ساعدوني في Battlefield 2

[TARIQ.M]

بسم الله الرحمن الرحيم


http://www.daosu.com/archives/images/battlefield-2.jpg

السلام عليكم ،،
ارجو مساعدتي في Battlefield 2 ، لي فتره طويله وانا ادورها في الرياض ومو محصلها ورحت لجرير ولكنها مخلصه والعاملين هناك لايوجد لديهم اي خبر عن وصول دفعه جديده للمكتبه .

تكرمو علي ودلوني على محل في مدينة الرياض احصل عنده هاللعبه

مع التحيه

[amajed]

اضنها منقطعة من السوق هالايام
كل جرير في الرياض ماعندهم نهائيا
برضو محلات النسر الذهبي ماعندهم اللعبه
والخبر الاكيد بتحصله عندهم (النسر للبرامج)
اتصل عليهم واسألهم وهذي ارقامهم :
014659008
014773287
012481221

وعلى العموم لا تتعب نفسك وتدورها
انا حاولت قبلك واضنها تقريبا انتهت :) انتظر الدفعه القادمة وعلى كلام النسر يقول بعد نصف شهر
بس اتصل وتأكد احسن ;)

[TARIQ.M]

طيب ممكن توصف لي موقع محل ( النسر للبرامج ) !!! ،،، وشاكر لك على التجاوب يا amajed:)

[HDR]

اذهب الى سوق جيان الجديد اللي فاتحينها في في اخر البديعة على الدائري ... داخل مركز أسمها سلام مول ... قبل أسبوع أنا شفت عنهم باتلفيلد 2 .... أسرع ... وبالتوفيق ...

[TARIQ.M]

قبل قليل احد الاخوه قال لي روح لجيان ممكن تحصلها ، بمره اليوم وان شاء الله احصلها ،، شاكر لك HDR ومره اخرى اوصل الشكر لـ amajed .

[amajed]

حياك الله اخوي طارق
بخصوص وصف المحل
فيه محلين اعرفهم
الثالث ماادري بالضبط وينه للاسف
الاول في السليمانيه
تاخذ شارع العليا متجه جنوب ، تقاطع العليا مع موسى بن نصير تتجه يسار وجهك يكون شرق
تستمر الين ينتهي الشارع بحرف T روح يسار ! راح ينتهي الشارع برضو حرف T وتحصل المحل بوجهك

المحل الثاني مدري وش اسم الحلي
احتمال الروضه ماني متأكد
الوصف:
الدائري الشرقي
مخرج 11 تتجه شرق ، ثاني اشاره اعمل يوتيرن وراح تحصل المحل على يمينك :)

ان شالله الوصف واضح
ولو مو واضح اتصل على المحل وهو يوصف لك ;)

[TARIQ.M]

لالا أبشركم حصلت اللعبه في جيان الي في أخر البديعه ، والحمد لله اني رحت له مبكر لان باقي 5 سيديات معروضه
يالله معانه مع هاللعبه ، كان بيرسلها لي واحد من الامارات ولكن الحمد لله ساعدتموني في الحصول عليها

شكراً يا HDR و amajed

[amajed]

مبروك اخوي طارق :)
الا صحيح وين جيان بالضبط ؟
كل الي اعرفه في البديعه هو شارع المدينة المنورة وشوي من شارع الابراج
واعرف الدائري من مخرج 28 الى الجسر المعلق ^^
وين جيان بالضبط ؟

[TARIQ.M]

والله انا مأدل زين في ذيك المنطقه ورحت مع احد الزملاء لانه يعرف مكان جيان

هو قريب من الجسر المعلق تخلي الجسر وراك وتتجه جنوب وراح تحصله على اليمين ,,, انتظر اخونا HDR ممكن هو يعرف مسميات الشوارع او المخارج الي عليها جيان

[TARIQ.M]

هذي صوره من قوقل وفيها الوصف وان شاء الله يكون واضح ... وبالتوفيق :smirk:

[amajed]

لول قووقل مره وحده ^^ وصفك الاول واضح جدا ;)

مشكور اخوي وماقصرت :)

[H.R]

طريقة حلوة لمعرفة محلات اتوقع ستنال رواج في مستقبل
مهم لو حدنا ملف setup تبع باتل فيلد يبعتلي ياه لان عندي يا خربان
فقط ملف setup لتضغط عليه لتنزيل لعبة

[HDR]

مبروك على اللعبة يا أخ طارق ... وانشاء الله تستمتع بها ... أخوي أمجد ... كما وصفها لك أخ طارق ... بعد جسر معلق اتجه الى الجنوب ... الى أن ترى سوق سلام مول ... وداخلها جيان ... وبالتوفيق لك وللجميع ...:)

[amajed]

بالفعل رحت وحصلت السوق واستقعد لي السكرتي يقول عوائل بس ×_×
بس شبكته ودخلت :p

وحصلت اللعبه وباقي اضن 3 سيديات :) الحقوا ^^

مشكور اخوي طارق و اخوي HDR ماقصرتوا ;)

[TARIQ.M]

العفو يا امجد والحمد لله ان الموضوع فادني وفاد غيري ، ونوصل الشكر مره اخرةى للأخ HDR

[H.R]

مهم لو حدنا ملف setup تبع باتل فيلد يبعتلي ياه لان عندي يا خربان
فقط ملف setup لتضغط عليه لتنزيل لعبة
ارجوكم عطوني ياه

[amajed]

اخوي اللعبه تسوي لها setup عن طريق الـ DVD
يعني اللعبه ليست Direct2Drive

[H.R]

اخوي انا اقصد ملف setup الذي يوجد في dvd لان انا عندي لعبة منزل ديفيدي على جهاز مو على ديفيدي عادي فملف setup خرب او لغي فقط صورة فاريد ملف setup الموجود في دي فيدي
فقط واذا حجمه كبير ارفعه على اي موقع رفع او على ماسنجر وانا حاضر

[amajed]

تفضل اخوي ماادري اذا هذا هو الي تبغاه
هذا هو ملف setup.exe الموجود في DVD

[H.R]

شكرا لك كثير كثير اخوي

[HArb200]

تلقاه كوبي بالحراج

ديفيدي

وانتم الظاهر كلبوكم من الشمال الصحافة والعقيق او حولها .. احد مايعرف السويدي مخرج حمزة بن عبدالمطلب مركز سلام مول .

وفيه جيان ثاني (احتياط) اللي هو خريص بلازا .. طريق خريص تقاطع شارع المعارض .

واعتقد في كارفور ايضا .. مركز الخيمة .

[TARIQ.M]

اخوي HArb200 المشكله اني مدوره في جرير وفي حراج الكمبيوتر وانا ابيه نسخه اصليه مو منسوخه

وللمعلوميه تم العثور على اللعبه في جيان ( البديعية ) :
http://www.montada.com/showpost.php?p=4902106&postcount=4

وشكراً

[The Giant]

مبروك على اللعبة لكن بكم اشتريتها

[AAGun]

العملاق موجود


بتلاقيها في جرير

يمكن 180 ريال

[مشعل العتيبي]

ياشباب اشترواها من النت والله تربحون اول شيء سعره من الانترنت 70 ريال اصلي ومع الشحن قول 50ريال يعني 120ريال بدل ماتعب نفسك وتدور على اللعبة ولازم تصبر اسبوعين علشان تجيك الى المدينة اللي ساكن فيها..

[ننوسي]

أخوي مشعل ياليت لو تضيف لنا الموقع إلي تشتري منه اللعبه عن طريق النت,
دورت في مكه و جدة ما حصلت على النسخه الأصليه..
أو لو كنتو بتعرفو محلات تبيع النسخه الأصليه للعبه في مكه أو جدة ياليت تدلوني عليها مع العلم إني دورت في مكتبة جرير وماحصلتها
وشكرآ...