المساعد الشخصي الرقمي

مشاهدة النسخة كاملة : معاناة الطالبات عند المدرسات


الجليله
16-11-2001, 04:21 AM
هلا


ـ استاذة مافهمت الدرس
ـ اكيد مافهمتيه..هذا من الهذرة والسوالف والسرحان و الضحك بالحصة


ـ استاذة ممكن تعيدين اللي قلتيه ماسمعته
ـ اكيد مابتسمعيني ..انتي وصديقاتك بس تسولفون ..شلون بتسمعون؟


ـ استاذة ..ممكن اروح الحمام؟
ـ يعني ماافتكرتي الروحة الا الحين...بعد الحصة روحي،انتم زي الاطفال رايحين جايين على الحمام


ـ استاذة ..ممكن اشرب موية
ـ يعني ماصرتي عطشانة الا الحين..احسن خلك عطشانة عشان ماتشولفين وتتكلمين


المشهد :الابلة شغلت شريط (كاسيت) للطالبات .واحدة من الطالبات قامت وقالت:
ـ استاذة..الشريط اللي سمعتينا اياه من شوي ماكان صوته واضح
ـ لو انتم توقفون الازعاج والكلام اللي صاير بينكم في الفصل كان سمعتوا


استاذة منهجنا صعب...خططيلنا على الكتاب-
من قبل المعلمة فيه 3 ردود لهذا الطلب: الرد الاول:ايش؟؟؟اخططلكم؟؟اطفال انتم.؟؟
)الرد الثاني:انتي واحدة كبيرة..صرتي بصف (...) لازم تخططين بنفسك
الرد الثالث:مافي تخطيط ..كل شيء معاكم احفظوه


ـ أستاذة..دفتري ضايع..وش أسوي؟؟
في هالحالة الابلة ترد باحدى هالثلاث ردود: الرد الاول:هاه..نعم؟؟! وش تسوين؟؟ايش رايك اروح بيتكم وادور عليه؟؟لا انتي دوري عليه وانا شذنبي ان كان ضايع؟؟انا اللي ضيعته؟
الرد الثاني: لا لا,,الحمدلله..ماعندي دفاتر بمكتبي انا ارسلتها لكم يوم الاحد اللي فات..
الرد الثالث:ترى ان مالقيتي دفترك..راح تعيدينه لي كامل


المشهد/بنت تمسح السبورة ومشتطة ..بعد ماخلصت من التسميح:
ـ استاذة..ممكن أغسل يدي(البت اللي تسأل كانت تمسح السبورة)
ـ انا اعرفكم يابنات ..اذا تبغون تطلعون تسمحون السبورة..لا ياحبيبتي مافي طلعة..خذيلك منديل


ـ استاذة..الفصل حار مانقدر نستوعب
ـ شايفيني انا المصلح اللي يصلحلكم المكيف؟؟روحوا الادراة وقولولهم ..يلا لا تضيع حصتنا


ـ استاذة..فيه نملة تحت الدرج!
ـ اصلا النملة تخاف منكم..يلا بلا تضييع وقت..خلونا نكمل شرحنا..بس عشان نملة صغيرة مسويين قضية..


ـ استاذة الجو حلو..ممكن نفتح الشبابيك
-انتم ماتبغون تفتحون الشبابيك الا عشان تتفرجون على الرايح والجاي..لا ماراح نفتح ـ استاذة بس الجو فظيع..لا نضيع هالفرصة
ـ عندكم فرصتين للطلعة..بعدين..يلا نكمل الدرس


ـ استاذة..الشمس على عيوننا ممكن نسكر الستاير؟
ـ لا خلوها احسنلكم ,,الشمس مفيدة لكم


ـ استاذة..صراحة..الامتحان كان مرة صعب
ـ اسكتوا ماحد طلب رايكم


ـ(هذا في حصة الفراغ) ـ استاذة..الله يخليكي ..طلعينا برة
ـ مجنونة انا اطلعكم؟؟!عشان تسوون ازعاج وتزعجون الادارة..بعدين المديرة ماترضى


ـ استاذة..انتي دخلتي اي جامعة؟؟(البنت اللي تسأل الغرض من سؤالها الاستفادة من تجارب الآخرين)
ـ انتم ملاقيف بس تبغون تعرفون اسرارنا..ايشرايك بعد تساليني متى تزوجت؟هذا اللي ناقص!!


ـ استاذة..انا تعبانة..وديني عند المشرفة
ـ معليش ..لا تشاركين معانا..بس استمعي او تقولها:ـ حطي راسك على الدرج ونامي,


المشهد/دق الجرس وبدأت فسحة الصلاة والابلة باقي تشرح الدرس البنات يقولون :ـ استاذة..نبغا نطلع..بنروح نصلي
(تبتسم المعلمة ابتسامة خبث وتقول:تصلون؟؟ولاّ تلعبون؟؟..وتدورون بالاسياب؟؟


المشهد:المعلمة تملي البنات الدرس..
ـ استاذة..ايش؟عيدي
ـ اسكتوا وبتسمعون


ـاستاذة..نذاكر من الدفتر ولاّ من الكتاب؟؟
تتحول ملامحها الى ملامح شر وتقول: ـ من الأثنين..


المشهد/المعلمة داخلة الفصل..والبنات بتأفف يسالونها
ـ أستاذة,,اليوم بتعطينا درس؟؟
ـ اجل ليش جايتكم؟؟


ـ استاذة..ماجبت الدفتر
في هالحالة المعلمة تختار احد هذه الردود:
(1) ليش؟؟ايش قاعد يسوي في البيت؟؟نايم؟؟
(2) اجل ليش جاية المدرسة؟؟؟
(3) شلون نسيتي الدفتر؟؟انحبكت من كل المواد مانسيتي الا دفتر مادتي؟؟
(4) ليه نسيتي الدفتر انتي ناسية الفسحة مثلا؟؟

ـ استاذة..ماأستلمت كتاب
ـ ليه؟؟؟ كنتي نايمة لما وزعوا عليكم الكتب؟؟
او تقول:
ـ انا ايش ذنبي؟؟روحي المكتبة‍
او تقولها:ـ صوريلك كتاب من اي بنت (رغم امتلاء المكتبة المدرسية بمثل هذه الكتب)


ـ أستاذة..لا تمتحنينا بالدرس السابق..كان علينا اليوم امتحان وماامدانا نذاكر الدرس السابق
ـ اصلاً الدرس هذا سهل مرررة وبسيط...ومايبغاله شيء...لو انكم امس منتبهين معاي كان عرفتوا تحلون الاسئلة حتى لو ماذاكرتوا


ـ استاذة..ممكن نتفتح الباب؟
ـ لا..عشان تتفرجون على صديقاتكم..خليه مقفل..عشان تنتبهون للدرس


المشهد/بنت تتعنى وتطلع من فصلها ،وتروح لفصل صديقتها عشان تاخذ منها شيء..تدق الباب :
ـ استاذة..ممكن اكلم (فلانة)
ـ لأ..بعد الحصة‍‍
ـ استاذة..بعطيها شيء وأروح
ـ لأ..أطلعي بره..قلتلك بعد الحصة


المشهد/الأبلة تفتش على الواجب..بنت توقف وتقول
ـ استاذة..انا كنت غايبة..ماحليت الواجب
الغياب عندي ماينفع عذر..ليش ماكلمتي واحدة من صديقاتك ولا ماعندكم تلفون؟؟؟_
ـ استاذة..ماكنت اقدر اكلمهم..لاني كنت مرة تعبانة
ـ مرة تعبانة؟؟(تقولها باستخفاف)اجل ليش جيتي المدرسة اليوم ..كان قعدتي في البيت


الطالبه: استاذه وش ذيك الكلمه
الاستاذه: لي انا خطي اي علشان ماتفهمينه

الطالبه:استاذه بطني تعورني
الاستاذه: احسن ماشافت تعورك الا في حصتي

الطالبه: ممكن اخذ قلم من زميلتي
الاستاذه : لي اقلامك غايبه اليوم


الطالبه: استاذه انتي احلى ابله
الاستاذه: اعرف بس كملي الدرس


الطالبه: استاذه هنا في صرصور
الاستاذه: احسن خلي ياكلكي محنا مضيعين الحصه على صرصور تافه


الطالبه: ياابله خلي البنت توخر عن السبوره ماني شايفه ذيك الكلمه
الاستاذه: عاد من طول البنت علشان تقولين كذا


الطالبه: الله اليوم الجو حلو نزلينا الحوش
الاستاذ: لي هو على كيفك



_______________

انشاءالله تكون عجبتكم:D
LINK0072
16-11-2001, 04:36 AM
هاهاهاها عندنا وعندكم خير



هذي ما صارت مدرسه هذا سجن
Chandler
16-11-2001, 04:38 AM
اقول....


هالكلام مو غريب علي...


انتي كتبتي في المنتدى العام من زمان...صح؟؟
الجليله
16-11-2001, 04:41 AM
كتب العضو (naf)
اقول....


هالكلام مو غريب علي...


انتي كتبتي في المنتدى العام من زمان...صح؟؟

سلامات مو انا
الزهراء:D بس حبيت ارجعه لانه عجبني:واو:
داج2222
16-11-2001, 04:45 AM
هههههههههههههههههههههاااي حلووووه مره ثانيه:D
Chandler
16-11-2001, 04:51 AM
كتب العضو (الجليله)


سلامات مو انا
الزهراء:D بس حبيت ارجعه لانه عجبني:واو:


اهاااا....


معليش...توني متسحر....والظاهر ضرب عندي فيوز.....
NINA2001
16-11-2001, 09:19 AM
ياجليله لا تشرهين علي عجايز ذولي ناس متخلفه

:غضب: :غضب: :غضب: :غضب: :غضب: :غضب: :غضب: :غضب:

انا كل يوم يوقفوني
يقولون جزمتي رياضه والجزمه الرياضيه ممنوعه
وكل ماشتري وحده يقولون انها رياضيه
صرت اقعد بالفصل ومأصف طوابير
كلش كوم ومعلمة الخياطه كوم ثاني
يوم الا ثنين علينا امتحان احياء طوييييييييييييييييييييل
والروسومات كلها معنا وتجي الهانم وتقول
بكره اخر يوم لتسليم الباترون
انجنينا باترون وش طوله وش عرضه نسلمه بكره وعلينا امتحان احياء
رحنا نحاول فيها ورفضت
تدرون هالبترون حق وش
قميص نوم
كل هالزحمه علي باترون قميص نوم
انا بس افهم مادة الخياطه ذي مالها داعي
الي شوفنا يقول بنطلع ممصممات ازياء ويالت الوحده تطلع خياطه بس
Alsayed
16-11-2001, 09:49 AM
سكاكين.....اوه اسف قصدي مساكين :D :D
TOO COOL
16-11-2001, 12:38 PM
هههههههههههههههههاااي:D :D


مشاغبات:D :D
yousif
16-11-2001, 12:45 PM
الجليله: ابي اعرف انتوا تقولون ...استاذة ... ولا ابله ....

يعني الصراحة اول مرة اسمع ...البنت تقول لمعلمتها... (استاذة ) ... الصراحة هالشيء يجيب الشك ... من كاتب الموضوع :)
antonio
16-11-2001, 01:00 PM
L:o L
باباسنفور
16-11-2001, 02:23 PM
حلوه الحجره
الجليله
16-11-2001, 03:23 PM
كتب العضو (yousif)
الجليله: ابي اعرف انتوا تقولون ...استاذة ... ولا ابله ....

يعني الصراحة اول مرة اسمع ...البنت تقول لمعلمتها... (استاذة ) ... الصراحة هالشيء يجيب الشك ... من كاتب الموضوع :)

عندنا بنات يقولون استاذه وبنات يقولون ابله وانا بعد اقول ابله:D
NINA2001
16-11-2001, 05:35 PM
كتب العضو (TOO COOL)
هههههههههههههههههاااي:D :D


مشاغبات:D :D

انا دائما جي متأخره ودائما يكتبون اسمي

طفشوا مني
صرت مشهوره عند المراقبات
:

بس والله مني راعية طلعه برا الفصل
عشاني مؤدبه
والله اني اتكاسل اقوم وبعدين تجي المدرسه وانا توني ماقمت فااختصر واقعد


بالنسبه لابله والا استاذه
ايام الابتدائي علي خبري ابله
لكن من رحت المتوسط تطورت وصرت اقول استاذه
الا المروض اناديهم ابله ويخب علييهم هالعجايز:غضب:
yousif
16-11-2001, 07:35 PM
يعني تقول ابله ................. مب عيب عليكم .. تقولون عن المدرسات انهم بلهاء ....اخس :)

يعني انتوا تقلدون الاولاد....يعني احنا عمرنا ما قلنا للاستاذ ...يا ابل ..(مذكر ابله) ..ههاي :)
القــعـقـاع
16-11-2001, 07:52 PM
بكره اخر يوم لتسليم الباترون


وش هذا?:
الجليله
16-11-2001, 10:46 PM
كتب العضو (serge)



وش هذا?:

هذا باترون حق الخياطه اسأل امك تعرفه:D
NINA2001
18-11-2001, 08:06 PM
كتب العضو (الجليله)


هذا باترون حق الخياطه اسأل امك تعرفه:D

هذا حق الخياطين
عشان يخيطون
شفاف كبييييييييييييير
ترسم عليه حردةالرقبه ووو..............................
الامام والخلف
والاكمام وخرابيط كتيره
GLADIATOR__mx
19-11-2001, 09:50 AM
ياكثر هالمدرسات وياقل نفعهم


انا ديني ودين المدرسة اللي تطلب اشياء مالها امها داعي ياكثر طلباتهم لا والطقة تجي فوق روسنا رح للمكتبه وتعال من المكتبه

وفي النهاية تاخذ العمل لبيتها حسبي الله عليهم مدرسات