المساعد الشخصي الرقمي

مشاهدة النسخة كاملة : محتار وش اطلع سيارة (ارجو المساعدة)


half life
10-09-2006, 01:11 AM
السلام عليكم

اخواني انا متحير بين عدة سيارات وابغي رايكم

فولكسفافن باسات 2.0 اربعة سلندر فل اوبشن
دودج تشارجر ستة سلندر فل اوبشن
اكورد اربعة سلندر فل اوبشن
ولا التيما .....

انا بصراحة عاجبني شكل الدوج تشارجر واجد اكثر من اي سيارة , بس المشكله ما فيه الراحة والفخامة اللي في الباسات , ولا ابغي الاكورد مع انه من افضل الخيارات لانه صار شي مو مميز

ابغي تعليقكم على السيارات واستخدامه ,او وش تنصحوني بسيارة غير قولولي , بس تكون بأقل من 11 الف دينار ( 110 الف ريال ) , وعطوني ميزاتها

اتمنى الرد
Thug Life
11-09-2006, 01:30 PM
فولكسفافن باسات 2.0 اربعة سلندر فل اوبشن
شيلها من راسك :bigeyes: .. اعطال تصنيعيه بالهبل ..

دودج تشارجر ستة سلندر فل اوبشن
هنا الكلاااااااام :) .. سياره ما عليها كلام .. الا انه صيانتها " البعض " يقول " غالي " :33:

اكورد اربعة سلندر فل اوبشن
وان ما حصل لك الثاني .. عليك بهالخيار .. وموديل 2007 نازل برمضان .. :)

ولا التيما .....
حلوه .. لكن من اعطالها السريعه " يايات خلفيه " ...>>> تطلعها وكاله .. لك شهر .. ان ما نزلت:31: ..>>> كلام كل اللي عندهم هالسياره .. ياياتها

بالنسبه للحلول الثانيه .. انت وذوقك ..

ان تبي جديد .. انت جبت الخيارات كلها :)

واذا مستخدم ..

انا اعطيك الحلول :)

Thug Life
half life
02-10-2006, 12:05 AM
تسلم خوي على الرد

بس غريبة :33:

انت متأكد من كلامك ؟؟؟؟؟؟؟

انا حطيت الباسات مع خياراتي مع انه 2.0 بس, بسبب الراحة في الاستخدام
وانت تقول فيها عيوب تصنيعية ؟؟؟ :31:

وبصراحة الكل يعرف مشاكل الدودج

وعلى العموم شكرا على الرد

واتمنى من باقي الاخوان الرد
MR.أستبنه
04-10-2006, 02:07 AM
اخوي
الباسات ما عليها كلام
وكل شي عنها اشاعات
وهي معروفه سياره كرف واستخدام ولو ان قطع الغيار حقتها شوي غاليه
التشارجر سياره رياضيه جميله ينقصها بعض الفخامه بس ماشي حالها وما عليها كلام ولو ان الوكيل شوي تعبان في قطع الغير لان بعض القطع ما تحصلها الا بالطلب
الاكورد صارت مثل الكامري كل من هب ودب شرا اكورد وصارت اكثر من القطط في الشوارع
اما الالتيما اذا بتاخذ 6 سلندر انا معك سياره قويه وفيها كل شي وتستاهل
اما 4 سلندر ما انصحك لانها زي الاكورد والكامري
half life
06-10-2006, 03:42 AM
الف شكر لك خوي mr . استبنة على الرد

و احب اخبرك اني انشالله ماشي على الباسات

بس اللي مخلني متردد هو انه مكينة الباسات 2.0 لتر بس

ابغي اعرف هل مشيها قوي ولا لا , شنهو مشيها بالنسبة للاكورد مثلا

وانا بانتظار باقي الاخوان للرد
AMTORNADO
06-10-2006, 05:03 AM
ممممممممممممممممم...اعتقد من حيث التميز وغير منتشره التشارجر اولا ثم الباسات ثم الأكورد ثم الكامري بس انا من رأيي تجيب سياره تريحيك بعدين الأكورد نزل منها خيارات متعدده من المحرك
يتوفر طراز هوندا أكورد الجديد بأربع خيارات هي؛ 4. 2 VTi-L و4. 2 VTi-E و0. 3 VTi-L و0. 3 VTi-E.
MR.أستبنه
06-10-2006, 07:56 AM
شوف اخوي
انا خبري بالباسات القديم
ال2,0 كان مشيها خيال
خاصه بالخط
يعني كانت تمام
اما الجديد ما ادري عنها
لكن اكيد بنفس المستوى اذا مو افضل
الجمس الحمر
06-10-2006, 12:22 PM
هوندا أكورد


بلا تردد



انحش عن الدوج ولا تفكر تشتريه


و يقول البيت

الدوج دجوا هله بأسبوع ** عجزو عن التتن يشرونه


الباسات مدري عنها



إلا ترى الاكورد الجديدة فيها نظام توفير جديد

والظاهر انها أول سيارة تنزله

وهو الهايبرد

وهذا النظام تكون فيه السيارة تحتوي على مكينة البنزين ومكينة كهرباء يعملون مع بعض
و تشحن مكينة الكهرباء عن طريق حركة السيارة الناتجة من مكينة البنزين على ما اعتقد

وهذا يوفر بنزين كثير

وتجي 6 سلندر وسعرها اغلى من العادية
Black Rash
06-10-2006, 12:46 PM
دودج تشارجر وانت مغمض......

السياره رووووعه...صدق انها ذيك الفخامه من داخل بس سياره تستاهل.....

الالتيما كانت معاي صراحه ماتستاهل ريال واحد عليها......تحس اذا مشيت على عيون القطو انها راح تتفكك....

الاكورد كل من هب ودب شراها وصارت مثل الكامري....سياره حنسات....
half life
06-10-2006, 05:17 PM
شكرا لك اخواني على الرد وما قصرتوا

وانا انشاالله راح اشتري الباسات :biggthump

وصدق الاخ الجمس الحمر بانه الدوج حلو لاكن ماله امان :D

مع احترام مشاركة الاخ black rash