تسجيل الدخول

مشاهدة النسخة كاملة : مصدر للصورو الأصوات


neji678
25-08-2006, 08:35 AM
السلام و عليكم....

أنا دايما استخدم موقع مايكروسوفت اوفيس كمصدر للصور و الأصوات الي أحتاجها حيث ان صورهم المتحركة وقت ما تحطها في الفلاش يقوم يقسملك هي على فريمات و ممكن تلعب فيها لين ما تحصل على المطلوب
عالعموم أرجو انكم حتستفيدو من هدا الموضوع

المصدر: http://office.microsoft.com/clipart/default.aspx?lc=en-us

وقت ما تدخل الموقع اعمل بحث عن الي تبغاه وان شاء الله يكون متوفر

واذا احد عندو مصدر احسن/تاني ياريت لو يذكره
neji678
25-08-2006, 08:52 AM
نسيت اضيف خطوات التنزيل :p

بعد ما تسوي البحث و يقوم الموقع يطلعلك الأنواع المختلفة من الي طلبو (صورة-صوت-صورة متحركة...الخ) يوجد مربع صغير تحت كلي شي طلعلك هو الي تيغاه من الأشياء اضغط على المربع الي تحتو و حتجي عليه علامة صح و بعد ما تختار الي تحتاجو تلاقيلك في اليسار selction basket و تحتها مكتوب download اضغط عليه و تابع التعليمات الي يطلبها منك

و طبعا اذا كنت تبغى يمديك تقوم بالمعاينة قبل التنزيل وذلك باضغط على الشي الي تبغى تعاينه

ملاحظة: ممكن تختار الشي الي تبغاه و تقوم ببحث عن شي تاني وتختاروحيتعمل الداونلود للإتنين بس لا تضغط download الين تخلص اختيار
عمر
27-08-2006, 09:03 AM
هذي مفيدة للأوفس غالبا أما الفلاش فأنا أرسم كل ما أريد فيه ولا آخذ من مصدر خارجي حتى الأصوات والصور الفوتوغرافية كلها بيدي أشوفها تطلع أحلى.
neji678
27-08-2006, 12:04 PM
السلام و عليكم...

فعلا هي أحلى بس يعني ممكن تقول في ناس ما شاء الله رسامين (بيكاسو :D ) و في ناس لأ و انا غشييم الصراحة :silly: عشان كدة أخد من الموقع هدا اذا احتجت و انا عادة أسوي فلاشات عادية ما تحتاج رسم مثلا فلاش عرض صور فلاش توضيحي و زي كدة،بالنسبة للصوت كيف تعمل صوت مثلا زي صوت الموية-الرعد؟؟
neji678
27-08-2006, 12:14 PM
برضو لقيت موقع للخطوط الي ممكن تثبتها بالجهاز و تستخدم لأي برنامج فيه تحرير للنص

http://www.1001freefonts.com/

بعد ما تسوي الداونلود تفتح ال zip و تفتح لوحة التحكم-->خطوط (font) و تشيل الملف الي صيغته
TTF. وتحطو في ملف الخطوط في لوحة التحكم.
عمر
27-08-2006, 06:34 PM
غشيم ليش لا لأنو طريقتي متعبة بس أنا أشوفها أحلى لأنو عملتها بيدي هنا السالفة بس ممكن لك توفر وقت كثير عليك باستخدام تلك المصادر لأنها مفيدة.
sayedvid
24-09-2006, 02:26 AM
ألف ألف شكر أخى الكريم
وجزاك الله كل خير
neji678
24-09-2006, 04:50 PM
العفو اخي sayedvid أي خدمة :)

و مشكور على مرورك و رمضان كريم علينا و عليكم ان شاء الله
rejannah
26-09-2006, 03:55 AM
جزاك الله خيرا اخى وجعله فى ميزان حسناتك

مواقع جميلة ومهمة
neji678
26-09-2006, 10:28 PM
جزاك الله خيرا اخى وجعله فى ميزان حسناتك

مواقع جميلة ومهمة

العفو أخوي rejannah أي خدمة :) ...

و مشكور على المرور