المساعد الشخصي الرقمي

مشاهدة النسخة كاملة : عندك هدف ولا لأ ؟


shjoonal3in
02-11-2006, 07:54 PM
السلام عليكم ورحمة الله وبركاته

الموضوع كبير نوعاً ما و متشعب بس أنا عندي كذا فكرة اللي أبغي أعرضهم هنا....

أولاً : عندك هدف ولا لأ؟
تتصورون انسان عايش في الدنيا ماله هدف؟!! بغض النظر عن الهدف نفسه ... من ناحية اجتماعية دينية وغيره
في ناس عايشة مالها هدف بالعربي (سبهلله)....:ponder:

هالفكرة جتني بعد ما كلمت وحدة أعرفها....
البنت هذي عاشت في بيئة تقدرون تقولون مثل حياة (قبل) يوم البنات كانوا يدرسون لسن معينة رابع وخامس واخوانهم يمنعونهم عقب....نفس الشي هذي البنت يعني البنت جاهلة مش متعلمة...
فكرت أحاول إني أعلمها أشياء معينة مثل الكمبيوتر... كيف تستخدمه...البنت ماااشي معطيتني بولباس يعني مطنشتني ما تبغي تتعلم هالشي! :blackeye:

قلت شكلي مصختها و صعّبتها عالبنت.... قلت اشوف شي يسهل تتقبله.... قلت لها اش رايك نحط لنا جدول نحفظ سورة مع بعض؟... رفضت...
حاولت معاها و رجعت رفضت قلت يمكن اذا شافتني احفظ وأسمّع بتغار... بس البنت ماااشي أصلاً رفضت تكلمني عن الموضوع حتى !:31:

قلت بسألها عن شي تحبه..علشان نتكلم مع بعض فيه...<<< محاولات مستميته
قلتلها وش تحبين؟ قالت ولاشي !
قلت طيب مافي شي تستمتعين وانتي تسوينه؟ قالت أبد ولاشي
قلت: طيب الطبخ تستمتعين فيه؟ <<< بحكم انه الشي الوحيد اللي اشوفها تعرف له
قالت : اش تبين... عورتي راسي بالأسألة روحي زين><"
بالعربي طنشتني بعد....:31:

قلت يمكن بيئتها شوي تراثية وأنا مسوية فيها متطورة... قلت خليني أسألها عن القصايد ....القبايل ...هالسوالف يعني
قلت لها بالله تعرفين وش أصل قبيلتنا :D
قالت لأ .... قلت طيب ما جا في بالك تعرفين أجدادك وين كانوا وين راحوا ؟
قالت راحوا قعدوا...ماتوا عاشوا... ما تفرق معاي ... '><
كأنها تقولي (هو كيرز)... :31:
أنا يومها غسلت ايدي منها...
والصراحة مليت...في نفس الوقت ودي يصير لهالإنسانه هدف ... انا اعرف انها في يوم بتحس باللي فاتها....و احس انها بتخسر وبتندم كثير ...
ما أتخيل انسان يصحى الصبح ما عنده هدف ! :boggled:
تحس حياتك ووقتك وعمرك يخلص وانت ما سويت شي!
أصلاً لو مافي هدف وش اللي يخليني أصحى الصبح<<< الرفس والزعيق الله يخليج خخخخ:D

ثاني فكرة في بالي ... هي الشخص اللي له هدف يختلف عن هدفك وتفكيرك ....
كيف تتعامل معه؟ :ponder:

قبل فترة أكلم وحدة متزوجة أعرفها... عن البنات اللي يهتمون بدراستهم عندنا... وكيف توصل معاهم انهم ما ينامون الليل وهم يفكرون في الدراسة و التخصص وغيره !
ببساطة ردت وقالت: فاااااضيين:boggled:
أنا بصراحة انصدمت من ردها... قلت يعني اللي يهتم بدراسته فاضي؟
قالت ايوااا ما عندهم عيال ما عندهم مسؤولية!
((بالله لو انتوا مكاني شو بتحسون؟)) :31:
قلت لها طيب لما أشوفج تهتمين بشنط الأطفال وأغراضهم وطول الوقت بس تفكرين أي مقاس بشتري واي شكل اشتري...
أو تهتمين بالمكياج ... و لما تسأليني أي (أي شدو) أحلى....
يحق لي أقول لج انتي فااااضية؟ بس لأني ما أهتم لهذا الشي !

يا ناس كل واحد له اهتمامات في حياته و هوايات معينه.... ليش ما نحترم تفكير الاخرين؟

أنا جربت وصاحبت شلة بنات يحبون الانمي...أنا بصراحة ما أهتم للأنمي...
بس كنت اذا قعدت معاهم يسولفون عن الانمي خشيت معاهم عالخط واشوفه معاهم بعد ما أقول لأ ... مو اني اتعمق كثير بس عالأقل ما أسفّه تفكيرهم !

نفس الشي هم كانوا يقرون اللي اكتبه خواطر وشعر... ويقولون لي رايهم ويشجعوني!
باختصااار كنا نحترم هوايات بعض ...:biggthump

يعني مثلاً لأني ما أحب البلاي ستيشن يصير لي أحقية إني اروح اقول للي يحبها انته فاااضي وما لك داعي؟!:D

ترى في المنتدى بالذات كثير تظهر هذي المشكلة...

:ponder:

يعني إذا ناقشت شخص عن موضوع اجتماعي مثلاً وانت حاط في توقيعك رسوم وانمي...وتكون عضو متميز في النيتندو والألعاب ...
بيقول لك انت روح كل ايس كريم والعب اتاري احسن لك ...الأطفال ما يشاركون هنا...!<<< نص المشاكل في المنتدى كذا ...
انعدام الاحترام وأنواع التسفيه....:أفكر:

عالأقل أنا أشوف هالشخص اللي عنده هدف حتى لو في نظري شي مش مهم أحسن من الشخص اللي ماله هدف....
هذا حط لنفسه هدف انه يتقن شي معين أو يفهم في شي معين ونجح !
أما الثاني يا غاااافلين لكم الله....

انتوا اشرايكم بالموضوع ...؟?؟?؟
و السموحة طولنا عليكم ...:)
TiTaN
03-11-2006, 09:57 AM
السلام عليكم ورحمة الله وبركاته



و عليكم السلام و الرحمة :)



أولاً : عندك هدف ولا لأ؟


طبعا و الحمدلله عندي هدف :)



فكرت أحاول إني أعلمها أشياء معينة مثل الكمبيوتر... كيف تستخدمه...البنت ماااشي معطيتني بولباس يعني مطنشتني ما تبغي تتعلم هالشي! :blackeye:


مسكينة ...



قلت بسألها عن شي تحبه..علشان نتكلم مع بعض فيه...<<< محاولات مستميته
قلتلها وش تحبين؟ قالت ولاشي !
قلت طيب مافي شي تستمتعين وانتي تسوينه؟ قالت أبد ولاشي
قلت: طيب الطبخ تستمتعين فيه؟ <<< بحكم انه الشي الوحيد اللي اشوفها تعرف له
قالت : اش تبين... عورتي راسي بالأسألة روحي زين><"
بالعربي طنشتني بعد....:31:


هدي النوعية من الناس ، مسكينة
عايشة عشان الإنتحار حرام
مالها هدف
مالها رؤية ، إنك يكون لك هدف ، هو كل شي في الحياة
صدقيني البنت دي تعيسة
و كلامك خلاها تفتكر تعاستها ، و إن ما عندها شي تحبه ..
عشان كدا حاولت تسكتك
حاولي معاها ، خليها تشوف هو إيش فاتها ...:أفكر:



ما أتخيل انسان يصحى الصبح ما عنده هدف ! :boggled:
تحس حياتك ووقتك وعمرك يخلص وانت ما سويت شي!
أصلاً لو مافي هدف وش اللي يخليني أصحى الصبح<<< الرفس والزعيق الله يخليج خخخخ:D


صح والله ، لو مافي هدف ، ليش اصحى الصباح ؟ ليش افكر إني أعيش أصلا؟ :أفكر:




قبل فترة أكلم وحدة متزوجة أعرفها... عن البنات اللي يهتمون بدراستهم عندنا... وكيف توصل معاهم انهم ما ينامون الليل وهم يفكرون في الدراسة و التخصص وغيره !
ببساطة ردت وقالت: فاااااضيين:boggled:
أنا بصراحة انصدمت من ردها... قلت يعني اللي يهتم بدراسته فاضي؟
قالت ايوااا ما عندهم عيال ما عندهم مسؤولية!
((بالله لو انتوا مكاني شو بتحسون؟)) :31:


نعم نعم نعم؟! << ترى التكرار للتوكيد :09: << تأثير المذاكرة :blackeye:
فاضين ؟ واحد يشوف مستقبله و فاضي ؟!
هدا بصراحة تفكير غريب ....
يعني عشان ما عندي أطفال سار مالي مسؤلية ؟ :31:
طيب أنا عندي اخوات أنتبه عليهم
عندي أب و أم عندي مسؤلية تجاههم


يا ناس كل واحد له اهتمامات في حياته و هوايات معينه.... ليش ما نحترم تفكير الاخرين؟

صح والله ..:أفكر:




بس كنت اذا قعدت معاهم يسولفون عن الانمي خشيت معاهم عالخط واشوفه معاهم بعد ما أقول لأ ... مو اني اتعمق كثير بس عالأقل ما أسفّه تفكيرهم !


تسفيه الأفكار ، من أكبر التخلفات إللي عندنا ..:31:



باختصااار كنا نحترم هوايات بعض ...:biggthump


حلو !


يعني مثلاً لأني ما أحب البلاي ستيشن يصير لي أحقية إني اروح اقول للي يحبها انته فاااضي وما لك داعي؟!:D

لو تعرفي إنك فتحتي الجرح :31:





يعني إذا ناقشت شخص عن موضوع اجتماعي مثلاً وانت حاط في توقيعك رسوم وانمي...وتكون عضو متميز في النيتندو والألعاب ...
بيقول لك انت روح كل ايس كريم والعب اتاري احسن لك ...الأطفال ما يشاركون هنا...!<<< نص المشاكل في المنتدى كذا ...
انعدام الاحترام وأنواع التسفيه....:أفكر:


يا شيخة والله إن كلامك درر
الشي دا حصل قدامي ..
في مرة كنت في السياسي بأتناقش مع واحد عن حسب مني فاكر عن التشدد و العصبية
دخل معايا واحد له نفس رأيي حاطط في الصورة الشخصية ثورة كونان
و بصراحة أشهدله بوسع علمه و قوة حجته
الأخ إللي كان ضدي ما عرف إيش يرد قام كتب :
"روح أتفرج على سبيس تون أحسن لك"
تفاهة:31:



انتوا اشرايكم بالموضوع ...؟?؟?؟
و السموحة طولنا عليكم ...:)


رأيي و حطيته
أنا معاك في كل كلمة :biggthump
و الموضوع متميز والله
حلزونه
03-11-2006, 06:53 PM
وعليكم السلام والرحمه ^^
كيف الحال والتحوال ..^^..

بصراحه انت كددددددددددا :biggthump
دايم اتجنب قراءت المواضيع الطويله :09:
بس موضوعك عجيييب واسلوبك ممتع في الكتابه يسعدك ربي ويسعد ايامك :D
انا الحمدلله عندي اهداف مو هدف :bigeyes:
بالنسبه للنوعيات اللي شفتيهم وحاولتي تندمجي معاهم والاشياء اللي حصلت ^^
والله صادقه فعلا دايم نهمش على بعض ونستسخف افكار واهتمامت البعض
بدون اي اهتمام لمشاعرهم او حتى مجرد التفكير بمدى تأثير كلامنا عليهم :28:
الف الشكر لك حبيبتي على موضوعك العجييييب
وان شاء الله يستفيدون منه الاعضاء مثلي ^.^
يسعدك ربي ويسعد ايامك وموفقه ان شاء الله :أفكر:

جااناا ^^
TRY NO RACE
06-11-2006, 12:23 PM
هههههه يا إنك فاضية :D <<< تراني أمزح

وعليكم السلام ورحمة الله وبركاته



الفكرة قدرتي توصلينها بوضوح بس المشكلة الأولى هي اللي علّقت عليها . لأن عصفور باليد* خير من عشرة على الشجرة.


باختصار شديد لازم تتعاملين معاها مثل ما تتعاملين مع الطفل، يعني تنزلين مستواك لمستواه.
وبما إن الإنسانة هذي ليست صغيرة بالسن فأكيد راح تغار وتحس بالحقد والكره لأي فتاة تمتلك أشياء ما تمتلكها هي. ولو دققتي بكلامك أنتي بروحك وضحتي إن الإنسانة هذي تفتقد لأبسط أساسيات المعرفة ولذلك إحساسها بالظلم ينعكس على نفسها لأن غالبية المجتمع متعلم وهي لأ. فما تقدر تحقد على الكل وتفكر بفلانة وفلانة وفلانة ليش عندها وأنا لأ !!؟... تختار الحل السهل! وهو الإنطواء والعزلة بالإضافة لما ذّكر سابقا
بالحلقة الأخيرة من مسلسلي المكسيكي البنت المسكينة بيتبلّد إحساسها بالحياة ويصير الموت والحياة عندها واحد !!


* بيدك أنتي التغيير والله يجزاك خير على مساعدتها



أدري إن تعليقي على الموضوع غير كامل فالعذر.
shjoonal3in
06-11-2006, 02:43 PM
تيتان :boggled:
ردك عقدني ><'
ثلاث مرات أرد ويعلق الاكسبلورر ويقفل T_T
عسى بس الحين ما يعلق ... ترى اذا علق والله...<<< أقوول على شحم :D خخخ

بالنسبة للبنت حاولت فيها الين قلت بس...
لاحظت انها تهتم بالتلفزيون بشكل مش طبيعي خاصة برامج الأطفال<<< اربع وعشرين ساعة قدامه
فحاولت اجذبها للبرامج المفيدة... أناشيد ...أي حاجة عالأقل تخص الكبار...
أبي أبعدها عن قنوات الأطفال... بس طبعاً بعد ما خلصت الاجازة ما قدرت استمر لأني ما اتابع بصراحة... غير كذا كل محاولاتي فااااشلة><'

أنا كنت أظن أن اي انسان عنده غيره بالنسبة للعلم...
اذا انا انسانه ما توفرت لي فرصة التحاق بالدراسة ...
جيت لمكان كل من فيه متعلم..
اكيد راح يجي في بالي اصير مثلهم متعلمة...
بالإضافة انه فيه واحد مستعد يعلمني وفي ناس مستعدة تساعدني بأي طريقة وتعرض علي المساعدة بعد...
فوق هذا أرفض!:31:

بالنسبة للفئة الثانية هذولا مغرورين ... وأنا اعتبرهم محدودين الفكر !
تعال شوفهم... مش شرط يكونون متفوقين اكثر منك....
بس شطارتهم في انه يبينون انه اهتماماتهم هي احسن حاجة وغير كذا تفاهة!

ملاحظة:
لاحظ اني ما اقتبست حاجة من ردك لأن كل ما اقتبس ينفجر اللغم :D <<< مأثر عليها نقاش الاقتباسات اللي هناك خخخخ
شكراً على ردك الملغم(وين زورو عنه؟ :D )... الله يرحم أياااامه :D خخخ

حياك الله تيتان^^
shjoonal3in
06-11-2006, 02:57 PM
وعليكم السلام والرحمه ^^



كيف الحال والتحوال ..^^..


هلا والله فيييتو :biggthump علووووومج :D




بصراحه انت كددددددددددا :biggthump
دايم اتجنب قراءت المواضيع الطويله :09:
بس موضوعك عجيييب واسلوبك ممتع في الكتابه يسعدك ربي ويسعد ايامك :D


تسلمين والله^^
ترى حتى أنا ما أحب المواضيع الطويلة :D << احلفي بس




بالنسبه للنوعيات اللي شفتيهم وحاولتي تندمجي معاهم والاشياء اللي حصلت ^^
والله صادقه فعلا دايم نهمش على بعض ونستسخف افكار واهتمامت البعض
بدون اي اهتمام لمشاعرهم او حتى مجرد التفكير بمدى تأثير كلامنا عليهم :28:


صح كلامج :biggthump


يمكن لحظتها ما نحس...


تبين الصراحة...<<<بعترف:D


أنا تعلمت هذا الشي بعد كثير من الأخطاء والتجارب...


عندي صديقة ودها تدرس صحافة...كنت كل ما أجي أكلمها
أقولها صحااااافة عااااد :31:
بالله وش تبين تصيرين؟؟
صحفيه :boggled: !


بعدين تعلمت ان في اشياء مش مهمة بنظري بس تهم ناس ثانية...
وفي أشياء تهمني وما تهمهم...
وبالنسبة لي ما ودي اذا تكلموا عنها يتكلمون بطريقة استتفاهية ! <<< بالله اخر كلمة ماهي رهيبة ... احس اني ابدعت فيها :D خخخ
فلازم نراعي اللي حولنا مثل ما ودنا يراعونا ...




الف الشكر لك حبيبتي على موضوعك العجييييب
وان شاء الله يستفيدون منه الاعضاء مثلي ^.^
يسعدك ربي ويسعد ايامك وموفقه ان شاء الله :أفكر:



جااناا ^^



حيا الله شعب الترفيهي بكبره... منورين والله :09:
مشكورة حبيبتي عالرد<<<شكل قلب احمر خاش عليه سهم بالعرض
ويقطر دم :D خخخ
تسلمين^^
shjoonal3in
06-11-2006, 03:15 PM
هههههه يا إنك فاضية :D <<< تراني أمزح





أفا :D خخخ




الفكرة قدرتي توصلينها بوضوح بس المشكلة الأولى هي اللي علّقت عليها . لأن عصفور باليد* خير من عشرة على الشجرة.



* بيدك أنتي التغيير والله يجزاك خير على مساعدتها

تراااي ... حركات الكتب ذي ما تصلح هنا :D

يعني قصدك المشكلة الأولى ممكن تتغير... بس الثانية لأ !


لا والله ...اللي قدامي اعطيه في الوجه... هم كذا مغرورين...
بس لازم يعرفون ترى مثل ما لهم اهتمامات ما ودهم احد يستهزئ فيها لازم يحترمون اهتمامات غيرهم...
لأن الحاجة هذي تقهر...
خاصة لما اللي قدامك من النوع اللي متعصب لرأيه...
مثل الأخت اللي عندنا ...مصرة انه احنا فاااضين عشان ما عندنا زوج وعيال!
هذا ما هو سبب...!
مثل ما بيتها هو اهتمامها انا عندي دراسة وحاجات اهتم فيها !
مثل ما قال تيتان التسفيه أكبر تخلف موجود عندنا !



باختصار شديد لازم تتعاملين معاها مثل ما تتعاملين مع الطفل، يعني تنزلين مستواك لمستواه.
وبما إن الإنسانة هذي ليست صغيرة بالسن فأكيد راح تغار وتحس بالحقد والكره لأي فتاة تمتلك أشياء ما تمتلكها هي. ولو دققتي بكلامك أنتي بروحك وضحتي إن الإنسانة هذي تفتقد لأبسط أساسيات المعرفة ولذلك إحساسها بالظلم ينعكس على نفسها لأن غالبية المجتمع متعلم وهي لأ. فما تقدر تحقد على الكل وتفكر بفلانة وفلانة وفلانة ليش عندها وأنا لأ !!؟... تختار الحل السهل! وهو الإنطواء والعزلة بالإضافة لما ذّكر سابقا

استنتاجك واضح ومنطقي جداً .... والله شي يزعل!:31:
لو فاتني سنين من العمر ما تعلمت فيها مو معنى
ذلك اني خلاص انطوي وما اتعلم....
بالله كيف أفهمها هالشي !



بالحلقة الأخيرة من مسلسلي المكسيكي البنت المسكينة بيتبلّد إحساسها بالحياة ويصير الموت والحياة عندها واحد !!

مثل ما يقولون...
knowledge is a power
البنت اذا كانت جاهلة مصيبة!.... زوجها يستهين فيها...ويعايرها...
عيالها بكره يستهينون فيها....ويعايرونها...

عشان كذا أنا متأكدة انه يوم بيكبرون عيالها بتندم !
لأنه كان بإيدها تغير واللي فاتها الحين مش كثير...
اذا تلاحقت نفسها راح توصل...




أدري إن تعليقي على الموضوع غير كامل فالعذر.

مسموح أفا عليك^^
حياك الله وتسلم عالإضااافة ...^^
LO BO
06-11-2006, 10:01 PM
الحمد لله

أغلب الناس اللي أعرفهم عايشين بأهداف رآئعه
واحد عايش ليصبح شيخ ( ما شاء الله عليه حفظ القرآن كاملا وهو بالمتوسطة )
هذا نموذج مبسط للأشخاص الذين حققوا أهدافهم بعمر مبكر
الله يجمعنا و إياهم بالجنه
آمين
BuTtErFlY lOvE
07-11-2006, 01:43 AM
ماشاء الله عليك..:o
إزا حطيتي فكره في راسك..تسرديها ..ماشاء الله..
إييه صادقه والله..
لا واللي يقهر إنها اشياء انتي تحبينها..وتهمك أنتي..
صح راح يكون ردهم ..لولا إختلاف الاذواق لبارت السرعه..
لكن وووين الاخلاق والحياء..!!
انا كزا مريت مع بنت..متزوجه المشكله..
وبتقوول إنها مابتعرف تطبخ..حاولت اعلمها كزا طبخه سهله..
وحلوه من كتاب عند مامتشي :D ..
تصدقي رفضت تتعلم..تقول والله إنك فاضيه..
اجيب شغاله ارحم لي!!..
وليه تيب..
بس موزوعك ماشاء الله مرتب..
وصدقيني..لو الحياء ذره منه بس ترجع في قلوب كل الناس..
كان خفت المشاكل والجرائم..والتعصبات..بشكل كبيير.. :أفكر:
والحمد الله إللى الان ماصادفت إنسان بلا هدف..
وحلو تدعم اهداف غيرك والاشياء إللى يحبوها..
عشان بعدين تجد من يدعمك >>مو يصدمك بالسياره خخخخخخخخخخ..
مو تقول محد يحبني :09: ..
اوكي طولت بالرد..وهو نص كلامه غير مفهووم ^^"..
وتسلمي حبوبه على الموووزووع..
بااي ^^"
shjoonal3in
07-11-2006, 09:20 AM
الحمد لله


أغلب الناس اللي أعرفهم عايشين بأهداف رآئعه
واحد عايش ليصبح شيخ ( ما شاء الله عليه حفظ القرآن كاملا وهو بالمتوسطة )
هذا نموذج مبسط للأشخاص الذين حققوا أهدافهم بعمر مبكر
الله يجمعنا و إياهم بالجنه

آمين

آآآآمين....
ما شاء الله عليه ... حتى يوم يكون عندك أصدقاء من هالنوع...
ترتقي أهدافك ويرتقي تفكيرك^^
الله يوفقه إن شاء الله... ويفرح أهله فيه... ويوفقنا نصير مثله^^
مشكور أخوي على هالإضافة الرائعة :)
حياك الله^^