عضو يتأمل المساعدة

[doctor_hackerz]

السلام عليكم مقدما

كيف الحال ان شاء الله الجميع بخير

انا توني ( امس ) شلت الويندز
وركبت اللينكس ( يعني ماعندي اﻻ اللينكس )
التوزيع فيدورا النسخة الخامسة FC5
المشاكل الي اتمنى اني القى لها حل :
1- حملت 5 سيديات للينكس وسويت التثبيت وخلصت بسيدين ( عندي 3 سيديات مااستخدمتها )
هل فيها برامج ملحقة وهل اقدر اثبتها وﻻ وش قصتها ؟

2- الي طفشني اني مااقدر اشغل وﻻ برنامج من الي كان عندي في الويندز
يعني انا نسخت برامجي على سيدي وجيت اشغلهم على اللينكس مااشتغلو وش الحل ؟
الصيغ منها exe ومنها rar ...............

3- اول مااشتغل اللينكس كان مايدعم العربي فحملت خطوط عربية
لكنها مو مثل الويندز ابي الخطوط تصير مثل الويندز !
مع العلم ان الطريقة الي حصلتها بس للي عندهم ويندز + لينكس

4- حاولت اسوي تحديث من terminal لكن ماقدرت المشكلة كالتالي :


[root@localhost admin]# yum -y update
Loading "installonlyn" plugin
Setting up Update Process
Setting up repositories
core [1/3]
Cannot find a valid baseurl for repo: core
Error: Cannot find a valid baseurl for repo: core
[root@localhost admin]#



حاولت ادور لهالمشكلة حل ماااااااااالقيت

5- مااعرف الاوامر كلها واحتاج موقع يشرح الاوامر للينكس بس مو الاوامر العادية مثل حذف وتحريك !!


6- حاولت ادخل على add/remove software بعد ادخال كلمة المرور للروت
لكنه مايدخل والسبب انه يعلق مدة طووويلة وبعدين تجي رسالة :
Unable to retrieve software information
حاولت ادخله من سطر الاوامر بكتابة التالي :



[root@localhost admin]# /usr/bin/system-config-packages
bash: /usr/bin/system-config-packages: No such file or directory
[root@localhost admin]# cd /usr/bin/system-config-packages
bash: cd: /usr/bin/system-config-packages: No such file or directory
[root@localhost admin]# cd /usr/bin
[root@localhost bin]# system-config-packages
bash: system-config-packages: command not found
[root@localhost bin]#

لكن مانفع
وياليييييييييييييييييييييت احد يحل هالبلاوي

واخيرا حاولت اثبت برااااااااامج كثيرة لكن مااقدر
اذا جيت اثبت من سطر الاوامر يطلع لي حطأ

حاول اكثر من طريقة واكثر من مرة وش الحل ؟؟؟؟؟؟؟؟؟؟؟؟؟؟
مع العلم ان الامتدادات الي جربتها وماضبطت معاي
bin
rpm
sh
tar.gz

بسسس انتهت الاسئلة
واتمنى احد يجاوبني
والي يعرف جواب سؤال واحد منهم ﻻ يبخل علينا
ومشكوووووووووورين مقدما

اخيرا ابي اقول هل في مواقع او برامج او اي شي احتاجه ؟( للمستخدم الجديد المبتدئ )

تحياااااااااااااااااااتي

[rubso]

1- حملت 5 سيديات للينكس وسويت التثبيت وخلصت بسيدين ( عندي 3 سيديات مااستخدمتها )
هل فيها برامج ملحقة وهل اقدر اثبتها وﻻ وش قصتها ؟
بالتأكيد تقدر تثبتها، في خطوات التثبيت تقدر تختار Custom Installation وتختار الحزم، وممكن بزر واحد تطلب انه يثبت كل شي موجود داخل الدسكات ..

2- الي طفشني اني مااقدر اشغل وﻻ برنامج من الي كان عندي في الويندز
يعني انا نسخت برامجي على سيدي وجيت اشغلهم على اللينكس مااشتغلو وش الحل ؟
الصيغ منها exe ومنها rar ...............
هذا خطأك الكبير .. لنكس ليس ويندوز، لنكس له برامجه الخاصة و ويندوز له برامجه الخاص، ابحث عن المشابه لبرنامجك الخاص بالويندوز ، او ادخل لنفس الشركة التي تزودك بهذه البرامج وابحث عن نسخة Linux ..
الامر اشبه بأجهزة الالعاب، كل جهاز له العابه الخاصة التي لا تستطيع تشغيلها الا فيه !
الـ exe او برامج الويندوز تستطيع محاكاتها لكن لن تعمل جميعها ، بإستخدام برنامج wine من هنا
http://www.winehq.com/
اما بالنسبة لـ rar ، فمن خلال برنامج Yum او مدير الحزم الخاص بالتوزيعة تستطيع تحميل برنامج فك الضغط rar وغالباً اسمه unrar .. ابحث عنه

3- اول مااشتغل اللينكس كان مايدعم العربي فحملت خطوط عربية
لكنها مو مثل الويندز ابي الخطوط تصير مثل الويندز !
مع العلم ان الطريقة الي حصلتها بس للي عندهم ويندز + لينكس
بالنسبة للخطوط ، لو انت اخترت اللغة العربية وحزمها من بدء عملية التثبيت نفسها كان هو ركب لك خطوط ولا احلى، المهم .. الآن امامك خيار واحد لتثبيت خطوط "مشابهة لويندوز" او دعنا نقول خطوط ويندوز، وتدعى msttcorefonts
ادخل الرابط
http://www.mjmwired.net/resources/mjm-fedora-fc5.html#ttf

وللعلم هذا موقع جيد سيساعدك على تثبيت جميع البرامج التي تحتاجها في استخدامك اليومي
http://www.mjmwired.net/resources/mjm-fedora-fc5.html
بالنسبة لمشكلة yum و add/remove packages فأنا لو استعملت Fedora Core كنت بساعدك فيها، لكني مستخدم Ubuntu :)
انا متأكد انه لدينا مستخدمين Fedora Core 5 يستطيعون تقديم المساعدة اكثر مني انتظرهم !

[doctor_hackerz]

مشكووووووووور جدا اخوي لمساعدتك

لكن المشاكل الكبرى وش الحل معها ؟؟؟؟؟؟؟؟؟؟؟؟؟
يعني تثبيت البرامج مانفعت معي
واضافة وازالة البرامج مانفع
والـ YUM نفسه فيه مشكلة ﻻيقبل لا تحديث وﻻ تثبيت برامج

وابي اعرف كيف اقدر اسوي تثبيت للحزم الي معاي ( الـ 3 سيديات ) بعد ماخلص من التثبيت واشتغل ؟؟؟

واخر سؤال اانا حااولت الف مرة اركب الويندز فيستا مع اللينكس لكن مارضا يركب ليييييييييييييييييييييه ؟
جرب ويندز اكس بي مع اللينكس بس مانفع وش الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وانا افكر اني احول من الفيدورا
قريت عن باقي الانواع وعجبني مواصفات 4 انواع لكن محتار بينهم
Mandriva
Mandrake
Suse
Ubuntu
ابي اعرف وشو الافضل بينهم من ناحية استخدم للبرامج المتنوعة يعني من ناحية البرامج الي تجي معاه
ومين افضل بحيث انه يجمع مواصفات لينكس وتطبيقاته و قريب للويندز بالمواصفات ليس بالشكل !!

ومشكوووووووووووووووووور جدا
يعطيك الف عافية على الرد

[rubso]

لكن المشاكل الكبرى وش الحل معها ؟؟؟؟؟؟؟؟؟؟؟؟؟
يعني تثبيت البرامج مانفعت معي
واضافة وازالة البرامج مانفع
والـ YUM نفسه فيه مشكلة ﻻيقبل لا تحديث وﻻ تثبيت برامج
للأسف Yum هو شبه برنامج apt-get في الـ Debian والتوزيعات اللي تشبهه ، فما جربته ابداً للأسف

وابي اعرف كيف اقدر اسوي تثبيت للحزم الي معاي ( الـ 3 سيديات ) بعد ماخلص من التثبيت واشتغل ؟؟؟
اذكر آخر مرة جربت الـ Fedora Core 2 كان من خلال Add/Remove Programs تضيف برامجك من كل السيديات، فقط تختارها، وهي راح يطلب منك ضع السيدي الاول والثاني والثالث إلى آخره.

واخر سؤال اانا حااولت الف مرة اركب الويندز فيستا مع اللينكس لكن مارضا يركب ليييييييييييييييييييييه ؟
جرب ويندز اكس بي مع اللينكس بس مانفع وش الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تقدر تركب الـ Windows XP داخل اللنكس عن طريق استخدام برنامج
VMware
تحصله من هنا
http://www.vmware.com/
او من خلال برنامج QEMU
تحصله من هنا
http://fabrice.bellard.free.fr/qemu/
لكن انا انصحك بالـ Vmware لسهولة استخدامه، وايضاً اصبح مجاني !
بالنسبة للـ Vista ما جربت اركبه داخل اللنكس، لكن اظن انه يعمل بدون مشاكل.

وانا افكر اني احول من الفيدورا
قريت عن باقي الانواع وعجبني مواصفات 4 انواع لكن محتار بينهم
Mandriva
Mandrake
Suse
Ubuntu
ابي اعرف وشو الافضل بينهم من ناحية استخدم للبرامج المتنوعة يعني من ناحية البرامج الي تجي معاه
ومين افضل بحيث انه يجمع مواصفات لينكس وتطبيقاته و قريب للويندز بالمواصفات ليس بالشكل !!

كل اللي اخترتهم حلوين
Mandriva مبني على KDE وايضاً النسخ الجديدة منه راح تكون دسكات منفصلة، اما GNOME او KDE هذا شي راجع لك ، ويتميز بدعمه للغات الاجنبية بشكل ممتاز جداً، لكن للأسف البرامج والحزم الجاهزة له اشوفها قليلة ..
Mandrake هو الاسم القديم لـ Mandriva وشرحته فوق.
بالنسبة لـ SuSE توزيعة مميزة وكل شي فيها سهل، وفيها ادوات راح تريحك وتساعدك بكل شغله انت تبيها أهمها اداة YaST .. من خلالها تستطيع اعداد الشبكة ، اعداد كيبل الايثرنت، اعداد اتصال DSL اعداد الوايرلس، اعداد الشاشة إلى آخره، كل شي مجمع بمكان واحد، بمعنى آخر انت مسيطر بشكل ممتاز على كمبيوترك من خلالها..
ايضاً في ناس يستخدمون Gentoo لانهم حاسين بالسيطرة على اجهزتهم اكثر، لكن اقول لك ابعد عنه في الوقت الحالي، الى ان تصير ماستر باللنكس وتعرف شنو هذا وذاك، بعدين جربه.
بالنسبة لـ Ubuntu ، حبيتها وما زلت استخدمها من النسخة 5.10، وحالياً هي 6.06 وعن قريب النسخة الجديدة بتنزل شهر 10
المميز فيها تثبيت الحزم Synaptic/Apt-get وبما انها مبنية على Debian فراح تلقى فوق المليون برنامج تركبه من خلال بضع كلكات على الفارة ! وهي مبنية على GNOME ودعمها للغة العربية "جيد" تحتاج اضافة خطوط msttcorefonts من خلال Synaptic والامور سهالات :)