توشيبا تصدر الجيل الثاني من مشغلات الـHD DVD

[hitman_design]

السلام عليكم


توشيبا تهورت وبتنزل مشغلات HD DVD من الجيل الثاني!!
الغريب انه الفترة جدا قصيره بين الجيل الاول والثاني
http://img.infotropic.com/i/060914_3.jpg
المشغلات هي:HD-A2 و HD-XA2
....
الـHD-XA2 يدعم ريزلوشن 1080p وراح يصل سعره الى 999.99 دولار وراح يصدر في ديسمبر بامريكا
اما الـHD-A2 يدعم ريزولوشن 1080i وسعره بـ499.99 دولار وراح يصدر في نوفمبر بامريكا

http://www.aitnews.com/gallery/large/ait3611.jpg

التفاصيل بالمصدر
http://gadgets.fosfor.se/toshiba-hd-xa2/#more-1480

انا نزلت الموضوع هنا علشان HD DVD يهم اعضاء الاكس بما انه مايكرو من الداعمين له

peace
:)

[Gentleman]

عفوا ولكن ما الفرق بينه وبين الـ HD-DVD الاول ..؟؟

الا يدعم الـ HD-DVD الاول الـ 1080p ..؟؟

وشكرا ..

[rubso]

الا يدعم الـ HD-DVD الاول الـ 1080p ..؟؟
لا و مثل ما تقول شركة Toshiba الـ HD-A2 هو نفسه الـ HD-A1 لكن أصغر + أسرع حيل بالقراءة، لكن راح يظل نفس مواصفات القديم، بدعمه HDMI 1.2 و الاوتبوت 1080i حد أقصى..
اما الـ Higher-end Model الا وهو الـ HD-XA2 راح ينزل آخر السنة مع HDMI 1.3 الداعم لاشارات 1080p بالاضافة الى انه حجمه اصغر من قبل وراح يجي معاه كل شي بما فيها الكيبل الغالي HDMI 1.3 وسعره 999.99 دولار امريكي.
لا تنسى ايضاً خبر اعلان Batman Begins على الـ HD-DVD راح ينزل مع الموديل الرخيص شهر 10 الجاي والفلم راح يدعم 1080p رزلوشن بالاضافة الى ان الـ Extras بالفلم تشتغل على رزلوشن 1080p بعد!..

[Gentleman]

الكيبل الغالي HDMI 1.3 وسعره 999.99 دولار امريكي.


كيبل بهذا السعر ..؟؟

شنو الزود فيه ..؟؟

وشكرا ..

[cantona222]

انا شوي داش عرض.............

بس ابي اوضح ان اخوي Rubso يقصد ان سعر الكيبل غالي (بدون لا يحدد سعره) و سعر جهاز الـHD-XA2 و اللي يتضمن هذا الكيبل راح يكون 999.99$. مو سعر الكيبل برحوه.
.
...
.....
...
.
و شكرا اخوي hitman_design على هالموضوع. افدتنا بهالمعلومات.

[X.N.N.X]

1000$ = 3800 ريال
بالله مين اللي بعقلة يحط 3800 ريال بمشغل اتش دي
ايش المصخرة هذي
طيب حق ال360 من اي نوع ؟؟؟ انشاءالله يطلع HD-XA2

[kamal muhammad]

سعر كابل HDMI 1.3 تقريبا 165 دولار اواكثر المهم انه فوق 150 دولار.
وشكرا

[THE_MATRIX]

سعرة مرتفع لكن رائعة توشيبا احسها واثقة من نفسها ..
عموماُ ننتنظر اول تلفزيونات ذات الـ 1080Pp تنتشر علشان نشوف الفرق الشاسع ^_^ ..

[Gentleman]

هل الفرق كبير بين شاشات الـ 1080P و 1080i بالجودة ..؟؟

وشكرا ..

[X.N.N.X]

هل الفرق كبير بين شاشات الـ 1080P و 1080i بالجودة ..؟؟

وشكرا ..

انس الفرق يكاد لا يلاحض بالعين المجردة بين الاثنين
لان انا مالاحضت فرق بين ال720p و 1080i
يعني اكيد الفرق بين 1080P و 1080i راح يكون بسيط جدا جدا هذا اذا كان في فرق ينشاف بالعين

يعني اذا جيت تشتري تلفزيون خذ 720P سعرة ارخص من ال1080 ومافي فرق يستاهل انك تدفع زيادة
هذا حسب تجربتي

[Gentleman]

يعني اذا خذيت شاشة بوضوح 720P راح اشوف كل ما يقدمه الاكس بوكس من جرافكس ..؟؟

وشكرا ..

[X.N.N.X]

يعني اذا خذيت شاشة بوضوح 720P راح اشوف كل ما يقدمه الاكس بوكس من جرافكس ..؟؟

وشكرا ..

مافي فرق يستاهل انك تدفع مبلغ زيادة على شاشة تدعم P1080

لو اخذت شاشة 720P راح تشوف قوة ال360 والبلاي3 بكل وضوح

[Gentleman]

جيد جدا .. واعتقد انه هالشاشات منتشره اكثر من شاشات الـ 1080P وارخص ..

وشكرا ..

[rubso]

كيبل بهذا السعر ..؟؟
كيبل الـ HDMI 1.3 اللي يدعم اشارة 1080p تلقاه بسعر غالي جداً، تشتري فيه كرت شاشة بدال كيبل لول! ..

الاخ cantona222 وضح كلامي ، شكرا لك اخي =)

xnnx مشغل الـ HD-DVD للاكس بوكس 360 مختلف بعض الشيء عن المشغلات الاخرى =)


هل الفرق كبير بين شاشات الـ 1080P و 1080i بالجودة ..؟؟
حسب معرفتي المحدودة ان الـ 1080p عنده القدرة على عرض الصورة 60 اطار بالثانية، عكس الـ 1080i حده 30 اطار بالثانية .. لكن فرق من ناحية الصورة؟ ما اظن !

بالنسبة لالعاب الـ 360 او الـ PS3 .. الرزلوشن 1080i مناسب حق الالعاب اللي راح تعرض 30 اطار بالثانية، وما ظنتي فيه العاب 60 اطار مع رزلوشن 1080p الا بعد 7 سنوات يمكن =_= او تكون رسوماتها رسومات PS2

[Gentleman]

بصراحه ما ادري اذا كانت الـ 30 اطار للكنسول زينه ولالا .. لكن الـ 30 اطار في البي سي تسبب بطء في الحركه ولا تكون انسيابيه او سلسه ..

وضح شوي ..

وشكرا ..

[X.N.N.X]

بصراحه ما ادري اذا كانت الـ 30 اطار للكنسول زينه ولالا .. لكن الـ 30 اطار في البي سي تسبب بطء في الحركه ولا تكون انسيابيه او سلسه ..

وضح شوي ..

وشكرا ..

انس انا لعبت كوندمند وفير على 15 اطار بالبي سي وكانت من جد خطيرة مافيها تقطيع
وانت 30 اطار مي عاجبتك !!!!!!!!!!!!!!!!!!!!!!!!
اكيد عندك مشكلة 30 اطار ممتازة جدا جدا

[Gentleman]

يمكن محمد .. لكن اللعب كان بطيء ولا سريع ..؟؟ وهل حطيت جميع المواصفات ..؟؟ وعلى اي اعدادات حطيتها ..؟؟

للحين مو مصدق انه 15 اطار جيده ..

وشكرا ..

[X.N.N.X]

بصراحه ما ادري اذا كانت الـ 30 اطار للكنسول زينه ولالا .. لكن الـ 30 اطار في البي سي تسبب بطء في الحركه ولا تكون انسيابيه او سلسه ..

وضح شوي ..

وشكرا ..

الاعدادات اللي العب عليها كلها على الهاي مع تنعيم الحواف X16 or X8

[rubso]

بصراحه ما ادري اذا كانت الـ 30 اطار للكنسول زينه ولالا .. لكن الـ 30 اطار في البي سي تسبب بطء في الحركه ولا تكون انسيابيه او سلسه ..
العاب الـ Next-Gen أغلبها ويمكن تكون نسبتها 98% شغالة على 30 اطار بالثانية =) عدا بعض الالعاب اللي تنعد على الاصابع مثل Devil May Cry 4 و Forza Motorsport 2 .. واصلاً كل الالعاب اللي لعبناها على الجيل القديم كانت اغلبها شغالة على 30 فريم ايضاً عدا اللعبة اللي اعرف انها شغالة على 60 فريم الا وهي Devil May Cry 1 و 2 و 3 .. يمكن انت بالـ PC وضعك غير

[Gentleman]

مثل ما قلت يا رابسوا .. الوضع بالبي سي غير ..

يا ليت يا محمد انت ورابسوا تنزلون هذا البرنامج .. وهو عباره عن بيان خاصية الاضاءة .. المهم ما عليكم منها .. البرنامج يوريك عدد الفريمات وسرعتها .. Click Here (http://www.daionet.gr.jp/~masa/archives/rthdribl_1_2.zip) ..

حاول تكبر الصوره او تصغرها لما يصير الفريم على الـ 30 .. وشوف الصوره شلون صايره .. صحيح انها جيده .. لكن تخيل تلعب كونتر سترايك بهذه الجوده .. اعتقد انه الـ 60 اطار جيد .. وايضا الـ 30 اطار ممتاز لألعاب الكونسول ..

وشكرا ..

[rubso]

Gentle، انا العب كاونتر سترايك على عدد اطارات غير ثابت نهائياً ..
لمن اوقف مكاني بمكان صغير ، يصير 60 فريم او 50، بعدين لمن اتحرك ينزل بشكل رهيب الى 20 او 30 وممكن يصل الى 15 اطار اذا صارت انفجارات ورمي كثيف وتصير اللعبة بطيئة .. السبب هو كرت الشاشة الضعيف نوعاً ما =)

[Gentleman]

مو شرط .. يمكن يكون من المعالج ..

واسف اذا خرجت عن الموضوع ..

وشكرا ..

[احمد السعد]

اعتقد لكني لست متأكد من ان ننيجا غايدن كانت تعمل ب 60 اطار ...

عموما كلما زاد الاطارات زادت دقة ونعومة الحركة في الالعاب ..

[mr.2pac]

مشكورين ع الاخبار اليديده