عام سعر...البلاي3...عند الصدور... [الأرشيف]

Guilty Gear X

07-09-2006, 06:55 PM

:( :( :( :(
كنت اخطط لاحصل على البلاي 3 في تاريخ الصدور يابانية
ومن المعلوم مؤخرا انه لن يكون هناك الا 100 الف جهاز لليابان .
لذا انتظهر اقرب فرصة لاحجز الجهاز عن احد الموردين الذين اتعامل معهم في النت.
لكن المفاجاه هي

سعر

البلاي3

هو

2400 دولار امريكي!!!!

او ربما 700-750 دك.....

ربما يقول البعض لا هذا سعرة 600 فقط
لكن هل جربت ان تشتري جهاز ذات كمبية محدودة؟
مثال
البي اس بي اول ما صدر كان سعرة اكثر من دبل , ربما يصل الى 1000 دولار
انا شريتة بعد صدورة بشهرين بدبل السعر "وهذا سعرة بالنت وليس الخليج , الخليج اكثر"

2400 = 600 + 600 + 600 + 600

2400 ليس الحد الاعلى , والمضاربة مستمرة...

واذا وصل الخليج ( هذا اذا وصل) اعتقد سعرة يكون من 800- 1000 دك؟

.....تلاشت احلامييييييييييي
من قائل هذة العبارة؟ :09:

rubso

07-09-2006, 07:00 PM

.....تلاشت احلامييييييييييي
من قائل هذة العبارة؟ :09:
اللي قالها "تونو" يوم انشقت الارض وبلعته ودزه ماجيما شكله كان اسد خخخخ ( كبمارو )

Recca

07-09-2006, 07:01 PM

تونو من كابامارو p=

too much for the price....

bounty

07-09-2006, 07:03 PM

لول نواف اشتره XD

إبقى قابلني لوووول

Austin 3:16

07-09-2006, 07:59 PM

أنا ماأعرف ليش مصممين أنكم تشترون الجهاز فور صدوره ... انتظروا سنة .. أو سنة ونصف ..مثل ماانا مخطط عليه ...

shinji mikami j

07-09-2006, 08:26 PM

أنا ماأعرف ليش مصممين أنكم تشترون الجهاز فور صدوره ... انتظروا سنة .. أو سنة ونصف ..مثل ماانا مخطط عليه ...

فكرة منطقية , ننتظر حتى يصير مبلغ الجهاز جيد .. ومن ثم نشتريه ..و لاداعي للعجلة ^^.

Loewe

07-09-2006, 08:38 PM

السلام عليكم

2400 دولار تقريباً تساوي 9000 درهم

ذهبت للمحل من مدة وسألته عن سعر الجهاز فور صدوره وأكد لي انه من سابع المستحيلات ان يتعدى الجهاز وبنسخته الكبرى 60GB سعر الـ 4000 درهم ومع انى عاكسته وقلت له انه المحلات تزيد وسعر الجهاز في الدول الرسمية 600 دولار أستمر في تأكيده على انه لن يتعدى الـ 4000 درهم وذلك مع الضريبة وكل شيء وهذا هو السعر المتفق عليه في كل المحلات وعندما سألته عن السبب قال لي انه سوني أتبعت سياسة جديدة لبيع الأجهزة في الدول الغير مستضافة وقلت له وضح فقال لي الحصول على الجهاز عند إصداره سيكون أسهل بكثير وسوني حرصت على هذا الشيء لذا سوف يتخطى الجهاز في دول الخليج الكثير من المبالغ والضرائب لسهولة شحن الأجهزة والحصول عليها .

وأنا مريت على أكثر من 6 محلات كذلك وأكدوا لي نفس الشيء

لذا لمن يريدوا ان يشتروا الجهاز عند إصداره يحطوا 4000 درهم أو ريال في جيبهم وهم متطمنين انه السعر ما رح يزيد أكثر !

Freaky Angel

07-09-2006, 08:46 PM

أنا ماأعرف ليش مصممين أنكم تشترون الجهاز فور صدوره ... انتظروا سنة .. أو سنة ونصف ..مثل ماانا مخطط عليه ...

احس انك تفكر مثلي .. مع نزول RE5 & MGS4 & GTA6 << افضل الالعاب والمتظرة بنسبه لي

مع عدم انكار ان في العاب بتنزل قبلها رائعه بس مو مثل ذولا

يعني بالعربي الفصيح وفروا قريشاتكم الا ما بعد صيفية الـ 2007 م

كنصيحه..

وشكرا << افلقني ياشيراك :D

Pr.Game

07-09-2006, 08:53 PM

التعامل في اليابان بالين والعملة سعرها كبير جداً وبما أن الأجهزة ستصدر لليابانيين فقط فعادي يكون هذا سعرها ..
نظراً لارتفاع سعر الين ..@_@
الشغلة كلها حسابات اقتصادية ..
على العموم حسب علمي أول ما نزل السوني 2 كان بأربع آلاف ..
وبعدها بنص سنة صار ألفين .. ننتظر كم شهر وتنزل الأسعار ..

hamad_007

07-09-2006, 09:06 PM

أصلا مستحيييييييييييييييييل يكون سعر الجهاز فوق ال6000 .
يعني بالعقل منو هذا الي بشتريه اذا كان فوق 6000 ؟؟؟؟

و بالنسبة لمحدودية الكمية
هم ما أعلنوا عدد الأجهزة الي بشحنوها في أوربا
و بعدين أنا ما أعتقد انهم بنتجون 500 ألف جهاز و خلاص
أكيد بنتجون أكثر عن هذا العدد بعدد نزول الجهاز .

Pr.Game (http://www.montada.com/member.php?u=58554)

تاريخ الإشتراك : 09-09-2003
الإقامة : مكة المكرمة - Medical Student
المشاركات: 18,155
عدد النقاط: 72

ما شاء الله
18155 مشاركة !!!!!!!!!!!!!!!!!!!!!!!!!:wow: :wow: :wow:

rubso

07-09-2006, 10:20 PM

نظراً لارتفاع سعر الين ..@_@
Pr.Game ، سعر الين عندنا بالكويت، فلسين .. ما يسوى شي بالعربي !

THE_MATRIX

07-09-2006, 10:28 PM

شيء لا يخطر العقل بكل اختصار

robinho

07-09-2006, 10:46 PM

تبون شوري سعر تذكرة الطيران من الكويت أو الخليج عموما إلى واشنطن دي سي تساوي 370 دينار و سعر الجهاز يعادل بالكويتي 180 دينار

فإذا المحلات بتبيعه بسعر 800 - 1000 دينار مثل ماتقولون عندي أنا
370+180=550 دينار وايد أحسن من ال800-1000 دينار و هم مع الجهاز في تغيير جو:D

باب الالعاب

08-09-2006, 12:11 AM

بصراحه كنت ناوي اشتري الجهاز علشان التحفه فاينل فانتسي فقط

لاكن الان صار من سادس المستحيلات قبل الموت اني اشتري الجهاز

قوود لاك شوني <<<< حظ اوفر مع البلاي 4

Pr.Game

08-09-2006, 12:27 AM

Pr.Game ، سعر الين عندنا بالكويت، فلسين .. ما يسوى شي بالعربي !
بعد التحقق صحيح بالسعودية يطلع 0.03 ريال ..
على العموم إذا ما كان على سعر العملة ربما يكون على قيمة المعيشة هناك والله أعلم..!

rubso

08-09-2006, 12:32 AM

بعد التحقق صحيح بالسعودية يطلع 0.03 ريال ..
على العموم إذا ما كان على سعر العملة ربما يكون على قيمة المعيشة هناك والله أعلم..!
ولا قيمة العيشة ولا هم يحزنون، المسألة مسألة انه الـ PS3 سوني اعلنت انه Open Price .. كأنه مزاد .. مو نفس الـ PS2 اللي كان سعره رسمي باليابان، او الـ Xbox 360 ..
واللي زاد الطين بلة، الـ 100 ألف وحده فقط، الطلب مرتفع، والعرض منخفض = سعر مرتفع جداً..

HORROR MASTER

08-09-2006, 04:13 PM

و اكيد اذا نزل عندنا بالسعودية راح يكون سعره
ما بين 6000و7000 ريال <<<<<< ما يبغالها كلام محلات عندنا نصب×نصب
واحسن شي تتتظر سنتين أو اكثر حتى يكون بسعر معقول
و شكرا

Blue Ocean

08-09-2006, 04:58 PM

همممم مو كأنكم قمتم تصايحون والرجال يتكلم عن الاصدار الياباني من الجهاز واليابان مالها سوا 100000 فقط!!

انا اتمنى انه ينزل بأميركا اول يوم على السعر الرسمي 600 دولار واهمممم شئ المواقع تنزل امكانية الحجوزات عليه من بدري انا بصراحة من الناس اللي يبونه من اول يوم ومحدد له 1000 دولار ان جاءت حياه الله زاد عن الالف يومها بتصير الشغلة نصبة وساعتها انتظره كم شهر احسن :)

H.R

09-09-2006, 08:00 AM

ما اتوقع رغم ان كمية محدودة وقت اصدار وليس عند نهاية سنة
عند نهاية سنة راح يكون عددها 2.1 مليون

Tamaki_q8

09-09-2006, 09:20 AM

very expensive --;

i hope ps3 games not 50 kd each LOL

:D

Son_OF_Liberty

09-09-2006, 10:06 AM

راح انتظر سنه او سنه ونصف
مو عشان السعر بس برضوا عشان صدور الالعاب والموديلات الجديده من الجهاز (&)

Zero

09-09-2006, 11:31 AM

Emirates

09-09-2006, 11:35 AM

Zero

09-09-2006, 12:06 PM

لان مب الكل يقدر على سعره في الوقت الحالي
اللي يبغى ياخذه فور صدوره يقدر يصبر أربعة .. ستة .. سبعة شهور بعد موعد صدوره
اللي أحب أرمي إليه أن اللي يبغى ياخذه في وقت إصداره مو شرط يصبر "سنة .. سنة ونصف"
بالعربي مللت من ترديد الجملة السابقة على ألسنة الأعضاء XD!

veronica007`

09-09-2006, 12:16 PM

سعره راح ينقص

Freaky Angel

09-09-2006, 02:01 PM

اخوي زيرو

لان في ناس مخططه مثلي

تشتري الويي اولا ...

وتشتري البلاي 3 بعد صيفية 2007 لان الالعاب المنتظره بتكون بذيك الايام

GTA6

RE5

MGS4

Army of Two

(( ادري ان في العاب رائعه بتصدر بس مو باهمية الالعاب هاذي :blackeye: ))

انصح انك تشتري الوي بهاذي الفتره

1- لرخص سعره << ان كانت ماعندك ميزانيه يعني ههه :09:

2- تحربه لانه يعني صراحه يبين حلو مرة واجهاز التحكم بعد منه :D

3- الالعاب اللي بتكون عليه بتكون مو بطاله

وذي وجهة نظري

للعلم

اذا كانت الاسعار

ترى الميزانيه تكفي ولله الحمد لشراء اكثر من جهاز :D

بس المضمون هذا انا اللي اتكلم عنه

اشتروا الويي وماجاكم بوجهي :D

sweet Mio

10-09-2006, 01:29 AM

واذا وصل الخليج ( هذا اذا وصل) اعتقد سعرة يكون من 800- 1000 دك؟

نعم ؟؟؟؟؟؟؟؟؟؟؟؟؟؟؟
800 او 1000 :wow:
يا ربي شنو هذا :ds002:

مالي امل اشتريها :ds007:
انتظر يقل شوي لو يوصل 400 اوك انا اقدر اشتري اما 1000 :wow:
يا مامي والله ما احلم فيها :(

Electro M

10-09-2006, 10:49 AM

تعرف كبمارو :31:؟

Zero

10-09-2006, 12:39 PM

تعرف كبمارو :31:؟

لووووووووووووووووووووووووووووووووول :09:

انصح انك تشتري الوي بهاذي الفتره

لكن أنا قلت وراي دراسة :أفكر: ، وأول ما راح أخلص راح أتجه للـPS3 وأكثر ما يهمني FFXIII ..
وبعدها آخذ ما لذ وطاب من الأجهزة :D

Emirates

10-09-2006, 01:37 PM

طيب ليش الكل على لسانه كلمة "سنة .. سنة ونصف" ؟ ، اللي يبغى ياخذ الجهاز فور
صدوره وهذا شي صعب ، يقدر يصبر له أربعة شهور أو أقل أو أكثر شوي ومو مثل المدة
اللي على لسان الكل "سنة .. سنة ونصف" :31:

عموما أنا راح آخذ الجهاز لما أخلص من دراستي الثانوية وما راح آخذه قبل حتى لو تمكنت :أفكر:
وشكرا ..

الناس مب مثل شورك انت تقدر لكن في اعضاء ما يقدرون حتى بعد سنه

كل الاعضاء ومقدرتهم

يعني بالعربي كل عضو يدش يلقى هالسعر مخطط يشتريه ليمن يرخص ومحد يقدر يعلق على رايه

مو بس اعضاء المنتدى وايدين والسبب سعر البلاي اللي يتعدى ال 2200 درهم اماراتي >> سعره الاصلي في الخارج

يعني بسعر التجاره عندنا لين ما يكون متوفر الجهاز اكيد بيكون 2800 درهم ! طبعا بعد نصب الاصدار اللي يتعدى ال 5000 درهم

كل وله رايه يمكن الاكثريه مخططين ياخذون الجهاز عند صدور الالعاب المنتظره بقوه على الجهاز وهالالعاب ما بنشوفها الا بعدييين مثل اللي قال بيشتري الويي

وانا حاليا عندي الاكس 360 اقدر اصبر لين ما تنزل العاب البلاي 3 القويه امثال ديفل مي كراي 4 وميتل جير 4 وغالبا العاب مشتركة اقدر اشتريها على الاكس 360

ما فيه شي يخليني اشتري جهاز غالي حتى بعد 6 اشهر من صدوره اذا ما توفر لي ميتل وديفل 4

Zero

10-09-2006, 01:49 PM

ما فيه شي يخليني اشتري جهاز غالي حتى بعد 6 اشهر من صدوره اذا ما توفر لي ميتل وديفل 4
مممم لا بأس :أفكر:
عموما أنا راح آخذه من وكالة سوني اللي تبعد عن البيت 10 دقائق وهذا بعد فترة طبعا
هناك كل أجهزة سوني تنباع بسرعها وأجهزة التلفزيون والبي اس بي كانت خير مثال ،
وأتوقع لما تجي دفعات جديدة من الـPS3 مستحيل ينباع بنصبة XD ..
وكالة سوني سابقا ما كانت تجي على بالي .. خلاص من اليوم ورايح كل شي من هناك
وأنصح أي واحد يبغى يشتري شي يدور له أقرب وكالة :blackeye:

Emirates

10-09-2006, 01:56 PM

زيرو انت من السعودية ؟

عندنا الوكالات ما تجيب الا PAL وانا شخصيا افضل الامريكي عن ال PAL

وهنيه مشكلة الوكالات عندنا

Zero

10-09-2006, 02:08 PM

زيرو انت من السعودية ؟

عندنا الوكالات ما تجيب الا PAL وانا شخصيا افضل الامريكي عن ال PAL

وهنيه مشكلة الوكالات عندنا

نعم من السعودية ، والوكالة اللي عندنا جابت الـPSP بالإصدار الياباني والأمريكي
ولا عمري شفت الإصدار الأوروبي خخخ ! وطبعا هذا الكلام منطبق على أجهزة أخرى

rubso

10-09-2006, 06:59 PM

احنا ايضاً بالكويت وكالة سوني تجيب PAL ، والمحلات الرسمية مثل الغانم تجيب PAL بعد، حتى الاكس بوكس الاول كان نفس الحالة PAL .. وتجيبه ارخص لكن متأخر ومعاه العاب تاريخية.

Mr. Black Man

10-09-2006, 10:14 PM

سعر مبالغ فيه :33: :33:
أعتقد إني بنتظر سنة بعدين بشتري الجهاز :biggthump

Son_OF_Liberty

11-09-2006, 03:12 AM

تعرف كبمارو :31:؟
my favorte charctar (&)

Maldini

11-09-2006, 10:21 AM

أنا ماأعرف ليش مصممين أنكم تشترون الجهاز فور صدوره ... انتظروا سنة .. أو سنة ونصف ..مثل ماانا مخطط عليه ...

أقول انتظروا لسنة 2014 أحسن :D أنا مخطط أعمل هيك :o

Soliden

11-09-2006, 11:00 AM

زيرو, الوكالة تجيب الإصدارات الأمريكية واليابانية :bigeyes: .. حسب معلوماتي هو الـ PAL الوحيد إللي له وكيل في دول الخليج.. لذلك ينزل بسعر معقول + يكون معاه ضمان وشغلات ..

الناس كانت تفضل الأمريكي على الأوروبي بسبب مشكلة الأنظمة .. لكن هذه صارت محلولة .. يعني الجهاز الأمريكي يشغل الألعاب الأوربية واليابانية ..زي ما سوت سوني مع الـ PSP ..

بالنسبة لي, راح أشتريه بإذن الله بعد سنة أو نصف سنة <-- :09: .. على كل حال .. هذه الفترة أفكر في الوي .. بعد ما نجيبه نشوف هرجتنا مع البلاي .. إللي طبعا راح أحاول أوفر له الـ HD TV .. ولو كلفني الأمر أسطو بنك الراجحي (&) ..

Maldini

11-09-2006, 11:06 AM

ولو كلفني الأمر أسطو بنك الراجحي (&) ..
لا تنسى تتصدق على الغلبان هورور >>>> لله يا محسنين .. :09:

Electro M

11-09-2006, 11:24 AM

SOL
Me too :31:

انواع التخريف :31:
الوكالة لما تشتري منها الجهاز حاليا
بتعطيك اياه بدون قطعة تشغيل الكوبي

ولما تروح تركب له القطعة
بيشيل المحل ختم الضمان من الجهاز و يروح عليك الضمان

Zero

11-09-2006, 01:18 PM

SOL
Me too :31:

انواع التخريف :31:
الوكالة لما تشتري منها الجهاز حاليا
بتعطيك اياه بدون قطعة تشغيل الكوبي

ولما تروح تركب له القطعة
بيشيل المحل ختم الضمان من الجهاز و يروح عليك الضمان

أنواع التخريف ؟
في كل الأحوال أنت وما يناسبك ، أصلي أو كوبي ..

ولد الصائغ

11-09-2006, 02:12 PM

واااااااااااو بس أكيد في الخليج أغلى بتصير

<<senior>>

11-09-2006, 05:00 PM

يا وييييييييييليييييييييييييييييييييييييييييييي 2440 دولار !!!!!!!!

وانا سامع سعرها راح ما يرتفع عن ال300 دولار ...

ههههههههههههههههههههههههههههههههه

كلام فاااااااااااااضي

زلمه

12-09-2006, 04:32 PM

اولا : اليابان نسخهم قليلة ولهذا ربما يصبح السعر خيالي

ثانيا : من يقارن اليابان بالخليج في الغلاء فهو يحلم فطوكيو ولندن هذه اغلى المدن في الترتيب العالمي بينما دبي اغلى العربية وترتيبها ال 30 تقريبا حول العالم وبعدها مدن الخليج الاخرى مقاربه لها

من يقارن الين بعملته فهذا مخطئ فمثلا الدينار الكويتي يساوي 3 دولار فهل الكويت اقوى اقتصادا من امريكا ودولارها الذي يسيطر على العالم !!

صرف الين ارخص من الروبيه الباكستانية والفرق كبير بين مستوى معيشة اليابان وباكستان

لهذا اتوقع سعر اللعبة بحدود عليا من 600 دولار ل 800 دولار بالخليج

وانا بالامارات سالت يتوقعون 600 ل 700 دولار

PlayStation3

13-09-2006, 02:02 AM

احس انك تفكر مثلي .. مع نزول RE5 & MGS4 & GTA6 << افضل الالعاب والمتظرة بنسبه لي

وتشتري البلاي 3 بعد صيفية 2007 لان الالعاب المنتظره بتكون بذيك الايام

GTA6

RE5

MGS4

Army of Two

GTA6 !!!!!!!!!! شكلك من اللي يسمي الشريط حرامي السيارات ويسمي الجزء حق VC الجزء الرابع والجزء SA تسميه حرامي السيارات الخامس خخخخخخخ والLiberty City Stories الجزء السادس اجل مفروض اللي بينزل على الPS3 يصير الجزء السابع على كلامك مو السادس :09:

اللي بينزل على الPS3 هو الجزء الرابع يالحبيب :o

GT40

13-09-2006, 04:36 AM

ماعلي يالربع سهلات ......:D ......

مابليد حيله :(

Mr_Bright_MOON

13-09-2006, 05:24 AM

يجيب الله مطر...

والله افكر اشريه بعد سنه او حتى سنتين منها يرخص السعر وتنزل العاب جديدة

وbesides عندي العاب كثيرة على البلاي ستشن توي ماخلصتها.. :(

Son_OF_Liberty

13-09-2006, 07:02 AM

.. إللي طبعا راح أحاول أوفر له الـ HD TV .. ولو كلفني الأمر أسطو بنك الراجحي .
damn it
قبل اسبوع دخلت على معرض شركة سوني الي بسوق حراء لقيت TV عندهم خيالي مواصفاته لكن سطلني بالسعر قالي 8000 (&)
مع العلم إنه الاصغر خخخ

الي بغيت اقوله اذا بتسطو على بنك الراجحي كلمني لأني كمان ابغا HD TV :31:

robinho

13-09-2006, 09:13 AM

شباب يالي بتبوقون نطروا خل نسوي بوقة عالمية انتوا بالسعودية واحنا بالكويت انتوا بنك الراجحي و احنا البنك الوطني أعتقد مليون واحد بس ماراح يأثر على أرباهم الي تصك على ال500 مليون دينار صافي ربحهم ولا راح يحسون في الفلوس المبيوقة:p

هيهيهي

Son_OF_Liberty

13-09-2006, 12:14 PM

أهم شي ابغا أصير ثري ومن أصحاب رؤس الاموال بالسوق السعودي عشان بس تستضيفني نادين هاني ببرنامج غداء عمل من العربيه (&)

Abdul-Rahman

13-09-2006, 12:21 PM

طيب يا شباب بطلنا نشتري الجهاز إلا لمن اخلص الدراسة ( توجيهي ) ويرخص سعر الجهاز
مرة وحدة بس في كم لعبة حلوة بتصدر مع وبعد صور الجهاز بمدة قصيرة
وش اسوي لو مرت سنة بتصير الالعاب قد إنقرضت
تصدقون إني افكر اروح اشتري كل ما تطلع لعبة خطيرة من المحل بدون الجهاز :D
يعني بخلي الالعاب مركونة إلى أن اشتري الجهاز :D ترا ما امزح
المهم يللي بيسطو على الراجحي حطوني معاكم

Drasticxx

13-09-2006, 01:29 PM

لا اخوي هذي وايد غالي

انا اعتقد بيكون 370 دينار بحريني

Mohammed

14-09-2006, 09:40 PM

أنا ماأعرف ليش مصممين أنكم تشترون الجهاز فور صدوره ... انتظروا سنة .. أو سنة ونصف ..مثل ماانا مخطط عليه ...

طيب ليش ما تنتظر خمس سنوات و نصف زي ما عملت انا مع البلايستيشن 2 و اربع سنوات مع الاول:33:

و الله من جد:boggled:

الجام العربي

14-09-2006, 11:22 PM

الصبر ياجماعة خلوا المحلات الخليجية وخصوصاً بالسعودية الإستغلاليين تنتكب مع وحداتها
وخلوا سعر 4000 ريال لهم
وإن شاء الله يكون أول الوحدات الواصلة للخليج بها أعطال حتى يتأدبوا ..............
وإن كنت أنا راعي محل ببيع الجهاز بـ 750 دولار فقط بأول 7 شهور
هذا وأنا كسبان مرة

kyo

17-09-2006, 02:59 PM

كلمة صبر سهلة بس لمن تشوف الجهاز قدامك راح تكون صعبه

بس انا عن نفسي راح انتظر لين ينزل سعره واكون مظمون مو زي البلاي ستيشن2 اول مانزل اكلتها على وجهي كان الجهاز مجمع من دبي وخسرت عليه خساير كلها تركيب قطع الي تشغل الكوبي وشغلانه كانت

وسلامتكم......

HUMAED

30-09-2006, 09:37 PM

للعلم ..السعر 600$
يعني 1800 درهم\ريال ...
بس يمكن" النصب"يخلونة 3000 لااكثر ..
وهذا اللي يقول 6000 !!!!!!!!!!!!!!!!خلة يرقد احسن لة !!!!!!!!!!!!

# big show #

30-09-2006, 09:56 PM

مثل الاكس بوكس 360 ...

بدأ بسعر 5000 ريال !!!!!!

من جد ولست امزح ...

ولكن اذا صبرت عليه 6 اشهر ...

ستلاحظ الفرق في السعر ...

والآن سعر الـ360 حوالي 1890 ريال !!!!!!

يعني كل يوم بتناقص سعره ...

علماً انو نفس الجهاز والاصدار والقطع ونوع وقوة العدسة ...

ولكن من يريد ان يسبق الوقت بعدة اشهر ويشتري الجهاز بـ 5000 ريال فله الحرية الكاملة !!!!!

وأنا عن نفسي راح اشتريه لما تنزل مكافآت الجامعة (آخ منك يا طيبة !!!) ...

وعلى كلٍ ...

أنصح بالصبر ...

وليس كما قال الاخ الفاضل :kyo9

على طول نشتري الجهاز اذا شفناه في المحلات ...

وطبعاً هناك ما ييكفي ويصبر في الـP S 2 ...

ونحن للجهاز بالمرصاد ...