الإمارات والبحرين تعتمدان الجمعة والسبت عطلة أسبوعية

[إسلامية]

الإمارات والبحرين تعتمدان الجمعة والسبت عطلة أسبوعية


اعتمدت الإمارات العربية المتحدة ومملكة البحرين اعتبارا من اليوم نظاما جديدا لعطلة نهاية الأسبوع يحل فيه السبت محل الخميس وذلك للاقتراب من نظام العطلة الأسبوعية في الغرب وفي دول أخرى.
وكانت سلطات البلدين العضوين في مجلس التعاون الخليجي قررت مؤخرا أن يكون يوما العطلة الأسبوعية في القطاع العام الجمعة والسبت بدلا من الخميس والجمعة، وذلك بداية من الأول من سبتمبر/أيلول 2006.
وتطبق قطر -وهي أيضا عضو في مجلس التعاون الخليجي- منذ سنوات هذا النظام في المؤسسات الرسمية.
والقطاع الخاص في هذه الدول غير مجبر على تطبيق نظام العطلة الأسبوعية هذا، غير أن العديد من الشركات في بعض القطاعات الاقتصادية اختارت الجمعة والسبت لعطلتها الأسبوعية وذلك تماشيا مع الأسواق العالمية التي تغلق السبت والأحد.


http://www.aljazeera.net/NR/exeres/10C6FF27-2DC8-4484-A973-1C326E07E1B4.htm (http://www.aljazeera.net/NR/exeres/10C6FF27-2DC8-4484-A973-1C326E07E1B4.htm)

[NiGhT_MaRe]

وذلك للاقتراب من نظام العطلة الأسبوعية في الغرب وفي دول أخرى.

ماشاءالله .. سبب مقنع :31:
انا اللي خايف منه ان الناس تفرح بيوم الخميس كونه نهاية الاسبوع فتسهر ولا تنام وبالاخير تفوت صلاة الجمعه ... يعني ملاحظ ان مع عطلة الخميس والجمعه هالشي فـ الله يستر من النظام الجديد وسلبياته... الصراحه ما أؤيده بس يمكن يكون لمصلحة الشركات ..عموماً بنتعود بعد فتره بسيطه..
يعطيج العافيه اختي وبارك الله فيج

[shjoonal3in]

مبروووكين..:D
الله يعطينا خيرها ويكفينا شرها >>> شارية سيارة...؟!

تسلمين اختي اسلامية ^^

[Nanto]

السلام عليكم ...

أنا أرى و بكل صراحة أن النظام الجديد للعطلة الأسبوعية أفضل من النظام السابق بغض النظر عن هذه النقطة:
وذلك للاقتراب من نظام العطلة الأسبوعية في الغرب وفي دول أخرى.

[secret files]

وانا اراى ايضا ان النظام الجديد افضل

فاصبح يوم الجمعه يوما هادئا بعيدا عن التحضير ليوم الدوام القادم:)

فالشخص يستطيع ان يرتاح فيه بدون ضغوط نفسيه

والسبب الرئيسي لهذا هو


وذلك تماشيا مع الأسواق العالمية التي تغلق السبت والأحد.

لان الاسواق العالميه تعمل الخميس بينما اعتدنا ان نعطل فيه,
والان وقد اصبحت دول الخليج تعتمد على الاسهم والاسواق العالميه في كثير من الامور, اصبح خساره يوم كامل مصيبه لكثير من التجار

فمثلا, سعر الذهب يختلف عالميا, فالمستثمر المحلي يفقد فرصه كبيره عندما لايستطيع التداول فيها بينما نظرائه في الدول الاخرى يستغلونها يوم الخميس ( هذا حسب علمي فانا لست خبير اقتصادي ابدا :D)

ولا دخل بتقليد الغرب في المساله بتاتا,
فلقد ظل يوم الجمعه محفوظ :)

سلامي ^^

[shjoonal3in]

اسمحولي بإضافة...:)
أتذكر يمكن قبل عشر سنين او اكثر شوي كانت الاجازة يوم الجمعة بس...
إذا ما خانتني الذاكرة :D

بعدين غيروها وخلوها خميس وجمعه..!
لو من يومها قالوا الاجازة جمعه وسبت...مش خميس وجمعه...هل بيكون فيه فرق! :33:
هل في أحد بيزعل وبيقول ما يصير نأجز السبت...
ما أظن...!
السموحة

[NiGhT_MaRe]

اسمحولي بإضافة...:)
أتذكر يمكن قبل عشر سنين او اكثر شوي كانت الاجازة يوم الجمعة بس...
إذا ما خانتني الذاكرة :D
صح كيف كنا نستحمل ؟ خخخخ
نروح المدرسه لين يوم الخميس وبعد 7 حصص لااااااااااااااا .. يجيني صداع بمجرد التفكير خخخ

انا اخاف بكره يقولون بنخليها سبت وأحد نفس اليهود معاذ الله..
:
:
secret files يعطيك العافيه اخوي ..
ندري انها على اساس الاسواق العالميه وهالاشياء.. بس الله يستر من السلبيات..

[DMC]

صح كيف كنا نستحمل ؟ خخخخ
نروح المدرسه لين يوم الخميس وبعد 7 حصص لااااااااااااااا .. يجيني صداع بمجرد التفكير خخخ


الحينه انت مسوي لاجازة سالفة ترى عادي :09:
لو حطوها او السبت او لاحد هل كانوا بيسمعون كلامنا ؟؟!!
الجواب لا ^_^
معناها احسن كل واحد يهتم بشغله او دراسته :D

لو من يومها قالوا الاجازة جمعه وسبت...مش خميس وجمعه...هل بيكون فيه فرق! :33:
هل في أحد بيزعل وبيقول ما يصير نأجز السبت...
ما أظن...!

عين العقل ^_^
باختصار do your bussines
dont see what others do :biggthump

فلقد ظل يوم الجمعه محفوظ :)

الى اشعار اخر XD

شارية سيارة...؟!

مبروك على سيارة بس عاد ماتسوين فيها دعمات وايد :09:
وشي ثاني مؤجرة معناها تدفعين بلاقساط
شارية معناها خلاص مايحتاج تدفعين بيزات ثانية :33:
النهاية:reporter:

[NiGhT_MaRe]

DMC
يقولك نام بكير واصحى بكير تشوف الصحه كيف تصير P:
ياخي شكلك مب صاحي وما فهمت كلامي وردك بكبره تسطيل x تسطيل خخخخ
يعطيك العافيه خيو وخلنا نشوفك عاد بس لا تخرف مره ثانيه :D

[DMC]

DMC
يقولك نام بكير واصحى بكير تشوف الصحه كيف تصير P:
ياخي شكلك مب صاحي وما فهمت كلامي وردك بكبره تسطيل x تسطيل خخخخ
يعطيك العافيه خيو وخلنا نشوفك عاد بس لا تخرف مره ثانيه :D
ترى المشكلة من المصدر :09:
ترى الولد تعود من المباريات خارج النطاق العربي :D
النهاية:reporter:

[!!!!!]

تعودنا على الخميس .. يوم اجتماع الاهل والاقارب ..
يالله .. اعتقد بعد بنتعود على الجمعة والسبت ..
بس بداية الدراسة يوم الاحد !! .. صار كانه بداية الاسبوع لووول ..

عالعموم انا شخصيا ماتفرق عندي خلصت دراسة وبطالية خخخخخ !!..

بس ادعولي اشتغل :blackeye:

[NiGhT_MaRe]

بس ادعولي اشتغل :blackeye:
اللهم وفقها وارزقها عملاً تحبه وترضاه ...
الله يعينج اختي ام التعجبات P:

[ابتسامــــــه]

مسألة تعود وتأقلم مع الوضع الجديد ..

أحس الأسبوع طوييييييييييييييييييييييييييييل :أفكر:

[monyman]

السلام عليكم

الامارات تعمل كدة ماشى عشان التجارة بتاعتها اللى على العالم كله

لكن البحرين تعملها ليه البحرين مش مكان اقتصادى ضخم زى الامارات ؟

وشكراً على الخبر

والسلام عليكم

[الوردة الجريحة]

ماشاءالله .. سبب مقنع :31:
انا اللي خايف منه ان الناس تفرح بيوم الخميس كونه نهاية الاسبوع فتسهر ولا تنام وبالاخير تفوت صلاة الجمعه ... يعني ملاحظ ان مع عطلة الخميس والجمعه هالشي فـ الله يستر من النظام الجديد وسلبياته... الصراحه ما أؤيده بس يمكن يكون لمصلحة الشركات ..عموماً بنتعود بعد فتره بسيطه..
يعطيج العافيه اختي وبارك الله فيج

اللي في قلبه صلاة ما تفوته :أفكر:

[الوردة الجريحة]

السلام عليكم

الامارات تعمل كدة ماشى عشان التجارة بتاعتها اللى على العالم كله

لكن البحرين تعملها ليه البحرين مش مكان اقتصادى ضخم زى الامارات ؟

وشكراً على الخبر

والسلام عليكم

وعليكم السلام
صحيح مو مثل الامارات
بس مو معناه ما عندنا اقتصاد
تعال البحرين أول وبعدين إحكم

[NiGhT_MaRe]

اللي في قلبه صلاة ما تفوته :أفكر:
صحيح يعني الا من رحم ربي.. بس اعرف ناس اذا سهرت تفوت الصلاه للأسف :أفكر: ...
يعني يوم الاربعاء ينامون بدري بس الخميس بالذات يسهرون في البيت وينامون قبل صلاة الفجر بنص ساعه او بعد صلاة الفجر لكن للأسف ينامون ولا يستيقظون لصلاة الجمعه..
الله يهديهم وينور قلوبهم ..

[ToUaReG]

الله يستر ما يحوشنا بالكويت ><" ..
احس ايام الاسبوع تتخلبط .. متعودين على هالنظام ^^ ..


يسلمو عالخبر ..

[المدهش]

السلام عليكم

حسبي الله عليهم , والله غربلونه ويا هل انظمة اليديده ماعندهم سالفة اصلا :yuck:
بس شافوا الناس سووا سوت :31:
الحين يبي لنا مُدّه على مانتعود على اجازة السبت -_-'
اطبقون قوانين الغرب وعفسون علينه كل شي كل بس علشان اقتصادهم وتجارتهم >.>


انا اللي خايف منه ان الناس تفرح بيوم الخميس كونه نهاية الاسبوع فتسهر ولا تنام وبالاخير تفوت صلاة الجمعه ... يعني ملاحظ ان مع عطلة الخميس والجمعه هالشي فـ الله يستر من النظام الجديد وسلبياته... الصراحه ما أؤيده بس يمكن يكون لمصلحة الشركات ..عموماً بنتعود بعد فتره بسيطه..
صج مابنقدر نسهر بعدين-_-
حلاته السهره تكون ليلة الخميس, اما الحين مابتقدر تسهر لان وراك صلاة الجمعة, بس بتقدر تسهر ليلة السبت.

المشكلة ان اساًساً في الاصل عطلة الخميس غير رسمية لان من 20سنة تقريبا من ايام الثمانينات ماكان فيه اجازة اصلا >.> اجازة الخميس الا توهم في التسعينات مخليينها >.>
يعني جذي ولا جذاك ماتقدر تتكلم :p
لازم نرضى بل مقسوم لايكنسلون الاجازة علينه :09:
-_-'

[بو ضاري]

الله يرحم ايامنا كانت الاجازه بس الجمعة

عموماً تمت تبرئه يوم السبت من مقوله

وشك"وجهك" زي يوم السبت..وصار يوم الاحد في هذا الاتهام

[الموهوب]

إيه زين ماقالوا يوم الأحد ايضا ً تماشيا ً مع المقيمين بالبلد واحترامهم:31: . . .

والله يعينكم :31:

[المدهش]

إيه زين ماقالوا يوم الأحد ايضا ً تماشيا ً مع المقيمين بالبلد واحترامهم:31: . . .

والله يعينكم :31:
اقولون كانوا يبون يسونها في قطر, كانوا بخلون الجمعة دوام والسبت والاحد اجازة, بس قاموا عليهم الناسXD
قالوا لهم الجمعة صلاة!
وبس وكنسلوا السالفة:p
هاي محد بيخفسنه غيرهم :31:
-_-'

[M.W.N]

القانون مطبق حالياً فعلاً ..

يا جماعة حسيت الأسبوع صار أطول من أول ^^"
ترانا مش متعودين نداوم يوم الخميس

أشكرك على نقل الخبر

[NiGhT_MaRe]

تحس بشعور غريب أول مره تحس فيه P:
اليوم الظهر اشوف الدنيا زحححححمه والله كأنه يوم السبت ..
اقترح نغير اسامي ايام الاسبوع عشان ما نحس بالفرق << قمة الغباء :D

[راؤول الأسطورة]

للأسف القانون بينطبق علينا من بداية شهر 10 بسلطنة عمان حسب ما تردد مؤخرا :31:
بالنسبة لي ما بتفرق كثير لأن جدولي بالجامعة بيوفر لي يومين اجازة غير الجمعة والسبت :D
يعني أكثر من نص الاسبوع بالبيت :biggthump
ولو اني غير مرتاح لهالتغيير أبدا :blackeye:

[Thug Life]

والله نتوقع بعد فتره السعوديه يطلعون هالقرار البايخ :blackeye:

يلا Thug Life الأحد في الكنيسه :boggled:

Thug Life

[الوردة الجريحة]

أنا مو حاسة إن اليوم الخميس
أحس إن اليوم الأربعاء :boggled:

[Grandia]

أنا مو حاسة إن اليوم الخميس
أحس إن اليوم الأربعاء :boggled:

ايام ونتعود :D

[ash2001]

بصراحه أحسن عشان ما يفوتنا يوم كامل بالفوركس

[shjoonal3in]

أنا مو حاسة إن اليوم الخميس


أحس إن اليوم الأربعاء :boggled:

أنا ما أحس بشي ... ما قمت أحس بأيام الأسبوع :D
الله يخليج بنات كلاسنا يوم سألهم الدكتور اليوم أربعااااء ؟؟ قالوا أيواا :D
مبرمجين على النظام القديم...اخر يوم قبل الويك إند :D

[مرعب الإمارات]

اليووم الدوام كان ثقيييييييييييل

بس احسن هذا النظام


انا بقولكم من منكم يحب يوم الجمعة صراحة يوم ثقييل وبعد صلاة الجمعة تحس ان اليوم راح صح :wow:

مع هذا النظام سوي فيه الي بتسوي بتزور اهلك ما بتهم لدوام يوم السبت واحسن شي فيه انك مش لازم تنام بدري هذا اليوم

والله يوفق الجميع:)

[TEDUSE 1=BAGGIO]

حاس بغرابة و ان الاسبوع طويل و الوقت يمر بسرعه

بس يلا راح نتعود بعد مده

أخاف يوم نتعود على الجمعه و السبت يخلون الاجازة السبت و الاحد

[DMC]

اقول شباب باجر دوام ولا اجازة :09:
النهاية:reporter:

[Grandia]

حاس بغرابة و ان الاسبوع طويل و الوقت يمر بسرعه

بس يلا راح نتعود بعد مده

أخاف يوم نتعود على الجمعه و السبت يخلون الاجازة السبت و الاحد

انا احيانا يكون عندي دوام يوم الجمعه :D لا تسألني وين اداوم :silly: بس الحلو الدوام يكون لين الساعه 11 وتوكل

يعني تخيل السبت والاحد اجازه والجمعه الدوام حتي الساعه 11 خلص الاسبوع في النوم :silly:

[TEDUSE 1=BAGGIO]

انا احيانا يكون عندي دوام يوم الجمعه :D لا تسألني وين اداوم :silly: بس الحلو الدوام يكون لين الساعه 11 وتوكل

يعني تخيل السبت والاحد اجازه والجمعه الدوام حتي الساعه 11 خلص الاسبوع في النوم :silly:
وين تداوم :09:

هههه لو مثل ما تقول راح يكون عز الطلب راح يكون الدوام رااااااااااحه :biggthump

مع اني ما أستسيغ يكون في دوام الجمعه بس الصراحة الاسبوع راح يكون عجيب :bigok: