ياسلامي عليكم يالسعودية !!!

[hod hod]

السلام عليكم ورحمة الله وبركاتة







ياسلامي عليكم يالسعودية هذي الأغنية التي ارفقت بمقطع بلوتوث وصل لأخي الصغير
عادت لي الذاكرة لسنة مضت فقد سبق أن رأيت هذا المقطع
ولكن هل أنتشر هذا المقطع (هو وغيره ) لدرجة ان سئم منها الكبار وتحولت للصغار ؟؟!!
وللأسف كان عنوان البلوتوث فـــــــضيحة !!
وهو مجموعة مقاطع دمجت بمقطع واحد ومايحزن القلب أنها حوت على البرائة اكثر من ماهي الخباثة
فتاة ترقص في مناسبة
أين هي الفضيحة في الموضوع ؟؟!!
لمن لا يعلم فأن المناسبات في المملكه غير مختلطة فلقد صورت من بنات مثلها!!
هل يوصل الأنتقام لدرجة التشهير بفتاة سواء كانت بريئه ام مذنبة
فأن كانت بريئة فلاأقول غير حسبي الله
وان كانت مذنبة فالله حسيب البشر ولسنا نحن من نحاسب او نأدب
وأن كانت هي مذنبة فما ذنب أهلها اقاربها عائلتها ان ترفق معها بالفضيحة لذنب ارتكبته الفتاة
لماذا نحن الدولة الوحيدة التي لايسمح فيها أستعمال جوال الكاميرا بحرية (أتكلم على البنات)
فبالجامعات ممنوع وفي الحدائق ممنوع وفي الأعراس ممنوع
فهل وجد هذا المنع من عدم ؟؟!!


من قبل سنة او اكثر تصورت فتاة بأحد الكليات بعنوان سخيف جداً يدل على التفاهة العنوان (فتاة من كلية ... )
لاحظوا ان الصيغة مجهولة يعني لم يكونوا يعرفوا الفتاة حتى !!
وقد تصورت عميدة الكلية ايضاً !!
النتيجة أن بنات هذه الكلية حرموا من الجوال العادي ايضاً
(دبور يحن على خراب عشه )
فدائماً أسمع البنات يقولوا الأولاد ذئاب والأولاد والأولاد .... الخ
ولكني ارى الأذى متساوي من الطرفين وربما نجد الأذى من قبل البنات اكبر واشد
اليس من حق الفتاة أن ترقص في مناسبة ؟؟
اوليس من حقها أن تذهب للجامعة او الى الكلية ؟؟
ذهبت بعلم اهلها لمكان غير مختلط فعندما تصور من ذوي العقول الناقصة
الذين لايتعدون نسبة بسيطة من المجتمع (الخير يخص والشر يعم )
فليس الكلام على من يصور ويفضح الكلام على باقي المجتمع
لماذا تنتشر هذي المقاطع بسرعة غير طبيعية اليست بسببنا نحن ؟؟
نرى فئة كبيرة تحتفظ بمقاطع الفضائح بالجوال وتستعرض أمام الملأ بحصيلتها من الفضائح وعلى أخر فضيحة وصلت لها او له !!


لن اقول تخيل /تخيلي انها اختك او قريبتك
ولن أقول يوم لك ويوم عليك
لأن هالكلام تردد مئات المرات


كل الي ابي اقوله الستر نعمة ونشكر الله على نعمه بالقول والعمل
فبقول الدعاء
وبالعمل الستر على الناس فمن ستر مؤمن بالدنيا ستره الله يوم القيامة
وندعوا للجميع بالهدية فبهذا الزمن القابض على دينة كالقابض على الجمر فكيف بزمن ابنائنا واحفادنا ؟
والجزاء من جنس العمل والله يمهل ولايهمل والعقاب يكون أشد وطأة والم عندما تكون بأقرب الناس اليك من ابناء او اخوة من ان يكون العقاب بنفس الأنسان ...



والسلام عليكم :)

[NORTHER]

طب ليش اخوك استقبل الملف من الأول؟ :31:

و بعدين غلط على الأهل انهم يخلو موبايل فيه بلوتوث مع طفل صغير, غير كدا البلوتوث ممكن ينغلق من الموبايل بسهوله, بس المشكله الناس جايبه الموبايلات بس عشان تتمنظر بيه :wow:

انا عن نفسي ديما اغلق البلوتوث بسبب الشحن و إلي عايز يعرف نوع موبايلي فهو
SE810i THE BEST!!
:31:

[hod hod]

طب ليش اخوك استقبل الملف من الأول؟ :31:

و بعدين غلط على الأهل انهم يخلو موبايل فيه بلوتوث مع طفل صغير, غير كدا البلوتوث ممكن ينغلق من الموبايل بسهوله, بس المشكله الناس جايبه الموبايلات بس عشان تتمنظر بيه :wow:

انا عن نفسي ديما اغلق البلوتوث بسبب الشحن و إلي عايز يعرف نوع موبايلي فهو
SE810i THE BEST!!
:31:

اهلن خيو ^^
استقبل الملف لأنه ماكان يدري ايش فيه كان يرسل بمطعم وجا له هالمقطع :)
وصحيح كلامك هو غلط وانا ماكان ودي يكون معه جوال فيه بلوتوث بس الشكوى لله كل اصدقائه معهم جوالات بلوتوث وعارف الاسطوانة فلان معه وفلان معه وانا مامعي !!!
عموماً وصل لسن مانقدر قول له لا تقريباً :)
وانا مثلك يالطيب مافتح بلوتوثي الا فيما قل وندر بس هذا الحكي عند الكبار صح ؟؟
حياك الله يالطيب :)

[another moon]

جزاك الله خير على موضوعك الهادف..
و المفروض زي ما قلتي ان الناس ما تستقبل مثل هذي المقاطع..
لانهم باستقبالهم لها يشجعونهم على مواصلة هتك ستر بنات خلق الله

شكرا :)

[hod hod]

جزاك الله خير على موضوعك الهادف..

و المفروض زي ما قلتي ان الناس ما تستقبل مثل هذي المقاطع..
لانهم باستقبالهم لها يشجعونهم على مواصلة هتك ستر بنات خلق الله


شكرا :)



أهلن خيو ^^
صدقت يالطيب المفروض ان مانرسل ولا ندور على مقاطع فيها فضايح اعراض الناس مو سهلة :(

الله يجزاك خير وحياك الله يالطيب :)

[Electro M]

شوفي
احنا يالعيال على شطانتنا و على دلاختنا و على نجاستنا
ما نوصل لنص حركاتكم يالبنات
ان كيدكن عظيم

يعني فعلا غريبة لما بنت تصور وحدة و تبدا تنشر صورها
مع انها بكذا بتضر نفسها و غيرها بانها تخلي العالم اكثر تحسسا من جوالات الكاميرا و غيرها

[hod hod]

شوفي
احنا يالعيال على شطانتنا و على دلاختنا و على نجاستنا
ما نوصل لنص حركاتكم يالبنات
ان كيدكن عظيم

يعني فعلا غريبة لما بنت تصور وحدة و تبدا تنشر صورها
مع انها بكذا بتضر نفسها و غيرها بانها تخلي العالم اكثر تحسسا من جوالات الكاميرا و غيرها

أهلن خيو ^^
حلو اول مقطع خخخخخخخخ :09:
بس بصراحه صدقت
يوم ولد يصور بنت اللوم على الطرفين
بس يوم بنت تصور بنت لاحول ولاقوة الا بالله وين ياحسرتي بجامعة ولا بملاهي ولابعرس
وبالنسبة للتحسس صار مو طبيعي في الكليات وجامعة سعود جهاز يكشف على جوالات الكاميرا
ماتحس الا وانت تتمشى يطيحون عليك الأف بي اي تبع الجامعه :D
وتفتيش بالجهاز والله كني رابطه حزام ناسف :(
حياك الله يالطيب :)

[bosson]

و الله هذي الناس فاضيه اللي مو محصله شغل ... :o ... كأن البلوتوث مسوينه

حق خرابيط المراهقين مش " متطلبات العصر الحديث " على قولتهم :33:

و الله يستر

[xuae_3]

فبالجامعات ممنوع وفي الحدائق ممنوع وفي الأعراس ممنوع
فهل وجد هذا المنع من عدم ؟؟!!ب

حتى عندنا بالإمارات
و اعتقد انه شيء جيد ^^

[another moon]

أهلن خيو ^^
صدقت يالطيب المفروض ان مانرسل ولا ندور على مقاطع فيها فضايح اعراض الناس مو سهلة :(

الله يجزاك خير وحياك الله يالطيب :)


يا اختي هدهد ..
تراني قسم بالله تعقدت من السالفة هذي :02:
و الله العظيم اني بنت..
ما ادري ليه كل الناس تحسبني ولد :31:

[Electro M]

قمر ثاني
لان اقامتك توحي انك تشجعين فريق برشلونة يمكن :31:؟

[hod hod]

و الله هذي الناس فاضيه اللي مو محصله شغل ... :o ... كأن البلوتوث مسوينه

حق خرابيط المراهقين مش " متطلبات العصر الحديث " على قولتهم :33:


و الله يستر



أهلن خيو ^^
صحيح كلامك ناس مراهقين ومثل مانت عارف في مراهقين بالخمسين :)
اما متطلبات العصر الحديث كلها خربت ههههههههههههههه :D

حياك الله يالطيب :)

[hod hod]

ب

حتى عندنا بالإمارات
و اعتقد انه شيء جيد ^^

صحيح كلامك :)
دام فيه ناس متخلفه فالأحتياط واجب :(
حياك الله يالطيب :)

[hod hod]

يا اختي هدهد ..
تراني قسم بالله تعقدت من السالفة هذي :02:
و الله العظيم اني بنت..
ما ادري ليه كل الناس تحسبني ولد :31:





يؤيؤيؤيؤيؤ :02:
سوري والله :02:
مشكلة اسمك بناتي ولادي يحوس :02:
:D <<<<<<<<بناتي ولادي حشى محل بجايم
ترى عادي انا احياناً يقولوا لي الأخ هدهد بالله عليك تركب :33:
عموماً العذر والسموحة وحقك على راسي :)

[hod hod]

قمر ثاني
لان اقامتك توحي انك تشجعين فريق برشلونة يمكن :31:؟

ههههههههههههه هذا واحد من الأسباب + ان اسمها بناتي ولادي :D

[Son_OF_Liberty]

كلامك صحيح أختي لكن وش نسوي لاحول ولاقوة الا بالله العلي العظيم
للأسف احنا العرب اكثر الشعوب المسيئه لأستخدام التقنيه وخاصة الخليجيين

الله يسترنا بستره ويهدي شبابنا ويحمي بناتنا

ألف شكر لك على الموضوع
=============
بدر تيكر خل عندك احترام شوي للمكان الي انت فيه (&)

[hod hod]

كلامك صحيح أختي لكن وش نسوي لاحول ولاقوة الا بالله العلي العظيم
للأسف احنا العرب اكثر الشعوب المسيئه لأستخدام التقنيه وخاصة الخليجيين

الله يسترنا بستره ويهدي شبابنا ويحمي بناتنا

ألف شكر لك على الموضوع

أهلن خيو ^^
صدقت والله العرب بس يطيح بيدهم شي خربوه :(
الله يهدي الجميع ويصلحنا :)
العفو اخوي
حياك الله يالطيب :)

[دلوعة العالم]

السلاااااااااااااااااام ..


مشكووووره اختي هدهد على الموضووووع...

حتى في المدرسه تكون الجوالات موجوده ويتم تبادل شرايح واذا جا التفتيش يدعسونه بشعر وحده بس لازم يكون كثيف وطويل عشان مايلقونه:31: :31:

الله يهدي الجميييع ..

ومشكوره اختي:)

[hod hod]

السلاااااااااااااااااام ..



مشكووووره اختي هدهد على الموضووووع...

حتى في المدرسه تكون الجوالات موجوده ويتم تبادل شرايح واذا جا التفتيش يدعسونه بشعر وحده بس لازم يكون كثيف وطويل عشان مايلقونه:31: :31:

الله يهدي الجميييع ..


ومشكوره اختي:)

وعليكم السلام اهلن خيتو ^^
اما بالشعر :09:
ماشاء الله شعرها مخزن :09:
اجل الي شعرها قصير ولا خفيف يمسكونها على طول :09:
وصدقتي يوم كنت بالثنوي اذكر بنات يجيبون جوالات بس مادري وين يخبونها بصراحه :09:
حياك الله يالطيبه :)

[FinalFantasy9]

السلام عليكم ورحمة الله وبركاته ..

الله يبارك فيج اخت هود هود .. الموضوع بالفعل حساس وقوي خصوصاً بمجتمعاتنا الي ماشاء الله ماتشوفين فيها اي شي الا وتحول لشيء سلبي ..

رغم وحود الاحتراس وغيره مثل الواعز الديني والأجهزة الحديثة للكشف عن المعادن , إلا ان الامر بالفعل مخيف .. حيث اصبحت الفتاة لا ترتاح لو خرجت من باب دارها وليس فقط بالاعراس والحفلات والجامعات ..

لم تبدء هذه المسألة الا بوجود هذا المجتمع الذي انتشر به الفساد وقل الوازع الديني والتربية السليمه واصبح الامر "عادي" عند الكثيرين .. فلو اخبرته "هل ترضى ان يرى احدهم اهلك هكذا !" ستكون "متخلف" بنظرهم ..

الله المستعان ~.~ .. اللهم سلم فتيات المسلمين من هؤلاء الذئاب التائهين ..

شكراً على السرد الجميع والموضوع المفيد .

PS . شباب لاتعطون "بدر" اكثر من حقه وتردون عليه :) .

وشـــــــــــ:yup::yup::yup::yup:ـــــــــــكراً

[hod hod]

السلام عليكم ورحمة الله وبركاته ..




الله يبارك فيج اخت هود هود .. الموضوع بالفعل حساس وقوي خصوصاً بمجتمعاتنا الي ماشاء الله ماتشوفين فيها اي شي الا وتحول لشيء سلبي ..


رغم وحود الاحتراس وغيره مثل الواعز الديني والأجهزة الحديثة للكشف عن المعادن , إلا ان الامر بالفعل مخيف .. حيث اصبحت الفتاة لا ترتاح لو خرجت من باب دارها وليس فقط بالاعراس والحفلات والجامعات ..


لم تبدء هذه المسألة الا بوجود هذا المجتمع الذي انتشر به الفساد وقل الوازع الديني والتربية السليمه واصبح الامر "عادي" عند الكثيرين .. فلو اخبرته "هل ترضى ان يرى احدهم اهلك هكذا !" ستكون "متخلف" بنظرهم ..


الله المستعان ~.~ .. اللهم سلم فتيات المسلمين من هؤلاء الذئاب التائهين ..


شكراً على السرد الجميع والموضوع المفيد .


PS . شباب لاتعطون "بدر" اكثر من حقه وتردون عليه :) .



وشـــــــــــ:yup::yup::yup::yup:ـــــــــــكراً



وعليكم السلام ورحمة الله وبركاته :)
أهلن خيو ^^
صدقت اخوي مثل ماقلت اول اي شي يطيح بين ايدين العرب بالأغلب يخرب :)
وحتى جهاز الكشف عن جوالات الكام في طرق للتحايل عليه :(
أصلاً الحين الناس هذي الجمله "هل ترضى ان يرى احدهم اهلك هكذا !" ستكون "متخلف" بنظرهم .. ماعادت تأثر فيهم بسبب سواد قلوبهم (( كلا بل ران على قلوبهم ما كانوا يكسبون ))


والمشكلة مثل ماقلت ماتوقف عند التصوير بس :(
الحكي على انتشارها الرهيب :(
مادري وين المتعة بالموضوع :( ؟؟



يعطيك العافيه أخوي :)
وحياك الله يالطيب :)

[Squall 9]

احنا يالعيال على شطانتنا و على دلاختنا و على نجاستنا

هدي اعصابك بتدخل مضاربه انتا :p ؟ لووووووووول


النتيجة أن بنات هذه الكلية حرموا من الجوال العادي ايضاً

يستاهلو :09: ,وزين السعوديه مانعه السواقه في السعوديه للنساء

[KLD]

والله مدري ليه دشيت الموضوع يمكن فضول

المشكلة هذي مو موجودة بالسعودية فقط
كل دول الخليج عندهم المشكلة هذي

سبب انتشار مثل الامور هذي عندنا بالذات
هي يمكن علشان منع الامور هذي عندنا

والناس مايصدقون يشوفون السوالف هذي

بس ترا في علم النفس هذا مرض سمعت عنه



اذكر بداية هبت الناس بالتلفون الكاميرا خصوصا الباندا
كنت بالثانوية

كان الطلبة يقعدون بالساحة وشغالين بلوتوثات ولما جت ادارة المدرسة تبي تمنعه ماقدروا



لماذا نحن الدولة الوحيدة التي لايسمح فيها أستعمال جوال الكاميرا بحرية (أتكلم على البنات)

احسن شي مانعينه عن البنات
لأن غالبية افلام البلوتوث مالت الفضايح تصوير داخل اعراس وهذا يعني البنات يصورون بعض




انا كنت دايمن اسمع المثل
مصائب قومن عند قوم فوائد

بس الحين قمت اصدق هذا
الشركات مستانسين منه
يعني الي عنده عرس وما حط كاشف التلفونات يروحون بستين داهية



مشكورة اختي عالموضوع
وللأسف اصحاب النفوس الضعيفة كثرانين هالايام ومحد فيهم يقتنع بشي

[majidd]

غريب يا اخي ..

الغرب اخترع تقنية البلوتوث لتسهيل عملية نقل الملفات ..

و العرب استخدموه في تسهيل عملية نقل التفاهات ..

..
شكرا على الموضوع

[اٍحساس حقيقي]

الحين بيجي أحد الاعضاء ويحط موضوع بعنوان (( حملة تطير الموبايلات ))!!

بالنسبة لموضوعك يا أختي . أظن اللي سوت هو شخص مريض عقليا وعندها مشكلة في راسها!!

ومشكلة المقاطع الفضائحية المنتشرة بين الشباب والشابات هو ظاهرة سيئة ويسبب مشاكل أسرية واجتماعية واحيانا تصل الى حد ارتكاب الجرائم !!
فيجب معاقبة الشخص اللي ارسل هذه المقاطع ومعاقبته بأشد عقوبة ممكنة .

وأي شخص منا وصل عنده مقطع بنت فلايجب ارسالها لربعه بل عليه حذفه فورا لأن عليه ستر البنت .

مشكورة أختي هدهودة على الموضوع :D

[hod hod]

هدي اعصابك بتدخل مضاربه انتا :p ؟ لووووووووول



يستاهلو :09: ,وزين السعوديه مانعه السواقه في السعوديه للنساء

أهلن أخوي سكوال ^^
ايه زين يسوون ان شاء الله مايسمحون السواقة لأنها لو انسمحت انا اول وحدة رح افحط :o
ويمكن اذا اشتريت سيارة دفع رباعي اروح اطعس بعد :D
حياك الله يالطيب :)

[asramema]

مشكورة على الموضوع المهم
الهدهد اخباره دايما مهمة من لما جاب خبر ملكة سباء لسليمان
بالعودة للموضوع السؤال اللي دايما بيحيرني هوي شو لازم نعمل غير ردود الافعال
وحتى وضح قصدي من البداية ونحنا منركض تنمنع اولادنا يحكوا عالتلفون وعلى النت شو عم يعملوا والستلايت اي محطة عم يحضروا و ...و ....
فصلنا بالمدارس البنت عن الشاب واعتقدنا انا اتخلصنا من المشكلة وانا بعرف متلكم شو بيصير بالمدارس ...
حذفنا المحطات من الستلايت وكلنا منعرف انو المشكلة مش بس بالمحطات الاباحية
وكلنا منعرف انو يمكن بعد سنة من الموبايل رح تستقبل كل المحطات الاباحية بالعالم
حطينا بلوك على مواقع الانترنيت وكلنا منعرف كيف منخرق اي بلوك متل ما منعرف الف طريقة للفساد
منعنا البنت انها تسوق سيارة احسن ما تقابل حدا
وكلنا منعرف انو البنت اللي بدها تقابل حدا بيوصلها ابوها على السوق وعلى الباب التاني ناطرها صديقها
وهلء بدنا نحل مشكلة البلوتوث وبكرا رح ينزل الأخبث من البلوتوث
هلء فيك تفوت على الانترنيت وتشوف بيتك وبكرا فيي شوفك اذا نايم على سطح البيت
هلء بتحكي مع بنت على النت وهيي بغرفة نومها والكاميرا والصوت شغالة
وهلء رح سكر الكاميرا والمايك والنت
وقوم اتحمم واستعد لصلاة الفجر واستغفر ربي واقراء القرأن
لأنو فقط التربية الصحيحة والقرأن هيي اللي بتخلينا نبعد عن المعاصي
وتربية اولادنا صح هي اللي بتحميهم مش المنع
كلمة اخيرة خايف على موضوعك القيم ينحذف لأن المشرف بيحذف اي موضوع انا بشارك فيه
اعزريني والسلام

[hod hod]

والله مدري ليه دشيت الموضوع يمكن فضول

ماشاء الله كل هذا فضول :09:







المشكلة هذي مو موجودة بالسعودية فقط
كل دول الخليج عندهم المشكلة هذي


سبب انتشار مثل الامور هذي عندنا بالذات
هي يمكن علشان منع الامور هذي عندنا

بس تقدر تقول عند السعودية اكثر شي:33:
يوم جيت عندكم بالكويت شفت صديقة بنت عمتي كانت تبي تحتفظ بصورتي ذكره غصب وانا مو راضية ولاهي الدعوة عندها عادي وعندها صور بنات عمتي وصديقاتها ونفس الشي مع بنات عمتي حسيت اني قروية :09:
هي ياخوي مانمعت من عدم اكيد انمعت من الي صار خصوصاً اول الفضايح الي طلعت وانتشرت بصورة رهيبه بسبب البلوتوث





والناس مايصدقون يشوفون السوالف هذي

بس ترا في علم النفس هذا مرض سمعت عنه


مرض صايب ثلاث ارباع المجتمع
انا احسه تفاهه وعدم مبالاة وضعف دين





اذكر بداية هبت الناس بالتلفون الكاميرا خصوصا الباندا
كنت بالثانوية

كان الطلبة يقعدون بالساحة وشغالين بلوتوثات ولما جت ادارة المدرسة تبي تمنعه ماقدروا


صحيح بالنسبة للأولاد مايقدروا عليهم
بس البنات غصبن عنهم السالفة فيها تعهد او فصل اذا كان في بجوالها شي




احسن شي مانعينه عن البنات
لأن غالبية افلام البلوتوث مالت الفضايح تصوير داخل اعراس وهذا يعني البنات يصورون بعض


احياناً تصوير بدون سبب واحياناً انتقام واحياناً ابتزاز يوم كنت بثنوي حضرة سالفة ابتزاز :boggled:




انا كنت دايمن اسمع المثل
مصائب قومن عند قوم فوائد

بس الحين قمت اصدق هذا
الشركات مستانسين منه
يعني الي عنده عرس وما حط كاشف التلفونات يروحون بستين داهية


الشركات مو عربيه اخوي ^^
اكيد رح تستانس هناك الدعوة عندهم فرية اما عندنا تخلف ...:(




مشكورة اختي عالموضوع
وللأسف اصحاب النفوس الضعيفة كثرانين هالايام ومحد فيهم يقتنع بشي


صدقت اخوي
العفو يالطيب وحياك الله :)

[hod hod]

غريب يا اخي ..

الغرب اخترع تقنية البلوتوث لتسهيل عملية نقل الملفات ..

و العرب استخدموه في تسهيل عملية نقل التفاهات ..

..
شكرا على الموضوع

اهلن خيو ^^
صدقت يالطيب الشكوه لله هي بس على البلوتوث :)

العفو يالطيب وحياك الله :)

[fantastic7788]

الله يهدي شباب المسلمين

[hod hod]

أهلن خيو توم كروز اقصد empire :09:


الحين بيجي أحد الاعضاء ويحط موضوع بعنوان (( حملة تطير الموبايلات ))!!

الحين فيه ناس يضنون موضوعي حملة تطهير الموبايلات :09:





بالنسبة لموضوعك يا أختي . أظن اللي سوت هو شخص مريض عقليا وعندها مشكلة في راسها!!

ومشكلة المقاطع الفضائحية المنتشرة بين الشباب والشابات هو ظاهرة سيئة ويسبب مشاكل أسرية واجتماعية واحيانا تصل الى حد ارتكاب الجرائم !!
فيجب معاقبة الشخص اللي ارسل هذه المقاطع ومعاقبته بأشد عقوبة ممكنة .

وأي شخص منا وصل عنده مقطع بنت فلايجب ارسالها لربعه بل عليه حذفه فورا لأن عليه ستر البنت .

مشكورة أختي هدهودة على الموضوع :D

للأسف المرضى الي تقول عنهم كثروا هاليومين :(
واكيد تسبب جرائم اذا مقطع فضيحة يوصل لأخو البنت مثلاً سواء كانت بريئه او غيره عارف بعض العقليات عندنا يالعرب مافيه تفاهم :02:
بعض الأحيان يقدرون يمسكونهم وبعض الأحيان مايقدروا:(
ومثل ماقلت اخوي مو بس مانرسله نحذفه مثل مانت عارف النظره الأولى لك والثانيه عليك يعني ماله داعي الواحد يخلي جواله معرض فضايح ..
العفو خيو وحياك الله يالطيب :)

[hod hod]

اهلن خيو ^^



مشكورة على الموضوع المهم

الهدهد اخباره دايما مهمة من لما جاب خبر ملكة سباء لسليمان

العفو يالطيب :)
:D <<<<<<عجبها التشبيهه



بالعودة للموضوع السؤال اللي دايما بيحيرني هوي شو لازم نعمل غير ردود الافعال
وحتى وضح قصدي من البداية ونحنا منركض تنمنع اولادنا يحكوا عالتلفون وعلى النت شو عم يعملوا والستلايت اي محطة عم يحضروا و ...و ....

ابداً أخوي عمره المنع ماكان حل انت عارف كل ممنوع مرغوب :)
وصايرين الشباب الحين سواء بنات او اولاد يعملوا الي براسهم حتى لو العائلة كلها رافضه
عندك مثلاً وحده من صاحباتي ابوها رافض يطلع لها موبايل النتيجة انها طلعت من ورى اهلها
مو يطلع لها قدام نظره احسن من ماهي تطلع من وراه ؟:(



فصلنا بالمدارس البنت عن الشاب واعتقدنا انا اتخلصنا من المشكلة وانا بعرف متلكم شو بيصير بالمدارس ...
حذفنا المحطات من الستلايت وكلنا منعرف انو المشكلة مش بس بالمحطات الاباحية
وكلنا منعرف انو يمكن بعد سنة من الموبايل رح تستقبل كل المحطات الاباحية بالعالم
حطينا بلوك على مواقع الانترنيت وكلنا منعرف كيف منخرق اي بلوك متل ما منعرف الف طريقة للفساد
منعنا البنت انها تسوق سيارة احسن ما تقابل حدا
وكلنا منعرف انو البنت اللي بدها تقابل حدا بيوصلها ابوها على السوق وعلى الباب التاني ناطرها صديقها

صدقت اخوي
مادري يمكن السبب هو الضغط يولد الأنفجار ؟!
احس ان المجتمعات العربيه كلها تفتحت بسرعة مو على تدريج
يعني تلقى بنفس الوقت افلات وتشدد
يعني مشردين لاصرنا عرب ولا صرنا غرب
تلقى ولد متخلف الي ماعنده صديقة والعكس صحيح (هنا نظره غربيه)
وتلقاه مستحيل يتزوج صديقته لأنها خانت اهلها وتقابله من وراهم وغير الغيره والشك (هنا نظرة شرقيه )


وهلء بدنا نحل مشكلة البلوتوث وبكرا رح ينزل الأخبث من البلوتوث
هلء فيك تفوت على الانترنيت وتشوف بيتك وبكرا فيي شوفك اذا نايم على سطح البيت

صدقت رح ينزل الأخبث
الحين نزلت خدمة المكالمة المصورة يعني تقدر تكلم والطرف الثاني يشوفك ..





هلء بتحكي مع بنت على النت وهيي بغرفة نومها والكاميرا والصوت شغالة
وهلء رح سكر الكاميرا والمايك والنت
وقوم اتحمم واستعد لصلاة الفجر واستغفر ربي واقراء القرأن
لأنو فقط التربية الصحيحة والقرأن هيي اللي بتخلينا نبعد عن المعاصي
وتربية اولادنا صح هي اللي بتحميهم مش المنع
كلمة اخيرة خايف على موضوعك القيم ينحذف لأن المشرف بيحذف اي موضوع انا بشارك فيه

اعزريني والسلام


صدقت يالطيب
التربية اذا كانت صحيحه وعلى دين مايغيرها شيء :)
مشكور اخوي وردك رائع فليش يتقفل الموضوع ؟:)
حياك الله يالطيب :)

[hod hod]

الله يهدي شباب المسلمين


اللهم امين ^^
حياك الله يالطيب :)

[The.Galaxy]

ان استحكمت الذئاب

فلا عزاء للاغنام

[hod hod]

ان استحكمت الذئاب



فلا عزاء للاغنام


اهلن خيو ^^
صدقت يالطيب :)
حياك الله :)

[Misho0o]

يا اخوان لاحد يقول نحنا عرب ومانعرف ونحنا عرب ونعرف والخ الخ الخ
انا ابغى اعرف اذا نحن عرب وخربت الاشياء على يدنا ،، يعني الاجانب يستغلوها بالشكل الصحيح ؟
الاجانب يسوو اخس مننا مو بس زينا
فا احمدوا ربكم انكم عرب =)

[hod hod]

يا اخوان لاحد يقول نحنا عرب ومانعرف ونحنا عرب ونعرف والخ الخ الخ
انا ابغى اعرف اذا نحن عرب وخربت الاشياء على يدنا ،، يعني الاجانب يستغلوها بالشكل الصحيح ؟
الاجانب يسوو اخس مننا مو بس زينا
فا احمدوا ربكم انكم عرب =)

اهلن خيو ^^

صدقت يالطيب
بس بوضح لك شي :)
الحين فيه عرب يقلدوا الغرب بس سؤال عادتنا تتناسب مع الغرب ؟!
يعني عند الغرب عادي تنتشر صوره وعادي صديقات يصوروا بعض الدعوه مو فضيحه
اما عندنا تعتبر فضيحه :)
الف الحمدلله والشكر اننا عرب بس لاتنكر كثير من العرب (موكلهم) ياخذوا الجانب السيء من الاختراع :)
حياك الله يالطيب :)

[Toxic Rain]

و الله هالأيام صارت هالحركة منتشرة , ما ينسلم منها لا الولد أو البنت لكن خلوها على الله

هالحركة صارت معي مرة لكن بسوق كبير ووصلني بلوتووث من هالنوعية


و المشكلة أننا نحب الفضايح ... ياناس أستروا على بعض يستر الله عليكم


و مشكورة

[hod hod]

و الله هالأيام صارت هالحركة منتشرة , ما ينسلم منها لا الولد أو البنت لكن خلوها على الله

هالحركة صارت معي مرة لكن بسوق كبير ووصلني بلوتووث من هالنوعية


و المشكلة أننا نحب الفضايح ... ياناس أستروا على بعض يستر الله عليكم


و مشكورة

أهلن خيو ^^
صدقت يالطيب
الحين بالسوق اذا سويت بحث بلوتوث يطلع مية أسم :boggled:
هم جاين يستوقون ولا يتابعون اخر جديد بسوق البلوتوثات:boggled:
وصدقت يالطيب كثير يحبوا الفضايح ... الله يهدي الجميع ويستر علينا يارب :)
حياك الله يالطيب :)

[RICH BOY]

كلامك صحيح اخووووي another moon (http://www.montada.com/member.php?u=374150)
لازم من الشخص نفسه مايستقبل .. vbmenu_register("postmenu_4853196", true);

[hod hod]

كلامك صحيح اخووووي another moon (http://www.montada.com/member.php?u=374150)
لازم من الشخص نفسه مايستقبل .. vbmenu_register("postmenu_4853196", true);

اهلين خيو ^^
اكيد صحيح كلام الأخت another moon
تراهي بنت ووضحت هالنقطة بالرد العاشر :p
عموماً احياناً الواحد يستقبل هذي الأشياء بالغلط
مثلاً انت جالس تراسل شخص بمكان عام هناك انواع ناس يرسلون مقاطع صوت وناس مقاطع مضحكه وناس صور اطفال او غيره .... وناس ترسل فضايح :(
ومثل مانت عارف النظره الأولى لك والثانية عليك يعني الواحد من يوم يشوف فضيحة الحل الصحيح مسح على طول حتى لو ماكان له نية يرسلها لأحد
حياك الله يالطيب :)

[اٍحساس حقيقي]

أهلن خيو توم كروز اقصد empire :09:


خخخخخخخخ أعجبتك صورتي :D . مشكورة :biggthump


الحين فيه ناس يضنون موضوعي حملة تطهير الموبايلات :09:

أي وانا منهم .. اعذريني أختي هدهودة :D



للأسف المرضى الي تقول عنهم كثروا هاليومين :(
واكيد تسبب جرائم اذا مقطع فضيحة يوصل لأخو البنت مثلاً سواء كانت بريئه او غيره عارف بعض العقليات عندنا يالعرب مافيه تفاهم :02:
بعض الأحيان يقدرون يمسكونهم وبعض الأحيان مايقدروا:(
ومثل ماقلت اخوي مو بس مانرسله نحذفه مثل مانت عارف النظره الأولى لك والثانيه عليك يعني ماله داعي الواحد يخلي جواله معرض فضايح ..

العفو خيو وحياك الله يالطيب :)

المشكلة هي العقلية العربية المليئة بالتقاليد القديمة منذ أيام الجاهلية وحتى الآن !!!
والآن اقرأ أخبارا عن أب يقتل بنته بداعي الشرف لأن بنته تحب شابا :blackeye: . يعني صار البنت حرام تحب شخص !!!:bigeyes:
وشيء آخر حتى لو الشخص حذف المقطع الفضائحي لكن لما يبيعه للمحل فهذا المحل لديه تقنيات وحركات رهيبة يقدر يجيب اللقطات المحذوفة ويبيعها !!! على حساب سمعة البنت وشرفها !!! وهؤلاء الأشخاص اللي ابتكروا هالتقنية لو سووها في أشياء مفيدة لكان أحسن . بس عقلية العربي كذا يحب يخرب بيت ناس :12:



ومشكورة أختي هدهودة على ردك .ويعطيكي العافية

[hod hod]

اهلن خيو ^^
الحين ردي وردك صار كله بأقتباس ماقدر اعلق على نقطه نقطه :09:

من قال انها عجبتني ؟؟ :D
:09: <<<<<<<<تحطيم
بعدين حرام عليك وين تطهير انا قلت طهروا جوالات الكام ولا لاتشترون بلوتوث شلون اقول ذا الحكي وانا جوالي كام وفيه بلوتوث :(
كلامي عن الفاضيح وانتشارها ومضارها واضن ان هذي مايختلف فيها اثنين:(
الاأنت والشله :09:
وعلى سالفة وحده تحب واحد :blackeye: وابوها قتلها :blackeye:
هو ليش الحب الحين تمام ؟؟
يعني تجيك بنت تكلم من ورى اهلها وتطلع من ورى اهلها وش تبي يسوون فيها؟؟ اصلاً هذا اسمه مو حب اسمه تسلية لأنه لو كان صحيح كان مارضت على نفسها انها تطلع من ورى اهلها وهي عارفه انه غلط علشان كذا عملته من تحت لتحت :blackeye:
وعلى سالفة التقنية الرهيبة على قولتك صارة برنامج يتنزل من النت بكل بساطه ارجع صور محذوفه من الذاكره!!
بس المقاطع مادري والله
العفو اخوي وحياك الله ياتوم كروز ابو صورة وعه :D
:D <<<<<<حاقده عليه
امزح :09:

[اٍحساس حقيقي]

أي وأنا كمان ما قدر ارد باقتباس .... أووووووووف أرح لردك واقتبس و أرد عليه يا أختي شغلة طويلة هذي :09:

ما عجبتج صورتي :( يعني اٍنتي ما عندج ذوق :09: ....امزح :D

أظن أنك أوضحت كلامك في بداية الموضوع . وموبايلي بعد فيه كام وفيه بلوتوث بس ما اشغّل البلوتوث اٍلا في حالات قليلة وبسيطة ....... أوووووووووف هدهودة عندها كام وبلوتوث !!! الله أكبر عليج :wow: امزح .:D

وانا فهمت من موضوعك اللي تتحدثين عن مساؤي البلوتوث وأضرارها على الفرد والمجتمع (شايف نفسي اختصاصي علم الاجتماع :bigeyes: ):D

شو أنا والشلة !!! طيب يا هدهودة . واٍنتي وشلتك ما يسوون :D . الحين تعادلنا 1\1 !!! :09:

طيب لو بنت تحب شاب بعلم أهل البنت وتطلع معاه . وأهل البنت يعرفون الولد بسبب العلاقة الطيبة بين الأسرتين . في هذه الحالة هل تعتبر حب أم تسلية ؟؟
لأنه أصلا شباب وايد يطلعوا مع بنات . بس الشاب الخليجي بطبعه مايحب يطلع مع بنت من نفس بلده والعكس صحيح . فأنا أشوف في الشوارع شاب خليجي يتمشى مع وحده لبنانية ميوعة . والبنت الخليجية تتمشى مع شاب عربي ماشاء الله عليه عنترة بن شداد !!! طويل فوق ال190 سنتم وعريض والبنت زي الفارة ومرتاحة معه :blackeye: . أعرف أنك بتضحكين بس هذا هو الواقع المر !!!

أي فيه برنامج يساعدك على اظهار المقاطع المحذوفة بطريقة بسيطة . أنا متأكد اللي اخترع البرنامج هو عربي :boggled: .

انا بصراحة ما احب توم كروز بس شفت صورته وعجبني وحطيته . :09:
وصورتك ما اقدر أقول ويع بس يهبل ويجنن :boggled: .

مشكورة اختي هدهودة الشقية ............... :09: امزح


سلامي

[hod hod]

أي وأنا كمان ما قدر ارد باقتباس .... أووووووووف أرح لردك واقتبس و أرد عليه يا أختي شغلة طويلة هذي :09:

طيب فيه فكره رقم النقاط قول نقطه واحد نقطه اثنين علشان اذا جيت ارد اقول الرد على نقطه واحد ...الخ



ما عجبتج صورتي :( يعني اٍنتي ما عندج ذوق :09: ....امزح :D

اجل معناها كل العالم ماعندها ذوق :D (أمزح)
:D <<<<<<<<وحده تعقدت من الصور بعد ماحكوا عن صورتها



أظن أنك أوضحت كلامك في بداية الموضوع . وموبايلي بعد فيه كام وفيه بلوتوث بس ما اشغّل البلوتوث اٍلا في حالات قليلة وبسيطة ....... أوووووووووف هدهودة عندها كام وبلوتوث !!! الله أكبر عليج :wow: امزح .:D

وانا فهمت من موضوعك اللي تتحدثين عن مساؤي البلوتوث وأضرارها على الفرد والمجتمع (شايف نفسي اختصاصي علم الاجتماع :bigeyes: ):D

شو أنا والشلة !!! طيب يا هدهودة . واٍنتي وشلتك ما يسوون :D . الحين تعادلنا 1\1 !!! :09:

ليش هو في حد ماعنده جوال كام :09:
اشوف طفل يوصل لركبتي معه جوال كام خخخخخخخخخخ :D
وزين انك فهمت الموضوع :p




طيب لو بنت تحب شاب بعلم أهل البنت وتطلع معاه . وأهل البنت يعرفون الولد بسبب العلاقة الطيبة بين الأسرتين . في هذه الحالة هل تعتبر حب أم تسلية ؟؟
لأنه أصلا شباب وايد يطلعوا مع بنات . بس الشاب الخليجي بطبعه مايحب يطلع مع بنت من نفس بلده والعكس صحيح . فأنا أشوف في الشوارع شاب خليجي يتمشى مع وحده لبنانية ميوعة . والبنت الخليجية تتمشى مع شاب عربي ماشاء الله عليه عنترة بن شداد !!! طويل فوق ال190 سنتم وعريض والبنت زي الفارة ومرتاحة معه :blackeye: . أعرف أنك بتضحكين بس هذا هو الواقع المر !!!

حتى لو تحب شاب بعلم اهلها ويييييييييين تطلع معه ليش بنت ال جمس ولا بنت ال مايكل ؟؟:D
بعد مايتملكوا بكيفهم يطلعوا مع بعض لأنها صارت زوجته بس قبله لااااع :blackeye:
وبالنسبة لبعض الشباب الي ذكرت امثله لهم فالسبب انهم يطلعوا مع غير جناسيهم علشان مايفضحوا بعض :blackeye:




أي فيه برنامج يساعدك على اظهار المقاطع المحذوفة بطريقة بسيطة . أنا متأكد اللي اخترع البرنامج
هو عربي :boggled: .

اوف اوف بعد حتى المقاطع تترجع :boggled:
فيه ناس يصوروا مقاطع يقولون انها ماتترجع بس الصور الي تترجع :(
انا افضل ان الواحد مايحط شي شخصي بجواله :(
:D <<<<<<<<<جوالها كل صور بزران العائله ومقاطع فيديو لهم




انا بصراحة ما احب توم كروز بس شفت صورته وعجبني وحطيته . :09:
وصورتك ما اقدر أقول ويع بس يهبل ويجنن :boggled: .

مشكورة اختي هدهودة الشقية ............... :09: امزح


سلامي


ادري ان صورتي زينة وانت صورتك وعه :p (ماامزح :D )<<<<(تمزح:D ) حستك صح :p
مشكور اخوي وحياك الله يالطيب :)

[اٍحساس حقيقي]

وفي كمان بزارين توهم في الابتدائية عندهم 2 موبايل وبآخر موديل وبكام وبلوتوث:bigeyes: .

وفي نقطة الصور الشخصية في الموبايل . وبصراحة أنا موافق معك . لازم أي شخص مايحط صور شخصية له ولزوجته . أنا نفسي احط صورتي في الموبايل . بس فيه شباب شباب متزوجين وايد يحبون يحطون صور عيالهم الصغار الحلوين :D .هل توافقين ؟؟

ومشكورة أختي هدهودة .:)

[hod hod]

وفي كمان بزارين توهم في الابتدائية عندهم 2 موبايل وبآخر موديل وبكام وبلوتوث:bigeyes: .

وفي نقطة الصور الشخصية في الموبايل . وبصراحة أنا موافق معك . لازم أي شخص مايحط صور شخصية له ولزوجته . أنا نفسي احط صورتي في الموبايل . بس فيه شباب شباب متزوجين وايد يحبون يحطون صور عيالهم الصغار الحلوين :D .هل توافقين ؟؟

ومشكورة أختي هدهودة .:)
اهلن خيو ^^
دايماً الأحظ البزران الي عندهم جوالات اولاد
اما البنات يطلعوه على عمر كبير شوي
:D <<<<<<ماطلعته الايوم خلصت الثنوي
وبالنسبة للعيال عادي يحطون صورهم بس المشكلة بالبنات :blackeye:
فيه بنات يحطون صورهم عادي بس محد يضمن جواله ينسرق يضيع تبي تبيعه بالمستقبل :33:
وبالنسة للي يحطون صور عيالهم الصغار اكيد اوافق جوالي كله صور بزران العائلة بكل الأوضاع وهو نايم وهو يرضع وهو يبكي .... الخ :D
العفو خيو وحياك الله يالطيب :)

[حفيد السلف]

لأمثال هذه المقاطع بدأت الناس تحترز أكثر

حتى في الأعراس أصبحت هناك أجهزة كاشفة عند أبواب صالات النساء

لكشف أجهزة البلوتوث لمنعها من الدخول إلى الصـالة


ومؤسف أن يعدم بعض الناس كل مشاعر الانسانية والأخوة

ويملأ القلب حقده فينتقم من الطرف الآخر بتصويره بوضع معين ومن ثم النشر

من ناحية هذا الناشر يتحمل سيئات جارية لكل من رأى هذا المقطع
( وليحملن أوزارهم وأوزارا مع أوزارهم )

ومن ناحية ثانية يفضح أخ له في الإسلام ويشهر به ويعرض حياته للتدمير والفضيحة ,

وخصوصا عند بعض البنات إذا حقدت على صاحبتها تكيد لها حتى تدمرها

ونست بأن الله عزوجل ينتقم لعباده وأنه يمهل ولايمهل

وإذا أخذ الظالم أخذه أخذ عزيز مقتدر

[hod hod]

لأمثال هذه المقاطع بدأت الناس تحترز أكثر


حتى في الأعراس أصبحت هناك أجهزة كاشفة عند أبواب صالات النساء

لكشف أجهزة البلوتوث لمنعها من الدخول إلى الصـالة


ومؤسف أن يعدم بعض الناس كل مشاعر الانسانية والأخوة

ويملأ القلب حقده فينتقم من الطرف الآخر بتصويره بوضع معين ومن ثم النشر

من ناحية هذا الناشر يتحمل سيئات جارية لكل من رأى هذا المقطع
( وليحملن أوزارهم وأوزارا مع أوزارهم )

ومن ناحية ثانية يفضح أخ له في الإسلام ويشهر به ويعرض حياته للتدمير والفضيحة ,

وخصوصا عند بعض البنات إذا حقدت على صاحبتها تكيد لها حتى تدمرها

ونست بأن الله عزوجل ينتقم لعباده وأنه يمهل ولايمهل


وإذا أخذ الظالم أخذه أخذ عزيز مقتدر


اهلن خيو ^^
صدقت يالطيب :)
صار عند الأعراس تفتيش بس فيه طرق لتهرب من التفتيش:(
وهو اصلاً مفروض مافيه تفتيش كل واحد رقيب نفسه ويعرف انه حرام وانتهينا :(
وماعرف كيف يفكر او تفكر الي تفضح بالناس كيف ترضى تكون ظالمه وتاخذ سيئات كل مانتشرت الصورة اكثر:(
والقهر من تفكير المجتمع مع الأسف ...
المفروض الصور البريئه خصوصاً تنحذف بدون تفكير :(
حياك الله يالطيب :)