المساعد الشخصي الرقمي

مشاهدة النسخة كاملة : مشكله عملت ابديت وفصلت البطاريه وخرب البي اس بي


gameflymm
30-08-2006, 02:21 PM
معاي بي اس بي اثنا عملية الابديت فصلة البطاريه عشان اوقف الابديت
بس لما رجعت اشغل البي اس بي
ظل شاشه ســـــــــــــــــــــوداء
ارجو المساعده يا جماعه
regglyss
03-09-2006, 04:54 AM
افسدتها لن تعود للخدمة
kyo
03-09-2006, 06:05 PM
راجع المحلات
greymon
04-09-2006, 04:43 AM
اعتقد الموذر بورد احترقت انا قلت اعتقد.
blold
04-09-2006, 06:06 AM
سلم عال psp خلاص اختربت ما في حل لها
ألتيمي
04-09-2006, 06:54 AM
الله يعوضك واذا تبي وحده ثانيه الحل عندي الفيرجن الخيالي 1.50 مع اغراضه والميموري 32 ولعبه علشان خاطرك وخلنا نتفاهم
plz add me: psp4arab@hotmail.com
Je39
05-09-2006, 03:17 AM
اخوي أنا أمس حاولت أسوي الداونجريد للفيرجن 2.71 بس بالغلط شلت البطارية نفس حالتك الشاشة ظللت سوداء و إذا اخوي عندك حل أو ممكن إإني أساعدك هذا ايميلي كلمني عالمسنجر je39__@hotmail.com
AISIM
05-09-2006, 06:48 PM
باي باي
للـــpsp
هـكرز
05-09-2006, 07:46 PM
إذا كنت بالسعودية انصحك تروح مجمع الراشد في الدور الثالث في محلات للpsp مثل حكاية لعبة
أوروح احسن لك شركة sony اللي بالراكة عند محلات دبابات هارلي هناك المكان مخصص للتصليح
وإذا كان عندك ضمان راح يفيدك انا مجرب غيرلي الجهاز بالكامل بالضمان;)
Je39
07-09-2006, 09:12 PM
ممكن أخوي إذا كنت ساكن بالكويت روح مجمع الرحاب بحولي متروس محلات سمعت إنها تبيع هالشغلات مثل المود شيب أنا الظاهر باخذه منهم لأن حاشتني نفس مشكلتك.
Snake-87
18-09-2006, 03:15 AM
يالغالي انا توها صارتلي هالمشكلة
والبرود الجديد ب35 كويتي (غير شغل ايده دينارين)
والمستعمل ب23 (25 مع شغل الايد)
انا بدلته قبل كم يوم ب25 والبورد (قديم) أحسن لأنه الفيرجن كان 2.00 يعني أقدر أنزله 1.50 بسهولة
وإذا كنت بالكويت طبعا تعرف مجمع الرحاب
روح حق ورشة ينقال لها : (الوكالة الآسيوية)
واحد اسمه سليمان قوله انا من طرف محمد توه بدل عندك البورد مال PSP وإن شاء الله يساعدك
و25 أحسن من جهاز يديد ب60 أو حتى لو 40
تبديل أرخص وايد

ولا تنسى تقول له البورد ما يكون مكتوب عليه IC1003
فلا تبدله لو شنو ><"
Je39
18-09-2006, 03:48 PM
مشكور اخوي سنيك انا بصراحة كنت متحببط والله انك رجال بروح لأقرب وقت الرحاب و ببدله وبدعيللك انشاء الله.
Snake-87
18-09-2006, 05:21 PM
مشكور اخوي سنيك انا بصراحة كنت متحببط والله انك رجال بروح لأقرب وقت الرحاب و ببدله وبدعيللك انشاء الله.

حياك الله ^^ (قوول له صاحبي (انا ) عنده لحية علشان يعرفني . لأنه في ألف محمد ^^ .

أنا كان عندي امتحان فاينل ما قدرت أنام حطيت الشاحن على الPSP وقلت بلعب علشان تييني النومة شغلت ميتل جير وإلا نسيت لا أرفع الفيرجن (1.50) لازم أسوي أبديت قلت يالله
وأنا أسوي أب ديت 1 % قلت خلني أنام أحسن جان أشيل الشاحن جان يوقف ويقول لازم ترجع الشاحن وإلا نظام الـPSP يمكن ما يشتغل معاك مرة ثانية قلت عادي 1 % مو وايد
فصلت الشاحن وضغطت على زر الإيقاف 8 تواني لما طفى .
بعدين طلع فوق راسي علامة ! قلت أنا شنو سويت ؟؟؟
شغلتها وإلا ... T_T مو راضية تشتغل T_T
ما نمت بالليل والله انقهرت حيييييييييييل وقلت خوفك ما تتصلح .
دزيت جهازي للعلاج بالخارج (ماليزيا مع ربعي ^^) وطلع البورد ب40 دينار (اغلى من الكويت)
فلما رجع جهازي بالسلامة خذيته ووديته حق صاحبي (الوكالة الآسيوية) وقال لي أشوف
شرى بورد مستعمل وسواه لي ب25 . يعطيه العافية ^^ .
وإذا تبي هذا رقمه 7939611 (الوكالة الآسيوية - سليمان )
حياك الله أخوي .
Je39
18-09-2006, 10:10 PM
مشكور أنا ابصراحة اليوم مو فاضي فباجر راح أروحله و أكلمه بس مو جنة لو آخذلي بورد جديد يكون أحسن ما تدري المستعمل شفيه لاعنين خيره المهم أنا أجوف باجر يصير خير وتسلم على مشاركتك الحلوة.
Snake-87
19-09-2006, 01:06 AM
حياك الله اخوي
بس ما تفرق لأنه البرود مو عدسة علشان يستخدمونه ^^
يعني ما يضرب إن شاء الله لو شنو
وأنا استخدمه حاليا عال العال
(هذا إذا حصلت مستعمل)
Je39
19-09-2006, 10:32 AM
خلاص اجوف إللي أحصله وماني ماخذ IC1003 لو شنو يكون .
Snake-87
19-09-2006, 05:30 PM
خلاص اجوف إللي أحصله وماني ماخذ IC1003 لو شنو يكون .
أي أخوي خلك دايما ((Je39))
لوووووول
أتغشمر معاك :D
بالتوفيق
Je39
19-09-2006, 09:08 PM
انا اليوم رحتله بس ما حصصل القطعة قاللي بعد جم يوم بيدببر حاله لقيت صاحبك سليمان كلمته عننك قاللي عندك لحية قلت له ما أدري المهم اتفقت معاه إن ياخذ الجهاز و أي وقت يخللص شغله أكلمه بس أنا كلمته عن البورد IC1003 قالي ماهو فاهم المهم قاللي في نوعيتين بالسوق ياباني وصيني فاهوة ناطر الياباني قاللي سعره 30 وبعدين أضببط الفيرجن لين أوصله 1.5 بس قاللي وخخر عن الورشات الصوب الثاني من الرحاب لأن شغلهم مو مضبوط و ما يفهمون شي بالبي أس بي.
Snake-87
19-09-2006, 09:16 PM
شوف لما ييب البورد أنتا شوفه ودور هالرقم تحصله بالأطراف
وهذي صورته من مواضيع أحد الأعضاء

http://img.photobucket.com/albums/v627/ti3gib/montadatutorial/2.jpg

وأنا ما يكون فيرجن 2.60 أو أكثر
(يعني قوله أبي واحد قديم ما أبي يديد)

إذا ما حصلته الرقم توكل على الله
ولا تنسى الملاحظة (حاول إنه ما يكون 2.60) لأنه النسخ إلي خرجت من المصنع جذي ما تقدر تردها للفريجن 1.50 (ما تقدر تلعب بالكوبي)
وأنا حذرتك ^^
فحاول تقول له أنك تبي قديييييييم
اوكي؟
وسلم عليه ^^
Je39
19-09-2006, 10:41 PM
يعني الرقم إللي بالبورد مقصود منه إنك لمه تبي ترجع الجهاز حق 1.5 فإذا كان ic1003 فما تقدر ترجعه حق 1.5.
اوكي أنا اجوف شنو عنده بس شكلة خوش رجال بيضبطلي الجهاز انشاء الله.
Snake-87
20-09-2006, 01:25 AM
يعني الرقم إللي بالبورد مقصود منه إنك لمه تبي ترجع الجهاز حق 1.5 فإذا كان ic1003 فما تقدر ترجعه حق 1.5.
اوكي أنا اجوف شنو عنده .
ايوا ما تقدر ترجعه
والمشكلة إذا حاولت راح ينحرق عليك ولازم تبدله مرة 2 دييييييربالك
أيضا الأجهزة الجديدة مو شرط يكون على البوورد مثل هذه الكتابة
فإذا كان 2.60 من المصنع لا تقدر ترجع ويمكن يحترق عليك
فأنا خذيت منه 2.00 والحمد لله شغال 100%


بس شكلة خوش رجال بيضبطلي الجهاز انشاء ال
والله خوش ريال وشغله مضبوووط بس ما يعرف بسالفة (الفيرجن) أبدا هذي المشكلة ><" .
Je39
23-09-2006, 11:19 PM
الحمد الله اخوي سنيك فرجت اليوم وصللي الجهاز مضبوط كان 2.70 فرحت محل جيم ستيشن حبطني ما قدر يسويه جان أروح عند جيم سنتر ضبطني سوة الجهاز 1.5 وحطيت فيه لعبتين نيد4سبيد و ميامي فايس حمد الله رجعلي الجهاز بس المشكلة في غبار ووصاخة صوب الشاشة يضايق شوي هم الدقم شوية تغيرت بس حمدالله.
soss
18-10-2006, 01:41 PM
السلام عليكم
اخواني انا شريت بي اس بي من الرياض من مجمع صحاري محل جيم ماستر ب1300 ريال بداية العطلة المهم ال شرى لي الجهاز ما اخذ ضمان فال له البائع الاوربي عليه ضمان مع انه ارخص والامريكي ما عليه ضمان المهم لانه جديد الفرجن كام 2و5 ولد خالتي الله يسلمه قال بيحوله الة 1و5 علشان يشغل الكوبي المهم نزل برنامج من النت وحول جهازه وضار زين ويوم بدى يحول جهازي ونظفا الشاشة وتصير سودة نسيت اقول لكم الفرجن حقه يختلف عن حقي
المهم وديته للمحل قال المذر بورد مضروب وديته لسوني قال جب الضمان واعطيك واحد بداله ولا راح ارسله لدبي علشان يصلحونه وبرسوم 500 ريال ولد خالتي يقول اشتر واحد جديد احسن لك شرايكم
ccbbccbb
18-10-2006, 06:36 PM
شوف البي إس بي حقك سلم لي عليه لأنه فرقع وعمرك ما تصلحه ولازم تشتري واحد جديد
باي باي بي إس بي
عندي الحل تدري وشو ؟
إحلم فيه
Je39
19-10-2006, 03:21 AM
اخوي انت لو تقرى الموضوع من بدايته جان فهمت أولا البي أس بي في الحفظ والصون بس المشكلة البورد محترق فالحل سهل بددل البورد وهذا ابصراحة كللفني 30 دينار كويتي بعد ما تبددل البورد راح تكون ماخذ درس من الداونجريد تكفة أخوي لاتسوي الداونجريد بالبيت مو مضمون خذها من مجررب.
soss
19-10-2006, 02:03 PM
تسلمون والله
قريت الموضوع بس صعبة اروح للكويت اصلحه
محد من الاخوان يعرف احد بالسعودية بالشرقية بالذات ولا الظاهر برسله للكويت يتصلح بس ان شاء الله الوالد يدل مجمع الرحاب
طيب اخوي جي 39
كم يوم يطول تصليحه لأن ما اعتقد الوالد اذا رضى يوديني للكويت بيطول اكثر من يومين
انتظر جوابك
Je39
19-10-2006, 02:52 PM
والله اهوة المحل هذا إللي قاعدين نتحجى عنه على حسب أنا بصراحة طوول معاي تقريبا اسبوع اهوة إذا القطعة كانت موجودة امكن يقدر يخلصلك إيااها بيومين بس ما أتوقع هالشي ، جوف انت روح ورشات إللي تصلح أجهزة سوني بلي ستيشن هالسوالف وانشاء الله تلقاهم يبيعون القطعة هذي وبالتوفيج.
soss
19-10-2006, 08:41 PM
مشكور اخوي وتسلم