المساعد الشخصي الرقمي

مشاهدة النسخة كاملة : جهز (GYM) صالة حديد كاملة بـ 935 ريال فقط في غرفتك



ODIN
30-07-2006, 06:38 PM
السلام عليكم



أول شي بعرفكم على غرفتي .. ناري وجنتي .. فيها كل الاستخدامات اليومية بحياتي ..



http://www.arab7.com/up/file/1134069562430.jpg

لا تستغربون من الفوضى ... لان الاستخدامات الي فيها اكثر من استيعابها بكثير .. ومنها التالي /



1- نوم

2- طاولة رسم للمشاريع والهندسه

3- كمبيوتر

4- تلفزيون بلاي ستيشن فيديو

5- استديو تصوير
http://www.arab7.com/up/file/1134070000148.jpg
6- GYM ><



تخيلوا كل هذي بغرفه مساحتها 6*4







طيب نجي للموضوع الرئيسي .. وهو كيف تنشئ جيم في غرفتك بطريقة اقتصاديه جدا !!



-----------



هل سئمت من المشاوير المتكررة لصالة الجيم يوميا ؟!



هل تريد ان تنشيء صالة رياضية متكاملة في غرفتك ؟



هل تريد مدرب خبير متواجد ومتفرغ لك 24 ساعه يوميا ومتى شئت ؟





اذن .. خلوكم معاي بتشوفون انواع التوفير والقعاطه حتى توفر كل هذي الاشياء ب 935 ريال بس





طيب



نبدأ بسم الله ..





انا شخصيا .. جتني فترة صار مشوار الجيم وتشغيل السيارة والوقوف بالاشارات هاجس كبير بالنسبة لي .. لانه باليوم الي تقرر تروح فيه للجيم .. اعتبر ان نص يومك انتهى .. !



فخلص اشتراك الصاله .. وبنفس الوقت فرحت لان المشاوير هذي انتهت .. لكن خفت ان بعد كل هذا الجهد وبناء الجسم راح ينهدم لاني راح اترك التمرين لان الاشتراك انتهى !!!



صدفه .. رحت لمكتبة جرير .. وتعرفت على مدرب خبير ومتخصص في بناء العضلات وتمارين الجيم ..

---------------------

مين هو ؟!



هو كتاب لمدرب اسمه كيرت برنجارد .. ولاحظت ان كل التمارين الي بالكتاب تقدر تأديه في البيت في غرفتك .. بكم اداة بس !!



هو عبارة عن ثلاث كتب .. واحد لتدريب الصدر والظهر والكتفين .. والثاني للذراعين والثالث للبطن ..



اذن هذا هو المدرب الي بيكون متفرغ لك 24 ساعه ..





طيب ومن هنا تبدأ المصاريف وخلونا نحسب الميزانية مع بعض ..



أول اداة /

http://www.arab7.com/up/file/1134069608822.jpg

ثلاثة كتب بسعر 75 ريال
-------------



طيب نجي لادوات الرياضة ..



معروف بالرياضه قبل لا تبدأ بالتمرين القاسي .. لابد انك تسخن وبكذا تحتاج اله للتسخين .. اما سيكل او سير ركض او أي اله ايروبريك اخرى ..



انا وقع اختياري على هذه الاله .. سعرها ب 450 ريال ..

http://www.arab7.com/up/file/1134069535642.jpg

اذن نقول .. آلة ايروبريك بسعر 450 ريال





نجي للأدوات الحديد ..



اهم داة لازم تكون عندك ..



( زوج من الدمبل ) .. منها تقدر تدرب ظهرك وكتوفك وذراعيك وحتى رجولك ! .. بس اطلع على الكتاب هذا ويشرحلك الطرق بالصور وبكل سهوله ..



http://www.arab7.com/up/file/1134069406766.jpg

سعرها تلاقيه باسعار مختلفه جدا على حسب النوعيه .. ابحث على ارخص شي لانها بالاخير مجرد حديده ووزن ما تفرق بالنسبة لك اذا كنت تبحث عن التوفير ..

لقيتها بسعر



100 ريال


الاداة الثانية /


بار .. حديدة طويلة .. ..

http://www.arab7.com/up/file/1134069287214.jpg
ونقول ..

بار بسعر 140 ريال ..


الغرض الثالث الي تحتاجه .. وهو كرسي جيم لعمل تمارين مختلفه .. ويتميز هذا الكرسي انك ممكن تسدحه تخليه مثل السرير او تميله بزوايا مختلفه على حسب التمرين الي يشرحه لك الكتاب



http://www.arab7.com/up/file/1134070251115.jpg



انا حصلته بسعر مثالي جدا .. وهو ب 175 ريال .. خاصه الكرسي هذا اسعاره متفاوته كثير .. ابحث كثير حتى تلقى السعر الي يناسبك



--------



بهذي التجهيزات بس تقدر تسوي جيم خاص فيك ... وتوصل لاحلى جسم بس مجرد انك تتبع برامج الكتاب الي ذكرته ..



هذا الحد الادنى طبعا من التجهيزات الي تحتاجها .. وانا اشوف انها كافيه خصوصا للمبتدئين .





وشكرا

ODIN
30-07-2006, 07:00 PM
طبعا انصح الجميع للي ناوي يبدأ بدخول رياضه كمال الاجسام انه يسجل بنادي أول وياخذ خبره كافيه بعدين يبدأ يتدرب بالبيت ..

the lion heart
30-07-2006, 07:28 PM
مشكووووووووووووووووووووووووووووررررررررررررر على الموضوع الجميل
وأنا معي صالة في البيت بس ناقصتنها شوية أغراض ولدي خبرة في مجال كمال الأجسام
لمدة سنتين بصراحة أنا أشكرك لأهتمامك لهذه الرياضة وتدريباتك المستمرة
ونحس بأن هذه الرياضة غير مقبولة وغير شعبية
ولكن أنا أعتبرها بصراحة أساس وأم الرياضات
وبصفتي من محبي رياضة المصارعة فأنا أعتبر هذه الرياضة من أساس لعبة المصارعة
وأفضل لاعب كمال الأجسام لدي آرنولد شورازنيجر سابقاً وجاي كاتلر حالياً

و
و
و
و
و
و
شكرررررررررررررررررررررررررررراً

Thug Life
30-07-2006, 11:28 PM
والله طلعت كمال Odin : ]

شكرا على المعلومات :)

Thug life

kane
30-07-2006, 11:38 PM
مشكور اخوي عالموضوع الشيق هذا
:kiss:

WLD UAE
31-07-2006, 12:31 AM
مشكوووووووور اخوي على الموضوع

ODIN
31-07-2006, 05:00 AM
العفو يااخواني وأي استفسار حاضرين

OD3N
31-07-2006, 02:59 PM
مشكووووووووووووووووووووور

يالسمي

بس عندي سؤال

ايهم احسن

آلة ايروبريك

او

السيكل (الدراجه)

لاني والله ناوي ويوم شفت الاسعار تحمست اكثر

مشكور مره اخرى تقبل تحياتي

ODEN

ODIN
31-07-2006, 04:26 PM
شوف ياخوي oden

بالنسبة للفرق بين الاله هذي والسيكل .. مافي فرق كبير خصوصا اذا انت تلعب حديد يكاد الفرق ينعدم ..


لانه السيكل يركز على تحريك عضلات الارجل بينما هذه الاله تركز ايضا على تحريك الارجل لكنها تحرك ذراعيك ايضا ..


لو نجي نفكر بواقعيه .. الاله هذه تتعبك بسرعه وراح تمل منها وتتركها على طول .. بينما السيكل اريح يشجعك انك تواصل وتستمر عليه

وخذها قاعده .. مو شرط الاصعب دائما يكون افيد .

عن نفسي انا شريت سيكل مؤخرا واشعر بانه افضل لي على الاقل شخصيا .

وبالاخير راجع هذا الموضوع حتى تعرف ان الحكمه من تحريك عضله معينه ليس لتقليل الشحوم عليها

http://www.montada.com/showthread.php?t=482415

Anubis
31-07-2006, 09:59 PM
موضوع حلو :)

وتوفير أحلى ;)

The Angel_sa
01-08-2006, 11:47 AM
مشكور أخي الكريم على هذا الموضوع الرائئئئئئئع..:) ولكن من خلال خبرتي في مجال كمال الاجسام وخاصةً بأني ألعب من عام 94تقريباً رغم بعض الانقطاعات لي لكن بأن الصاله لها فائدة كبيرة وخاصةً الجو العام وهو الذي يعطيك روح التمرين وخاصةً إذا كان لديك رفيق في التمرين ويساعدك في رفع الاثقال وكل منكم يمد الاخر بروح التعاون أو حتى إذا لم يكن لديك رفيق في التمرين على الاقل تحس وأنت تتمرن بالتنافس مع الاخيرين وصدقني بأني قد جربت التمرين المنزلي كما يقال عنه ولكن للأسف ليس بالمستوى المطلوب..:( وحتى أرنولد أيد هذا الكلام حيث في عام 78-79 كان يتمرن في مكان خاص مثل البيت وليس نادي ولكن عندما كان يريد العودة لبطولة مستر أولمبيا عاد للتمرين إلى النادي المشهورGold Gymمع الابطال وقد قال بأن الجو العام هو الذي يعطيه روح التمرين..!!

بالتوفيق للجميع بإذن الله تعالى.:)

eyadaf
02-08-2006, 04:43 PM
مشكور على الموضوع الحلو

ODIN
02-08-2006, 05:39 PM
صح ياخوي انجل جو النادي احلى بكثير خصوصا اذا كان نادي محترم ومرتب ..


انا اتمنى اتدرب بنادي بس للاسف الوقت ابد ما يسمحلي عشان كذا اضطر اني اتدرب في البيت .. صارلي سنه تقريبا على هذه الحالة .. اتمنى يصير عندي وقت للنادي بس بالمستقبل القريب ماتوقع ابد :31:


بس بعد تمرين البيت له ايجابيات ومنها الوقت .. والامر الاخر تاخذ راحتك بصراحه تتدرب بشورت بس والا لابس ما تفرق :p

بس تبون الصراحه .. تدريب البيت يحتاجله همه اكثر .. لانك لحالك ولا فيه اجواء محمسة مثل النادي . لذلك لا تشتري العدة هذه وتخسر نفسك الا اذا كنت جازم انك بتدرب في البيت .

essaexample
04-08-2006, 06:14 PM
يعطيك العافيه خاوي وماتقصر على اهتمامك موفق انشالله

vocial
04-08-2006, 08:51 PM
ما شاء الله عليك أودن :)

بس أخي .. أستغرب منك !!!! كيف تمارس الحديد في هذه الفوضى:p !!! ( أمزح :09: )


زوج من الدمبل

يا ليت ترد لي خبر كم وزن الواحدة منها ؟؟؟؟:33:

لأن أنا عندي وحدة بلاستيك وزن الواحدة 5 كيلو جرام شرايك؟؟؟:33:

OD3N
06-08-2006, 12:55 AM
اخوي اودين

ممكن تقولي

من فين شريت هذه الادوات

من اي محل

لاني اليوم العصر كله قضيته وانا ابحث عن دمبل

ومالقيت ممكن تقولي اسم المحل ووين يكون

اذا كنت من الشرقيه

يعني

مثلا الخبر شارع ...... تقاطع ..... المحل الفلاني

ومشكور مقدما

ODIN
06-08-2006, 01:18 AM
شباب عن اذنكم يمكن ساعات او بكرة برد عليكم انا مستعجل دخلت على السريع .. بس ماحبيت اعطلكم :)

TOO COOL
09-08-2006, 06:29 AM
موضوع جميل وتشكر عليه

اتوقع بالامكان الاستغناء عن آله الجري

يعني ممكن تجري بأي مكان بالبيت او الشارع يعني تاخذ لفه على الحي مثلا بكذا توفر 450 ريال
وفوائد الجري بدون الة افضل بكثير

تناغم الأرواح
11-08-2006, 03:32 PM
والله كنت أفكر أسوي وحدة زي كذا في غرفتي !!

لأني من جد إذا رحت النادي معناها نص اليوم راح !!

يعطيك العافية :)

vocial
13-08-2006, 09:59 PM
شباب عن اذنكم يمكن ساعات او بكرة برد عليكم انا مستعجل دخلت على السريع .. بس ماحبيت اعطلكم :)

قمة الإحباط :31: ( أمزح :D )

ODIN
14-08-2006, 12:34 AM
معذره على التأخير يا شباب


vocial

بالنسبة للاوزان .. طبعا تختلف من واحد لاخر ويختلف كل اوزان كل تمرين عن الثاني ..

وبالنسبة لي انا .. طبعا ما صورت بقية الاوزان الي عندي .. وهي عبارة عن اقراص اضافيه ممكن تضيفها للدمبل والبار ...


انا اشتري اوزان كل ما احتاج لزياده .. تعرف جسمك مع الوقت يقوى ويحتاج اوزان اكثر ..


انا الاوزان الي عندي كلها مع البار والدمبل عبارة عن 140 باوند .. يعني 70 كيلو تقريبا ..

استخدمها كلها لتمرين الديد ليفت يعني بعد فترة بحتاج اشتري اكثر


والخمسه كيلو قليله نسبيا اذا بتدرب ظهرك وصدرك فيها .. اشتر طقم احسن .


oden

انا اقولك وين .. اذا تقدر تجي الدمام بوصفلك على شارع فيه محلات رياضه كثيرة .. بس اذا انت بالخبر روح لشارع الدسكفري ( الي يعملون فيه نفق حاليا بداية الخبر) وتلاقي غرناطه ومحل ثاني ناسي اسمه كبير على الشارع تلقى فيه كل شي ..
وشكرا لكم يا شباب

wa7da_3arbjeeya
22-08-2006, 01:06 PM
مشكور أخوي عالمعلومات المفيدة

soul_UAE
28-08-2006, 12:13 AM
اخوي انا عندي استفسار بسيط عن الكتب ............ لانه كل كتاب فيهم مختص بتمارني محدده وجدول متخصص لـ 6 اسابيع ...........

فاذا انا كنت حاب اجمع هذي الثلاث كتب و اعمل بها لمدة 6 اسابيع مع مراعات ترتيد جدول كل تمرين ؟؟؟؟؟؟؟؟

انا رتبت بهذا الترتيب ولكن بعدني مابديت فيه ........

الاحد : بطن , صدر
الاثنين : للذراعين
الثلاثاء: بطن
الاربعاء: صدر ,بطن
الخميس: للذراعين
الجمعه: الصدر
السبت : راحه

وراعيت في ها الجدول عدد الجلسات المذكوره في الكتاب ...........

ياليت تعطيني رايك في هذا الترتيب الاسبوعي ..... او اذا كان ف اييه شي سلبي ؟؟؟؟

بانتظار ردك

اخوك

kane
28-08-2006, 04:16 AM
شكرا عالنظام المرتب
و ان شاء الله امشي عليةحسب تعليماتك ياباشا
:kiss:

القــعـقـاع
28-08-2006, 01:22 PM
اخوي انا عندي استفسار بسيط عن الكتب ............ لانه كل كتاب فيهم مختص بتمارني محدده وجدول متخصص لـ 6 اسابيع ...........

فاذا انا كنت حاب اجمع هذي الثلاث كتب و اعمل بها لمدة 6 اسابيع مع مراعات ترتيد جدول كل تمرين ؟؟؟؟؟؟؟؟

انا رتبت بهذا الترتيب ولكن بعدني مابديت فيه ........

الاحد : بطن , صدر
الاثنين : للذراعين
الثلاثاء: بطن
الاربعاء: صدر ,بطن
الخميس: للذراعين
الجمعه: الصدر
السبت : راحه

وراعيت في ها الجدول عدد الجلسات المذكوره في الكتاب ...........

ياليت تعطيني رايك في هذا الترتيب الاسبوعي ..... او اذا كان ف اييه شي سلبي ؟؟؟؟

بانتظار ردك

اخوك

اخوي برنامجك ناقص جداً...

لازم تمرن ظهرك و رجولك...

soul_UAE
28-08-2006, 06:17 PM
تمارين الظهر موجوده في نفس يوم الذراعين ..........

باقي بس الارجل بحاول امرنها كل يوم بتمارين خاصه بدون ما اظغط عليها ......


ولكن شو تعتقدون الوقت المناسب في اليوم للتمرين ؟؟؟؟؟؟؟؟


انا بعدني مابديت التمرين ......... احاول ارتب واجهز كل شي وببدا ان شاء الله :bigok:

القــعـقـاع
28-08-2006, 06:45 PM
الله يهديك :p

صنف جسمك كالتالي:

ظهر، صدر، رجول، اكتاف، ذراعين (باي+تراي+سواعد)، بطن..

و اذا تبغى برنامج مبدئي متوازن فحاول تكون قريب من التالي:

اليوم 1: ظهر+اكتاف
اليوم 2: صدر+باي
اليوم 3: رجول+تراي

(البطن و السواعد في اي يوم)

الجدول:
اليوم1
اليوم2
راحة
اليوم3
راحة

ثم تكرر الجدول...
وش رايك؟

اما اي وقت في اليوم: يفضل الوقت اللي تكون متغذي فيه زين(بعد ساعتين من الاكل)

soul_UAE
28-08-2006, 08:26 PM
مشكور اخيو على الردود .............

انا كنت اقصد تمارين الظهر بتكون مع الصدر والكتفين ..........

بس الي يحكمني اهو اني بتبع جدول الكتب الثلاثه ........ على هذا الاساس اتمني من مستشارنا اودين بان ينصحني لانه مجرب الكتب هذي ..........

وتشكر مره ثانيه اخوي على اهتمامك

ODIN
07-09-2006, 06:44 PM
معذرة على التاخير بالرد


اخوي شوف ... بالنسبة للجداول الموجوده بالكتب الثلاثه صعبه تدمج بينهم ماقدر اشرحلك هنا .. لكن اقولك على نصيحه تريحك


امش على الجدول الي اعطاك اياه القعقاع ... واستفيد من الكتاب اشكال التمارين وطريقتها


يعني مثلا عندك يوم الاول ظهر واكتاف ..

شوف تمارين الظهر الموجوده بالكتاب للمبدئين والاكتاف ايضا واعملهم .. هكذا بهذه الطريقة .


باختصار ماعليك من الجداول الموجوده بالكتاب استفيد منه بطريقة التمارين بس وامشي على جدول القعقاع .


وايضا نسيت ماقولك ماعليك من عدد التكرارات والجلسات الي موجوده بالكتاب لانها سيفتي بزياده .. اقصد انها امنه وصحيه كثير تدرجك بشكل بطيئ ..


اعمل كل تمرين ثلاث جلسات 12-10-8 تكرار

soul_UAE
11-09-2006, 12:15 AM
مشكورين على الاهتمام والرد ................

القعقاع ............. مشكور اخوي وان شاء الله بحاول امشي على الجدول الي ذكرته و ارتب تماريني .......

اودين ........... ماقصرت اخوي نصايحك كانت واظحه و ان شاء الله بنمشي عليها وعلى الجدول الي ذكره اخوي القعقاع .........

ومشكورين مره ثانيه

S.N.I.P.E.R
13-09-2006, 09:00 AM
تدرون ان الاخ غلط فى الحساب

قالنا 935 وهى اساسا 940 يبغي يخدعنا عشان نشترى خخخخخخخخخخخخ :D

ODIN
13-09-2006, 03:40 PM
خصم خمسه ريال هذا عشانكم بس :silly:

ahm 001
18-09-2006, 09:22 PM
أخوي odin أدوات الحديد من أي محل اشتريتها ؟؟؟؟؟

ODIN
18-09-2006, 10:59 PM
مافي محل معين .. اروح لشارع محلات الرياضه في سوق الدمام الي جنب مجمع الدانه وابحث هناك

بتلاحظ ان الاسعار مش موحده بين المحلات عشان كذا يحتاج تدور وتبحث اكثر

ahm 001
19-09-2006, 10:55 AM
يعطيك العافيه أخوي odin

NO END M.A.F
25-09-2006, 02:54 PM
الكتب هذي انا كنت ابغى اشتريهم قبل ماسافر امريكا ولكن نسيت وندمت قد شعر راسي


ولكن انا راي مااستغني عن النادي

ومشكور اخوي

NO END M.A.F
25-09-2006, 03:09 PM
اخوي odin اقول ماتعرف موقع ممكن يبيع كتب عربية اقدر اشتري منهم هذي الكتب

المايسترو دوحا
28-05-2008, 01:08 AM
الف شكر لك اخي العزيز
بصراحة تعجبني هذه الفكرة
ان شاء الله اعمل مثلك

السنافيه
21-08-2009, 09:29 PM
السلام عليكم
اخوي انا اليوم بالتحديد قبل ثلاث ساعات شريت لي هوم قيم من ساكو
وبصراحه ما ادري كيف استخدمه للعلم انا بنت ومابي اسوي عضلات وكذا بس ابي جسمي يصير شد
بليييز

mashkaljey
21-08-2009, 11:13 PM
ان شاء الله يرد صاحب الموضوع لان الموضع قديم شوي

بالنسبة لردي انا ماعطوك كتالوج الاستخدام ؟

اذا في صور يكون افضل ؟

بالنسبة للتمارين اوزان خفيفه لانك بنت ما بتتحملي اوزان الثقيله مثل الرجال

بالتوفيق

temo9
21-08-2009, 11:34 PM
مرحبا اخوي اشكرك على الموضوع الشيق وحبيت استفسر على شي
لو اشتريت البار بيجي معاه اوزان ولا لا

mashkaljey
22-08-2009, 12:05 AM
اخوي بالنسبة للبار فكل بار يختلف يعني في بار تركب عليه الاوزان وفي بارات ثابته مع الاوزان ما تقدر تنقص او تزيد

بالتوفيق

تركي 15
24-08-2009, 09:20 AM
اهلين شباب انا اشتريت الكتب وعندي بار وكرسي ودمبل ياليت احد من الاخوان اللي مجرب برنامج الكتب

يقول لنا برنامجه التدريبي والغذائي والنتائج

سؤال _ هل ينفع العب حديد الظهر بالبيت وتكون المشي والهروله الساعه 11 المساء

ياليت احد يفيدنا ؟

السنافيه
25-08-2009, 03:51 AM
مشكور اخوي على الرد
امممم معاه كتاب بس فيه 12 صوره واحس كلها حق اكتاف وساق انا اهم شي عندي حق البطن ؟!!!

mashkaljey
25-08-2009, 04:11 PM
يمكن الجهاز ليس لتمارين البطن

تمارين البطن معروفه واجهزتها قليله جدا

نصيحه بسيطه وسريعه وسهله باذن الله

اتصلي على المحل واساليه في تمارين للبطن في الجهاز ولا لا

موفقه خير

ولد ابوظبي
26-01-2010, 05:41 PM
انا كنت نفسك يا اودين .. ماااكمل فالصاله شهر وخلصت ورجعت ليلسة البيت
اما الحينهـ اشتريت جهاز متكمامل.. بس غالي طبعـا .. لانه كان عندي تقريبا نفس الكرسي اللي موجود بالصورهـ

المشكله اللي كنت اعاني من الكرسي اهوه تمرين الصدر ولما اغامر بوزن ثقيل .. ممكن اني ارفعه لكن في يوم ترجعه ترجع ايدك لورى راسك شوي عشان تنزله وبحذر على القاعدهـ .. يعنيي شوي مزعجهـ واحيانا لما ارفع وزن ثقيل في اخر جلسة..مااقدر وانزل البار على نفسي..

ومشكووور مره ثانيه على تحفيزك للشباب على انهم يدخلون هالرياضهـ الحلوه
واتمنى اللي يبي يشتري ويبدأ .. يكون حازم على انه يوصل للي يبيه ومايوقف..

اخوكم ولد بوظبي^^

الصديعي
26-01-2010, 11:12 PM
مشكور أخي
وجهد رائع تشكر عليه