سعر Ps3 للي يبي يشتريها من الكويت XD ---> مصخرة

[Snake-87]

.
.
.
.
.

السلام عليكم ورحمة الله وبركاته ^^

خذيت لي جولة بالرحاب وسألت عن سعر السوني 3 عند المحلات ^^

وأشهر المحلات بمجمع الرحاب هي (المركز الكويتي) و (جيم سنتر)
رحت حق المركز الكويتي وقال لي :

- انا أصلا ماراح اييب الجهاز أول ما يتزل لأنه سعره بالنت 1000 دينار (ما أدري دزها علي وإلا صج:ponder:)

أما جيم سنتر فسألته سؤالين
السؤال الأول قبل تحديد سعر السوني 3
(من زمااااااااان ساأله)
رد علي شعبان بضحكة :
شوف حبيبي السعر الأصلي جم ؟ إذا عرفته ضربه بـ 2 :p

اما لما سألته قبل كم يوم قال لي :
الجهاز عليه طلب مو طبيعي والسعر راح يكون بحدود 600 ديناااااار وفووق
(اهم شي كلمة بحدووود :p)

يعني مينون من يشتريها من الكويت :blackeye:
وحتى برة سعرها راح يكون نار إلى ان ينزل في أوروبا أي شهر 3 2007
فهل في أحد عنده حل لهذه المعضلة:blackeye:
(وركزوا على كلمة معضلة :أفكر:)


والسلام عليكم ورحمة الله وبركاته
:35:

[New Horizon]

في جيم ماستر جدة عبدالله قالي تعرف السوق كيف ماشي؟؟ قلتله كيف؟؟ قالي الجهاز بره نزل ب400$ "كان يتكلم عن الـXBOX 360" ويوم وصل عندنا صار سعره نفس السعر بس زود 0 يعني 4000 ريال...

والـPS3 نفس الشيء بره بـ600$ هنا بيكون بـ6000ريال...

العملية ماشية كذا...

[MOHMMED3]

والله الي عندنا نصابين و المشكلة تحس انهم جمعيهم متحدين و متفقين مسبقا على سعر معين في الخفاء

[Snake-87]

والـPS3 نفس الشيء بره بـ600$ هنا بيكون بـ6000ريال...
لوووووول
كلها عمليات قذرة
بس احنا الأقذر
6000 ريال تعادل 480 دينار
واحنا 600 دينار ><"


والله الي عندنا نصابين و المشكلة تحس انهم جمعيهم متحدين و متفقين مسبقا على سعر معين في الخفاء
اي والله مشكلة
لا المشكلة اول شي يصير عند كم محل بس
والسعر فوووووووق
لما ينزل بكل المحلات يهبط السعر مثل بالون مملوء بالرصاص عند المحلات الأولى XD

[chris2003]

انا سالت عن ال xbox360 واعتقد انه قالي سعره مابين 1700و1800 ريال تقريبا

[Snake-87]

انا سالت عن ال xbox360 واعتقد انه قالي سعره مابين 1700و1800 ريال تقريبا

نفس السعر تقريبا عندنا . . .
ولكن اول ما نزلت كانت ب450 كويتي يعني نااااار ><"

[#BLOOD#]

شباب الواحد لو عندو احد يقربلوا ساكن برة .. في كندا مثلا .. راح يريح نفسو من عمليات النصب هدي .. وان شاء الله أنا بريح نفسي وبجيبه من كندا .. مع الويي .. في فبراير >> بس إن شاء الله يكون موجود وقتها في السوق .. مو تكون النسخ كلها مغلقها ><"

[Snake-87]

شباب الواحد لو عندو احد يقربلوا ساكن برة .. في كندا مثلا .. راح يريح نفسو من عمليات النصب هدي .. وان شاء الله أنا بريح نفسي وبجيبه من كندا .. مع الويي .. في فبراير >> بس إن شاء الله يكون موجود وقتها في السوق .. مو تكون النسخ كلها مغلقها ><"
مثل ما يكون عندنا صعب
أيضا راح يرتفع السعر عندهم هناك ><"

[hamad500]

مثل ما يكون عندنا صعب
أيضا راح يرتفع السعر عندهم هناك ><"


هناك عندهم قانون حماية المستهلك يعني لو زاد دولار واحد تقدر تشتكي عليه :blackeye:

[سنسال]

السلام عليكم

اخي نحن شباب الكويت يقصون علينا بعض محلات العاب بل مو بعضها بل كلها

انا مره رحت ابي اشتري psp لقيت سعرها 100 دينار وهي بدول الاوروبيه تاخذها حتى 40 دينار

وبعد جهاز xbox 360 الحين صار 160 دينار وهم يبيعونه ب 240 دينار هذا مو نصب والله حرام

وبعدين اذا كان جهاز ps3 ب 600 دينار يعني هذا يجذب على الناس

وما اقول الا لا حول ولا قوة الا بالله

[THE_MATRIX]

والله العظيم احنا المجانين ..
عموماً انا شكلي مابشتري لا الـ Wii ولا الـ Ps3 من المحلات إلي عندنا
شكلي بشتري نم النت ..

[سنسال]

والله العظيم احنا المجانين ..

عموماً انا شكلي مابشتري لا الـ Wii ولا الـ Ps3 من المحلات إلي عندنا
شكلي بشتري نم النت ..


اخي هل انت واثق من النت يعني تشتري من النت :أفكر:

[البيكهام هام]

والله انا عندي ينصبون او ماينصبون اهم شي اني اشتريها اول ماتنزل سواه 600 او700 مجهزلها فلوس اهم شي وناستنا ترى ياجماعه هذه بلاي ستيشن3 مو اي جهاز يعني يستاهل تقط عليه كل فلس:biggthump اول ماتنزل افكر العب كيل زون ولا كول اوف ديوتي3 ولا ديفل ماي كراي4 ولا ريزدنت ايفل5:33: باقي ثلاث اسابيع <<<<واحد حده متشيش:D

[joker_zambrotta]

^^^ الحبيب منو ولده أقط 700 دينار على جهاااز خبل اروح أطق فيهم bravia وايد أحسن
لاتعصب ترى قاعد اتغشمر

انا بنطر للصيف يمكن طويل العمر يصكنا بمنحه أميريه.......<<< طرار ويتشرط

الله كريييم :)

[سنسال]

والله انا عندي ينصبون او ماينصبون اهم شي اني اشتريها اول ماتنزل سواه 600 او700 مجهزلها فلوس اهم شي وناستنا ترى ياجماعه هذه بلاي ستيشن3 مو اي جهاز يعني يستاهل تقط عليه كل فلس:biggthump اول ماتنزل افكر العب كيل زون ولا كول اوف ديوتي3 ولا ديفل ماي كراي4 ولا ريزدنت ايفل5:33: باقي ثلاث اسابيع <<<<واحد حده متشيش:D


المبذرون اخوان الشياطين مع احترامي لك

وبعدين ليش شنو وناسه مصيرها تصير قديمه يعني نفس ps1 و ps2

[khalid_dew]

احلى شيء انا اخوي بيروح امريكا في ديسمبر واقول له اشتري لي الجهاز....يقول آخر السنة عشان الدراسة,,,,,من صدق حركة ندالة

[البيكهام هام]

المبذرون اخوان الشياطين مع احترامي لك

وبعدين ليش شنو وناسه مصيرها تصير قديمه يعني نفس ps1 و ps2
اخوي اذا قصدك عن الاسراف انا مو مسرف بس اي الاحسن انك تاخذ بلاي3 اللي كل العالم ينطرونه او انك تاخذ تلفزيون برافا اللي يعتبر اسراف عالعموم انا اول مانزل بلاي1 شريته وبلاي2 شريته وبلاي3 اول ماينزل بشتريه;)

[hamad_007]

سعر البلايستيشن3 أول ما ينزل بكون 600 دولار ضرب 2.5
و عقب ما تضرب الناتج ب3.67
بطلع 5500 درهم أو ريال أو 550 دينار .

حتى الاكس بوكس 360 يوم نزل كان سعره 400 دولار و لو ضربته ب2.5 و 3.67 بطلع الناتج 3700 الي هو سعر الاكس بوكس عندنا .

[HUMAED]

السلام عليكم ..
اخوي الي ناوي يشتري الجهاز ..علية باليابان او امريكا ..
اوروبا ونحن اغسل ايدك
..
انا ناوي اشتريها من امريكا ب 600$ وافك عمري

[DeathMatch]

يا اخي معقولة 1000 دينار هذا انا ابي اشتري سيارة او بيت للاسف بعض المحلات نصابين خصوصاً انه يستغل ان الجهاز بيكون جديد ومو متوفر بالكويت !!

لكن انت لا تشتريها الا لما تنزل ونتنشر بالكويت ويصيرون المحلات يتنافسون فيما بينهم صدقني سعرها الحقيقي 180 دينار لكن بعض المحلات يبون يدبلون السعر خمس مرات انت اشترها ايام امتحانات اخر السنه لسنة 2007 وياني وياك تشتريها بالعطله لانك راح تنلحس لحس :D

اما ان كنت ناوي عليها وتبيها بكير فأنصحك انك ما تشتريها من الكويت

اخوك ديث :biggthump

[النجم الهولندي]

حااااااااااااااااااااااااااااامضضضضضضضضضض على بوزهممممممممم

ولا قرششش إلى إذا وصل 2000 وأقل

اما غير كذا اترك اللعب احسن لي

[robinho]

شباب أنا عندي لكم خوش راي

شرايكم نفتح محل نسميه باسم المنتدى و نفتح فرع أول شي بالسعودية

و إنشالله إذا نجح نفتح فرع ثاني بالكويتو نكمل و نفتح في باجي الدول الخليجية

و بالنسبة حق البلاي 3 و الوي و الاكس 360 ما باليد حيلة ماكو إلا نشوف :bigeyes:

ومانقدر نسوي ولا شي

أما إذا سرعنا في فتح المحلات راح نقدر نسوي شي بالنسبة حق أجهزة الجيل الثامن و إذا نبيعها

بنبيعها بربح 10-30% كحد أقصى مو مثل النصابين الي الحين الي يربحون من ورا كلا جهاز 300-

400%

ترا أنا أتكلم من صجي و مو قاعد أتغشمر و أما بالنسبة حق الأجهزة أنا انشالله من السنه الياية

انشالله بكمل دراستي بأمريكا و أنا أحاول أوفر كمية من الأجهزة مو كلها لأن مافي قدرة صراحة أنا

بروح دراسة مو تجارة لول

و على فكرة فكرة المحلات علامة تجارية مسجلة لحسين نبيل أسيري من الكويت لول

ترى أنا أتكلم من صجي و مو قاعد أتغشمر و الي يأيدني يقول

[robinho]

و خل أكمل هالمشروح راح يكون مراقب من مجموعة من

الأعضاء الكبار و الثقات من أعضاء المنتدى و الي عنده أي فكرة

أو يحب يساهم في المشروع يقول و نأمل من المراقبين ان يعطون

رايهم في أخذ اسم المنتدى أو اسم جيمز 4 أراب

و أنا أطمع في فكركم

و السلام عليكم و رحمة الله و بركاته

[robinho]

و جذي نقدر نكسر السوق و نكسب ثقة المستهلكين و يصير

الأفضل و لو زادت أسعار الربحية عن 30% من تكلفة الجهاز لنا

راح و إذا ماسوى شي مجلس المراقبين حق هذا المجلس كله

يتفنش و يتغير

ولا شرايكم

ترى أنا متحمس حق الموضوع لا تنهون حماسي له

[البيكهام هام]

يا اخي معقولة 1000 دينار هذا انا ابي اشتري سيارة او بيت للاسف بعض المحلات نصابين خصوصاً انه يستغل ان الجهاز بيكون جديد ومو متوفر بالكويت !!

لكن انت لا تشتريها الا لما تنزل ونتنشر بالكويت ويصيرون المحلات يتنافسون فيما بينهم صدقني سعرها الحقيقي 180 دينار لكن بعض المحلات يبون يدبلون السعر خمس مرات انت اشترها ايام امتحانات اخر السنه لسنة 2007 وياني وياك تشتريها بالعطله لانك راح تنلحس لحس :D

اما ان كنت ناوي عليها وتبيها بكير فأنصحك انك ما تشتريها من الكويت

اخوك ديث :biggthump
انا ودي اني مااشتريها من الكويت بس تنصحني منين اخذها؟من النت يقولون نصابي ومو حلوه اسافر بس عشان اشتري بلاي ستيشن3;)

[Emirates]

سعر البلايستيشن3 أول ما ينزل بكون 600 دولار ضرب 2.5
و عقب ما تضرب الناتج ب3.67
بطلع 5500 درهم أو ريال أو 550 دينار .

حتى الاكس بوكس 360 يوم نزل كان سعره 400 دولار و لو ضربته ب2.5 و 3.67 بطلع الناتج 3700 الي هو سعر الاكس بوكس عندنا .

حمد شدراااااااك ؟؟؟ :wow:

كابول قال 5500 درهم بالضبط


لكن الصبر يمدحونه

وشكرا

[محترف بلاي ستيشن]

........ وتظل المشكلة بدون حل

طيب كيف أطلبه من الانترنت ؟؟ في مواقع تشحن للسعودية؟؟هل في أحد طلبه من النت يقلنا كيف؟؟

[Shredder]

عندنا محل فـ مدينة العين اسمه كابول سألته وقال السعر بيكون يمكن 5500 درهم تقريبا ><"
لكن شو نسوي لازم نصبر على الأقل كم شهر لين ماينزل السعر T-T

[khalid2001]

طيب سؤال شباب هالحين كلكم تفكرون تشترونه بالفترة هذي ليش؟؟!!!

خصوصاً أنه اللي يبي ينزل أن تي سي وماتدري عن سوني يمكون يسوون نظام للتأكد من المنطقة والنظام للتطابق بعد كذا تبلش!!!!!
وش رايكم؟

[Al-7ussaini]

أخوي

أول شي يعطيك العافية عالموضوع ..

امممم .. اقولك ياها ما قريت الموضوع كله .. بس حبيت أقولكم شغله يا شباب ..

أنا بأمريكا الحين و بشتري سوني 3 ان شالله حق اخواني بالكويت .. و ناوي أييب معاي جهاز ثاني زياده .. بس بسعر 100 دينار أكثر .. يعني جم سعر الجهاز بأمريكا ؟ 200 دينار ؟ انا ابيعه ب300 دينار ..

اشرايكم بالعرض هذا ؟

[msm]

الحل الأفضل هو الانتظار حتى يتوفر بشكل رسمي من الوكالة بعد 3 أو 4 شهور ..

أعتقد سعره ماراح يتجاوز 2500 ريال (599 دولار = 2250 ريال) ..

[hardmetal]

السلام عليكم,

عموماً, ساشتري الجهاز مع الاصدار الاوروبي + تلفزيون سوني بريفيا + اخر نظام للسماعات

شكراً

[hamad_007]

حمد شدراااااااك ؟؟؟ :wow:

كابول قال 5500 درهم بالضبط


لكن الصبر يمدحونه

وشكرا

أنا قسمت سعر الاكس بوكس 360 يوم نزل في الامارات بسعره في أمريكا .
يعني 3700 تقسيم 1468 و يطلع الناتج 2.5 .
نفس الشي مع الPSP و طلع 2.5 .

يعني كل الأجهزة بتكون نفس الشي .

[ولد الصائغ]

هي والله سعرها غالي ال ps3 بس إذا نزلت في الخليج بتكون أزيد من 400 دينار على حسب معلوماتي يمكن راح تكون أزيد بس لما تنزل محد راح يشتريها لأنها غالية

[البيكهام هام]

أخوي

أول شي يعطيك العافية عالموضوع ..

امممم .. اقولك ياها ما قريت الموضوع كله .. بس حبيت أقولكم شغله يا شباب ..

أنا بأمريكا الحين و بشتري سوني 3 ان شالله حق اخواني بالكويت .. و ناوي أييب معاي جهاز ثاني زياده .. بس بسعر 100 دينار أكثر .. يعني جم سعر الجهاز بأمريكا ؟ 200 دينار ؟ انا ابيعه ب300 دينار ..

اشرايكم بالعرض هذا ؟
خلاص انا اشتري واحد منك بس ترى سعره 150 دينار يعني اخذه منك ب250 دينار المهم انت متى بترد الكويت؟

[البيكهام هام]

تعالوا عندي فكره حلوه ليش ماتروحون لشركة سوني نفسها وتسألونهم؟انا من ناحيتي بروح اليوم وبسألهم جم سعر الجهاز;)

[khalid2001]

^^^^^^^^^^^^^^
راح يقولون لك الخليج تبع أوروبا أنتظر إلى مارس

[Dr.DrEaM]

انتوا ذابحين حالكوا من الحين ليش

استنوا الين ما ينزل ... وخليك على راس البياع حتى تتطالعه بسعر زين

[barca-ps3]

السلام عليكم,



عموماً, ساشتري الجهاز مع الاصدار الاوروبي + تلفزيون سوني بريفيا + اخر نظام للسماعات


شكراً




إن شالله أنا نفس الشي ;)

[F I N A L]

لاحد يشغل نفسه بالألعاب وقت الدراسة .. في ناس عدهم معدلات وانتو تشغلون عدهم حاسة (الحماسة) :09:

يقولون الصيف ممتع :D

[Snake-87]

سوري على التاخير ^^"





هناك عندهم قانون حماية المستهلك يعني لو زاد دولار واحد تقدر تشتكي عليه بس إذا نفذ من السوق ؟
تتوجه إلى السوق السوداء ^^"



وبعدين اذا كان جهاز ps3 ب 600 دينار يعني هذا يجذب على الناس يسوي مثل ما يسوي غيره لأنها مو متوافرة بالسوق ونافذة . . .واي شي ماكو منه يصير غالي معروفة السالفة .


عموماً انا شكلي مابشتري لا الـ Wii ولا الـ Ps3 من المحلات إلي عندنا قال لي انه الوي راح يكون رخيص لأنه فيه منه كميات كبيرة .
ويمكن آخذه من الكويت .

والله انا عندي ينصبون او ماينصبون اهم شي اني اشتريها اول ماتنزل سواه 600 او700 مجهزلها فلوس والله حرام
مافيك صبر ؟
نصيحة لوجه الله انتظر حتى ينزل السعر .
على الأقل 250 بس


انك تاخذ تلفزيون برافا اللي يعتبر اسراف بريفيا سعره الحقيقي غالي
اما السوني 3 هذا مو سعره الحقيقي



يا اخي معقولة 1000 دينار هذا انا ابي اشتري سيارة لووول راعي المحل قال لي (تخيل كأنك بتشتري سيارة صغيرة XD)


اما ان كنت ناوي عليها وتبيها بكير فأنصحك انك ما تشتريها من الكويت هذا إلي بيصير ^^


شرايكم نفتح محل نسميه باسم المنتدى و نفتح فرع أول شي بالسعودية

و إنشالله إذا نجح نفتح فرع ثاني بالكويتو نكمل و نفتح في باجي الدول الخليجية
فكرة عظيييييمة ^^
انا مستعد ^^

ترى أنا متحمس حق الموضوع لا تنهون حماسي لهحمستني حيييل
تخيل أعضاء المنتدى كلهم (واااااااايد) يشترون من محلك XD
= ربح كبيييير ^^







خصوصاً أنه اللي يبي ينزل أن تي سي وماتدري عن سوني يمكون يسوون نظام للتأكد من المنطقة والنظام للتطابق بعد كذا تبلش!!!!!
وش رايكم؟لا يالغالي إلي بينزل (فري ريجن) يعني نظام موحد ماكو لا بال ولا اNTSC



يعني جم سعر الجهاز بأمريكا ؟ 200 دينار ؟ انا ابيعه ب300 دينار .. صرت مثل محلاتنا XD
أنا استانست قلت واحد يبي ييبه لي من امريكا الحين XD
لا وااااايد غاااالي XD
انطر اشتريه او اوصي واحد من اهلي إذا سافر ييبه لي ب180 + شريط = 200 ^^



أعتقد سعره ماراح يتجاوز 2500 ريال (599 دولار = 2250 ريال) ..حتى لما ينزل بأوربا ... بالمحلات لازم ربح أكيد يعني سعره 180 كويتي يصير . . . 250 مثلا ^^"
لااازم نصب ><"


عموماً, ساشتري الجهاز مع الاصدار الاوروبي + تلفزيون سوني بريفيا + اخر نظام للسماعاتقصدك الإصدار (في) اوروبا ^^
تصدق نفس الحالة عندي . .. بس أفكر بظام زين ورخيص للسماعات ما يعدي 100 دينار ^^"



بس لما تنزل محد راح يشتريها لأنها غاليةفيه مجانين واااااايد ^^


تعالوا عندي فكره حلوه ليش ماتروحون لشركة سوني نفسها وتسألونهم؟انا من ناحيتي بروح اليوم وبسألهم جم سعر الجهاز;)راح يقول لك هذا الموجود أنا ما أدري عن شي مو موجود روح شوف XD (هندي بمحل سيديات XD)




استنوا الين ما ينزل ... وخليك على راس البياع حتى تتطالعه بسعر زينمستحيل البياع ينزل دينار واحد
جعووووووووووووووووووووووووص
والله يدورون الفلس


إن شالله أنا نفس الشي ;)هلا حجي . . . إذا بتشتري قول لي بشتري معاك ^^ علشان يسوون لنا خصم ^^


حاسة (الحماسة) :09:اي والله عاد انا أول كورس لي بالكلية مو زين ينزل المعدل ><"
وعطلة نص السنة (اي صيف اي بطيخ) حلوة
شووف الجهاز (MUST BUY) عند صدور ميتل جير
اي وقت واي زمان واي مبلغ XD
شوف هذا مخي حاليا :http://www.up3rb.net/uploads/3a17fde217.jpg
XD
LooL

[barca-ps3]

هلا حجي . . . إذا بتشتري قول لي بشتري معاك ^^ علشان يسوون لنا خصم ^^

حاضرين .. !

عاجبني مخك << تسلفنياه ؟XD

[Snake-87]

حاضرين .. !

عاجبني مخك << تسلفنياه ؟XD
حاضرين XD
نسوي ترانسفير للمخ مثل فلم فيس أوف XD



استأسدت الكلاب في غيابك

مع اني ما أحب هذا اللاعب . . . بس خوش عذر للخسارة XD
^^
بس إذا بتطلب من النت قولي او إذا عزمت تشتري قووول لي اي وقت دز لي رسالة خاصة

[users]

بسم الله الرحمن الرحيم

بصراحه وبكل وضوح .. الحل الأمثل لهذه المشكله هي الصبــر ... لأن فوائـدها عديده

شوف .. يعني اصبر عليها سنه او نص سنه .. والله ما بتخسر شئ ..

اول شئ الأسعار ناااار ... بتقولي عادي بشتريها مره وحـده وخلاص .. وبعدين ما بخسر شئ ..

و المشكله الثانيه انه مافي كوبي .. والأحسن انك تنتظر لين ما خبراء القرصنه يدورون حل حق الكوبي .. اهم شئ انه ما نشتري اللعبه ب 200 او 300 درهم .. ترى والله اسراااف بشكل كبييير

200 او 300 درهم ( يعتبر راتب كامل لشخص متزوج ويصرف لعائله فالدول الأخرى )

والحل الأخيـر هو الأهم .. هو انه اذا ظهرت عيوب فالنسخ الأولى ( لا قدر الله ) فبيقدرون انهم يشوفون لها حل .. ويطورونها .. او شئ ..

يعني والله يا جماعه الصبر زين .. هذا غير عن الخبره الي بتكتسبها يوم بتقرا غيرك شو كاتب عنها ..

يعني باختصار .. الصبر يحل كل المشاكل الي بتحصل ^_^

[Snake-87]

ماكو صبر XD
ربعنا لو يحصل لهم يقتحمون مصنع سوني ويبوفون XD

انا واحد بصبر لي ما الدنيا معكوسة يقول بشتري اشتري معاه ^^

[Stam]

بسم الله الرحمن الرحيم

بصراحه وبكل وضوح .. الحل الأمثل لهذه المشكله هي الصبــر ... لأن فوائـدها عديده

شوف .. يعني اصبر عليها سنه او نص سنه .. والله ما بتخسر شئ ..

اول شئ الأسعار ناااار ... بتقولي عادي بشتريها مره وحـده وخلاص .. وبعدين ما بخسر شئ ..

و المشكله الثانيه انه مافي كوبي .. والأحسن انك تنتظر لين ما خبراء القرصنه يدورون حل حق الكوبي .. اهم شئ انه ما نشتري اللعبه ب 200 او 300 درهم .. ترى والله اسراااف بشكل كبييير

200 او 300 درهم ( يعتبر راتب كامل لشخص متزوج ويصرف لعائله فالدول الأخرى )

والحل الأخيـر هو الأهم .. هو انه اذا ظهرت عيوب فالنسخ الأولى ( لا قدر الله ) فبيقدرون انهم يشوفون لها حل .. ويطورونها .. او شئ ..

يعني والله يا جماعه الصبر زين .. هذا غير عن الخبره الي بتكتسبها يوم بتقرا غيرك شو كاتب عنها ..

يعني باختصار .. الصبر يحل كل المشاكل الي بتحصل ^_^

يسلم لسانك يا أخى على هالرد المتنور اللى فاهم شنو بيصير و أنا رآيي من رآيك :biggthump

[SFS]

مجمع الرحاب عندنا أنواع النصب ..

وكذلك السوق الخليجي بشكل عام..

بعدين الي بيدفع 1000 دينار وغيرها من هالمبالغ الخيالية ما فيه صبر ينتظر لما تنزل ألعاب محترمه للجهاز أو حتى ينزل سعره..

بعدين أشوف الناس مو شايفه خير ..:)

شدعوه مو قرآن ..كله جهاز..

وما ننسى ان النسخ الاولية من اي جهاز لازم يكون فيها مشاكل..

وافضل الواحد ينتظر لما ينزل الجهاز من الوكيل الرسمي..

بسعره الاصلي ..وبالضمان والكفالة..ولا تنسون العدسة بلوراي يعني مشاكل..

وايضا لما تنزل لعبة محترمه مثل ميتل غير أو gta ..:biggthump

[Snake-87]

يسلم لسانك يا أخى على هالرد المتنور اللى فاهم شنو بيصير و أنا رآيي من رآيك :biggthump
زين في ناس عاقلة XD
مع إحترامي للجميع ^^
بس كلامهم صح (إلا إذا لقيت سعر حلو ^^")


مجمع الرحاب عندنا أنواع النصب ..
Yup Yup


بعدين أشوف الناس مو شايفه خير ..:)

شدعوه مو قرآن ..كله جهاز..
XD
كلمة (كله جهاز) هذي ساااااالفة طووويلةXD
وشوف . . . الشي الي مو موجود بالدنيا يكون مرغوب
يعني لو عندي مغطاة بيبسي عادية عليها بصمة واحد مشهور (رونالدو مثلا)
شوف جم يصير سعرها ...
وإلا شي نادر مثل السوني3 راح يكون نااااااار بالبداية ><"


وما ننسى ان النسخ الاولية من اي جهاز لازم يكون فيها مشاكل..

مو (لازم) ^^
مو شرط ^^"



وافضل الواحد ينتظر لما ينزل الجهاز من الوكيل الرسمي..

بسعره الاصلي ..وبالضمان والكفالة..
هذا كله والشباب يشترونه من الرحاب , , ,
لأنه الوكالة ماكو تطويرة XD


وايضا لما تنزل لعبة محترمه مثل ميتل غي
لا تعور قلبي T_T
http://www.up3rb.net/uploads/3a17fde217.jpg
زين انا ناطر ميتل جير POS علشان أقزر فيها بشهر 12 ><"

[KSA_BOY]

السلام عليكم

مثل ما قالوا بعض الأخوة الصبر زين (&) !
بالنسبة لي ماراح أخذها إلا بعد فترة طويلة لما تنزل الألعاب المحترمة مثل فف 13 , متل جير 4 وغيرهم .. وقت الإصدار مافي إلا كم لعبة تستحق اللعب .

مشكور ( بو أغلفة بناتية XD ! )

[SFS]

XD
كلمة (كله جهاز) هذي ساااااالفة طووويلةXD
وشوف . . . الشي الي مو موجود بالدنيا يكون مرغوب
يعني لو عندي مغطاة بيبسي عادية عليها بصمة واحد مشهور (رونالدو مثلا)
شوف جم يصير سعرها ...
وإلا شي نادر مثل السوني3 راح يكون نااااااار بالبداية ><"


احترم رايك..:)
وبالفعل الشي الي مو موجود مرغوب وعليه طلب كبير..
لكن بالنسبة لي يرجع لأهمية الشي..
ليش اوهق نفسي وادفع مبلغ خيالي على جهاز ما راح تنزل معاه لعبة محترمه..
+وانا اعرف ان سعر الجهاز راح ينخفض آجلا أم عاجلا..
شخصيا انا ماراح آخذ الجهاز الا اذا نزلت لعبة ميتل غير أو gta..
مع العلم اني أقدر اشتريه في أول يوم ينزل فيه الجهاز..
فالمسألة مو مسألة حياة أو موت..
المسألة انك تلعبها صح وبدون ما أحد يقص عليك..
وكل تصبيرة فيها خيرة..:)






هذا كله والشباب يشترونه من الرحاب , , ,
لأنه الوكالة ماكو تطويرة XD


التطويرة ماراح تزل على طول..

راح تاخذ وقت..

ولا تنسى الدسكات بلو راي..

[otaibian]

مشكلة PS3 هي بصراحه العاب الاصدار مافي لعبة تسوى. اتوقع انه اسوء اصدار لاجهزة سوني..

[DR.COM]

من ناحيتي بنتظره مو هذه الاجازه
الاجازه الجاييه ان شاء الله
بكون سعره طااااااح والعابه توافرت الكوبي وفي نفس الوقت تكون العاب كثيره نزلت عليه
مو زي مايكون اول ماينزل تنتظر كم شهر بعدين تنزل لعبه جديده
ولو في تعديلات اخذه معدل جاهز بدل ما اجلس كل يوم اعدل واغير فيه
مارح يطير الجهاز

[Snake-87]

مشكور ( بو أغلفة بناتية XD ! )
يوروسيتيبايو XD


ليش اوهق نفسي وادفع مبلغ خيالي على جهاز ما راح تنزل معاه لعبة محترمه..
بالنسبة لي اللعبة الوحيدة مع الإصدار القوية هي سونك ^^"


المسألة انك تلعبها صح وبدون ما أحد يقص عليك..
وكل تصبيرة فيها خيرة..:)
صح صح ^^


التطويرة ماراح تزل على طول..

راح تاخذ وقت..

ولا تنسى الدسكات بلو راي..
أتكلم بشكل عام عن الأجهزة حاليا ^^
وليس Ps3 ^^"


مشكلة PS3 هي بصراحه العاب الاصدار مافي لعبة تسوى. اتوقع انه اسوء اصدار لاجهزة سوني..
انا ماشريته ولا مرة مع الإصدار ^^"



مارح يطير الجهاز

الجهاز بيطير أول 4 أشهر ^^
بس بعدين بنقص جناحه وينزل
^^

[سنسال]

اخوي اذا قصدك عن الاسراف انا مو مسرف بس اي الاحسن انك تاخذ بلاي3 اللي كل العالم ينطرونه او انك تاخذ تلفزيون برافا اللي يعتبر اسراف عالعموم انا اول مانزل بلاي1 شريته وبلاي2 شريته وبلاي3 اول ماينزل بشتريه;)

اخي مصيرها تتوفر نفس جهاز PS1 و PS2

بس صح انا شكوو انت وراحتك

بس نصيحه هاذي :09:

[barca-ps3]

بس إذا بتطلب من النت قولي او إذا عزمت تشتري قووول لي اي وقت دز لي رسالة خاصة

انا واحد بصبر لي ما الدنيا معكوسة يقول بشتري اشتري معاه ^^

إن شالله نشتري مع بعض ..
بس قولي متى تبيه ؟
أنا ناوي بالصيف .. يعني أفكر اشتريه من اسبانيا .. " شهر 8 بيكون بايدي بالكويت "




اقتباس:

استأسدت الكلاب في غيابك

مع اني ما أحب هذا اللاعب . . . بس خوش عذر للخسارة XD


لا تتحرش ><" .. XD

[foxs80]

- انا أصلا ماراح اييب الجهاز أول ما يتزل لأنه سعره بالنت 1000 دينار (ما أدري دزها علي وإلا صج)

بالمركز الكويت عيب تقول انه يدز عليك

والله في اسلووب حلوو وهو ماله شغل بالسعر

لان فعلا بره 3000 دولار
احسبها انت وخبرني

ولا تنسى انه بيضيفلك محول على شان تشتغل على كهربة الكويت
ولا تنسى سعر الشحن

===============

اما جيم سنتر انا اتفق معاك انه نصاابين وما احب افضح احد وخلها مستووره
شووف رده وتعرف قصدي البووق عينك عينك


واسف على التدخل

لكن الحق ينقال

واذا ردي زعلك

اتمنى يلغيه اللمشرف

[khalid2001]

أكيد أخوي فري ريجن؟؟
أجل على كذا شكلي بأشتريه مع الأصدار من النت بسعره الأصلي

[Snake-87]

بس قولي متى تبيه ؟
أنا ناوي بالصيف .. يعني أفكر اشتريه من اسبانيا .. " شهر 8 بيكون بايدي بالكويت "

لا متأخر جدا ><"



لا تتحرش ><" .. XD
انا برشلوني XD


بالمركز الكويت عيب تقول انه يدز عليك

سوري ^^"


لان فعلا بره 3000 دولار
احسبها انت وخبرني


ولا تنسى انه بيضيفلك محول على شان تشتغل على كهربة الكويت
ولا تنسى سعر الشحن
إلي خلاني أشك انه يقول ب1000 دينار
وشعبان يبي يبيعها ب600 دينار
بس هذا موضع الشك .

واذا ردي زعلك
لا أبد الحق ما ينزعل منه وانا اسف ^^"


كيد أخوي فري ريجن؟؟
أجل على كذا شكلي بأشتريه مع الأصدار من النت بسعره الأصلي
اكيد
بس إذا حصلته بالنت
قولي ^^"

[HMV0836728]

يا شباب من الافضل لكم انكم تأجلون شراء البلاي3 الى 2007

لأن الجهاز اول ما ينزل سعره نـــار وبعدين الجهاز يمكن يكون فيه شوية اعطال مثل ما صار مع الـ xbox360

اما الآن اذا تبغون جهاز خذ الوي ارخص لك وبتنزل معاه العاب قوية مثل زيلدا

بصراحة اللي بيشتري البلاي 3 في 2006 ما عنده سالفة.

[D.Otakon]

انا مابشتري الجهاز الأ اذا صار سعره 250 دينار(2500 ريال)... ويمكن شهر 7 اشتريه من الأنترنت ويكون الكوبي نزل في نفس الوقت..

[squallx]

امممممممممم اخذت عهد على نفسي الجهاز ماراح اخذه الا لمن تنزل عليه هاالألعاب

ديفل ماي كراي 4 ومتل جير سوليد4 ورزدنت ايفل 5 وتكن 6 وفف 13 ووننج الفين 11

وبذاك الوقت سعر الجهاز بينزل وبيتوفر عند الوكالة بسعره الرسمي

طبعا بالبداية باخذ اصلي لكن لمن الله يوفق القراصنة المجاهدين ويقهرون البلوراي باخذ كوبي :biggthump

[Pentium]

اذا عندك اي معارف او اقرباء بـ USA مثلا...تقدر تشتريه بسعره الاصلي دون زياده او نقصان...

و في محلات وصل عليها البلاي 3 للعرض فقط ...( مثلا CircuitCity و BestBuy )...لي معارف هناك و جربوا الـ NBA 2007 على الجهاز بنفسهم...و فيك تحط اسمك على الـ Waiting List منشان تحجز جهاز لك عندما يتوفر...
شوفوا:

لينك البلاي 3 من CircuitCity:

http://www.circuitcity.com/ssm/PlayStation-3/sem/rpsm/catOid/-16622/N/20012841+20016481+20016622/link/ref/rpem/ccd/categorySpecial.do

و من BestBuy:

http://www.bestbuy.com/site/olspage.jsp?navLevel=4&type=category&navHistory=cat00000%2Bcat02000%2Bcat02119&id=pcmcat91400050028

و طبعا الكلام نفسه على الوي...:)

لهيك هذا خيار الشراء الاول في هذه الحالة :) و خصوصا اذا في حدا راجع لانه هيك توفر مصاري الشحن :D

[Snake-87]

^
^
^
همم . .. انت من الكويت ؟؟
ييبلي معاك XD

[cantona222]

السلام عليكم.
اخوي Snake-87 انا استانس على مواضيعك و ردودك........ لها نكهه خاصة :D
يالله، بعد المدح........ الحين بقول اللي بخاطري :p

انت لو تفكر فيها......... لا تلوم المحلات.. ييبون الجهاز من أمريكا و ايابان و اوربا مباشرة.
بدول الخليج ماكو موزعيين. فشوف تكاليف السفر و الشحن. و بعدين حتى لو الواحد يقول انهم شارينها بكميات (بالجملة)......... ما راح يفرق السعر. اهما يشترونها كأشخاص عاديين مثلي و مثلك. مو كشركة. انت لو تروح حق اي محل بأمريكا مثل Best Buy و تقولهم راح اشتري 30 جهاز PS3 ما راح يسوولك خصم. مو مثل الدول العربية :D . السعر ثابت.

و للأسف.......... تشوف ان Sony تعلن عن صدور اجهزتها بأمريكا، اليابان ، و أوربا....... و باقي العالم وينه؟؟؟:bigeyes: متى موعد صدورها بالكويت و بالخليج؟؟!!:o ........ باقي العالم الله يسلمك يدبر حاله و يشتري من وحده من الدول المذكوره.
فأنا اشوف ان راعي المحل لما يزيد على سعر الجهاز ........ شي عادي....... بس ربعنا يمصخونها شوي. يعني المفروض بدال لايضربون السعر بـ 2. المفروض يضربونه بـ 1.5
600$ * 1.5 = 900$ = 290 دينار :D ............ المفروض.

:D اذا تبيني اييبلك الجهاز من امريكا ترى حاضرين :D

[Snake-87]

اخوي Snake-87 انا استانس على مواضيعك و ردودك........ لها نكهه خاصة :D تسلم :)
هذي شهادة أبروزها وأحطها بالتوقيع ^^


انهم شارينها بكميات (بالجملة)......... ما راح يفرق السعرلوووول
مستحييييييييل
يفرق السعر جدا
^^
مثال.. شريط PSP سعره 12 دينار .. يبيعه ب15 دينار ^^" بعدين هالأيام يبيع ب13
فرق دينار واحد بس
يعني يربح فيه دينار بس؟ معقولة ؟ أكيد ماخذه بالجملة حتى الأشرطة ييبونهم حزم كل شريط بحزمة XD


و باقي العالم وينه؟؟؟:bigeyes:يوصل بوكالات العالم بعد فترة طويلة
مثلا السوني 2 لما نزلت بالوكالة سوو إعلانات وضجة بالجرايد . .. الدنيا كلها عندها سوني 2 الحين XD
والأكس بوكس تحصلها بإلكترونيات الغانم مع اشرطة اصلية طبعا وخصومات ... طبعا بعد ما الكل شرى الجهاز ^^"

بس ربعنا يمصخونها شوييمصخونها وايد XD



:D اذا تبيني اييبلك الجهاز من امريكا ترى حاضرين :Dصج!؟ ^^؟
أكون لك شاكر صراحة انك تخيم جدام المحلات علشاني ^^
ابي سووووووونك XD
متى ترجع الكويت ^^ ؟

[cantona222]

صج!؟ ^^؟
أكون لك شاكر صراحة انك تخيم جدام المحلات علشاني ^^
ابي سووووووونك XD
متى ترجع الكويت ^^ ؟

خقولك بصراحه. اذا انت مستعيل عليها ........ فما راح انفعك وايد :p
لأني ان شاء الله راح ارد بتاريخ 15-12-2006 و مستحيـــــــــــــل احصل PS3 بهالفترة.
و بعدها ....... يمكن ارد شهر 5 2007 (40 %) و ان شاء الله اكيد ارد شهر 1 2008

فإذا قررت اني ارد شهر 5 2007 و انت ودك فيها........ فراح اييبلكياها.
و إذا راح ارد شهر 1 2008 و تبيها .......... فراح اييبلكياها.

شرايك؟......... انت تبي Sonic ....... شكلك مستعيل عليها :D .

[Snake-87]

لأني ان شاء الله راح ارد بتاريخ 15-12-2006 و مستحيـــــــــــــل احصل PS3 بهالفترة.
إذا حصلته بالهفترة خير وبركة ^^"


و بعدها ....... يمكن ارد شهر 5 2007 (40 %) و ان شاء الله اكيد ارد شهر 1 2008
لا تكون نزلت عندنا سعرها حييل >< "
وشهر 5 امتحانااات XD


و إذا راح ارد شهر 1 2008 و تبيها .......... فراح اييبلكياها.

2008؟؟؟؟؟؟
انت من صجك XD
ميتل جيربينزل 2007

وانت تقول لي 2008

تبي تقتلني؟ XD
الله يعطيك الف عافية وواصل تسلم ما تقصر ^^
شكلي بنطر لي شهر 3 T_T وامري إلى الله T_T
او اشتري 360 مستعمل أقزر فيه بسونك على ما ينزل ميتل جير ^^

[سنسال]

شباب امس رحت عند محل واحد اعرفه من زمان يقول الجهاز بس يوصل عندنا نبيعه 350 دينار ^^

[Snake-87]

شباب امس رحت عند محل واحد اعرفه من زمان يقول الجهاز بس يوصل عندنا نبيعه 350 دينار ^^

ايضا غالي XD
السعر الرسمي 180 ^^
يعني لو بشتريه أكثر شي 250 بس ^^"

[Pentium]

^
^
^
همم . .. انت من الكويت ؟؟
ييبلي معاك XD


والله تكرم عيونك....بس انا من سوريا...و ناطر تأكيد من الشباب على موعد الرجعة تبعهم :D

يعني تعرف نحن هون ممكن اديش ينباع الجهاز بسوريا؟ اضرب بـ 4 أو 5 :bigeyes:

بذكر هالحكي من ايام الـ PS2 ....!!

[cantona222]

تبي تقتلني؟ XD
الله يعطيك الف عافية وواصل تسلم ما تقصر ^^
شكلي بنطر لي شهر 3 T_T وامري إلى الله T_T
او اشتري 360 مستعمل أقزر فيه بسونك على ما ينزل ميتل جير ^^


و الله هذا اللي اقدر عليه. ارد مره او مرتين بالسنه :D

:p Sonic ذابحك :p

اي والله و سويتها. حطيتها توقيع ;)
قول و فعل:09:

[الجمس الحمر]

اضربوا بهذه المحلات عرض الحاااااااائط


و اشتروا من الانترنت ..... و تصل لكم اللعبة لييييييييييييييييييييييييييييييين باب بيتكم

[Snake-87]

:p Sonic ذابحك :p

وانت الصاج ميتل جيير T_T



و اشتروا من الانترنت ..... و تصل لكم اللعبة لييييييييييييييييييييييييييييييين باب بيتكم
فكرت فيها ...
تدفع حوالي 200 دينار أو أكثر ... ولما يوصلك ويطلع خربان .. تضرب نفسك بعرض الحائط XD
لأنه ما كو كفالة ><"


اي والله و سويتها. حطيتها توقيع ;)
قول و فعل:09:
^^

[KSA_BOY]

او اشتري 360 مستعمل أقزر فيه بسونك على ما ينزل ميتل جير ^^

تصدق أنها فكرة ليست بالسيئة @_@ !
حتى أنا أبي سونيك T__T !
كم وصل سعر الإكس بوكس عندكم ؟ (&)


فكرت فيها ...
تدفع حوالي 200 دينار أو أكثر ... ولما يوصلك ويطلع خربان .. تضرب نفسك بعرض الحائط XD

عجبتني الجملة .. :p

[Snake-87]

تصدق أنها فكرة ليست بالسيئة @_@ !
حتى أنا أبي سونيك T__T !
كم وصل سعر الإكس بوكس عندكم ؟ (&)
160 دينار تقريبا + شريطين ويدتين على ما اعتقد

أذكر مرة ببداية صدور الجهاز بعد ما نزل من 400 دينار ^^"
سألت المحل كم وصل سعر الاكس بوكس؟
قال لي مثل اسم الجهاز XD
360 دينار XD


عجبتني الجملة .. :p
حاضرين ^^"

[KSA_BOY]

160 دينار تقريبا

يعني 1100 ريال .. ممتاز *_* !
بصراحة شكلي بأخذ الجهاز بس طبعا مو الحين (&)

[سنسال]

ايضا غالي XD
السعر الرسمي 180 ^^
يعني لو بشتريه أكثر شي 250 بس ^^"

يعني اللى يبي يشتريه من النت هم خاف يطلع الجهاز عطلان :31: انا انتظر السعر يهبط لو بعد سنتين :biggthump

[K-i-l-u-a]

شي متوقع عندنا :12: لكن بني آدم ما يترس حلجه الا الرمل :yuck:

anyway ااه ما في احد سأل عندنا عن شركة DHL ؟؟ سمعت من جم واحد انه تروح مكان الشركة يعطونك ورقة تكتب فيها بيانات الجهاز و يطلبون لك الجهاز يوصل وتستلمه من عندهم وياخذون عليك عموله صغيره يعني اذا الجهاز 180 ياخذون بي 10 و 20 دينار يعني 200 دينار المجموع :33: مافي احد عنده خبر عن هالموضوع لأنه اذا هالكلام صحيح باااااااااااااجر انا عندهم :bigok:

[Snake-87]

شي متوقع عندنا :12: لكن بني آدم ما يترس حلجه الا الرمل :yuck:

وانت الصاج صمونة هارديز الكبييرة XD


ياخذون عليك عموله صغيره يعني اذا الجهاز 180 ياخذون بي 10 و 20 دينار يعني 200 دينار المجموع :33: مافي احد عنده خبر عن هالموضوع لأنه اذا هالكلام صحيح باااااااااااااجر انا
ما عندي فكرة ^^"

[الجمس الحمر]

فكرت فيها ...
تدفع حوالي 200 دينار أو أكثر ... ولما يوصلك ويطلع خربان .. تضرب نفسك بعرض الحائط XD
لأنه ما كو كفالة ><"

^^


لا يا اخ سلامتك :33:

اطلب ارسالها عن طريق الفدكس
و تقرب تطلب كفالة ايضا عند ارسالها

كل هذه لاامور متوفرة يا عزيزي :)

[barca-ps3]

anyway ااه ما في احد سأل عندنا عن شركة DHL ؟؟ سمعت من جم واحد انه تروح مكان الشركة يعطونك ورقة تكتب فيها بيانات الجهاز و يطلبون لك الجهاز يوصل وتستلمه من عندهم وياخذون عليك عموله صغيره يعني اذا الجهاز 180 ياخذون بي 10 و 20 دينار يعني 200 دينار المجموع :33: مافي احد عنده خبر عن هالموضوع لأنه اذا هالكلام صحيح باااااااااااااجر انا عندهم :bigok:

انا رحت عندهم .. ورحت عند اراميكس aramex
صحيح انهم يجيبونها لك .. بس احسب
إذا كان الدولار = 300 فلس
راح يحسبونه عليك 350 فلس "تقريبا "
وعليك الحسبه

لكن نصيحه لك .. طلع فيزا انترنت من الوطني .. لأنه يعطيكياها رصيدها صفر وانت تعبيها << عكس بيت التمويل لازم تحط فيها 50 دينار علشان تستلمها ><" !

المهم
عقب ما تطلع فيزا انترنت روح عن اراميكس وافتح صندوق بريد بإنجلترا و نيويورك مدى الحياة بـ 10 دنانير و 750 فلس ..
اشتر اي شي من الانترنت وكأنك بلندن او امريكا .. !
وأول ما توصل بضاعتك صندوقك راح يدزونها لك لي الكويت على طول " حسب الجدول اللي حاطينه " ..
والسعر .. يحسبون عليك أول نص كيلو 2.500 د.ك .. و بعدين كل نص كيلو 1.750د.ك ..

" هذي الخدمه مو موجوده عند DHL "
بس عند اراميكس و فيديكس << ما عندي فكره عن فيديكس

[FARES360]

حتى أنا أبي سونيك T__T !

:p
:09: ههه انت حسب علمي بتشتري الwii .. وجهاز wii بينزل في 18 نوفمبر... مو متأكد اي يوم بالظبط بس مقارب
المهم سونيك بتكون متواجده على الwii مع صدور الجهاز

اما على ال360 بينزل في 14 نوفمبر .... مالك صبر تنتظر 6 أيام زياده للين ما تنزل على الwii وتشتريها :D وتلعب

http://media.teamxbox.com/games/ss/1310/1155909019.jpg

[cantona222]

الدنيا معكوسه:
مشكور اخوي عالمعلومات الحلوة عن Aramix ........ راح تفيدني :D

xXpainfulltrapXx:
لعبة Sonic اللي عالـWii غير عن اللي عالـ360 و الـPS3
ًWii = Sonic and the Secret Rings (http://wii.ign.com/objects/800/800277.html)
PS3 + X360 = Sonic the Hedgehog (http://ps3.ign.com/objects/770/770960.html)

المصدر:
http://search.ign.com/products?query=sonic&genNav=true&channelID=58&so=exact&ns=true&sort=date

[Snake-87]

عكس بيت التمويل لازم تحط فيها 50 دينار علشان تستلمها ><" !

التمويل تطلع البطاقة ب5 دنانير
وال50 ليمت وتقدر تزيده مو شرط يكون 50 دينار ^^"

[barca-ps3]

التمويل تطلع البطاقة ب5 دنانير
وال50 ليمت وتقدر تزيده مو شرط يكون 50 دينار ^^"

آنا سائلهم .. يعني ما تستلم فيزا انترنت إلا لازم يكون فيها رصيد 50 دينار .. < شلي بعوار الراس

انا اليوم استلمت فيزا انترنت من الوطني .. بدون رسوم ولا شي ..( أول سنه مجاناً وبعدين كل سنه 5 دنانير) ..
وما خذها فاضيه فيها 0 دينار << تذكر المزعج ابو الرصيد بالإيزي .. لول

[Snake-87]

آنا سائلهم .. يعني ما تستلم فيزا انترنت إلا لازم يكون فيها رصيد 50 دينار .. < شلي بعوار الراس
اخاف اهم غلط ... لأنه رفيجي توه مسوي ويقول مو 50 دينار اللمت 50 دينار مو شرط يكون فيه 50 دينار ^^" يعني تقدر تحط فيه أكثر شي 50 وفيه نوعيات ثانية حسب كلام صاحبي
روح تأكد ^^"



انا اليوم استلمت فيزا انترنت من الوطني .. بدون رسوم ولا شي ..( أول سنه مجاناً وبعدين كل سنه 5 دنانير) ..
وما خذها فاضيه فيها 0 دينار << تذكر المزعج ابو الرصيد بالإيزي .. لول

الوطني.... ربــــــــوي XD
ماااااايجووووووووز XD

[ABATCHy]

يا شباب الي راح يشترون جهاز ps3 لمن ينزل الكويت هل راح تشترون الجهاز الي هاردسكه
20 GB او 60 GB وهل سعر 350 دينار زين للجهاز ( 60 GB) وهل سعر 300 دينار زين للجهاز (20 GB) لأني اعرف واحد راح يبيع بهالاسعار وبحجز من عنده شرايكم !!!

[barca-ps3]

اخاف اهم غلط ... لأنه رفيجي توه مسوي ويقول مو 50 دينار اللمت 50 دينار مو شرط يكون فيه 50 دينار ^^" يعني تقدر تحط فيه أكثر شي 50 وفيه نوعيات ثانية حسب كلام صاحبي
روح تأكد ^^"

معقوله اللمت 50 !
شنو الفايده ؟

اللي عندي " الوطني " اللمت مفتوح !


الوطني.... ربــــــــوي XD
ماااااايجووووووووز XD

انا اتكلم عن الفيزا .. ماتكلمت عن القروض

لا تطلعنا بعيد عن الموضوع

[Snake-87]

ت هل راح تشترون الجهاز الي هاردسكه
20 GB او 60 GB
اتوقع اغلب الناس 60 وانا واحد منهم ^^


وهل سعر 350 دينار زين للجهاز ( 60 GB)
السعر الرسمي 180 ^^"
يعني لو نفترض اليدة الإضافية ب20 وشريط ب20 يصير 220 إذا فلوسك زايدة اشتره XD
والسعر مال 20 جيجا الرسمي ب150 يعني يفرق 30 دينار
والي يبي يبيعه يبي يزيده 50 دينار XD

[fatal framer]

اخواني انا ماني متاكد يعني لا تضحكون علي

بس اول كله اسال عن سعر البلاي ستيشن3 يقولون 350 او 400 دينار كويتي

مرة سالت محل قالوا ان الشركة لغوا الفكرة وبيخلون اول جهاز يطلع بحدود 180 دينار(60 جيجا)

بس بيزيد السعر اذا زادت الطلبية عليه

وقالي انه ينصحني اول ماينزل اكيد في عيوب يعني شهرين او ثلاث والجهاز خالي من العيوب ان شاءالله

بقت مسالة الكوبي الله اعلم اذا كان راح تنزل اشرطة كوبي للبلاي ستيشن 3

[Angel Of Night]

.
.
.
.
.
أما جيم سنتر فسألته سؤالين
السؤال الأول قبل تحديد سعر السوني 3
(من زمااااااااان ساأله)
رد علي شعبان بضحكة :
شوف حبيبي السعر الأصلي جم ؟ إذا عرفته ضربه بـ 2 :p
:35:


والله إنه رجال على الأقل صدق معاك وقالك أضربه في أثنين :D وصراحة الشخص هذا أتمنى ألقى أحد زيه بالرياض كان كونت صداقه معاه
عندنا في السعودية السرقة عيني عينك وأسمع الشلخ يقول طالبينه من نفس سوني وهم محددين الأسعار وحنا مانكسب فيه أكثر من 500 ريال
على مييييييييييين شايفني تيس قدامك

[SFS]

اليوم رحت الرحاب صار لي فترة ما رحت له..

وكلمت الهندي محيي الي بجيم سنتر عبط عن سعر البلايستيشن 3 تعرفون جم قالي..؟؟

550 دينار حق النسخة ام 20 غيغا تصوروا..

ويقولي الفرق 50 دينار حق نسخة ام 60 غيغا يعني 600 دينار كويتي..

يعني يساوي 2000 دولار أمريكي..

بهالفلوس آخذ جهازين لابتوب من أحدث نوع الي فيهم معالجين duo ..

وطبعا قالي بعد 3 اسابيع توصل الاجهزة..

[سنسال]

اليوم رحت الرحاب صار لي فترة ما رحت له..

وكلمت الهندي محيي الي بجيم سنتر عبط عن سعر البلايستيشن 3 تعرفون جم قالي..؟؟

550 دينار حق النسخة ام 20 غيغا تصوروا..

ويقولي الفرق 50 دينار حق نسخة ام 60 غيغا يعني 600 دينار كويتي..

يعني يساوي 2000 دولار أمريكي..

بهالفلوس آخذ جهازين لابتوب من أحدث نوع الي فيهم معالجين duo ..

وطبعا قالي بعد 3 اسابيع توصل الاجهزة..

اخي الرحاب والمحلات اللى بالكويت كلها تجذب علينا شافونا مقصات :28:

[sweet Mio]

يا ربي شنو هذا وين ما اروح اشوف السعر يزيد T_T
بس 1000 دينار وايد والله وايد شنو هذا
انا بعد رحت مجمع الرحاب وقال لي انها رح تكون وايد غاليه لان عليها طلب مو طبيعي
><"
مالنا غير ننتظر شوي عشان ينزل سعرها
لو يكون ب 600 وكي موافقين المهم اشتريها لان حدي متحمسه

يلا مالنا غير الصبر وننتظر مع الوقت رح ينزل سعرها >> تهدي على نفسها :blackeye:

[barca-ps3]

ياجماعه
نصيحه ..

افتكوا من العصابات اللي مسيطره على السوق..

اشتروها من النت ارخ واريح .. وأضمن !

[Snake-87]

مالنا غير ننتظر شوي عشان ينزل سعرها
لو يكون ب 600 وكي موافقين المهم اشتريها لان حدي متحمسه
لوووووول 1000 ؟؟
لا بالمحلات 500 عند جيم سنتر و600 عند جيم ستيشن
جيم ستيشن :
60 جيجا + شريطين ويدتين
والحجز متوافر حاليا

وكلمت محل جنة الرحاب إلي تحت (يقووووووووووووووول) انه اليوم توصل (نصاب حده لأنه بتنزل برة 17-11) فهل رئيس الشركة ولد عمه مثلا XD ?
وسعره 600



اشتروها من النت ارخ واريح .. وأضمن !
إطلبها لي .. وأنا مستعد أدفع
لأنه ماكو حتى بالنت
والنت عصابات أكثر من الرحاب حاليا XD
حتى سوني مسوية تحذيرات ^^

[linux]

جيم ستيشن في الرحاب حاط اعلان احجز نسختك من البلاي ستيشن 3 ((نصاب)) دشيت سئلته قال لي 500 دينار مع لعبتين اطلبها من النت ارخص لي

[ABATCHy]

اتحدى الشباب الي يتفلسفون اشترها من النت ارخص اذا قدرو يشترونها من النت اساسا لأنها اول ما تنزل ماراح تنزل بكمية كبيرة على النت مو مثل الكمية الي راح تكون موجودة في المحلات الامريكية وغير هذا بيكون فرق التوقيت من صالحهم انا اتوقع اصلا انها اول ما تنزل راح تخلص من اول يوم وراح تشوفون عدد النسخ شوية واكبر مثال محلات بيست باي اول ما نزلت البري اوردر خلص بنفس اليوم في زمن قياسي عدد الفواتير للبري اوردو وتقدرون تشوفون بعض الي اخذو الفواتير حاطينها في موقع اي باي ويبيعونها بأسعار خيالية وفي صفحة موقع امازون لاحظ عدد المتواجدين فيها تلاحظ التعليقات كل ثانية يعني الي راح يشترون موجودين على مدار الساعة ما اعتقد بتحصلون نسخة وحده وهذا كلامي والايام ياية وتثبت كلامي وبتشوفون ولا لكم شغل بمحلات الرحاب خلوهم يولون النصابين ونطرو ان شاء الله لي شهر 3 تنزل النسخة الاوروبية وذيك الساعه راح تنزل سوني نسخ امريكية ثانية ان شاء الله

[Snake-87]

^
^
كلامك صح ^^
بس ماكو نسخ اوربية
كلها موحدة ^^

[-Gunners-]

مثل ما يكون عندنا صعب
أيضا راح يرتفع السعر عندهم هناك ><"


كلامك صحيح

انا اخوي بأمريكا حاليا وبعد سبوعين برد

أمس كان عند محل BestBuy & Wallmart سألهم عن الجهاز قالو الجمعه بكون موجود بس

بسعر 1500$ تقريبا لأن الكميه محدوده والتحكم بالسعر ولاننسى كرسمس ورأس السنه عندهم

يعني صج شي يسد النفس وفوق هذا كله اذا قدر يحصله جهاز !! :( بس بحاول

يعني اللي نقدر نفهمه انه الجهاز للتجربه باليابان و امريكا حاليا حتى شهر 3 من 2007 وبعدها

بنستمتع فيه طبعا صاحب الحظ اهو اللي بيستمتع فيه حاله

ومشكور على موضوعك

[Elmatador_76]

جيم ستيشن في الرحاب حاط اعلان احجز نسختك من البلاي ستيشن 3 ((نصاب)) دشيت سئلته قال لي 500 دينار مع لعبتين اطلبها من النت ارخص لي

منو يقول ان بالنت ارخص انا شايفها بموقع ايباي ebay على 1200 $ وفوق هذا طبعا مزاد مو سعر الشراء وغير الشحن والتأمين يكلف بعد انا اشوف ان سعرها مناسب اذا ب500 دينار مع يدتين وشريطين هذا للي يبي يشتريها اول ماتنزل وسلامتكم..............................................

[joker_zambrotta]

انطر شهر احسن لي عشان تكون الدفعه اعتقد اللي راح تكون ب 2 مليون جهاز
وبهذا يكون الجهاز انتشر تقريبا ورخص سعره

[ahmed316]

اغبى شي انك تشتريه إلحين لإنه سعره هيكون غالي و هيكون للزينه فقط لإن مافي العاب تستاهل, يعني مش مشكله الفلوس, بس إن يكون غالي و ماقي العاب, طب على إيششششششش؟ و بعدين ديما الأجهزه بنسختها الأولى فيها نسبه كبيره إن تعطل بسرعه نفس ماحصل في xbox360

[نجم الالعاب]

الحييين وقت القراصنة انهم يخترقون البلاي 3 ويدبرون لنا الكوبي:D

[sleem]

اسعار الجهاز في الكويت الاصدار الياباني

الجهاز خالي يعني بدون العاب 450 دك للعشرين جيجا

550 للستين جيجا

والسلام

[Snake-87]

^
^
^
اهب ...
الفرق الحقيقي 30 دينار
وعيال اللذينة خلوه 100 @@

شباب ترى حيرتوني مو ماكو إلا فيرجن واحد بس ؟
ماكو لاياباني ولا أوروبي ؟

[Jhon 911]

السلام عليكم ..بصراحة لو تنتظرون شوي وايد احسن لان السعر الحين مو معقول ..بعدين اذا اشتريتوها الحين راح تندمون لان السعر بعد مدة قصيرة راح ينزل واي واحد راح يشتريها:o

[Thug Life]

شررررررررررررررررررررررررريت الجهااااااااااااااااااااااااااااااااااز ..

شباااااااااااااب ..

لا احد يقص عليكم ولا شي ..

الجهاز سعره 1250 دولار .. ..

وانا شاريه من تويز أر أص " أمريكا "

ويمكن يوصلنيي

بعد 3 ايام إلى شهر .. الله يستر خخخ ..

ومواصفتها . :





CPU: Cell Processor
PowerPC-base Core @3.8GHz
1 VMX vector unit per core
512KB L2 cache
7 x SPE @3.2GHz
7 x 128b 128 SIMD GPRs
7 x 256KB SRAM for SPE
* 1 of 8 SPEs reserved for redundancy total floating point performance: 218 GFLOPSGPU: RSX @550MHz
1.8 TFLOPS floating point performance
Full HD (up to 1080p) x 2 channels
Multi-way programmable parallel floating point shader pipelinesSound: Dolby 5.1ch, DTS, LPCM, etc. (Cell-base processing) Memory:
256MB XDR Main RAM @3.8GHz
256MB GDDR3 VRAM @800MHzSystem Bandwidth:
Main RAM: 60.25GB/s
VRAM: 60.25GB/s
RSX: 20GB/s (write) + 20GB/s (read)
SB: 2.5GB/s (write) + 4GB/s (read)System Floating Point Performance: 2 TFLOPS Storage:
HDD
Detachable 2.5” HDD slot x 1I/O:
USB: Front x 4, Rear x 2 (USB2.0)
Memory Stick: standard/Duo, PRO x 1
SD: standard/mini x 1
CompactFlash: (Type I, II) x 1Communication: Ethernet (10BASE-T, 100BASE-TX, 1000BASE-T) x3 (input x 1 + output x 2) Wi-Fi: IEEE 802.11 b/g Bluetooth: Bluetooth 2.0 (EDR) Controller:
Bluetooth (up to 7)
USB2.0 (wired)
Wi-Fi (PSP®)
Network (over IP)AV Output:
Screen size: 480i, 480p, 720p, 1080i, 1080p
HDMI: HDMI out x 2
Analog: AV MULTI OUT x 1
Digital audio: DIGITAL OUT (OPTICAL) x 1CD Disc media (read only):
PlayStation CD-ROM
PlayStation 2 CD-ROM
CD-DA (ROM), CD-R, CD-RW
SACD Hybrid (CD layer), SACD HD
DualDisc (audio side), DualDisc (DVD side)DVD Disc media (read only):
PlayStation 2 DVD-ROM
PLAYSTATION 3 DVD-ROM
DVD-Video: DVD-ROM, DVD-R, DVD-RW, DVD+R, DVD+RWBlu-ray Disc media (read only):
PLAYSTATION 3 BD-ROM
BD-Video: BD-ROM, BD-R, BD-RE


ومعها ألعاب ..:


Resistance: Fall of Man - Sony
NBA 07 - Sony
NBA 2K7 - 2K Sports
NHL 2K7 - 2K Sports
Madden NFL 07 - Electronic Arts
Genji: Days of the Blade - Sony
Blazing Angels Squadrons of WWII - Ubisoft
Call of Duty 3 - Activision
EA Sports Fight Night Round 3 - Electronic Arts
F.E.A.R. - Vivendi Universal Games
Full Auto2: Battlelines - Sega
MARVEL:ULTIMATE ALLIANCE - Activision
Mobile Suit Gundam: CROSSFIRE - NAMCO BANDAI Games
RIDGE RACER 7 - NAMCO BANDAI Games
Tiger Woods PGA Tour 07 - Electronic Arts
Tony Hawk’s Project 8 - Activision
Untold Legends Dark Kingdom - Sony Online Entertainment
انشالله توصلني قريب :)

+ شريت لها Cover لونه أصفر وكفر ثاني لونه أحمر بـ 30 دولار .. (http://www.dansdecals.com/images/decals/PS3/Gallery/PS3-RedChrome.jpg)

واتمنى اشوف تعليقاتكم :) على النصب في الكويت والسعوديه وووو ..

THuG life

[Snake-87]

^
^
^
ألف ألف ألف ألف مبروك
أول واحد يشتريها من المنتدى على ما أعتقد ^^
(حط بتوقيعك جذي XD)
بس السعر مرتفع ايضا ><"
انا عندي بس حرام ادفع هذا كله
ماكسيمام 250 كويتي ^^"
وهالله هالله بالتصوير والفيديو للمنتدى XD


ووالالعاب
Resistance: Fall of Man
و كول أوف ديوتي الي يستاهلون ^^"

[Thug Life]

^
^
^
ألف ألف ألف ألف مبروك
أول واحد يشتريها من المنتدى على ما أعتقد ^^
(حط بتوقيعك جذي XD)
بس السعر مرتفع ايضا ><"
انا عندي بس حرام ادفع هذا كله
ماكسيمام 250 كويتي ^^"
وهالله هالله بالتصوير والفيديو للمنتدى XD


ووالالعاب
Resistance: Fall of Man
و كول أوف ديوتي الي يستاهلون ^^"



أدعي بس انها توصل .. ^@^

انا خايف ياخذ الـ 3000 ويهرب خخخخخ

ThuG Life

[Snake-87]

^
^
لا لا تخاف .. تويز آر آص تهتم بمشاعر أطفالها XD

[NGC]

^
^
^
اهب ...
الفرق الحقيقي 30 دينار
وعيال اللذينة خلوه 100 @@

شباب ترى حيرتوني مو ماكو إلا فيرجن واحد بس ؟
ماكو لاياباني ولا أوروبي ؟

الجهاز الياباني على حسب ما سمعته من المنتديات الأجنبية إنه الأكاونت مالك ياباني وما تقدر تغيره ولما تدش الأون لاين القوائم كلها ياباني بياباني مثل قائمة الفريند وسوق البلاي ستيشن :09: ( ما أدري شنو اسمه بالضبط) فاحسن لك انطر لما ينزل الجهاز الأمريكي ..

انا ان شاء الله راح اشتريه شهر 6 إذا فيه ألعاب حلوة :D

[نجم الالعاب]

مبروووووك اللي اشترا الجهاز وننتظر تعليقاتك عن البلاي3

[Wednesday 13]

مالك الا حل واحد روح الصين ابلاش هناك

بس هذي حلو - انا أصلا ماراح اييب الجهاز أول ما يتزل لأنه سعره بالنت 1000 دينار (ما أدري دزها علي وإلا صج:ponder:)
ههههههههههههههه

[سنسال]

يشباب اليوم رحت لصاحب المحل ولقيت الجهاز ب 450 دينار مع يدة تحكم وشريط

وسئلته عن الشريط كم قالي 25 دينار والنوع ياباني وغيغا 60

[amoooorah]

انزلت الامريكيه اب 700 دينار

[Snake-87]

انزلت الامريكيه اب 700 دينار

لووووووووووووووووووووووووووووووووووووووووووووووووووووول
حشى شاري سيارة ؟
الواحد إذا يبي يشتريها لازم ياخذ قرض من البنك XD

[Wednesday 13]

ههههههههه اي والله اشتري سياره احسن

[thaer89]

مالك الا حل واحد روح الصين ابلاش هناك

بس هذي حلو - انا أصلا ماراح اييب الجهاز أول ما يتزل لأنه سعره بالنت 1000 دينار (ما أدري دزها علي وإلا صج:ponder:)
ههههههههههههههه
مثلي انا راح اشتريها بصين بتكون بسخرها اصلي
وكمان مو هسا كمان 6 شهر بتكون كمان سوني نزلت سعرها ممكن يصير 60 جيجا 450 دولار وهيك بشتريه بدل ما اشري ابو 20

[Tamaki_q8]

700 kd

welk shno hatha xD

i buy new with this price after 6 month ps3 and wii on this money --;

:D

[M911]

سلام عليكم

شباب انارحت لمحل في جدة قالي ب 6500

ولاعاب طوكيو يقول 8000

انا بطلت في الالعاب خير شر

[Persona]

سلام عليكم

شباب انارحت لمحل في جدة قالي ب 6500

ولاعاب طوكيو يقول 8000

انا بطلت في الالعاب خير شر
O_o
انتظر الى شهر 6 احسن لي ولكم ^^
واخذ 6- جيجا تقريبا بـ 200 دينار وهذه غير عن العروض الي راح تنزل ^^
مثلا الي اليحين ياخذ بي اس 2 يكون معاه جهازين وميموري مع كم لعبة
على عكس او مانزلت ^^
وهذه غير ان الالعاب كشخة لحد الان مانزلت ( ما في الا لعبة رايس اوف فال )
وطبعا ىننسى كوبي
فحتى لو خذتوها اش راح تسون فيه ؟_؟
تعلقونها في البيت ؟_؟
( نفس ما سويت مع بي اس بي على اول ايامه ^_^ )
فصبر مفتاح الفرج
سلام

[goldenglow]

اصبرو يا جماعة لسه الجهاز ما نزل رسمي في الشرق الاوسط ولا في اوروبا واذا ما قدرت تصبر مثل عشاق سوني فالسعر مو مهم يعني من المستحيل ان التاجر راح يبعك بنفس السعر مثل بره لان في عندهم ضرائب ورسوم جمارك يعني ولا واحد يقدر يصدق الرسوم.
فاقول اصبرو حتى موعد صدور الجهاز في الشرق المتاخر

[fozan]

سعر الجهاز في الكويت بتاريخ 24-11-2006

350 د.ك

20جيجا + 1 شريط من اختيارك + 1 جوي ستيك

[نجم الالعاب]

أفكر أشتري الاكس بوكس 360 وأأجل البلاي ستيشن 3 الى ما بعد 6 شهور :أفكر:

[Snake-87]

أفكر أشتري الاكس بوكس 360 وأأجل البلاي ستيشن 3 الى ما بعد 6 شهور :أفكر:
اشتر الاكس مستعمل .. قزر فيه 3 اشهر واشتر السوني 3 ^^