المساعد الشخصي الرقمي

مشاهدة النسخة كاملة : عام Skies of Arcadia ... راح تنزل على ال PS2 ؟؟


زيــل
14-11-2001, 03:32 PM
شباب وانا اقرأ في موقع الألعاب العربي

قريت انه لعبة ساكيز او اركاديا راح تنزل على الPS2 و Game Cube

وهل هذا صحيح ولا راح تنزل بس على الGame Cube??
Klaus
14-11-2001, 04:32 PM
نعم,Skies of Arcadia حتنزل على
PS2 و GameCube
DARK HDUKEN
14-11-2001, 05:51 PM
بس على كلام المصممين أنه بيكون الجزء الاول للـPS2 و الكيوب .. أما الثاني و الثالث فهو للكيوب لكن غير حصري .. سلااااااااام :D :) ;)
القــعـقـاع
14-11-2001, 06:26 PM
نصيحة
اللي ما لحق عليها على الدريم لازم يجربها على الـps2
the slayer
14-11-2001, 06:28 PM
اللعبة مب حلوة
DARK HDUKEN
14-11-2001, 06:43 PM
OK يا الحبيب the slayer اللعبة مب حلوة .. هذي وجهة نظرك .. أنا ما لعبت اللعبة .. بس شوف أخوي اللي أكبر مني يحب ألعاب RPG و صعب أنه يرضى بأي لعبة .. يعني مثلاً تقل عن مستوى فاينل فانتزي أو ميتل غير أو تكن تاج .. وألعاب ثانية من المستوى الراقي .. أنا ما أفتخر بأسلوبة لأنه أناني أنا مستغرب منه لأنه يلعب حالياً Skies of Arcadia على DC ..
ومخطط يشتري اللعبة اللي على الـPS2 .. وأنفجر من الفرحة يوم عرف أن اللعبة لها 3 أجزاء بتنزل على الكيوب .. آسف على الاطالة .. بس حبيت أبينلك أن اللعبة حلوة وبطريقة التفصيل الممل .. سلااااااااااام :D :) ;)
زيــل
14-11-2001, 07:49 PM
هيييييييه تدرون شباب انا اللي طرت من الفرحه

ويا DARK HDUKEN ... انا مثل اخوك مره ما تعجبني اي لعبه ولاكني اشوف ان Skies of arcadia رهيبه مع اني لسه ما لعبتها ..

ولاكن يا شباب ... عندي سؤال

هي نزلت ولا حتنزل على الPS2
Klaus
14-11-2001, 09:01 PM
حتنزل
the slayer
14-11-2001, 09:06 PM
DARK HDUKEN شكلة اخوك مدمن العاب ار بي جي
يعني عندة اللعبة على الدريم كاست و بيشتري اللي على البلايستيشن 2 مع انها نفس الشيء من ناحية القصة و الشخصيات ( محد يتفلسف علي و يقول يان الصورة افضل على البلايستيشن2 تراني اعرف هذا الشيء)

و ما شاء اللة يا DARK HDUKEN اخوك مات من الفرحة يوم عرف ان لها3 اجزاء على الجيم كيوب
يعني من كلامك افهم ان اخوك عندة دريم كاست و بلايستيشن2 و جيم كيوب (زيادة فلوس":" )
Klaus
14-11-2001, 09:19 PM
ممكن أعرف من واين جبت خبر Skies of Arcadia 3 على GameCube؟
أنا حسب معلوماتي هدي شائعة و الشركة ما طلعت هدا الحكي بشكل رسمي.
the slayer
15-11-2001, 03:28 PM
Klaus اعتقد بان لها جزء ثالث على الكيوب
DARK HDUKEN
15-11-2001, 04:09 PM
يالحبيب زيل أسمك يغني عن التعريف .. فهذا الشي يأكد أنك محب لألعاب RGP .. :)

وللعزيز the slayer .. والله لو تشوفه كل معاشه على الالعاب بس أنا المستفيد . هو يشتري و أنا ألعب .. .. ومثل ما قلت ( مدمن RPG ) بس اللي من المستوى الممتاز .. وعلى فكرة هو ما أشترى الجيم كيوب .. يمكن بعد شهر وتكون موجودة عندة إذا الله راد .. وأنا من بعده بأذن الله .. وعقبالك أنشالله.. :D :D

وللأخ المحترم Klaus . شوف هذا الخبر منشور من أيام في موقع الالعاب العربي :
(( في خبر رائع لعشاق الننتندو اعلن فريق اوفر وركس (( overworks )) منتج لعبة سكايز اوف اركيدا على الدريم كاست انه لن يتم فقط اعادة انتاج الجزء الاول للكيوب وانما سيتم انتاج الجزء الثاني والثالث لمكعب الننتندو الجديد وقد بدأ العمل على اجزاء اللعبة الجديدة والمتوقع صدورها في اوقات متلاحقة خلال العاميين القادميين ..

مصدر الخبر : http://www.gc-inside.com/news/20011111arcadia.html )) ... أشوفكم على خير ..
:D :D .. سلاااااااااااااام
Klaus
15-11-2001, 04:20 PM
شكرا للمعلومة,أصلي أنا ما بجيب أخباري من هنا بس باجي على المنتدى.
زيــل
15-11-2001, 04:25 PM
حلو ومشكور يا دارك هاوديكين

وانا اموت على العاب الأر بي جي وتكن وبس!!
DARK HDUKEN
15-11-2001, 04:41 PM
العفوا وأنا تحت أمركم ... يالاعزاء .. سلاااااااااااام :D :) ;)
the slayer
15-11-2001, 05:45 PM
يمكن بعد شهر وتكون موجودة عندة إذا الله راد .. وأنا من بعده بأذن الله

يعني بتكون عندكم 2 جيم كيوب

يوم اقول فلوس زيادة":"
يعني ما تقدرون تشترون وحدة و تلعبوا فيها

و لا تقول لي ان اخوك ناوي يشتري الاكس بوكس
DARK HDUKEN
15-11-2001, 10:38 PM
هاها .. لا تستغرب يالحبيب the slayer .. نحن نتبع نظام أقتصادي رأس مالي .. شوف بشرحلك طريقتنا بس يمكن أطول .. أسمع .. أنا وأخوي.. كل واحد منا عندة DC و PS2 و PS1 .. بس الفرق أخوي عندة N64 وأنا عندي الادفانس .. وأنت سألت ليش ما نشترك في جهاز واحد بدل التبذير وصرف الافلوس بلا فايدة .. وأنت تقصد بالنظام الاقتصادي الاشتراكي .. جربنا من فترة طويلة هذي الطريقة ايام كمبيوتر العائلة والسيجا والسوبر نينتندو و 3DO .. و الـPS1 والنتيجة مشاكل و بلاوي زرق بغض النظر عن أن الجهز يمكن يتعطل أو يكون من عداد الموتى.. و من غير .. ولا واحد منا يراعي حالة الجهاز يعني أنك تلعب بالجهاز شوي وتطفية دقيقة وتلقى أخوك مشغل الجهاز وبتنصحة وبتقولة حرام من دقايق بس طفيت الجهاز وبرد عليك كالمعتاد ( ليش أنت لك رب تلعب و أنا مالي رب ) تخلف.. إذا فينا واحد عاقل تلقى الاغلبية متخلفين .. وهكذا دواليك .. شوف نحن عدنا ديموقارطية أقتصادية في البيت .. هو لو أنك في خاطرك تشتري شي لا تسأل عن الطريقة ..أدبرها بنفسك .. تجمعلك كماً درهم .. تشتغل .. تسوي اللي تشوفه بس بالحلال .. ولا واحد من البيت يقدر يمنعك ..
أو يدخل في خصوصياتك ( قانون معترف فيه رسمياً) .. و لعلمك نحن نمتلك حالياً 3 أجهزة PS1 .. أنا ما أتفاخر بس أبينلك ليش كل واحد من يمتلك شي خاص به .. يمكن تكون الشراكة في جهاز بين طرفين كحد أقصى .. ( عائلة غريبة) صدقني نحن عائلة فقيرة .. بس الحاجة علمتنا الاختيار وهو بجهدك تحصل اللي تبغيه .. من دون مذلة أحد .. ومن يوم أشتغلنا الحمدلله نقدر نحصل هذي الالعاب والاجهزة بطريقة أسهل من قبل .. على فكرة يا the slayer .. طريقة كلامك بلفظ جملة ( يوم اقول فلوس زيادة ) تذكرني بواحد من ربعي .. أنت من الامارات .. وعلى أساس نشتري الاكس بوكس .. خبرك عتيج .. تم التخطيط له وأنشالله بتكون في بداية شهر يناير ولو اني من الكارهين للأكس بوكس .. تخيل حجمة مقارنة بالـPS2 و الكيوب .. آسف على الاطالة يمكن ما بتصدق هذا الكلام .. وأنا أقولك صدق تراك ما بتخسر شي ... سلاااااااااااام يا الحبيب :D :) ;)
the slayer
15-11-2001, 10:56 PM
:واو:
من كلامك افهم ان عندكم اجهزة من لعبة العائلة حتى وصلتوا الى البلايستيشن 2

المفروض انت و اخوك تفتحون متحف لاجهزة العاب

و عندكم هذا كلة و تقول انكم من عائلة فقيرة

عيل شو عني انا المسكين راس مالي سيجا ميجا درايف و بلايستيشن 1
و بلايستيشن2 (جمعت 1800 درهم بعد موت عشانها) :(
DARK HDUKEN
15-11-2001, 11:39 PM
هاها يا مسكين والله تكسر الخاطر كنا مثلك لكن الله اللي يعطي وهو الرزاق .. بس أكرر واقول كنا عائلة فقيرة .. لكن الحين الحمدلله والشكر ميسورين الحال .. وعلى كلامك فكرنا نسوي متحف أجهزة ألعاب الفيديو
سابقاً لكن الامكانيات ضئيلة في ذاك الوقت وما تحقق هذا الشي وحالياً
الجهاز القديم المتبقي هو السوبر نينتندو الياباني ( سوبر فميكوم ) على فكرة أنا أشتريت الـPS2 بـ2000 درهم ( فلوس زايدة ) لكن بعد قهر وهم وغم ونكد وحسرة وغصة .. شوف تقريباً 65 % من العائلة تفكيرهم ألعاب فيديوا وأنترنيت يعني تكنولوجيا بشكل عام والباقي يتوزع على الحياة الاسرية و وهواية سباقات السيارت والاهتمام بها..
( أقولك عائلة غريبة) يا الحبيب ما جاوبتني أنت من الامارات ؟ سلااااااااااااااااام :D :) ;)
the slayer
16-11-2001, 12:04 AM
نعم انا من الامارات بس لا تسئل من وين و شو اسمي لاني هذة المعلومات في غاية السرية
DARK HDUKEN
16-11-2001, 03:38 AM
يعني وصلتلك الرسالة بتجوبني ولا كيف:غضب: ... امزح:D :D ... منتظر ردك في أقرب وقت .. سلاااااااااااااااام :D :D