تحت المجهر العضو mario3001

[بوشي]

هلا شباب مثل ماوعدناكم فالصراحة كنت أبي ترشحون لكن بما أنكم مارشحتم فأخترنا الأخ:-(( mario3001)) يكون تحت المجهر

في البداية بأبدأ أنا بالأسئلة وبعدها أي واحد يبي يسأل فليتفضل

1- اسمك الحقيقي ؟؟

2- العمر؟؟

3- الدراسة ، وين تدرس؟؟ مدرسة - كلية - جامعة ، مع تحديد السنة

4- من وين؟؟

5- موقف محرج؟؟

باتيح للاخوان فرصة (أي واحد من الأعضاء يبي يسأل فل يسأل)........وتكملة الأسئلة لاحقاًً


ملاحظة:- يرجى عدم تكرار الأسئلة.

يالله ياشباب خذو راحتكم في الأسئلة

[The Elder]

خل المسكين يرد في الأول
حشى امتحان ثانويه عامة. خل يجي دوري اسئل بس. يا ويلك.;)

[the slayer]

شو السالفة ?:

[mario3001]

زين

اسمي: مهند
عمري:17 سنه
ادرس في المرحلة الثانويه 2 ثانوي
من الرياض
ما اذكر موقف محرج اسف

[mario3001]

الوووووووووووووووو
مافيه احد يسأل زهقت احد يسأل يله بسرعه

[ganon0]

اممممممممممممم
_ موقف حزين مر عليك؟
_موقف مؤثر مر عليك؟
_اخر مره بكيت؟و على ايش؟
_متزوج؟:)
_هل انت انسان ميال لحب الناس بدون حذر؟
_هل اكلت لك خابور من قبل بسبب صفه تعتبرها طيبه عندك؟
_هل انت انسان اجتماعي؟ تحب تشوف الناس و تتعرف عليهم؟
_هل انت خجول و الا ما تستحي(قصدي منت بخجول:))؟
_هل تعرضت من قبل لخيانه من واحد عزيز؟اعز او من اعز الاصدقاء مثلا؟
_مشروع صداقه اعجبك لكن حطمته الصدف او الاهمال او ايا كان السبب قلنا لو سمحت قصته:)ان وجد؟
_شيء ندمت عليه؟او ندمت انك سويته مع انه كان ممكن تتفاداه؟
_و هذا الى الان فقط:)

[mario3001]

شوي شوي علي عطني سؤال سؤال

[ganon0]

مهي مشكله اخوي انت جاوبها سؤال سؤال:)

[mario3001]

1-ما عندي
2-" " " " " "
3-قبل سنه امي توفيت
4-لا
5-وضح زياده
6-لا
7-ايه
8-وسط
9-لا
10-لا
11- شرائي الدريم كاست

[ganon0]

احسن الله عزائك يا ماريو في امك و اسكنها ربي فسيح جناته و تلقها انشاء الله بالاخره في جنات عدن و الفردوس الاعلى.و رحم الله جميع موتى المسلمين قولوا امين.................

بالنسبه للتوضيح اقصد هل انت من الناس اللي يبذولون اقصى ما عندهم و يبرزون اقصى طيبتهم بمجرد انك تعرفت على احدهم(يعني واحد توك متعرف عليه)؟هل تثق بالناس بسرعه ؟مثلا مع واحد توك متعرف عليه تعطيه بعض اسرارك الغاليه؟ و هل تبين حبك للواحد قبل لا تدري هو وش موقفه و هل يستاهل و هل راح تلقى المثل؟....شرح طويل لعباره قد كذا:)

و ...ممكن ملاحظه؟ملاحظه صغيره قد كذا؟و الله صغيره ؟بس وحده؟ايه؟شكرا:) الملاحظه هي:اتمنى اخوي ماريو 3001 ان اجاباتك تكون اطول و مفصله اكثر و تكتب فيها كانك تكتب لاصدقائك(يعني تأخذ راحتك حنا نحب نقراء كل اللي تكتبه)عشان نتعرف على شخصيتك اكثر؟

[The Elder]

بعد ما تجاوب على معلقة قانون، عندي بعض الأسئلة:

1- ليش اخترت اسم ماريو وش معنى الارقام الي معاه؟
2- ليش قررت الاشتراك في هذا المنتدى؟
3- لمين تحب تقرى اكثر واحد في المنتدى؟
4- وش لعبتك المفضلة؟ وجهازك المفضل؟
5- وش اكلتك المفضلة (وش فيني على الاكل)؟
6- اخيرا، وش احسن شي شفته في المنتدي، وش ابيخ شي بصراحة؟

كل سؤال درجة ونص والعلامة النهائية 100. يعني راسب راسب، الا اذا بيتوسط لك قانون، عطيناك 99 درجة مساعدة. يله ابدى حل. ولا تطالع للي وراك.

الدر

[بوشي]

والنعم فيك يامهند...والنعم بأهل الرياض كلهم;)

نعود للاسئلة:-

1- من متى وأنت تعرف المنتدى؟؟

2- في أي حي ساكن؟؟

3- من دلك على المنتدى؟؟

4- من متى وأنت تستخدم الإنترنت؟؟


والبقية لاحقاً.....



الله معك ...... :)

[asf4ever]

لازم تسألوه سؤال وااااااحد بسسسسسسسسس وكل حين سؤال
مثال :
قط بعمرك حبيت بنت (سؤال غير محرج):D

[mario3001]

جزاك الله خير اخ جانون
بالنسبه لسؤالك نعم جوابي

اجوبه اسئلة الدر
1-احب شخصية ماريو اما عن الأرقام كذا بس عشان فيه واحد اسمه ماريو
2-انا احب المنتديات وعادة اقرا دايم ولا اكتب مشاركاتي قليله.
3-صراحه ما افرق بين احد كل واحد .
4-لعبت المفضله زيلدا اوكارينا اف تايم وجهازي المفضل جيم كيوب.
5-لازانيا.
6-ما اقدر اذكر او احدد اسف.

اجوبة اسئلة بوشي 2
1-من عام 8/12/2000م وكان اسمي mohanad بس مشاركاتي قليله 29.
2-في حي الملك فهد.
3-موقع الألعاب العربي
4- من سنتين تقريبا.
جواب سؤال اسف فور ايفر
1- لا

[nintendo]

هلا اخوي ماريو (( نبدا الاسئلة )) :

1- ايش تشجع (( فريق كورة ولاعبك المفضل )) واذا كان الاهلي ياريت ماتجاوب

2- اعطيني موقف صار لك في المدرسة (( ما مسكوك ومعاك برشام قبل كذا مو معقول )) ؟

3- ايش اخطر اصابة جاتك (( من اي شئ )) ؟

4- قناتك المفضلة في التلفزيون ؟

5- مين هي احلى بنت بنظرك من المشاهير (( عادي ياشباب نمون على بعض )) ؟ (( احم احم برتني سبيرز ))

6- ايش فاكهتك المفضلة واذا كان الباذنجان لا تذكره (( الباذنجان ماهو فاكهة يا ننتندو بس مشي حالك ))

7- كل عام وانت بخير (( ترسلها لمن )) ؟؟؟

[mario3001]

اجوبة اسئلة ننتندو
1- النصر والاعب ماجد عبد الله مع انه قديم .
2-الحمد لله ما قد صار لي موقف.
3-فلقه في الجبهه من جدار ولله الحمد.
4-بارا ماونت.
5-جيري هالويل.
6- المانجا.
7-لك.

[ganon0]

خلصتوا؟....
زين يلله اطلعوا:)(عزيمه)

شباب اذا كنتوا خلصتوا مثل ما اظن اسمحوا لي اسوي تحليل لشخصية الاخ ماريو 3001 ....اوكي؟
نبداء بأسم الله:
الاخ مهند انسان طيب.مثل ما هو واضح.يميل للوضوح بس بدون تفصيل كبير.ما عنده اي مشكله مع الناس او المجتمع اللي حوله(اقصد مشاكل عامه بالتعامل يواجهها) لكنه و ان كان اجتماعي الا انه ما يخش مع الناس بسرعه كبيره...يتروى من هذي الناحيه و ما اظنه يحب الميانه السريعه.ما تمون عليه بسرعه و غالبا تحتاج سبب واقعي عشان يسمح لك تمون عليه... و هو متردد بين واقعيته اللي كانت منهجه و ان خرج عليها و تمرد عدة مرات و بين الهروب الي واقع اجمل من خلال خياله و تبسيط حياته و الميل للتميز اكثر.انسان في بداية صداقاته يكون معطاء بحدود و لكن اذا احتليت جزء من قلبه رح يغمرك بطيبته...انا ما اعرفه الرجال زين لكن اتوقع كذا:)و النقطه الاخيره سالفة كونه معطاء يبغى لها معرفه اكثر و اجابات اوضح منه:) و واحد يجرب صداقته:)
و لا تزعل عزيزي ماريو:) انا بس اسوي كذا عشان يمكن هذا يخلي اعضاء المنتدى يتعرفون على بعض اكثر:)و عموما تحليلي مهو اكيد صحيح و احتمال كبير غلط...احتمال كبير جداا.
اخوكم سعد

[mario3001]

وش دعوه ازعل لو بغيت ازعل ما رشحت نفسي
صراحه وصفك قريب جدا جدا لشخصيتي ما شاء الله.

[mahmoud mahmoud]

-ماهيه اللعبه التي اثرت بيك؟
:cool:
و شكرا

[ganon0]

جيد اني وصلت لنتيجه حلوه يا ماريو:)