?Have you pre-ordered your Wii

[The Fridge]

بالضبط!

السؤال بكل بساطه، من منكم قام بحجز الوي الخاص به من محل الالعاب؟

أول شي صباحكم حليب ^^

أشوف كثير من الشباب هنا متحمسين حق الوي وجالسين يعدوا الايام والليالي إلين ما ينزل الجهاز الامريكي عشان يطلبوه. بالطبع في بالهم ان المسأله بسيطه وأن راس مال الحكايه انك تجيب كريديت كارد وبعدها المسأله ما تصير الا مسأله وقت وانتظار للجهاز الين ما يوصل البيت. فيه كثير منكم للأسف مايعرفون ان المواقع الامريكيه راح يكون الضغط عليها شديد من قبل جميع انحاء العالم وجميعها بلا استثناء. راح تبيع اجهزتها وينفذ مخزونها قبل حتى لا يجي يوم اللنش.

بس مين فيكم اتخذ التدابير اللازمه وبدأ رحلته للحصول على الوي؟

سأحكيلكم ماحصل معي ولكن ليس الان..

أريد ان اسمع قصصكم اولا :biggthump

[THE-LEGEND]

تعجبين افكارك اخوي سولديد اما عني انا ماحجزته ولا شي

عندنا المحلات بالسعوديه ماتنباع كل الأجهزة لأن الجهاز وبصراحه او نينتيندو بكبرها

مايعشقونها السعوديين مثل البلاي3 لهذا ان شاءالله الجهاز بيصير متوفر عندنا عما قريب بإذن الله

وشكرا اخوي^^

[Snake-87]

انا انطره يوصل عند محل عندنا
إذا كان سعره اوكي خذيته
إذا كان يفرق وايد عن السعر الرسمي خذيته من النت ^^

[ahmadkb]

انا انطره يوصل عند محل عندنا
إذا كان سعره اوكي خذيته
إذا كان يفرق وايد عن السعر الرسمي خذيته من النت ^^

سيم سيم :D

آخر مره سألت عنه قالي بيكون سعره حوالي 1500 درهم في المحل الذي أتعامل معاه "السعر تقديري"

المهم إذا كان بيقلل السعر إلى 1100 "مع حسب فايدة المحل" سأشتريه.

وقلت له إذا كان سعرك 1500 مابشتريه منك وبطلبه من النت ولو إنتظرت الدفعه الثانيه. <== تهديد :D

[Efreetex]

أشوف كثير من الشباب هنا متحمسين حق الوي وجالسين يعدوا الايام والليالي إلين ما ينزل الجهاز الامريكي
انا واحد منهم :biggthump و هاذا الي صار لي

سألت المحل الي اتعامل معاه و قال تقريباً 1200 درهم .. لكن اول مره سألته نص شهر 10

قالي بي 1200 تقريباً لكن يوم سألته متى بتيبها من تاريخ الاصدار .. قالي ولله اول شهر 12 ... ويهي صار :wow: ._.

من يومين رحت له و قالت له طيب ماتقدر تجيبها 20 او 21 لكن تغلي الاسعار شوي ؟

قالي لا .. لايهمك :D راح توصل قبل 25 لاني شفت كثير طالبينها من عندي ... و السعر نفسه 1200 او 1300 :biggthump

صرت اعد الايام عد ! و اليوم لصقت على باب الكبت جدول هالشهر و حاط دائره على تاريخ 20 و كاتب تحته "Wii" و اليوم اول ماقمت من النوم شخطيت على تاريخ 1 :D مابقى شي !

طولت عليكم بالقصه P:

سلام :silly:

[PeaceDevil]

لا انا ما برياردته (&)

لكن سألت إحدى المحلات الموثوقة عندنا و قلت له متى بتجيبها قال بعد شهر هذا من اسبوع و زيادة و قلت له بكم قال لا تتوقعها أقل من 1200 ريال (-.-) اني واي بكره بروح المحل و بسأله و بشوف [:
إدعولي بالتوفيق و اعدو اني الاقيه بـ1100 ريال أو أقل
:D

[Dio-Sama]

Hi,efreetex
is the shop you've stated in Abu Dhabi?!!!!! i have been told that the price would be between 1500-1800 Dh.
even if the price didnt go down what shall we do, those people know well that we are weak against these kinds of temptation :( . even i could last a day or two after the wii's release, i will end up buying it :) "this is zelda we are talking about here"

[MeLeE]

الويي + زيلدا بيكلفني 1100 درهم + الشحن حوالي لو قلنا اني مستعجل واريده في وقت قريب بيكون الاجمالي 1200 درهم .... كم وزن الوي ؟؟؟ لاني بدفع على الكيلو 50 درهم ...

واتحدى تلقون الوي بسعر اقل من 1200 درهم + زيلدا اب اقل من 250 درهم

[KSA_BOY]

لكن سألت إحدى المحلات الموثوقة عندنا و قلت له متى بتجيبها قال بعد شهر هذا من اسبوع و زيادة و قلت له بكم قال لا تتوقعها أقل من 1200 ريال (-.-) اني واي بكره بروح المحل و بسأله و بشوف [:
إدعولي بالتوفيق و اعدو اني الاقيه بـ1100 ريال أو أقل

( مع بطاقة الزبون ولا بدونها ؟ (&) )
1200 بالنسبة لي تقريبا سعر طيب أنا خذت الكيوب أول مرة بهالسعر أو قريب منه !
أنا نفسي أخذه من النت , بس عوار رأس .. (&)
ننتظر قصتك سوليداد :D !

[KSA_BOY]

لكن سألت إحدى المحلات الموثوقة عندنا و قلت له متى بتجيبها قال بعد شهر هذا من اسبوع و زيادة و قلت له بكم قال لا تتوقعها أقل من 1200 ريال (-.-) اني واي بكره بروح المحل و بسأله و بشوف [:
إدعولي بالتوفيق و اعدو اني الاقيه بـ1100 ريال أو أقل

( مع بطاقة الزبون ولا بدونها ؟ (&) )
1200 بالنسبة لي تقريبا سعر طيب أنا خذت الكيوب أول مرة بهالسعر أو قريب منه !
أنا نفسي أخذه من النت , بس عوار رأس .. (&)
ننتظر قصتك سوليداد :D !

[cantona222]

انا بأمريكا و حاولت اسوي Pre-Order بمحل Best Buy و ما قدرت.
انا ناوي اشتريها......... و مستعجل.
شكلي بصف دور بالمحل من الفجر عشان احصلها..... حالي حال غيري :D

[K O T S H Y]

شباب لا تحسبون الطلب من النت سهل بل صعب
اولا الماستر كارد حقتنا ما تنقبل بكل المواقع فأغلب المواقع تطلب ماستر من داخل امريكا
وغير ان الضغط على المواقع بشكل رهيب
لدرجة انهم نزلوا عرض للوي بموقع walmart وخلص على طول
وكمان كان بسعر 533$ لأنه كان عرض الجهاز مع 4 شرائط مع 5000 نقطة
انا عن نفسي مجهز بطاقتي ومستني موقع امازون يعطينا الضوؤ الاخضر
بس ادعولي يا شباب اني احصل بالموقع قبل ما يخلص لانهم لحد الآن ما نزلوه وكمان لما ينزلوا الطلب
ينزلوه بسرية ويخلص على طول

[THE_MATRIX]

انا مجهز 2000 درهم للـ Wii
والله يستر ^^ ..

[(falco)]

للاسف مااقدر اطلب من النت لان ماعندي بطاقة لكن قبل اسبوعين او ثلاثة كلمت محلين غالبا اروح عندهم عشان اعرف السعر وكنت متوقع راح يكون سعره 2000 لكن المصيبة ان واحد قالي يتوقع سعره بيكون 2500 او اكثر والثاني قالي بيكون 3000 بصراحة مااقدر اخذه بهالسعر على العموم لو سعره في عيد الاضحى كان معقول(1500 مثلا) راح اشتريه ان شاء الله في العيد ومعاه زيلدا وممكن شي ثاني لكن لو سعره تم غالي الله اعلم متى راح اشتريه مكن اتاخر وايد على الصيف مثلا ومشكور اخوي ومبروك لكل اللي طلبوه

[THE_MATRIX]

الصراحة لو 3000 حرام الواحد ياخذة والله ..
انا خذيت الـ XBOX 360 بـ 2000 درهم بعد شهر تقريباً من فترة صدورة ..
و رح اسوي نفس الطريقة إلي طبقتها على الـ Wii
عندنا محل يجيب لك الأشياء من الني و بسعر رخيص و يقولك انتظر 3 ايام على بال ما توصل الطلبية ^^ ..
مثلاًُ الـ X 360 كان بـ 4000 تقريباً انا خذيتها بـ 2000 و الحمد لله
وان شاء الله تضبط مع الـ Wii

[Efreetex]

Hi,efreetex
is the shop you've stated in Abu Dhabi?!!!!! i have been told that the price would be between 1500-1800 Dh.
even if the price didnt go down what shall we do, those people know well that we are weak against these kinds of temptation :( . even i could last a day or two after the wii's release, i will end up buying it :) "this is zelda we are talking about here"
No the shop is in Ajman :)
and 1200 without any game or anything
and even if its 1800 ... still it worth it :D
16
days
14
hours
8
minutes
Untill Wii Lunch

[THE_MATRIX]

No the shop is in Ajman :)
and 1200 without any game or anything
and even if its 1800 ... still it worth it :D
16
days
14
hours
8
minutes
Untill Wii Lunch

شو السالفة ...؟؟!!
الـ Wii بـ 1200 في عجمان ..؟

انا سألت كم محل في ابوظبي قالي ما نقدر نقيم السعر حالياً !!

[K O T S H Y]

شباب والله الجهاز كان قدامي اقدر اشتريه بموقع بس استغليت سعره وبعدها راح قعد افكر وشيكت بعد 20 دقيقة لقيته خلص
كان معروض ب673 $ بس مع 9 شرايط عرض حلو للي يحب كل الالعاب الي معاه من ضمنهم كان زيلدا و رد ستيل
بس البقية بيكون عندي بعضهم بالأجهزة الباقية عشان كذا ما رضيت آخذه
كمان المواقع انتهازيو يبيعوا الجهاز بعرض من مخهم

[Efreetex]

شو السالفة ...؟؟!!

الـ Wii بـ 1200 في عجمان ..؟


انا سألت كم محل في ابوظبي قالي ما نقدر نقيم السعر حالياً !!

يوم سألت صاحب المحل قالي تقريباً 1200 او 1300 ...

ماعطاني السعر النهائي /= لكن قال تقريباً في حدود هالسعر.

16
days
9
hours
36
minutes
Untill Wii Launch !

[The Fridge]

مساءكم قشطه!

السالفة ومافيها يا اخوان اني اعتبر نفسي متابع وملم بكل المجريات في عالم الوي، مادري ليش بس هذا الجهاز انا متحمس له بشكل مو طبيعي. أذكر ايام ما كان بينزل الاكس بوكس 360، كنت اول شخص يلعبه في المنتدى (على ما اعتقد) وفتحت موضوع عن انطباعاتي عنه وكل شي. أذكر ان الجميع في منتديات الاكس بوكس كانوا منتظرين على نار نزول الجهاز وهو والحق يقال عجبني كثير ولكن بيني وبينكم ماكنت متحمس حقه مع انه كان اولى اجهزة الجيل الجديد وكل شئ بس سبحان الله، مادش مزاجي.

وكوني من الناس المولعة بالجرافكس والتأثيرات البصريه كنت اظن ان الوي ماله امل ياخذ ولو جزء بسيط من وقتي وتفكيري ولكن، كم كنت مخطئا!

المهم، ماعلينا من الكلام هذا كله ونرجع لموضوعنا. كنت اقول اني متابع لآخر مستجدات الوي وكنت انتظر بفارغ الصبر يفتح عندنا الpre-orders او حجوزات الجهاز هنا بأوروبا عشان اضمن لنفسي ولأخواني جهاز مع زحمة العطلة وأعياد الكرسماس ورأس السنة (لا تنسوا انه بينزل في ديسمبر) فأول ما المحلات بدأت تستقبل الحجوزات رحت بعد الدوام لمحل Gamestation وهو أحد اكبر سلسلة محلات العاب هنا.
سألتهم عن حجم الطلب على الوي، قالوا الحجوزات تتوالى كالمطر..

استغربت، كنت اظن ان بداية الجهاز ستكون بطيئه نوعا ما، خصوصا وانه سيتزامن موعد صدوره مع موعد اصدار البلاي ستايشن 3.

المهم، سألت الرجال، كم عددالطلبات اللي وصلتكم الى الان؟ (ابي اعرف رقم كم حكون في الليست وكم واحد قبلي).

رد علي بأن الطلبات (المدفوعه) وصلت حتى الان ل 60 (ستون!) طلبا!

انا بصراحه صُعقت. ما توقعته ابدا كذا..

سبت المحل ورحت فرع ثاني لجيم ستايشن.. نفس السلسله.
!45

هنا بيني وبينكم اسقط في يدي. مادريت ايش بسوي لأني كنت مخطط اخليها مفاجأه حق اخواني لأنهم ابدا ابدا مو متوقعينها.

دارت بي الارض ولكني كنت اعلم جيدا انه ماعندي غير حل واحد....

To be continued...

[Efreetex]

دارت بي الارض ولكني كنت اعلم جيدا انه ماعندي غير حل واحد....
To be continued...

لازم تخلينا على اعصابنا >< ..

يالله ننتظر تكملة القصه P:

[Dio-Sama]

How unfortunate! 60 pre order!?:blackeye:





What is it "the only way" your going to use?;)





I have a question, do sites guarantee that the package you’ve order is working 100% and if there was any damage in the games resulted from the poor delivering well there be a customer service that could solve the problem.





Finally, I don’t know if anyone knows this, but a safer way of ordering is ordering easily by ARAMIX with their new service shop and ship where they send your order to ARAMIX PO.BOX in USA then you go to any ARAMIX Branch in your city and receive your order " of course , after paying the charges of the weight"

[cantona222]

انا سمعت وايد عن ARAMIX و الكل يمدح بالشركة.
خاصة اللي مكثرين شراء عن طريق الانترنت :D