المساعد الشخصي الرقمي

مشاهدة النسخة كاملة : الجهاز و القطع ممكن مساعده من خبراك تركيب الاجهزه


alma7rom
27-10-2006, 03:20 AM
السلام عليكم

السموحه على الازعاج بس عندي كم سؤال عن تركيب الاجهزه

وصلتني القطع ولله الحمد
وركبت القطع من رام وبروسسر ومروحة البروسسر ووو .... الخ
بس اللي توهقت معاه ان السلك من الباور سبلاي للمذربورد له 20 فتحه ( pin )
والمذر بورد فيه الفتحه لـ 24 وش اسوي ؟؟ لقيت سلك في موقع امازون يحول من
20 الى 24 هل تتوقعون بينفع ولا لأ ؟؟؟
والسؤال الثاني
لما اركب المذربورد في الكيس يكون في عازل مع البراغي ؟ ( الواشر )
لان اللي اشوفه ان المذربورد موصل دايركت بالكيس لان البراغي توصل كهربا !!
والسؤال الثالث
هذا صح تعقدت معاه عندي في الكيس يو اس بي و فتحة مايك وسماعه ووو... فوق الكيس
وطالع منه اسلاك داخل الكيس بس ما عرفت وين اوصلهم :ponder:

اسلاك الرستارت والبور وصلتهم بس الباقي ما عرفت لهم


وااااااسف على الازعاج اعرف اني ذليتكم على جهازي بس وش اسوي ابي استفيد
dungeon
27-10-2006, 06:40 PM
السلام عليكم
اخي الكريم ولمواخذة انت ماذكرت لنا موديل ال mobo وال psu
بس مدام انك مركب قطعه وسيطة .. وين المشكله ؟

بالنسبة لمسألة الكهرباء : اسمحلي اعطيك طريقتي
فيه لوح اسفنجي يجي عادة مع كل مذربورد حاول تلصقة خلف المذربورد وثم تضعه على الصندوق
واذا مالقيته .. عليك بحق المكيفات تراه ممتاز
وبكذا تكون استبعدت حدوث مشكلة كهربائية بأذن الله

وأخيرا الرستارت والباور واليو اس بي والشغلات الثانية وباقي التوصيلات
بس راجع الmanaul او الكتيب الى معاه وتعرف وين مكانها إن شاءلله

اخوك
amajed
27-10-2006, 10:09 PM
كلام الاخ dungeon سليم في الي قاله

لكن فيه كم تعليق

اولا بخصوص السلك الـ 20 بن
عادي ركبه على المذربورد وراح يكون فيه 4 فتحات فاضيه !
ماعندك اي مشكلة بالوضعية هذي وكل شيئ راح يمشي سليم :)

ثانيا بالنسبة للكهرب بصراحه انا مااضن ان في السالفة اي مشكله
فيه براغي نحاسية يكون طولها 1سم وضيفتها تفصل البورد عن الكيس
مااشوف في الموضوع اي مشكله
ومااضن ان وضيفة الاسفنج الي يكون في الكرتون هو لوضعها خل البورد في الكيس
لو كان كذا كان تشوف فتحات براغي منتظمه على الاسفنج ! لكن هي موجوده لحماية اللحام الموجود على المذربورد اثناء التنقل
فمثل ماقلت لك ! فيه براغي تفصل البورد عن الكيس ويكون طولها 1 سم ! تبعد البورد عن الكيس بمسافة 0.5 سم تقريبا .. هذي هي المفروض تركبها

السؤال الثالث ماازيد على كلام اخونا dungeon :)
alma7rom
29-10-2006, 12:19 AM
مشكورين شباب وما قصرتوا
سويت كل شي السلك وصلته عادي
والمذربورد طلعت مركبه صح على حسب كلام اخوي امجد
ما كنت متفيج احط الاسفنج :)
وباقي الاسلاك اوكي
والحين بانتضار كرت الشاشه لين يوصل

مشكورين مره ثانيه وااااسف على الازعاج
Dark Master 12
29-10-2006, 10:07 AM
ماشاء الله الأخوان كفوا ووفوا
وعلى فكرة قطعة الأسفنج تزيد الحراره صدق أو لاتصدق والأفضل استخدام المسامير النحاسية وبتلاحظ في فتحات المسامير ( الفتحه الواحده فيها 6 قطع صغيره ) تعمل على تفريغ الكهرباء.