الموضوع الرسمي لـEnchanted Arms

[كابتن السفينة]

السلام عليكم ورحمة الله وبركاته..

استغرب انه القليل مهتم بهذي اللعبة مع انها شكلها حلوة من خلال العروض والصور..
انا من الناس اللي تنتظرها.. (= ^_^ =)

الناشر: Ubisoft
المطور: FromSoftware
النوع: ٌRPG
عدد اللاعبين: 1-2

موعد الصدور بأمريكا: 29 أغسطس.. يعني اليوم :biggthump

نظام القتال فيه مميز عن باقي الار بي جي، حيث تستخدم فيه مساحات مربعة لتحديد الهدف اثناء القتال (هذا اللي فهمته من العروض)


بعض الصور:

http://media.ign.com/thumb/136/1369726/enchant-arm-playtest-20060112072942105_thumb.jpg (http://xbox360media.ign.com/xbox360/image/article/680/680963/enchant-arm-playtest-20060112072942105.jpg) http://media.ign.com/thumb/159/1598733/enchanted-arms-20060728045953350_thumb.jpg
(http://xbox360media.ign.com/xbox360/image/article/721/721867/enchanted-arms-20060728045953350.jpg)
http://media.ign.com/thumb/148/1482475/enchanted-arms-20060501042222428_thumb.jpg (http://xbox360media.ign.com/xbox360/image/article/704/704069/enchanted-arms-20060501042222428.jpg) http://media.ign.com/thumb/159/1598738/enchanted-arms-20060728045958021_thumb.jpg (http://xbox360media.ign.com/xbox360/image/article/721/721867/enchanted-arms-20060728045958021.jpg)

ملابس الشخصيات تذكرني بـPSO.. ^^
ان شاء الله القى شخص مهتم فيها مثلي.. XD

بالمناسبة، هذا اول موضوع لي بمنتدى الاكس بوكس..

اذا الموضوع مكرر أرجوا حذفه لأني مو متأكد بعدم وجود موضوع رسمي لـ اللعبة.. >.>

[FARES360]

:blackeye: أصلا الX fan's عالميا بشكل عام .. اغلبهم ما يهتمون بألعاب الrpg بأستثناء العاب rpg غربية ..يعني morrowind و fable وهالطقه :D ألي انا احبهم بعد !

بالنسبة للعبة :09: للأسف هذي من اواخر الألعاب الي افكر فيها..
الا عندي سؤال off the topic ..شلون :bigeyes: تقدر تخلي صورتك الشخصيه من نمط ملف gif
انا كل ما احط صوره حركية .. يبطون جبدي يقولون هذه الأنواع لا تعمل في المنتدى :12:
مع اني حجمها أصغر بوايد ...

:28: thats no fair

[Devil Of Water]

انا كل ما احط صوره حركية .. يبطون جبدي يقولون هذه الأنواع لا تعمل في المنتدى :12:
مع اني حجمها أصغر بوايد ...


لأنه حاط الرمزية من زمان :09:

بالنسبة للعبة ما مهتم فيها إلا أربعة حسب علمي :- أنا و برننج سكاي و شايني أيز ومودي ^^ ما اتوقع احد مهتم لها غيرنا +.+"

اللعبة ممتازة وبالنسبة لي ماني منتظر اللعبة لأني باخذ الجهاز بعدين فما تفرق معاي ^^ واتوقع تزيد مبيعات اليابان شوي ^^ ..

وانتظر تقييمها بجيم سبوط :09: ..

[ANGRY SKULL]

هذي باين انهاافضل العاب الاربي جي واللعبه حلوه وعمرها 50 ساعه وقصتها انه البطل ساحر وبيكتشف عن السحر او يتعلم <<<<<<<<< خربت القصه

[احمد السعد]

انا كنت انتظر هذه اللعبة بشغف ولكن التقييمات الاخيرة لها كانت محبطة ...
رسوم اللعبة وحسب ما قرأت عنها في المنتديات عن الذين لعبوها اقل ما يقال عنها انها من الجيل الجديد .

قصة اللعبة ليست قصة حب مثل اغلب العاب الار بي جي ...فهي تركز على الصداقة .




الشيء الملفت للنظر هو انه ...فلنفرض ان شخصيتك وصلت الى حد متقدم من القوة واصبحت المعارك نمطية وتفوز بها بسهولة فعند ذلك تستطيع من تسريع المعركة عن طريق ضغط حرف Y ...شي جميل

انا بانتظار هذه اللعبة ....وشكرا لصاحب الموضوع

[K-i-l-u-a]

السلام عليكم

اللعبة شكلها حلوة وشكلي بنطر يومين علشان اشتري جهاز الاكس بوكس واخذ معاه هاللعبة :biggthump

بس سؤال اللعبة مكتوب عليها Live يعني بالانترنت او شنو :boggled: وسؤال بره الموضوع جم سعر الاكس بوكس 360 بالكويت علشان ما ينصبون علي :09:

[كابتن السفينة]

انا كل ما احط صوره حركية .. يبطون جبدي يقولون هذه الأنواع لا تعمل في المنتدى

مثل ما قال الأخ اسلامك ميسل.. اعتقد لاني وضعتها من زمان.. ^^ (بالمناسبة انا دايما احط صوري الحقيقية بالتوقيع والصورة الشخصية)


الحمدلله طلعوا المهتمين باللعبة مثلي..

أروع لعبة RPG لعبتها كانت Baten Kaitos على الكيوب.. وشكل انتشانتد ارمز روعة بعد.. ^^ (طبعا بدون مقارنة بالجرافيكس)
وبعد شهر بتنزل Baten Kaitos 2 بصير هذي الفترة كله العب RPG x RPG..


بس سؤال اللعبة مكتوب عليها Live يعني بالانترنت او شنو
نفس السؤال عندي.. مو متأكد بس اعتقد فقط لتحميل الـsoundtrack.. :33:
في النهاية حاليا ما اقدر العب لايف لان الدي اس ال ما يوصل عندنا.. فبالنسبة لي احسن ما يكون فيه لايف :09:


وشكرا جميعا على معلومات اللعبة (= ^_^ =)

[Mr.Xbox]

هلا والله اخوي

هذا اللعبه انا انطرها من زماااااااااااااااااااان وان شاء الله بشتريها قريبا جدا

اما عن سؤالك انه مكتوب لايف يعني انها تدعم اللعب باللايف ولكن تقدر تلعب عادي بدون لايف

وشكرا لك على الموضوع الرائع^^

[كابتن السفينة]

العفو مستر بوكس..^^

اهااا.. توني فهمت سؤال الأخ كيلوا.. على بالي يسأل كيف بيكون اللايف باللعبة.. XP

[NiGhT_MaRe]

وعليكم السلام ورحمة الله وبركاته..
:
:
حياك الله في القسم اخوي كابتن السفينه.. ماشاءالله شكلك ذويق..
اخوي منو قالك ان القليل يهتم للعبه؟ بالعكس الاغلبيه مهتم وانا كنت مهتم على ايام النسخه اليابانيه..
بس جاني احباط بعد ما شفت التقاييم وردود الافعال.. انا توقعت طريقة اللعب نفس فاينل او اكشن ار بي جي بس طلعت ستراتيجي بس حتى يعجبني الـ ستراتيجي ذكريات FFTactics و Kartia
بس تدري هي بدايه ممتازه كأول لعبه ار بي جي يابانيه على الجهاز ..
وبتشوف التطور في هاي النوعيه خاصه مع اقتراب موعد Lost odyssey ,Blue Dragon Cry on والقادم اكثر ..
يعطيك العافيه عالموضوع..
وحياك الله مره ثانيه :D

[Artistic-Mind]

انا اللعبة معجبتني وفعلاً انا محتاج لعبة اربيجي لأني مالعبت الا لعبتين اربيجي بحياتي ووحدة علبى البلاي1 اللعبة كانت 2d
واللعبتين هم زيلدا وفاينل 10 وبس !
ولايمكن العب لعبة اربيجي بعد كذا الا من الجيل الجاي لأني مأمل بلعبة من العيار الثقيل وشي جديد ويحمس
:D
شكراً كابتن السفينة لإهتمامك
وسؤال
متى تنزل اللعبة
خلني اتأكد من التقييم من كلام الشباب فوق :D

[Emirates]

شبااااب لو اللعبه فيها مثل اللي قلتوه يفترض انكم ما تطرونه على العام ورجاءا تم طرد اكثر من عضو بسبب هالالفاظ

من خوفي عليكم مسحت الردوود واللعبه فيها شخصيات على حد علمي مش ولا بد

ارجوا الابتعاد عن هالالفاظ

تحياتي

سيرفانتس

[Modi]

^
^
اخوي Cervantes
اتأسف على ردي السابق


والي يسأل عن متى صدور اللعبه العبه اليوم تصدر 29 - 8

[mr.2pac]

اللعبه كيف نوع الأر بي جي مالها مثل أوبليفيون ولا كيف

[كابتن السفينة]

وانا اقول كأن الردود نقصت.. XP

تسلم مراقبنا.. وانا اعتذر بالنيابة عن الأخوان لأني انا السبب بفتح الوضوع..
بصراحة.. ما كنت ادري بوجود هذي الأشياء.. أحس بالاحباط قبل ما اشتريها. -___-


اللعبه كيف نوع الأر بي جي مالها مثل أوبليفيون ولا كيف
اممم.. ما اعرف اشرحها..
تقدر تقول انها ار بي جي عادية، بس تصير استراتيجية اثناء القتال.. <--- خوش شرح
ان شاء الله يقدر احد الاخوة يشرحها زين..

افضل شئ تشوف عرض لها اذا بمقدورك من هنا (http://media.xbox360.ign.com/media/747/747936/vids_2.html)..^^

وشكرا جزيلا لكل من رد وحط معلومات.. ^^

[mr.2pac]

اممم.. ما اعرف اشرحها..
تقدر تقول انها ار بي جي عادية، بس تصير استراتيجية اثناء القتال.. <--- خوش شرح
ان شاء الله يقدر احد الاخوة يشرحها زين..

افضل شئ تشوف عرض لها اذا بمقدورك من هنا (http://media.xbox360.ign.com/media/747/747936/vids_2.html)..^^

وشكرا جزيلا لكل من رد وحط معلومات.. ^^


تسلم اخوي ربي يعافيك

[Modi]

شباب ممكن اليوم او بكرا .. بيطلع تقييمها :)
مأمل انها ان شاءالله تكون فوق 8,5 :)

في موقع جيم سبوت .. 3 اعضاء لعبوا اللعبه وعجبتهم :)
واحد اعطاها 8,5 واثنين اعطوها 10 [كأنهم بالغوا شوي] !!

على كلن ننتظر التقييم الرسمي للموقع :)
[بالنسبه لي شاريها بكل الاحوال .. اللعبه RPG] ;)

[Mr.Xbox]

^
^
^
ما اتوقع الكثير من جيم سبوت يعني هم دائما تقييماتهم ظالمه الا بعض الالعاب

انا احب احكم عليها من لعبي لها :)

واكيد لازم اشتريها انا اموت بشي اسمه RPG :D

[Emirates]

تقييم اللعبه من IGN

7.6
good


http://xbox360.ign.com/articles/729/729488p1.html

[Mr.Xbox]

معقوووووله !!!! *_*

7.6 تقييمها خاااايس توقعت اكثر

على العموم اللعبه ان شاء الله بشتريها لو تقييمها 0

[NiGhT_MaRe]

جيم سبوت شكلها بتعطيها 7.8 أو 7.5 ..
شفت الـ video review لها على gametrailers وكان محبط ..
عطوها 7 وذكروا بعض عيوبها "الاصوات,اللعب,المحادثات,الشخصيات"
بس تبقى بداية ناجحة كأول ار بي جي ياباني ;)

[كابتن السفينة]

يا لهوييي.. ما توقعت تكون اقول من 8.. XS

اراهن ان جيم سبوت بتعطيها اقل.. @@

ومع هذا بشتريها.. XP

[Devil Of Water]

اتوقع 7.6 جيم سبوط +_+"

[Modi]

جيم سبوت اعطاها

7,1

:blackeye:

.
.

اللعبه شاريها :p

[hyuga Neji]

شبااااااااااااااااااااااااااااااااااااااب



ليش العبه محد شرها تره والله حلوه



انا توني موصل فيها 20بالميه لاطوفكم



اخوكم:نيجي

[Emirates]

انا خذتها ولا لعبت بها

تقدر تقول تراكم العاب عندي + اللعبه ما تستاهل ااجل العاب على شانهاااا

خلني بخلص الالعاب وبتفيج لهااا

[X.N.N.X]

مدري حاس ان اللعبة مضلومة كثير
شفت عرض للنسة الامريكية الاداء الصوتي ممتاز عكس كلام الناس
انا انشاءالله اخلص ديد رايسنق واجيبها

[NiGhT_MaRe]

مدري حاس ان اللعبة مضلومة كثير
شفت عرض للنسة الامريكية الاداء الصوتي ممتاز عكس كلام الناس
انا انشاءالله اخلص ديد رايسنق واجيبها
طلعت تفكر !
انا على بالي جنط وما يلعب غير باربي وfrogger !
زين خلاص يوم تجربها خبرنا انطباعاتك..
انا شفت الفيديو ريفيو حق Gametrailers عطوها 7.0 والرجال قعد يطيح فيها خخخ
يقول هي احلى لعبه اربي جي للنكست جين ..... لأنها الوحيده خخخ
والجرافكس فيه شوية عيوب .. والاصوات تعبانه وفي شخصيه قويه زياده عن اللزوم..
واسلوب اللعب يجيب الملل على قولته وتقدر تمشي الضرابه ! تخليه اتوماتك ..
هذا كل اللي قاله في الفيديو ريفيو..
بانتظار انبطاعاتكم :D

[كابتن السفينة]

شبااااااااااااااااااااااااااااااااااااااب



ليش العبه محد شرها تره والله حلوه



انا توني موصل فيها 20بالميه لاطوفكم



اخوكم:نيجي
ما شاء الله عاد 20%.. @@

اللعبة بعدها ما وصلت عندنا -____-

فقدت الامل وطلبت اوبليفيون لاني ما لعبتها.. والحين قالي بتوصل هذي اللعبة خلال اسبوع تقريبا..
يعني بعد فوات الاوان.. @@ فمضطر اني أأجلها شوي لانه ما عندي ميزانية هذا الشهر.. XP

نريد انطباعات أكثر.. بس بدون تخريب.. @@\

[rubso]

كابتن السفينة، في عضو لكن من منتدى اجنبي، شرا اللعبة ولعبها 8 ساعات، ويقول انه مضى افضل 8 ساعات بحياته مع هاللعبة، ويقول انها فوق توقعاته المنخفضة ..
خذ الرابط (http://www.neogaf.com/forum/showthread.php?t=117710)
ايضاً بعض الاعضاء يشاركونه نفس الآراء.

[kingx11]

انا لعبت فيها 4 ساعات


وبس

الي مستغرب منه ان كل ماخلص من معركه الليفل يزيد هع والله فله

عالعموم اللعبه حق عشاق الار بي جي بيحبونها ومن يوم لعبتها حطيت الاصوات يابانيه مابي انصدم من الترجمه الامريكيه


مب كافي ان يوبي سوفت ناشرتها :12:

[kingx11]

صحيح نسيت اقولكم

انا شريتها مع كرت نقاط بو 1600 نقطه

وكلها ب470 ريال

صفقه رابحه مثل ماقال خدا بخش ولا نصبو علي؟؟

[كابتن السفينة]

شكرا جزيلا ربسو على الرابط.. ^^

واللهي شكلي لازم اتصرف عشان احصلها.. ><

بس ما كأن الاجنبي يبالغ؟ لول..

[rubso]

والله احتمال يبالغ لكن شكله حيل مستانس .. ايضا بنفس الموضوع واحد يتكلم عن اللعبة من منظوره الشخصي ومدحها بعد
انا شكلي راح آخذها من رفيجي اول ما يخلصها :)

[NiGhT_MaRe]

روبسو الموقع اللي حطيته موجود فيه Blim Blim !!!
هذا 100% NERD لابسلي نظارات وضعييييييف وكل حياته كمبيوتر P:

[hyuga Neji]

شباااااااااااااااااب:sadwavey: :sadwavey: :sadwavey:

والله حلوه الي يطوفها اسمحولي خل يحرق جهازه احسن له


انا الحين وصلت 40بالميه


بس الغازها مو متعود عليها انشالله كلها كم يوم واخلصها


اخوكم:نيجي

[ANGRY SKULL]

مشكور نيجي على التعليق طلبتها وماجتني للحين بكره يمكن تجي بكره
نيجي انت حمستني وقهرتني

[Modi]

اتوقع اليوم توصل عندنا اللعبه ..
شباب ممكن تفصيل لطريقة نظام القتال .. لانه هو الي مخوفني -__-
اتوقع فيه سحر اسود و ابيض .. ولا لأ .. وهل فيه استدعائات لوحوش ؟؟

[kingx11]

^^^^^^^^^^^^^
فيه استدعاء وحوش بس اشكالهم طفوليه يعني كأنها بوكيمونات وتقاتل معك فالمعركه بدل ماتسوي ضربتها وتمشي مثل فاينل

[BL@CK_SH@DOW]

صحيح نسيت اقولكم

انا شريتها مع كرت نقاط بو 1600 نقطه

وكلها ب470 ريال

صفقه رابحه مثل ماقال خدا بخش ولا نصبو علي؟؟


انت شريتها من سوق الاحمد صح ؟

[NiGhT_MaRe]

^
^
حد ناداني؟ :D
:
:
كنغ الريال نصب عليك ... اللعبه تنباع عندنا بـ200 ريال قطري يعني تبا تقولي الكرت بـ270 !!!!

[Modi]

شريت اللعبه اليوم .. وصراحه حلوه لحد الان
بس فيه عيب برمجي وحيد يقهر .. ان كل ما يعرضوا شخصيه ملابسه تتحرك !!

تقريبا لعيبتها ساعتين .. وصلت لتوزيع الاربع التذاكر
بس انشغلت والليله او بكرا اكمل اللعبه :)

[kingx11]

^^^^^^^^^^^
انا وصلت لمرحله شوي متقدمه من اللعبه وطلعت افضل من ما توقعت :D

بس لولا عيوب الجرافيك كان اللعبه صارت 1st class

[كابتن السفينة]

أحسدكم T^T

اللعبة ما وصلت عندنا بعد :mad:

[Modi]

^
^
^
اذا خربت لعبتي .. بتكون بسببك :12:
عاد اطلع لك منجنيق من العصر الاموي .. وقصف من الرياض لمسقط :o

[كابتن السفينة]

^
^
^
اذا خربت لعبتي .. بتكون بسببك :12:
عاد اطلع لك منجنيق من العصر الاموي .. وقصف من الرياض لمسقط :o
لول.. المشكلة اني اسكن بعيد من مسقط.. اسكن بمنطقة اسمها البداية <--- اسم على مسمى
هههه لا هذا حسد حميد :09:


أحب أعرف انطباعكم في موسيقى اللعبة.. ^^

[Modi]

البداية !! ما ادري جا ببالي مدينة ثلجيه
والنهاية !! مدينه كلها ضباب ومهجموره ومظلمه وفيها عواصف لوول

عن الموسيقى .. عاديه صراحه يعني سمعنا العاب موسيقاها احلى من كذا :)
بس نغمة الانتصار من الوهله الاولى فكرتها نفس نغمة انتصار FF بس تتغير موجة اللحن ههههه

[kingx11]

^^^^^^^^^
نفس الاحساس

الموسيقى او الملحن الموسيقى متأثر بموسيقى ف ف 8

بس اللعبه ترى حلووه والgolem monsters محلين اللعبه

حاليآ عندي حوالي 6 تقريبآ اطلق واحد فيهم الفارس الحديدي kinght servant صدق يعتمدعليه

[Modi]

انا الحين توني طالع من البار الي بلندن .. بعد ماطلعت من المجاري :09:
والله يستر وش بيصير لي .. اللعبه كل مالها وتصعب .. كل شوي اهرب من القتال :blackeye:

Queen of Ice .. تعجبني مع انها شريره .. تذكرني بحبي الاول sheva :D
احلى موقف لما Makoto قالها ugly face زعلت وحقدت هههه

[kingx11]

^^^^^^^^^^^^^^^
حرام عليك ليش تهرب بالعكس انا مقوي افراد الفريق ومعطيهم حركات اسلحه محد ينفخ عليهم والا حاشرينه هع

[old school]

بكل صراحه اللعبه ولا اروع وفعلا ممتعه لأبعد الحدود لعبت فيها 6 ساعات وما هربت من اي قتال ممتعه بشكل جميل والجرافيكس ابداع كونها اول لعبة اربي جي من الجيل الجديد كذلك نظام القتال مبتكر ورائع والقصة حتى الان ممتازة ^^ أنصح جميع محبي العاب الاربيجي بإقتنائها

[rubso]

انطباعات جيدة من لعيبة منتدى المنتدى، خلاص انا متأكد اني راح اجيبها خلال رمضان ان شاء الله :) شكراً old school ..

[hyuga Neji]

شلونـــــــــــــــكم


العبه انا موصل فيها ولا الاوع طلعت ضربات جديده واله ودي اقولكم شنو صار معاي



بس اخاف احرق عليكم القصه

:biggthump :biggthump :biggthump


اهم شي اكرررررررررر لاطوفكم


اخوكم:نيجي

[rubso]

Neji :D اذا انت موصل بعيد، صير الـ Guide مال الشباب اذا واجهتهم مشاكل ..

[NiGhT_MaRe]

SPOILER
شباب النهايه ما عجبتني... البطل يموت!! كيييييييييف !!! ما يصييييير << اشاعه لا تصدقون :D
*كاتبها بخط كبير بعد P:*
:
:


والله انبطاعات جميله لحد الآن ... بفكر فيها :أفكر:

[Modi]

والله حالتي حاله :blackeye:

وصلت عن المفرق الي بين معبد النار و الممر السري الي يوصل ليوكوهاما
الي بعد الغابه بعد ماطلعت من لندن .. المشكله معدلات الروح عندي على الـ 1 :boggled:

والمشكله ما اعرف اعبي طاقات الشخصيات وانا برا القتال [طبعا غير ذاك الشي الاخضر] !؟
<-- طاير ومستعجل يبي يخلص اللعبه بأسرع طريقه

ومافيه نصائح منكم شباب .. مثلا استراتجية القتال
او شلون اقدر اجمع فلوس كثيره باسرع وقت .. الخ :)




وملاحظه الي بيكتب SPOILERS
اتمنى تكون بينها مسافه كبيره .. وبين كلمة SPOILER عشان لا نتهور ونقرا خخخخ

[kingx11]

^^^^^^^^^^^^
والله حتى انا نفس الحاله

قعدت العب بالبطل اتسوما بروحه والباقين متسدحين

وابي القى god weapon عشان اطلع وحش جديد اسمه بلاك دراجون لقيته منخش هع <<<الخبره وماتسوي

[rubso]

يا شباب .. غطو كلامكم بألوان تحذيرية ، لانكم تخربون على اللي ما لعبوا =_=

[hyuga Neji]

^^^^^^^^^^^^
والله حتى انا نفس الحاله

قعدت العب بالبطل اتسوما بروحه والباقين متسدحين

وابي القى god weapon عشان اطلع وحش جديد اسمه بلاك دراجون لقيته منخش هع <<<الخبره وماتسوي


تو الناس انا الحين موصل 60 بالميه


شباب راح يجي وحش اسمه امبراطور النار والله علشان اذبحه قعت العب 5 ساعات


نصيحه ارفعوا اليفل مالكم وكثرو ايتم واهم شي

طلعت ميجا فونكس شكله موطبيعي وشوفوا الضربه مالت البطل الثانيه

هذا الي اقدر اقواله والي يبي شي انا حاضر


اخوكم:نيجي

[kingx11]

^^^^^^^^^^^^^^^^^
انا الحين 21%


الا شباب شلون اطلع ستريت فايتر ترى للحين ماطلعت عندي وابيها :(

[old school]

اللعبه مع الوقت تزداد صعوبة وما تعتمد كل مرة على نفس الفريق والشخصيات حاول توازن بين الاليمنتس بالفريق وخاصة مع الزعماء ^^

حركات اللعبه روعه عاجبني الافيكت مره ^^

[kingx11]

تو الناس انا الحين موصل 60 بالميه



شباب راح يجي وحش اسمه امبراطور النار والله علشان اذبحه قعت العب 5 ساعات



نصيحه ارفعوا اليفل مالكم وكثرو ايتم واهم شي


طلعت ميجا فونكس شكله موطبيعي وشوفوا الضربه مالت البطل الثانيه


هذا الي اقدر اقواله والي يبي شي انا حاضر




اخوكم:نيجي


قعدت على فاير امبرور 5 ساعات؟؟ انا بالكثير 20 دقيقه

الله يخلي الكومبو والساحره الصغيره فزعه خخخخخ

[Modi]

انا توني تقريبا 15% .. توني واصل يوكاهاما -__-
اللعبه من شريتها مالقيت وقت افضالها


kingx11 .. ستريت فايتر الي بالماركت قصدك ؟؟

[kingx11]

^^^^^^^^^^^^
ايوالله ياخي

للحين اللعبه الوحيده اللي مانزلت لي بالايف هي

[Modi]

^
^
سهله من تدخل الماركت بليس
تدخل على اول خيار games ثم Xbox live Arcade ثم All Arcade DL
وبتلقى بين الالعاب Street fighter :)

[kingx11]

والله من شهر ونص وانا منقع هناك

اعرف كل متر مكعب بالايف دورتها ولا لقيتها

حتى الجيمر بكتشر مافيها ستريت فايتر

[Modi]

غريبه :31:
اللعبه موجوده عندي شلون ماتكون عندك ؟؟
الي اعرفه ان ستريت فايتر لكل الماركتبليسز .. ولا لأ :blackeye:


عن EA توني عند يكوهاما وصلت عن الاربع الوحوش الثلجيه
بس للاسف level حقي ضعيف وقاعد ارفعه كان 7 خليته 12 وناوي زياده بعد
توني اكتشف ان بالـST اقدر اتعلم حركات .. كنت مفكر لرفع طاقاتي :09:

شباب الحين فيه بعض الوحوش .. طنشتها مثل الي بمعبد النار الي عند مفرق
السلم الي ينزلك لتحت .. هل اقدر بعدين ارجعله ولا لأ :blackeye:

[kingx11]

^^^^^^^^^^^^^
اللفل حقك 7 ؟؟ وتبي تغلب الوحوش الثلجيه الاربع؟؟ هع

بس اقولك ترى فيه حدث كبيررررررررررررررر بأنتظارك ولاتهمل الوحوش ترى بيجيك وقت ربعك بيخلونك وبتدور لك ربع خخخخخ زودهم وقواتهم خلها ممتازه وعطهم كل شي

الحين انا واصل عن معبد للنار خارج london city واللي فالمعبد حطموني كليآ بصعوبتهم وفووق هذا الوحش الطائر الناري ماقعد وياه اكثر من 5 دقايق وهو ذابحني :(


احد عنده حل ؟؟؟

[Modi]

^
^
عاد تصدق انا وجهي وسيع .. لحد الحين ماقتلت الوحوش الثلجيه الاربعه
ورااااجع لأخر الدنيا ابي اروح لطائر الناري .. ينقال اني بفوز عليه (انغريت بطاقتي ههه)

المهم عجزت افوز عليه .. قلت نرجع للوحوش الثلجيه اصرف لوول
على الاقل ارتفع الـ level شوي :D

الا على فكره فيه black dragon اذا ماني غلطان عند النهر الي فيه يد عملاق
تطلب مني god ما ادري ايش .. وش اسوي لها ؟؟ :blackeye:

[kingx11]

^^^^^^^^^^^^^^
شوفت عينك حست فاللعبه وللحين مالقيت اللي تبيه بس انه يسمى god weapon


الظاهر انك تلقاها بمعركه مع وحش صعب او بمكان سري مادري

[hyuga Neji]

قعدت على فاير امبرور 5 ساعات؟؟ انا بالكثير 20 دقيقه

الله يخلي الكومبو والساحره الصغيره فزعه خخخخخ



انت تقول جذي بس والله انا دشيت له من غير ايتم وكان ليفل مالي تعبان

(انا حبيت اقولكم عنه غلشان اذا جاكم تكونوا زاهبين )


انا الحين موصل 65بالميه:biggthump :biggthump :biggthump


اخوكم:نيجي

[Modi]

شباب بسالكم كم سؤال

* الحين من وين اقدر اجيب الـ Materials ??
* اذا مات احد شخصياتي شلون ارجعها تحيا ؟ اقصد وش اسم البوشن يعني

[Modi]

سالفة الـ Materials عرفتها ^_^

[Modi]

اقول شباب الحين كيف اقتل الامبرور اف فاير .. الي البنت كارين داخله :blackeye:
لان الـ handsome guy يقولي لازم تضربه اذا شل الشعاع الاحمر الي فيه !! :boggled:
يقتلني قبل لا يشله .. وش اسوي مع العلم اني ما المسه بس كله ايتمز وحماية نفسي :(



الي قتله ياليت يعطينا استراتجيه لقتله
وكم كان الـ level لما قتله انا الان تقريبا 23 :)






الموضوع ميت .. صحصحوا يا شباب :12:

[Modi]

اخر 5 ردود كلها ردي .. ولا احد يتجاوب معي :31:
بس هيين اذا خلصت العبه واحد يبيني اساعده .. بطنشه :09:

الامبرور اف فاير ما اخذ مني 5 دقايق
طبعا بعد ما عرفت النور الصغير الي يجي ويختفي :boggled:

وانا الحين بكمل اللعبه
brb

[THE_X_F.B.I]

شبااب اللعبه اشتريتها من زمان ولكن تعرفوني انا الوقت عندي مره معدووووووووووووووووووووم كلها نوم ومذاكره ولكن لعبتها شويه اشوف اللعبه مره ممتاز ما فيها عيب ولكن اشوف صوت الشخصيات وهذا الشخص مره متقرف منه انتم تعرفون مين لووول ولكن ما ادري ليش ماخده التقيم الزفت في بعض المواقع

[Mr.Xbox]

هههههههههههه

اي والله الموضوع ميت ومحد يتكلم فيه ><

لالا ليش ماتساعد ؟؟ <<<<<بيسألك لما يشتري اللعبه :D

والله كان ودي اساعدك بس للحين ما اشتريت اللعبه ان شاء الله هالاسبوع تكون اللعبه عندي ^^

الله يعينكم على اسئلتي لووووول ^^

[kingx11]

^^^^^^^^^^^^^
انا محول الصوت ياباني واصلن كله اطوف الكلام واذا خلصو اضغط y اشوف المهمه واكملها


من جدك تسمع محادثاتهم ؟؟

دق مفتاح الmenu وشغل الاغاني وطنشهم صدقني يمر الوقت عليك وانت تلعب

انا ليش طاقاتي قويه لاني العب معارك قوويه والاغاني شغاله من الايبود وياليل مابعده ليل مع ذا المعارك هههههههه حتى تمر علي معارك بالعشرين معركه اخلصها بدون مانضرب ولا ضربه


بس اني قابلت وحشين fire golem+dragon golem

تحطمت نفسيآ من قوتهم يعني بالكثير 50 ثانيه وانا منسدح وكل مالعبت ضدهم الدور لهم هذا لاني ال agility ضعيف عندي

مدري احس انهم يبون يسوون نفس ايمرالد وروبي في فاينل 7

عالعموم اللعبه مب مخلصها قبل ماذبحهم واصيد ال god weapons كلهم

[Modi]

^
^
^
انا اسمع كل المحادثات :)
<-- ما وراه شي o_O

طبعا قاعد العابها بدبلجه امريكيه
اذا خلصتها ناوي العبها مره ثانيه بالنيبون ^_^

والله يستر لازم اقوى شخصياتي اجل
انا الان تقريبا 40% او اكثر .. رايح لكيوتو بعد ماقالي رايقر اروح هناك :)

[PremaFrost]

ياجماعه ابى رد طياره بسرعه لانى بشتريها اليوم
اللعبه بوقت القتال مثل فاينل فنتاسى لازم تنطر مده معينه ولا مثل كنقدوم هارت 2
واللعبه تستاهل ولا اي شئ

[Modi]

^
^

مثل FF بس بطريقة شوي مختلفه :)
واللعبه تستاهل .. اقرب لعبه تعطيك اجواء FF صراحه :)

[hyuga Neji]

شبااااااااااااااااااب الموضوع مو ميت



شباب انا صارلي 4ايام مولعبها الحين اكمل انا الحين دشيت مدينه فيها سموراي المدنيه موطبيعيه


قولوا لي وين وصلتوا



اخوكم:نيجي

[kingx11]

^^^^^^^^^^^^^^^^
السالفه مطوله بمدينة الساموراي وانصحك تزود قواتك لان فيها شخصيات قوويه صح

انا وصلت اللفل 35 بأتسوما

[hyuga Neji]

^^^^^^^^^^^^^^^^
السالفه مطوله بمدينة الساموراي وانصحك تزود قواتك لان فيها شخصيات قوويه صح

انا وصلت اللفل 35 بأتسوما




انت كم بالميه واصل:33: :33: :33:

[kingx11]

^^^^^^^^^^^^^^^^^^^^^

80% وبعد ما......... اخلص المهمه الاخيره فالمدينه اعتقد بوصل ل82%


وخذ لك تجربه مع dragon golem واذا انت لعيب صح فوز بمعركه وحده عاديه فالمكان اللي هو فيه وجرب معركه معاه شخصيآ :D <<<<<يبيك اتحطم

[Mr.Xbox]

شباب باركولي شريت اللعبه اليوم وصلت فيها 13%

واتسوما وصل لـلفل 7 او 8 على مااذكر ^^

بس المنطقه اللي انا فيها الحين الاعداء فيها اقوياء وماقدرت افوز عليهم بسرعه

[Modi]

^
^
مبروك :)
عاد كعادة اي لعبة RPG الحل الوحيد رفع معدل الـ Level :)

شباب انا وصلت الى 68% اللعبه كل مالها تحلى بنظري :)
والاحداث كل مالها تكبر وتتعقد خاصه "رايقار" و "ساياكا" :o

[Mr.Xbox]

الله يبارك فيك

مالي خلق ><

بس بحاول ارفعه شويه

[Modi]

^
^

خلك مثلي
خلك قريب من البوشن الاخضر الي يعبيلك الروح
واقعد قاتل قريب منه .. كل مانقص روحك .. زوده ^^

ومع الوقت بيرتفع الـlevel بسرعه وبسهوله :)

[كابتن السفينة]

ها؟ احد خلصها؟ <---- ما زال ينتظرها :09:

اشتريت اوبلفيون لاني ما لعبتها.. <---- فقد الامل.. :09:

بصراحة احس اوبليفيون أولى من EA لانها روعة.. ^^ <---- يحاول يهوّن على نفسه :09:


البداية !! ما ادري جا ببالي مدينة ثلجيه
والله يا ريت.. البداية منطقة حارة، بس معظم الوقت أقل من مسقط.. <-- توه يرد :09:

[goku007]

انا وصلت اللفل 39 بأتسوما
ومن اللعبه 77 %

[Modi]

ها؟ احد خلصها؟ <---- ما زال ينتظرها :09:

اشتريت اوبلفيون لاني ما لعبتها.. <---- فقد الامل.. :09:

بصراحة احس اوبليفيون أولى من EA لانها روعة.. ^^ <---- يحاول يهوّن على نفسه :09:


بالنسبه لي EA تسوى oblivion بكل اجزائها
انا تخصص RPG ياباني .. اما الغربي للاسف مرات العب على روحي واقول بلعبها :boggled:
العب فيها ساعتين وبعدها .. الاخلاق تقفل .. تلوع كبدي :blackeye:



والله يا ريت.. البداية منطقة حارة، بس معظم الوقت أقل من مسقط.. <-- توه يرد :09:

تو الناس :09:

[Mr.Xbox]

^
^

خلك مثلي
خلك قريب من البوشن الاخضر الي يعبيلك الروح
واقعد قاتل قريب منه .. كل مانقص روحك .. زوده ^^

ومع الوقت بيرتفع الـlevel بسرعه وبسهوله :)

والله فكره حلوه :D

بسويها :)

[Modi]

شباب ممكن تعلموني كيف اقتل lord of earth :blackeye:
كل ما اضربه مايحس بشي !! وش الحل .. plz :(

[كابتن السفينة]

بالنسبه لي EA تسوى oblivion بكل اجزائها
اقولك اهوّن على نفسي، لكنك الحين قهرتني مرة وحدة :09:

خلاص ما بتشوفوني بالموضوع لحد ما اشتريها.. XD

[kingx11]

شباب ممكن تعلموني كيف اقتل lord of earth :blackeye:


كل ما اضربه مايحس بشي !! وش الحل .. plz :(

عندك الex الثالث حق اتسوما؟؟؟

اذا عندك اوكي اضربه فيها اذا ماعندك شل قشك وروح زود طاقاتك وضروري جدآ تتعلم الsupport منها direct 20% ....الخ وبعد ماتضبط هالسوالف كارين لازم تكون مجهزه بطاقات الsupport وتزويد الحياه عشان تفزع لك كل ماصار شي ولاتنسى الitem اشتر كل شي متعلق بالhp-ep واسهلك تحط عند الشخصيات كلها double tb عشان فالمعركه الفلوس تجيك دبل وتروح للدكان وتشتري كل الي قلتلك عليه وبكذا بتقدر تغلبه بس يبيله استراتيجيه عدله يعني واحد يزود طاقات وواحد يضربه وواحد يعطيك الحمايه dmg-20% والاخير يضربه بعد او اذا عندك golem يسحب الep منه بتقدر تسيطر عليه لانه يعتمد على الep

اغلبه وبتصير احداث حلوه وبيعطيك شغلات عسل هع

انا الحين وصلت عندك وحش اسمه tiger golem من نوعية روبي وايميرالد بس اني غلبته من اول معركه وزودني حوالي 6 levels وطلعت الex الثالث للشخصيات الباقيه يعني صرت بطرررررران والحين قاعد ارجع للوحوش اللي مثله dragon golem+fire golem بس ماعرفت الاستراتيجيه المناسبه لهم للحين مع ان ضرباتهم صارت عاديه عندي

[Modi]

هزمته بخمس دقايق تقريبا :D
نشوف هالـ Monk الدايخ وش بيقول الحين :o

[PremaFrost]

يبا هذا البرفسزر كيو شلون يموت مصخها هذا لما اروح مدينه يوكوهاما واهى مثلجه لما يحول الكلب كوتا حق وحش ذبحته ورحت عنده كل شوى يطلعلنا واحد شسالفه:12: :12:

[Mr.Xbox]

شباب الحين شلون اروح ليوكوهاما؟؟((بعد ماينكسر الجسر))

وبعد في الفير تيمبل الوحوش اقوياء لدرجه موطبيعيه من ثاني دور وهم ذابحيني ><

[PremaFrost]

شباب الحين شلون اروح ليوكوهاما؟؟((بعد ماينكسر الجسر))

وبعد في الفير تيمبل الوحوش اقوياء لدرجه موطبيعيه من ثاني دور وهم ذابحيني ><
على الجسر باليمين تلقى ممر يوصللك للنهر

[goku007]

انا وصلت باتسوما lv46
ومن القصه 95%

واخذت اثنين من القاردين بس بقيلي واحد ما ادري وينه

[kingx11]

^^^^^^^^^^^^^^
انا وصلت ليفل 49 بأتسوما بس عادين ماوصلت 95% هع

<<<<<<<<< راعي طوووووووووووووووووويله يحب يحوس ويطلع اسرار اللعبه

غلبت الوحوش الثلاثه اللي تكلمت عنهم بس باقي الوحش الرابع ماوصلت له

[goku007]

اسف قصدي 92%

انا الي حصلتهم اثنين الي هم

gatd squat و black dragon

تكفى قلي عن مكان الثالث

[kingx11]

لحظه البلاك دراجون اللي في بداية اللعبه صح؟؟ شلون رجعت له ؟؟؟

ضربت مشوار ولا فيه warp قدامي لاني الحين خلصت من الgatd squat وخذيت سلاح رايجر

والثالث تلقاه فالصحرا دور فيها عدل وبتلقى دخله عاليسار وانت راجع من مدينة الساموراي وفيها حفره كبيره ادخلها وبتسحبك الرمال المتحركه لمكان تحت الارض بتلقاه هناك

ودي ارجعله بس ووووووين انا بعيد

[Modi]

انا مسوي تخزينين واحد قبل قتالي مع queen of ice
وواحد عند البوابه الكبيره (لازم ارجع احوس بالمدن):)

بس انا سييييده رحت الكونتستا ice :wow:
ما قدرت اسوي قدامها شي :blackeye:

احد قتلها ههههههه ??



على فكره احد راح للكهف الي فيه الـ junk downtown ??
فيه تقريبا 4 صخور مكتوب عليها اشياء مثل النار و الريح و الارض .. الخ ؟؟

[kingx11]

^^^^^^^^^^^^^^
وين هالكهف اي صوب؟؟

[goku007]

فيه warp يردك لمدينة لندون ومن هناك الله يعينك على المشوار

او في الصحراء هناك warp ينقلك مباشره الى هناك

وبالنسبه للمكان الى فيه الصخور هذا فيه بوابه في junk city بجنب القصر الكبير

اخرج منها وانته راح تعرف الطريق

وشكرا على مكان الثالث:biggthump

[kingx11]

اي صح عرفتها الحين

بس الصخور كم عددها؟ اذا 3 اموري تمام

اذا 4 اجل باقي لي وحش رابع مالقيته واعتقد انه وحش الثلج او الwater

[Modi]

شوي شوي شباب .. نعد القولمز الي بالمعابد .. هم 4 اتوقع صح ؟
اكيد لهم صله بالكهف الي فيه 4 صخور

المعبد فيه الطائر الي بالغابه بعد ماتطلع من لندن
المعبد فيه النمر الي بالكهف قبل ما تروح لأم صراخ sage
في معبدين بعد ذكروني نسيت .. مدري انا قاتلت احدهم ولا لأ :33:

[kingx11]

^^^^^^^^^^^^
راجع الصفحه اللي قبل انا علمت guko الوحش الثالث باقي بس الوحش الرابع ماعرفت وينه بس متأكد انه وحش الماي

[goku007]

لحظه يا شباب

هم يقولو ان هناك ثلاثه حراس من فين طلع الرابع:28:

[kingx11]

الحراس 3 لكن فيه وحوش اربعه اقوياء في اماكن متفرقه من اللعبه تغلبهم ويعطونك مفاتيح

انا لقيت 3 وباقي الرابع عشان افتح البوابه

[shaibona]

سلام شباب كثير منكم يعاني من قلت (TB)( الفلوس بمعنى اخر) طبعاً انتم عارفين الـ TB مهمة لشراء الـITEMS و الـSKILL وغيرها ولكن كيف الطريقة الي تخليك مليونير انا قولكم حسب الخطوات التالية

1:- في مدينة لندن اذهب الى الكازينو و اشتر الـChips والوحدة الواحدة راح تكلفك 20TB اشتر اكبر قدر ممكن الـChips . ( لازم تحفظ قبل ماتشتري )

2:- هناك أكثر من طريقة في الكازينو للمراهنة وزيادة الـChips ولعل أفضلها الـBingo والـRoulette

طريقة العب بالـBingo:- ضع اكبر عدد ممكن من الـChips ( اقصى حد 500) طبعا اذا قدرت وتوصل بين الاطرف باربع ارقام راح تكسب 500,000 Chips وكلما عدد زاد الارقام كلما قل عدد الـChips اللي راح تكسبه اقل شي 1000 Chips وطبعا وهناك احتمال كبير للخسارة لكن في حالت خسرت اعد العبة من جديد(loed game)


طريقة العب بالـRoulette:- ضع 1000 في المربع من1الى 12 مثلاً او أي مربع اخر واكثر من مربع حسب الـChips اللي معك

3:- حاول تجمع اكبر عدد من الـChips لكي تستبدلها في Prize exchange طبعا اشتر كل شي واهمها Recovery Powder حيث يمكنك ان تبيع 9 وحدات من Recovery Powder ب5400TB وكرر هذه العملية اكثر من مرة (حتى تطفش) يحيث يمكنك ان تكون مليونير .

واي خدمة حاضرين

[Modi]

^
^
^
اخوي عن نفسي اجمعها اكثر من كذا
فيه خاصه بالسبورتس بعد ماتتقدم باللعبه .. تضاعف الـ TB
عن نفسي انا مليان ومريش فلوس :p

طريقتك تنفع الي توهم ببداية اللعبه ^^
thanks

[goku007]

انا حصلت الوحوش الثلاثه

بس باقي وحش الماء ما ادري وينه

[kingx11]

^^^^^^^^^^^^
تذكر الكهف اللي فيه عربات حقت المناجم؟؟


يوم اخو رايجر خطف كارين؟؟

هناك

[Modi]

^
^
اخيرا لقيت الرابع ؟؟
ما ادري انا قتلته ولا لأ -_-

على فكره باين بعد الكهف الي فيه اربع صخور
بعد مانفتحه بيكون فيه وحش .. خاصه ان فيه البوشن الي يعبي الروح قريب lol :09:

[kingx11]

^^^^^^^^^^^^^
يا بابا فيه شي اسوأ من اللي في بالك

queen of ice is nothing against this thing

بتلقى مكان فيه كل وحش مر عليك فاللعبه وتتمشى طبعـآ وتجمع golems وتقاتلهم وتلقى اشياء نادره

وموجود حوالي 30 طابق كل طابق يقول الزود عندي هع

الطابق الاخير فيه omega اقوى وحش فاللعبه

طاقته 99999 والep9999


اذا تبي تغلبه اتسوما طاقته لازم تكون فوق ال 7500


<<<<<<<<<قرى الحل الكامل هع

[Modi]

ايه نفس الشي معي قريت الحل بس ماكملته >_<
بس وحش الماء بالكهف الي فيه عربات .. ok بروح ادابجه :12:

اما سالفة 30 دور .. هذي يبي لها جيم شارك خخخخخخخ

[kingx11]

^^^^^^^^^^^^^
ماعليك فيه حل سهل يخليك تمشي بدون معارك

بس المشكله انك لازم تجيب 100000 chips :( وعلى فكره الدكان هذاك فيه اشياء مفيده وااجد

[goku007]

الحمد لله

خلصت العبه و طلعت نهايتين بعد 50 ساعه لعب و lv53

شباب نصيحه في الجزء الاخير من اللعبه اشتري جميع انواع الايتم الي

يعبي hp و ep

شكرا يا kingx11 على مكان الرابع ما أدري بدونك ايش كنت بأسوي:kiss:

[kingx11]

كوين اوف ايس معركتها طويله صح؟؟

[goku007]

اطول مما تتصور

وفيه تتابع احداث كثيرة

بس اذا وصلت هناك وتبغى تاخذ جولوم خذ واحد ال VP حقه عالي

وزي ما قلت لك كثر من الايتم تبع hp and ep ولا تسوي زي انا كان معايه حول

التسعه وخلصت كلها في نص الاحداث
وشكرا

[Modi]

النهايتين شلون تجي ؟؟

لاني لعبت قبل ضد تويا .. والسؤال الي يقولي اقتلني
اذا وافقت .. بعد ما اقتل تويا يموت وتنتهي اللعبه ؟؟

واذا رفضت اقتله .. بعد ما اتقاتل معه اكمل عادي واقابل الـ miss ice
وبعدها النهايه الثانيه ؟ [الاصليه] ؟

ياليت توضيح شباب
<-- يسأل ويجاوب بنفس الوقت خخخ

[goku007]

تماما زي ما قلت يا اخ modi

شد حيلك اذا اخترت الاختيار الثاني :smirk:

[Modi]

هلا شباب اللعبه مخلصها من فتره

بسألكم احد قاتل omega ؟؟
وهل يستاهل اني اروح اكفخه ؟؟


اقصد كيف شكله كشخه ولا لأ ههههه ؟؟

[Mr.Xbox]

شباب شلون اروح لمكان بالصحراء على ما اتوقع اللي يقول عنه raigar اتوقع اسمه sage او saga او شي مثل جذي

المهم الحين شلون اروح له؟؟

[Modi]

^
^
^

عرفت الصحرا الي فيها جسر معلق اليفيها مباني و warp تنزلك تحت الارض ؟؟
بعد ماتطلع من القريه طبعا تروح قدام لين يجيك الجسر وتمشي منه وبعدها
تلف يمين وبتشوف المكان مسكر بركام وخرابيط ترح للولد الي معه كلب يساعدك :)

[Mr.Xbox]

يعني اروح للصحرا اللي قبل junk city ؟؟؟

ولا اللي بعدها؟؟

[Modi]

الي بعدها اكيد :)

[Mr.Xbox]

شكرا لك مودي

عديت المكان بس مالي خلق اكمل يقولي لازم تجيب ايثر وانا مالي خلق ><

بكملها بكره او اللي بعده ان شاء الله

[hyuga Neji]

ياهوووووووووووووووووووووو


خلصت العبة بصراحة اكثر لعبة استمتعت فيها



وشرايكم نلعب لايف الي خلصتو العبة


بصراحة ابداء والي يطوفها :biggthump :biggthump :biggthump

[Mr.Xbox]

مبروك هيوجا على انهائها <<<<متأخر ><

شباب دوختني queen of ice مادري شسوي فيها هزمت تويا وبعد ماكملت طلعتلي وحركاتها قويه ومساعدينها مافي اخيس منهم ><

مع ان طاقه اتسوما 2330 والباقيين كلهم فوق الـ1700 بس ماقدرت اذبحها ><

[kingx11]

^^^^^^^^^^^^^^^
اكبر غلطه انك تهتم في مساعدينها

لاتعتمد على الشخصيات العاديه جيب لك وحوش قوويه والvp فوق ال70 عشان تضمن المعارك

[Mr.Xbox]

^
^
^
اي انا ما اهتميت بمساعدينها لانها كل شوي تعيشهم ><

انا حطيت اتسوما ورايجار واودين وواحد رابع مدري شسمه بس بعد عجزت عنها ><

[kingx11]

^^^^^^^^^^^^^
اتسوما ورايجار لابد منهم

اودين خله عنك جيب واحد اقوى منه من المقاتلين العاديين ((انصحك بالساموراي لان عنده ضربة cut تنقص نصف الطاقه مهما كانت)) ولاتنسى تحط شخصيه تزود طاقاتكم بس ماتكون كارين لانها فاشله

[Modi]

سو مثلي قبل ما تقاتل queen of ice
به كل الي عندك من اشيا مو مهم .. واشتر فيها hp و ST الي تقويلك روحك
وقو روحوك ممكن يصك hp حقك الى 4 او 5 الاف للواحد .. طبعا اذا فلوس مليانه عندك ^^


وحاول تدخل القتال معها وعندك السبيشل EX واضربها بحركة اتسوما .. حركاته من نار
وهي ثلج بتأثر عليها كثييييير .. كل الشخصيات يضربونها الا كارين تعبي ارواح الشخصيات
وحاول تحط لشخصيات خاصية الدرع الي عند رايقار تقلل من ضربات الخصم .. وبس

good luck ^^

[Mr.Xbox]

شكرا لكم على المساعده ^^

ان شاء الله اليوم برجع عليها وبضربها ضرب <<<<متفائل ><


واشتر فيها hp و ST الي تقويلك روحك


؟؟
مافهمت ><
واذا عن الفلوس مومشكله اجيبهم ^^

وبعدين شلون ازود الـVP؟؟؟


(انصحك بالساموراي لان عنده ضربة cut تنقص نصف الطاقه مهما كانت))

ماعرف ساموراي عندي ؟؟؟

يمكن ماحصلته ><

[Modi]

^
^
^
بشر خلصت اللعبه




شباب الي خلص اللعبه .. هل تتوقعون ان اللعبه انظلمت بالتقيمات ؟؟
عن نفسي صراحه اقول بقوه ايه .. اعطيها بين 8,5 و 8,9 :)

[Mr.Xbox]

لا للحين ><

اجلت موضوعها شوي لما اخلص saints row لاني زهقت من كثر ما اباري ><

بالنسبه للتقييمات فاللعبه تستاهل تقييم عالي واكثر من اللي عطوها

[Sui]

شباب رجعت للمنتدى :) الحبيب ومن رجعت وشفت هالموضوع رحت شريتها وقلت مابي أكتب أي شي ليين أخلصها

المهم الشئ المحزن واللي يقهر إن اللعبة مكتوب عليها
ONLY ON XBOX 360

ليش يكتبون عليها وهي راح تنزل على ال ps3?
وهذا الدليل http://www.em-game.net



اللعبة فعلا ممتازة جدا جدا والقصة روعة والحين أنا في نهايتها :)

[Sui]

الحين أقدر أقول إني نهيت اللعبة وأخيرا بعد معاناة ما بعدها معانااااااااة

كل ما ألعب وباري Queen of ice وذبحها واللي بعدها وتطول الأحداث معاي جك بوم جك بوم
يحتر الأكس بوكس ويطفي وموت من القهر لدرجة ودي اكسر الأكس بوكس وخليه نتفه نتفه

بس رحمنى ومانطفه اليوم علي لووول حظ هذا :)

بس شباب تكفون قولولي هل يتصلح هالعيب اللي فالجهاز مع العلم جهازي من أول الدفعات تقريبا اللي ظهرت فيها المشاكل + حاط حقه مروحة تبريد ومخليه في مكان غير مغلق بس همن يطفي :28:

بس اللعبة وقصتها روعة روعة روعة

نسيت اقولكم كل عام ونتوا بخير وعيدكم مبارك وعساكم تعودونه انشالله بالصحة والسلامه

[Modi]

^
^
^
انا ماصار معي مشاكل الحمدالله

حاطه للجهاز مروحه + المكيف يضرب عليه .. ابن امه يطفى XD
<-- يبي يطق عين بجهازه لوول


ومبروك انهاء اللعبه وعيدك مبارك :)

[iron-maiden]

من يوم شريت فالكيري بروفايل 2 وانا ناسي الاكس بوكس بكبره

[Sui]

^
^
^
انا ماصار معي مشاكل الحمدالله

حاطه للجهاز مروحه + المكيف يضرب عليه .. ابن امه يطفى XD
<-- يبي يطق عين بجهازه لوول


ومبروك انهاء اللعبه وعيدك مبارك :)

الله يبارك فيك :) وعساك من العايدين والسعيدين
بس مشكلتي هذي راح اتيبلي هستيريا ومن بعدها الجنون لأنه كل ما العب وندمج جك بوم ينطفي الأكس بوكس
شكلي بحط فوقه كيس ثلج وجرب هههه

[X.N.N.X]

شباب عندي اسئلة ياليت القالها اجوبة
بعض المعارك لما تخلص القا الhp و ep حق الشخصية 1 بس ليش ؟؟؟؟؟؟؟؟
وكيف ازيد الhp و ep وانا خارج المعركة
ايش تنصحوني ازيد اكثر شي الhp او ال ep

[X.N.N.X]

اكثر من الف واحد لعب اللعبة ومحد قدر يجاوبني

[Modi]

شباب عندي اسئلة ياليت القالها اجوبة
بعض المعارك لما تخلص القا الhp و ep حق الشخصية 1 بس ليش ؟؟؟؟؟؟؟؟
وكيف ازيد الhp و ep وانا خارج المعركة
ايش تنصحوني ازيد اكثر شي الhp او ال ep

* مافهمت !!

* مع المعارك بيزيد عندك الـ SP تدخل خيار الشخصيات character
ثم تروح للـ parameter .. تزيد قواتك من هناك .. سهله الشغله ^^

* اكيد قبل كل شي HP .. اما الـ EP يجي بعده وكثر منه لشخصيات الي تستعمل
السحر او الحركات الي تنقص من الـ EP .. بس بكل الاحوال الـ HP هو الاهم ^^

[X.N.N.X]

* مافهمت !!

يعني انا خلصت المعركة وعندي شخصية ماتت بالمعركة بعد المعركة القى الhp و ep بس1
كيف ازيدة اخلية كامل قبل ما ادخل معركة ثانية
يعني مثلا الhp عندي1 من 200 كيف ازيدة ل200 يعني اعالج الشخصية قبل المعركة
لا تقولي مافهكت لانة مو بصالحك

[Modi]

اها

للاسف ماتقدر ترفع الـ HP الا من طريقه وحده فقط الي هي تروح للجهاز الاخضر الي يرد روحك كامل
الي غالبا يكون جنب مكعب الازرق .. دام اللعبه تقدر تقدر تخزن اي وقت .. لازم بالمقابل يمغطونك شي >_<