميكروسوفت) ههههه