المساعد الشخصي الرقمي

مشاهدة النسخة كاملة : بكم سعر الكيوب الامريكي؟


ss020202
18-11-2001, 08:52 PM
اهلين شباب
ابغى اعرف سعر الكيوب الامريكي بالضبط
لأني ناوي اشتريه مادام سونيك تيم انضمت مع نينتندو تيم خلاص وش باقي يعني راح اشوف سلسلة العاب سونيك عليه



المهم بكم ووش الالعاب الي راح تنزل معه
والله يعطيكم العافية
nintendo
19-11-2001, 02:16 PM
نأسف للتاخير اخوي ss020202 .

سعر الكيوب الامريكي 199 دولار يعني تقريبا 800 ريال سعودي بس عندنا راح يكون تقريبا ب 1500 ريال .

بالنسبة للالعاب فهي تقريبا 15 لعبة منها لويجز مانشون وويف ريس وستار ورز وكريزي تاكسي وفيفا ومونكي بول والعاب بيسبول وكرة قدم امريكية وتوني هوك3 وطرزان وباتمان وبعد اسبوعين من نزول الجهاز بتنزل بيكمن وسماش بروس والعاب كثير غيرها ..

اما سونيك فهي راح تنزل في ديسمبر في اليابان وفي بداية 2002 في امريكا ...
the slayer
19-11-2001, 04:13 PM
كيف على 1500 ريال و ذا يلدر اشترها ب930 ريال
The Elder
19-11-2001, 07:15 PM
انا حبيبي موجود في امريكا. هنا تاخذه بالسعر الاصلي. انا اشتريته ب799 ريال. ومع كرتين ذاكرة صار ب932 ريال. فرق كبير. على بالك من وين التجار في السعودية يشترون 16 شبح. من ظهورنا.

الدر
ganon0
19-11-2001, 07:19 PM
ما اقول الا حسبي الله على هالتجار الجشعين ..زاصلا ما فيه اجشع من التاجر السعودي على وجه المعموره ...
انا الى الان ما سألت عن السعر هنا بالرياض بس شكله على ما قال ننتندو...
الله يعين
the slayer
19-11-2001, 08:56 PM
هاذي تجارة و التجارة شطارة :cool:
ss020202
20-11-2001, 09:23 PM
شكرا الف على الرد بس اريد اعرف هل يوجد كوبي لأني والله عايش عليه ولا عندي فلوس اجيب اصلي
nintendo
21-11-2001, 03:51 AM
والله يا اخ ss مافي اي شئ اكيد حتى الان لانه ننتندو اكدت انه الجهاز الياباني ماراح يشغل امريكي بس الهاكر ماقصروا يعني يمكن في المستقبل يطلع كوبي ماحد عارف ....
ganon0
22-11-2001, 02:46 AM
مناقشه جيده..احييكم:p
bizkit
22-11-2001, 03:12 AM
سعر الكيوب الامريكي ياطويل العمر انا سائل عنه اليوم بـ 2300 (نصابين) :واو: :غضب: وبدون شي بعد بس الجهاز ويد وحدة والمحل في الرياض واسمه ركن العاب الكمبيوتر وله ثلاثة فروع
1- الربوة :2080851
2- الريان :4931950
3-العليا :2935973
انا حطيت لك الارقام عشان تسأل وتتأكد بس ..:أفكر:
ss020202
23-11-2001, 09:15 PM
ماعليش شباب تأخرت عليكم بس ما كان عندي اشتراك
الجميع مشكور على الرد وما تقصرون ابد
بس عندي سؤال يا اخ نينتندو
س- هل اضمن اني سأشاهد اجزاء سونيك القادمة (3-4-5-...) على الجهاز وبرسوم ممتازة تصل الى رزدنت ايفل(عطني توقعك في الرسوم)
اذا كان جوابك بنعم في هذه الحالة انا مجبر على شراء الجهاز مادام احسن لعبة عندي راح تتنازل عليه

وشكرااااا مرة اخرى يا ننتندو , انا احس انك احسن عضو في هذا المنتدى لأن مواضيعك رهيبه وردك رهيب
وتستحق اسم (nintendo) بكل جداره , والجميع مايزعلون حتى انتم ما تقصرون ابد وكلكم يكفي انكم تحبون شركة نينتندو