المساعد الشخصي الرقمي

مشاهدة النسخة كاملة : الجهاز و القطع من أجل الانسانية .. هل هنالك من يدلني على مكان أجد فيه فأرة G7 و Pads في الرياض ؟!


Digerati
04-09-2006, 12:28 AM
السلام عليكم ..

ممكن أحد من الرياض، يتكرم يقل لي أين ممكن أجد فأرة Logitech G7 في الرياض ؟ و السعر ان أمكن..

أما الـ pads ، أيضا هل هنالك محل أو محلات تبيع pads أصلية و مناسبة لل Laser Mouse .. و خصوصا ال QCK لأنها الأنسب سعرا .. و خصوصا أن الأنواع الأخرى لا تناسب ميزانية واحد مثلي .. (&)

باختصار، أي واحد فاهمني يعطيني كل المعلومات المفيدة المتعلقة .. مع الأسعار و المحلات :)

شكرا ..
amajed
04-09-2006, 03:58 AM
وعليكم السلام

ليش G7 ؟ الوايرلس متعب ×_×

على العموم تحصلها في جرير :) سعرها على مااضن بحدود 450 ريال بس ماني متأكد

اما بخصوص الباد والله اخبر باث عنده مدري اذا خلصت والا لا ! على العموم تقدر تطلبها منه :) وهذا عنوانه وتيليفونه
www.pc-path.com (http://www.pc-path.com)
blold
04-09-2006, 05:54 AM
العنوان حلو :09:

اسمحلي يا ديج كان ودي اساعدك لكني مو في الرياض :o
alex
04-09-2006, 06:23 AM
تقدر تجرب وكيل Logitech في السليمانية على ما اعتقد .. هذا رقمه 4625766

شفت عنده G5 قبل فتره .. ما ادري اذا عنده G7 ولا لا :)
AL-Samurai
04-09-2006, 07:25 AM
السلام عليكم ورحمة الله وبركاتة


اخوي Digerati انت ليش ماتشتري الماوس من الانترنت .. عبر موقع امزون مثلا

انا فأرتي موديل MX 518 طلبتها من موقع امزون بسعر 40دولار امريكي



وفي الكويت يبيعونها حوال ال 80 دولار

شوف النصب

انصحك تطلبعا من امزون

وإذا كنت كثير الجلوس على الانترنت فأنصحك بعدم شراء فأرة باليزر لانها تحتاج لشجن كل بضع ساعات

وإذا كنت تريد فأرة بالواير فأنسحك بمثل فأرتهي وهي MX 518 من شركة " Logitech " نفسها..الحين سارلها عندي سنة وحوال 3 شهور ولم اعاني منها بدا ابدا فهي كالجديدة


تحيتي


/)/)/)
Digerati
04-09-2006, 10:48 AM
blold: عادي، عادي .. :)

amajed: عظيم، عظيم .. خدمتني خدمة كبيرة .. اليوم بشوف باث. أي بادز عنده اذا متذكر؟

بالمناسبة أي ماوس و باد تستخدم أنت أنس ؟ أنا فكرت و قلبت المواقع كلها و اكتشفت أن ال G7 متعب في الشحن و نادرا يحصل lag في الاستجابة ..

وجدته في Best الي فاتح جديد ( مقلدين Best Buy (&) ) بـ 352 ريال .. بس خلاص شلته من بالي، it's a shame ، شكله رائع.. و شكله هو الي كان جاذبني .. :D

مستحيل أشتري ال G5، أولا سعره مبالغ فيه بقوة و خصوصا أن سعره مثل ال G7 ، و ما أقدر أتخيل نفسي أطلع كل يوم على ماوس بنية. أكره هذا اللون (.")

Thnx dude .. :)

alex: رائع، شكرا، شكرا .. خدمة عظيمة .. اليوم بكلمهم ان شاء الله و أستفسر عن الأسعار و ال موديلات المتوفرة ..

:) I appreciate your help dude ..

Al-Samurai: والله يا ريت، ما عندي اشتراك في Aramex أو ما شابه .. (&)

بالنسبة للاسلكي، مثل ما قلت شلت الفكرة من بالي مبدائيا .. و بما أن ال G5 انسى ، بحثت و وجدت أنه فعلا ماوس MX518 من أفضل الماوسات السلكية ..

و شكلها ماشي حاله .. سعرها مناسب لجيبي أكثر و اقتنعت فيها و خصوصا بعد المراجعات القوية عليها.. بس ان شاء الله أجدها هنا ..

شكرا عزيزي ، بالمناسبة، متابع Prison Break .. تعجبني .. It rocks .. :)

Thnx everyone !
amajed
04-09-2006, 12:05 PM
بالنسبة لسعر G5 موجودة عند باث وسعرها 300 ريال
واذا اللون مو عاجبك روح لاقرب مواد بناء وتحصل عنده بخاخ ابو 5 ريال ^^ بس لا تنسى تحط جريده تحت الماوس عشان لا تبخ على الدسك :p

وبخصوص الباد والله ماادري بالضبط وش عنده
اذكر انه تكلم عن بادات S&S steel بس ماادري اي نوع بالضبط :)
وبخصوص الي انا استخدم
حاليا انا استخدم ماوس G5 مع ماوس باد S&S steel النوع هذا :
http://www.newegg.com/Product/Product.asp?Item=N82E16800996401

بصراحه ثنائي رائع بمعنى الكلمه :) وانصحك فيهم وبشدة ;)
Digerati
04-09-2006, 12:29 PM
Oh man !

الباد الي أتمنى ألاقيها هي من Steel أيضا ، بس سعرها أنسب لي، اسمها QCK و في منها حجم أكبر باسم QCK+ ..

قماشية، و ما عليها رسمات و حركات .. و ما قرأت عنها حتى مراجعة وحدة سيئة و مريت على تجربة ماوسات G5 و MX518 ، يعني مضمونة ..

الـ S&S سعرها من النت ما يناسبني، اذن كيف من باث .. (&)

بشوف الوكيل، و بشوف باث اذا عنده الباد QCK .. بالمناسبة باث يقدر يطلبلك قطعة خصيصي ؟

Thnx dude .. :)
amajed
04-09-2006, 01:22 PM
والله ايه انا اطلب منه اشياء ماعنده منها ابد
وبالعاده يطلبها لي ويطلب اضافية على الطريق ^^

اطلب منه وان شالله بيجيب لك ;)
Digerati
04-09-2006, 02:05 PM
OK، شكرا أنس.. :)
amajed
04-09-2006, 02:26 PM
Any time !! ;)
عمود ارتكاز
04-09-2006, 02:34 PM
يارجال باث مماطل طلبت مرة من عنده قطعة وقعد شهر يقول كل يوم بكرة ، الله يخلي أرض البرامج بس تطلبها اليوم توصل خلال ثلاث أيام ،،،
alex
04-09-2006, 03:10 PM
أرض البرامج .. أكبر محل سرقة في الرياض .. كل شي عندهم عليه زياده بالسعر على الأقل 100% عن سعره برى

قبل كم يوم لقيت عندهم case من thermaltake يبيعونها ب 500 .. مع انه سعرها في النت 60 دولار بس .. ولقيتها في محل ثاني قريب منهم ب 350 ريال ^_^

أكبر غلطه في عمرك انك تشتري منهم شي -__-
amajed
04-09-2006, 06:58 PM
انا اشهد انه مماطل لكن وش نسوي
بالنسبة لي انا دائما اشوف فرق السعر
اذا الفرق كبير انتظر ماعندي مشكله
لو الفرق بسيط شريتها من اسرع محل يوفرها لي :)
يعني مثل G5 في جرير سعرها 349 ريال وفي باث 300 ريال واشتريتها من جرير لانها متوفرة عندهم و 50 ريال مو مستاهل كل هالانتظار :)

على العموم ارض البرامج مايفور لك ماوس باد مثل الي بتطلبها من باث عشان كذا مالك خيار غيره ;)
123man
04-09-2006, 08:47 PM
أرض البرامج .. أكبر محل سرقة في الرياض .. كل شي عندهم عليه زياده بالسعر على الأقل 100% عن سعره برى

قبل كم يوم لقيت عندهم case من thermaltake يبيعونها ب 500 .. مع انه سعرها في النت 60 دولار بس .. ولقيتها في محل ثاني قريب منهم ب 350 ريال ^_^

أكبر غلطه في عمرك انك تشتري منهم شي -__-

السلام عليكم

أحسن من عندنا الكاندالف من ثارمالتك صارله سنة وما في أحد يشتريه وسعره نفسه ما تغير لا وزاد بعد ب1400 درهم.

واسمحلي ديجراتي.
Digerati
04-09-2006, 08:53 PM
yeah، ممم، alex، الرقم الي عطيتني اياه خطأ :)

والله يا شباب، هذه سوقنا.. هنا ب 200 ، جنبه مباشرة ب 100 ! الـ G7 عند Best بنفس حق ال G5 عند جرير.. لازم تدور و تبحث عن أفضل العروض .. لكن في شيء مضمون .. انك تأخذ شيء بسعره الصحيح .. مستحيل .. (&)

أنا تقريبا اعتمدت على الـ MX518 ، بس ما أدري وين بألاقيه الحين .. حد عنده فكرة وين متوفر في الرياض ؟

BTW: بعد ما قلبت النت عن مشاكل ال G7 ، وجدت أنه البطارية حقه تصمد 5-7 ساعات متواصل .. بالنسبة لاستخدامي ممكن تصمد يوم أو يوم و نصف .. أما قوة الاستجابة ما في منها مثيل.. و ما فيها أي مشكلة..

عادي خذ راحتك خالد :) .. بندر، good to see you .. :)
Gentleman
04-09-2006, 10:32 PM
If u want i will teach u how to buy via Aramex ..

Thanx ..
amajed
05-09-2006, 12:00 PM
MX518 موجوده في باث برضو ^^ السعر غير معروف :)
Grandia
05-09-2006, 03:55 PM
G5 كافي ووافي :D مرتاح لأبعد درجه معاه
alex
05-09-2006, 06:47 PM
للأسف هذا الرقم الي عندي على الكرت .. ممكن غيروا الرقم >_<
Digerati
05-09-2006, 07:24 PM
OK, thnx anyway man ..
Digerati
05-09-2006, 09:36 PM
أخ alex، يا ريت لو تعطيني عنوان الموزع أو الوكيل لـ Logitech .. :)
bindavid
05-09-2006, 11:17 PM
أنا عندي فأره razer dimondback و أنا أشوفه ممتاز و الماوس باد عندي thermaltake (gamma pad و الحمدالله مرتاح
عمود ارتكاز
07-09-2006, 01:09 AM
ماعليك من السعر اللي يعطيك إياه أرض البرامج لا صرت زبون دايم عندهم يعطونك بسعر التراب
مثلا الـ G5 يوم رحت أشتريها من عنده كان مكتوب عليها 370 ريال أنا أخذتها بـ 275 ريال !!
الـ Resrator2 من زالمان حاطينه بـ 2250 وأنا أخذته بـ 1650 ريال .
الرايتر pioneer أخذته بـ 285 وهذا سعر حتى أصحاب المحلات مايلقونه لو تطيح السماء
أخوي أنس أرض البرامج يطلبلك اللي تبيه بس مهو لأي واحد إلاإذا كانت طلبيتك تسوى
باث عل قلبي على الباد وفي الأخير قالي معد هي متوفرة حاليا كأني طالبلي Body Kit لسيارتي
ويوم رحت لسوفت لاند طلبتها ووصلت بـظرف أربع أيام وأخذتها بـ 155 ريال اللي هي Razer Exactmat
وبعدين باث يضخم المواضيع ويصدع راسي بالفلسفة ولا يقدر زبونه ، ولو إني زبون عادي أروح لأرض البرامج وأدفع
فرق السعر ولا أضرب مشوار وأعبي الترمس موية وأفلل التانكي ويوم أوصل أقول الحمدالله على السلامة وآخر شي ماألقى اللي أبيه ، ماألقى إلا واحد يكلمني من طرف خشمه واثنين زيود
مسوينلي مهندسين ;)
بالنسبة للأسعار المحل إيجاره 250 ألف ريال بالسنة وعنده 16 عامل فيه ويدفع فواتير لليل هذي كلها من وين بيطلعها إذا مارفع السعر شوي أنا أعرف صاحب المحل شخصيا
المقصود انه مهو بحرامي الرجال حط السعر اللي يخارجه وين السرقة هنا احسبوها انتم ، هذا غير محل الثاني اللي هو ثنائيات ومحله اللي قاعد يضبط فيه اللي يمين صراف ساب
هذا غير مصاريف الرجال نفسه هو وعائلته ، فلو تنحسب أشوف ان أسعاره مناسبة جدا بالنسبة لي لأني ما أحب الاستغلال ،،
باث إيجاره 7000 ريال للفتحه بالسنة وعنده فتحتين يعني يدفع 14000 بالسنة وماعنده إلا عاملين وواحد مهو دايم موجود مدري وش سالفته
يعني لو تنحسب اللي يدفعه باث مصاريف بـ 17 سنة يدفعه Soft Land بسنة وحدة !
وبضاعة أرض البرامج اللي يرصها على ثلاث رفوف هذا اللي عند باث كله ، ولا تنسون ان المحل دورين الدور العلوي مستودع يوم دخلته قعدت أصيح أقول ياليت هذا كله لي
اللي أبي أوصله ان مافيه مجال للمقارنة بين المحلين أبدا :)
amajed
07-09-2006, 02:46 AM
هذا يدل على ان تفكير باث افضل من تفكير صاحب ارض البرامج
انا ماني مشرف اجتماعي اشوف الخسران واروح اتصدق عليه بطريقة غير مباشرة
بالنسبة لي يهمني السعر القليل ! يهمني كيف اقدر اشتري افضل القطع باقل تكلفة ممكنه
وبعدين حلوه زبون دائم ويصير يخفظ لي
تبي تقول لي لازم اصرف عليه الين يطفر فيني وآخرتها يقول يالله تعال اشتر مني واخفض لك &#247;_&#247;
حلو تفكيرك :p

ارض البرامج اشتريت منه كيس تسونامي وبعدها بكم يوم اشتريت منه كرت 9600 حق ATi ثم بعدها بكم يوم اشتريت مشتت زالمان مع معجون اركتك مدري وش اسمه
المهم مع كل هالاشياء مازال سعره مايتغير رغم اني اجلس بالساعات انا وياهم عشان يخفظون لي
غير كذا اذا باث من طرف خشمه فوش تقول عن الهنود الي في ارض البرامج
كل واحد شايف نفسه بيل قيتس على غفله
تتكلم وياهم كأنك جاي تشحت عندهم
يعني مافيه احترام للزبون ابد
بالعربي تتكلم معاه وهو يقول يا تشتري من عندنا يا تطلع برا ! انواع القلق

اما باث تتكلم معاه تحس انه موب معاك والدنيا ماليه راسه هموم
وتنشب له شوي ثم يناظرك ويسمع منك ويعطيك كم كلمه حلوه بس لا تصدق كل شيئ يقوله !
ومعاه اثنين على قولتك ماشافوا عمرهم ولا هم يحزنون
الا عساك تشوفهم
كل واحد فيهم ماسك له زاوية في قسم الصيانه وكافي خيره وشره :)

وغير كذا محد طلب من ارض البرامج انه ياخذ له افضل مكان ويدفع سعر عالي على اجار فتحه ويستأجر له مليون عامل تقول معرض اكسترا على غفله
وآخرتها يرفع الاسعار بحجة المصاريف
هذا موب عقل تجاري نهائيا

باث ماشالله عليه
فتحه وحده بس الي يشوفه يقول مافيه امل اخش المحل ذا
ومع ذلك سمعته في اغلب مدن المملكه
حتى ان بعضهم يجون يشترون منه ويرجعون
وبعضهم يطلب منه وباث يوصلها له عن طريق الشحن

تفكير تجاري جيد
يجمع مابين تقليل المصاريف وكسب الزبائن

واذا بغيت باث يركز على طلباتك بشكل ممتاز خلك زبون دائم برضو
انا لو اطلب منه شيئ مايجيب منه كمية راح يوصلني :) حتى لو كان من موقع يختلف عن الموقع الي يتعامل معاه
لاني زبون عنده

اما مسألة اني انسرق لي سنه كامله والهدف انهم يعتبروني زبون عشان يبدأ سعرهم يكون معقول بس &#215;_&#215; بصراحه لاتعليق :)
عمود ارتكاز
07-09-2006, 03:15 AM
الفكرة مهي كذا ولا كان المقصود تقليل أهمية أي طرف
المقصود بس توضيح الفكرة والفرق بين هذا وذاك على العموم كل محل له زباينه وللحين أقول مافيه مقارنة بين الاثنين بتاتا
وبعدين حرام عليك ياخي الحين الهنود اللي في أرض البرامج متكبرين ، ولو إني مندوب مبيعات
أبسوي مثلهم أول مايدخل الزبون أبنقز في وجهه وأقوله آمر مهو أدخل وأطلع ولا أحد درى عني
على العموم شكلي أثرت موضوع حساس بالنسبة لك ، ووسع صدرك يارجال الله ياخذ الاثنين كن
بجيوبنا شي !
amajed
07-09-2006, 03:07 PM
والله تقدر تقول الموضوع حساس شوي بالنسبة لي من كرهي لارض البرامج :D

على العموم شكلي تحمست بزياده ^^ يالله كل شيئ لازم له عيوب :)
Digerati
07-09-2006, 05:21 PM
أوف، أوف .. يا أخي صدقني مو مستاهلة، كله أضرب من بعضه .. و المهم في الأخير مصلحتك و بس .. بالنسبة لي الاثنين ناصبين علي .. و ما طيق ولا واحد منهم .. :31:

Chill out dude.. :)