المساعد الشخصي الرقمي

مشاهدة النسخة كاملة : انطباعاتي بعد لعب Just Cause


HAMAD 11
13-10-2006, 02:14 PM
السلام عليكم ..

أول شيء لعبت Kameo والله تحسرت على اللحظات الى اشتريتها بها :31: .. 18 درهم كثيرة عليها مو عاد 180 درهم .. البطلة تتحول لوحش ثلجي يرمي الوحوش على ظهره و مرة لوحش يصير كرة شوكية ومرة لشجرة تلاكم :D قسم بالله مصخرة !! قمت اضحك على نفسي

المهم بعد خيبة الأمل تعوضت في لعبة Just Cause .. كيف؟؟

تخيول Far Cry Instints تجول حر ومنظور شخص ثالث !! نعم .. اللعبة بصراحة فضيعة جداً من ناحية الرسوم , رسوم قوية في كل شيء , تصميم الشخصية ممتاز ورح تشوف ثيابة واقعية والسيارات تصميمها ممتاز جداً خصوصاً الإيطارات وكأنها حقيقية.. الشيء الثاني تصميم البيئة , هو الأفضل في اللعبة كلها وصدقوني البيئة ما تقدروا تقولوا عنها قوية الا في الصبح !! تكون واضحة والشمس اشعتها تخليك تشوف التفاصيل بكل سهولة .. حتى يوم تمشي علي جسر بين جزيرتين شوف الجزيرة الى رايح لها صدقوني ما تفرقوا بينها وبين الحقيقية !!.. مرات تصميم الأشجار والسهول تكون أقوى من Crysis حتى ..

الفيزيائية باللعبة هى أقوي شيء.. واظن اللعبة تستخدم محرك Havok 3.0 .. مثلاً السيارة يوم تمشى بها على طريق ترابي رح تشوف التراب ملتصق على السيارة وكل مرة تمشى أكثر بالسيارة على طريق ترابي يزيد التراب على السيارة حتى تصير مغطية بالكامل تقريباً , والإضاءة في اللعبة بدون مبالغة أقوى إضاءة شفتها بلعبة فيديو جيمز حتى الأن .. مثلاً الشمس رح تشوفها بكل واقعية تمر من بين أوراق الأشجار وبعدين تشوفها منعكسة على الشخصية بواقعية تـــــــــــامة .. حتى انا عاجز عن الوصف لأنه الإضاءة والظلال في اللعبة شيء رائع فعلاً !!

اللعبة تجول حر .. واللعبة ممكن تكون أكبر من اوبليفيون حتى !!.. في اللعبة المناطق كلها جزء جبلية وسهلية وغابات وما غابات وهذي السوالف واللعبة احداثها في سان ايسبيراتو , عندك أكثر من 250000 منطقة حتى تتفحصها , والمكان بشكل عام تقدر تقول جزيرة عملاقة تنقسم لحوالي 50 جزيرة , انا الحين بجزيرة واحدة وقاعد أفحط وأسوق بالسيارة لمدة 15 دقيقة وبعدني ما طلعت منها .. 15 دقيقة هذا والله اخلص فيها Gta San Andreas :D .. هذا يعني انه اللعبة كبيرة جداً جداً وقريت بموقع أنجليزي انك رح تأخذ اكثر من 90 ساعة في تفحص الجزيرة فقط !.. السلبية هنا انه اللعبة تقدر تقول فارغة ورح تجلب لك الملل من هالمكان ويمكن انا حكمت غلط على هالنقطة لأنى ما تعمقت في اللعبة بعد.. لأني شايف صورة لمدينة في اللعبة لكن للحين ما حصلت اي مدينة بس قرى وضواحي صغيرة , حوالي 20 قرية ريفية شفت حتى الأن في مختلف الأماكن ,والسكان قليلين جداً والتفاعل الأجتماعي شبه معدوم , يعني لو لقيت رجال واقف بالطريق كان من الفرحة طلعت من السيارة وقدمتها له على طبق من ذهب اما لو بلعبة تجول حر ثانية كان دعست عليه مثل الكلب بالشارع :D ..هذي النقطة رح تجلب لك الملل شوية لكن اذا كنتوا من محبين البيئات البرية رح تقضوا اوقات كثيرة وممتعة مع اللعبة ..وحتى لو كنتوا من محبين الألعاب الى فيها المدن يمكن تلقوا الى تعجبكم بس حصلوا المدينة أول :31:.. وطبعاً التضاريس في اللعبة معقدة جداً يعني رح تتكسر وتطيح وتطير وتتسلق , يعني توقع وانت تسوق بسيارة خلال غابة تلقى نفسك طايح من على جرف طوله 90 متر

في اللعبة عندك بين في احد المناطق ومنه تقدر تعبئ الذخيرة وتعيد صحتك وترتاح وتلعب مهام اللعبة , عندك أكثر من 20 ساعة لعب للمهام الرئيسية وعددها 303 مهمة , هذا غير المهام الفرعية الى تزيد عن الـ 500 مهمة !.. اللعبة كبيرة بشكل ضخم ومخيف !! :09:

المراكب في اللعبة متعددة وتزيد عن الـ 89 مركبة من طائرات وقوارب مائية وسفن ودراجات وسيارات وكلها تحت تصرفك , حتى انك وانت تسوق السيارة ممكن تضغط زر والبطل رح يطلع فوق السيارة وهذى الحركة تنفع أكثر شيء في الطائرات لأنك يوم تطلع فوق الطائرة تقدر ترمى نفسك وتفتح البارشوت وتنذهل من منظر الجزيرة من الأعلى , صدقوني أفضل من منظر الجزيرة بـ Far Cry ..

اللعبة بشكل عام كبيرة ومفتوحة أكثر من أي لعبة شفتها حتى الان ومن ضمنهم Saints Row و سان اندريس.. وحتى الان ما شفت غير البراري والغابات وما تفحصت غير حوالي 1% من اللعبة كلها.. وأنصحكم فيها اللعبة تعطيكم حرية رائعة وأعطي اللعبة تقييم 9,1 , وعارف انه فيه مواقع تعطيها تقييمات منخفضة لكن صدقوني اللعبة تستاهل التجربة واسمع من مجرب ولا تسمع من طبيب :biggthump
HAMAD 11
13-10-2006, 02:27 PM
اللعبة فيها مطارات وقواعد حربية ... اذا ما تعرفون ترا اللعبة كلها أكشن من الطراز الثقيل , وايد من المهاام رح تكون واحد يسوق جيب او قارب حربي وانت رح تتولى التحكم بالمدفعية ورح تفجر طائرات حربية وسيارات وجيوش وجذي .. يعني اللعبة فيها أكثر من سالفة عصابات

والإنفجارات هذي عاد لا تعليق :D يوم تنفجر سيارة او شيء كل شيء حولها رح يطير وحتى السيارات الثانية الى بقربها رح تتكسر نوافذها ..الأسلحة عاد في اللعبة كثر السمك في البحر :biggthump لقيت حوالي 15 سلاح وكل سلاح يتميز عن الثاني وله اداء مختلف

والبحر صدقوني تستغربوا .. كأنه حقيقة حتى اشعة الشمس تنعكس عليه وفي الليل تقدروا تشوفوا القمر منعكس عليه

اعطيك واحدة ثانية من معجزات الفيزيائية باللعبة .. قبل شوي سيارات الشرطة قاعدة تطاردني والليت الاحمر والازرق ينعكس على البيئة وإنعكاسه مثل الظلال !! والله اتحداكم اذا لعبة ثانية يصير فيها مثل جذي

اللعبة تذهلني كل ما العبها أكثر
hamad_007
13-10-2006, 02:31 PM
GTA سان أندرياس عمرها 150 ساعة .
المهم أنا شفت عروض اللعبة و اللعبة شكلها كئيبة و حاصلة على تقييم 6.2 أظن .

بس أبا أعرف كم مساحتها ؟

معقولة ديفيدي واحد يكفي ؟؟؟؟؟؟

مشكور اخوي حمد على الموضوع .
HAMAD 11
13-10-2006, 02:40 PM
سان أندرياس عمرها 150 ساعة .
المهم أنا شفت عروض اللعبة و اللعبة شكلها كئيبة و حاصلة على تقييم 6.2 أظن .

بس أبا أعرف كم مساحتها ؟

معقولة ديفيدي واحد يكفي ؟؟؟؟؟؟

مشكور اخوي حمد على الموضوع .


حمد أتوقع اللعبة رح تزيد عن 200 ساعة حتى تخلصها بشكل كامل ..

بالنسبة من ناحية كئيبة هي البيئة فعلاً كئيبة لكن مو وايد عاد , فيه العاب كثيرة مثلها ونجحت
والسبب انه البيئة كبيرة جداً ولكن خالية من المجتمعات وسبب هذا في اللعبة هو انه المنطقة نفسها مناطق عسكرية وتتمركز فيها القواعد الحربية .. عاد داخل القواعد الحربية تلقى أكثر من 40 جندي وحارس غير القناصين فوق البنايات ويمكن تهاجمك طيارات عسكرية اذا ما قدروا عليك ولو هربت عن طريق الماء تلقى القوارب الحربية وراك مثل الذبان وكل واحد فيها فيه مدفعية قد القارب الى انت راكبه :D
EVIL KNIGHT
13-10-2006, 02:49 PM
صراحة انا اللعبة كنت متحمس لها مرة بس اول ما لعبتها وكملت فيها شوي تحطمت><
يا اخي اللعبة كبيرة مرة وتتوه والسيارات قديمة مرة وشكلها يظحك:09:
وبعدين ما فيها تنقل تلقائي يعني لو كنت بشمال الجزيرة وتبي تروح للجنوب يبيلك على الأقل نص ساعة على ما توصل><
بس صراحة الجرافيك ولا اروع خياااااااال هو الشيء الوحيد اللي مخليني للحين اواصل فيها شوي
PremaFrost
13-10-2006, 02:53 PM
حمد بو عيون شلون الاكس معاك كول :D
هذه اللعبه كنت بشتريها بس شريت بدالها nba
معقوله رسمها قوى انا شفت كذا عرض حقها شكلها بايخ نفس رسم هتمان كبيره اللعبه يعنى بالبيئه ولا المهمات
عطنا كذا مرحله شلون تلعب يعنى طريقه اللعب تقتل ولا تخطف ولا شنو
X.N.N.X
13-10-2006, 03:11 PM
ياحبك للمبالغة كريسيس مرة وحدة يازينك ساكت
بس بعد كلامك هذا لازم انزل الديمو باي طريقة كانت
بس خليني اول شي انزل الحلقة السابعة بيرزن بريك
EVIL KNIGHT
13-10-2006, 03:15 PM
معقوله رسمها قوى انا شفت كذا عرض حقها شكلها بايخ نفس رسم هتمان كبيره اللعبه يعنى بالبيئه ولا المهمات

عطنا كذا مرحله شلون تلعب يعنى طريقه اللعب تقتل ولا تخطف ولا شنو


اللعبة كبيرة بالبيئه والمهمات><
وطريقة اللعب كل شي تبيه خطف وذبح وتسلل لقواعد عسكرية وزحمة
Winter_wolf
13-10-2006, 03:24 PM
تسلم على الانطباعات, Glad you liked it cookie.

بس اللعبة ماعتقد تستخدم اي نوع من محركات Havok, والا لكان فيها Ragdolls.

وامس اشتريت اللعبة كوبي بـ30, الالعاب الوحيدة اللي اشتريها اصلي هي اللي اللايف فيها يستاهل, بس اللعبة ماتوقعتها بهذه الروعة, يمديك تسوي فيها اللي تبغاه, مافي شي احسن من انك تنقز من Jet وتخطف هاليكوبتر من نص السما X'D

وكمان يمديك من خيارات الفيديو تلغي الـMotion Blurr, فقط راح توضح عندك الرؤية.

الرسوم خرافية اقل مايقال عنها, Got pics :
http://i109.photobucket.com/albums/n61/awesomesex/257270793_41eb32d5ca_b.jpg

http://i109.photobucket.com/albums/n61/awesomesex/257270242_cb647f7d0c_b.jpg

http://i109.photobucket.com/albums/n61/awesomesex/257269693_7c673c3c5f_b.jpg

http://i109.photobucket.com/albums/n61/awesomesex/257274341_259f28408a_b.jpg

الصور مصورة من تلفزيون HD BTW, والمشكلة اني سمعت ان اللعبة بورت من الاكس للـ360, WOW..
HAMAD 11
13-10-2006, 03:39 PM
معقوله رسمها قوى انا شفت كذا عرض حقها شكلها بايخ نفس رسم هتمان كبيره اللعبه يعنى بالبيئه ولا المهمات


لا لا اخوي ساريومان وين هتمان ووين جست كيس, فرق السما والأرض جست كيس رسومها أقوى بوايد عن هتمان

والأكس ماشي عندي تمام :biggthump



ياحبك للمبالغة كريسيس مرة وحدة يازينك ساكت


أيه والله كرايسس .. قبل شوي بالصدفة وقفت بمكان قرب شجرة جوز هند :D والله ورق الشجر كأنه حقيقي ! وطريقة تصميمه نفس طريقة تصميم الورق بـ Crysis.. طبعاً مو كامل اللعبة بنفس قوة هالتصميم لكن أغلبية اماكنها..

وطبعاً مثل ما قال Evil كل الى يعجبك باللعبة وتريده موجود .. مطاردات , معارك , تجسس , قتال , وحتى السباقات موجودة



بس اللعبة ماعتقد تستخدم اي نوع من محركات Havok


والله بغلاف اللعبة موجود شعار شركة Havok فقلت أكيد تستخدم واحد من محركاتها الفيزيائية وبما انه الفيزيائية باللعبة تخبل قلت أكيد هذا محرك Havok 3.0 :D

ونتر لاحظت انه الصور عندك مصورة بالليل في اللعبة , لكن صدقني اذا تبي تشوف الجرافيكس على أصوله شوف البيئة في عز الصبح والله ظلال ولا في الخيال :D
والماي تصدق قبل شوي طلعت على قمة جبل في واحد من هالجزر شفت الأمواج وهي تضرب في الشاطئ بطريقة والله ما صدقت نفسي :bigeyes:

انا امس اللعبة حصلت لها نسخة على الـ PS2 وقلت اشتري نسخة البلاي ستيشن 2 واشتري Ninty Nine Nights على الاكس بوكس 360 عشان اضرب عصفورين بحجر واحد :D لكن الحمدلله تراجعت عن القرار.. اللعبة تستاهل كل فلس حطيته عليها
Winter_wolf
13-10-2006, 03:41 PM
خخخخخ شكلك قعدت تبكي وتكتب شعر من فوق الجبل وانت تشوف البحر XD

Gotta love 360
HAMAD 11
13-10-2006, 03:48 PM
خخخخخ شكلك قعدت تبكي وتكتب شعر من فوق الجبل وانت تشوف البحر XD

Gotta love 360



بكيت ايش يوم شفت منظر البحر رميت نفسي من فوق الجبل ومن جمال المنظر ورهابته نسيت أفتح الباراشوت وما وعيت الا يوم البطل تكسرت عظامه :D Game Over

على العموم الى ما اشتري اللعبة .. انصحه يروح يشتريها وهو مغمض , برأيي مقارنة بقوة اللعبة ما اخذت نصيبها من الإعلانات والشهرة , فيه ألعاب ثانية سمعنا اسمها بكل مكان ولكنها ما تسوى ربع جمال Just Cause
X.N.N.X
13-10-2006, 04:00 PM
ونتر الناس طمعت وزادت سعر الالعاب خمسة ريال ولا ايش



بكيت ايش يوم شفت منظر البحر رميت نفسي من فوق الجبل ومن جمال المنظر ورهابته نسيت أفتح الباراشوت وما وعيت الا يوم البطل تكسرت عظامه :D Game Over

على العموم الى ما اشتري اللعبة .. انصحه يروح يشتريها وهو مغمض , برأيي مقارنة بقوة اللعبة ما اخذت نصيبها من الإعلانات والشهرة , فيه ألعاب ثانية سمعنا اسمها بكل مكان ولكنها ما تسوى ربع جمال Just Cause

مدري ايش الهدف من مدحك للعبة
مع ان كل اراء الناس للعبة ماتبشر بخير
طيب كم تعطيها من 10
Emirates
13-10-2006, 04:52 PM
مشكور على الانطباعات اخوي حمد

انا واصل للقائد الاخير لكن الصراحه اشوف Godfather احسن عنهاا

ياخي كله تكرار في تكرااار المهم تسلم والله يعطيك الف عافيه

وننتظر المزيد من الانطباعات
HAMAD 11
13-10-2006, 11:44 PM
مدري ايش الهدف من مدحك للعبة
مع ان كل اراء الناس للعبة ماتبشر بخير
طيب كم تعطيها من 10


أمدحها عشان سواد عيونها ايش الهدف يعني ؟
واراهنك انك ما قريت المراجعة :D كاتب في النهاية تقييمي للعبة
وانصحك تروح تحمل الديمو وتحكم عليها بنفسك



انا واصل للقائد الاخير لكن الصراحه اشوف Godfather احسن عنهاا


زين أخوي اماراتس اللعبة كم ساعة أخذت منك ؟
وترا GodFather غير .. هذي لعبة مافيا وكلها مدن وناس اما جست كيس كلها جزر طبيعية بالغصب تلقى بيت
Winter_wolf
13-10-2006, 11:48 PM
لقيت مدينة كاملة في اللعبة, بس ماني حافظ مكانها, بتلاقي فيها Objective بالمهمة الثالثة اعتقد بعد ماتحرر المستوطنات.

وصحيح اللعبة مافيها اختصارات, لكن عن طريق الـPDA يمديك تروح لنقاط معينة بالخريطة عن طريق ارسالية.
Emirates
14-10-2006, 02:58 AM
أمدحها عشان سواد عيونها ايش الهدف يعني ؟
واراهنك انك ما قريت المراجعة :D كاتب في النهاية تقييمي للعبة
وانصحك تروح تحمل الديمو وتحكم عليها بنفسك




زين أخوي اماراتس اللعبة كم ساعة أخذت منك ؟
وترا GodFather غير .. هذي لعبة مافيا وكلها مدن وناس اما جست كيس كلها جزر طبيعية بالغصب تلقى بيت


حمد اللعبه ما اقولك انهاا مب طويله لوووول فلم هندي

بس ياخي يوم تخلص المهمات اللي من ضمن القصه وتخلص

تبقى لك مهمات فرعية اللي هي ضد الحكومه ( في الخريطه علامات التعجب الخضراء + الصفراء ) احس انها مكرره لووول توافقني الراي والا ;)
SILENCE.98
14-10-2006, 04:40 AM
:wow:

إنطباعات رائعه وانا بأخذها مع الإكس 360 ... أكيد ^^ ":silly:
graphics style
14-10-2006, 05:00 AM
اللعبة ماهتميت فيها كثير , ولكن بعد أنطباعاتك شكلي باخذها أن شاء الله بس مو بالوقت هذا , بس ماقلتلي وش الجيمر تاج حقك
ايوب الحسن
14-10-2006, 09:37 AM
الصراحة اللعبة حلوة بس انه ماخذ اللعبة على البلاي 2 كوبي ... وسمعت ان نسخة 360 افضل هل هذا صحيح؟؟

على فكرة شفت لعبة غودفاذر على 360 شنو الاختلاف بينها وبين البلاي 2

اذا الاختلافات بسيطة فماله داعي اخذهم مرة ثانية!!
X.N.N.X
14-10-2006, 11:24 AM
حمد وصل تحميل الديمو 87%
ذحين يخلص التحميل واشوف اذا كنت صادق ولا لا
كريسيس مرة وحدة * مو مصدق *
Tiger Legend
14-10-2006, 12:47 PM
كنت متحمس للعبة وناوي عليها .. بس للاسف ما راح آخذها، سبلينتر سيل قربت وهي اولى من غيرها!

الديمو حماسي بشكل غير طبيعي .. يمكن لما افضى بعدين آخذها ..
X.N.N.X
14-10-2006, 01:00 PM
لعبت الديمو

انا عندي اللعبة على الاكس بوكس الاول وسويت مقارنة بين النسختين طلعت نسخة الاكس بوكس زبالة قدام نسخة ال360
صح اللعبة جيدة والجرافيكس جيد لاكن لا تاخذون كلام حمد يبالغ
على فكرة اللعبة ماتجي واحد بالمية عند كريسيس
اهم ملاحضة على اللعبة الجزمة الكعب اللي لابسها الرجال
يوم تمشي على الخط حق السيارات تسمع صوت الجزمة الكعب اللي لابسها
واللعبة جيدة لاكن ماعندي نية اخذها اصلي
HAMAD 11
14-10-2006, 10:01 PM
لقيت مدينة كاملة في اللعبة


الله يرزقك بالخير ويزوجك الذرية الصالحة :biggthump << &%$%

عاد ان شاء الله البطل يقدر يكلم بعض الناس لأنى حاس بوحدة فضييييييييعة باللعبة



حمد اللعبه ما اقولك انهاا مب طويله لوووول فلم هندي

بس ياخي يوم تخلص المهمات اللي من ضمن القصه وتخلص

تبقى لك مهمات فرعية اللي هي ضد الحكومه ( في الخريطه علامات التعجب الخضراء + الصفراء ) احس انها مكرره لووول توافقني الراي والا ;)


والله انا للحين ما لعبت المهام الفرعية .. بس انا سامع انها أنواع مختلفة يعني مطاردات وتجسس




بس ماقلتلي وش الجيمر تاج حقك


اخوي انا ما عندي دي اس ال فما اقدر اسجل

X.N.N.X انا اعترف اني بالغت .. لكن صدقني ما بالغت بشكل كبير !! انت اللعبة شكلك ما تعمقت فيها لين الحين, أنصحك تروح تشوف الأمواج على حواف البحر والله كأنها حقيقة .. لازم تروح تخلص الديمو كامل وتشوف فيه كل شيء عشان تحكم
X.N.N.X
14-10-2006, 10:06 PM
اخوي انا ما عندي دي اس ال فما اقدر اسجل

X.N.N.X انا اعترف اني بالغت .. لكن صدقني ما بالغت بشكل كبير !! انت اللعبة شكلك ما تعمقت فيها لين الحين, أنصحك تروح تشوف الأمواج على حواف البحر والله كأنها حقيقة .. لازم تروح تخلص الديمو كامل وتشوف فيه كل شيء عشان تحكم

مافي لعبة لين ذحين تفوقت على امواج فار كراي
والامواج باللعبة طبيعية مافيها شي يجذب موية تروح وترجع
البيكهام هام
16-10-2006, 08:05 AM
اللعبه نهيتها قبل ثلاث ايام واذا تبون اي مساعده قولولي;) على فكره ترى انا نهيتها على بلاي ستيشن2
والحين موصل بعيد بلعبة سكير فيس وقربت انهيها عشان اكون متفرق تفرق تاااااام لسبلنتر سيل4 لاني نهيت الاجزاء الثلاثه وانطر الرابع بفاااارق الصبر:biggthump الالعاب ماسلموا مني وترى حتى قود هاند ورول او رولز نهيتهم:35:
nashme
18-10-2006, 05:37 AM
مع احترامي الشديد لأراَكم .. فلعبه فاشله بمعنى الكلمه .. والله اني مقهور على 230 ريال الي ضاعت مني والي اتمنى انها ضاعت مني او طاحت من جيبي احسن ما تكون امامي تحسر عليها كل ما اشوف غلافها .. احسن شيء فيها الجرافيكس فقط لا غير .. واسلوب العب ممل بشكل غير طيبعي .. يكفي بعد ما تقتل الاعداء كيف يختفون بسرعه يذكرني بالعاب البلاي شتيشن القديم .. وشكل تصميم السيارات تقول كأنها كراتيين تايت ..يالله الحمد على كل حال هذا مش اول ولا اخر لعبه تركتها عمداً في درج الاشرطه .. وهذي تعتبر خساره لي .. حالي حال الناس الي خسروا اسهمهم الأيام هذي .. وهذا رأيي في اللعبه .. وسلم لي على ساينت روس

أخوكم نشمي ..
البيكهام هام
19-10-2006, 07:51 AM
مع احترامي الشديد لأراَكم .. فلعبه فاشله بمعنى الكلمه .. والله اني مقهور على 230 ريال الي ضاعت مني والي اتمنى انها ضاعت مني او طاحت من جيبي احسن ما تكون امامي تحسر عليها كل ما اشوف غلافها .. احسن شيء فيها الجرافيكس فقط لا غير .. واسلوب العب ممل بشكل غير طيبعي .. يكفي بعد ما تقتل الاعداء كيف يختفون بسرعه يذكرني بالعاب البلاي شتيشن القديم .. وشكل تصميم السيارات تقول كأنها كراتيين تايت ..يالله الحمد على كل حال هذا مش اول ولا اخر لعبه تركتها عمداً في درج الاشرطه .. وهذي تعتبر خساره لي .. حالي حال الناس الي خسروا اسهمهم الأيام هذي .. وهذا رأيي في اللعبه .. وسلم لي على ساينت روس

أخوكم نشمي ..
اخوي عندي لك طريقه توفر فيها فلوسك
اي لعبه جديده تنزل تلقاها بجهازك نازله ديمو نزلها وجربها واذا اعجبتك اشترها واذا ماعجبتك باللي مايولي:09:
zanykhalid
19-10-2006, 07:59 AM
والله saints row لعبة روووووووووووووعه
و ماتستاهل تاخذ 85% بل اكثر 94%:biggthump
nashme
20-10-2006, 12:15 AM
اخوي عندي لك طريقه توفر فيها فلوسك
اي لعبه جديده تنزل تلقاها بجهازك نازله ديمو نزلها وجربها واذا اعجبتك اشترها واذا ماعجبتك باللي مايولي:09:

قصدك عن طريق الايف .. للأسف ما عندي لايف .. الدي اس ال لحد الحين ما شتغل عندنا .. ااااااااااه لا تقلب المواجع امنتي اني العب لايف .. الصراحه قلبي يتحسر قهر اذا شفتم تتكلمون عن العب عن طريق الايف .. يالله الحمد الله عل كل حال .. ياليت والله اجرب ديمو اي لعبه جديده قبل لا تنزل علشان ما اندم مثل ما ندمت على العبه هاذي .. اذا فيه طريقه اخوي العب الديمو بدون الايف لا تخبل علينا الله لا يهينك ...

أخوك نشمي
M.A.C.D
27-10-2006, 03:25 PM
يا اخي كيف نطلع الخريطه علشان نستكشف الجزيره
HAMAD 11
27-10-2006, 03:30 PM
مافي لعبة لين ذحين تفوقت على امواج فار كراي
والامواج باللعبة طبيعية مافيها شي يجذب موية تروح وترجع



أمواج فار كراي ايش , والله اتحداك اذا شايف امواج جست كيس
وبصراحة لعبة فار كراي لعبة سخيفة وبايخة :أفكر:


يا اخي كيف نطلع الخريطه علشان نستكشف الجزيره
أضغط على زر Back

تطلع لك انواع الخرائط.. سياسية , طبيعية, مناخية كل شيء :)
M.A.C.D
27-10-2006, 03:47 PM
طيب كيف اركب طياره واحدد مكان اروح لمه مثل ما نسوي بسان روم