رسالة خاصة لننتندو وعامة للجميع

[The Elder]

اولا السلام لكل الاعضاء الكرام
هذي رسالة خاصة لننتندو بس برضه تهم الجميع

الي الاخ ننتندو ...... التحيه وبعد،

يعلم الجميع انك توك راجع بعد غيبة طويييلة (بالنسبة لنا) عن المنتدى. قبل ما اقول لك وش المطلوب منك، خليني اقول لك ليش اصلا باطلب منك من الاساس. انا اعتقد ان اي شخص يتعرف على احد ويصيرون اصدقاء على طول يصير بينهم عقد غير مكتوب. العقد يقول انهم ما يخونون بعض، ما يكذبون على بعض، ما يخبون على بعض شي، يبحوث دائما عن ما يفيدون بعض فيه ،،، والاهم انهم ما يتركون بعض بدون سبب او على الاقل شرح السبب. الحين انا اعتقد انه من حقي ومن حق كل الاعضاء كاصدقاء ان نامرك (وليس نطلب منك) الاتي:

1- ابداء الاسباب (قد ما تقدر) الي ادت الى تركك للمنتدى.
2- هل تنوي ترك المنتدى مرة اخرى قريبا.
3- هل تنوي ان تعود مراقب ام ستبقى عضو (بقائك عضو يخوف، معناته يمكن تطلع مرة ثانيه).
4- والسؤال المهم جدا....... وشي اكلتك المفضله :D .

على العموم انت حر في الاجابه بس من حقنا انا نعرف (خاصة السؤال الرابع). من محبه وصداقه ما هي من لقافة وتطفل. لا تهرب من واجباتك، ما دام قبلتنا كاصدقاء لازم توفي بشروط العقد.

كلنا في انتظار ردك، وقت ما انت مستعد

الدر

[wario2002]

اموووت على الموضوع وخاصة الأسئله بس ليش يهمك السؤال الرابع؟ هاه حتى احنا يهمنا ليش تسأل عن اكلة المفضله انا عندي اكلات ومن بينهم الهمبرجر والبيبسي والبطاطس والمشويات ياخي طاح لساني اشتهيتها لو عندي مطعم لي لحالي آكل ماشتهي واحب وشكرا...
مع خالص"تحياتي"






":" صديقكمwario2002 ":"

[ganon0]

?:

انا ادري ان معظمكم يعرف سبب خروجه...
بالاضافه ما ادري ليش اعتقد انه يمكن يلف على الاجابه:)
و اعتقد بعد متورط في الاجابه:)(عموما لانكم اصدقائي ما يهم انا متورط او لا المهم انكم تعرفون كل شيء و لا تنخدعون في اي احد و حتى انا)و اتمنى انه تطلع ظنوني غلط:)

[nintendo]

والله موضوع ممتاز بس ودي اعرف شئ ايش راخ تستفيدون اذا عرفتم سبب خروجي من المنتدى !!!! وهذا هو رد السؤال الاول ...

2- ماحد يدري كله في علم الغيب (( تذكرني باجابتك في موضوعي :D ))

3- مراقب عضو مراقب عضو اممممممم صراحة ماعادت تفرق لاني هاذي المرة رجعت للمنتدى للتسلية دون الاكتراث بما يحصل من مشاكل فيه ...

4- الاكل الصيني اموت بشئ اسمه تبنياكي شرم (( او اسمه الثلني سويت سوس برونز )) الله يرزقك وتعزمني في المطعم الصيني وبخليك تحرم تسأل هذا السؤال....

خلكم عاقلين مثل سعد الرجال يقول كلكم تعرفون سبب خروجي ... والحمدلله ياريت ياسعد لو تعرفنا السبب معاك ...

[The Elder]

والله يا عزيزي راخ نستفيد كثير
اولا راح نطبع كتاب ونوزعه والمكسب بالنص.
ثانيا راح نستفيد من القصة في تخريع الاطفال عشان يشربون الحليب.
ثالثا عشان نذلك بالقصة كل ما حاولت تسوي شي في المستقبل.
ونظرا لوضع الاسهم العالمية.....

انت من صدقك تسال هالسؤال بعد الديباجه (حلوه الكلمة) اللي تعبان عليها في اول الموضوع.
نقول تاني،
من حقنا نعرف، ولا ما احنااصدقاء؟

ما يعرف لك الا سعد.
تكفي يا سعد سنع الرجال. كل شوي انا طالع، انا راجع، ما لكم شغل، وش تستفيدون؟ عطه محاضرة من محاضراتك المعرف فوائدها في الاقناع والتقليل من انتاج انزيم مايرو في المخ. وهذا يؤدي الى الاستسلام المباشر بدون مقاومة. ولا اسهل بالحزام والحته الي فيها الحديد. الي تشوفه بيجيب نتيجه ويخلينا نفهم.

الدر

[ganon0]

:)
انا اموت بالتبنياكي مووووووووت الله لا يوريك ...قسما بالله يا شباب انه احسن لحم ذقته...لكن لا يلعب عليك و يجيبه مع صلصه حلوه نبه عليه اوكي؟بالاضافه هي صحيح انها تقدم بالمطعم الصيني لكن على حد علمي
انها يابانيه..نجي الاكل الياباني...في المطعم الياباني ذقت الذ اكله ذقتها بحياتي اسمها كاتسو او تقدر تقول له بعد كاتسو دون...هذي رز مطبوخ بقدر فخاري على ما اظن و معاها دجاج او بطاطس اذا رحت لمطعم ساموراي...و طوكيو يمكن. و فيه اكله حلوه لتجربه اسمها ساشيمي و هي سمك ني لكن مهي حلوه انك تأكل منها دائما.

اما بالنسبه لسبب الخروج هو







هو





صدق تبيني اقول لهم؟;)

[DNA]

نعم ننتندو انا كنت غائب فترة بس اذا تقدرنا احنا اشرح سبب خروجك حتى لا نقع في نفس الخطأ الذي وقع فيه احد الاعضاء
باي;)

[ganon0]

الدر و الباقين:انشاء الله ننتندو راح يوافيكم بكل اللي تبون اذا كان يعرف المصلحه العامه للمنتدى و مصالحنا كأصدقاء و مصلحته قبل كل شيء اذا صار اناني,و بطبيعة الحال اذا ما قال فهو فعلا اناني:) لانه فيه احد يرفض صداقه مع ناس يحبونه؟ و يطلبون منه طلب عشان يقدرون يفهمونه و يساعدونه اذا احتاجهم او على الاقل يتفادون يتعاملون او يجربون اللي انت جربته او يساعدون احد ثاني على تجريبه... و غير كذا اذا كنت تعتقد انهم فعلا اصدقائك قول...لاني واثق انك قلت لاصدقائك المقربين...و اذا قلت السبب الحقيقي لخروجك انا واثق بأن كل واحد هنا يدعي انه صديقك راح يقبل بالتضحيه و قراءة اسمه سوءا كان دوره بقصة خروجك سلبي او ايجابي...لانه الحين معد يهم يا ننتندو...و الله معد يهم اهم شيء انك رجعت
و الحين انت رجعت و الجميع تغيروا... عشان كذا انا اقبل بالتضحيه اذا كان اسمي موجود في اللي راح تكتبه انشاء الله عشان خاطر الاعضاء اللي يبون يشوفون اللي ما شافوه...و انا متأكد ان غيري من الاعضاء ما عندهم مانع انهم يسمعون اساميهم و يدلون بوجهات نظرهم...انا كذا و غيري كذا....صح يا الدر؟

[The Elder]

ويلوموني فيك يا سعد

ان شاء الله الرسالة وصلت

لاني حاس ان الانزبم اشتغل

والاستسلام قريب

الدر

[nintendo]

طيب اذا كنتم مصممين لمعرفة السبب وهو ...................... اني زهقت من المنتدى وكنت ناوي اخذ اجازة طويلة الى شهر رمضان المبارك ..

بس نظرا للاقبال الجماهيري غيرت رأي ...

اتمنى اكون افدت الاجيال القادمة والمهتمة بالعاب الكمبويتر عبر الاجابة على واحد من اهم اسئلة القرن !!!!

[The Elder]

لا تعليق

[عماد 18]

ما شاء الله ننتندو رجع و انا اخر من يعلم :)
يالله حيه ..

[asf4ever]

شو انتهى النقاش كملو أنا قاعد أقرأ

[ganon0]

كتب العضو (nintendo)


اتمنى اكون افدت الاجيال القادمة والمهتمة بالعاب الكمبويتر عبر الاجابة على واحد من اهم اسئلة القرن !!!!

طيب وشوله معصب؟:)الله يهديك بس:)

عموما احنا هنا ما نجسد منظمة اليونسكو عشان نعتني بالاجيال القادمه و لا وبعد المهتمه بالعاب الكمبيوتر بس:).... يا ننتندو احنا هنا نجسد مجموعة اصدقاء نبغى نعرف بعض اكثر...و نهتم ببعض و نخلي المنتدى مميز اكثر من غيره بعلاقاته الاخويه...

و لو كان السبب هو مجرد الراحه كان ما تهربت و تعبت نفس و لا رديت من اول صح؟ و لا زال فيه غموض بالنسبه (لبعض)الناس عن سبب خروجك
و هو ما كان امر شخصي اذا بغيت تواجه الحقيقه...اقصد فيه ناس واجد متورطين بالموضوع(تهريب مخدرات صار)و ما كان يخص واحد منا بس صح يا الدر؟(ان قلت لا تعليق قسمن بالله لأأأأأأأأ...ما نيب قايل...الرجال محتاج اكثر من واحد عشان يقتنع انها مهي وجهة نظر شخصيه خاصه بي انا)).
و بعدين ليش اخذ الموضوع بحساسيه كذا؟انا و الله اذا راح بالك بعيد ما احاول ارفع ضغطك و لا ازعلك...هاها...انا ما طمعت اصلا ان علاقتنا ترجع و تتضبط اخر مشاكلي بالمنتدى و ترجع صداقتنا القديمه عشان افرط بك كذا... انا بس ادلك على اللي اذا سويته راح تزيد شعبيتك هنا و الناس راح تعزك لاكثر من انك تهتم و تجيب الاخبار و انك خفيف دم...و نكون اخوان حقيقيين نعرف بعض زين..
و هذا شي ما يستاهل الزعل او النرفزه او المماطله...تدري بس؟و الله لو كان فيه احد يهتم بي كذا و يسألني كان افرح و ما انرفز...يعني فيه احد هذي الايام يهتم بغير نفسه؟؟؟

و الا لا؟
وش رايكم؟و وش رايك يا الدر؟؟؟
اخوكم سعد

[mario sun shine]

كملوا انا مبسط واقرا المقابله ......

[The Elder]

هاه يا سعد. تبنياكي، كاتسو، ساشيمي، وتبغى تعزمني عند فوال اماني السودان؟؟!!!! جميع انواع القعاطه الي في الدنيا.

وعن سالفة ننتندو، الموضوع انتهي بالنسبه لي. انا آسف اني اقول لك الكلام هذا بس الصراحة الظاهر اني استعجلت في الموضوع. معاه حق. زي ما يقولون: متى المعرفة؟ ليش مطيح الميانه يالحبيب؟ خلاص الموضوع صار ماسخ. الشغله صارت شحاته ماهي صداقه. وبعدين حنا ملاقيف. كله منك حطيتنا في الموقف المحرج وخليتنا نذل روحنا. الشغله اكتب ارد عليك انا اكتب ترد علي وخلاص. موضوعك حلو، ردك رائع، وانت ماشي. خل الشغله سطحيه اكرم. يالله على الاقل تسلوا الشباب علينا. ابتسم وانت في الصورة.

بالنسبه لي، خذ راحتك. تحش، تتطنز، تعلق، سو الي تبي عشان يصير الشغل له طعم. انا ماراح اتركك في حالك. فوال اماني السودان اجل ها. طيب اذا ما عزمتك على مطعم صومالي ما اكون الدر. هاهاها. لا تحرمنا طلتك.

على العموم عندي اختبارات الاسبوعين الجايه يعني ما راح تشوفني كثير. راح اقرى لكم دائما ويمكن ارد احيانا قدر ما اقدر. حنا نقدر نبتعد خالص. القهر شاري قولدن سن ولا اقدر العبه. خايف اتعلق فيه لانه شكله رهيب. اشوى ما حصلت الكيوب. ادعو لي بالتوفيق.

السلام لكل الاصدقاء بلا استثناء. ما نبغى نذكر اسامي عشان ما ننسى احد. السلام للجميع.


الدر

[nintendo]

افااا شكلك زعلت يا ذا الدر ...... مادري ليش ...

اما عن انك استعجلت في الموضوع فبالعكس نرد عليه دحين احسن من اننا نسمع كل يوم نفس السؤال ...

وعن هاذي الجملة (( يقولون: متى المعرفة؟ ليش مطيح الميانه يالحبيب؟ )) مستحيل ابدا يكون هذا تفكيري واسأل الجميع . وبالتاكيد الجميع لهم معزة خاصة عندي في هذا المنتدى وابدا مافرق بينهم ...

اما عن الصداقة انها صارت شحاته فماعتقد كل الحكاية اني اتغلى شوي (( من حقي ولا لا )) جاي من اجازة ومحد قدي ....

اتمنى ان لايفم احد ردي بطريقة (( اني معصب اوشئ )) ..

[ganon0]

الدر الله يهديك لا تزعل:)
هو الموضوع ان ننتندو ماطل في الموضوع شوي و مثل ما قال و انا اعتقد انه ما يمزح او يراضيك بس...و سالفة اننا نرد و نخلي الامور رسميه احنا ما بدينا مشروع صداقتنا و اخوتنا عشان نتراجع من اول كبوه.اللي ما يقبلنا و لا يبينا ما يكون هو اكبر همنا مع اني واثق ان ننتندو ما رفضنا...و بعدين من وين جتك الكره الغريبه هذي؟متى المعرفه؟؟؟ هذا السؤال المفروض ما تسأله نفسك و لا تتوقع اي واحد يسأله هنا ما دمنا في منتدى الننتندو و ما دمنا بدينا نتعرف على بعض من مده...و حنا لا ملاقيف و لا شي لاننا كان كل اللي نبيه اننا نعرفه اكثر فقط لا غير...و سالفة ردك حلو و موضوعك رائع و الردود السطحيه هذي تكفى شلها من راسك...احنا بدينا بالفعل ننسى الردود السطحيه هذي فأنسها انت.و لا راح اسمح بوجودها ما دمت بالمنتدى و لا راح اسمح لأحد انه يلغى وناستنا بالجديه الزايده.احنا مبسوطين كذا صح؟

ننتندو :الله يهديك بس الحين كيف يجيك قلب تكسر خاطر الدر اللي اهتم بموضوعك كذا في حين الباقين كلهم اهتموا الا ان ننتندو رجع يعني الاخبار رجعت....هذا اللي تبيه في حياتك؟الشهره؟انا و الله اتكلم جد ترى؟تبغى الناس يتكلون عليك في العاب؟؟؟ما تبغى ناس يتكلون عليك و تتكل عليهم بشي افضل؟صداقه مثلا؟ننتندو ما ادري وش اقول لك...انا اكيد صديقك و اكيد اعزك و احلف لك اني اعزك لكن انا و غيري كم واحد ما راح ندوم موجودين...و اسمع يا ننتندو المنتدى هذا صار بالاضافه الى انه يتكلم عن الالعاب صار بعد يجمع اصدقاء و اخوان ما يتكلمون طول الوقت عن الالعاب...و هم يبونك تجي معهم هذا كل اللي يبونه...هل هذا كثير عليك؟هل ما تحب احد يهتم لموضوعك؟...نجي لنقطه ثانيه:انا ما عدت اهتم بقصتك و لا كنت مهتم اني اسمعها من اول لكن كله كان عشان الدر و غيره...لكن اذا كنت رافض اطلع على اوضاعك على الاقل و لاحظاانها مهي من ابتكاري و لا احاول اضغط عليك من خلالها:اما انك ترد و هذا جيد و يرفع شعبيتك و يدخل مجموعتنا و هذا كل اللي يهمني...او انك ما ترد و انت قلت انك تبي ترد بس تتغلى و شوف حبيبي اذا ما رديت فانت تحرج نفسك..نعم تحرج نفسك لانك وعدت...انا اسف لكن انت اللي حطيت نفسك في هذا الموقف و انت اللي طورت الاحداث بدون درايه و بعناد لتكون لضدك....و ايش بيضرك لما ترد و تخلص نفسك من هذا الموفق؟انا ادري انك الحين زعلان علي لكن اقسم لك بالله كل اللي ابيه مصلحتك
و مصلحت المنتدى...و اتمنى انك ما تجرح الدر اكثر من كذا...

الدر مره ثانيه:يا عزيزي لا تزعل انا اعرف ننتندو و اعرف انه و الله ما يقصد يجرح احد و لازم تعرفه اكثر عشان تعرف طيبته و (عناده):) لا تزعل اوكي؟كل شي بيصير مضبوط انشاء الله...

[nintendo]

مثل ماقال الاخ جانون ...

وعلى فكرة انا بديت احس انه عودتي للمنتدى مالها داعي ابدا ؟؟؟؟؟ والكثير من الاعضاء لم تفرحهم حقا اخبار عودتي .. لذلك ................................................. قد .....................................

[DNA]

على العموم يا ننتندو انت حر في تصرفاتك تبغى تقعد تبغى تروح
بس انت ممكن اتصرفت بانانية بسبب خروجك من غير توضيح السبب.
احنا ايش دخلنا ؟؟؟؟؟ ابدا والله بس باسلوبك الحلو والمهذب قدرت تحوز على اعجابنا وتقديرنا وعلى فكرة ترى مو شرط الواحد يقول يا فلان انا اعزك واقدرك!
(اتمنى انك فهمت قصدي تمام)

[ganon0]

ننتندو انا اسف اذا ضايقتك بس كنت ابغى اللي اعتقده افضل لك...
و اقسم لك بايات الله اني ما اتمنى انك تطلع من هنا بالعكس اكره انك تروح..

بس انت حر بتصرفاتك و اذا كنت بتسوي شيء على شاني لا تفكر انك تترك المنتدى مره ثانيه

[The Elder]

الى قانون
عزيزي اخلاصك وصراحتك نادرة. بس انا ما اكسر الخاطر للدرجة هذي. انا لاني زعلان ولاني مجروح. انا خاب ظني بس. طبعا هذا مايمنع ان الصداقة تبقى زي ما هي بس كنت ابغاها تصير احسن بسرعة. على العموم بتصير احسن ان شاء الله بس يبغى لها وقت. يعني سيب سيكو في حاله. اعتق الرجال تراك هريته طلبات. شوف يمكن يترك المنتدى عشان يرتاح من الصجه. بس انا متاكد ان راحته هنا. وان شاء الله الامور بتصير احسن.

الى ننتندو
الي ضايقني انك كنت احد اسباب تسجيلي في المنتدى. ولما صارت لك ظروف ورحت وبعدين رجعت، حبيت ارد لك الجميل باني ابين لك قد ايش انا مهتم بامورك كصديق. طبعا انت صديتنا شوي وتضايقت من اسلوبنا وكان ردك باين فيه الزعل (رغم انكارك كمجامله). على العموم انا يهمني جدا نبقى اصدقاء والشي هذا ما راح ياثر على اهتمامي باخبارك بس الفرق اني ماراح اسالك ابد. راح اوقف عند الحدود الي تبيها وهذا من حقك. ان كنت انت بتقول لحالك في المستقبل فحنا مهتمين وان سكتت فانت حر وما راح اسالك عن اي طلعة او رجعة بعد كذا. ماهو زعل بس كل واحد يرى الصداقة بشكل مختلف. وانا احب جدا احترم اراء الاخرين.

ودي صراحة اسمع راي الاعضاء الاخرين في حقوق وحدود اعضاء هذا المنتدى لأن يمكن نوعيتي ونوعية قانون انقرضت وحنا ما ندري. او ان بعض الاعضاء يايدون نظرتي للموضوع.

شكرا للجميع

الدر

[ganon0]

كتب العضو (The Elder)


ودي صراحة اسمع راي الاعضاء الاخرين في حقوق وحدود اعضاء هذا المنتدى لأن يمكن نوعيتي ونوعية قانون انقرضت وحنا ما ندري. او ان بعض الاعضاء يايدون نظرتي للموضوع.
الدر

طالبك يا الدر لا تجيب طاري نوعيتي و نوعيتك لا احد يقراها و يفهم غلط و
يروح هيئة الحياة الفطريه و يسوون لنا محميات ...انت محمية الحباري لأول مره في امريكا:) و انا محمية الفهد العربي لاول مره في نجد;) (احم احم)

نرجع للموضوع:و الله شوف عزيزي الدر...الواحد لازم يقنع باللي يحصل له و اللي يكسبه...اقصد انا مهوب كل شيء يجي مره وحده...و احيانا ما يجي ابد صح؟لكن من يدري و ي الخير فيه غير الرب؟احيانا الاشياء الزينه ما تحصل عشان يحصل اشياء احسن منها...ننتندو بس يحتاج وقت و كلنا نحتاج وقت عشان اي شيء جديد.بالنسبه لطريقتنا انا و اياك و كم واحد هنا الكل يعرف انها هي الطريقه اللي المفروض نتعامل بها...نكون اخوان بدون حزازيات و نكون صريحين مع بعض.نمون على بعض و الا وش فايدة المنتدى؟ننحاش من رسميات الحياة عشان نجي هنا و نتهاوش و نكره بعد؟
انا اقول تكون الحياة هنا اريح و التعامل يكون مثالي هنا...انا ما لقيت الراحه هنا مع اني قديم الا يوم عرفت ناس يبادلوني هذا الشعور..

[nintendo]

للمرة الالف انا ماني زعلان من احد !!!!

ويا اخ الدر والله اعرف انه نيتك خير لكن لو كنت مكاني في المنتدى يسالوك نفس السؤال وفي الماسنجر يوميا نفس السؤال ومن عشرات الاعضاء صدقني راح تكره هذا السؤال فقطططط هاذي كل الحكاية . وعن عدم دخولك في امروي الخاصة الثانية !!! انا اكيد ماطلبت منك هذا الشئ . اذا كان الغريب يتدخل باموري الخاصة فمابالك بالصديق ;) ولا تنيى لمن تروح تطلع رخصة سواق (( اذا كنت من جدة )) قله عموتشي يسلم عليك (( وانت فاهم يا سعد )) ;)

[asf4ever]

أنا ما دخلني المنتدى غير أربع أشياء
1- لما شفت مواضيع ماريو بعدين بفترة اشتركت
2- طيبة الأعضاء وحبهم لبعض وصداقتهم القوية
3- حبي للألعاب وتطلعي للأخبار الجديدة الي أول ما كنت أشوفها الا بالشهر مرة من مجلة ألعاب الكمبيوتر
4- كنت أريد أساعد واحد من الأعضاء (عضوة:D )ومحد من الأعضاء قدر يساعدها ولاكن ما قدرت أشترك
كل ما أحطي اسم يطلع واحد مستخدمنه لكن اخترعت اسم asf الي ما لازم تعرفو معناه وبعدين طلعت عضو ينتضر التفعيل وتميت شهر وكانو ما يخلوني حتى أشترك مرة ثانية بعدين رد هذاك مال الاشتراك واشتركت باسم asf4ever


وشكرا :D :D

شو رايكم أتحدى واحد منكم يعرف معنى اسمي:D

[ganon0]

كتب العضو (nintendo)
ولا تنيى لمن تروح تطلع رخصة سواق (( اذا كنت من جدة )) قله عموتشي يسلم عليك (( وانت فاهم يا سعد )) ;)

هاههههههههههههههههه اما العموتشي قصته قصه:D
عموتشي...بحبك يا عموتشي هاههههههههههههههههههههههههههههههه
حسبي الله عليك و الله اشتقت لسوالفك بالمسنجر:) وينك كل ما تدخل المسنجر تطلع على طول ما يمديني اكلمك

asf4ever :اممممممممممم يمكن الحروف الاولى من اسمك؟

[asf4ever]

4ever معناها الى الأبد خلنا منها
بس شو يعني asf
شو رايك أكتب موضوع جديد وأشوف اذا أحد قدر يعرفه:D

[ganon0]

الحمد لله الاحوال بدت تتحسن all ready